|
الدرس الثاني ,, في دورة تعلم اللغة الصينية ,, يرجى الحظور من كل الطلاب
http://rooosana.ps/store/4/09_07_27-...6-WT6W@193.jpg طلابي الأعزاء :: أتاسف على التأخير اللذي قد طرأ على الإختبار الأول للدرس الأول :: ولكن نعدكم باختبار على الدرس الثاني .. ويشمل كل من الدرسين الأول والثاني :: اما اليوم ف دعونا نقدم لكم .. درس عن طريقة سؤالك لشخص ما عن اسمهـ ولنكم سويةً ما قد تحدثنا عنه عن النغمات في احداث الدرس الأول :: النغمات في الكلام يا اعزائي .. لن نتقنها اذا لم نمارس نطق الرسومات ( الكركترات ) ففي بداية تعلمي للغة الصينية قد ( طلعت روح روحي هههه :showoff: ) وانا اتعلم كيفية النطق لأني لم أبدأ على ما أدعوكم للبدأ به وهو الممارسة ( يا لهذا الزمن خخخ ) :: واود ان انوه لهذهـ النقطه المهمه جدا : عندما نرى الرسومات الصينية ( الكركترات ) ف اننا نلاحظ وجود ما قد كتب باللغة الانجليزية فوق كل رسمة ( كركتر ) ولكن هذا الكلام الانجليزي يختلف عن ما قد تعودنا عليه ف فوق بعض حروف كل كلمة داله عن كركتر ما .. يوجد نغمة مثل هذهـ الرسومات ( الكركترات ) المكتوبهـ على هذه الرسمه http://rooosana.ps/store/4/09_08_03-22_24_03-IuIx@0.jpg انظر على تلك الرسمة .. سترى كلام باللغة الانجليزية مكتوب فوق كل رسمة ( كركتر ) وفوق ذلك الكلام الانجليزي يوجد ما يرمز لتلك النغمات اللتي قد تعلمناها في الدرس الأول ( لقد مللت التكلم بالفصحى :b: واعتقد انه لم يفهم اي شخص شيئ هههه) :: يا جماعة .. شوفولي هالصورة فوق راح تلاقولي فوق كل كركتر كلام انجليزي هاد الكلام .. نحنا بنسميه ( بي ينج ) هاد يعني لمن نقراه وكانا بنقرأ الكركتر الصيني راح تلاقو فوق الكلام الانجليزي نغمات فوق بعض الحروف .. هاي النغمات بتقولك انه لازم تتبع النغمة المشار اليها فوق كل حرف على هداك الحرف وهاي قصة البي ينج :: طيب اليوم بنيجي نتعلم كيف نسال واحد شو اسمك وكيف يرد علينا ولمن يرد علينا كيف نشكرهـ ولمن نشكرهـ كيف يرد ع شكرنا ولمن يرد ع شكرنا كيف نقوله نايس تو ميت يو ( سعيد بمعرفتك ) وبعدين ح نوخدلنا ان شاء الله اكم من كلمة هيك زيادة :s (43): :: ف باسم الله نبدأ :: حبايبي ,, هلأ لمن بدنا نحكي لواحد شو اسمك بنقوله ني جياو شين ما مينج دزا ؟ حيث أن ني = انت ( وهاي درسناها في الدرس الأول ) وان شاء الله نكون عرفنا كيف تنطق :: جياو = تدعى ( أو بمعنى تاني تسمى ) وتكتب هيك 叫 وتنطق هيك شين ما = ماذا وتكتب هيك ,, ( ملاحضين متل ما قلتلكم انه في بعض الكلمات بيكونوا تجميع كركترين مع بعض متل هادي ) 什 么 وتنطق هيك مينج دزا = اسم ( هاي كمان تجميع كركترين مع بعض ) وتكتب هيك 名字 وتنطق هيك :: بهيك بنكون عرفنا ان شاء الله .. كيف نسأل واحد شو اسمك ؟ :: طيب نيجي لكيف نرد عليه يعني واحد سألنا شو اسمك شو نقوله ؟ :: على طول بنحكيله وو جياو مو ها مو دا ( وفيك تشيل اللي بالاحمر وتحط اسمك ) معناها انا أدعى محمد :: وو = انا ( وهاي شرحتها بالدرس الأول ) وكلنا ان شاء الله بنعرف كيف تنطق جياو = أدعى ( أو بالعامية .. بينادولي أو بيسموني ) اما طريقة النطق فهيها فوق مو ها مو دا = هاي اسمي يلي هو محمد .. انت عاد فيك تحط اسمك .. واكيد كل واحد بعرف كيف اسمه بينطق لكن .. الأفضل انك تقطع اسمك الى اجزاء لمن تيجي تنطقهـ لانه متل ما حكينا انه هم ما عندهم حروف .. فقط كركترات وكل كركتر .. اله لفضه الخاص ف لمن يجو يتخيلو كيف يقولوا اسمك .. بيروحوا مجمعين كركترات قريبة الى اسمك متل ما في الانجليزي بيقولو عن اسمي محمد .. بيقولو ماي نيم از موهمد لأنه ما في عندهم حرف الحاء ولا عندهم حركات .. حتى يضمو الميم ف بيحطو حرف الأو وهاد هو الصينين كركترات مثال : لمن بدي اقول اسم خالد أو مجاهد أو عزيز أو سهر أو نغم أو فلسطين أو اي شي بروح قايل خالد = خا لي دو محاهد = مو جا هي دو عزيز = اَاَ دزي دزو :matrix: هههه سهر = سا هو ري نغم = نا جا ( الجيم المصريه ) ما فلسطين = با لي سي تا ( 我爱巴勒斯坦 :icon26: ) وهكذا يعني بنقطع الاسم لاجزاء حتى يزبط وبكرة قدام لمن تعرفو شو هي معضم الكركترات ان شاء الله طبعا .. ح تكونوا قادرين ع التقسيم الصحيح للاسم :: هلأ بنيجي نتعلم كيفة الشكر لمن بدنا نشكر واحد بنقوله شي شي = أشكراك حيث أن الكلمة تتكون من كركترين الأول شي والتاني نفسه شي شي = شكر وتكتب هكذا 谢 وتنطق هكذا :: قاعدة : عند استخدام الكلمة ك فعل ,, فانها تنطق مرتين مثال على القاعدة : كلمة شكرا تنطق شي .. ولكن عند استخدامها ك فعل .. تكتب شي شي ومعناها أشكرك . :: طيب هلأ كيف بدنا نرد ع واحد قالنا شي شي ! ؟ بنقوله .. بو يونج شي = لا داعي للشكر حيث أن : بو = لا وتكتب هكذا 不 وتنطق هكذا :: اما يونج ف تكتب هكذا 用 و تنطق هكذا :: اما كلمة شي يلي هي بمعنى شكر .. ف عرفنا فوق كيف نكتبها وننطقها :: هلأا الحمد لله عرفنا كيف بنسال واحد شو اسمه ونرد لو انسألنا عن اسمنا وعرفنا كيف نقول شكرا وكيف نرد عاللي بشكرنا :: طيب يلى سوى نتعلم كيف ممكن تقول لواحد ( نايس تو ميت يو ) سعيد بمعرفتك بنقوله : ري نشي ني وو هين جاو شينج ولو جماعة بنقولهم : رين شي ني من وو هين جاو شينج ( لاحضو كلمة ( من ) تستخدم للجماعة ) حيث أن رينشي = معرفة تكتب هكذا 认识 وتنطق هكذا أصبروا عبيل ما تيجي الأخت سويت سول .. على شان تجيبه :b: ( ع العموم موجودة في فلم الكرتون الموضح تحت :b: ) : ني = انت ( وعرفناها على ما اعتقد :matrix: ) : من = تستخدم بعد الضمائر للجمع يعني ( ني من ) = ( أنتم ) تكتب هكذا 们 وتنطق متل ما بنحكي كلمة من بالعربيه بكسر الميم وتسكين النون : وكلنا بنعرف كيف بتنكتب كلمة ( وو = أنا ) وكيف ننطقها وكمان عرفنا بالدرس الماضي كلمة ( هين = كتير أو جداً ) كيف نكتبها وننطقها : هلأ بنيجي على جاو شينج = سعيد او فرحان :showoff: ف تكتب هكذا 高兴 وتنطق هكذا :: طيب هلأ مش ح نخلص درسنا ع هيك وبس الدرس اليوم لازم يكون اكبر .. لأنه بدنا نتعلم بسرررررعة :showoff: ان شاء الله :: طيب يلى سوى نعرف كيف بدنا نسأل واحد بس باخترام :: اول شي بنقوله .. لو سمحت تشينج وين = لو سمحت حيث أن نشينج = يتفضل وتكتب هكذا 请 وتلفظ هكذا اما ( وين ) = سؤال ف تكتب هكذا 问 وتنطق هكذا بنجمعهم مع بعض بتصير عنا كلمة شينج وين = لو سمحت :: ونزيد ع اللي تعلمناه كمان اصلي شايفكم منتبهين .. شطار شطار :showoff: هههه : تعو سوى نتعلم اكم من كلمة هيك سهلات :: كلمة ( ممكن ) أو يمكن بتنحكي بالصيني كا يي تكتب هكذا 可以 وتنطق هكذا مثال على قاعدة سابقة في الدرس الأول : اذا متذكرين لمن قلتلكم .. انه لمن بدي اعمل سؤال بحط كلمة ( ما ) في اخر الجملة ؟؟ .. طيب هلأ لمن بدي اقول للواحد ( هي يمكن ) .. وانا عرفت هيني فوق شو يعني كلمة ( يمكن او ممكن ) .. ف بحط متل ما علمتك كلمة ( ما ) في اخر الجمله ف بتصير .. ( كا يي ما ؟ = هل يمكن ؟ ) وطريقة الكتابة متل ما الكل عرف هلأ ( 可以吗 ) :: ويلى سوى نشوف معنا كلمة استاذ أو مدرس لاوشي = مدرس أو استاذ حيث انها كلمة مكونة من كركترين لاو ... شي ( ال ( شي ) يلي هون مو يلي معناها شكرا .. هاي عليها نغمة مختلفه وبالتالي تغيرت تماما متل ما حكتلكم ) لاوشي : تكتب هكذا 老师 وتنطق هكذا :: وبـــس هذا هو درسنا لليوم والحمد لله :: في النهاية بدي اوضح قاعدة راح نحكي عنها في الحصة الجاية :matrix: قاعدة : عند وجود حرف الجيم في اخر الكلمة العربية الدالة على الرسمة ( الكركتر ) الصينية .. تنطق الجيم بغنة . مثال على القاعدة : كلمة جاو شينج ... الجيم في اخر كركتر شينج .. تنطق ولكن بغنة . :: ويلى الكل هلأ متحمس بده يشوف الكرتون هههه يلى نشوفه سوى :: |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
يييييييييي اصبروا شوي اعدل روابط الصوت :( الله يسامحك يا خيتي سويت بس |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
اقتباس:
اطردهاااااا :icon11: حلو الصيني والله |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
قرات الدرس بس مرة !! بس والله صعب اليوم :( .. هلأ الإشيائات إلي تحت معي معي بتعلمها بس هاي الاشياء الي حكيتها فوق عن كلمات الانجليزي الي فوق كل مقطع والله ما فهمت منها ولا شي لا لما شرحتها بالعامية ولا لما شحرتها بالفصحى :s !! الباقي .. هلأ بصلي الفجر وباجي بكمل درسي .. وكالعادة أول طالبة بتحضر الدرس .. وأكتر وحدة بتسأل :p !! |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
ال اطردها ال اي هو نحنا بنستغني يا يزيد :( هي يلي بتعمل الكم الصوت حتى نسمعه سوى :( ههههههه بتمصلح ع شان تجيبلنا صوت الكلمة المحدوفة :( يلى يا خيتي :( |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
تقبل الله خيتو ابنة الشتات ويلى قوموا نامو هلأ بعدين بتحضرو الحصة :) |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
اقتباس:
it's up 2 him anyway thx my bro :) |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
لا يا خيتي سويت شو بتحكي انتي الخير والبركه :( يزيد بس بمزح اكيد :: لا حول ولا قوة الى بالله العلي العظيم |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
اقتباس:
الها ساعة البنت عم بتحمل وتشتغل عالأصوات وهاي جزاتها بالأخير لا تحكيلي بمزح لأنو مش لهالدرجة المزح من وين لوين يعني البنت حساسة وما بتستحمل هيك مزح حبيت احكيلك هالمعلومة بس مش اكتر يلا كملو دروسكم يا جماعة حصل خير ويعطيكم العافية ويعطيها العافية سويت حبيبة قلبي ما قصرت والله عم تتعب كتير :s (43): |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
يييييييييييييييي
طيب شو ماصدقتو عادي يعني بعدين لهل الدرجه بتحبوها كلم خفتو ع مشاعرها يعني :icon8: طيب ياسويت اسف انااااااااااااااا وماكان قصدي كلمه وطلعت وبعدين انت سويت يعني حلوتنا وبتوزعي الحلى ع كل المنتدى :showoff: ااااااااااااااااااااااااسف :s (43): |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
اقتباس:
ايوا هيك انت شطور يا يزيد خلص حصل خير روق :s (43): يلا كمل دروسك يعطيك العافية :s (43): |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
:wacko::wacko::wacko::wacko::wacko:
متابعين |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
اقتباس:
بلاش يفكرونا اساتذة اي كلام :icon11::showoff: |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
مشكووور اخي
انا هلأ تعلمت كل الكلامات اما تحكيلي اكتبي فما بعرف لانو بشوف الي بتكتبو ارقام :( بس بكفي النطق هه والله صعب الاه يعينك |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
ييي بده قعدة هادا !
قريت نصه وبكمل في الليل ، بيكون عقلي مركز اما الان لا يمكن الوصول حاليا |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
درس طوييل
في ميزان حسناتك |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
متابعه شى شى الله يقويكم على المجهود |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
بو يون شي حبايبي :) :: يلى الكل يراجع لانه الاختبار في الطريق :: ويلي ما حضر الدرس هاد .. شكلي ح ادبحه :@ |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
شي شي very much
صرت بعرف 4 لغات ههههه هاي تاني مرة أقرأه ما تكتر علينا هيك لازم تراعي اللي مستواهم متلي( ما بيفهموا بسرعة) |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
حي الله اصلك اختي :: ولو مستواكي ع راسنا وان شاء الله بتتطوري لكن مارسي :: هاد الموضوع مفتوح مع اختباره يلي ح ينزل ان شاء الله في غضون كم ساعة مفتوح لمدة يومين كاملات :: ف اكيد لو فتي كل يوم خمس دقائق ح تعرفي كل شي باذن الله طبعا :: :) |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
الله يعين النطق ماشاء الله (فظيع) طيب مفش حل للغه اللاتينيه بالمره كنت هنسى دكتور محمد وجدت عندى كتاب تشريح بالرسومات و هيكل الكترونى ان شاء الله يفيدوك فى التشريح يعنى تسليه الكتاب: http://www.adrive.com/public/ed398bb...6d886e066.html الهيكل: http://www.gwc.maricopa.edu/class/bio201/skeletontt.htm الله يوفقنا جميعا |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
يسلمووو ربي ما يحرمنا منك يا خيتي :: بجد دكتورة انتهينا .. هاد الشي ح يساعدني باذن الله كتير :: لكن خلاص زمن الاناتومي عدا هههه وع قولتك تسليه :) :: ربي يحفضك من كل شر |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
اقتباس:
حسبتك لسه بتدرس اناتومى طيب ع العموم لو بتريد اى شىء فى اى ماده انا بالخدمه لمده شهر بعد كدا هكون خارج النطاق فى امان الله |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
هههه لا يا خيتي انتهينا ما بندرس اناتومي خلصناه زمان لكن انا براجع كل المواد القديمة والقديمة كتير والجديدة وكل شي هههه >> شطور مو ؟ خخخ :: :) |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
اقتباس:
وصعبان عليه بيدرس وبيدرسلنا صينى وقلت اساعد لانى مجربه ومابسأل فى الدرس شطور كتير الله يوفقك يلا كفانى رغى لانطرد من الصف بدنا الامتحان |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
|
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
يا الله
شو هاد حاسس حالي بحضر بفلم صيني الشغلة بدها تركيز لزيزة لغة الصين يعطيك الف عافية اخي تحدوه وكل واحد مساهم في هذه المدرسة من المدير لأصغر طالب ^ـ^ ربنا يحفظكم |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
شف
:icon6: خير انشاله يادكاتره وبعدين معكم :icon9: كم مرا بدنا نحكي تتبادلوش المعلومات هون :icon28: اخر انزار هادا :matrix: p: |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
خخخ طيب طيب احم |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
ياااي ,, بدي اتسجل ممكن ؟!! :)
يعني بسير عندي كمان لغه غير العبري والانجلش .. وايا مساعدة بالعبري انا جاهزة :) |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
ههههههههه اي خيتي اعملي دورة مش غلط :: التسجيل يمكن اغلق ع العموم بتلاقي موضوع في القسم هاد اسمه افتتح التسجيل شوفي ازا الموضوع شغال سجلي مش شغال احكيلي وانا بشوف كيف |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
حبيبي القلب الطيب منور سجلللللل أولللللللللل في المسااااااااااابقة :@:@:@:@ هههه منور |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
ههههه بس اخد شوي على المنتدى يعمل احلا دورة ,, هلأ موضوع التسجيل مغلق يا خسارة :(
|
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
ان شاء الله خير وبما انك عضوة جديده لو حبيتي تشاركي تابعي في موضوع التسجيل راج تلاقي توقيع حطيه في توقيعك واحضري الدرس الاول وافهميه والتاني وافهميه وبعدين بتصيري مشتركة معنا ان شاء الله |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
ان شاء الله ,, الليلة بسوي كلشي
يعطيك العافية |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
ان شاء الله واهلأ وسهلا فيكي خيتي |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
كتير الاشي صعب :(
انشالله بشارك بدورات تانية :( معئد كتير وما ئدرت كتير افهمو يعطيك العافية |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
اناا ئاعدة بتعلم عالسكيتي :p يعطيك الف عافية تحدوه بس والله درس اليوم صعب :( وبعدين مقاطع الصوت ماعم تشتغل عندي حاولت انزل الفاير فوكس بس انا عندي الويندوز ضارب كل مابجي انزله بحكيلي في خطأ بالوندوز فشوفلك حل الله يخليك بشغلة الصوت :( |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
حلووووووووو
ني هاااو يعطيكي العافيه ياسويتتنااااااااااااااااااااااااااا ااااااااااااا ومستر محامي يسلمو يخو |
رد: الدرس الثاني ,, في دورة تعلم اللغة الصينية ,, يرجى الحظور من كل الطلاب
هلا والله بالكل :: ان شاء الله خير خيتي وردة ولا يهمك :: وخيتي زينه مو مشكلة .. متل ما بدك يا غالية :: وحبيبي يزيد اهدى لافغصك :@:@:@ ههههه منورين |
| الساعة الآن 05:58 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas