|
الزواج من فتاة أو شاب غير عرب ( أجانب ) ؟؟
موضوع للنقاش .. زواج الشاب المسلم ( فلسطيني مثلا ) .. من فتاة اجنبية ( مسيحية ) .. اوربية او امريكية .. في نظركم ما مدى تقبل مجتمعنا لهذه الفكرة ؟ .. وما الايجابيات والسلبيات على الاسرة والزوج والاولاد ؟ من ناحية آخرى .. هل تقبلين الزواج من شاب غير عربي ( مسلم ) .. ( أوروبي .. أمريكي ) ؟ وهل سيتقبل اهلك والمجتمع الفكرة ؟ في انتظار ردودكم .. |
رد: الزواج من فتاة أو شاب غير عرب ( أجانب ) ؟؟
^^
موضوع حلو اولا بالنسبة للسؤال الاول .. بعتقد بنات الغرب بشكل عام و ان كانوا مسيحيات ما بيتمتعوا بالوصف اللي حدده القرآن الكريم و هو " محصنات " .. يعني قبل ما تتزوج البنت بتكون عدت على كثير شباب في السنة الواحدة .. و زميلتي بالصف و انا لسة بالاعدادي حكتلي انها صاحبت 10 شباب بالسنة الواحدة !! انا عايشة بمجتمع غربي و شايفة اللي بصير نادر جدا ما تلاقي بنت غربية محصنة .. و للاسف بعض البنات من اصول عربية كمان صارن زيهم .. لكن لنفرض انه هاي الاشكالية مش موجودة .. و انه هاي المرأة عندها اخلاق بنظري مش مشكلة كبيرة .. لكن حيكون من الصعب ايجاد تفاهم بخصوص الاولاد و تربيتهم و توجههم الديني ازا اسلمت الزوجة بعد الزواج بيكون شيء تاني .. لكن صعب اقناع مرأة غربية بانه دين الاولاد بيكون جاي من الاب مش من الام صعب جدا التأقلم معاهم و خاصة انها ممكن بيوم يتقلب مزاجها .. و تاخد ولدها و تمشي ما بعرف لوين !! كثير بتحصل هاي القصص في الغرب .. لذلك الحذر مطلوب .. مش كل النسوان هيك .. لكن ازا الرجل المسلم اراد انه يتزوج غربية لازم تكون عنده قدرة اقناع كبيرة و سيطرة ع الوضع :) // بالنسبة للسؤال الثاني اقتباس:
مثلا صديقتي من اصل مغربي تزوجت من واحد من اصل فييتنامي لكنه طول عمره عايش بفرنسا و هيهم مبسوطين ما دام الدين موجود يبقى مش مشكلة لكني شخصيا استصعب فكرة الزواج من شاب ما بيفهم اللغة العربية و ان كان من اصل عربي .. ما بدي اتواصل مع شريك حياتي بلغة اعاجم .. حتى و ان كنت اتقنها فيعني هادا شيء شخصي ينطبق علي انا لكن عموما انا مش ضد الموضوع لانه عادة الاوروبيين اللي اسلموا بيكونو ملتزمين اكثر .. و جدا حنونين و رومانسيين مع زوجاتهم هههه حتى انهم بيساعدوهم باشغال بالبيت من غير تذمر :ShababSmile222: // هادا رأيي ^^ يسلموا ع الموضوع اخي |
رد: الزواج من فتاة أو شاب غير عرب ( أجانب ) ؟؟
موضوع حلو للنقاش
في نظركم ما مدى تقبل مجتمعنا لهذه الفكرة ؟ .. بالنسبة للمجتمع انا بشوف انو متقبل الفكرة بشكل ايجابي وانو في ناس كتير بتزوجو من برا يعني انا الي قريب متزوج وحدة بريطانية وكتير الي صاحبات اقاربهم متزوجين فتيات اوروبيات وما الايجابيات والسلبيات على الاسرة والزوج والاولاد ؟ ازا كان الزواج من ديانة تانية بكون التأثير سلبي كتير ع الاسرة ممكن يطلع الاطفال مو مسلمين عدا عن صفات الزوجة ازا كانت مو مسلمة ومن اوروبا فممكن تعمل اي شي اما ازا كان الزوج او الزوجة مسلمة بشوف انو ايجابي بسير انصهار للثقافات وبفيدو بعض الازواج وهيك . هل تقبلين الزواج من شاب غير عربي ( مسلم ) .. ( أوروبي .. أمريكي ) ؟ ازا مو مسلم طبعا لأ شو ما كانت جنسيتو لانو اصلا ديننا بحرم هادا الشي بالنسبة للمرأة اما ازا مسلم بشوف انو ممكن كتير اقبل ازا كانت شخصيتو حلوة وشكلو حلو كمان ^^ مشكور حسام ع الطرح المميز :) |
رد: الزواج من فتاة أو شاب غير عرب ( أجانب ) ؟؟
طبعا ديننا محرم البنت تتزوج من شاب غير مسلم يعني مستحيل نفكر فيها وكمان ما بتنسأل لأنوا هيك ديننا بيحكي،،
أما الشب انوا يتزوج من وحدة أجنبية صارت كتييييييييييييير بالمجتمع والناس صارت تتقبلها بس من وجهة نظري ما بفضلها خصوصا ازا كانت الزوجة مو مسلمة لأنوا حيكون في أثار ع العيلة والمجتمع،، يعني انا اخوالي متزوجين من أجانب،، في الي خال زوجتوا كانت بريطانية وضلت عايشة معوا فترة طويلة بس لما تطلقوا أخدت بنتها وراحت وخالي هلأ ما بيعرف عن بنتوا شي وهي تقريبا عمرها البنت 24 أو 25 سنة ومرتوا مسيحية،، وخالي التاني مرتوا أمريكية وكانت جارتها عربية صارت تحكيلها العرب بس يتزوجوا أجنبية بتزوجوا بعديها عربية بعدها أخدت بنتها وهربت وخالي ما بيعرف عنهم شي هلأ تقريبا بنتوا عمرها 13 سنة،، بهالحالة بنتوا ما حتكون مسلمة لأنوا أمها مسيحية ومستحيل امها تعلمها تعاليم الاسلام وأخلاق الاسلام.. من جهة تانية بنت صفي ابوها فلسطيني مسلم وامها سورية مسيحية،، امها وابوها منفصلين وهي الها اخوان شباب كبار،، هي واخوانها عايشين مع امهم وما بيعرفوا شي عن الدين وحتى في وحدة قالتلي انوا شافت اخوها الكبير للبنت لابس صليب،، يعني هاد الشي غلط كبير،، خصوصا لما يكون الاب من دين والام من دين تاني ابن خالتي اتزوج المانية بس اسلمت عندو هاد الشي حيكون كتيييييييييير مناسب الهم،، يعني الشب لما يفكر انوا يتزوج اجنبية غير مسلمة لازم يكون قادر انوا يخليها تسلم عشان ولادوا ما يضيعوا بالمستقبل.. اسفة ع الاطالة،، شكرا أخي السيف ع الموضوع |
رد: الزواج من فتاة أو شاب غير عرب ( أجانب ) ؟؟
موضوع مهم
لي رجعة إن شا الله |
رد: الزواج من فتاة أو شاب غير عرب ( أجانب ) ؟؟
:بسم الله الرحمن الرحيم
أول شي يعطيك العافية السيف عدي ع هذا الموضوع زواج الشاب المسلم ( فلسطيني مثلا ) .. من فتاة اجنبية ( مسيحية ) .. اوربية او امريكية .. في نظركم ما مدى تقبل مجتمعنا لهذه الفكرة ؟ .. كتير موجودة . لكن ما بيتقبلها كتير لو كانت أجنبية و مسلمة يدوب يقبلوا فما بالك لو كانت مسيحية بس الشي اللي بلاحظه إنو أغلب الأجنبيات عنا بغزة روسيات !! ما بعرف ليش بعليتنا على حسب علمي 3 بس كلهن اسلمن و ما كانوا متقبلبنهم بالأول بعدين طلعوا أحسن من كتير ناس:ShababSmile240: وما الايجابيات والسلبيات على الاسرة والزوج والاولاد ؟ أكيد بيأئر لو كانت الإم مش مسلمة و زوجها ما بيحكم الأولاد رح يتأثروا بفكرها كتير كيف رح تكون تربيتهم أكيد مش عالدين الإسلامي إذا هي بتطلع ببنطلون بنتها رح تطلع بنقاب اكيد لأ !! بس الشي اللي بحسوا إيجابي انهم بالغالب الأولاد بتعلموا لغة جديدة :ShababSmile221: هل تقبلين الزواج من شاب غير عربي ( مسلم ) .. ( أوروبي .. أمريكي ) ؟ وهل سيتقبل اهلك والمجتمع الفكرة ؟ هو اهلي متقبلين يزوجوا لحد غير ناس معينين حتى يتقبلوا لغير عربي اي و الله لو اضل عندهم طول عمري ما بيرضوا أهلي و أنا عرفاهم:ShababSmile221: بس هاد الشي حلو و صعب بنفس الوقت و لوكان الطرفين متفهم لطباع الأخر و عاداته بيعيشوا أحلى حياة:ShababSmile240: مشكور أخي |
رد: الزواج من فتاة أو شاب غير عرب ( أجانب ) ؟؟
اقتباس:
انا معك في الرأي .. نورتي نور الهدى .. |
رد: الزواج من فتاة أو شاب غير عرب ( أجانب ) ؟؟
بشوف الشي صار منتشر وعادي جدأأأ (: مش غلط او عيب الواحد يتزوج اجنبيه بشرط مع الزمن يتفقو على دين واحد
الي يسهل امور الحياه وتربيه الاطفال ويرجع للشخص نفسو وضميرو الى اي دين ينتسب !! وهل سيتقبل اهلك والمجتمع الفكرة ؟ بكل صراحه اختي مخطوبه لشب من اصل ارلندي والسنه الجايه ناوين على جيزه ان شاء الله اهلي تقبلو الشي بشكل جداااااااا صعب بكون الشب مسيحي واعتراضات من الاهل والاقارب بس كيف بقولو The Power Of Love خلا خطيب اختي بسلم لانو اتوضع تحت الامر والواقع لكن ما زال اعتراضات من الاقارب لليووم .!! بس بالاخر مثل ما قالو الي قبلي اهم شي يتربو على دين الاسلام يسلمو ع الموضوع الحلوو |
رد: الزواج من فتاة أو شاب غير عرب ( أجانب ) ؟؟
اقتباس:
تسلمي أرابين ع المرور .. |
رد: الزواج من فتاة أو شاب غير عرب ( أجانب ) ؟؟
اولا بحييك ع الموضوع اخ عدي طبعا انا لست ضد الفكرة بالنسبة للشاب.. لكن زواجه من أجنبية ممكن يترتب عنه مشاكل كثيرة.. وبدل ما يعيش متهني راح يعيش في قلق.. لانه قبل كل شي صعب ادماج الاجنبية في مجتمع عربي اسلامي.. الا اذا كانت لها القابلية لذلك وعدم تأقلمها مع عاداتنا وتقاليدنا طبعا الدينية راح يسببله متاعب والاخطر انه يجد نفسه احيانا في خيار كثير صعب لما الاهل يحتجوا على ها الزيجة.. فأي الطرفين سيرضي؟؟؟.... أما اذا حكينا عن الفتاة.. طبعا شئ مفروغ منه.. لان ديننا لا يبارك الزواج من غير المسلم فهل نعصى الله من أجل ذلك؟؟.. اما بالنسبة لاهل الفتاه .. فلا أضن ان اي بيت عربي مسلم يرضى بهيك شي.. بل يعتبر جرم اقترفته الفتاة في حق نفسها واهلها ودينها.. عاشقة غزة حكت بالموضوع بشكل عام وكمان مرة احييك عدي ع الموضوع يعطيك العافية http://files.shabab.ps/vb/images_cas...153300QcW7.gif |
رد: الزواج من فتاة أو شاب غير عرب ( أجانب ) ؟؟
الزواج من الاجانب فيه مشاكل كتير سواء على المدى القريب او البعيد
يعني حتى لو كان الحب موجود بين الطرفين حيكون صعوبة بالتفاهم مش بس مشان اللغة لا كمان بالعادات والتقاليد حتى لو كان الدين واحد والطرفين مسلمين ، بحكم المعيشة والمكان حيكون في اختلاف كبير بطريقة التفكير مثلا. بعرف بنت اتجوزت شاب ايرلندي كان زميلها بالجامعة وكان في مشاعر حب بيناتهم استمرت طيلة فترة الدراسة وبعد التخرج تم الزواج لكن هالبنت اكتشفت شغلات كتير عنو ما كانت تعرفها الحاصل من هالقصة انو شغلات كتير بتكون غامضة والانسان بيكتشفها بعد الزواج بحكم انهم صاروا عايشين فبيت واحد وما في مخبى بيناتهم وبعدين مش خالصين من شغل الحموات وهما ولادهم متجوزين من ناس منهم وفيهم طب كيف لو كانوا اجانب ؟ هههههه وجع راس رسمي وما بدنا نعمم لانو في نماذج تانية عايشين ومتهنيين لكن برضو بيوقعوا في مشاكل غير عن الباقي لانها اعمق اتوقع من حيث الأساسيات والمبادئ هل تقبلين الزواج من شاب غير عربي ( مسلم ) .. ( أوروبي .. أمريكي ) ؟ وهل سيتقبل اهلك والمجتمع الفكرة ؟ بالنسبة ايلي لو كنت لسه مش مرتبطة كان ما بوافق على اجنبي برضو ولا اهلي رح يوافقوا بعرفهم لاني ههه موضوع حلو ونقاش واقعي حسام الله يعطيك العافية يارب |
رد: الزواج من فتاة أو شاب غير عرب ( أجانب ) ؟؟
يا ستي هن كثير من العربيات مش ماشي حالهن
من يريد ان يتزوج من غير عربيه خليه يتحمل التداعيات |
رد: الزواج من فتاة أو شاب غير عرب ( أجانب ) ؟؟
زواج الشاب العربى من الاجنبيه بيكون شىء بيرفضه بعض الناس فى مجتمعنا العربى لكن انا اعرف ناس متزوجين وعايشين حياه طبيعيه جدا وبعدين ده قسمه ونصيب. لكن انا عن نفسى مرجحش الفكره لان اللى بيدفعوا التمن الاولاد من حيث النشاه بين اب وام من جنسيات مختلفه. عن نفسى صعب اتزوج من شاب اجنبى او حتى عربى يحمل جنسيه اجنبيه لانها حصلت واتقدم لى شاب مصرى واحنا نعرفه بس لانه عاش مده بامريكا ومعه الجنسيه وبابا رفض. تقبل احترامى اخى
|
رد: الزواج من فتاة أو شاب غير عرب ( أجانب ) ؟؟
:بسم الله الرحمن الرحيم نعم فالزواج من الاجانب هو حرام |
رد: الزواج من فتاة أو شاب غير عرب ( أجانب ) ؟؟
اقتباس:
:ShababSmile221: |
رد: الزواج من فتاة أو شاب غير عرب ( أجانب ) ؟؟
اقتباس:
:ShababSmile235: lالأجانب مش قصدنا من دين تاني مسلمين لكن من جنسيات اخرى بيشرفنا مرورك أهلا و سهلا فيك:ShababSmile240: |
رد: الزواج من فتاة أو شاب غير عرب ( أجانب ) ؟؟
اقتباس:
سوري دمعة اسى.. بس الاخ السيف عدي كان واضح في موضوعه.. زواج الشاب المسلم او الشابة المسلمة من مسيحي او صاحب ديانة اخرى .. لم يذكر الجنسية المختلفة او ما يسمى الزواج المختلط والفرق شاسع |
رد: الزواج من فتاة أو شاب غير عرب ( أجانب ) ؟؟
اقتباس:
من وين بتفتي يا حج ديننا بحكي انو المرأة ما لازم تتزوج من رجل غير مسلم بس يعني اصلا العلاقة اللي بتربطنا هي الاسلام مو الجنيسة بعدين الرجل بيقدر يتزوج امرأة غير مسلمة الشغله مو بالجنسيات يا حج |
رد: الزواج من فتاة أو شاب غير عرب ( أجانب ) ؟؟
اقتباس:
و يا ريت سيف عدي إذا قصدك غير حتى أغير رأيي لأنو الدين واضح بهاي النقطة و ما في مجال للنقاش |
| الساعة الآن 11:53 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas