|
ان كنت ابن فتح او حماس فانت تافه !!
نعم ، ان كنت ابنا لحركة فتح ، فانت تافه ، وان كنت ابنا لحركة حماس فانت تافه ايضا ، وان كنت ابن الجبهة الشعبية او ايا من التنظيمات الفلسطينية فانت تافه ... ان لم تكن تلتزم بانظمتها وبالعمل والهدف الذي خلقت لاجله هذه التنظيمات ، فلا خير فيك ولا في انتسابك ولا تاييدك لاي تنظيم ، ما لم يكن عندك حس وطني وقدر عالي من المسؤولية تجاه وطنك ووحدة تنظيماته واطره ، فالتنظيمات الفلسطينية ، التي لكل منها تاريخ مشرف ، وعشرات من الشهداء الذين قضوا في سبيل تحرير الارض ، ومئات من الاسرى الذين لا زال الاحتلال رابص على قلوبهم خلف القضبان ، والوف ايضا من الجرحى الذين نزف دمهم لتطهير ارض الوطن من حقد الصهاينة والعملاء والمدسوسين ، لم تخلق هذه التنظيمات ، لكي نتباها بها ونتفاخر ، لم تخلق لكي يضرب ابن فتح ابن حماس او غيرها ، وكل من يتصرف بهذه الطريقة لا يمت لاي من هذه الاحزاب بصله ، بل هوي عنصر مساعد من عناصر الاحتلال ، الذين يريدون ضرب الوحده الوطنية ، وتفكيك الصف الوطني ، فانا لا اعرف الا شيئا واحدا ، معنى انني ابن فتح ، وكما قلنا اننا " حماة المشروع الوطني " فهذا معناه اننا نحن من نكون قدوة لكل العالم في تكريس الوحدة الوطنية ، وفي ضرب كل الايادي التي تمد لطعن صميم الوطن وضربنا في بعض .
اتمنى من كل شباب التنظيمات ، عدم الركض وراء اي انسان لا يهمه سوى الشتم والسباب على غيره ، فاولا هذا عنصر فاسد وطابور خامس وفانوس خطر يدق في كل دقيقة ، فيجب الدوس على هكذا عناصر ، وايضا ، فالشتم والسب على الغير ، هي قلة ادب ، وقلة اخلاق ، ومحاولة تشويه صورة التنظيمات الفلسطينية ، فانت عندما تقول انك ابن لهذا التنظيم او ذاك ، يجب عليك ان تراعي قوانينه على الاقل والاهداف التي خلق لاجلها ، لا ان تضع لي صورة في توقيعك لتنظيم معين ، ولا ان تتباهى به كي تفتعل مشكلة او تستفز عناصر التنظيمات الثانية ، ليس هكذا الوطنية وليست هكذا الروح النضالية ، وكما قلت سالفا ، ما هذا الا اعمال جواسيس وعملاء لضرب الصف الفلسطيني ، فرجاءا لا تكن منهم دون علمك ، وكن دوما ممن يتفاخر بوطنه وبتضحيات كل التنظيمات الفلسطينية . عاشت فلسطين حرة عربية عاشت كل التنظيمات الفلسطينية كل باسمها فلنكن جميعا مع الوحده الوطنية والصف الوطني |
رد: ان كنت ابن فتح او حماس فانت تافه !!
بسم الله الرحمن الرحيم
حباك الله اخب نعم فلنكن وحدوة وطنية يدا واحد وليست يدا تقتل بعضا والله كلام جميل |
رد: ان كنت ابن فتح او حماس فانت تافه !!
مشكور اخي محمد عالمشاركة الحلوة
ويا ريت كل الفلسطينية يتركو خلافاتهم على جنب وينتبهو للاحتلال لسا ما طلعو من عنا بعدهن على قلوبنا لما يرحوا عالبحر بنلتهي في بعض |
رد: ان كنت ابن فتح او حماس فانت تافه !!
كل الاحترام الك عزيزي وكل منا ازا ليس عضوا فانه مؤيدا لحزب او لحركة معينه ولكن لا يخفى ان ننقد وان نقول ما هي الاخطاء التي يفعلها الجميع دون استثناء كل التحية الك ولمشاركتك واهدي لك هذا التصميم المتواضع ولكل فرد من افراد هذا الشعب العظيم |
رد: ان كنت ابن فتح او حماس فانت تافه !!
يسلمو مستر عيطة المرور والمشاركة الحلوة
ويسلمو عالتصميم :) |
رد: ان كنت ابن فتح او حماس فانت تافه !!
ياسلام عليك يا ابن الإنتفاضه والله بتحكي عين العقل
والله عيب علينا لما نيجي نتقاتل مع بعض ونحنا فلسطينيين والله جد لما اسمع انو صار اشي بين فتح وحماس انو بنجن بجد يعني لييييش ليش ونحنا من نفس الشعب؟؟ بس نحل الأشياء لكبيره اول الأولى نتفرغ لليهود ....ومشكور مرة تانيه يااخي الموضوع رائع وياريت الكل يقرؤو |
رد: ان كنت ابن فتح او حماس فانت تافه !!
أخي ابن الانتفاضة كلامك بالمضمون رائع جدا وانا معك في كل كلمة فنحن ابناء شعب واحد
ولكن بالافاظ فلي تحفظ واسمحلي فانا بانتمائي لحركة حماس لست تافها انا اعتبر ان انتمائي لحركة حماس أعم وأشمل من انتمائي لفلسطين فانتمائي لحماس يعني حماس والاسلام معا وهذا فخر لي واما بالنسبة لموضوع الخلافات فبحب أطمنك أخي الكريم انه هذا هو الوضع الطبيعي وستستغرب لو قلت لك لو كنا بدون خلافات ومشاكل فهذا ليس طبيعا ، كان الخليفة اذا مات مات خلفه المئات حتى يتولى خليفة جديد وهذا وارد في السنة لانه تلقائيا سيتولد خلاف بين الحق والباطل وأبشرك أيضا انه دائما كان ينتصر الحق وترفع رايته ونحن على استبشار تحيتي لك أخي الغالي فأنا لست تافها ولا ادري ما رأي بقية الأعضاء |
رد: ان كنت ابن فتح او حماس فانت تافه !!
اقتباس:
مهي مشكلتنا صارت مش مع اليهود ، صار لازم هلا نترك اليهود ونحل الخلافات الداخيلة يسلمو مرة تانية |
رد: ان كنت ابن فتح او حماس فانت تافه !!
اقتباس:
تافه اذا بتكون عنصر فاسد في تنظيمك تافه اذا بتكون تخدم مصالح العدو بدون علمك وكتير اشيا ، بس انت شكلك ما قرات الاشيا صح ، واستفزك الكلمة هاي ، بس برايي يا رفعت اللي بيعمل هيك هو اكتر من تافه ، اما بخصوص الانتماء فكمان يا ريت تعيد القراءة صح يا رفعت !! ما تخاف علي ، فلسطيني وابن تنظيم معين ، بس بحب احكيلك اني يمكن بخاف على التنظيمات التانية اكتر من تنظيمي ، بس بالاخر عندي شي اهم من كل شي ، هوي الوطن فلسطين . شكرا يا رفعت عالمرور |
رد: ان كنت ابن فتح او حماس فانت تافه !!
تسلم اخي ابن الانتفاضة
|
رد: ان كنت ابن فتح او حماس فانت تافه !!
طيب باعتبار كلامك صحيح اخي انا باحب اوضحلك
انو لما اكون انا ابن حركة المقاومة الاسلامية حمــاس هذا يعني صدق الانتماء للدين ، وطبعا انت والكل بيعرف انو الانتماء للدين وللوطن يعني لا بد لكل واحد منا الاداة في تحديد المسير ، وبدي احكيلك انو حماس لما اسست اسست على اساس نشر الاسلام وتحرير الارض ، يعني ما بيحق الك انك تنعت افرادها وافراد اي تنظيم اسس على هيك مبدا بالتفاهه ، لانو هناك غاية ، اما بالنسبة لوجود الخلافات فانا بدي احكيلك شي واضح للجميف والك انت كمان بس يا ريت تقتنع انو مش سبب الخلاف وجود حماس وغيرها ، ولكن سبب الاختلاف منهاج ، وطبعا لا يمكن لاي شخص ان يطأطأ الراس اما الخروقات التي لا يمكن تجاهلها وبدي اذكرك بكلمات اسد فلسطين "اوجه كلمة الى كل الفصائل ، تعالوا الى كلمة سواء نعبد الله ولا نشرك به شيئا ، وتعالوا على كلمة لا نعترف من خلالخا بما يسمى باسرائيل ويكون الجهاد سبيلنا" هذا كلام الدكتور الرنتيسي فتعالوا على هذا المنهاج وحماس ستبايع بعدين بدي اذكرك بشي معين ... انو عندما يظهر المهدي كما حدثنا الرسول الكريم ستبايعه الجماعات الاسلامية ، وهذا دليل على وجود جماعات فاحرص على انتقاء الالفاظ اخي وبارك الله فيك على حرصك على الوحدة بس حبيت انوه نشوووو |
رد: ان كنت ابن فتح او حماس فانت تافه !!
هلا رفعت حبيبي :)
|
رد: ان كنت ابن فتح او حماس فانت تافه !!
عاشت فلسطين حرة عربية
عاشت كل التنظيمات الفلسطينية كل باسمها فلنكن جميعا مع الوحده الوطنية والصف الوطني |
رد: ان كنت ابن فتح او حماس فانت تافه !!
اقتباس:
اولا ما رح اختلف معك على اي اساس اسست حركة حماس ، هاد شي ، الشي التاني والاهم ، انا لما قلت حماس وفتح ما كان القصد منها الحركتين باسمائهم ، يعني ذكرت اكتر من تنظيم ، بس كان مجازا ذكر هدول التنظيمين . بعدين بدي احكيلك الشي سبب الخلاف مش هوي الايديلوجية المتبعه في كل تنظيم ، هاد بتكون اختلاف وجهات نظر لا اكثر ولا اقل ، كلنا مسلمين ، او اغلبنا عشان ما اكون ظالم ، وهاد مش معناه اني كافر لاني ابن فتح !!!! الدين بالقلب اخي نشو مش بالتنظيم ....... صح والا لا ؟ ولكن وانت قلت هناك خروقات ، وهاد اللي بحكي فيه انا ، هاي الخروقات والخلافات الفاسدة التي لم ياتي وقتها بعد ، لماذا لا نتجاهلها وننظر لما هو اهم من كل هذا ، الا وهو الكيان الصهيوني الغاصب ؟؟ مشكور نشو عالمشاركة الحلوة |
رد: ان كنت ابن فتح او حماس فانت تافه !!
اقتباس:
مشكور عالمشاركة |
رد: ان كنت ابن فتح او حماس فانت تافه !!
تسلم ابن الانتفاضة وفعلا كلامك جواهر بس وين الي بفهمه من هؤلاء المنافقين
|
رد: ان كنت ابن فتح او حماس فانت تافه !!
والله كلامك حلو بس انت لازم تدير بالك وانت بتحكي
بدي احكيلك انو نحن ابناء حماس ننظر على ان حماس هي الوسيلة وانا حكيتلك لماذا ترفض التنظيمات الاخرى دون التحديد ما دامت مسلمة اتخاذ الاسلام شريعة ومنهاجا لماذا لا تقف بجانب حماس عندما ترفض الاعتراف باسرائيل لماذا لا تنبذ من بين صفوفها من بنى الجدار ومن بنى كازينو اريحا دقق في هذا الكلام وستعلم انه لابد للحق من اهل لينصروه ولا يكونو بين الاذناب بحجة الوحدة الوطنية فالوحدة وحدة الاسلام والدين قبل ان تكون وحدة الوطين يسلمو على اقتباسك نشووو |
رد: ان كنت ابن فتح او حماس فانت تافه !!
اقتباس:
بس بردو بحكيلك هذي الفئة قليلة وراح تندثر بيوم من الايام لانو مصير هؤلاء الخونة والمندسين .. هو مزابل التاريخ مشكور اخي البتار الصارم المشاركة |
رد: ان كنت ابن فتح او حماس فانت تافه !!
اول شي
تعرفوا انا بحياتي ما كنت لا مع فتح ولا حماس انا كان انتمائي لفلسطين وبس فلسطين ابوعمار بس كلامك سليم يا ابراهيم مية بالمية انا بعتبر المشاكل اللي بتصير بين الفلسطينية تبعون فتح ولا حماس من السذاجة ال****** يعني عنجد شوبدهم يحكوعنا الراي العام والدنيي كلها لمايشوفونا سايبين القضية الاساسية ونازلين تفحيم ببعض جد شي بخجل جدااااااااا وع فكرة هاديعتبر انتصار لليهود وخسارة النا طبعاهنيي قاعدين بتفرجوا على مسرحية كوميدية من تأليف الفلسطينية مبسوطين يا عمي شوراهم وفرنا عليهم رصاص وقنابل ونحنا قاعدين بندبح بعض كل واحد هموبدو يقتل هاد وهداك ال عشان شوال جاسوس و فاسد وما بعرف شوي لالالالالالالالالالازممممممم وحدة وطنية لازم مش رح نمشي من دونها رح نضل نرجع لورا لو ما سبتو هيك تفاهات |
رد: ان كنت ابن فتح او حماس فانت تافه !!
اقتباس:
بدي اسالك سؤال ، الاسلام لما اجا ، ما فرض الدين على الناس بالاجبار ولا بالاكراه ، يعني سيدنا محمد عليه الصلاة والسلام لم يجبر من لا يريد الدخول في الاسلام على اعتناقه ، انت هلا بدك كل الناس تمشي معك باللي بدك اياه ؟؟؟ يعني يا اخي كل شخص حر برايه وكل انسان حر بالدين اللي بدو يتبعه وكل واحد حر بالتنظيم اللي بدو يمشي فيه . اما عن انو ليش ما بنرفض اللي بنى الجدار فانا معك وكل الشرفاء معك ومش مع حماس بس ، مع اي حكومة شريفة تانية ، واللي بنى كازينو اريحا واللي سرقو دم الشعب وكل هاي الفئة الضالة انا وكل الفلسطينية الشرفا مع مش بس انو والله ما نشركهم بالحكومة ، لا مع انو يتحاسبو على اعمالهم السابقة . وكلامي واضح يا نشو ومدقق في كتير منيح |
رد: ان كنت ابن فتح او حماس فانت تافه !!
اقتباس:
مشكورة رولينا عالمشاركة |
رد: ان كنت ابن فتح او حماس فانت تافه !!
تسلم اخي ابن الانتفاضة
كلامك كله 100% تافه كل من افسد في الارض اي كان فصيله (ملخص ما سبق ) . ويسلموو اخي مستر عطية تصميمك كتنير حلووو ومعبر اكتر |
رد: ان كنت ابن فتح او حماس فانت تافه !!
اقتباس:
يسلمو عالمشاركة الحلوة محمود |
رد: ان كنت ابن فتح او حماس فانت تافه !!
كلامـ رائع جدا جدا مشكوووووور حبوبـ |
رد: ان كنت ابن فتح او حماس فانت تافه !!
عاااااااااااااااااااااااااااااااااش ت الوحدة الوطنية
كلامك صحييييييييييييييييييييييييح مية بالمية عاشت الوحدة والله مزبوط الي ما بلتزم بكون تافه ووجودو ما الو معنى والي ما عندو وطنية كمااااان يسلمو ابن الانتفاضة على كلامك الدهبي |
رد: ان كنت ابن فتح او حماس فانت تافه !!
السلام عليكم بارك الله فيك اخي ومشكور علي موضوعك معق حق بس بدي احكيلك شغلة انوا انت وصفك باعضاء حماس او التنظيمات التانية انهم تافهين احكيلك شغلة انا والله لو بدي احس حالي اني تافه ما بضل بحماس يوم واحد بس انت لما يعتدي عليك واحد مرة مرة تانية وتالتة وانت ساكت هيزيد اعتدائه عليك فانت لازم تحط حد اله حتي ما يعتدي عليك تاني
وانا بترك الرد الك اخوك ابو ياسر |
رد: ان كنت ابن فتح او حماس فانت تافه !!
الحمد لله انا لا انتمي لاي تنظيم انا انتمي لمنتدى شباب فلسطين
وفلسطين هي فقط التي تجري في دمي |
رد: ان كنت ابن فتح او حماس فانت تافه !!
يسلمو شباب عالمشاركة الحلوة
واخي قسامي غزة ما رح اعيد كمان مرة اقرا الموضوع بالاول منيح واقرا الردود وبعدين احكي وعلق على كلة تافهين مشكور عالمشاركة |
رد: ان كنت ابن فتح او حماس فانت تافه !!
"ان انتمائي لحركة حماس أعم وأشمل من انتمائي لفلسطين فانتمائي لحماس يعني حماس والاسلام معا وهذا فخر لي "
اخي ابن الانتفاضة هذه هي التفاهة اي " التعصب" ماذا يعني هذا الكلام وماذا تعني هذه العبار ةان من يحلل مضمون هذه العبارة يقرأ فيها كل الفكر الايديلوجي لحركة حماس انا ابن فتح ومع ذلك لا اوافق على ان تقوم حرب اهلية او حتى مشاكل متفرقة هنا او هناك اخي ابن الانتفاضة ان الانتماء للاسلام هو فقط للاسلام فلا يجب ان ننسب اي انتماء تحت شعار الاسلام اخي ابن الانتفاضة انشاء الله بتكون فهمت قصدي وربنا يوفقك للخير والنصر للاسلام انشاء الله اولا واخير ولا للتعصب ولا للتكفير لاي من الفصائل الله يرعــــــــــــــــــــــ اخير ابن الانتفاضة ـــــــــــــــــــــــــــــــاك |
رد: ان كنت ابن فتح او حماس فانت تافه !!
اقتباس:
وعموما شكرا الك |
رد: ان كنت ابن فتح او حماس فانت تافه !!
اقتباس:
اخوك متيم البندقية |
رد: ان كنت ابن فتح او حماس فانت تافه !!
مشكور أخي ابن الانتفاضة على موضوعك الحلو
وبحب اقول لرفعت انه الواحد لازم يكون انتمائه لوطنه مش لتنظيم مهما كان تنظيمه وكلامك مش صحيح |
رد: ان كنت ابن فتح او حماس فانت تافه !!
طبعا اكيد اخي متيم البندقية واخي فارس فلسطين
الانتماء بالاول والاخير هوي للوطن الام مش للتنظيم ، لانو التنظيم اصلا خلق لاجل الوطن ولم يخلق الوطن للتنظيم . مشكورين اخواني عالمرور الكريم |
رد: ان كنت ابن فتح او حماس فانت تافه !!
اقتباس:
اخي اريد ان انوه ان الانتماء الحقيق هو للدين فلا تكون عندنا نزعة وطنية فقط فقط للتنويه نشووو |
رد: ان كنت ابن فتح او حماس فانت تافه !!
من احد ابرز مبادئ العلمانية الكافرة اخي
ان الدين للواحد والوطن للجميع وهذي قمة الكفر الدين للجميع والدين هوة الذي يحببنا للوطن جاهد جيفارا وناضل وحرر ولكن هل يتخطى عتبة الجنة ؟؟؟؟؟؟ لا والله مات كافرا فماذا نفعه جهاده عندما امن الرسول وهاجر قال والله يا مكة انك لاحب بلاد الله الى قلبي ... الى اخر الحديث الانتماء للدين بيولد الانتماء الصادق للوطن تحيتي الك اخي فارس وكلامي صح |
رد: ان كنت ابن فتح او حماس فانت تافه !!
يا إخواني
السلام عليكم أتمنى أن أكون وجه خير عليكم و ليس مفتعل للفتنة .. التنظيم هو شيء ننتمي اليه لننميه و لكون ملتزمين لأخلاق هذا التنظيم الذي ينحاز لمبدأ ما .. كالاسلام أو العلمانية ليس من العيب أن أكون منتمي لشيء ما .. أو لتنظيم ما .. فذلك فخرا على عكس مما تدعون العيب هو أن أكون ضمن حزب لا أعرف ما توجهاته .. و أن لا أعرف مبدأه .. ولا وسائله العيب أن أعرف أن كل العيب بتنظيمي و أبقى مؤيده .. العيب أن أدافع عن شخص حرقت ورقته و قد عرف بأنه ظالم و قد أخطأ .. و هنا أقصد القيادات الذي ظهرت على حقيقتها بعد التشريعي حماس لها مبدأها الواضح .. حماس هي شجرة الله في الارض فتح .. هي أم المقاومة .. فتح رائدة الثورة .. ولكن فتح الآن ليست فتح في السابق فتح امتلأت بالفساد .. مع دخول أمثال الدحلان بها .. لا داعي لأن تدافعوا عنه يا فتحاويين !!! فانتم شيء أسمى من أن تدخلو في نقاشات لأجله .. أنتم خير بإذن الله .. و أخلاق و دين .. لكن هذا الشخص لا يمت للاسلام بصفة الفروق بين الاحزاب واضحة .. و التعددية الحزبية مطلوبة هذا و أن لا ننسى قوله تعالى ( و اعتصموا بحبل الله جميعا ولا تفرقوا ) صدق الله العظيم |
| الساعة الآن 12:51 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas