|
هل يعتبر هذا من حق الشهيد علي زوجته | موضوع للنقاش |
http://rooosana.ps/Down.php?d=TmnZ
كيف حالكم إخواني وأخواتي الكرام صراحة في موضوع محيرني الوا فترة وبدي رأيكم :ShababSmile116: بداية الموضوع انوا في شاب جار النا استشهد في الحرب وهوا من القسام وبعد استشهاده طبعا كان تارك وصية وهوا كان متزوج وعندو ولد ومن ضمن الوصية بتعتوا أنوا كاتب ما بدو زوجتوا تتزوج بعدوا والوصية طبعا لازم تنفذ بس انا اعتبرت انوا ما بدو زوجتوا تتزوج بعدو هذه أنانية لأنوا زوجتوا بدها تعيش وتشوف حياتها مش معني انوا بيحبها يكتب بالوصية ما بدو زوجتوا تتزوج بعدوا خلينا نشوف رايكم بهاد الموضوع هل بتوافقوا علي الشغلة هاد او بتعارضوها مثلي وأترك لكم باب النقاش مفتوح http://rooosana.ps/Down.php?d=w5WG أخوكمـ قسامي غ ــزة { أبو محمد } |
رد: هل يعتبر هذا من حق الشهيد علي زوجته | موضوع للنقاش |
برايي مابحقلو هالشي يعني باينتى لسه زغيرة ليش يعمل هيك واصلا بتعرف لو كانت بتحبو مارح تتزوج حدا بعدو مش الكل بس هاد رائي بس انو يحط هيك وصيه حرام عليه مش من حئو هالشي
لنشوف شوو راي البائي |
رد: هل يعتبر هذا من حق الشهيد علي زوجته | موضوع للنقاش |
ما بعرف .. الموضوع محير
بس اظن انه ازا كاتب هالشي بالوصية معناته انه حكى مع زوجته بهالموضوع .. هو ما وصى على شيء حرام .. بده زوجته تكون اله في الدنيا و في الآخرة .. شي رومنسي p: لكن لنفرض مثلا انه زوجته بعد استشهاده ما ضل عندها حدا لا اخ ولا اب .. و محتاجة يكون في زوج يحميها بصير نمنعها ؟؟ ما اظن .. لطن هاي الوصية رح تمنعها و ممكن يكون في ضرر الها والله و حيرتني يا ابو محمد !! |
رد: هل يعتبر هذا من حق الشهيد علي زوجته | موضوع للنقاش |
.
. طبعاً متل ما قالت نور ، الامر بيكون مبني و يكمن العمل فيها الوصية اذا الزوجة موافقه عليها و كانت حكت معاه في هالموضوع ^.^ اما يحرمها تعيش حياتها ، هادا ظلم بحد ذاته .. هو الله يسهل عليه ^^ بس هي لازم تتكأ على شخص يساعدها في امور حياتها خصوصاً اذا كانت في ريعان شبابها و لسا الحياة امامها طويلة .. ان شاء الله ربنا يجمعهم بالآخرة ! |
رد: هل يعتبر هذا من حق الشهيد علي زوجته | موضوع للنقاش |
معارضة وبشدة !
هو استشهد وخلص .. اساسا هاي مشاعر الغيرة ما رح تضل لاحقته بعد الموت .. وهي الي رح تاكل الضرب ! انا ضد هالشي نهائيا .. حتى لو كان ماخد رايها بحياته بس هي ما بتعرف الايام شو رح تعمل فيها ! الله يعين العالم .. يعطيك العافيه يا ابو محمد |
رد: هل يعتبر هذا من حق الشهيد علي زوجته | موضوع للنقاش |
شـــف يعني مش مكفي 72 وحــدة بدو كمــان يكوش ع زوجتو اظـــن هذا الأمـــر اولا ً وأخيـــرا ً برجـــع للـزوجـــة يعني في زوجات شهداء ما رضيو يتزوجو من بعد استشهاد ازواجهن مع انو ما حكو معهن في هيك مواضيع يعطيك العافيـــة يا بلــــد |
رد: هل يعتبر هذا من حق الشهيد علي زوجته | موضوع للنقاش |
اقتباس:
اهلا وسهلا بيكي اختي القضية مش بالوصية القضية بلي مكتوب بالوصية انا كمان انوا بهالطلب بيخالف الشرع لانوا الحياة ما بدها تقف ولازم زوجتوا تشوف حياتها ولانوا الحياة بدها تستمر واذا كان خايف علي اولادوا من التشرد والمشاكل كان كتب بالوصية انوا واحد من اخوانه يتزوجها وانا من رايي ما بحق الوا هيك نورتي اختي |
رد: هل يعتبر هذا من حق الشهيد علي زوجته | موضوع للنقاش |
اقتباس:
اهلا وسهلا اختي نور انا بصراحة ما بعرف اذا متفق مع زوجتوا بهاد الشي او لاء وممكن اذا متفق معاها مش كاينة تعرف شو سلبيات هالشي او مش متخيلة انوا هيستشهد وممكن يكون وافقت مزح او هيك شي انا برايي ما بحق الوا يعمل هيك واظني بهالشي بيخالف الشرع وانتي احكي اذا زوجتوا توفت اكيد راح يتزوج بعدها يعني ما لازم الواحد يتخذ هالامور بأنانية وهاد الوصية حجر عثرة بطريقها علي ما اظن ههههههه كيف حيرتك انا بقول دائما انوا رايك هو خلاصة الموضوع ودائما بأثق بردك علي هيك مواضيع يعطيكي العافية |
رد: هل يعتبر هذا من حق الشهيد علي زوجته | موضوع للنقاش |
مش عارفه حاسه رائيي حيكون حيادي بهاي المسأله |
رد: هل يعتبر هذا من حق الشهيد علي زوجته | موضوع للنقاش |
شغله تانيه ابن عمتو لمن استشهد كان هيك كاتب بوصيتوو سالو الشيخ حكا انو الوصيه بتبطل في هيك حاله
|
رد: هل يعتبر هذا من حق الشهيد علي زوجته | موضوع للنقاش |
اقتباس:
لكن الموضوع محير من ناحية انه الوضع ممكن يختلف كل مرة شخصيا لو انا مكانها ما اتصور اتزوج بعد استشهاده اي والله صعبة :ShababSmile225: بعدين حتى لو الرجل تزوج بعد وفاة زوجته بيضل مختلف عن المرأة لانه ما الهم نفس الاحتياجات .. ما بعرف كيف بدي وصل الفكرة ! بس انا مش قادرة الومه للزوج لانه يمكن من النوع الغيور .. يمكن فعلا ما بده تضيع منه في الآخرة يمكن رومنسي بزيادة ههههه و كمان ما اظن انه منعها من غير ما يتأكد انه ما رح تكون لحالها بهالدنيا اكيد هو عارفها كويس و عارف انه مش رح يكون تطبيق هالامر صعب لكن برجع و بقول انه مش ممكن نعمم هالشغلة لانه مستحيل تطبيقها في كل الاوضاع !! لانه هون حالة خاصة :) و بصراحة عجبتني هاي الحركة هههههه // يعطيك العافية اخي قسامي |
رد: هل يعتبر هذا من حق الشهيد علي زوجته | موضوع للنقاش |
ممممممممم شوف نهاد هاي تجربة انا مريت فيها
وبحكيلك اصلا بدون ماهو يوصي هي مافيها تكمل حياتها مع حد غيرو..اذا انا بس عقراءة فاتحة بدون كتب كتاب مش قاااااااااااااادرة اخد قرار بالزواج بعد يحيى الله يرحمو وصار للموضوع هلا اربع سنين وشوي كمان...بعرف حياتي هيك غلط وصعبة ..لسه هي عندها ولاد وبدهم تربية..بس فينا نعيش هيك..سداني بتتاقلم ومن حقو اه..مش انانية تحط حالها محلو وطلبت منو هيك!! بس تصاوب يحيى الله يرحمو..وحكت مرت عمي (امو) معي من المستشفى وكانت عندو..حكى لها..احكي لملك..لاتنزفي لغيري..وهي لهلا..مش رااااااااااااااااااضية اشوف حد بالدنيا بعدو..ولا ارتبط بشخص تاني ومش زعلانة من هيك ولابحس انو اناني بالعكس حلو كتير شعورو انو بدو يحتفظ في الو..وسعيده بهيك فاهم علي! |
رد: هل يعتبر هذا من حق الشهيد علي زوجته | موضوع للنقاش |
يمكن هالاشي مش من حقو
بس مش مشكلة اذا هيك هو بدو لكن القرار بالنهاية لمرته اذا بدها تتوج او لأ يعطيك العافية ابو محمد |
رد: هل يعتبر هذا من حق الشهيد علي زوجته | موضوع للنقاش |
موضوع مهم أخي قسامي ., برأي هي أنانية .. مافي أنسان ممكن يجبر أنسان ع فعل شيء وهو مات .. الله يرحمة .. وما ئله الحق بمنع زوجته من الزواج من بعده مش هي أنسانه .. وبدها تشوف حياتها .! مش توقف حياتها عليه وبس .! لهيك برأي .. هاي الأنانية بعينها ولو كان بحبها .. وخايف ع أبنه .. مش سبب يكتب هيك وصية لأنها بشر مش عبده تحياتي |
رد: هل يعتبر هذا من حق الشهيد علي زوجته | موضوع للنقاش |
اقتباس:
مزبوط كلامك شهيد حتي لو اتفقت معاه ما يصير هيك لانوا هوا حرمها من الحياة هيك هوا خلاص حياته انتهت وهية لازم تشوف حياتها لانوا الحياة مش هتقف عندو يعطيك العافية اخي |
رد: هل يعتبر هذا من حق الشهيد علي زوجته | موضوع للنقاش |
اقتباس:
كلام سليم وانا متفق معاكي برأيك بس اظن انوا صعب عليها انها تخالف كلاموا وممكن اهل زوجها يعارضوها بهالشي ويمكن كمان يحرموها من اولادها اذا خالفت وصية ابنهم بس لو كانوا متفاهيم ما بيعملوا هالشي وانا استبعد هالشي |
رد: هل يعتبر هذا من حق الشهيد علي زوجته | موضوع للنقاش |
برأيي انو كل اشي بيرجع للزوجة نفسها يعني حتى لو كانو متفقين على هاي الوصية وما قدرت تنفذها بيوم من الايام ما حدا بيقدر يلومها لانو ديننا دين يسر مش عسر ،،
هو بيكون وصاها بهيك لانو واثق انو ما رح تتزوج بعدو وكمان خايف على ابنو من زوج الام ،، وفي اغلب الاحيان الزوجة بترفض الزواج بعد استشهاد زوجها لانها بتنفي حياتها لابنها وتربايتو وبتفضل انها تعيش على ذكرى زوجها ،، لكن ممكن انها بعد مدة بتكون بدها تتزوج لتعيش حياتها وهادا من حقها وما حدا بيلومها ،، كلو تابع للظروف بوقتها وما في حدا بيزعل من الحلال والحق موضوع كتير حلو قسامي ربنا يقويك ويعطيك الف عافية يارب :ShababSmile240: |
رد: هل يعتبر هذا من حق الشهيد علي زوجته | موضوع للنقاش |
انا برأي انو هل الموضوع برجع للزوجة ازا هيا بدها تتجوز بعده بس انا بصراحة بشجعها انها تتزوج لانو ما فيها اتكمل الحياة لحالها حتى لو كانت كل العالم معها ووائفة جنبها وما خلتها تحتاج اي شي بس لو هيا قررت تتزوج اهم شي اهل زوجها الله يرحمو ما يعارضو وما يعمللولها مشاكل او يحرموها من شوفة اولادها ويعطيك العافية اخي ابو محمد |
رد: هل يعتبر هذا من حق الشهيد علي زوجته | موضوع للنقاش |
اقتباس:
هلا نورت ابو مجاهد اكيد انا بعرف في زوجات ما بتزوجوا بعد استشهاد زوجهم ولكن هنا الموضوع انوا هوا كاتب بالوصية انها ماتتزوج يعني لو ما كان متغف معها هيكون هاد الشي غصب عنها واكيد الراي الاخير الها يعافيك ربنا |
رد: هل يعتبر هذا من حق الشهيد علي زوجته | موضوع للنقاش |
اقتباس:
اقتباس:
اكيد يا اخت عاشقة الوصية بتلتغي بهيك ظرف لانها مش منصفة نهائيا نورتي بمرورك عاشقة الشهادة ما ننحرم من طلتكـ |
رد: هل يعتبر هذا من حق الشهيد علي زوجته | موضوع للنقاش |
والله يا أخي هذا ظلم للمراة وانا معترضة وبشدة الحياة تتغير بظروفها ومش رح تبقى متل ماتركها زوجها وحتى لو كتب بالوصية اذا كانت هي موافة اوكي لكن اذا كان العكس مش رح يلومها اي واحد على الزواج مرة تانية هذه سنة الحياة نطلبولو الرحمة والهناء والستر للأرملة وابنها مشكور اخي |
رد: هل يعتبر هذا من حق الشهيد علي زوجته | موضوع للنقاش |
اقتباس:
يعني هيك وجهة نظرك بس انا وجهة نظري بتختلف عنك المرة هاد مثل ما حكيت علي العموم نورتي الموضوع بمرورك |
رد: هل يعتبر هذا من حق الشهيد علي زوجته | موضوع للنقاش |
اقتباس:
انا معترض برايك الحياة مش راح تقف عندك انتي ويحيي ويحيي ربنا يرحموا يبقي انتي لازم تشوفي حياتك مش لازم تضلي علي ذكراه يمكن انتي مختلفة معي بالراي بس لو انا استشهدت مش هيرضيني انها ما تتزوج بعدي انا برفض هالشي بكون انا انتهيت وهية لازم تشوف حياتها هاد رايي نورتي بمرورك |
رد: هل يعتبر هذا من حق الشهيد علي زوجته | موضوع للنقاش |
ما اعتقد انو هاد من حقوا
الزوجة رح تمر من بعدوا بظروف صعبة وبتحتاج حد يوقف جنبها ويعني لو هي اللي استشهدت أكيييد هو راح وتزوج فليش يمنعها ممكن هي تكون ما بدها بس مادام هي لسة صغيرة وما عندها الا ولد واحد رح ييجيها يوم وتفكر بالزواج حتى لو طولت قبل ما تتزوج وبعدين اهلها مو دايمين الها ولا اخوانها ولا اخواتها كل واحد حيكون ملتهي بعيلتوا وحتى أهل زوجها ما حيفيدوها كتييييييير أولها أكيد أهل الزوج بيعملوا مشاكل بس بالنهاية رح يرضوا بالأمر الواقع وبالنهاية ما حنقول الا الله يرحم جميع الشهداء |
رد: هل يعتبر هذا من حق الشهيد علي زوجته | موضوع للنقاش |
اقتباس:
يمكن لوماحكاها هو كنت تزوجت لكان تخيل انت حد يوصيك عشي ومش اي حد ومش اي وصية كيف بتحس!!!بتئدر تتقبل حد غيرو بحياتك!! صحيح الله يرحمو صارلو4سنين هلا..بس سداوني الله يبعد عنكم ويخلي لكم حبابكم..ماااااااااااااااابتئدر صعبة جدا..عالنفس.وقااااااااااااااسية :ShababSmile223: |
رد: هل يعتبر هذا من حق الشهيد علي زوجته | موضوع للنقاش |
من رايي لو بتحبو بجد مارح تتزوج بعده ولو كانت صغيره ومافي داعي لوصيتوه من الاصل
هلاء الوصيه بعدم زواجها فيها ظلم الها ولاولادها لو مالئت اللي يساعدها عليهم اشكرك اخي قسامي عالطرح الرائع |
رد: هل يعتبر هذا من حق الشهيد علي زوجته | موضوع للنقاش |
موضوع جميل لنقاش ولكن لا يبيح الاسلام له هذا لانه من حقها الزواج فنحن لا نستطيع ان نقول ان الذى يتزوج اثنتان حرام لان الله احل له هذا وهى كذالك
|
رد: هل يعتبر هذا من حق الشهيد علي زوجته | موضوع للنقاش |
اقتباس:
|
رد: هل يعتبر هذا من حق الشهيد علي زوجته | موضوع للنقاش |
السلام عليكم ورحمة الله بداية كيفك اخي قسامي وشو اخبار زوجتك وابنك الغالي محمد ان شاء الله الامور تمام اما فيما يخص الموضوع هاد الوصية اكيد بتدل على انو كان بينهم حب كبير وبالتالي فالزوجة ممكن هي من نفسها تضل على دكراه لكن اكيد ما كان لازم يكتبها بالوصية مشان تصير القصة ضرورية لانو هيك غاية في الانانية والحي ابقى من الميت وبعدين احسن شي للارملة خصوصا ادا كانت لساتها زغيرة هي الزواج والسترة لانو بتضل "تتمرمط" وحط عشرين خط على هاي الكلمة لانو مش عارفة منين جبتها :ShababSmile235: وبعدين فيه سؤال بيطرح نفسو : اتزوجو العزابية مشان تتزوج الارامل ؟:ShababSmile235: |
رد: هل يعتبر هذا من حق الشهيد علي زوجته | موضوع للنقاش |
اقتباس:
واهلا وسهلا فيكي زمان عن طلتك هذه والله انا بخير وحمود بيسلم عليكي بس انتي حكيتي هذا يعبر عن الحب انا بعتبره مو حب لو كان حب كان جعل زوجتوا تشوف حياتها وتتزوج وما تضلها هيك بدون زواج ووبعدين اكيد راح ييجي الها نصيبها في ناس بتدور علي الارامل مثل الي بدو يتزوج ثانية او بيكون ما بينجب اولاد يعني كل فئة مطلوبة ههههههههه نورتني الموضوع بردك وضلك زورينا كل فترة والتانية |
| الساعة الآن 12:51 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas