|
:: لتعليقاتكـــم حول روايهـ [أنت لي] ::
×× سلام من الله يحف أروآحكم كأنوآآر الأفق ،،
[!.:.أنت لي.:.!] روايــــة جمعتنـــآ بروعتها في إحدى الزوايه حلقنا بها ومعها بعيداً ابكتنا كثيـــراً ،، واضحكتنا قليلاً أحببنا شخصياتها ،، وتوحدنا بهم تعاطفنا مع أحدهم ،، ومقتنا الآخر ولإن النهايه جاءت كأفضـــل ماتحبون كانت هذه المساحه لتتسع لثرثره قلوبكم وتعليقاتكم وأراءكم ولكي لايبقى ماقرأنها حبيساً بين السطور كونوا هنـــــــــــــآ ×× عليكــــــم الله حــآفظ ؛؛ |
رد: :: لتعليقاتكـــم حول روايهـ [أنت لي] ::
مشكوورة ليال .
^^ |
رد: :: لتعليقاتكـــم حول روايهـ [أنت لي] ::
هآي القصة .. ما بعرف كيف .؟!
بس حسستني بشعور غريب . مرت فيهآ موآقف كنت رح أبكي منهآ . بس مسكت نفسي من شان ما يضحكوا علي. ^^ طريقة الوصف اللي حآكتهآ القصة . فآقت الخيآل . القصة بتصف كيف كان الشخص واقف . كيف كان قاعد . بتخلّي الواحد بيشعر بأنّو هـ الشخص أمامو . يمكن لو صارت هـ القصة مسلسل . لـ كانت أروع وأروع . ليـال . مشكورة .! بحبك ^^ |
رد: :: لتعليقاتكـــم حول روايهـ [أنت لي] ::
اللي عجبني بالقصة طريقة السرد وكيفية استخدام الاستعارات والتشبيهات،،
كنت وانا أقرأ اتخيلهم قدامي وأحس اني عم اتفرج عليهم اتخيلت كل شي صار معهم والحلو فيها كانوا محافظين ع الاخلاق الاسلامية،، يعني الصلاة بوقتها وبالمسجد،، لبس الحجاب بس الي جنني بالنهاية رغد ووليد كانوا يتقلوا ع بعض وتعبوا قلوب بعض وبالنهاية رجعوا لبعض شكرا الك ليال ع الرواية لا تحرمينا ابداعك |
رد: :: لتعليقاتكـــم حول روايهـ [أنت لي] ::
شو رأيك ليال كل فترة تصيري تحطيلنا رواية
|
رد: :: لتعليقاتكـــم حول روايهـ [أنت لي] ::
مافي شك من انو الرواية جميلة جدا وتعابير الوصف رائعة
بس ما بعرف ببعض الاحيان حسيت في مماطلة بالوصف والاحداث وحتى بالتعابير يعني اخد وقت طويل باحداث كان من الممكن انها تمر بشكل عابر يعني اخدت اكبر من حجمها بالرواية لكن كقصة وكاستخدام تعابير ببعض المواقف رائعة اكيد يعطيكي العافية حبيبتي |
رد: :: لتعليقاتكـــم حول روايهـ [أنت لي] ::
و عليكم السلام و رحمة الله كلام ليمار فيه منو بس أنا قبل ما أدخل معكم في نقاش احداث القصة بدي أنبه لاهم نقطة و بنظري مهمة جدا لما بقرأ لأي كاتب لازم اشوف السيرة الذاتية تبعو مشان أعرف مين هو و مع اي فكر انا بتعامل طبعا بحتث عن الكاتبة منى المرشود المعروفة ب تمر حنا/ قمرة بس لقيت إنو فيه غموض يحيط بهالكاتبة ما في شي معلومات مضبوطة عنها غير إنها كاتبة و طبيبة أطفال من السعودية بس رغم هيك و بعد بحث مستمر لقيت أنو منى المرشود هي شيعية رافضية طبعا نحنا بنقرأ لكثير كتاب و كثير منهم اجانب بس بنعرف توجههم بس هون لما نيجي لواحد بيبان إنو من المسلمين بس عقيدتو ابعد ما تكون عن الإسلام الي جاء به الحبيب و حمل على اكتاف صحابته الكرام الذين طالهم ما طالهم من الشيعة لانو بنعرف إنو الشيعة من النوع الي بيدس السم بالعسل و زي ما لاحظتو تار إنتباهنا كيف الكاتبة اعطت اهمية كبيرة للحفاظ ع الصلاة و الحجاب و كمان منع الإختلاط بس يا ترى هل نحنا كأهل سنة و بنعرف الحلال من الحرام يحق لإبنة العم و هي محجبة و ملتزمة ان ترتمي في أحضان إبن عمها؟؟ و الكثير الكثير هون بيبان الخلل؟؟ أنا الرواية قراتها 3 مرات مشان أشوف الكاتبة شو بتحاول تغرس بالرواية و فيه كثير ملاحظات بس حبيت انبه لأهم نقطة بنظري. هدفي من إثارة هالنقطة: لو نحنا بنقدر نميز ما بين هو صالح و طالح فيه ناس بتنجذب لهيك روايات و بتتعلق فيها كثير،، و مع طريقة السرد الاكثر من مميزة للكاتبة فيه كثير ناس راح تبحث عن روايات جديدة للكاتبة. و هون و ين بتكمن المصيبة: لأنو فيه كتير كتابات الها منافية تماما لمدهبنا كأهل سنة. و للإضافة الدكتورة تمر حنا هي مشرفة مميزة بأحد المنتديات الشيعية و بدون ذكر الاسم الا ادا حبيتو تعرفو اكثر عنها.. و تشوفو شو بتكتب في العاشوريات و كيف بتثني على ناس الي هي ضد مذهبنا السني بكل اعجاب.. // طيب لو حبيتو ننقاش بهالنقطة اولا و بعدين ننتقل لشي تاني // و يعطيك العافية لولتي ع فتح المجال النا لإبدلاء آراءنا:ShababSmile229: |
رد: :: لتعليقاتكـــم حول روايهـ [أنت لي] ::
اقتباس:
هو الصراحة انا كتير تعجبت من كون الحفاظ ع الصلاه . والحجاب . بس كتير كنت اتعجب . كيف لما اجت اروى تسأها ليش قتل عمار . كيف كانت ترتمي بحضن وليد وبقوة . بس عجيبة كونها شيعية . والله غريبة . انتِ متأكدة .؟.! |
رد: :: لتعليقاتكـــم حول روايهـ [أنت لي] ::
اقتباس:
و هي كانت متواجدة بس ما ردت على الموضوع و التعليقات و لما طلب منها من طرف الإدارة التوضيح اختفت عن المنتدى و ما ادلت باي رأي في هروب صريح من الجواب.. بس انا لما رحت ع المنتدى الاصلي الي هيي من لجنة الاشراف المميزين عرفت انها أيضا بتشرف في كثير محافل للشيعة بتوزيع الجوائز و القاء المحاضرات في الحسينيات تبع الشيعة .. يعني كونها شيعية الكل متاكد منو. |
رد: :: لتعليقاتكـــم حول روايهـ [أنت لي] ::
يا لهوي
الي رجعة |
رد: :: لتعليقاتكـــم حول روايهـ [أنت لي] ::
و الله ما بعرف شو بدي اقول
أولا شكرا كتير كتير إلك ليــال الروااية كانت حلوة بس أكتر ما هي حلوة كانت بتغيظ كنت حابة اشير لهاي اللنقطة من قبل بس لما شفت مشاركة امولة اتفاجأت كتير مواقف كانت غريبة نقول البنت مريضة بشي ماشي لكن غلها حدود كتير مواقف بالرواية كان ويد بيشوفها بشعرها صح أما بالجزء الخمسون لما فتح الباب و رد سامر قالت كيف تجرؤ ؟؟!! يخرب بيت اليهود طول القصة و هي مش مهتمة كتير بالدين و هلأ طب عليها فجاة مرة ترتمي .. و مرة تمسك ايديه بالمزرعة لما غارت من اروى ولا لما كانت بغرفة وليد بالمزرعة و نامت عالكنبة؟؟ هلأ تزكرت حالها تستحي هاي مدلعة و من أول القصة و أنا بكرهها ما تزعلوا للي بيحبوها بالنسبة لكلام امولة اولا شكرا لأنها بحثت و دورت هاي بالقليلة معروفة و انكشف شو بدها بس في كتير كتاب مسلمين بيكتبوا اشياء بتخزي؟؟ راجعة |
رد: :: لتعليقاتكـــم حول روايهـ [أنت لي] ::
انا مع امولة ودمعة
انا ما فاتتني هالنقطة ويعطيكي العافية امولة ع البحث ويجزاك خير صراحة ما اتوق حد فكر يعمل بحث عن الكاتبه الله يحفظك |
رد: :: لتعليقاتكـــم حول روايهـ [أنت لي] ::
اقتباس:
اهلا ياعسل كنت سعيده جدا بتواجدك ومتابعتك للقصه وبالفعل الروايه كان الها تأثير مباشر على النفسيه يمكن لأنها بتقترب من الواقع بشكل كبير والغوص في التفاصيل خلى الحاله مرسومه بالفعل نورتي ياعمري وانا بحبك كتير هالئد :ShababSmile223: |
رد: :: لتعليقاتكـــم حول روايهـ [أنت لي] ::
اقتباس:
اهلا ياعسل مزبوط كلامك القصه بتعتمد على التفاصيل اكتتر من الأحداث وهالشي هو الي بالفعل بيجزب الواحد ،، وبخليه يعيش الحاله وكأنوا عم يشوفها وكمان الإطار الإسلامي _مع شويه تحفظ_ خلانا نتعلق بالقصه اكتر نورتي ياحبيبتي |
رد: :: لتعليقاتكـــم حول روايهـ [أنت لي] ::
اقتباس:
ولا يهمك حبيبتي اكيد ازا لئيت روايه حلوة ومناسبه ،، مش راح ابخل عليكم فيها وازا انتو حواليكم روايه حلوة نزلوها :ShababSmile224: |
رد: :: لتعليقاتكـــم حول روايهـ [أنت لي] ::
اقتباس:
متل ماسبق وحكيت ،، الروايه ماكنت معتمده على الأحداث ئد ماكنت معتمده على الوصف انا شخصياً حبيت هالشي ،، لأنو بيركب الصوره بالخيال هو صحيح في ببعض المطارح كان يكون في مبالغه بتئهر بس اجمالاً اتوظفت بالشكل الصح ما انحرم يارب من هالطله :ShababSmile223: |
رد: :: لتعليقاتكـــم حول روايهـ [أنت لي] ::
اقتباس:
انا بحب اشكرك كتير على اللفته البارعه منك في البحث والتمحيص وعلى مايبدو يا امولتي ،، انو توارد الخواطر عامل عمايلو بيني وبينك هالأيام :: انا كتير كانت تستفزني المشاهد الي بيصير فيها تجاوزات من هالنوع وكانت تجبرني والله اهجر القصه لأيام طويله ،، وانا احاول ادور على تبرير او تفسير :: شيء مش مقبول ابداً انو فتاه ترتمي بحضن ابن عمها احيانا كنت انسب هالشي للعقده المرضيه الي بتعاني منها رغد او للظروف القاسيه متل الحرب ووفاه ابويها ،، وحرمانها من وليد لفتره طويله وانها كانت لفتره طويله مغصوبه على سامر بس هادي كانت مجرر مبررات لنفسي حتى اكمل الروايه بضمير مرتاح بس بعد الكلام الي انتي حكيتيه اتأكدت انو بالفعل ،، سم مدسوس بالعسل وهالشي بالفعل كان ملفت ،، خصوصاً في ظل الإطار الديني الي تحلت فيه الروايه :: انا سعيده بإثارتك للهالنقطه ،، وسعيده اكتر انو انا وانتي وجوريه وبلستين انتبهنا عليها وهادا هو المطلوب انو جمال الأحداث وتناسقها ،، ما يغيب عنا بعض الهفوات الي ممكن تكون بالصميم :: ما انحرم منك يا احلى امل وعلى فكره انا فهمت ليش هداك اليوم كنتي تعتزري:ShababSmile223: وانا مازعلت منك يادبه بس احيانا الحقيقه بتكون قاسيه بما يكفي لحتى القلب يتوجع :ShababSmile223: بموت عليكي:ShababSmile229: وياريت هالحكي يوصل لماهيناز الطمبيئه :ShababSmile221: |
رد: :: لتعليقاتكـــم حول روايهـ [أنت لي] ::
إلي رجعه ان شاء الله
:: بس هلأ بدي منكم تعليقاتكم وأرائكم حول الشخصيات نفسها لاتنسوا انو هالموضوع الكم ^^ |
رد: :: لتعليقاتكـــم حول روايهـ [أنت لي] ::
اممم رح أبدأ أنا
وليد: انظلم كتييير بحياتوا،، وكان أحيانا يخبي احساسو بقلبوا،، وبعض الأحيان كان قاسي كتيييييير،، نوعا ما عندو حب التملك رغد: كتيرة غلبة،، رسامة ماهرة، دلوعة زيادة عن اللزوم،، سامر: كان مظلوم شوي بالأول بسبب حادث الحريقة وبعدين جرح رغد لإلوا،، لبعض الوقت كنت أحسو بحب التملك عشان رغد بس لما تركها وخطب لمياء حسيت انوا ضحى كتير لأنوا كان يحبها،، وبحس قلبو طيب.. دانة: كان عندها شوية غرور،، طباخة وست بيت،، أروى: كانت جريئة نوعا ما بس انظلمت من وليد،، مكافحة مع أهلها حسام: تقيل دم كنت أحسوا، نهلة: طيبة وخفيفة دم،، أم حسام: كانت تخاف ع رغد كتير لدرجة مو طبيعية،، أبو حسام: محترم كتير وبحب مساعدة الغير سيف: ونعم الصداقة أم وليد: عطوفة وحنونة أبا وليد: محترم زوج دانة: مغرور،، بس عندو نخوة أم أروى( ليندا ): صابرة ومكافحة خال أروى: محترو وكريم ان شاء الله ما نسيت حدا أكيد كل وحدة فيكم شافت صفات الهم غير اللي انا شفتوا وحسيتوا،، بس انا هيك حسيت صفاتهم وكل وحدة طبعا الها شخصية ورؤية غير عن الكل مشكورين |
رد: :: لتعليقاتكـــم حول روايهـ [أنت لي] ::
ليه ما نختار شخصية وحدة نحكي عنها
و لما نخلص منها ننتقل للتانية مجرد إقتراح |
رد: :: لتعليقاتكـــم حول روايهـ [أنت لي] ::
فكرة حلوة دمعة
|
رد: :: لتعليقاتكـــم حول روايهـ [أنت لي] ::
السلام عليكم
ما بعرف ليه ناسيـــن الموضوع المهم وليد اول شي كنت ماخدة عنه فكرة إنو طيب كتير لكنه بالحقيقة كل العطف اللي أعطاه لرغد ما بيساوي شي قدام الجرح اللي سببه لأروى دخلت حياتها و دمرها و طلع فقدت إمها بسبب خطوبتها اول ما إمها مرضت بسببه هوا بتهمه مصلحته و رغد و بس يعني اناني دمر قلب أخوه و قلب حياته لو ما كان بدو رغد ما كان رح يفرق معه شي كان سئ بالمعاملة و تلاعب بمشاعر أخوه كتير و ما شا الله عليه ملتزم و بيصلي و بيقرأ قرآن إلا عند رغد لا حدود قليل إحترام للي اكبر منه إم حسام و كيف تعامل معها متهور و عصبي بطريقة رهيبة بيحكي عن نوار مغرور مع إنو شهم و أحسن منه بمليون مرة ناكر للجميل نديم و أروى و خالها و كيف تركهم بالآخر |
رد: :: لتعليقاتكـــم حول روايهـ [أنت لي] ::
رواية انت لــي :: من اورع ما قرأت بتجنن يعني { من الاخر :ShababSmile240: حبيتها كتير كنت لما اقرأ جزء حزين اتنكد لطول اليوم ولما اقرأ جزء حلو وبيفرح كنت ازهئ اهلي في الوراية طول اليوم :ShababSmile221: وشخصياتها كتير حلوين خصوصا رغد وولــيد :ShababSmile250: وكتير كنت احب لما ينجن وليد لما يشوف رغد مع سامر :ShababSmile221: وكنت اتخيل حالي بينهم بس ما حدا شايفني وكنت انسى اني بالبيت :ShababSmile229: ومن كتر ما انهبلت منها كنت امشي بالشارع واتخيل شخصياتها واتحزر وليــد ممكن يكون شبه مين ورغد ممكن تكون شبه مين :ShababSmile221: والشخصيات اللي بكرها هي اروى وعمّار ما ابيخ دمو كرهت الاسم منو :ShababSmile108: والشخصيات الحلوة كانت الام والاب واختها :ShababSmile240: وخالتها ما اتقل دمها علي عملتو بوليد :ShababSmile108: وكان سامر صعبان علي كتير :ShababSmile111: ولما ادخل ع المنتدى بروح بقرأ اخر فقرة في الرواية لما تجوزها :ShababSmile221: وبئعد اضحك وبدي اعيط عشانها خلصت :ShababSmile223: وما اكتر برمي وازا اتزكرت اشي تاني راجعة هع هع :ShababSmile222: ليـــــــــــــــــــــال تسلميلي يا رب << بحبك :ShababSmile229: |
رد: :: لتعليقاتكـــم حول روايهـ [أنت لي] ::
انا مع دمعة
كل اسبوع مع شخصية |
رد: :: لتعليقاتكـــم حول روايهـ [أنت لي] ::
ماشي متل مابلشت دمعه وحكت رأيها بشخصيه وليـــــد
كملـــــوا ياصبايا (: // وياريت الموضوع يمشي أسرع مشان ماتنسوا الأحداث :ShababSmile116: // وليــــــــــــــــد الصراحه شخصيه وليد حلوة كتير ورغم انها شخصيه مركبه ومتناقضه الا انها اعجبتني صحيح تسلطه احيانا وقسوته كانت تستفزني بس كنت دايماً الائيله مبررات:ShababSmile221: حتى الاسلوب الي كانت الكاتبه تتبعوا في طريقه الحكي تبعت وليد كان يعجبني كنت احس بالفعل انو كل شخصيه بتتكلم عن نفسها بدون مايكون في يد وحده هي الي عم تنسج الأحداث واسلوب وليد بالحكي كان يأثر فيني كتير :ShababSmile223: :: أكتر المرات الي كرهت فيها وليد لما ضرب سامر :ShababSmile223: انا سامر اكتر واحد بالروايه كان يبكيني كيف لما ينضرب من الطمبيئه وليد :ShababSmile108: وكمان لما ضرب اروى وشك فيها انها ئقعت رغد من فوئ الدرج الصراحه استحقرته كتير :ShababSmile225: مش لهالدرجه يعني بس كبر بعيني كتير كتير :ShababSmile229: على التضحيه الي ئدمها لأخوة ســآمر وكيف ضحى كتير حتى يساعده ويحافظ على حياتو :: من الآخر شخصيه وليد كانت حلوة واحلى شي فيها انها متقلبه يعني يوم بتتعاطف معها ويوم بتكرها :ShababSmile240: :: يلا ياثبايا:ShababSmile250: |
رد: :: لتعليقاتكـــم حول روايهـ [أنت لي] ::
وليــــــــــد :ShababSmile229: بتجنن شخصيتو حبيتها بكل ما فيها حتى لما كان يصرخ ع رغد كنت احكي زلمة بيطلعلو :ShababSmile221: b: اكتر مرة حبيتو فيها لما قتل عمار اتخيلت منظرو وحكيت معو حق زلمة والنعم ^^ :ShababSmile224: ولا مرة كرهتو غير مرة وحدة لما تجوز الطمبيئة والدبة اروى كنت اسب عليه صراحة :ShababSmile108: واحكي شو اللي حببها في رغد ما ابيخ دمو بعدين ارجع بكلامي ههههه :ShababSmile250: وصراحة كنت ميته على شخصيتو لانها روعة وانا حبيتها كتير كتير ^^ :ShababSmile229: لو كان حقيقي كنت خطبتو ئبل رغد :ShababSmile221: :ShababSmile250: |
رد: :: لتعليقاتكـــم حول روايهـ [أنت لي] ::
وليد
صراحة وليد ما عرفت افهمو اناني وعصبي ومزاجي ما بيهمو حدا بحس عندو تصرفات طائشة لمن جرح اروى كتير نزل من عيني ما بتهمو مشاعر حدا وكيف نزل ضرب باخوه |
رد: :: لتعليقاتكـــم حول روايهـ [أنت لي] ::
ههههههههههه
ياحرامك ياوليد // يلا حبيباتي بلشوا بالطمبيئه رغد |
رد: :: لتعليقاتكـــم حول روايهـ [أنت لي] ::
رغد
لو يصحلي اقتلها ما بقصر أول شي كنت متعاطفة معها لما كانت صغيرة و كنت أتضايق من دانة لما تزعلها لكن هاي البنت هي الحساسة زيادة و مدلعة ما بتقدر شو ينعملوا مشان راحتها همهما تعمل اللي براسها كانت دايما مغرورة بأنها أحلى من دانة و الله بعتلها باللي احلى منها اروى و قهرتها شخصيتها ضعيفة كتير كتير و لكن بنفس الوقت تصرفاتها قاسبة كتير قديش زعلت لما تركت سامر مش بكفي كيف كان مستحملها على تصرفاتها و كمان أسلوبها مع وليد كيف كان سواء و هي زعلانة و لا راضية هلأ هي بتحب وليد اوكي لكن زوجته كانت أروى بصفتها شو تمسك ايده بالمزرعة؟؟ و لا تعطيه جواله و هو نايم؟ ما بتراعي هاد الشي ما بتراعي إنو ابن عمها مش شئ تاني كمان لنا تزعل منه يقطع شرها بتقطع القلب و بتصير مسكينة بتضلها تقول لوليد إذا مش قد إنو يحمل مسؤليتها يوديها لبيت خالتها و قليلة إحترام لخالتها مهما عملت ما بتصرخ عليها هي ما بتقدر الظروف اللي براسها بدها تعمله وقت ما اشترت فستان و إمها و ابوها ما كانوا بدهم ( يومخطوبة دانة" ما راعت إنو الله يعينهم منيح للي هم راضيين اضل عندهم و مسئوليين عني اتبلت على اروى بوقعتها عن الدرجة و لا لما راحت تعزيها بدون نفس هلأ بالرواية عارف و حسام و سامر و و ليد على شو بيحبوها مش عارفة آخر شئ بدي أقوله الله يعين وليد رح يقضي حياته و هو ياكل بطاطا مقلية إذا اتزكرت شي برجع |
رد: :: لتعليقاتكـــم حول روايهـ [أنت لي] ::
رغد وما ادراك ما رغد ... كلها ع بعضها بحب شخصيتها صحيح هي دلوعة كتير بس بحبها بس ما حبيت لما كانت تحكي لوليد انو كذاب وتسب عليه كنت احكي انها لازم توخد شوط عند امي عشان تعقل :ShababSmile221: بس والله بحبها كتير وكنت احب اكتر اشي لما تتقاتل مع اروى بس كان في حركات ما لازم تعملها لانو خلص ككان ناوي يتجوز البنت بس هي زودتها لما كانت توكل لحالها وتعمل كل اشي لحالها وكانت شخصيتها ناعمة وحساسة وكانت رومنسية كتير وامورة :ShababSmile229: وانا حبيتها :ShababSmile229: |
رد: :: لتعليقاتكـــم حول روايهـ [أنت لي] ::
يي ما شفتو هاد الموضوع :(
سوري ع التأخير صبآيآ :( .. طيب هلأ ححكي عن وليد و رغد ^^ .. وليد :: كتيييير حبيت شخصيتـو ,, :ShababSmile229: كتيير كان يعاني بالسجـن و لمآ طلع من السجن كمآن كان منبوذ من العآلم ! :( بس متل ما حكو الصبآيآ حسيتو شوي أنـآنـي , كنت مرآت أعد أحكي معو حئ , و أرجع برأيي و أحكي ما معو حئ أبدآ !! امم , كتير غازني لمـآ كـآن يطنـش رغـد ! , أو لمـآ يعآملهـآ بطريئهـ مو منيحهـ أدآم خالتهـآ ! ,, يعنـي إنت بتحبهآ للبنـت ليش بتعاملهآ هيك , ! بس أكتـر موقف حزنـي و بكيت عليهـ لمـآ إكتشــف إنهـآ خطيبة سـآمر :ShababSmile223: كتيـــر أثر فيني :ShababSmile223: كنت أعد أدعي ع سـآمر :ShababSmile221: :ShababSmile221: اممـ ,, بس :ShababSmile250: ,, رغـــد ,, عســل هـالبنــت :ShababSmile229: حبيتهــآ كتير كتير كتير ,, :ShababSmile229: مع إنو إلهـآ تصرفـآت بتقــهر ! , بـس كنت دآيمـآ أعد أحكي مو مهـم مش قصدهـآ :ShababSmile221: كتير كنت أحزن عليهآ وقت ما يعد وليد يطنشهـآ و بتزآنخ عليهآ ,’ و كتير كنت أعصب منهـآ لمـى هي تعد تتزآنخ و تتدلع ! شخصيتهـآ دلوعهـ كتير , بس حبيتهـآ مع إني بكرهـ الدلوعين :ShababSmile221: ^^ , يعطيكو ألف عافيهـ صبآيـآ ,, ^^ |
رد: :: لتعليقاتكـــم حول روايهـ [أنت لي] ::
رغد
كان نفسي ادبحها بكل تصرفتها ما كنت طايقاها |
رد: :: لتعليقاتكـــم حول روايهـ [أنت لي] ::
وليد ::
كان دورو كتير حلو . دخولو السجن عشان رغد . كانت تضحية كبيرة . وحبو لرغد كان وفي بشكل كبير . حتى مع ارتباطو بـ اروى . بس انو عزّب اروى كتير . فكان هـ الشي سئء جدا . بس تضحيتو لسامر كانت كبيرة ورائعة . رغد :: كانت كتير دلووعة . ودورها حلو بس كتير مزعج . دلوعة كتير وغيورة كتير وشايفة حالها , واللي بسامر خلاني اكرها . سامر كان احلى دور في القصة . كتير حبيت شخصيتو . بس اللي عملتو رغد فيه . قهرني كتير . |
رد: :: لتعليقاتكـــم حول روايهـ [أنت لي] ::
كأني جايه بعد الهنا بسنه ., ههههههه المهم ., حلوه القصه وخصوصا بدايتها ., بس بعدين بنصها تقريبا حسيت وكأنو فيلم هندي صار في مبالغة بالاحداث ., بس بشكل عام ., منيحه ويعطيكي ألف عافيه ليال |
رد: :: لتعليقاتكـــم حول روايهـ [أنت لي] ::
نحكي عن سامر؟؟
|
رد: :: لتعليقاتكـــم حول روايهـ [أنت لي] ::
اقتباس:
اخد منو حب حياتو ووبالاخير بعد ما خرب كل شي حكى ارجعو لبعض وكانو كان ممكن |
رد: :: لتعليقاتكـــم حول روايهـ [أنت لي] ::
سامر اكتر شخصية حبيتها بالرواية كلها
اولا كان حبو لرغد حب برئ تانيا لمن عرف انها ما بتحبو ما رضي يرتبط بيها حتى لمن تركها وليد باخير اجزاء لانو عندو عزة نفس تالتا لمن راح ينتقم لابوه وامه ما كان بهمو غير مشاعرو وانو يعمل اي شي عشان يرضي ضميرو شخصية كتير عفوية حسيتها |
رد: :: لتعليقاتكـــم حول روايهـ [أنت لي] ::
سامر ::
كتير امور وحباب بس دعيت عليه لما ضرب رغد وحبسها بغرفتها هون حقدت عليه حقد ليوم الحقد وهو حرام صعب علي كتير لما كان ينضرب من وليـــد بس بيستاهل كل هاد عشان مصلحتو كان واحلى اشي فيه انو ضحى بأغلى اشي عشان اخوه هاد خلاه يكبر بعيني كتير بس هو طلع امور وتجوز وحدة غير رغد وطلعها من راسو بس لهلا نفسي اتخيل كيف يشوف حبيبتيو مزوجة اخوه نفسي اعرف شو شعورو ما علينا المهم كانت شخصيتو حلوة ^^ |
رد: :: لتعليقاتكـــم حول روايهـ [أنت لي] ::
ماحكيت عن رغد أنا !!
طمبيئه بجد :ShababSmile235: اصلا انا رغد ماحبيتها ،، انانيه ودبه :ShababSmile108: وماهمها الا حالها صحيح كنت متعاطفه معها وهي طفله بس لما كبرت وصارت طحشه بدأت تتمادى خصوصا انها تئلت دمها كتير على وليد وكانت تحملو فوئ طاقتو مابحبها دبه :ShababSmile108: :: |
رد: :: لتعليقاتكـــم حول روايهـ [أنت لي] ::
ســــآمر
سامر اكتر حدا بالروايه بحبو بس كان يجي دورو ويببلش بالحكي ،، انا اصير ابكي كتير كنت متعاطفه معو هو اكتر حدا انظلم انحرم من البنت الي بحبها [بغض النظر عن انها دبه وطمبيئه] وتعزب بسبب اخوة ئديش كنت انئهر لما رغد تبين مشاعرها لوليد ئدام سامر مسكين انجرح كتير واتعزب كتير حتى هو كان اكتر حدا حساس ومتأثر بوفاه اهلو كتير استغربت لما انضم لجماعه ارهابيه بس لما عرفت السبب والمبررات كبير سامر بعيني كتير الله يسعدو يارب بيزنن |
| الساعة الآن 01:21 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas