رد: مساعدة الزوج لزوجتة بشؤون المنزل
 

هههههههههههههه والله شي حلو بجد
بجد يا جماعة انا بعجب بالشباب الي بساعدو اهلهم بشغل البيت او بالاب الي بساعد
انا ابي كمان بطبخ...وبساعد
وللاسف في ماخدين فكرة انو الرجل الي بفوت المطبخ مش زلمة...!!!:icon6:
الرسول صلى الله عليه وسلم كان بساعد السيدة عائشة باعمل البيت..
والانسان المسلم من صفاتو الرحمة والمساعدة
:showoff:

رد: مساعدة الزوج لزوجتة بشؤون المنزل
 

بجد شبابنا والله محترمين وكويسين الله يحميهم ... والله جد يا لولو في رجال هيك عاملين المراه خدامتهم وبشوف والله نماذج لدرجة انو عالاكل اللي مفروض يكون تجمع للاسرة والابناء ..لازم الرجال ياكلو قبل واللي بزيد من وراهم ياكلوة النساء ..شفتو اكتر من هيك اهانة ... عكلن الله يحميكوو وتسلمو عمشاركتكوو معي ..

رد: مساعدة الزوج لزوجتة بشؤون المنزل
 

على فكرة مزبوط حكي فراشة ..

مرة كنا معزومين عند دار عمة والدي ... فلما خلصنا اكل صرت اشيل الصحون معهم .. فهمي استغربو .. ونظراتهم الي كانت بتحكي "مين هاد" او "شو جابو هون" او يمكن "اطلع برا" ههههههه المهم انو حسيت حالي مستهجن من الجميع :icon6:

سلامي للكل ...

رد: مساعدة الزوج لزوجتة بشؤون المنزل
 

بصراحه حلوه المساعده
احنا بالبيت بابا واخوي بيساعدونا بكل شي
بس انا ما بحب حدا يساعدني اصلهم بيقلبو البيت هههههههههههه يعني لمرتب بيخربو والخربان بيزبطو

رد: مساعدة الزوج لزوجتة بشؤون المنزل
 

لنا في الرسول اسوة حسنة
فقد كان يخيط ثوبه ويرقع نعلة
مع ان كان يقدر يؤمر اهل بيتو
بس دي هي الدروس المحمدية
في لين الجانب لاهل بيته
صلى الله عليه وسلم

رد: مساعدة الزوج لزوجتة بشؤون المنزل
 

ههههههههههههههههههه

شو رايكم يا صبايا بدنا نعمل انقلاب

بدنا شغل البيت كلو يصيييييييير علي الشباب

ال مساعدة بس

المساعدة وحدة ما بتكفي

خلاص احنا زهقنا بدنل نعمل تبادل ادوار

هلأ الدور علي الشباب

المفروض هما يعملوو كل شغل البييييييييت

ههههههههههههههههههههه

بايووووووووووووووووووووو

رد: مساعدة الزوج لزوجتة بشؤون المنزل
 

لا احلى مو هيك ...

طيب احنا مرة كنا معزومين عند ناس ..فشو حطو الاكل عند الرجال واحنا اعدنا جوة وال بس خلصو صارو يجيبو الصحون وهيه ماكولة ومو مرتبة واصلا عيب بحئنا انو ال نستنى الرجال بس ياكلو نحنا وراهم شو نحنا بعصر الجاهلية والله ما دئتو للاكل ..

رد: مساعدة الزوج لزوجتة بشؤون المنزل
 

ههههههههه

والله صارت معنا .. بس على فكرة هدول غالبا بدو بكونو

والنهفة انهم عاملين خروف والراس بالنص ومفتوح الثم واللسان طالع لبرة ... فالي عازما طال اللسان من لغليغو على راي المصريين .. وصار يقسمو على الكل :wacko:

محدش يسألني أكلت ولا لاء من اللسان لانو كنت يمكن 12 سنة يعني مش متذكر :icon6:

بس اللـه يستر

رد: مساعدة الزوج لزوجتة بشؤون المنزل
 

هههههههههههههه بسيطة احمد ...

ولا بدو ولا حاجة بالعكس متعلمين ومثقفين بس هيك في ناس ما عندهم احترام للمراه وكانها شو عندهم ... تسلمولي اعزائي عردودكوو وتفاعلكو معي ..

رد: مساعدة الزوج لزوجتة بشؤون المنزل
 

السلام عليكم
انا بدي احكي رايي بهاي الموضوع
طبعا كلامي راح يكون عن تجربة مش هيك
انا يا اختي ما بعرض الزوج انوا يساعد زوجته ولكن ضمن حدود يعني لما تكون تعبانة او مريضة يساعدها لانوا الرسول صلي الله عليه وسلم كان يساعد زوجاته في اعمال البيت
بس ما يكون مساعدة الرجل لزوجته انوا الزوجة تفسر انوا مساعدة الزوج لزوجته ضعف منه او انها مسيطرة عليه او انها دايما تخليه يشتغل
المساعدة حلوة بس يكون الزوج متفاهمين
مشكورة يا فراشة علي موضوعك