أخى

أنا ما عملت هادا الموضوع عشان يكون سبيل لإحراج الأعضاء أو تجريحهم لكن عشان يكون سبيل للمرح والتفاعل بين الأعضاء وعشان يشعر كل عضو إن فعلا فيه ناس بتحبه ويهمها تعرف أمره مش عشان يعرف إن فيه ناس مستنية تجرح فيه وتحرجه

ومن فضلك لو كل مشاركاتك هتكون بالشكل ده ياريت تحاول تشوف أسئلة ليها معنى أو تبطل تشارك فى الموضوع ده يكون أفضل من إنك تحط أسئلة محرجة ولأن أنا هعتبر نفسى المسئول عن كل رد فى الموضوع ما دام أنا صاحب الفكرة يعنى هعتبر نفسى مسئول أمام الإدارة والأعضاء وأمام ربى قبل كل شئ عن أى خطأ يصدر من أى عضو فى هذا الموضوع

أنا آسف لو كان ردى بصيغة حادة شوية لكنى فعلا زعلت كتير من الأسئلة وخصوصا السؤال ده

يا أخى البنت اللى لو حبت حب لا يؤدى إلى الزواج تكون بنت غير سوية يعنى أنا طالب منك إنك تراعى السؤال وتعتبر نفسك إنك بتسأل أخت ليك مش إنك قاعد فى غرفة دردشة

أنا آسف مرة تانية للإدارة وللإعضاء ولأختى حورية فلسطين على الأسئلة دى وأوعدكم إن أى سؤال يصدر تانى بالشكل ده أنا هعرف أوقفه عند حده

وآسف مرة تانية لو كان أسلوبى عكر صفو المرح اللى الموضوع كان متصف بيه

تقبلوا تحياتى