منتديات شباب فلسطين - [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

منتديات شباب فلسطين (https://shabab.ps/vb/index.php)

- إسـتـرآحــة الـمـنـتـدى (https://shabab.ps/vb/forumdisplay.php?f=24)

[ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

السلام عليكم و رحمة الله

الليلة غير مع ضيفنـآ الغير غير :ShababSmile237:

و ليكون الترحيب لـآئقا يمقـآمه

وجب حضور هذا الطبق

http://rooosana.ps/Down.php?d=NNck3

بعرف ما فيه شي رح يوفي برمك غير هالفلفل الحـآر

يلا يما شعليها و خلي الي ما يشتري يتفرج :p

.
.

على بركة الله نبدأ

.
.

- كيفَ كان حالُكَ قبلَ دقائِق ؟
-مَا هُو شُعُورُكَ حينَ تتَجولُ فِي رئِيسيةِ شَبابِ فلسطِين وَ أقسَامِها؟ قُـلها و لا تخفْ ؟
-[ حورية فلسطين] فِي أَسطُر؟
- حِكمَة ، مَوعِظة، أو بيتُ شِعر، تنطَبِق على شخصِك ، تُطبِقهَا فِي حَيَاتِك أو تُحبُ تردِيدها؟
- طُـمُوحاتُك و آهدافُكَ بينَ الحاضِر و المُستقبلْ ..حدثنَا عنهَا ؟
- لا بُد و أن لكَ هِواية ..دعنَا نستكشِفها معكْ؟
- شَخصٌ أو جِهةٌ تخطُر فِي بالِكَ بِأولِ الفرَح و آخِر الحُزن؟
- هلْ تنَاولتَ وَجبةَ إِفطاركَ وحيداً اليومْ ؟ أ مُعتاد عليها أم هِي حالَة طارِئة؟
- مَا الذِي يدعُو حاجِبيْكَ للتقطِيبِ و العبس فجأة ؟
- متَى تغارُ بِشدةٍ وَ تُثيرُ القلقَ كفُوهة بُركان؟
- نـمُرُ جَميعاً بِمواقف مُحزنة آومُفرحة آو مُضحكة ،، حدثـنَا عـنْ موقِف مرَ معـك ؟
- الموت ،، الحياة ،،النعيم ،، الجحيم ،، الوداع ،، اللقاء ،، الصداقة ،، الخيانة ..ماذا تعني لَكْ؟
- رُوح في شَباب فلسطين .. تُصغِي إليها باجتهاد و اهتمام ... تطلُب مِن حروفِها المزيد و المزيد..من يكون / تكون؟
- تَوقيع عُضو من آعضاءِ شَباب فلسطين أعجبَكْ ..؟
- مِصباحُ عَلاءِ الدين بين يديَكْ ..إِمسح سطحَه و ابتسم ..و تمنَ شيئاً؟
- لديكَ ثلاثة كلمـآت وجههـآ لمَنْ شِئتَ مِنْ الآعضَاء.. ؟

.
.

و الـآتي رح نفرجيكي ياه قريبا :ShababSmile237:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

؛؛؛

أوووهـ والله إستضآفة رح ْ تكون ْ غير ْ شكل ْ
خآصة إنهآ مع فلفل ْ أحمر ْ

يلا بنثتنى َ ..سنــآءوو

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

..{{ وَعليكُم السّــلام ورحمة الله ~

:

http://rooosana.ps/Down.php?d=KJaI

بنمسى بس :P

هحاول أتابع - بإذن الله
وإن شاء الله بنرجع بأسئلة :C

/

عوافى أمل :)

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

ههههههههههه

حراام عليكو يا جماعة !

بطعموها فلفل مشان تسكت يعني :ShababSmile250:

ولك حرحوورة أوعي تردي ع حداا ، احكي ولا يهمك شي :ShababSmile226:

,

,

أكيد حتكون إستضافة حلووة مع حرحوورة ..

رآجعة أكيد :ShababSmile248:

::

مـآهي : شميت ريحة الملوخية لعندي :P

:ShababSmile237:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

فلفل :ShababSmile225:

لا انا هلأ اتأكدت انك بتحبيني كتير يا امول :ShababSmile108:

بسيطة استني علي بس على بالك هيني رح تحرقيني وما رح تخليني احكي

بسيطة اذا ما اخدت اسبوعين بهالموضوع وانا احكي ما بكون اسمي سناء هههههههههههه :ShababSmile226:

يا عمي شوفي ماهي المزوئة جابتلي الأكلة اللي بحبها عشان اضل احكي واحكي واحكي

له له :ShababSmile225:

استني استني :ShababSmile225:

ماهي لا تكوني جبتيلي الملوخية عشان اضل اكل منها وما احكي شي :ShababSmile225:

طلعتي زي امل يعني :ShababSmile226:

شوفو ام السوس الزوء اللي بدها ياني احكي واحكي واحكي

لحظة لحظة :ShababSmile225:

ولي اسراء حاطة عينك على ملوخيتي عشان تضلي تتقاتلي معي عليها وما تخليني افضى للحكي :ShababSmile225:

اخخخخخخ منك بس طلعتي متل هالطحشات :ShababSmile226:

شوفو ام الصفافيييييييف كيف بتحمسني وبتذكرنو انو في فلفل عشان تذكرني بالعذاب اللي رح اتعذبو :ShababSmile108:

اخ بس ياحييييييييييييييف عالزمن اللي غيركم يا صبايا :ShababSmile235:

هههههههههههههههههههههه

يسعدلي ياكم يارب هيني سوف احكي واحكي واحكي وخليني اشوف وحدة تحكيلي اسكتي :ShababSmile108:

عطوني كاسة مي عشان ولعت من الفلفل انا :ShababSmile227:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

هههه

فلفل حار مره وحده

يا هلاا بحرحر منوره ^.^

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

هههههههههههههههههههههه

والله بشوف ع الشقتين مش سلمانين منها

لو الضيافة فلفل ولا ملوخية ههههههههههههه

نورتي الاشـــي والله

وراجعين ان شـــآء الله

كبشة ســـلامات

: )

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اهلاً وسهلاً باختنا الكريمة حرية فلسطين

أبدأ في الضيافة

http://files.shabab.ps/vb/images_cas...005924zgyz.jpg

لي بعض الاسئلة

متى بدأت التسجيل في منتديات شباب فلسطين ؟

لو خيرت في الاشراف على احد الاقسام ماذا ستختارين مع ذكر السبب؟

لو كنت مديرة المنتدى ماذا ستغيرين؟

لمن تعطي الاوسمة مع ذكر السبب

وسام الصداقة؟

وسام الحكيم

وسام التميز

وسام المشاكسة

سؤال اخر اطلب منك ذكر اربع ميزات في كل من

المشرفة امل

المشرفة بنت فلسطين المجروحة

المشرفة اسراء فلسطينية

المشرف ابو مجاهد

المشرف شهيد

والمديرة دموع رحيل

المدير محمود

احضري 4 اخطاء املائية لكل من؟

المشرفة دمعة اسى

والمشرفة امل

والمديرة دموع الرحيل

لو طلب منك ان تسافري لأحد البلاد ماذا ستختار ولماذا؟

ما رأيك بالدمقراطية ؟

كفاية دول

الان ممكن ارجع

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

الذين يشاهدون محتوى الموضوع الآن : 6 ( الأعضاء 2 والزوار 4)
‏~][وحيدةُ القمر][~, ‏ღ حورية فلسطين ღ

نورتي الضيافة ست سوسو http://www.shabab.ps/vb/images/smili...abSmile226.gif

راجعة بالأسئلة إن شاء الله ^.^

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اوووه :ShababSmile237:

اللقاآآء نآآآر :ShababSmile237:

منورة ست سنووش :]

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

ههههههههههه

يا إلهي

صداااااااااع رهيب قبل ما تحكي بالموضوع

رح اكون متت ع آخر هالموضوع

الله يعينا عليكي

4 أخطاء إملائية إلي !!!

سؤالك سهل كتير أسد أنا إلي فوق 400000000 خطأ ^_^

مش متابعين معك كملي :)

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة أمل (المشاركة 1621088)

اقتباس:

بعرف ما فيه شي رح يوفي برمك غير هالفلفل الحـآر

يلا يما شعليها و خلي الي ما يشتري يتفرج :p

جاهزين للطيبين :ShababSmile226:

اقتباس:

كيفَ كان حالُكَ قبلَ دقائِق ؟

يعني مطعميتني فلفل ولسا بتسألي عن حالي :ShababSmile108:

ما بيحتاج اقلك يما انتي ادرى :ShababSmile226:

حالي قبل دقائق ومازلت ولحتى يجي وقت امتحاني وانا متلبكة وخايفة وشايلة هم هالإمتحان :ShababSmile111:

اقتباس:

مَا هُو شُعُورُكَ حينَ تتَجولُ فِي رئِيسيةِ شَبابِ فلسطِين وَ أقسَامِها؟ قُـلها و لا تخفْ ؟

شو قصدك يعني انا بكره شباب فلسطين عشان هيك بتطمنيني اقولها وما اخاف بعرفك بعرفك امول انتي صايرة درصانة :ShababSmile248::ShababSmile226:

ياستي بشعر بالإستمتاع والراحة النفسية والفرحة تملؤ نفسي عن جد والله
حتى اني بس اكون مدايقة اول مكان بحب افوت عليه عالنت هوا المنتدى لأني بجد بحبو كتير:ShababSmile109:

قولكم هوا بحبني :ShababSmile109:

اقتباس:

-[ حورية فلسطين] فِي أَسطُر؟

فلسطينية ضفاوية جنينية وساكنة في السعودية :ShababSmile256:
انسانة بسيطة كتير وهادية كتير مابحب المشاكل ابدا وبحب كل شي طبيعي

بريئة وكتومة وهالصفتين بتعبولي نفسيتي كتير بس يلا مافي شي عند ربنا بضيع

الحمدلله بترك بصمة حلوة عند أي انسان بتعرف عليه او بأي مكان بكون فيه

يعني الحمدلله ما بنذكر الا بالخير

اكره ماعلي اتعامل بتكليف ونفاق ولئامة مع اي حدا وما بحب حدا يعاملني هيك بحب الشخص اللي بتعامل معو يكون صفحة مفتوحة قدامي بنفس برائتي وطيبتي ما يكون مشكلجي وخبيث :ShababSmile224:

اكتر شي بكرهو بحياتي بجد المشاكل والنكد دايما بحب اتعامل مع الكل بهدوء وعقل وتفاهم

تنويه : عالمنتدى شخصيتي غير عن شخصيتي بالحياة العادية بتختلف 180 درجة

وهالشي عرفوه اكتر من بنت بالمنتدى قابلتهم وجها لوجه وانصدمو بس شافوني :ShababSmile109:

لأني عالمنتدى فرفوشة كتير وبتهبل كتير ودايما صوتي معبي الدنيا لسا هالفترة هديانة وعقلانة يمكن طلعلي ضرس العقل :ShababSmile226:

بس عالطبيعة هادية كتير ورايقة كتير وراكزة عكس المنتدى طبعا ما بتخلو حياتي الشخصية من الهبل بس مو زي الهبل اللي بتهبلو بالمنتدى يعني هبل بعقل :ShababSmile109:

كأنكم طلبتو مني اوصف حالي بأسطر مو مجلد كامل :ShababSmile250:

اقتباس:

حِكمَة ، مَوعِظة، أو بيتُ شِعر، تنطَبِق على شخصِك ، تُطبِقهَا فِي حَيَاتِك أو تُحبُ تردِيدها؟

الدنيا حلوة & طنش تعش تنتعش :ShababSmile250:

اقتباس:

طُـمُوحاتُك و آهدافُكَ بينَ الحاضِر و المُستقبلْ ..حدثنَا عنهَا ؟

وحدة بوضعي وبقصد وضعي يعني المكان اللي انا عايشة فيه ووضعي من ناحية السفر ما بساعد انو يكون عندي طموحات واهداف اعملها

ممكن نسميها امنيات بتمناها وانا عارفة انها ما رح تتحقق

رح احكي عن الشي اللي اتمنيتو واتمنيت ادرسو بس كان مجرد حكي :)

كنت بتمنى من انا وصغيرة بس اكبر اصير محامية مش عارفة ليش بس كان شي حاببتو يعني

بس طبعا صعبة كتير اسافر وادرس بعيد عن اهلي واصلا ما بصحلي اروح اي مكان بحكم الوثيقة وبحكم انو الفلسطينية بكل مكان معترين ^_^

نيجي للطموحات والأهداف كل واحد فينا بطمح لشغلات معينة براسو ..في اللي بقدر يوصل لطموحاتو بشطارتو وفي اللي ما بيقدر يوصل بهبالتو

انا مابقدر اوصل بسبب اني ساكنة في السعودية

وعنا هون في تفرقة كبييييييييييييييييرة بين السعوديين وغير السعوديين وانا شخصيا عم بعاني من هالتفرقة بشغلي

حقنا ضايع ومستقبلنا ضايع هون وبحكيها قدام الكبير والصغير ومابخاف من حدا لأنو هاد الواقع اللي هون

وماحدا رح يقدر يناقشني فيه

ابسط حقوقنا بالشغل مش ماخدينها كيف بدنا نحلم ونطمح ونحقق اهداف واحنا اصلا اول كلمة بتنحكالنا

انتو اجانب :ShababSmile250: المقصود منها يعني انتو مو سعوديين ^_^

اكمل ولا خليها بالقلب تجرح ؟؟

اقتباس:

لا بُد و أن لكَ هِواية ..دعنَا نستكشِفها معكْ؟

السباحة والسفر وركوب الخيل ودايما بحكي اني ما بمارس ولا وحدة فيهم بس بحبهم
وانجبرت حاليا اهوى الفوتوشوب لأنو الشي الوحيد اللي بحبو والحمدلله قادرة اوصلو
ياخوفي بعد فترة ما اقدر واجي افتح الفوتوشوب الاقي صفحة بتطلعلي بوجهي مكتوب عليها بالأحمر

انتي اجنبية :ShababSmile237:

وقتها رح انتحر من سطوح بيتنا مش اكتر :ShababSmile226:

اقتباس:

شَخصٌ أو جِهةٌ تخطُر فِي بالِكَ بِأولِ الفرَح و آخِر الحُزن؟

اهلي الله يحفظلي ياهم :ShababSmile109:

اقتباس:

هلْ تنَاولتَ وَجبةَ إِفطاركَ وحيداً اليومْ ؟ أ مُعتاد عليها أم هِي حالَة طارِئة؟

بحب وجبة الفطور كتير لأنها بتعدل مزاجي وبتحلي يومي بالذات اذا كانت مع اهلي

وهالأيام صايرة افطر مع ماما لأنو بنكون انا وياها لحالنا بالبيت بفطر معها قبل ما اطلع على شغلي

اليوم ما فطرت :ShababSmile111:

اقتباس:

مَا الذِي يدعُو حاجِبيْكَ للتقطِيبِ و العبس فجأة ؟

لما اعصب وانقهر بس نادرا ما يتقطبو حاوجبي
لأني معروفة بس اعصب او ما يعجبني شي برفع حاجب وبنزل حاجب والكل بخافو بس اعمل هالحركة :ShababSmile235:

لأني باردة مو على اي شي بعصب وبكونو متأكدين اللي حولي ما بعصب الا على شي محرز عشان هيك بتقوم الدنيا وما بتقعد بس اعصب

بس حتى لما اعصب بعصب بهدوء :ShababSmile109:

اقتباس:

متَى تغارُ بِشدةٍ وَ تُثيرُ القلقَ كفُوهة بُركان؟

لما شخص يكون بحبني ومهتم فيني كتير وفجأة الاقيه مهتم بحدا تاني وبحب حدا تاني :ShababSmile108:

وانا اصلا نادرا ما اغار وهالشغلة ما بتصير معي دايما عشان هيك بليدة انا ماعندي احساس بالغيرة من اي شي

ياعيني عالبساطة ياعم :ShababSmile109:

اقتباس:

نـمُرُ جَميعاً بِمواقف مُحزنة آومُفرحة آو مُضحكة ،، حدثـنَا عـنْ موقِف مرَ معـك ؟

طيب اعطيكم ال 3 مواقف هيك عالسريع ومواقف صارت معي بهالفترة يعني وهية اللي ببالي حاليا

موقف حزين ومستحيل انساه لما طلعت من شغلي بسبب السعودة .. يعني التفرقة .. يعني الكلمة اللي انحكتلي انتي اجنبية مش سعودية فعلا كان موقف محزن إلي ولكل اللي كنت اشتغل معاهم وبالمناسبة في منهم سعوديات ومو عاجبهم الوضع كان << الحق يقال ^_^

موقف مفرح من شهر تقريبا زوج اختي شاف فيني رؤيا رااااااااااااااااائعة وان شاء الله تتحقق وكتير فرحتني هالرؤيا :ShababSmile109:

موقف مضحك من يومين طلعت مع اخوي ايمن هاداكبر مني بــ 3 سنين طلعنا شربنا موكا وسحلب

ولما خلصنا كاساتنا الأخ ايمن مو متحمل يضلو الكاسات بسيارتو راح وقفني جمب برميل زبالة الله يكرمكم وفتحي الشباك عشان اكب الكاسات وانا بكبهم لسا قاعدة بحكي ان شا الله ما تطلعلي بسة من الزبالة :ShababSmile235:

كبيت الكاسات نطتلي البسة بوجهي انجلطت وفزعت الدنيا وهداك ايمن فارط ضحك وانا صفرنت وكرهت البسس اكتر ما بكرههم:ShababSmile227:

اقتباس:

الموت ،، الحياة ،،النعيم ،، الجحيم ،، الوداع ،، اللقاء ،، الصداقة ،، الخيانة ..ماذا تعني لَكْ؟

صعب اوصف شو بيعنولي اسفة ^_^

اقتباس:

رُوح في شَباب فلسطين .. تُصغِي إليها باجتهاد و اهتمام ... تطلُب مِن حروفِها المزيد و المزيد..من يكون / تكون؟

مامتي امون (بنت فلسطين المجروحة )
وبالمناسبة نسيت احكي من كتر ما انا بشيل بقلبي امون دايما بتسميني جمل :ShababSmile109:

بجد انا ما بنسى اللي بغلط بحقي مش حقد بس بشيل بقلبي ونادرا ما اسامح يعني ديرو بالكم :ShababSmile109:

اقتباس:

تَوقيع عُضو من آعضاءِ شَباب فلسطين أعجبَكْ ..؟

في توقيع إلي انا إنهدالي من الأخ مؤيد الله يذكرو بالخير

ما بعرف اذا حدا من الموجودين هلأ بتذكرو بس امون اكيد بتتذكرو خليني احطلكم ياه هلأ واحكيلكم قصتو

http://rooosana.ps/Down.php?d=YwY5

هاد التوقيع بحبو كتير واول ما نزل التوقيع هديك الأيام صارت مظاهرات ههههههههههههههههه

لأنو كل البنات انجنو عالتوقيع واولهم الأفندية امون :ShababSmile108:

وكلهم طلبو من الأخ مؤيد يعمللهم نفس التوقيع ما رضي وبيني وبينكم انا مارضيت كمان :ShababSmile237:

راحت امون الطحشة سرقت التوقيع وفتحت موضوع خاص لطلبات هالتوقيع بالذات وحكت للبنات اي وحدة بدها التوقيع بإسمها بس تحكيلي

وفعلا الطحشات اجو كلهم طلبو التوقيع وراحت حضرتها عالفوتوشوب وغيرت اسمي وعملت لكل بنات المنتدى نفس التوقيع وانا انحرق دمي :ShababSmile235:

وعملنا قصة كبيرة وقتها واتهبلنا كتير عن جد كانت ايام روعة كنا رح ننطرد انا وامون ومؤيد وكم حدا كانو معنا من المنتدى لأنو قلبنا الدنيا :ShababSmile250:

اقتباس:

مِصباحُ عَلاءِ الدين بين يديَكْ ..إِمسح سطحَه و ابتسم ..و تمنَ شيئاً؟

بتمنى اروح عالإمارات مش عشان الإمارات بس عشان .... يآآآآآآآآآآرب اتوفق

وبتمنى انجح بإمتحاني الشامل اللي ضايلو 18 يوم هوا اللي رح يحدد مصيري اذا بنجح بتخرج واذا ما بنجح ما بتخرج ومستقبلي بضيع اكتر ما هو ضايع وفرحة عمري وفرحة اهلي رح تصير دمار :ShababSmile111:

اقتباس:

لديكَ ثلاثة كلمـآت وجههـآ لمَنْ شِئتَ مِنْ الآعضَاء.. ؟

بصراحة كنت بدي اوجههم لأكتر 3 اعضاء بكرههم بالمنتدى

بس فكرت وقررت انو الأعضاء اللي بحبهم اولى بكلامي لأنو كلام الملوك مو لأي حدا بنقال :ShababSmile109:

وردة الأقصى توأمي وحبيبة قلبي ما اشتقتي لأيامنا بالمنتدى مع بعض؟؟

ام الوليد ملك حاولي تسامحي وتفتحي قلبك وفكري بالشي الإيجابي بالمنتدى :)

ليمار & بو هبة ما بدنا شي غير نطمن عليكم الكم اكتر من سنة غايبين وماحدا بعرف عنكم شي :ShababSmile111:

اقتباس:

و الـآتي رح نفرجيكي ياه قريبا

الله يستر بكفيني الأول كمان في تالي :ShababSmile225:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة الفتاة المشرقة (المشاركة 1621103)

هههه

فلفل حار مره وحده

يا هلاا بحرحر منوره ^.^

شايفة يا فتفوتة شو بعملو فيني :ShababSmile111:

تسلميلي حبيبتي انتي اللي منورة يلا بستناكي

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة أبومجاهد (المشاركة 1621111)

لازملي طاولة كبيرة مليانة شغلات طيبة عشان ارضى :ShababSmile237:

وانت منور الاشي والله يا ابو مجاهد يلا بإنتظارك نحنو :ShababSmile222:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة ~][وحيدةُ القمر][~ (المشاركة 1621134)

نورتي الضيافة ست سوسو http://www.shabab.ps/vb/images/smili...abSmile226.gif

راجعة بالأسئلة إن شاء الله ^.^

حبيييييييييبة قلبي ايوش

منورة الضيافة بوجودك ولو انتم السابقون ونحنو الاحقون :ShababSmile226:

يلا بستناكي حبيبتي :ShababSmile109:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة Maгaм .. ~ (المشاركة 1621135)

اوووه :ShababSmile237:

اللقاآآء نآآآر :ShababSmile237:

منورة ست سنووش :]

حيااااااااااتي والله مروم

تسلميلي يلا بستناكي بأسئلة محششة :ShababSmile226:
هههههههههههههههههه

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة دمعة أسى (المشاركة 1621141)

قومي من قدامي انتي وحدة طحشة :ShababSmile108:

طبعا عارفة حالك انك كلك على بعضك غلط في غلط نيلة تغتك ههههههههههههه :ShababSmile226:

مش مستنيتك ترجعيلي بمجموعة اسئلة مصدعة متلك :ShababSmile235:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة ♥Farfo0osha♥ (المشاركة 1621149)

http://files.shabab.ps/vb/images_cas...010031y4pm.bmp

علينا العـوض :p

انتي اخر وحدة تحكي اساسا :ShababSmile226:

قومي من قدامي ولي وين اسئلتك :ShababSmile109:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

+/+

هههههههه ضيافه عافلفل

اهلين وسهلين حوريه الله يحققلك احلامك :)

مزبوط حكيك الاجانب والفلسطنيه خاصه مابتعاملو منيح بالسعوديه بنوب

وبرجع بأسئله ان الله راد :)

^.^

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

ليش انتي برامة ؟

شو اخبار صفقتنا و العرض الخاص اللي عملتلك اياه امبارح . ملاحزة المدة محدودة للعرض

يعني يلا بتلحقي يا اما بتروح عليكي :)

نفسي اشوفك عاقلة يوم تتوقعي ممكن يجي هاليوم و لا رح تضلك زي ما انتي ؟

عضو غايب حاسة انه ترك فراغ كبير بالمنتدى ؟

نفسك ترجعي ع الإشراف ؟

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة ღ حورية فلسطين ღ (المشاركة 1621168)

ههههههههههههههههههههههه بنتزكر أكييد

زماان عن هالأيآآم والله كانت بتجنن :ShababSmile229:

،،

اسئلتي :)

* لمـآ تغيبي عن المنتدى، ميـن أكتر حدآ بالمنتدى أو شو أكتر إشي بتشآئيلو ؟

* ليش بدك تيجي عالإمآرآت ؟ :ShababSmile189:

* لو صحّلك و اجيتي ، وين أول مكآن حتروحي عليه ؟

* مين من بنآت المنتدى ئآبلتيهم وجهاً لوجه ؟ احكيلنآ كيف زبطت و وين رحتو و كيف كآنت ، تفآصيل يختي :ShababSmile189: ؟

* بتحبي تقرأي ؟ ازا آهـ، شو أكتـر كتآب أو روآية حبيتيهــم ؟

* شو أحلى مرحلة مريتي فيهـآ بحيـآتك ؟

* بتحبي البحــر ؟

* بتحبي تسآفـري ؟ وين سآفرتي من ئبـل و كيف كآنوآ سفرآتكـ ؟

* شو نوع موبآيلك و لآب توبك ؟ صوريلنـآ يآهُم :>

بكفي لهلأ :ShababSmile250:

خلي البآئي لبعدين :ShababSmile189:

يلا مآرسي هوآيتك و ابرمي منيـــح :ShababSmile237:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

.

.

مُـجـرمـة يـا أمـل :s

بـتـقـدمـي فـلـفـل لـلضـيـف :@

مـعـلـش يـا حـوريـة أمـل صـايـرة شـريـرة هـاليـوميـن ، ،

و هـي كُبـايـة و مـاسـورة مـيّـه مـفلـترة بتـلزمـك أكـيـد :p

http://files.shabab.ps/vb/images_cas...010040nSFP.jpg

سـرقـت سـؤال طـرحتـو الـعضـو بسـملـة فـي موضـوع إستـضافـة أمـل :ShababSmile237:

الـسؤال مُـناسب لـتـخصصـك الـبرمـي و يقـول ^^

اقتباس:

المشاركة الأصلية كتبت بواسطة بسملة (المشاركة 1608730)

{ ..
يواجه الإنسان بشر كثر في حياته ..
منهم ما تلتفت اليه بمجرد مروره .. لكنه يبقى لمجرد لحظة مروره ..
ومنهم من تتمنى ولو انك لم تراه لثانية .. ومنهم من لم تراه بل شاء القدر ليجمع بينكم لتعرفه وهو بعيد ..
طيفه قد علق بعقلك ووجدانك فتتمنى لو انك تراه أمامك ولو للحظة ..
ترى لما نتعلق بطيف أولئك .. مع أننا كلنا يقين على عدم قدرتنا لرؤيتهم يوما .. بل هو من المستحيلات ..!

تراها هي المحبة في الله التي لا تكون لمصلحة أو هدف ..!
لماذا نتعلق بطيفهم .. ونبقى طوال الوقت بانتظارهم ..
بانتظار أي شيء منهم ليخفف عنا .. وغالبا يكون انتظارنا بدون جدوى ..
نسعد بذكرهم .. نسعد لتواجدهم بساحة خاطرتنا ..
نسعد بوجودهم بالحياة .. حتى وان لم نلقاهم ..
فمثل هذه القلوب الطاهرة .. الصادقة .. القلوب النقية كنقاء الماء .. تكون مصدر سعادة .. مصدر للأمل .. لمستقبل جديد ..
لكن سؤال يحير الخاطر .. تراهم يذكرونا كما نذكرهم ..!!
لساني يذكرهم دوما بأعذب الدعاء الذي أسأل الله أن يتقبله مني ..
فسلامي بمقدار احترامي ..
..
مسـآحة أخوة كتبتها مسبقاً، لتكن عنوان باقات وردٍ محملة بعبير كلماتٍ توجهينها لـ
{أبو مُجاهد، أسأمة، شهيد، يآسين، عزيز النفس، محمود، إياد، أسد 22، قسامي غزة، أمجد، رعد، حفيظ الليبي، القلب الطيّب، السيف عدي}
{ دموع الرحيل، فتاة مشرقة، دمعة إسى، Islam، اسرآء الفلسطينية، مآهيناز، نور، بنت فلسطين المجروحة، زينة، Sofy، Mram، Palestine Flower ، sadness eyes ، همسة العشاق، جـآرة الوادي، عاشقة غزة، وحيدة القمر، بسملة}

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

لـه لـه يا مســكينة كيــف يتخـليهـن يعمـلو فيـكي هيــك ؟!؟! :ShababSmile239:

لالالا هــذول عـاملين مــؤامـرة ضدك شكــلهن !!

يا حبــبيتي خديلـك حـبة هـ الآيـس كـريم وروقيــ أعصــابكـ خلـيكي ريلاكـس >>> شـايفة كيـف بحبك :ShababSmile109:

http://files.shabab.ps/vb/images_cas...010040Ny3k.jpg

بــسسسس هـا حجيــة ديـري بــالك إلــي رجــعة مـرتبة ومعــاي كـوووومة أســئلة من اللـي بحبـها قلبــك :ShababSmile226:

يلا ســلملم :ShababSmile236:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

أنا جيت يا حورية :ShababSmile224:

الله يعينك يعني :ShababSmile221:

ههه ما تحملي هم .. الإجابات كلمة أو كلمتين مش أكتر :ShababSmile108:

5 أسئلة على أصعدة مختلفة =)

يلا ابتدي :ShababSmile226:

______

البيت ..

- كم رقم ترتيبك في الأسرة؟
- من هو الاقرب لك من أعضاء أسرتك؟
- اكله تحبها كثيرا..؟
- مشروب يستهويك دائما؟
- عندما تشاهد التلفاز : ماهو ابرز مايستدعي انتباهك وتحرص على متابعته؟

الحياة ..

- حكمة تؤمن بها كثيرا ؟
- احب الالوان الى نفسك ؟
- دولة تتمنى ان تسافر اليها ؟
- ماهي الوظيفة التي تتمناها لنفسك؟
- مكان يعجبك في بلدك .. وتتردد عليه دائما؟

المدرسة ..

- مدرس لازال في ذاكرتك .. ولماذا؟
- ماهي احب المراحل الدراسية الى نفسك؟
- ماهو ابرز عقاب مر عليك طوال فترة الدراسة وباي سنه؟
- سنة دراسية صعبة ونكد ؟
- موقف محرج حدث لك في المدرسة؟

المنتدى ..

- عضو عكسك تماماً .. لا تتفقان في التفكير ؟ (يمكنك عدم الإجابة) ..
- عضو تتمنى ان تراه شخصيا؟
- عضو لا تتمنى ان يغيب ابدا ؟
- عضو معطاء وقلبه يتسع الجميع ؟
- عضو قديم تفتقده ؟

وأخيراً .. شو رأيك بـ وحيدةُ القمر؟

________

ونورتي الضيافة حبيبتي :)

وهاي أحلى صحن بزورات قرمشيه مع الإجابات ^*

http://files.shabab.ps/vb/images_cas...010041nebB.jpg

ومية أهلا بـ سووسووووو =)

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة دمعة أسى (المشاركة 1621141)

4 أخطاء إملائية إلي !!!

سؤالك سهل كتير أسد أنا إلي فوق 400000000 خطأ ^_^

:)

اكثر من 4 مليون يبقى انا كم؟

طيب خلص اختنا حرية مما ان الجمهور حرضني على ان تكون الاسئلة صعبة والسؤال هاد سهل

تم الغائه

ولي عودة بعد اجابتك على الاسئلة

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

آسئلتــي

شــو معنـــى كلمــة طحشــه ؟؟؟؟

:ShababSmile226:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة ♥Farfo0osha♥ (المشاركة 1621280)

آسئلتــي

شــو معنـــى كلمــة طحشــه ؟؟؟؟

:ShababSmile226:

هههههههههههههههههه

واخيــــر مش معقول اتجاوبك :p

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

يا وردي كل هادا حكياه

شكلك حالفة طلاق بالطلاطة تخلصي ع كل البرم الي في الدنيا

طيب اسطبري في شوية اسألة

وسبيكي من الاسئلة تعاتهم الي مش جايبة راس مالها

كيف حالك ؟ كيف هالدنيا معك ؟

مين الي دلك ع النت اعترفي من غير لف دوران ؟

شو الي عرفك بالسخماط الي اسمو شباب فلسطين ؟

اشمعنة نقيتي اسم حورية فلسطين ؟

شو تخصصك في هالحياة ؟

وقتيش اخر مرة اكلتي فيها منخية ؟

ليش لون المعكرونة برقاني ؟

عمركيش اعملتي طوشة قبل هيك و دلعنت معك ؟

بس والله ما الك صاحب ولا بتنعزمي ع حفلات في الحارة

يعني بالله الفوتوشوب انجبرتي جبر عليه .. هي اخريتو لهلهله :p

يلا بضل الحق ع السواق
.
.

لهااان و معية بعدين بنكمل

بكرة باجي بتربنطعشر سؤال كبشة وحدة :p

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

ههههههههه

مين التلاتة لي تكرهيهم؟

وهل انا منهم؟

انتي تحكي كتير شو السبب ههههههه؟

الظاهر انك عنيدة هل تشوفي نفسك هك؟

شو رايك بنسمة جزائرية؟

وبس

ويعطيكِ العافية

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

يلا جآوبي بسرعة في عندي أسئلة كتير :p

منستنـآكي يمــآآ

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

بس عالطبيعة هادية كتير ورايقة كتير وراكزة عكس المنتدى طبعا ما بتخلو حياتي الشخصية من الهبل بس مو زي الهبل اللي بتهبلو بالمنتدى يعني هبل بعقل

مآآدح حآلو .. http://rooosana.ps/Down.php?d=C4rr

:biggrin:

سؤالي اممم

شو رأيك بهآي الشلة :

- وليد جنبلاط :biggrin:

- فارس كرم

- هوجو تشافيز :biggrin:

اممم

شو مواصفات فارس أحلآمك ؟ http://rooosana.ps/Down.php?d=q6uv

وسؤال تاني كمان

لو اجا لإلك واحد وعجبك ووالدك ما بده اياه

شو بتسوي ؟ http://rooosana.ps/Down.php?d=q6uv

لو خيروك بين تشوفي دموع الرحيل ولا أمل

مين بتختاري ؟

عدي راجع بس افكر في شوية اسئلة http://rooosana.ps/Down.php?d=mv2pN

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

عم تمزحو :ShababSmile225:

هاي كلها اسئلة :ShababSmile235:

وانا كنت شايلة هم اسئلة اسد طلعو يا محلاهم جمب كومات الاسئلى اللي سألوها

عن جد متفقين علي انتو بسيطة :ShababSmile227:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

ههههههههههههههههههههههههههههههههههه ههههه

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

+/+

هههههههههه

ياخيبتي مكتر الاسئله الله يعينك

ماضل اشي اسألو كل الاسئله دجوها :/

^.^

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

اقتباس:

المشاركة الأصلية كتبت بواسطة اسد 22 (المشاركة 1621113)

اهلاً وسهلاً باختنا الكريمة حرية فلسطين

أبدأ في الضيافة

http://files.shabab.ps/vb/images_cas...010127idvx.jpg

لي بعض الاسئلة

متى بدأت التسجيل في منتديات شباب فلسطين ؟

لو خيرت في الاشراف على احد الاقسام ماذا ستختارين مع ذكر السبب؟

لو كنت مديرة المنتدى ماذا ستغيرين؟

لمن تعطي الاوسمة مع ذكر السبب

وسام الصداقة؟

وسام الحكيم

وسام التميز

وسام المشاكسة

سؤال اخر اطلب منك ذكر اربع ميزات في كل من

المشرفة امل

المشرفة بنت فلسطين المجروحة

المشرفة اسراء فلسطينية

المشرف ابو مجاهد

المشرف شهيد

والمديرة دموع رحيل

المدير محمود

احضري 4 اخطاء املائية لكل من؟

المشرفة دمعة اسى

والمشرفة امل

والمديرة دموع الرحيل

لو طلب منك ان تسافري لأحد البلاد ماذا ستختار ولماذا؟

ما رأيك بالدمقراطية ؟

كفاية دول

الان ممكن ارجع

اقتباس:

اهلاً وسهلاً باختنا الكريمة حرية فلسطين

أبدأ في الضيافة

ياهلا فيك خيو اسد نورت

ايوا ياعمي هاي الناس اللي بتضيف صح

مقلوبة وحركات من الآخر مش فلفل :ShababSmile108:

الله يسلم إيديك يارب

اقتباس:

متى بدأت التسجيل في منتديات شباب فلسطين ؟

6-7-2007 يعني إلي 4 سنين بالمنتدى واكتر تقريبا :ShababSmile109:

اقتباس:

لو خيرت في الاشراف على احد الاقسام ماذا ستختارين مع ذكر السبب؟

قسم الترحيب والتعارف حبيب قلبي هالقسم إلو معزة كبيرة والله اشتقتلو والسبب لأني اول ما صرت مشرفة على هالقسم وضليت تقريبا سنتين لازقة بالقسم :ShababSmile237::ShababSmile109:

وقسم التواقيع والصور كمان بحبهم كتير لأني بحب الفوتوشوب :ShababSmile250:

اقتباس:

لو كنت مديرة المنتدى ماذا ستغيرين؟

ايوااااااا خطير هالسؤال شو يا اسد ناوي تخلي محمود يطيرنا انا وياك :ShababSmile226:

بالمنتدى مارح اغير شي لأنو بجنن ومو ناقصو شي ابدا

بالمواضيع رح الغي مواضيع فتح وحماس الغاء تااااااااااام :ShababSmile250:

بالأعضاء في كم عضو بدهم ازالة مع اني قاعدة بالمنتدى إلي 4 سنين ما كرهت حدا

الا هالأيام في اعضاء مالهم داعي ابدا :ShababSmile248:

اقتباس:

لمن تعطي الاوسمة مع ذكر السبب

وسام الصداقة؟

لأكتر من بنوتة بستاهلو هالوسام :ShababSmile109::ShababSmile109:

اقتباس:

وسام الحكيم

امل & اسراء الفلسطينية & محمود & القلب الطيب

اقتباس:

وسام التميز

ماهيناز & نابلسية كححح & أنين & أسامة وكتير والله تقريبا كل الأعضاء مميزين :ShababSmile109:

اقتباس:

وسام المشاكسة

فرفوشة اكيد :ShababSmile235: رعد فلسطين & ابو يقين اشتقنا لشقاوتهم :ShababSmile111: وابو مجاهد وشهيد توأم من الآخر :ShababSmile226:

اقتباس:

سؤال اخر اطلب منك ذكر اربع ميزات في كل من

المشرفة امل

وفية & لزوزة & صديقة صدوقة & قلبها أبيض :ShababSmile109:

اقتباس:

المشرفة بنت فلسطين المجروحة

اول ما بميزها انها زي ماما :ShababSmile109:
اول وحدة بلاقيها جمبي بس اكون محتاجة لحدا :ShababSmile109:
بحب فيها صراحتها يعني حتى لو كنت غلطانة بتحكيلي بوجهي انتي غلطانة وبتبهدلني كمان :ShababSmile109:

هالشي بخليني احس اديش بتحبني وبتخاف علي ودايما قلبها علي فديتها :ShababSmile109:
وبدها تاخدني عالمنطاد بس اروح عالإمارات :ShababSmile109:

اقتباس:

المشرفة اسراء فلسطينية

هالبنوتة بحياتي ماشفت حدا بصبرها وأخلاقها وزوقها ورقتها :ShababSmile109:

بصراحة مش عارفة شو احكي عنها على قد ما هية بتجنن :ShababSmile109:

اقتباس:

المشرف ابو مجاهد

رائع في تعاملو مع الكل بتميز في تعاملو
وفي كلامو اللي بحكيه ودايما بسرق منو مصطلحات خطيرة اول مصطلح سرقتو ياخبتي عللي اترملت :ShababSmile226:

مميز بتصاميمو وبتميز بأسلوبو :ShababSmile237:

اقتباس:

المشرف شهيد

اوووووووووه اكتر ما بميزه انو قد حاله وعقله كبير برغم صغر سنه بس بحسو قدها وقدود
وبتحمل المسؤولية وبيعتمد عليه يعني صار فينا نجوزه :ShababSmile250:

هلأ رح ينبسط ههههههههههه :ShababSmile235:

اقتباس:

والمديرة دموع رحيل

المدير محمود

ما بحبهم يا أخي لا تجبلي سيرتهم بستنى بالدقيقة يطيرو عشان لأنهم كاتمين على نفسي وماخدين كرسي الإدارة مني :ShababSmile226:

حورية فلسطين << مطرووووووووووودة :ShababSmile235:

لا عن جد شهادتي مجروحة فيهم الله يعطيهم الف عافية بجد مو مقصرين معنا وهاد اكتر شي بميزهم :ShababSmile109:

اقتباس:

احضري 4 اخطاء املائية لكل من؟

المشرفة دمعة اسى

والمشرفة امل

والمديرة دموع الرحيل

كلهم اخطاء يا زلمة :ShababSmile226:

اسد كرهتك بعد هالسؤال خلص سامحني بس هالسؤال مارح ارد عليه :ShababSmile109:

اقتباس:

لو طلب منك ان تسافري لأحد البلاد ماذا ستختار ولماذا؟

اكيد فلسطين امنية حياتي اروحها لو يوم واحد :ShababSmile111:

والإمارات لعلة في نفسي :ShababSmile109:

اقتباس:

ما رأيك بالدمقراطية ؟

اساسية في حياة كل أٍسرة :ShababSmile250:

اقتباس:

كفاية دول

اسد اسئلتك رائعة بس ليش بتسمع كلام الجمهور انت :ShababSmile108:

هالمرة سماح بس هيني بستنى دورك عشان اردلك الصاع صاعين :ShababSmile109:

تسلم على اسئلتك ما قصرت والله وبإنتظارك مرة اخرى :ShababSmile250:

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

الذين يشاهدون محتوى الموضوع الآن : 9 ( الأعضاء 4 والزوار 5)
‏ღ حورية فلسطين ღ, ‏Ṝậ₥ắ, ‏Maгaм .. ~+, ‏نابلسية كححح+

شو هالزحمة جايين تتشمتو فيي مووووو هههههههههههههههههههههههههه

يسعدكم يارب منورين الأعضاء والزوار ورجونا حالكم عندي فضول اعرفكم واشوف اسئلتكم :$

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

حرر حرر
حورية ,,

امم
شو اسئلك؟

- اول وحده شوفتيها فيس تو فيس او صورة ,, من المنتدى غير وردة الاقصى طبعا؟

- شو كان ردت فعلك ؟

- شو الموضوع اللي ما عجبك بالمنتدى وصارت مشكلة من وراه؟

- شو رأيك في ؟ مع اني ما بحب هالاسئلة ,, بس هاتي لنشوف
هههه

وتث

رد: [ حورية فلسطين ] ضيفُ لَـيالِي شـباب فـلسطِيـن و ثـرثـرةٌ حُـرة

يا ويلي عليكي يا سنووش
الاعضااء هلكووكي اسئلة
شوفي اسئلة شهيد
هههههههههه
بستنى الاجوبة علر نااااااار ,,