|
رد: بدي رأيكو .. اللي بعملو صح ولا غلط ؟؟
شكرا يارا حبيبتي ع رأيك .. و ع مرورك الحلو وبالنسبة للأخ .. سيد الظلام .. أنا بشكر اهتمامك بالموضوع هاي أولا و ثانيا أنا ما عندي مانع اني أحكي عن مشكلتي اللي بعاني منها لهلئ .. أنا فعلا بحب شخص و هو كمان بحبني .. بس سمعة أهلو مو منيحة و هو بالعكس شب ما في منو أبدا أخلاق و دين وهاد أهم شي .. بس المشكلة بأهلو و سمعتهن .. وأهلي مو مستعدين يجازفو فيني مع شب أهلو مو مناح ( هاد رأيي الأهل طبعا ) .. وبالعكس هو عمل المستحيل لحتى يصير النصيب ولسه عم بحاول و ما يأس أبدا... بس شو بدنا نعمل ؟؟؟ و أنا الصراحة مقتنعة فيو مليووون بالمية و صار هالحب بالنسبة إلي من سابع المستحيلات انو يتوج بالزواج .. وصرت أعيش بالحلم و الحلم صار يعيش فيني لا إراديا والله و مو قادرة أنسى ...........!! تحياتي بنت صفوري |
رد: بدي رأيكو .. اللي بعملو صح ولا غلط ؟؟
نعود من جديد ,,
اقتباس:
اختي الكريمة ،، السمعة السيئة ستلحق بك و بأهلك و بأبنائك مستقبلا ً هالشي لازم تفهميه منيح .. نصيحتي الك تبعدي عن طريق هالشخص ،، لكن اذا كان الشخص صاحب خلق ودين وبعيد عن السمعة السيئة الي راح تلاحقه طول حياته ممكن تجازفي بكل شي مشانه بس وقتها ممكن تكوني ظلمتي نفسك واهلك واخواتك وأولادك ، فكري تفكير منطقي بعيدا ً عن وهم اسمه الحب ،، دمت بخير .. |
رد: بدي رأيكو .. اللي بعملو صح ولا غلط ؟؟
لك الله يخليلي اياك يا محمود شو انك زوووء والله.. عادي أخوي ما فيها احراج ولا شي ولو نحن اخوة و مو بيناتنا أبدا و الصراحة كلامك هاد كتير قالولي اياه خاصة اختي .. بس كنت حابي أسمعو من أكتر من جهة .. و الصراحة أخوي محمود والله انك صبت ع الجرح ..وبتشكر اهتمامك بالموضوع .. وبعدين أنا والله متأكدة مليون بالمية من أخلاقو لاني صرلي معو شي 5 سنين .. يعني صرت فاهمتو منيح وعارفة أطباعو و أخلاقو .. ولو شفت منو شي غلط لا سمح الله مستحيل أتمسك فيو والله مو عارفي كيف أتصرف ... بس أملي بربنا كبير و الله كريم .. بنت صفوري |
رد: بدي رأيكو .. اللي بعملو صح ولا غلط ؟؟
5 سنوات مش كفاية :)
احكيلي شو الـ 5 سنوات عمل فيهم شي يشرف أهله والناس فيه ،، ويبعد عنهم السمعة العاطلة ؟! يعني شو غير في أهلو ؟ ولا كان هامو نفسه فقط ! اختي ما تحكمي ع الأمور بالمدة ، اكيد بتعرفيه على الإنترنت او في الشارع !! وأنا آسف لو بدخل بهيك قصة ، بس لو اختي وتقدم الها واحد سمعة قرايبو مش اهلو كمان فيها شئ معيب ما بقبل الزواج ،، بعدين ازا أهلك مو موافقين !! برايك شو الحل ؟ تتركي أهلك مشان مين ؟ وافرضي احساسك خانك لمين راح ترجعي ؟؟ أهلك ما رح يكونو معك !! الأمر صعب جدا ً لهيك لازم تحسمي الموضوع لصالحك ، وبغض النظر عن صلاح هالإنسان ، بس البنت هيي الجانب المظلوم دايما ً في قصص الارتباط .. احسن شي استخيري ربك وادعيه انو يهديك للطريق الصواب ، وانا بحكيلك بكل صراحة اسمعي كلام أهلك أحسن لك .. |
رد: بدي رأيكو .. اللي بعملو صح ولا غلط ؟؟
خيتو ازا الموضوع بيستحق انك تحاولي وفي امل ولو واحد بالميه لنه يتحقق اللي بدك ايه فحاولي وازا كانت النتيجة ايجابية كملي اما ازا كانت سبية فانسي احسن الك لانك ازا ما نسيتي رح تكوني انت الخسرانه الوحيدة وبتمنى انك تلاقي الصح وتعملي
|
رد: بدي رأيكو .. اللي بعملو صح ولا غلط ؟؟
تسلمي soso bar ع رأيك حبيبتي و ع مرورك اللي شرفني والله و ع راسي كل الكلام اللي قلتيه .. وبالنسبة للأخ محمود .. فأنا مو عارفي كيف بدي أتشكرك كتير ع اهتمامك خيووو .. وبالعكس ما تتأسف لانك ادخلت بهالقصة بالعكس أنا بدي مين يدخل فيها و ينصحني ... و صراحة كلامك كلو صحيح .. و أكيد أنا ما فيني أتخلى عن أهلي عشان أي شب مين ما كان يكون .. ولا فيني أعصيلهن كلمة شو ما كانت ... ولا كان عملت هيك من زمان وخلصت .. بس أنا ما حاسي إلا بتأنيب ضمير تجاه الشخص اللي حبني بكل اخلاص ... وحاسي اني لسه مقيدة و لانو ما بإيدي شي أبدا أعملو عشان هيك قررت اني أعيش بأحلى حلم مر بحياتي .. لانو ما بإيدي شي والله و بتشكرك من كل قلبي أخ محمود ..... بنت صفوري |
رد: بدي رأيكو .. اللي بعملو صح ولا غلط ؟؟
بانتظار آراء باقي الأعضاء للأهمية بنت صفوري |
رد: بدي رأيكو .. اللي بعملو صح ولا غلط ؟؟
هاد كله اسمه و هم لازم تنسيه ما دام مستحيل
ما تعلقي احلامك علي اشخاص تانين ما دام انك متاكده انه مستحيل فانسيه و ما تعيشي في الوهم و الحلم المستحيل خليكي واقعة افضل بكتييير ما تعيشي بحلم و فجاة تفيقي منه تلاقي حالك في الهاوية |
رد: بدي رأيكو .. اللي بعملو صح ولا غلط ؟؟
تسلمي حبيبتي ع مرورك و ع رأيك اللي بحترمو أكيد .. وانتو بس ادعولي و الله كريم ... نورتي الصفحة ياعسل بنت صفوري |
رد: بدي رأيكو .. اللي بعملو صح ولا غلط ؟؟
غلط ومليون غلط
حبيبتي الاحلام بددمر الواحد ازا ما كانت ملائمة للواقع |
| الساعة الآن 09:27 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas