منتديات شباب فلسطين - مُـمـيـز .. هديّتي لكم // الطموح يصنع المعجزات ..

http://rooosana.ps/Down.php?d=MafP

السلام عليكم ورحمة الله وبركاته

هذا الموضوع في بدايتي في شباب فلسطين أقدمه هديّة القدوم

http://files.shabab.ps/vb/images_cas...173158yZkh.gif

.

الفرق بين الأغبياء والأذكياء : أن الأغبياء يملكون حلماً ، والأذكياء يملكون هدفاً

" إرفنج واشنطون "

http://files.shabab.ps/vb/images_cas...173158TcCz.jpg

Steven Paul Jobs

ستيفين باول جوبز

المؤسس والمدير التنفيذي لشركة أبل

في معلومة مهمّة مش الكل بيعرفها هيّي إنو ستيفين باول جوبز هو سوري الأصل

يعني عربي http://files.shabab.ps/vb/images_cas...173158FmYK.gif

يعني أبل ماكنتوش هيّ فكرة عربية من مخ عربي من تعب وجهد عربي

>>> علّقت ، مًـــ صدقت :ShababSmile237:

للأسف عندي كمان معلومة ما حبيتها بتقول إنو جوبز تبنّته عائلة أمريكية ، والآن يحمل الجنسيّة الأمريكية وديانته بوذي :ShababSmile225:

تخرّج ستيفين من الثانوي ، والتحق للجامعة .. بس يا خسارة ما كمّل حاله حال كتار من شُبّانّا المفكّرين واللي بيطلع منهم طتير شغلات ، لكن ع أول مطبّ في طريقهم العلمي بيوقّفو http://files.shabab.ps/vb/images_cas...173159a3bs.gif

لكن جوبز كان عندو شي مهتمّ فيه وبيحبّه ، وأخذ يطوّر فيه بمهاراته بهالمجال وهوّي مجال التكنولوجيا والإلكترونيات

فقدّم ورقة بأفكاره في مجال الإلكتروينات لشركة " أتاري " الاولى في صناعة ألعاب الفيديو ، وتمكّن هالزلمة من الحصول على وظيفة كمصمم ألعاب بشركة أتاري http://files.shabab.ps/vb/images_cas...173159ab7s.gif

http://files.shabab.ps/vb/images_cas...173200kcud.bmp

ومرّت الأيام والتقى ستيف بـــ وزنياك ، وقرّروا الاتنن سوا اقتحام عالم التكنولوجيا

وأطلقوا شركة أبل .. كان عمر ستيف آنذاك 21 سنة وصديقه وزنياك أكبر منه بـــ 4 سنوات

يعني تعالو نفكّر شوي يا جماعة بين الناس اللي عندها طموح وهدف وبين شُبّانّا وشابّاتنا اليوم اللي بنفس عمر ستيف ووزنياك؟؟ شو حقّقو؟

في مقولة بتقول الطموح لا يحدّه عمر ولا يعرف اليأس ، بتمنى ما نستهين بقدراتنا حتى لو انخلقنا بظروف مساجين
http://files.shabab.ps/vb/images_cas...173205BxO4.gif

نكمل القصة

تمكّن الصديقان من تصميم أول كمبيوتر شخصي أطلقوا عليه إسم " أبل1 "

وتمكّنوا من تكوين ثورة معقولة من بيع 600 جهاز كمبيوتر

http://files.shabab.ps/vb/images_cas...173206CqhI.bmp

هادا أول إشي أصدروه :ShababSmile237:

قال كان أحدث إشي عندهم زمان :ShababSmile226:

يقال إنو الجهاز عمره 30 سنة أو أكثر

" تفاحة ستيف ! "

http://files.shabab.ps/vb/images_cas...173208LDqX.bmp

شعار شركة أبل

أتوقع إنو هالشعار منسوب لقانون الجاذبية تبع نيوتن

ولإنو هالتقنية " تقنية الحاسب " كانت جديدة أول ما انطلقت شركة أبل ، فكانت مرغوبة من العالم ولا يمتلكها إلا أصحاب الثروات والنفوذ والمناصب العليا في المجتمع .. فكان هالإسم

>> هاد تحليلي والله أعلم :ShababSmile250:

قريت بمكان ما إنو القضمة اللي ع الشعار هي رمز لقضمة أبويا آدم وحواء من الشجرة المحرّمة http://files.shabab.ps/vb/images_cas...173210QZ1M.gif

بعد الجهاز الكركعة اللي فوق :ShababSmile226:

قرّر ستيف وزنياك تطوير الإشي هداك ويعملو شي أحدث وأحلى ويكون أسهل ف الإستخدام

ومن هنا جاء " أبل2 " وشهد انطلاقة قوية جداً في عالم الكمبيوتر ، وباعوا من خلاله مئات الأجهزة

http://files.shabab.ps/vb/images_cas...173211ELbF.bmp

هادا على أيامهم كان أحدث أحدث إشي :ShababSmile221:

http://files.shabab.ps/vb/images_cas...173214f4Ez.bmp

صورة تانية لمنتج " أبل2 "

بالله ما بيشبه تلفزيون أبيض وأسود أو الميكرويف؟ :ShababSmile237:

من بعد هالنجاح أصيب زونياك بإصابة بليغة أوقفته عن إكمال حلم الصداقة

فقرّر إنه يتفرّغ لحياته ومشاريعه وتدريس الكمبيوتر بمكتبة كاليفورنيا http://files.shabab.ps/vb/images_cas...1732173cea.gif

استمرّ ستيف جوبز بتطوير جهاز أبل ، ثم أطلق " أبل3 "

لكنه ما نجح فيه بسبب العيوب التقنية

http://files.shabab.ps/vb/images_cas...1732189L1E.bmp

هادا هوّي " أبل3 "

مش عارفة ليش حاسّة إنو رقبتو طويلة غير عن الأجيال السابقة http://files.shabab.ps/vb/images_cas...173221vMHS.gif

لكل تكنولوجيا منافسيها ، بهديك الفترة ظهرت " شركة IBM "

وأنتجت أول كمبيوتر شخصي .. فكانت منافس قوي لشركة جوبز

لذلك قام جوبز بشنّ حملة قوية بعالم التكنولوجيا وأصدر جهاز " ليزا "

http://files.shabab.ps/vb/images_cas...173221e65u.bmp

شوفو محلاه :ShababSmile226:

مقارنة مع الأجهزة السابقة حاسة هادا الجهاز أنثوي :ShababSmile229:

بس يا خسارة .. برضو فشل

وسبب هالخسارة كان ارتفاع سعره .. يعني يا جماعة يلي عندكو محلات كهربائية والكترونيات خفّضو السعر شوي عشان تبيعو >> خذوا العبرة من مجرب :ShababSmile108:

لكن جوبز ما وقّف طموحه على هالنقطة ، وضلّ من تطوّر لتطوّر حتى أطلق أحلى إختراع بالدنيا حبيب قلبي وروحي وعيني .. أمل المستقبل ، وزينة الحياة الدنيا ، هواءي العليل وغذاء الروح وكل أنواع الغزل العذري http://files.shabab.ps/vb/images_cas...173225rlBp.gif

أطلق " ماكنتوش "

أكيد ما يحتاج أشرحلكم مدى النجاح اللي حققه هالجهاز

أطلق جوبز هالجهاز من هان وهلّت عليه الثروة من هان

ولكن بعد هالنجاح مش عارفة شو خبطه على دماغه وقرر الانسحاب من شركة أبل ، فباع نصيبه من الشركة وأسّس شركة " نكست ستيب "

وأنتج جهاز " نيكست " ، وعلى الرغم من تقنيته العالية إلا إنو برضو خسر بسبب ارتفاع سعره >> ردّوا عليّ وخفّضو الأسعار يا جماعة :ShababSmile250:

http://files.shabab.ps/vb/images_cas...1732265NiP.bmp

بعد هالخطوة قرر ستيف العودة إلى شركة أبل اللي بعد ما تركها خسرت خسارة شنيعة

وبعد ما رجعلها ، شافت شركة أبل النجاحات اللي حققتها شركة نيكست اقتصادياً وعلى صعيد التكنولوجيا ، وقررت شرائها وضمّها لشركة أبل

وتم تعيين ستيف جوبز كمدير تنفيذي للشركة http://files.shabab.ps/vb/images_cas...173159ab7s.gif

وبعد أن أطلق جوبز جهاز "Imac" عادت مرة أخرى شركة أبل لساحة المنافسة وحققت مبيعات كبيرة جداً

وفي يناير من العام 2000 تم تعيين جوبز مديراً تنفيذياً دائماً لشركة أبل http://files.shabab.ps/vb/images_cas...173231PG3V.gif

http://files.shabab.ps/vb/images_cas...173231IsF9.bmp

بعد هالنجاحات قرّر ستيف دخول عالم الكرتون ، واشترى استديو للرسوم المتحركة من زلمة إسمو جورج لوكاس ،

الشيء الذكيّ جداً إنه دمج فكرة الرسوم المتحركة مع الكمبيوترات الحديثة وحقّق نجاح كبير

وصار ملياردير ، وله حصة كبيرة في شركة والت ديزني :ShababSmile240:

" ابتكارات ستيفين جوبز "

كل التقنيات الحديثة اللي بين ايدينا واللي بنحلم فيها ، وكل يوم طالعنا جهاز جديد هيّ من اختراعات هالرجل السوري العربي :ShababSmile226:

رح أستغل الفرصة وأسألكم: هل أنتم مع أو ضد هذه التقنيات؟ أقصد الآيبود والآيفون والأيباد وأخيراً البلاك بيري؟ .. رح نحكي شوي عن كل واحد فيهم ، بس بستنى بالإجابة ع سؤالي

" Ipod "

http://files.shabab.ps/vb/images_cas...173233v8oy.bmp

بتذكر أول ما نزل قعدت أزن ع أهلي إلا بدي واحد

ولما جابوه صار يتطوّر شوي شوي .. وملّيت من القديم اللي عندي وهيّو مرمي مش عارفة وينو ، وصرت أتفرج ع الأيبود المحدّث بالنت وأحلم فيه

http://files.shabab.ps/vb/images_cas...173234omm6.gif

" Iphone "

http://files.shabab.ps/vb/images_cas...173235bNOp.bmp

هالجهاز كمبيوتر مصغّر بين إيديك ، يصنّف بعالم التكنولوجيا على إنه جهاز ذكي

لو كان مشبوك فيه نت يا سلااااام بتبطّل محتاج لجهاز كمبيوتر ولا لاب توب ولا ما يحزنون

إلا إني بفضّل اللاب توب دايماً مش عارفة ليش

http://files.shabab.ps/vb/images_cas...173238VoWI.bmp

هاد " Iphone5 "

كل ما بشوفو ما بتتصوّرو كم آآآهـ بتطلع مني http://files.shabab.ps/vb/images_cas...173241udX7.gif

بحبو بحبو بحبو ، شو هالرقة والنعومة والكسم النحيل

شو هالطلّة وشو هالخلفية وشو هالتصوير يا سيدي آآآى يا ليل >> بدي أحوّل مطربة :ShababSmile250:

http://files.shabab.ps/vb/images_cas...1732416tCn.jpg

وهادا الإشي غني عن التعريف الــ " Ipad "

مصرّة عليه مش حرتاح غير لما أجيبه :ShababSmile111:

مع إني بسأل حالي شو بيفرق عن اللاب توب إلا إنه هالإشي كتير روعة

يعني بتبطّل لما تصحى من النوم تضطّر تعدل حالك عن السرير لتفتح لاب توبك

بتصير وإنت مغمض عيونك تمسكو من جمبك وتشتغل عليه تسمع فيروز ، تسمع أخبار ، تقرا كتب ، تعمل اللي بدّكياه :ShababSmile237:

بكفّي شكلو وحجمو وخفة دمو بتفتح نفسك للي بدك تعمله :ShababSmile240:

في شي لفت إنتباهي

ما لاحظتو إنو ستيفين جوبز مع إنه ملياردير وغني وصاحب ثروة وشهرة إلا إنه بكل صوره لا يظهر إلا ببنطلون جينز وقميص أسود؟

بصراحة معطي لنفسه طلّة مميزة وستايل خاص

هالشي كتير حلو ملفت للإنتباه ، لفت نظري برضو إعلامي لبناني أرمني إسمه نيشان يمكن بتعرفوه ، ماخد نفس الخطّ وببرنامجه أبشر ظهر بكل حلقاته ببدلة سودا مع قميص وكرافا سووود برضو

ومرة قريت إنو في عالم بس نسيت مين بالزبط ، عنده بخزانته 6 قطع من نفس الشي ونفس اللون عشان كل ما يصحى الصبح ما ياخد وقت كبير باختيار ملابسه

يعني يا جماعة شوفو العلماء والناس الناجحة كيف بفكّرو وإحنا كيف بنفكّر .. إحنا كل يوم بالوق وكل يوم لبس وكل فترة لازم كوافير ونيو لوك وما بعرف شو .. طب اهتمّينا بجواهرنا زي ما بنهتم بظاهرنا؟؟ بنهتم بتطوير ثقافتنا؟ وبنعزّز قدراتنا وبنهتم بمهاراتنا؟؟

http://files.shabab.ps/vb/images_cas...173242p5Ne.gif

المساحة الآن مفتوحة لكم

انتهى موضوعي وهو مجهود شخصي مستند لبعض المراجع

عن ستيف جوبز وبعض التقنيات اللي سبق وذكرتها

أتمنى هالمجهود ينال استحسانكم

http://files.shabab.ps/vb/images_cas...173243R1YE.gif

.. ريتّـــا ..