|
بدي رأيكم :)
السلام عليكم و رحمة الله
كيفكم ؟؟ انا حاليا بدرس محاسبة .. لكن مش بالجامعة .. يعني لساتني بالمدرسة ^^ السنة الجاية - لما انجح بالباكالوريا ان شاء الله - حكون بالجامعة و بصراحة انا بدي اغير هالتخصص صحيح لمدة ثلاث سنوات ما كان بدي غير المحاسبة .. و خصوصي انه كان بدي اصير chartered accountant او certified public accountant هيك اسمه بالانجليزي لكن غيرت رأيي .. لانه هاي المهنة ما بقدر امارسها غير بفرنسا .. و انا مش مخططة اضل في فرنسا طول عمري لذلك بدي احول علوم اقتصادية و ادارية .. و كتخصص اضافي علوم سياسية او انجليزي او علوم اجتماعية عشان بعد ثلاث سنوات - ليسانس - اتخصص ماجستير islamic finance // هلأ شو رأيكم بقراري .. هل اترك المحاسبة علما اني بجد بحب هالتخصص بس لانه ما بدي ضل هون ولا احول للاقتصاد .. ازا حولت للاقتصاد برأيكم شو انفع كتخصص اضافي << اصله اجباري - علوم سياسية - انجليزي - علم اجتماع ؟؟ يلا بستنى رأيكم ^^ ما تخيبوني .. اصلي بجد محتارة |
رد: بدي رأيكم :)
امممممم والله شيء محير فعلا ^^..
ما زال ما بدك تضلي الاصل تجدي حلول تانية ! فتخصص تاني افضل ، و الاضافي يكون علوم سياسية من رأيي ^^.. |
رد: بدي رأيكم :)
اقتباس:
والله بجد هاي السنة تخربطت اوراقي كلها .. مخططي انقلب رأسا على عقب ..! طيب في بنوك اسلامية كتيرة بالدول العربية ولا لأ ؟؟ // و اللي بالجامعات .. في عندكم تخصصات في الاقتصاد الاسلامي ؟؟ |
رد: بدي رأيكم :)
الله يعينك شو بكره هل مرحلة , الواحد بكون ملخبط اقولك شغلة .. صلي إستخــآرة .. نصيحة مني ,, مش رح تخسري :) دايما بلجئ لهل حل لما اكون حيرانة :) // الله يوفقك .. وإن شاء الله .. الله بيفتح عليكي .. وبتختاري الأحسن الك :) |
رد: بدي رأيكم :)
اقتباس:
تسلميلي اسراء اكيد بصلي الاستخارة ربنا يقدم اللي فيه الخير ^^ |
رد: بدي رأيكم :)
بس تخلصي فرج ماتتسرعي ان شاء الله خير وانا بنصحك اختي بس يطلعن العلامات تشوفي اذا الانجلش او التاريخ مشان العلوم السياسية اللي اعلي اختاريله تخصص سواء انجلش او علوم سياسية
|
رد: بدي رأيكم :)
اقتباس:
يعني مش العلامات اللي بتحدد امكانية تخصصي في فرع او آخر .. لو بكون بدي افوت طب .. رح افوت طب !! و ان كانت العلامة بالباكالوريا 50 بالمية لكن المسألة بتختلف حسب التخصص اللي درسته من سنتين .. // بس عموما شكله الاعضاء بحبوا السياسة مشان هيك بتنصحوني اخد علوم سياسية كتخصص ثاني ههههه اشكرك اخي ابو ابراهيم و ازا عندك اضافة ما تبخل علينا اه و بدي اسألك .. بالجامعات عندكم اقتصاد اسلامي ؟؟ |
رد: بدي رأيكم :)
لا يااختي ما فيه عنا اقتصاد اسلامي عنجد اشي متعب لاتتعبي حالك بالتفكير لانه هتتحيري جدا لمن تخلصي خير بتروحي عالجامعة وبتستفسري وان شاء الله خير وربنا يوفقك
|
رد: بدي رأيكم :)
عنا تخصص اسمه " اقتصاد و علوم سياسية " فيمكن بزبطو مع بعض ههههههههه امممم .. ادرسي انجليزي ليش !! لانه حلو الانجليزي :d |
رد: بدي رأيكم :)
يعني أنا بشوف أنو الواحد يفووت تخصص بحبو بغظ النظر عن المكان إلي حيعيش فيه لأنك لو دخلتي تخصص ما بتحبيه فأكيد ما حتشوفي مستقبلك فيه فنصيحة إدخلي الشي إلي بتحبيه أحسن ما تندمي أو إدخلي شي تاني بتحبيه غير المحاسبة بس بلأخر الواحد بصلي إستخارة وكلي أمرك لله وأكيد الله كاتبلك خير أنشاءالله
تحياتي |
رد: بدي رأيكم :)
برأيى أنك تحولى لانه مايتناسب مع إقامتك يعنى فيه ضرورة أما بالنسبة للمادة الاضافية ،،، أفضل علم الاجتماع هو عندنا النظام مختلف عن عندكم لكن متقارب فأعتقد ان هذا الافضل وربنا يوفقك يارب |
رد: بدي رأيكم :)
متل ما قالت صوفيا صلي استخارة
اقتباس:
يعني بيدرسوا الإسلامي بالإضافة لغيره و العلوم السياسية انسب شي لإله لانه التنين بيرتبطوا ببعض بالقليلة حسب المناهج اللي عنا ^^ الله يوفقك يا رب |
رد: بدي رأيكم :)
برأيي انو البنت صعب تخرج بعيد عن اهلها لانها في احيان تواجه مشاكل وبحاجة لقرب اهلها منها
وبالنسبة للتخصص انصح لوجه الله تعالى تسألي صديقات لكٍ او تكملي السنة هاي وبعدين تحولي طبعاً بعد ما تسألي الي تعلموا التخصصات الي متحيزة لهم |
رد: بدي رأيكم :)
اقتباس:
اممم نور و الله الوضع صعب و مريت من هالمرحلة مثلك:ShababSmile235: بس راح احكيلك شغلة بالنسبة للتخصص الي عم تدرسيه حاليا زي ما بيحكو جايب همو يعني من أحسن التخصصات.. بفرنسا و غيرها من الدول الغربية راح ينفعك اكيد في بلادنا بحكي عن المغرب و الجزاير > لأنو مش عارفة النظام في باقي البلدان العربية كيف> ممكن ينفعك بس لو بدك تشتغلي لحالك يعني مشروع خاص فيكي إنتي بتحكي مش بتفكري ضلي هناك ع طول بس ع وين بدك تنزلي؟؟ ع الجزاير أو عنا بالمغرب:ShababSmile221: لو ع الجزاير بتعرفي الوضع يمكن أسوء من عنا بالمغرب:ShababSmile235: و كمان شغلة هنا فش شي اسمو اقتصاد اسلامي فيه ماركس و لينين :ShababSmile221: يعني لازم تحسبي حسابك إنو الرجوع فيه كثير اشيا لازم تتحمليها و يمكن اصعب من الي عندكم هناك فمش من السهل انك تتنازلي ع تخصص بهالأهمية.. انا برأيي كملي في تخصصك و لما تفكري ترجعي بتكون عندك خبرة اكبر لحتى تقدري تستغلي هالتخصص في شي بيفيد رغم الصعوبات الي عنا.. فمسألة تحويل لكلية الاقتصاد على حسب درايتي بالوضع عنا هون بالمملكة و من تجربة شخصية مش جايب فايدة تدكر.. يعني هدر وقت و طاقة بدون نتيجة.. وزي ما حكت الك إسراء صلاة الاستخارة كمان حل ناجع.. و ربنا يجيبلك الي فيه الخير و يوفقك:ShababSmile116: |
رد: بدي رأيكم :)
راح اقول رأيي بصراحة الانسان ما بينجح ولا يبدع الا في المجال الي يحبه وعاشقة غزة تحكي عن سابق تجربة مشاه هيك لو انت مضطرة تغيري التخصص .. لازم تغيري لتخصص تاني الك ميول اله او بتحبيه والقرار الاخير يضل بايدك بالتوفيق ان شاء الله |
رد: بدي رأيكم :)
اقتباس:
و انا عم بستفسر لانه التسجيلات بتبلش هلأ ما لازم نستنى لتطلع النتائج ^^ // شكرا على اهتمامك :) |
رد: بدي رأيكم :)
اقتباس:
الله يسعدك عندي ميول للانجليزي .. لكن العلوم السياسية كمان مجال جاذبني كتير ان شاء الله خير :) |
رد: بدي رأيكم :)
اقتباس:
شوفي انا ضد انه الواحد يفوت مجال ما بحبه انا بحب الاقتصاد كتير .. و صدقي حتى لو فتت تاريخ رح اكون مبسوطة لانه كل المجالات عاجباني باستثناء الطب و الفيزياء و الذي منه ههههه لكن بنفس الوقت انا مش مستعدة اضيع 8 سنين دراسة بالمحاسبة عشان ما اقدر اعمل بشهادتي شي بشوف الامور على المدى البعيد شيء تاني انه حتى لو فتت اقتصاد بقدر ارجع للمحاسبة بعدين لكن لو رحت محاسبة صعب ارجع للاقتصاد .. // جننتك معي ههههههه يسلموا كتير على اهتمامك ازا عندك اي ملاحظة او اضافة ما تبخلي علي ^^ |
رد: بدي رأيكم :)
اقتباس:
بعدين انا كمان شايفة الموضوع من ناحية شرعية الـ chartered accountant بكسب كتير .. يعني معاشه 5000 دولار تقريا .. و مع الخبرة بزيد صحيح بدها 8 سنوات دراسة بس محرزة كتير الشغلة لكن الشغل هادا فيه شبهة .. لانه كأنه مستشار قانوني .. بده يتعامل مع شركات ممكن شغلها محرم .. و يعطي نصائح متعلقة بالبنوك .. او اشياء للفلتان من قوانين الضرائب كتير اشياء اعقد من هيك .. فيهم شبهة فالمسألة معقدة // عموما اشكرك على الاهتمام ^^ و على النصيحة :) |
رد: بدي رأيكم :)
اقتباس:
شكلي حقتنع بالعلوم السياسية ههههه طيب ان شاء الله خير شكرا على النصيحة :) |
رد: بدي رأيكم :)
أوكي أولا بسم الله الرحمن الرحيم
شوفي حبيبتي يعني أنا مريت بحالة القلق والتوتر هاي الي بتمري فيها حاليا ,,,,, أوكي هلا لو فكرنا شويا بالمنطق إنتي بالأخر هيك ولا هيك حتفوتي التخصص الي الله كاتبلكياها أوكي ولا تفكري كتير بالموضوع حبيبتي لأنوراسك حتروحي وتجي بأفكار منطقية ومو منظقية وبنفس الوئت نصيحة صلي إستخارة وتوكلي على الله فإن الله خبير بشؤن العباد وتانيا لا تفكري لبعيد للمسئبل أوكي لأنو إزا بدك تفكري بطريئة تصدك عن التخصص الي بنحبيه وتفكري بشغلات سلبية بتصدك عن هاد التخصص فنصيحة لا تشغلي بالك شو حيصير للمدى البعيد لأنو الله بيوم وليلة بيئلب الموازين وبرجع بحكي صلي إستخارة وكلي أمرك لربك تحياتي يا عسل جننتك معي ههههههه يسلموا كتير على اهتمامك ازا عندك اي ملاحظة او اضافة ما تبخلي علي ^^[/b][/QUOTE] |
رد: بدي رأيكم :)
اقتباس:
لكن الاخذ بالاسباب واجب و الاستخارة بعملها .. بس الاستشارة كمان مفيدة :) ما عم وجع راسي .. انا بس بخطط لانه بعتبر هالموضوع مشروع ممكن يغير حياتي بدي يكون اختياري مبني على اساس جيد .. ما بدي اندم لذلك بفكر كتير قبل اي قرار ^^ بشوف انه القدر مش مبرر لعدم التفكير العميق بمثل هيك مواضيع .. و بعدين ازا ربنا قلب الموازين مش مشكلة .. انا بكون بالي مرتاح لانه عملت اللي علي :) // يسلموا على اهتمامك حبيبتي ^^ |
رد: بدي رأيكم :)
اقتباس:
تاكدي من هالشغلة يانور ! انا مش حابة تضيعي اشي بتحبيه ! |
رد: بدي رأيكم :)
اقتباس:
والله حسب .. هلأ الـ islamic finance اللي بدي اوصله ما بقدر ادرسه الا بباريس .. و هالمدينة بعيدة 500 كيلو عن مدينتنا ازا صحلي روح لبريطانيا للدراسة بروح بس ما بشوف فيها شي .. لانه لا انا اول وحدة ولا اخر وحدة تعملها .. بعدين ما في مخاطر لشو القلق .. المهم الواحد بكون عارف ليش بعمل هيك ^^ لما بيوضح الهدف بتهون الصعوبات ^^ |
رد: بدي رأيكم :)
اقتباس:
اول سنتين كلهم قانون .. و القانون فرنسي .. و كمان وضعي يا عجينة و كل بلد اله نظامه القانوني الخاص .. المحاسبة الفرنسية مختلفة عن المحاسبة الانجليزية مثلا .. يعني ما بدي احصر حالي على مكان معين .. |
رد: بدي رأيكم :)
بكرة ان شاء الله برجع لارد على امل و عاشقة غزة
هلأ لازم اقوم خلولي ارائكم اوكي ^^ تصبحوا على خير :) |
رد: بدي رأيكم :)
اقتباس:
هوا بالفعل صحيح الأخذ بالأسباب واجب وهوا قرار أكيد بتعلق بحياتك أو إلى مدى الحياة وبنفس الوئت مو غلط الواحد يسئل غيرو بالعكس رح يستفيد أكتر بس لازم الواحد يتعب بهاي المرحلة من التفكير بدك تتعبي شوي وبعدين الأمور بتصفى معك على كل حال كنت بتمنى ساعدك وأفيدك والله يوفئك يا رب وبالأخر حتفوتي التخصص إلي بريحك إنشاءالله في المستئبل تحياتي ... |
رد: بدي رأيكم :)
اقتباس:
اكتشفت انه الشغل اللي بدي اياه فيه شبهة .. لانه مش حكون مجرد محاسبة .. مجرد وطيفة المحاسبة ما بتهمني .. بسنتين ممكن احصل عليها لكن اني ادرس 8 سنين عشان بالنهاية ما اعمل شي بهاي الشهادة .. بتصير الشغلة صعبة .. ما بتنبلع بالمرة !! لذلك بشوف الاقتصاد حل وسط .. و خصوصا انه بباريس في جامعات بتحضر شهادة islamic finance يعني والله كمان فرصة ما بتتعوض !! و ما بقدر احصل عليها ببلدي اصلا ! و البلد اللي حاطاه ببالي هو بريطانيا .. مش المغرب ولا الجزائر ههههه يمكن لما اخلص الدراسة انزل عندكم و اعمل مشروع اقتصاد اسلامي هههههه والله ممكن و مش مستحيل ابدا .. و خصوصا انه هالمجال بيتطور يوم بعد يوم والله منا عارفة يا امل .. و التسجيلات بلشت اليوم .. و لهلأ ما قررت الله يلهمني الصواب .. // حبيبتي شكرا على اهتمامك ^^ |
رد: بدي رأيكم :)
زي ما الكل حكى ، صلي استخارة وأكيد الله رح يخترلك الافضل من دون ما تشعري
|
رد: بدي رأيكم :)
:)
زمان عنه هالموضوع عموما انا اخترت و سجلت و عم بستنى النتائج النهائية عشان يكتمل التسجيل ^^ علوم اقتصادية و ادارية + انجليزي ^^ الحمد لله اه على فكرة .. جامعتي اسمها جامعة الانوار خخخخخ مخصوصة عشاني يبدو p: دعواتكم :) |
رد: بدي رأيكم :)
^^
الله يوفقك نوغ *^ |
رد: بدي رأيكم :)
^^
منوغ ـة دمعة :) زوغ ــينا كل يوم ^_* |
رد: بدي رأيكم :)
أنا مقتع بحاجة
be the change u want لو أنتى من جواكى عايزة محاسبة صدقينى كنتى هتختارى انك تكملى ولو انتى برده عايزه تكونى علوم سياسية برده هتختاريها .. صدقينى رأينا مش هيغير من هدفك .. لكن أنا لو كنت مكانك بصراحة كنت كملت فى المحاسبة ومين قالك ان دراستها بس فى فرنسا .. ازاى جبتى المعولمة دى .. الشغل بتاعها فى كل مكان وفيش أى حاجة فى الدنيا دى من غير المحاسبة .. ادعى ربنا وقولى وفقنى الى ما تحبه وترضاه والموضوع هيمشى بسهولة |
رد: بدي رأيكم :)
اقتباس:
المحاسبة المعتمدة في فرنسا مختلفة عن المحاسبة المعتمدة في بريطانيا او في دولة تانية لانه القوانين في كل بلد مختلفة هلأ انا ما بدي اكون محاسبة و بس .. بدي كون chartered accountant مهنة المحاسبة لحالها ما بتهمني .. في سنتين دراسة ممكن اخد الشهادة .. و انا ناوية ادرسها بالموازاة مع الاقتصاد لكن مش هاي السنة يعني شهادة زيادة حلو ع الـ CV خخخ و عشان اكون chartered accountant لازم 8 سنين دراسة بالجامعة يعني مش حإطلع غير لما يصير عمري 28 هاد ازا نجحت بكل المستويات و ما اضطريت اتوقف لفترة .. زد على ذلك ازا حبيت انتقل لبلد تاني - لاني مبدئيا مش ناوية اضل في فرنسا - مش رح احصل على نفس المستوى .. لانه القوانين مختلفة .. اصلا انا شفت المناهج و قرأت منهم شوية .. نص المواد كلهم قانون فرنسي !! ليش اضيع وقت ؟؟ الاقتصاد اوسع و نفس المبادئ الاقتصادية موجودة في العالم كله .. و كمان في فرصة افوت ماجستير اقتصاد و تمويل اسلامي لانه موجود بباريس صحيح هالتخصص اصعب لكنه اشمل .. هاي اسباب تغييري .. الله يجيب اللي فيه الخير |
رد: بدي رأيكم :)
خلاص واضح أنك عارفة انتى عايزة ايه زى مقلتلك من البداية وصدقينى رأينا مش هيهمك ..
واضح كمان ان مجالك أدبى .. وأنا مليش أوى فى الحاجات دى بس أعتقد أن السياسة مملة جدا .. |
رد: بدي رأيكم :)
ههههههههههه
يا حسام الموضوع حطيته من زمان و كنت فعلا محتارة .. و هلأ اجيت تأقولكم انا شو اخترت ^^ و كمان شغلة انا مش ادبي .. انا تكنلوجي :) و شي تاني انا ما اخدت السياسة انا اخترت الانجليزي كـ Minor او مش عارفة شو اسمه عندكو و واضح انك ما فهمت الموضوع كويس و رأيكم يهمنا دائما :) |
رد: بدي رأيكم :)
بصراحة طبيعة دراستك مختلفة عننا خالص .. بس اهم حاجة تكونى دخلتى حاجة أنتى بتحبيها وخلاص .. وصدقينى فى حكاية مستقبلك لازم يكون ليكى رأيى
ومروك على التخصص .. وفرنسا متفرقش كتير يعنى عن مصر ..هههههههه |
رد: بدي رأيكم :)
اقتباس:
والله سخسخت من الضحك الله يبارك فيك يا رب هي فعلا الدراسة هون مختلفة شوية عن باقي البلدان .. معقدة شوية .. الله يجيب اللي فيه الخير ^^ و شكرا على اهتمامك :) |
رد: بدي رأيكم :)
اقتباس:
هلأ انتبهت .. هاي كـ Minor .. يعني زيادة التخصص الرئيسي هو علوم اقتصادية و ادارية ههههه و الـ Minor زي ما قلت اخدت انجليزي ههههههه ان شاء الله بس تكون الشغلة اوضح هههههههه والله معقدة .. |
رد: بدي رأيكم :)
يا ستى ربنا يكون فى عونك .. الفرنساوى أساسا لغة أنا مبحبهاش ..
أكيد معاكى جزائريييييييييييييين كتيييييييييييييييير طلقاء فى الحكاية عندى .. عموما ربنا يوفقك ونشوفك حاجة كبيرة وأنا ان شاء الله أشغل فى british petroleum فى أى من مواقعها حول العالم ..ههههههه |
| الساعة الآن 10:06 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas