|
رد: صورة اختزنتها ذاكرتك سواء كانت جميلة أم مريرة!!
اول شي بدي أحكي اني لما قرأت رد ابن فلسطين وراه على طول رد رامي غرغرت عيوني الله يصبركم .....
كتير مشاهد مستحيل انساها منها حلوه منها مره كتير خصوصا بسنة2006 لانها فعلا كانت احسن واسوء سنه بكل حياتي بكل الاحوال في مشهد ما بنساه لو عشت العمرين متل ما بيحكو أيام حرب لبنان بصيف 2006 خصوصا يوم مجزرة قانا .... كل الدم والدمار ماأثر فيني متا ماأثر فين مشهد صغير ...مرت الكاميرا عليه بسرعه كبيره ... كانو أربعه من الدفاع المدني حاملين ست عجوز على كرسي وقتها حجابها الأبيض سحل واحج من تبعون الدفاع المدني رفعلها حجابها .... فعلا وقتها كتير تأثرت لانو كل هالدمار ما خلا هاد الانسان العظيم ينسى الحجاب.... الله يباركله ويوفقه وين ما راح... |
رد: صورة اختزنتها ذاكرتك سواء كانت جميلة أم مريرة!!
صورة مستحيل انساها....
الشخص اللي بنيت كل حياتي معه وتمنيت يكون كل حياتي مات قدام عيوني ..الله يرحمه |
رد: صورة اختزنتها ذاكرتك سواء كانت جميلة أم مريرة!!
صورة مستحيل انساها....
الشخص اللي بنيت كل حياتي معه وتمنيت يكون كل حياتي هجرني وسافر |
رد: صورة اختزنتها ذاكرتك سواء كانت جميلة أم مريرة!!
الله يفرجها
ومستحيل انسى لحظة سفري لما رميت نفسي بحضن امي |
رد: صورة اختزنتها ذاكرتك سواء كانت جميلة أم مريرة!!
السلام عليكم .
اختي احلى رورو ,, بصراحة فتحت هاد الموضوع اكتر من مرة .. وكل مره بفوت فيها .. ببطل اعرف شو اكتب. ^^ هو في كتير ذكريات براسي.. في منها المحرجه والمضحكة ,, في مواقف كنت ميت رعب فيها. بس اكتر موقف اثر فيي ,, يوم دفت سيدي الله يرحمو .. كان عمري اتذكر تقريبا 12او 13 سنة .. كنت بصراحة كتير بحبو . واكثر شي اثر فيي وقت ما نزلنا بالحفرة . بجد بالنسبة لإلي كان منظر مرعب. وحتى هاد الوقت كل ما بتذكرة بقشعر بدني. وبكره المقابر من هاي الشغلة.. ويسلمو ايديكي اختي ع الموضوع.. في حفظ المولى. |
رد: صورة اختزنتها ذاكرتك سواء كانت جميلة أم مريرة!!
نورتتووووووووو
والله الواحد لما يشوف مصايب غيرو بنسى مصايبو :( يلا بعين الله |
رد: صورة اختزنتها ذاكرتك سواء كانت جميلة أم مريرة!!
اليوم الي استقبلت فيه امي
وإمها كانت ميته(تيتا يعني) كنت نايمه عند دار سيدي وتيتا مريضه بس ما حد كان متوقع انو المرض يكون مميت كنت بالغرفه مع بنت خالي اجا خالي من المستشفى سلمنا عليه ودخلنا ننام فجأه سمعنا صوت مرت خالي بتصيح وخالي بصيح وبقلها صوتك خرجنا نركض لقينا ببكي معها ونزلو نسوان خوالي التنتين ووقعو عالارض يبكوو وانا ابكي بس لاني كنت افكر بماما نزلنا نشوف تيتا وما رضيت اشوفها الا لما اجت ماما لما شفتهم جايين بالسياره خرجت عالشارع وهي زي البنت الصغيره ارتكت علي وقالتلي : امي مــــــــــــــــــــــــاتت ونزلت انا واياها نشوف الجثمان .... الله يسامحك يا رورو قشعر بدني .... ضلت معها طول الليل وهي لافه تيتا وتقلها : مااااماااااا انتي ما متي انتي لساتك.. تعالي عنــــ،،ـــــدي ... عمـــــــــــــــــــــــــــــــــ ــــــري ما بنسى هـــاد الموقف وان شا الله يكون يومي قبل يوم امـــي لاني الالم كبييييييير ^ ^ |
رد: صورة اختزنتها ذاكرتك سواء كانت جميلة أم مريرة!!
قريت كل الردود بجد الي بيشوف مصيبه غيره بتهون عليه مصيبته
بس الي فيني ما بيهون لانه اصعب من انه ينحكى او انه ينقرا مع اني مريت بكتير اشياء غيره هدتني بس كنت اقوم منها قويه الا هي لانه الي كان مقويني راح بس بدون رجعه بجد مو قادره اكتب الموقف اصعب من هيك ومو قدرتي بس اصعب كلما سمعتها في هي مـــــــات كنت لحالي وما عرفت اعمل شي بس شوبدي اعمل قدري انه هيك يسير انا بديت اكتب بس ما قدرت رورو الله يهديكي فتحتي جروحي لا ما فتحتيها لانها مفتوحه بس رجعت تنزف |
رد: صورة اختزنتها ذاكرتك سواء كانت جميلة أم مريرة!!
اصعب لحظه
كلمه مع السلامه |
رد: صورة اختزنتها ذاكرتك سواء كانت جميلة أم مريرة!!
بتذكر دموع بابا ...لما ماتت تيتا (( الله يرحمها )) ..
.مع اني كنت صغيره بس لحد هل بتمر علي مرات بتذكر ....شي بحزن كتير ... شكراً عالموضوع الحلو ... |
| الساعة الآن 08:51 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas