|
خواطر 5 // وحكآية كوكب آخر .. فيه بشر من نوع آخر !!!!
السلام عليكم ورحمة الله وبركاته
شغلوا السماعات :ShababSmile223: هادا نقاش لازمه دعم بكل الوسائل !!:ShababSmile235: لأنه مهم ولعله وعسى يكون محفز للتغيير :ShababSmile223: : : قبل ماا أدخل في الموضوع خليني احكيلكم حكاية :ShababSmile224: بجامعتي كان في دكتور عنا .. كان عايش باليابان وبعديها ترك واجى يعيش في البلاد العربية طبعاً هادا كان ذلنا وذل أهالينا عاشي اسمه يابانيين مش انهم متطورين .. لأ هادا اشي مفروغ منه انما ذلنا .. عأدبهم واخلاقهم .. عاحترامهم للغير بيقلنا التلميذ مابسترجي يرفع راسه فوجه معلمه ليقله اجلي امتحان بيقلنا طلاب السنة الاولى بنادوا طلاب سنة رابعة باسم معين بدل عاحترامهم الهم يعني احترام انا عنفسي ماكنت اصدقه:ShababSmile235: وكنت افكر انه دخيل الله عشو بذل فينا عـ "شوية" تطور همي عايشين فيه لكن بعد خواطر 5 واللي راح احكي عنه الحين :ShababSmile223: انا بجد بجد بجد مستغربة:ShababSmile225: كيف قدر يتأقلم مع العالم العربي !!:ShababSmile225::ShababSmile225: :ShababSmile225::ShababSmile225: :ShababSmile225::ShababSmile225: حكاية خواطر 5 // والكوكب الآخر http://files.shabab.ps/vb/images_cas...131309UtYL.jpg يعني مش عارفة من وين أبدا !! خواطر 5.. ينقل تجارب الآخر للارتقاء بالمجتمع المسلم نصيحةٌ يقدمها شاب عربي إلى أبناء جيله من الشباب والفتيات، تبتعد عن طابع الوعظ والخطابة، وتعتمد أسلوبا بسيطا وميسرا ينفذ إلى القلوب والعقول بسرعة ويسر، // يمكن بعضكم مابعرف عن شو أنا بحكي ؟! وهدول بقلهم فاتكم الكثير :ShababSmile256: برنامج خواطر 5 يعرض طيلة ايام رمضان عقناة mbc بتقدروا تحضروا الحلقات اللي فاتتكم عيوتيوب او عموقع mbc.net وماتفوتوا عليكم ولا حلقة :ShababSmile235: وهالمرة البرنامج جاي عالوجع:ShababSmile223: جاب نموذج للمجتمع المثالي نموذج مجتمع وصل فيه مرحلة مش الاكتفاء الذاتي فالاساسيات ((اللي للحين ماقدروا العرب يوصلوله)) لكن وصل مرحلة البحث عن الكمال وصل مرحلة البحث عن ادق التفاصيل اللي بتضمن للانسان شو ماكان حياة كريمة وفوق كل هادا لاتخلى عن قيم ولا مبادئ يعني مش عارفة عن شو ولا شو احكي ؟! عن اهتمامهم بالقراءة ومافي انسان كبير ولا صغير الا بتلاقيه بقرا يافي الباص يا وهو ماشي ولا عن مكتبة المكفوفين اللي فيها 70 الف كتاب مابتلاقي متلها هان لغير المكفوفين ولا عالطرق المصممة بطريق تخلي المكفوف يقدر يمشي بدون مساعدة غيره ؟؟ عشو احكي ؟! عنظام كراج السيارات ولا عحماماتهم!! عاحترام الوقت و لا عافشاء السلام ولا عمحافظتهم على عاداتهم وتقاليدهم !! بجد اشي بوجع القلب :ShababSmile223::ShababSmile223: بتعرفوا ليش ؟؟! لأنو كل اللي بعملوه همي وحريصين عليه اسلامنا امرنا فيه ؟؟ اسلامنا قالنا ووصانا وكرر .. في القران .. في السنة واحنا شو بنعمل بحياتنا ؟! احنا الشباب اللي بعد 20 سنة هنصير عجايز و نتحمل خطيئة انوماغيرنا امتنا للافضل تركنا كل هادا وعشو بنجري :ShababSmile235: قالها حد مو متذكرة مين "هم المسلمون فعلاًوعملاَ ونحن المسلمون قولاً" هالموضوع هان انا منزلته لاناقشكم .. شو اللي خلاهم هيك وخلانا هيك:ShababSmile235: وبرايكم شو السبيل لأنو نصير متلهم :ShababSmile256: .. اكيد مش بيوم وليلة هنصير هيك:ShababSmile239: لكن في خطوات للوصول:ShababSmile256: ومشوار الألف ميل يبدأ بخطوة :ShababSmile223: فشو هيي هاي الخطوات برأيكم ؟! وهل في يوم من الأيام هيتغير حالنا ؟ وانتا او انتي .. مامدى استعدادك لتغيير نفسك لتحسن حالنا ؟؟ والله ياجماعة اللي بعملوه مش مستحيل:ShababSmile223: ولاهو بده قوة خارقة ..كل اللي بعمله هو اساس عقيدتنا :ShababSmile223: اساس عقيدتنا .. الاخلاص بالعمل .. احترام الانسان .. الدقة والابداع آخ .. شو بدي احكي لأحكي !! سمعونا آراءكم وياريت اللي مابعرف البرنامج رجاءً تشوفوه :ShababSmile223: وسامحونا عالاخطاء الاملائية .. |
رد: خواطر 5 // وحكآية كوكب آخر .. فيه بشر من نوع آخر !!!!
وعليكم السلام ورحمة الله وبركاته محجوز راجعة :) |
رد: خواطر 5 // وحكآية كوكب آخر .. فيه بشر من نوع آخر !!!!
بانتظارك ياغالية
: . |
رد: خواطر 5 // وحكآية كوكب آخر .. فيه بشر من نوع آخر !!!!
و عليكـم السـلام و رحمة الله و بـركاته ..
سأشـاهد الحـلقـات .. و راجـع موضوع في غـاية الأهمـية .. ! يعطيكـِ العافية .. ~ |
رد: خواطر 5 // وحكآية كوكب آخر .. فيه بشر من نوع آخر !!!!
لو بنعرف جوهر الدين
و بنطبقه قول و فعل كنا بنتغير الرسول صلى الله عليه و سلم ( صلوا عليه) بيقول " فتنة أمتي المال" و لأن العرب على قولة إم الوليد عربليزي يعني كسالى بعد البترول اللي طلع ما عادوا ينتجوا أي شي و أخدتهم الدنيا و أخدت معها أخلاقهم مشكورة عالحلقات و الموضوع شي مهم كمان أنو ما نقعد نعدد شو بدنا نعمل لنغير كل واحد ف6ينا يغير نفسه حتى يقدر يغير اللي حواليه مشكورة مرة تانية |
رد: خواطر 5 // وحكآية كوكب آخر .. فيه بشر من نوع آخر !!!!
وعليكم السـلآم ورحمة الله وبركاته بالنسبة للبرنامج .. بصراحة مش متابعاه ،، بس بحب اسمعه بمعنى انى مش بستناه .. لكن لما يكون موجود وانا قاعدة بسمعه البرنامج فكرته هايلة والاسلوب جديد وفريد من نوعه للتغير ندخل بقى فى الموضوع .. ايه السبب اللى خلاهم هيك وخلانا احنا للأسف غيرهم مع ان الاصل انه اخلاقهم اساسية فى ديانتنا شوفى يا غالية اليابنين بصفة عامة لا يجتمعون على ديانة واحدة .. يعنى متفرقين فيهم بيدينوا بديانة الشانتو .. وفى يدينوا بالبوذية .. وفى غيرهم وغيرهم وده سبب ادعى انهم يكونوا مُتفرقين .. خاصة انو التعاليم الدنيوية تكاد تكون منعدمة فى الديانات الموجودة باليابان لكن فى شيئ خلاهم أخلاقياً متجمعين على الافضل .. وللأسف الشيئ ده مش موجود عندنا إحنا العرب رغم إننا متجمعين على ديانة واحدة .. او رُبما انه موجود لكن غير مُفعل ! الاسلوب الاجتماعى فى التربية [ قيم ، عادات .. ثقافة .، أخلاق ] ترسخت فى المجتمع اليابانى منذ مئات السنين من خلال الحياة .. من إرادة للأفضال وإلى الان يعتزون بهويتهم وثقافتهم ومعتقداتهم فاسلوب التربية موحد داخل المُجتمع بأكلمه .. ومؤسسات التربية تعمل على تطبيق العادات والثقافة وترسيخها فى جيل بعد جيل // اما نحن العرب وبكل اسف نتمسك بكل ما هو مقزز من عادات وتقاليد الغرب رغم ان الاخلاق احد المكونات الاساسية فى ديانتنا الديانة الاسلامية ولكن للأسف نتمسك بكل ما هو غربى سلبى اعتقاداً منا انه سبيل للتقدم ! مع كل أسف :( // بالنسبة للخطوات .. بسيطة جداً أبدأ بنفسك أولاً ! ونتذكر اننا ليس لنا عز إلا بالتمسك بالاسلام // اكيد هيجى يوم ونتغير للأفضل انا شخصياً متفائلة .. من وقت للتانى بحس انو فى صحوة إسلامية والدليل على ذلك موضوعك والناس اللى بتشوف البرنامج وبتتأثر بيه // كلنا عندنا إستعداد للتغيير للأفضل طول الوقت // تسلم ايدك امونتى موضوع مهم إحترامى :) |
رد: خواطر 5 // وحكآية كوكب آخر .. فيه بشر من نوع آخر !!!!
آخ بس ع اليابانيين:ShababSmile235:
خليلي مكاني هون راجعة ارد :ShababSmile111: |
رد: خواطر 5 // وحكآية كوكب آخر .. فيه بشر من نوع آخر !!!!
هاد كله سببه ابتعادنا عن دين الله وسنة نبيه عليه الصلاة والسلام
لو نرجع لدينا بنصير اول الامم بكل الشي الله يهدي الجميع احترامي |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
يزيدك عافية : . |
رد: خواطر 5 // وحكآية كوكب آخر .. فيه بشر من نوع آخر !!!!
السلام عليكم ..
أحمد الشقيري حبيبي وصديقي وعزيز على قلبي .. وان كنت لا اوافقه على كل اطروحاته -الخلاف لا يفسد للود قضية- البرنامج ممتاز وطريقته رائعة في اظهار الجانب امشرق في امة نهضت بعد ما اصابها دمار شامل .. احنا كمسلمين ما عنا مشكلة انا نوخذ من تجارب غيرنا الناجحة (الحكمة ضالة المؤمن اينما وجدها كان أحق بها) اليابان ما نهضت من فراغ وانما كان في خطة مدروسة .. اساها كان التربية (من شب على شيء شاب عليه) ومن الطفولة ربوهم على روح العمل وخدمة البلد تا صار شعارهم (الكل يعمل ثمان ساعات .. اما نحن نعمل 9 ساعات ثماننية لأنفسنا وساعة زيادة لليابان) .. أهم اشي ما ننهوس بهديك المجتمعات .. خصوصا انه لا شيء مما استخدموه في طريقهم للنهضة والنجاح الا هوي أصلا موجود في دينا .. لكن للأسف ابتعدنا عن دينا وعن الأخلاق المتأصلة فيه. بتمنى انه الاستاذ أحمد يخصص حلقة على الأقل عن الجوانب السيئة الي شافها في اليابان حتى لا تكون يفكر البعض بأنه لكي ننهض علينا ان نأتي بكل ما نراه في اليابان بسيئه وغثه. على سبيل المثال ان يتحدث عن نسبة الانتحار في اليابان والتي تعتبر من اعلى النسب في العالم .. حتى انهم بيتفننو بطريقة الانتحار.. مع العلم انهم مرفهين بشكل غير عادي .. حتى الحمام عندهم على الكهرباء واوتوماتيك ههه يعني ما بحتاج يتعب حاله .. لكن سبحان الله مهما كان الانسان مرفه ويمتلك من التقنية الي ممكن تريحه جسديا .. لكنها مش رح تريحو روحيا ( ومن أعرض عن ذكري فإن له معيشة ضنكا) صدق الله العظيم. للحديث بقية على فضاوة ... باذن الله. أخوكم |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
النقطة الأولى بتفق معاكي فيها فعلا .. تخلينا عن كل اشي .. عن مبادئ وقيم هي اساس نهضة كل حضارة النقطة الثانية : بالنسبة للمال مش قضية بترول ولا غنى ولا فقر لأنو احنا هينا في بلاد عربية فقيرة وفي غنية بس القضية انو كلنا صار كل واحد اكبر همه انه يلاقي وظيفة براتب مريح ويحب وحدة ويتزوجها .. طيب وبعدين ؟! هاي طبعا اشياء ضرورية لاستمرار الحياة .. لكن مفروض ماتكون هاي اهدافنا الاساسية:ShababSmile256: هاي اهداف ثانوية:ShababSmile235: .. بتيجي مع الوقت عاجلا ام اجل لكن احنا عملنا العكس .. :ShababSmile235: حطينا الثانوي اساسي .. والاساسي ثانوي : النقطة الاخيرة .. هالموضوع مش لتعديد الاشياء للنهضة كلنا اكيد عارفينها غايتي منه نصحا:ShababSmile256: انو كل واحد يبدأ فينا بشغلة ويجعلها عنده عادة وعبادة انو مثلا كل واحد يتقن عمله .. يتقن دراسته ويحبها كل واحد فينا يحرص عطلب العلم يعني صرنا في مرحلة من التخلف انو الواحد بحزن انه وراه مدرسة ودراسة !!! لا ومسمينها متيسة :ShababSmile235: وكانها هم .. مع انها المفروض تكون غير هيك تمامًا .. مفروض تكون راحة ... يعني انتي لما تدرسي عم تتعلمي عم بتوسعي مداركك:ShababSmile256:عم تزيدي عندد الله درجة :ShababSmile235: كل هادا ليش اختفى من مجتماعتنا ؟! صرنا بس بدنا ناجز ونلعب وناكل ونطش ونام وهيك عيشة ..عيشة الحيوانات .. الله يكرمكم الحيوان هو اللي حياته عبارة عن اكل وتكاثر :ShababSmile235: المهم انا قصدي بهالموضوع انو انا وانتي وفلان وفلانة نبدأ ندور عاشياء غابت عنا واهملناها نبدا نهتم بهالاشياء لنرجع اللي كان :ShababSmile223: نورتي دمعة اسى وشكرا لمشاركتك |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
صحيح كلامك هوي اسلوب تربية لكن ماتنسي .. جزء كبير من التربية بيقع عالاهل .. هاي شغلة .. الشغلة التانية .. كلامك بتفق معاكي عليه لكن لازم ماتكون ابدأ بنفسك بس لازم تكون أبدأ بنفسك وادع غيرك النقطة الاخير صحيح في صحوة لكنها مش كافية والصحوة لازم يتبعها صحوات عشان نتغير كلنا عندنا استعداد للتغيير .. بس مين عنده استعداد يثبت عهالتغير هادا هو الاشي الأهم منورة ماهيناز شكراة مرورك :) |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
وانتي الصادقة اخ علينا :ShababSmile235: بتنوري باي وقت |
رد: خواطر 5 // وحكآية كوكب آخر .. فيه بشر من نوع آخر !!!!
موضوع كتير مهم يا امون ..
الي رجعة ان شاء الله |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
اكيد بس هاي المصيبة انو احنا بنعرف السبب لكن متى هنتغير يعني عنا الدواء ومابنتعالج :ShababSmile235: في مأساة اكتر من هيك :ShababSmile111: منورة آيات الشرفاء |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
كلامك بتفق عنه ماهي المصيبة كلها احنا عنا اللي يخلينا احسن منهم من كل النواحي لكن عبث .. مش مستفيدين منه بالنسبة لكلامك اللي لونته باللون الأحمر فهادا اكيد البرنامج اخي كله مادعى لتقليد اليابانيين .. أبدأ وكذا مرة نبهوا عهالموضوع لكن عم بقلهم شوفوا هاي دولة عظيمة .. وشوفوا شو بتعمل بتعمل اشياء كلها اساس دينا الاسلامي يعني يامسلمين عندكم الخير وانتوا نايمين او بالاصح وانتو مهملين نورت احمد وبانتظار رجعتك |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
بتنوري :ShababSmile233: |
رد: خواطر 5 // وحكآية كوكب آخر .. فيه بشر من نوع آخر !!!!
والله موضوعك ع الوجع .. تسلمي بنت فلسطين ..
على فكره أنا حضرت بعض حلقات من البرنامج، وكان السبب حاجه شفتها بداعية الرنامج قبل ما بيدأ رمضان ( الطلاب في اليابان بعد ما يخلص دوامهم بينظفوا مدرستهم وصفوفهم بأنفسهم) .. يعني بيتحملوا مسؤلية نظافة مكانهم من صغرهم .. مش رح أطوّل عليكم .. بس رح أختصر الموضوع بثلاث عناوين ( قيمة الوقت لديك) ـ ماذا استفدت في ساعتك الفائتة وماذا ستستفيد في ساعتك القادمة. ولا تنسى أنك مسؤول من الله عن عمرك فيما أفنيته ( فوقتك أمانه). (النظام): فهو أساس الحياة المستقرة، وحتى تطورنا في الحياة يجب أن يكون وفق نظام مُعد وأولويات لطموحاتنا وأهدافنا، (لو عرف العرب كيف يركبون الباص بانتظام لاأنهزمنا أمامهم خلال ثوان) القائل رابين (وأخيراً التربية الإسلامية والمثل الأعلى). |
رد: خواطر 5 // وحكآية كوكب آخر .. فيه بشر من نوع آخر !!!!
اللي دخلوا وطلعلوا
سامحكم الله:ShababSmile111: يعني مش لهالدرجة السلبية:ShababSmile235: مش عارفة اسميكم باساميكم ؟! ولا اقول الله يهدينا ويهديكم :ShababSmile111: :( |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
الله يرضى عليك أخي جمعت اهم الاسس وزي ماحكيت وصانا فيها اسلامنا فمتى راح يصير التغيير ؟! جزاك الله خيراً ياامجد مرورك جدا مميز |
رد: خواطر 5 // وحكآية كوكب آخر .. فيه بشر من نوع آخر !!!!
لي عودة ان شاء الله
|
رد: خواطر 5 // وحكآية كوكب آخر .. فيه بشر من نوع آخر !!!!
اختيار مميز .. انا كل يوم بتابعو ومن السنوات الماضية كمان ..
عجبتني فكرته هالسنة انو راح ع اليابان وعرفنا ع اسلوب حياة اليابانين .. بدنا نصير هيك .. مش ضروري نصير هيك .. ممكن نتعلم منهم ونحسن بعض النقاط الي ممكن تتطور .. بس انا ضد فكرة المقارنة .. لانو كل شعب لئلو خصائص ومميزات واحيانا كنت بحس في كلامو مبالغة واهمال جوانب عنا مميزة كمان لانو المجتمع الياباني الو نمط معيشة معينة مختلف عن الشعوب التانية .. في عبارة بؤمن فيها كتير .. too much good is not good وفي شي تاني انو خير الامور الوسط مش ضروري نقارن حالنا بشعوب تانية ونهزىء نفسنا .. لازم نعشق مجتمعنا بكل ما فيه من ايجابيات وسلبيات بس نحاول نطور في نفسنا لكن ع اساسنا مش ع اساس غيرنا .. بنت فلسطين اختيارك رائع والحقيقة البرنامج مميز .. ما ننحرم من جديدك .. وكل عام وانتي بخير .. |
رد: خواطر 5 // وحكآية كوكب آخر .. فيه بشر من نوع آخر !!!!
و عليكم السلام و رحمة الله و بركاته الصراحة انا هاد البرنامج ما حضرتو كثير لأنو بيعرض في وقت بكون فيه مشغولة كثير بس اختي بتوافيني بتفاصيلو أول بأول :ShababSmile221: الصراحة و الله شي بيقهر أنا هون بتحدث عن سلوكياتهم و مش عن إنا نحنا راح نعتبر اليابانيين القدوة و المثل لأن القدوة و المثل عنا نحنا بدينا بس الفرق إنو نحنا أخدنا الاسلام بالوراثة يعني ما بدنا نحولو لحياة على أرض الواقع اكتفينا بالاسم فقط.. الرسول صلى الله عليه و سلم كان خلقه القرآن لكن أين نحن من القرآن إن لم تكن قرائته محصورة فقط في شهر رمضان..يعني قراءة بس وين التدبر ووين العمل به و استعماله كمنهج حياة؟؟ يعني نحنا لو اعتمدنا خلق القران ما كان حال الامة هيك؟؟ لأن الاخلاق بتجذب الناس الك أكثر من الخطب الرنانة.. أخلاق و سلوكيات القران الي جعلت الامة آنفا لها صيت و وقع على باقي الامم بس مصبتنا نحنا الملسلمين:ShababSmile235: بنفكر إنو التطور و التقدم هو في اتباع الغرب في كل شيء الطالح أكثر منه الصالح..يعني بدل ما نستفيد من الي يخدم دينا و نترك ما لا يمث لأخلاقنا بصلة فلا؟؟ مشاكلنا كثيرة و عويصة:ShababSmile235: بتبدأ من البيت..المدرسة إلى أعلى سلطة بالبلاد..الكل اتخلى عن دوره و صار كل واحد في واد يهيم.. يعني لا بيت بيربي و لا مدرسة بتنشأ أجيال صالحة و نافعة و لاسلطات قايمة بالدور الموكول اليها.. فكرة الشقيري في البرنامج كثير رائعة يعني هو حمل هم التغيير و تقديم نمودج يخدم هالدين و لما قدم اليابانيين كنمودج وين وصلو باحترامهم لعاداتهم و تقاليدهم و مناهجهم يعني ممكن نستفيد من الطريقة الي بيتبعوها مش ناخد كل شي.. بس بظن إنو المشكلة عندنا احنا حتى في التركيبة العقلية ..ما بنفكر في البعد و المغزى من المطروح أمامنا و نحاول نقارن و نخرج بنتيجة بس بنكتفي بالملاحظة الضيقة فقط وأقلها بتلاقي الواحد بيقول هاد شعب عظيم مش زينا . بس انت وين من الخارطة؟؟ و إجمالا و ردا على سؤالك : ليش هم هيك و نحنا هيك؟؟ هم اعتمدو منهج واحد من التربية إلى آخر نقطة اعتمدو عليه في تنشئة أولادهم ..في سلوكياتهم..في إداراتهم في كل شي.. بس نحنا ركنا منهجنا الي هو القرآن و السنة في رفوف الارشيف ..و جبنا نشريعات و قوانين تتماشى مع أهواء السلطات قبل الناس..بيوتنا اتخلت عن دورها. الام ما بتفكر غير في التسوق و اللبس و الطلعات و النزلات .. الاب ما بيفكر غير في إنو يجيب المصاري الي راح تسد رمق عيلتو.. المدرسين اكتفو فقط بسرد ما هو مكتوب في المقرر و اتخلو عن تواجدهم إلي هو اهم شي ممكن يرفع من همم الناس.. يعني صرنا زي ما بيقولو {مرعى و قلة صنعة} و هاد الواقع لأسف الشديد.. هاد من أهم الاسباب الي جابتنا لورا.. و بين قوسين نحنا كمان الي بنعلق هنا في هذا الموضوع منهم انا في دائرة الكلام نسأل الله أن يهدينا // اعتذر عن الاطالة أماني و الله يجزيكي الخير ع طرح مثل هيك مواضيع الي فعلا نحنا محتاجينها لنشر الوعي أكثر.. دمتي في حفظ الرحمان غاليتي |
رد: خواطر 5 // وحكآية كوكب آخر .. فيه بشر من نوع آخر !!!!
بصلي و برجع ^^
:ShababSmile116: |
رد: خواطر 5 // وحكآية كوكب آخر .. فيه بشر من نوع آخر !!!!
الذين يشاهدون محتوى الموضوع الآن : 9 ( الأعضاء 5 والزوار 4)
السيف عدي, εïз ملآكـ εïз+, amjad+, نور الهدى, ضوء الشمس+ منورين يا حلوين .. ^^ |
رد: خواطر 5 // وحكآية كوكب آخر .. فيه بشر من نوع آخر !!!!
البرنامج مميز .. بتابع الحلقات المسجلة ع النت لانه اساسا ما بعرف متى بينعرض ع التلفزيون هههههه
مثل ما حكوا اعضاء قبلي سبب تخلفنا هو البعد عن اخلاق ديننا الخ .. هذا شيء موجود .. و سبحان الله بشوف التخلف في مسلمي الغرب كمان " مش كلهم " .. يعني حتى و ان كانوا بعيشوا في مجتمع غربي .. و ان كان المجتمع الغربي برمته متقن للعمل و محافظ على الوقت و غيره من المميزات - طبعا السلبيات موجودة و ما اكثرها - .. طباعهم هي هي .. دق المي و هي مي !! و كم شفنا مقارنات بين بلاد المسلمين و الامم المتقدمة .. سواء على شكل برامج او مقلات او محاضرات .. طيب و بعدين ؟؟ يعني بننتقد و ما بنعمل شي .. الخطوات العملية مفقودة صراحة .. او نادرة اجزم انه كل العرب عايفين الوضع اللي عايشينه .. و عارفين انه صرنا اخر الركب .. و بدهم يصير تغيير لكن ما حدا بشوف حاله على انه مقصر .. و هون المصيبة ما حدا شايف انه الغلط جاي منه .. او انه ممكن التغيير للافضل بيجي من التغيير بذاته اولا .. و في اعتقادي هون المشكلة .. التقليل من شأن انفسنا و الاحساس بالعجز .. مع انه زي ما الآخر اله عقل .. احنا عنا عقل و عنا دين لو طبقناه .. بنصير قادة الامم // يعطيكي الف عافية حبيبتي بنت فلسطين :) رح ارجع ازا اجت براسي اضافة تانية |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
بس أنا بلاحظ إنو حتى لو وجدت هاي الخطوات بتوئد من اول ولادة إلها:ShababSmile235: مثلا لما تيجي تعملي مشروع { مش بزنس:ShababSmile221: للإفادة من شي عمل و بيتطلب جهد مكثف لإيصال هالعمل و الفكرة الي بدك ياها بتلاقي بالاول الكل معك و الله فكرة و هيك و راح ندعمها بس مجرد ما تدخلي التجربة بتلاقي نفسك لحالك و الكل انصرف للي كان عليه يعني الاقبال منعدم.. لو المجتمع عايف حالو من هالعيشة ليش مستمر فيها أو بالاحرى ليش حابب يضل عهالحال.. اقتباس:
اقتباس:
اقتباس:
// اسمحيلي نور ع التعقيب بس بحب مداخلاتك و الرد عليها:ShababSmile229: |
رد: خواطر 5 // وحكآية كوكب آخر .. فيه بشر من نوع آخر !!!!
موضوع بغاية الأهمية ..
قبل شوي كنت عمشوف حلقة مبآرح عالرساله .. تعيت القمآمة والخ .. إلي رجعه ان شاء الله بالليل ,, بآرك الله فيك ِ بنت فلسطين اقتباس:
والله منــورنآ أخ أحمد :ShababSmile240: |
رد: خواطر 5 // وحكآية كوكب آخر .. فيه بشر من نوع آخر !!!!
مشكوره اختي
فعلا موضوع رائع جدا وبرنامج اروع انا متابعتو والحمد لله ,, يعني بصراحه حتى لو ما كان هالبرنامج ولا يمكن رح نعرف شو بصير هناك عن جد شعرت انو احنا بعالم وهمي بعالم اخر لو نرجع الى زمن العزه زمن التمسك بالله وكتابه وسنه نبيه لتطورنا ولكن البعد عن منهج الله والاهتمام بالمظاهر والموضه والتقليد الاعمى كل هذا سبب تأخرنا مشكوره اختي بنت فلسطين |
رد: خواطر 5 // وحكآية كوكب آخر .. فيه بشر من نوع آخر !!!!
بعرفو البرنامج وتابعت اكمن حلقة
بس صعقت جدا من حياة اليابانيين محجوز والي رجعة |
رد: خواطر 5 // وحكآية كوكب آخر .. فيه بشر من نوع آخر !!!!
مجهـود مبـآرك ~
بـآرك الله فيكـِ ~ |
رد: خواطر 5 // وحكآية كوكب آخر .. فيه بشر من نوع آخر !!!!
انا بشوف انو الحل مش مستحيل وان كان صعب يعني احمد الشقيري مثلا مااكتفى انو يعرضلنا الموضوع بدا بعيلتو بظن شفتو الحلقة اللي خلو ولادو فيها ينضفو الحمام الله يكرمكم ، يعني لو كل حد فينا بدأ بعيلتو والي بملك امرهم رح نصير ونوصل لأحسن من هيك كمان، لأنو كل هالاشيا والتطور الي وصلو الو أساسو موجود بديننا بس من بعمل ولا من مستعد يتعب ، كل حد فينا بحكي يعني انا رح غير الكون ؟؟؟؟؟لو تغيرت هالنظرة لنفسنا رح نصير احنا بعد سنوات الي بقارنو فينا الكواكب الأخرى مش اليابان
|
رد: خواطر 5 // وحكآية كوكب آخر .. فيه بشر من نوع آخر !!!!
ممم ! والله وانا كمان مش متابعة البرنامج بس ازا شفتله حلقة بتابعها .. صراحة المرة هاي الأخ أحمد عارض برنامجه بطريقة بسيطة جداً أسلوبه كان بسيط ومقنع .. بس لما شفت طباع اليابانين صرت متل هادا الفيس ( :ShababSmile225: ) كنت أحكي لهالدرجة عندهم الادب والاخلاق .. بس ممممم يمكن يكون استغرابي مش في محله لكن لانه عادات وتقاليد اليابانيين شبه منعدمة في الشرق الأوسط استغربت ! من وجهة نظري اللي وصلنا لهنا " التقليد الأعمى للغرب " .. لانه الغرب متطورين عنا صرنا نشوف كل شي منهم تطور وتكنولوجيا والطامة الكبرى انه " مش غلط " من وجهة نظر عربنا !!!! وحجتنا في هالشي انه الدين يسر وليس عسر واحنا مش عايشين زمن الرسول صلى الله عليه وسلم لنحرم كل شي أو نعتبره مكروه !!! مع ماهيناز لما قالت كل واحد لازم يبدا بنفسه وما يستنى حد غيره يبدا بس لو حكيتي هالشي لحد بقلك انا شو رح أأثر في كل أمة المسلمين !!! " ابدأ بنفسك ثم من حولك " كيف .. بالرجوع للقرآن والسنة ..! .. لسة في خير بهالدنيا ! الله يهدينا ويهدي جميع المسلمين ., الله يجزيكِ الخير بنت فلسطين .. |
رد: خواطر 5 // وحكآية كوكب آخر .. فيه بشر من نوع آخر !!!!
مآ شاء الله عليكم .. إندفاع أغلب الأعضاء تجآه هالموضوع خلآ شعـور الأمل الي جوآتي يتنفس .. .. الحقيقه كآن عنـدي كتير كلام .. بس بعد ما قرآت أغلب الردود لقيـت أنه الأغلبيه حكيوآ الي جوآتي .. ,, مش رح ارجع أعيد وأزيد .. وأحكي عن الأسباب الي خلتنا نوصل لهـون من بعد عن الدين .. وتقليد للغرب .. و وسائل الغرب الي نجحت بتدميرنا .. وجعل منآ ( إمعآت ) .. إلا من رحم ربّي ,, .. خليني أدخل بموضوع الحلول ع طول .. إلي بلاقي .. ( والكلام لنفسي قبل الكل ) أنـه التغيير بالأمة متل ما حكى كتير منكم ببدآ من تغيير بنفس كل واحد فينآ .. .. مآ حدآ يحكي فعلي شو رح يقدم ؟ بالعكس حتى العمل الي ما بطلع عليه إلا ربنا .. الصغير الي نحن ممكن نعملوا وما نفكر بنتآئجه ممكن يكون سبب لتقدم الأمة الإسلامية خطوة لقدام .. ,, هلأ عشـان ما كرر الحكي .. بدي اطرح فكرة يا بنت فلسطين .. انه يتم تجميع كل الأفكار الي تم طرحها هـون .. ونحطهآ بموضوع جديد .. يكون متل خطط .. كل واحد يشوف على أي مدى بيقدر ينفذ منها سواء ع صعيد شخصي أو إجتماعي لأنه كل وآحد فينا أدرى بوضعه .. ,, ممكن كمـان نتدآرس الأسباب الرئيسية للمشاكل الي نحن فيهآ أو نلخصهآ ببدآية الموضوع .. عشـان ممكن كتير منآ يوقعوآ بهآي المشاكل وهمي مش عآرفينها إنهآ مشكلة اساسا .. .. الحكي بهالموضوع بطول .. لو في إمكآنية تتنفذ الفكرة الي حكيت عنهآ .. عشـان ننتقل من طور الإنتقآد البنّاء .. لطور العمل درجة درجة .. أو خطوة خطوة .. .... برنآمج خوآطر لا بد أن نقف أمامه وقفة إحترام وإعجآب .. صحيح إني ما بتآبعه .. بس لمآ يطلع قدآمي .. بتآبعه بإعجآب .. الله يجزي الأخ أحمد خير الجزآء ويا رب كلنآ نستفيد .. ,.., ( بنت فلسطين المجروحه ) .. الله يبآرك فيك ِ .. ويجزيك ِ بحرقتك على تقدم الأمة خير الجزاء ويقر عينك وعيننآ ويقر عين سيدنا رسول الله عليه الصلاة والسلام فينآ :ShababSmile223: |
رد: خواطر 5 // وحكآية كوكب آخر .. فيه بشر من نوع آخر !!!!
بحضرو
وجد بحسسني انو عالمنا عن جد كوكب اخر متخلف بس الله يصلح الامور |
رد: خواطر 5 // وحكآية كوكب آخر .. فيه بشر من نوع آخر !!!!
اقتباس:
كلام مية مية يعطيك العافية ننوش و الله نحنا بحاجة للعمل أكثر من الاكتفاء بالمشاهدة و التعليقات و متابعة معكم إن شاء الله لأنو البرنامج وهاد الموضوع يخلو الواحد بيتحرق حرق ع حالو |
رد: خواطر 5 // وحكآية كوكب آخر .. فيه بشر من نوع آخر !!!!
أأأخ يا أمون أأأخ فعلا شي بيقهر :: بالنسبهـ لبرنامج خواطر فبصراحهـ هي فكرهـ من أروع الأفكار يلي شفتها عندو أسلوب رائع بالدعوهـ إلى الدين و بصراحهـ كمان أنا متابعهـ البرنامج تقريبا من أول سنهـ نزل فيهاآ لأنو بجد بحب أسمعو وبنجزبلو اللهـ يجزيهـ الخير يا رب :: ومتل ما حكيتو إنو المفروض هادا كلو يكون عنا إحنا المسلمين ..!! المسلمين يلي حاليا ما عم يطبقو شي من هـ الأشياء يلي بتخلينا نسير أحسن أمهـ بالدنيا مش العالم الثالث :ShababSmile235: و طبعا أكيد إنتو عارفين إنو إحنا إسمنا العالم الثالث يعني العالم المتخلف :ShababSmile256: طيب ليش كل هادا ؟؟ و اللهـ لو كل واحد فينا عمل باللي موجود بكتاب اللهـ وطبقو كنا إحنا أحسن من اليابان ب 100 مرهـ و أنا عارفهـ إني مش عم أحكي شي جديد لأنو هادا الحكي كلو إنحكى :: أنا بشوف برضو متل ماحكيتو لازم كل واحد يبدأ بحالو و بعدين بغيرو و أول مكان فينا نبلش منو هوي البيت يعني مثلا لو إنت أو إنتِ الأخ أو الأخت الكبيرهـ بالبيت و عندك إخوان أصغر منك وبلشتي من حالك بشغلات بسيطهـ متل لما تشوفي حدا تسلمي عليهـ بتحية الإسلام و هم شايفينك ..إلخ أكيد رح يقتدو بالأخ الأكبر إليهم ومش شرط إنو تكون أكبر واحد ممكن يكون فيهـ أكبر منك بس برضو في أصغر منك فبرضو ممكن يقتدو فيك ! لأنو إحنا هلأ لازم نعلم الجيل الجديد ( الأطفال ) ع المبائ الإسلاميهـ الصحيحهـ و طريقهـ تطبيقها .. إلخ و طبعا نحنا ممكن نتقدم بس اللهـ أعلم متى ..؟! كل ما شفناآ شي من الغرب بنروح نقلدو ونفكر حالنا عملنا شي صح أو رح يخلينا نسير متطورين ..! وهادا طبعا مش منطق أبدا أصلا حتى الشغلات يلي بيخدوها من الغرب هي الشغلات السلبيهـ أما الشغلات الإجابيهـ فبيتركوهاآ ..! طيب ليش ..! ليش ما ناخد الشغلات الإجابيهـ ؟؟ ليش دايما بنركض ورا الغلط ؟؟ كلها أسئلهـ تدور في خاطري ولا أجد لهاآ جواآب ..! :ShababSmile235: :: في شغلهـ حابهـ أتطرق إليهاآ معلش يعني لو كانت براآ الموضوع كل المسلمين بيحكو ( النظافهـ من الإيمان ) و طبعا أكيد يلي حضرو البرنامج شافو مدى إهتمام اليابنين بالننظافهـ طلاب المدارس كل يوم إلهم ربع ساعهـ مخصصهـ بس مشان ينظفو الفصول و الممرات والمدرسهـ كلها ومش بس الطلاب لاآآ ..! الدرس إيدو بإيد الطالب بكل شي ..! وهادا كمان موضوع تاني أصلا المدرسين وتواضعهم .. إلخ وبيطلعو الطلاب من المدرسهـ وهي زي الفل ..! طيب بلا حدا يجي ويدخل المدرسهـ تاعتناآ ..! و اللهـ إنها بعد الفسحهـ بتسير مزبلهـ :ShababSmile235: ليش طيب وين شعارنا النظافهـ من الإيمان ؟؟ وينو واليابانين يلي منهم مسلمين بيهتمو بالنظافهـ أكتر مناآ :ShababSmile235: واللهـ عيب :ShababSmile256: :: علعموم الكلام بهادا الموضوع ما بيخلص و عذرا ع الإطالهـ و أسفهـ إزا كنت طلعت عن الموضوع بس كان بخاطري :ShababSmile224: واللهـ يعطيكِ ألف عافيهـ يا بنت فلسطين الموضوع مهم جداآ في ميزان حسناتك يا رب تقبلي مروري :) |
رد: خواطر 5 // وحكآية كوكب آخر .. فيه بشر من نوع آخر !!!!
عمرك اطول من عمري يا عجينه ان شاء الله
امبارح كنت انا واهلي في نقاش محتدم عن هالموضوع بالزات الي رجعه ان شاء الله |
رد: خواطر 5 // وحكآية كوكب آخر .. فيه بشر من نوع آخر !!!!
الله يكرمكم جميعاً
الي عودة بكرة ان شاء الله لأنو وراي دوام بكرة .. ومش راح اقدراسهر معكم شكرا لكل من رد بجد اعطتوني امل :ShababSmile223: :( جزاكم الله خيراً:ShababSmile229: ونانا جزاكي الله خيراً اعلانك نبه الاعضاء للموضوع :ShababSmile240: تسلميلي واللي عودة |
رد: خواطر 5 // وحكآية كوكب آخر .. فيه بشر من نوع آخر !!!!
احمد الشقيري....ما بحكي الا الله الله يخــــلي لاهلوو ولجميع المسلمين
.. عنجد عنجد اثر بيه عنجد كلامووو ..بوزن ذهب..بنقعد كلنا وبتفرج عليه..... برنامجووو ..بسيط...,,,,,.. قصير بس ..اثروو ..كتير على المشاهدين.. اليــآبان... يالله كــوكب تـــانييي... عنجد...احترام وعمل ونهضه وحضاره وحب ووووووو بلاد العــرب... الله ... يرجعهم على صوابهم ...,ويرجعوو امه وحده...لاتفرق بين الاسود والابيض...ولا بين... المسلم ولا المسيحييي يووووووووووووووووووووو الله يغيرنااا الى احسن.... حلقة اليوم واشويه ابكي ..على عــامل النظافه..في اليا بان.. مهندس البئيه... الله يسعدك ويسلمك من كل شــر ....... يا استاذي يأحمد الشقيري يسلموووو العســل |
| الساعة الآن 02:30 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas