|
باحثة فلسطينية تعالج السرطان
http://files.shabab.ps/vb/images_cas...08345192Ys.jpg
توصلت باحثة عربية من مواليد الناصرة بالداخل الفلسطيني إلى إمكانية تنجيع العلاج لمرضى السرطان عن طريق إدخال ذرات من معدن الذهب أو البلاتين إلى الخلايا السرطانية، وهو ما يقلص الأضرار على أعضاء الجسم الأخرى. وقالت د. أمال حواري أيوب إنها ستستمر خلال عامين في إجراء الأبحاث والتجارب على حيوانات المختبر، وبعد نجاح هذه التجارب والحصول على كافة التراخيص من الجهات المسئولة، تأتي مرحلة إجراء التجارب على المرضى وبعد إثبات نجاعة وجدوى العلاج يمكن استعماله واعتماده عالميا. وقد نشرت الباحثة العديد من المقالات العلمية والطبية في مجال علاج أمراض السرطان بالأشعة، وسجلت براءة اختراع تحت عنوان "تطوير مصدر أشعة جديد لعلاج السرطان". وقد أسست مؤخرا شركة تعمل بمجال التكنولوجيا المتطورة، وبحوث الفيزياء النووية الطبية، حيث تعمل خلالها مع الباحث د. صبحي بشير على تطوير استعمال الأشعة للعلاج الطبي في مجال علاج مرضى السرطان. نقلة نوعية وفي تصريح للجزيرة نت، قالت د. أمال إنها سعت لإقامة الشركة بهدف تطوير بحثها المشترك مع د. بشير حول تنجيع علاج السرطان بالأشعة من خلال إضافة ذرات معدن الذهب إلى الخلايا السرطانية، مؤكدة أن ذلك سيساهم في نقلة نوعية عالمية في مجال العلاج بالأشعة لمرضى السرطان. يُذكر أن الباحثة حصلت على اللقب الأول بالفيزياء من معهد التخنيون في حيفا، ولقب الدكتوراه بموضوع الهندسة الطبية من جامعة بن غوريون الإسرائيلية، ثم تخصصت بتطوير طرق لعلاج السرطان بالأشعة، وتوظيف الفيزياء النووية في خدمة الطب. كما عملت محاضرة أكاديمية بجامعة بن غوريون، في موضوع الفيزياء النووية والأجهزة الطبية، وباحثة بمجال تخطيط العلاج لمرضى السرطان بمستشفى تل هشومير. كما أشارت د. أمال إلى أبحاث تجري حاليا حول "إمكانيات أخرى لاستعمال ذرات الذهب في علاجات مختلفة مثل علاج التهابات المفاصل". |
رد: باحثة فلسطينية تعالج السرطان
الله يوفقها بلكي بطلع معها العلاج وتنجح في عنجد هالمرض سار منتشر كتييييير
يسلموو على هالخبر:) |
رد: باحثة فلسطينية تعالج السرطان
الله يوفقها وينجحها يارب
يسلمو على المعلومات اخوي حسام المصرى |
رد: باحثة فلسطينية تعالج السرطان
الله يوفقها وينجحها يارب
يسلمو على المعلومات اخوي حسام المصرى يعطيك العافية اخوي |
رد: باحثة فلسطينية تعالج السرطان
ان شاء الله يقدرو يعالجو المرضى ويقضو عليه لانو كتير هالايام انتشر .. يعطيك العافيه حسام |
رد: باحثة فلسطينية تعالج السرطان
شكرا يا جماعة على المرور . بس على فكرة هى بتشتغل فى جامعة اسرائيلية وأكيد كل اكتشافاتها اليهود هما اللى بيسفيدوا منها الأول .. انتم اظاهر مخدتوش بالكم ..
يارب بس تعمل حاجة لفلسطين والمسلمين |
رد: باحثة فلسطينية تعالج السرطان
مشكور اخ حسام على المعلومة الرائعة
والله يوفقها |
رد: باحثة فلسطينية تعالج السرطان
اقتباس:
مرحبا حسام، شكرا عهالخبر، وعنجد اشي برفع الراس لعرب الـ 48..... والفلسطينية كافة... وان شاء الله بتتوفق يا رب في تطوير العلاج وتثب نجاعة العلاج! اما على اعتراضاك انها بتشتغل بجامعة اسرائيلية بحكيلك: طالما انها عايشة ضمن الاقلية العربية الفلسطينية في دولة اسرائيل، وين يعني بدها تروح تتعلم... على اساس انو العرب في الدول العربية اللي بطلعوا عدول اوروبا وبنتجوا اشياء عمستوى، بعترفولهم "باكتشافهم العظيم" انو رح يطلع باسم المكتشف الربي او باسم الدولة اللي تابع لالها؟؟؟؟؟!!!!!!! لا اعتقد ذلك!!!!! يحكي لو انها كانت تتعلم بدولة عربية، اكيد رح ينسبوا الاكتشافات لالهم1 بغض النظر عن المستفيد من وراءه..! وبعدين حتى لو انها بجامعة اسرائيلية، الفائدة مش حتروح بس لليهود اللي هناك، تنساش انو في عرب فلسطينية هناك، السرطان منتشر عندهم خيرات الله! واكيد رح يستفيدوا كمان اليهود، بالزبط زي لما المكتشف يكون يهودي، صدقني انو عادة الفلسطينية هناك بكونوا اول المستفيدين!!!! وبعدين يا خيي على شو زعلان، خلي العرب يخففوا شوي من "استهلاكيتهم" ويلعبوا ولو لفترات متقطعة دور "المنتجين"!!! وكمان بحب الفت انتباهك لشغلة انو في كتير وكتيييييير كمان من الفلسطينية بالضفة وغزة، بتعالجوا بالمستشفيات الاسرائيلية وخصوصا باقسم السرطان!!! انا بحكيلك عن اشي واقعي، مثلا: بمستشفى ايخلوف في تل-ابيب، في قسم السرطان، نص القسم عرب فلسطينية وجزء كبير منهم من غزة! واكيد منتمنى من كل قلبنا تعم الفائدة عكل الفلسطينية والعرب اجمعيييييين! وكمان عكل العالم.... لانو لما الامر بتعلق بانقاذ حياة بني ادم، بتبطل مصطلحات التمييز والهوية والعنصرية تلعب كتير دور، هاد الحكي صحيح للانسان انسان ومش انصاف الانسان! تحياتي لالك.. لالا-فلسطين 48. |
رد: باحثة فلسطينية تعالج السرطان
انا بحكيلك عن اشي واقعي، مثلا: بمستشفى ايخلوف في تل-ابيب، في قسم السرطان، نص القسم عرب فلسطينية وجزء كبير منهم من غزة!
على كده اسرائيل حنينة أوى ... أنا الصراحة حتى لو كنت بتعلم مقدرش أعد لحظة مع ناس اسرائيليين أبدا ... دى وجهة نظرى .. هيبقى هاين عليا أقتلهم بصراحة .. انا شايف كانت ممكن تتعلم فى أى مكان الا اسرائيل |
رد: باحثة فلسطينية تعالج السرطان
اقتباس:
شرا على الخبر بس بحب اقلك انو هي ما بتشتغل بس لليهود لانو باسرائيل في مليون ونص عربي منهم اكثر من مليون مسلم وكلهم من اصول فلسطينية وانا منهم وبعدين الهدف هون انساني وهي انولدت بالناصرة يعني جنسيتها اسرائيلية بس هاد ما بقلل من قيمتها او انتمائها الفلسطيني وبما انها من سكان الدولة مجبورة تحقق طموحها هون مشان تفري للكل انو العرب شعوب منتجة مو بس شعوب مستهلكة . |
رد: باحثة فلسطينية تعالج السرطان
اقتباس:
وكمان انا عربية مسلمة من اصول فلسطينية بس بتعلم باسرائيل لانو هيك الظروف خلتنا واحنا عرب 48 او عرب داخل الخط الاخضر ما منحمل جنسية فلسطينية مشان هيك احنا كلنا منتعلم بمؤسسات عبرية ومع هيك احنا كثير محافظين دينيا وعنا انتماء قومي وفلسطيني وهاد ما بقلل ابدا من قيمتنا لانو احنا ما اخترنا جنسيتنا احنا ولدنا فيها وكمان بالمرض ما في شماتة مهما كانت الديانة . |
رد: باحثة فلسطينية تعالج السرطان
اقتباس:
على فكرة يمكن المشكلة انك ما بتعرف شو يعني عرب الداخل او عرب 48 مشان هيك رح اشرحلك في سنة 48 كانت غزة تجت السيادة المصرية والضفة للسيادة الاردنية والقسم الثالث ما قبل يكون تحت سيادة دولة ثانية وما قبلو يتركو بيوتهم وهيك همي صاو بحدود الدولة العبرية وحملو الجنسيات الاسرائيلية بس مش باختيارهم غصب عنهم بسنة 48 كانو الاف اما اليوم عددهم مليون ونص عربي من اصل فلسطيني وبما انهم ما معهم الجنسية الفلسطينية طبيعي نتعلم بمؤسسات ليهود واكيد لازم نتطور ونتعلم ونتقدم والاغلب ما بروح بتعلم على الاردن او على الضفة لانو بصيرو يطلبو مبالغ هائلة باعتبار انو وضعنا الاقتصادي احسن بس ما بقدر الكل على ها المبالغ وكمان المسافة البعيدة . |
رد: باحثة فلسطينية تعالج السرطان
اقتباس:
واكيد في ناس بالمقابل بتتمنى الانقراض لبني آدمين الفلسطينيين!!!!! اما بالنسبة لـَ "انك بتقدرش تقعد معهم" فموقفك مش غريب، كمان في كتير فلسطينية كانوا مش مستعدين يقعدوا مع الاسرائيليين بارضهم وتركوا ديارهم وراحوا يسكنوا بالدول العربية التانية وبالدول الغربية، يعني فضلوا انهم يكونوا لاجئين ولا يعيشوا بارضهم ويتحملوا معاناة الاسرائيليين وعنصريتهم... بس ممكن ننظر لهدول اللاجئين من زاوية تانية انو الهجر وترك الارض مكنش بخيارهم ولا بارادتهم، بس كان بالتخويف والغصب! وانهم يروحوا يتعلموا بمحل غير اسرائيل مش حل. ازا فضلوا يعيشوا باسرائيل وبين اليهود على انهم يتركوا ارضهم، كيف بدك ياهم وقت التعليم يتعلموا بدول تانية...... خليتني احس انو احنا الفلسطينية الضيوف وهمي اليهود الاسرائيلية اصحاب الدار! ووجهة نظرك بحترمها، أكيييييييد! تحياتي.. لالا-فلسطين 48. |
رد: باحثة فلسطينية تعالج السرطان
اقتباس:
|
رد: باحثة فلسطينية تعالج السرطان
اقتباس:
|
رد: باحثة فلسطينية تعالج السرطان
اقتباس:
حتى لو مجبر .. أكيد كنت هحاول أخرج وأعيش فى دولة عربية لاجئ لحد لما ييجى الفرج ونتحرر .. بصراحة أنا مقدرش اعد مع اسرائيليا أبدا ... طب ممكن فى عمليات المقاومة والتفجيرات والصواريخ على أرض اسرائيل مهى ممكن تصيب ناس منكم وكأنكم مواطنين اسرائيليين . لاصواريخ مش هتفرق |
رد: باحثة فلسطينية تعالج السرطان
اقتباس:
وحييجي الفرج ازاي يا حسام لما اسرائيل بهالطريقة رح تشوف انو الجو خليلها ومضلش سكان بالمكان... رح سعيتها يفتكروا انو ارض فلسطين هي عنجد ارض الميعاد لبني اسرائيل.. وانها عنجد ارض بلا شعب، لشعب بلا ارض... مش هاد بالزبط اللي بدهم ياه؟! مش هيك ولا شو؟؟؟ بالمرة مش طريقة، وبتمنى، وبهاي النقطة بخصص الذكر، انو اللي بفكروا يعملوا هيك يكونوا حالات فردية! (وكمان مرة بهاي النقطة!!) اما بالنسبة للعمليات التفجيرية اللي ممكن تصيب عرب 48 من بين اليهود المستهدفين، فهاي قضية بحد ذاتها بتثيرني، وطرحتها قبل هيك للنقاش! ازا حابب تطلع على سير النقاش والاراء اللي انطرحت وقتها، فهاي الرابط لموضوع النقاش اللي دار في المنتدى: http://shabab.ps/vb/showthread.php?t=93370 اللي بتحكيه اشي واقعي كتير.. صدام بزمناتو لما سألوه ازارح تضرب اسرائيل شو رح تعمل مع عرب ال48 هناك، شو كان دروا، هيك رد: "انا مش رح انقي عدس"... اما بحرب اسرائيل-لبنان الاخيرة، اكتر المصابين والقتلى همي من عرب ال48... وكان نصر الله يعتذر لاهالي القتلى انو مش همي المقصودين... وبالعمليات التفجيرية، لما انقتل ابن بلدي زعزعني الاشي وخلاني اعيد حساباتي في الموضوع.. مع انو في كتير مواقف منفذين العمليات التفجيرية، كانوا يطلبوا من العرب يتركوا المكان قبل ما يقوموا بالتفجير... بس الاشي السيء انو اسرائيل من سنين لحد اليوم بتحاكم الاشخاص اللي تركوا المكان قبل العمليات التفجيرية، وبتتهمهم انهم متعاونين! واهلا وسهلا فيك! ويا رب ما اكون تقلت عليك!! |
رد: باحثة فلسطينية تعالج السرطان
اقتباس:
اكيد ان الأرض اللى أخذها منك عدوك يكون بس فيها عدوك عشان تعرف تصطاده هو بس .. انا مقتنع بده .. |
رد: باحثة فلسطينية تعالج السرطان
بالتوفيق ان شاء الله والله ها المرض في تزايد خطير الله يشفي كل مريض ويحفظ الجميع http://files.shabab.ps/vb/images_cas...085622pmqX.gif |
رد: باحثة فلسطينية تعالج السرطان
شكرا عاشقة غزة على مروك الأكثر من رائع
|
رد: باحثة فلسطينية تعالج السرطان
ميرسي الك على الخبر
انشالله يطلع معاها شي |
رد: باحثة فلسطينية تعالج السرطان
اقتباس:
طبعا بتصيب لانو بحرب لبنان مثلا اغلب الي ماتو عرب مسلمين معهم الجنسية الاسرائيلية وكانو بالاخبار يقولو موت اسرائليين تقريبا عددهم كانوا 13 . |
| الساعة الآن 12:03 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas