لا للمقاومة / لا للديمقراطية [الأرشيف]

مشاهدة النسخة كاملة : لا للمقاومة / لا للديمقراطية

شاهد عيان مجهول

07-18-2009, 03:33 PM

اثبتنا وبجدارة اننا لا نصلح للمقاومة, فطوال كل هده السنوات وبعد كل هده الهزائم والنكبات في مختلف القضايا لم يستطع المقاومون او المقاومة بمختلف انتمائاتهم السياسية والطائفية والمدهبية والدينية في اعادة ولو شبر واحد من الاراضي المحتلة بل وفشلت فشلا دريعا في تحقيق اي اهداف معلنة او غير معلنة واكبر دليل على دلك ماحصل ويحصل وسيحصل في فلسطين, بل وبالعكس اصبحت هده المقاومة وبالا على شعوب المنطقة اصبح الخاسر الوحيد فيها هم هؤلاء الناس الدين كان من المفترض ان تكون هده المقاومة نعمة عليم لانقمة.

مثل المقاومة لدينا كمثل لديمقراطية فكما فشلت المقاومة في تحرير الارض والدليل على دلك ما يحدت في فلسطين اتبتت الديمقراطية فشلها في ادارة شئون الناس والدليل على دلك الاضطرابات الحاصلة في لبنان.

أخيرا أقول أنه قد لا يكون ثمة عيب ما لافي المقاومة او في الديمقراطية انما العيب هو فينا نحن فنحن هم من لا يصلح للمقاومة او للديمقراطية فحق فينا القول 'لا لينا لا في الثور ولا في الطحين'

وردة المحبه

07-18-2009, 04:20 PM

كلامك ممكن يكون في من صح بس مو معنى هادا انو نسكت خليهم يضلهم يقاوموا ان شاء الله ينصرهم ويتبت اقدامهم

مشكور ع الموضوع

انتهينا

07-18-2009, 04:31 PM

لا انا مش معاك خاص للاسف
يعنى ايه 'لا لينا لا في الثور ولا في الطحين'

الكلام كله استسلام

ودا غلط

هو فعلا فيه سلبيه فى كتير من الشعوب العربيه

لكن مش معناه انه الكل سلبى

بالنسبه للناس للى راحوا ضحيه دا مش بسبب المقاومه
لكن

بسبب الصمت

بسبب مقاومه المقاومه

بسبب ادعاء الديمقراطيه

والناس دى جزء من المقاومه و لولا دمها ماكنش فضل ولا شبر

على الاقل اخى يحافظوا على اللى فاضل

وان شاء الله هيستردوا اللى راح

روان فلسطين

07-18-2009, 04:33 PM

لالالالالالالالالالالالالالالالالال الالالالالالالالالالا

بالله جد

شو هالكلام

هل تعتقد خيو انو المقاومه الاسلاميه

فشلت ؟؟؟

فشلت في الدفاع عن غزه وعدم السماح لاسرائيل انهم ياخدو ولو شبر من غزه

فشلت ببث روح الصمود العجيبه بين اهل غزه يلي عم بيعيشو باصعب الظروف الانسانيه

وبكل قوه بيقولو لن نتنازل ولن نتراجع وكلنا فداء لفلسطين ولارض بلادنا الطاهره

يمكن المقاومه ما قدرت ترجع شي ملموس

وهاد الشي من ضعف الدعم لانو كل العالم ضد نتفه هالمقاومه

الي واقفه بوجه اعتى قوه عسكريه بالعالم والمسماه باسرائيل

بس برضو يا خيي ولو انها ما رجعت شي من الارض

بس ربت اجيال تعرف شو هيي فلسطين وشو حقوقنا

ربت اجيال من المهد بتلبس الاخضر وبتمشي

ربت اجيال من المغتربيين يلي بيقولو ليل نهار حق العوده حق مقدس

ارضنا النا

والقدس غير قابله للتقسيم

ربت اجيال من الشباب يلي بيتسابقو للمساجد وبيتمنو الشهاده

ربت اجيال ما عندها غير كلمه

(( لن نتنازل عن ثوابتنا ولن نعترف باسرائيل ))

وهاد الشي مو سهل ولا اي حد بيقدر يحققه غير المقاومه الاسلاميه يلي لولاها كان ضعنا

ورحنا بخبر كان ورا سلطتنا المحترمه

بيكفي انها وقفت بوجهه كل الكذب وكل الفبركات وكل التنازلات والاعتداءات

وقالت (لأ) فلسطين النا يا اما بنعيش عليها وهيي النا بكرامتنا يا اما بنموت لحتى

ابنائنا يحظو بهادي الحياه

خيي انت بالموضوع هاد حققت اكبر اهداف اعدائنا وهو انو شباب الامه يفقدو

ثقتهم بالمقاومه

وهاد الشي خطر كبيييييييير وراح يضيع شي كتيييييير من كرامتنا ومن ارضنا

وبحب احكيلك انو في ناس لعنت الظلام بينما المقاومه ضوت شمعه

( فأن تضئ شمعه خيرا من ان تقضي عمرك في لعن الظلام )

يعطيك العافيه ع الطرح

وتقبل مروري ومشاركتي

PaLeSt!Ne SouL

07-18-2009, 05:10 PM

ما بعرف إذا أنت بتابع أخبار !!

الكيان الصهيوني انسحب من غزة
و خرج من كل المستوطنات
أنا ما بظن أنو حب يغير جو بس مشان هيك طلع يعني

و انسحبوا من جنوب لبنان كمان و انهزموا بالحرب معهم

الإتحاد السوفيتي خرج من أفغانستان يجر أذيال الخيبة بعد ما طالبان ورتهم الويل

الديمقراطية أنا ما بحبها أنا بحب الشورى

بس هي اللي جابت الناس الشرفاء اللي متل حماس عالحكم
متل ما شالت ناس ما بيستاهلوا منه

نصيحة اسمع أخبار كويس مش بالأذن بالعقل

Yαś

07-18-2009, 08:17 PM

هل تعتقد خيو انو المقاومه الاسلاميه

فشلت ؟؟؟

فشلت في الدفاع عن غزه وعدم السماح لاسرائيل انهم ياخدو ولو شبر من غزه

فشلت ببث روح الصمود العجيبه بين اهل غزه يلي عم بيعيشو باصعب الظروف الانسانيه

وبكل قوه بيقولو لن نتنازل ولن نتراجع وكلنا فداء لفلسطين ولارض بلادنا الطاهره

يمكن المقاومه ما قدرت ترجع شي ملموس

وهاد الشي من ضعف الدعم لانو كل العالم ضد نتفه هالمقاومه

الي واقفه بوجه اعتى قوه عسكريه بالعالم والمسماه باسرائيل

يعطيكِ العـافية أختي روان ..

كفيتِ و وفيتِ ،،

أخوي شـاهد ..

صحيح أنـو المـقاومة مـا حررت أرض ..

بـس ضلت صـامدة و محافظة عـلى الأرض اللي هـي فيـها

رغـم القـوة التـي يتملكهـا الخـصم ..

و هـذا انتصـار كبيـر للمـقاومة ~

يعطيك العـافية أخـوي

تقبـل مروري

شاهد عيان مجهول

07-18-2009, 09:38 PM

هناك مقوله تقول
أن العدو متى كان جاهزاً فهو سينجح حتماً

فالمقاومة البربرية لاتجدى نفعا ولا تؤدي إلي إنتصار
المقاومة التي تبنى ع اشلاء الابرياء لن توصل لتحرير الوطن
فهناك تخطيط وهذا المنطق يخفي ضمناً أن الطرف الآخر أي نحن العرب
أو المقاومة على وجه الخصوص لا تملك عناصر النجاح
أو الانتصار، بل تملك حظ فشل العدو أو عدم قدرته
على إدارة عمله بصورة حسنه
ربما يشهد العالم نموذجاً جديداً من المقاومة التي تدرس
أشكالاً جديدة في الهجوم من باب الدفاع الاستراتيجي.

Yαś

07-18-2009, 09:56 PM

أن العدو متى كان جاهزاً فهو سينجح حتماً

أخـوي اسمحلي ..

يعني لمـا العـدو هاجم قـطاع غـزة و جنـوب لبنـان .. مـا كـان جـاهز ؟؟

أكيـد لمـا هجـمو .. كـانو حاسبيـن هـذا الهجـوم و عـاملين دراسة كمـان

و الحيـن أي حـرب و أي معركة و أي قتـال .. لازم يـكون فـي تجهـيز

فالمقاومة البربرية لاتجدى نفعا ولا تؤدي إلي إنتصار
المقاومة التي تبنى ع اشلاء الابرياء لن توصل لتحرير الوطن

تعرف يـا أخي .. أنـو لولا المقـاومـة كـان الحيـن لبنـان و غـزة بأيد اليهـود

هـذا الكـلام مـن الواقـع .. فـلولا المقـاومـة .. و لولا الصمـود .. و لولا التضحيـة فـي سبيل المحـافظة عـلى العـزة

لمـا كـانت غـزة أو لبنـان حـرة أبيـه

بالنسبـة للشهـداء و الأبريـاء ..

أخـوي بدي أسألك سؤال .. فـي حرب من غيـر خسـائر ؟؟

أكيـد لا ..

فأرجـو أن لا تاخذ هـذا سبب .. عشـان تثبت فـشل المقـاومة

أرجـو ذلك

بل تملك حظ فشل العدو أو عدم قدرته
على إدارة عمله بصورة حسنه

الحيـن .. بدك تقنعني أنـو إسـرائيـل ..التي تعد مـن أقوى الدول عسكريـاً ..

مـا عندهـا القدرة عـلى إدراة عملهـا بصـور حسنـة ؟؟

مـا عندهـا قدـرة ؟؟

و عندهـا التكنولوجيـا و عندهـا الجنـود المدربين عـلى أعلى مستـوى

و طائرات .. و أقمـار صناعيـة .. و دبابات

أخـوي يعني التفكيـر لازم بالمنطـق ..

انتهينا

07-18-2009, 10:06 PM

عذرا

لكن الصراحه انت كلامك مستفز

انت ما انت حاسس بالكلام اللى بتئوله

ايه اللى بيصير

اسمحلى اسألك سؤال

بس تجاوب عليه

انت فلسطينى ؟؟؟؟؟

بس ما اقصد انه كلمه فلسطينى مكتوبه فى جواز سفرك

اقصد فلسطينى بجد بروحك

مش مهم تجاوب على السؤال دا

خلينا فى الاهم

انت بتقول المقاومه البربريه

لو قلت لحضرتك انه هالمقاومه البربريه محافظه على غزه

انقذتها وانقذت جنوب لبنان وبالتالى لبنان كله وبالتالى الدوله العربيه اللى الدور كان هيصير عليها بعد لبنان

كل هالانجازات قامت بيها المقاومه

انت بتنقدها يعنى انت قدمت شو لفلسطين؟؟؟؟؟؟

غير الكلام

بدى اياك تقارن حالك بيهم

انت جالس على النت وعمال بتتلفظ فى حقهم بكلام ما بيصح وهم هالحين وفى كل وقت بيشيلوا روحهم على كفهم؟

انت شو بتسوى؟؟؟؟؟؟؟؟؟؟؟؟

رد بليز

ما تنتقد حد انت اقل منه اخى

ما بيصير هالحكى ابدا

روان فلسطين

07-18-2009, 10:11 PM

هناك مقوله تقول
أن العدو متى كان جاهزاً فهو سينجح حتماً

ما شاء الله تبارك الله
خيي هل تعتقد انو اسرائيل كانت غير جاهزه
هل تعتقد انو اقوى القوى العسكريه في وقتنا الحاضر كانت غير جاهزه

هيي فعلا ما كانت جاهزه لانها ما عندها عقيده تسيرها ولانو صاروخ قسامي واحد من يد مجاهد وهب دمه لارضه ولكرامه شعبه وهو ما طبق العشرين
بتساوي كل تدريباتهم وكل اسلحتهم وكل الدعم من امريكا وغيرها من دول الطغيان
يلي الله وعدنا اننا ستكون لنا الغلبه عليهم

فالمقاومة البربرية لاتجدى نفعا ولا تؤدي إلي إنتصار
المقاومة التي تبنى ع اشلاء الابرياء لن توصل لتحرير الوطن

اول شي خيي المقاومه ما بنقدر نسميها بربيه

وتاني شي الحرب بنيت على اشلاء الابرياء

العدوان والطغيان بني على اشلاء الابرياء

اسرائيل بنيت على اشلاء ابرياء مخيم صبرا وشاتيلا ومخيمات الجنوب وبدماء ابناء دير ياسين وغزه وجباليا ورفح وكل مناطق غزه

لكن المقاومه
هيي منهم وفيهم

المقاومه اجت من ابن شهيد واخت جريح وام شخص بالمستشفى بيصراع الموت الف مره لانو الحصار موجود
وجدت من قهر الشعب نبتت ع ارضه وتروت بدمه ودمعه
مش المقاومه هيي يلي قامت ع اشلاء الابرياء

المقاومه قامت من ضحايا الحرب وقهر الشعوب

واذا حضرتك شايف انو المقاومه مو هيي يلي بتوصل لتحرير الدول اعطينا رايك
يمكن السكوت والنوم والفلفه ليل نهار بالمنتديات بترجع
اه في طريقه نروح نقعد قدام اسرائيل ع طاوله المحاورات ونقلهم (( يا ولاد عمنا انتو خدو 99% من البلد وحنا اعطونا ال 1% الباقي ومسموح الكم تفوتوها باي وقت بلا تصاريح ولا شي )

فهناك تخطيط وهذا المنطق يخفي ضمناً أن الطرف الآخر أي نحن العرب
أو المقاومة على وجه الخصوص لا تملك عناصر النجاح
أو الانتصار، بل تملك حظ فشل العدو أو عدم قدرته
على إدارة عمله بصورة حسنه

:icon6: معقول
لا يا شيخ
احكي كمان من هالمصطلحات خليني اصدق
بالعقل يا خيي
في مقاومه العالم ماشيه ع الحظ يعني هل تتوقع انو حماس ولا اي حركه مقاومه بالعالم
ماشيه هيك
ع الحظ
حاطينا تعشيق ونازلينها دحل
فيش شي اسمه صدفه ولا حظ

واذا انت بتعتبر المقاومه حظ
روح ع جوجل وابحث عن المجاهدين الاشباح في غزه
وشوف تقرير الاقصى عن هاد الشي
شوف انفاقهم واخاديدهم منصات اطلاق الصواريخ واليات التواصل مع القيادات
وشغلات كتيره وراها عباقره التكونولوجيا والحرب
ما ي شي اسمه صدفه
لانو حماس ما مشت ع الصدفه
وحزب الله ما مشى ع الصدفه
وفي الحرب ما في شي اسمه صدفه في تخطيط وتدريب وتنفيذ والتزام

ربما يشهد العالم نموذجاً جديداً من المقاومة التي تدرس
أشكالاً جديدة في الهجوم من باب الدفاع الاستراتيجي.

يمكن ما في شي مستبعد
لكن هل تعتقد انك راح تكون واحد من اعضاء هدول المقاومه ؟

ولا راح تجلس ورا كمبيوترك
تشرب ك شي بارد

وتكبس باناملك الذهبيه
بنقد لاذع

واراء غير موزونه تنتقد فيها جميع المقاومه على مستوى العالم كلو ؟؟؟؟

بصراحه بدي استنى لشوف

تقبل مروري

روان فلسطين

07-18-2009, 10:16 PM

ياسين
انتهينا

سبقتوني

ما شاء الله عليكم

كلام

ميه الميه

هاد الكلام يلي بينسمع

انتهينا

07-18-2009, 10:22 PM

آه روان

بس الكلام اللى بدنا نسمعه

اجابه حضرته على سؤالى

ياريت ترد

بس قبل ماترد

بدى اقولك شغله

من فتره قرأت كتاب اسمه للسياسه رجال

صراحه اللى شدنى له كان اسمه

عارف هالحين اتأكدت انه فعلا للسياسه رجال

نفسى اللى ما فاهم بشىء ما يحكى

.:.!دموع الرحيل!.:.

07-18-2009, 10:29 PM

سبحـان الله ! ..

هو يا أخي انت عارف لولا المقاومة الي مش ماليه عينك

انت وين كنت هلأ ؟!

أو شو كآن حال باقي البلاد العربيه الي بتعتبر حالهـا مش محتله ! ..

انت بتستهين بدمآء الشهداء ,, وتضحيآت النآس وبتحكي عليها بربريه

وربنـاآ جل وعلا بكتابه العظيم كرمهم ..

وربنا إلي أمر بالجهآد .. وانت جآي تحكي المقاومة والجهآد مش نافعه ؟!

انت اطلعت كيف المقاومة بغزة بتساوي الصواريخ على إيديها ومن شو ؟!

بتعرف كيف المقاوم عايش ؟ .. كيف باع دنياه مشـان أرضه ..

كيف بيسهر بالبرد القارص بنصاص الليالي مشـان يحمي الثغور ..

ويدافع عنك وعن أهلك وعيلتك وارضك ودينك وولادك .. ويحميهم ..

انت يا أخي عمرك فكرت شو معنى التضحيه ؟!

شو معنى الصبر ؟! ..

بتعرف وللأسف بعتذر عن كلاآمي ..

إذا كـان النصر تأخر علينآ .. فهـو لأنه في نآس

بتفكر بطريقه هيك مش مزبوطه .. وما بتعرف قيمة أبنـاء أمتهـا

ولا بتعرف معنى العزة الي بيستلذ فيهـا المجاآهد وهو

دمو عميقطر منه!

بالنهآي يا أخـي ..

كلامك مردود دينيآ .. قبل ما يكون مردود مننآ نحن ..

يا ريت تراجع حالك ..

وما تلتفت لكلام أعداء الأمة .. حتى لو كآنوا من أبناء جلدتنا ..

لأنهم عمرهم ما داقوا طعم العزة والكرامه

أبومجاهد

07-18-2009, 11:12 PM

اسمع يخوو روح اذا انت عندك شخصية فاشل وانهزامية

بتروح ادور على ناس انهزاميين زيكـ،، حتى تضحك عليهم

لانو من كلامك عندك روح مثبطة لا تمتلك ادنى مستويات التفائل والثقة بنصر الله ...

(( و أعدّوا لهم ما استطعتم من قوة و من رباط الخيل ))

روان فلسطين

07-18-2009, 11:31 PM

روان فلسطين

07-18-2009, 11:32 PM

انتهينا

07-18-2009, 11:40 PM

فعلا روان

شكله اصلا لا فلسطينى ولا همه مقاومه وبده يظهر حاله وخلاص

بس اللى محيرنى انه مسمى نفسه شاهد عيان

على شو؟

اسمع اخى بنسكر هالموضوع لانه كله حكى فاضى

لارديت على اسئله ولا اصلا بتقدر تجارينا

انت اصلا عارف ان هيك هيكون رد الاعضاء مع هذا انت حطيت الموضوع

ليه حطيته؟؟؟؟؟

كان بدى اجاوب لكنبدون اطاله انت بتعرف ليه حطيته وبيكفينى انك بتعرف

لو بدك تحط مواضيع مماثله

ياريت تشوف مكان تانى

بيكفى

إيمـان

07-19-2009, 12:40 AM

:icon6::icon6::icon6::icon6::icon6: :icon6::icon6:
خيـــو صغر الخط الله يسعدك فقعت عيونيييييييييي
:b::b::b:شو الحكي الي بتحكييي:wacko:انتى بتحكي من عقللك:wacko:ولا شو ؟؟؟؟

.....بعدين لولا الله ثم المقاومه كان مانتصرت غــــزه,,:matrix:

بعدين نانا وو رورو ويآسين ماقصروووو....:icon26::icon26:

الله يهديك...ويسر امرك:s (43):

...

عبد الصمد الراوي

07-19-2009, 01:21 AM

اني اشوف الموضوع عقيم وهذا الشخص ما يحب يفهم

خيو لو اخذت الكلام الي كتبو الاعضاء بعقلك مش بهواك كننت اقتنعت

خيو لتنسى

قتلانا في الجنة وقتلاهم في النار

الله مولانا ولا مولى لهم

ما دمنا على الحق فلن يخذلنا الله

لا ازيد على الاخوة والاخوات

وفيتم وكفيتم

اخوكم في الله

ابو سليمان

07-19-2009, 02:33 AM

يعنى يا خال خلينا نفهم شغلة انت ضد فكرة المقاومة ولا ضد طريقة المقاومةاذا كنت ضد فكرة المقاومة مش راح اعلق لانو زى منتا فاهم اما اذا كنت ضد طريقة المقاومة ياسيدى اتحفنا برايك واقتراحاتك اما اذا كنت لاهادى ولا هادى بس لمجرد انو تحكى بالموضوع احسنلك واشرفلك انو تروح تبيع فقوس وخيار مع تحياتى

روان فلسطين

07-19-2009, 01:56 PM

شاهد عيان مجهول

07-19-2009, 02:58 PM

ألأ خوة ألأعزاء,

أنا لا أتحدت عن مفهوم المقاومة بشكل عام, أنا أتحدت عن مقاومتنا العربية التي تخدم مصالح جهات أخرى أومصلحة العدو عن قصد أو بدون قصد, والفكرة كانت بلغة بسيطة وسهلة أرجوا من ردود ألأخوة ألمشاركين أن تكون مباشرة دون الدهاب بعيدا عن صلب الموضوع.

أن التجربة الفلسطينية شاهد آخر على الخلل الكبير في تقدير أولوياتنا السياسية والحضارية، وتقدير نسبية الخطر بين الداخل والخارج، وهي تكشف في السياق نفسه عن بذور الصراع الكامنة فينا ومدى استعدادنا لخوض حروب التدمير الذاتية التي تنال منا ما لا يناله العدو.

ألناتج عن هده المقاومة أنوا في ناس أبرياء بتموت من الجانبين , في أطفال عم بيموتوا, هل لك أن تفسر لي كيف للمقاومة ان تنفد عمليات ضد إسرآئيل من مواقع سكنية ؟ هل فكرت هده المقاومة في العواقب هل فكرت في من سيدفع التمن ؟ ارجوك لاتقولي أنوا هؤلاء الناس شهداء وبدون يروحوا الجنة , ساعتها راح أقولك كويس مايروحوا الجنة أحسنلهم من مية فلسطين إنت وجدت الحل الي عجزت البشرية جمعاعن الوصول اليه, ليش هي المقاومة من شان تعيش الناس وإلا من شان تموت.

أخيرا أود أن أقول أنه في العمليات التي تنفدها المقاومة ضد إسرائيل هناك أطفال يهود أو قد لايعرفون معني اليهودية يموتون فأي فخر للمقاومة في دلك, أرجوك لاتقولي أنوا يلي بيقتل أطفالنا بدنا نقتل أطفالهم ساعتها راح تكون متلك متلهم , بإختصار هده المقاومة لم تجلب لنا سوى الخراب والقتل

أبومجاهد

07-19-2009, 09:45 PM

أخيرا أود أن أقول أنه في العمليات التي تنفدها المقاومة ضد إسرائيل هناك أطفال يهود أو قد لايعرفون معني اليهودية يموتون فأي فخر للمقاومة في دلك, أرجوك لاتقولي أنوا يلي بيقتل أطفالنا بدنا نقتل أطفالهم ساعتها راح تكون متلك متلهم , بإختصار هده المقاومة لم تجلب لنا سوى الخراب والقتل

اهاا يعني انتا خايف على اطفال اليهود وابرياء اليهود .. :icon7:

انا بدأت اشك في امرك يا حج ..

المقاومة جلبت لنا الخراب ..

بجد انت مشكوك في امرك مية المية ...

ولازم الادارة تتعامل معك

أنين

07-19-2009, 09:46 PM

أولاً بتمنى من الاعضاء أن يكون في أحترام بوجهات النظر

سواء كنا ضد أو مع ., عشان نقدر نوصل ولو مره وحده لنقطة بأي نقاش بينطرح بالمنتدى

/

أما بالنسبة للموضوع

فا أخي ., أنا معك أنو المقاومة الحاليه تحتاج لـ إعادة أنعاش من حيث الطريقه وليس الفكرة

يعني زي مادخلنا حرب زي ما طلعنا ., إلا كمان الخسارة بأرواح وممتلكات وخسارة معنوية وغيرها وغيراتها ..

الحرب اللبنانيه الأخيرة ., شو طلعنا منها .,

أنو قدرت الصواريخ توصل لما بعد بعد حيفا ., !!

طيب كم اسرائيلي مات ., !!

كم شباك تكسر ., !!

كم حفره ., حفرنا بشوارعهم ., !!

خلينا نكون صريحين .,

المقاومة الحالية ., لم تبث في الشعوب سوى الحماس والجري في الشوارع والهتافات ., !!

المقاومه الحاليه ., بتسلك طريق خاطئ

طريق بعطيهم الذرعية لـ مهاجمتنا ., وتكبيدنا خسائر كبيرة

طريق برجعنا أكتر ما بقدمنا

وحرب غزة الأخيرة .,

المقاومة فيا كانت باسلة وهاد شي ماحدا بقدر يزاود عليه

لكن ., خسرنا ما ربحنا

ماربحنا أرض انسرقت منا ., ولا ربحنا حتى القضايه الي انرفعت ضد اسرائيل

ولا ربحنا اسلحه ., إلا العكس صار التضييق لدخول الاسلحه على غزة أكبر

ولا ربحنا الشارع العالمي ., لأنو كل واحد راح حط راسه ونام بعد الأخبار ., !

ولا ربحنا مطلبنا الأول ., الي هو كسر الحصار ., !

بدكم تحكولي أنو ربحنا وفرجينا العالم كله انو غزة المدينة الصغيرة

قدرت تصبر على عدوان أقوى جيوش العالم .,

هاد كلام معنوي بنحاول نصبر حالنا على واقعنا

خلينا نكون صريحين مع انفسانا ., كل الحروب الأخيرة ما كسبنا فيها

ولا فرجينا العدو الويل ., بس سمعنا وعود صادقه جداً ., !! :icon31:

المقاومه العربيه لازم يرجع ينعمللها اعادة هيلكه .,

المقاومة عمرها ما راح تنجح بالسلاح فقط ., !

لازم يكون في أساس

لازم يكون منطق المقاومة مزروع بكل شباب الوطن العربي

لازم يكون عنا إيمان

//

ألأ خوة ألأعزاء,

أنا لا أتحدت عن مفهوم المقاومة بشكل عام, أنا أتحدت عن مقاومتنا العربية التي تخدم مصالح جهات أخرى أومصلحة العدو عن قصد أو بدون قصد, والفكرة كانت بلغة بسيطة وسهلة أرجوا من ردود ألأخوة ألمشاركين أن تكون مباشرة دون الدهاب بعيدا عن صلب الموضوع.

أن التجربة الفلسطينية شاهد آخر على الخلل الكبير في تقدير أولوياتنا السياسية والحضارية، وتقدير نسبية الخطر بين الداخل والخارج، وهي تكشف في السياق نفسه عن بذور الصراع الكامنة فينا ومدى استعدادنا لخوض حروب التدمير الذاتية التي تنال منا ما لا يناله العدو.

ألناتج عن هده المقاومة أنوا في ناس أبرياء بتموت من الجانبين , في أطفال عم بيموتوا, هل لك أن تفسر لي كيف للمقاومة ان تنفد عمليات ضد إسرآئيل من مواقع سكنية ؟ هل فكرت هده المقاومة في العواقب هل فكرت في من سيدفع التمن ؟ ارجوك لاتقولي أنوا هؤلاء الناس شهداء وبدون يروحوا الجنة , ساعتها راح أقولك كويس مايروحوا الجنة أحسنلهم من مية فلسطين إنت وجدت الحل الي عجزت البشرية جمعاعن الوصول اليه, ليش هي المقاومة من شان تعيش الناس وإلا من شان تموت.

أخيرا أود أن أقول أنه في العمليات التي تنفدها المقاومة ضد إسرائيل هناك أطفال يهود أو قد لايعرفون معني اليهودية يموتون فأي فخر للمقاومة في دلك, أرجوك لاتقولي أنوا يلي بيقتل أطفالنا بدنا نقتل أطفالهم ساعتها راح تكون متلك متلهم , بإختصار هده المقاومة لم تجلب لنا سوى الخراب والقتل

بالكلام هاد مابتفق معك .,

أنت ضد فكرة المقاومة بحد ذاتها ., !

وبتمنى أنك تحكيلنا الحل ., لـ ندافع عن بلادنا ., !! (بالأمكانيات والواقع الحالي )

أبومجاهد

07-19-2009, 09:55 PM

هو بس ضد فكرة المقاومة يا انين ..

كمان زعلان على اطفال اسرائيل ..

حسبي الله عليك ...

أنين

07-19-2009, 10:00 PM

هو بس ضد فكرة المقاومة يا انين ..

كمان زعلان على اطفال اسرائيل ..

حسبي الله عليك ...

بالمنطق هاد ., كل الحكي مابفيد

عشان هيك بتمنى منه يعطينا حل ., !

:icon9:

انتهينا

07-19-2009, 10:23 PM

بالمنطق هاد ., كل الحكي مابفيد

عشان هيك بتمنى منه يعطينا حل ., !

:icon9:

بدك يعطيك الحل

راح يقولك انه مثل هيك مقاومه لابد ان تعدم

ومش بعيد يطلب نروح نتطوع مع اسرائيل ولا اقولك ياشاهد عيان؟؟؟

ايه رأيك نجمعلك تبرعات لنعمل بيها ملاجىء لاطفال اليهود

وبلاهم اطفالنا

اللى لو ماماتوا من الرصاص راح يموتوا من الجوع والحصار والفقر

انا سألتك قبل هيك ومارديت على اسألتى

شكلك مابتفهم العربيه بطريقه صحيحه

بس بدك تتكلم وتحكى حكى فاضى

انت جالس خلف الكمبيوتر تبعك وبتشتم فى المقاومه اللى بتحافظ على الاقل على الارض اللى باقيالنا

شو عملت انت لفلسطين ؟

انت ماتلك اخ اخت اب ام طفل؟

عن اى اطفال بدك نراعيهم

ايه رأيك انت فى اطفال بيقتلوا وهم لسه فى ارحام امهاتهم

كم عددهم؟

بدك نتكلم فى صلب الموضوع

احنا فعلا هيك بس انت زى ماخبرتك مش فاهم العربيه كويس

قلتلك بالامس انى شاكه انه انت فلسطينى
الحين اتأكدت انك مش هيك

وكمان عنداللى قلته انه للسياسه رجال انت ما واحد منهم

خلاصته

مابدك نكلمك عن انجازات المقاومه ولاعن الشهداء والجنه

فعلا واحد زيك عمره ماراح يفهم يعنى ايه شهيد ولا يعنى ايه جنه

اللى زيك بدهم كلام

انت شاهد عيان على اناس مافى عندهم ضمير

وانت راح تظل هيك مجهول انت واللى مثلك للابد

صعبان عليك حالهم وحالنا

اللى بيموت عشان الارض واللى متغرب وبده يرجع وما طالع بأيده شىء

مش راح اقول الله يسامحك

لانه ما بعتقد انه الله راح يسامحك على هيك كلام ابدا

بدل ما تظل شاهد عيان مجهول روح عندهم عند امثالك واترشح فى الموساد راح يفرحوا فيك كتير

خصوصا موضوع الاطفال !!!!!

أبومجاهد

07-19-2009, 10:38 PM

بالمنطق هاد ., كل الحكي مابفيد

عشان هيك بتمنى منه يعطينا حل ., !

:icon9:

والله ما بدنا هالحل منه ...

بس ينقطنا بسكاته ...

لانه شخصيته مثبطة وانهزامية لابعد الحدود ...

والله ذكرنا بمنافقين أحد ..

عندما عاد الرسول عليه السلام من الغزوة قالو له لو انك رديت علينا وقعدت ولم تحارب قريش

لما حدث كل هذه الجراح وكل هذا القتل ...

إن المنافقين يتولون حال المحن عن المؤمنين وينحازون إلى الكافرين ويشتغلون عن نصر الأمة وتأييدها باللوم والنقد والتخذيل والإرجاف في أوساط المسلمين ولما انخذل المنافقون في أحد وكانوا ثلث الجيش ثم كتب الله تعالى الهزيمة على المؤمنين فرح المنافقون وتشفوا من المؤمنين وقالوا(لو كانوا عندنا ما ماتوا وما قتلوا) فعابهم الله تعالى بذلك، وفضحهم في قرآن يتلى إلى يوم القيامة (وما أصابكم يوم التقى الجمعان فبإذن الله وليعلم المؤمنين، وليعلم الذين نافقوا وقيل لهم تعالوا قاتلوا في سبيل الله أو ادفعوا قالوا لو نعلم قتالا لاتبعناكم هم للكفر يومئذ أقرب منهم للإيمان يقولون بأفواههم ما ليس في قلوبهم والله أعلم بما يكتمون، الذين قالوا لإخوانهم وقعدوا لو أطاعونا ما قتلوا قل فادرؤوا عن أنفسكم الموت إن كنتم صادقين).

وانت تقول انه من ورى المقاومة حدث كل هذا القتل والبلاء ...

فعلا منافقين احد يعيشون عصرنا هذا ...

شاهد عيان مجهول

07-20-2009, 01:43 PM

الملاحظ في جميع الثوارت والانتفاضات، أننا نحن الفلسطينيون والعرب من يفتعل الصدام أو الحرب، وأننا نحن الطرف الخاسر في النهاية، فعندما وضعت الحرب العالمية الثانية أوزارها وتمخضت عن قيام دولة إسرائيل، حينها رفض العرب قرار التقسيم وأصروا على فلسطين الكاملة غير المنقوصة، بل وأعلنوا الحرب على الدولة " اللقيطة "، فتمخضت تلك الحرب عن ارتكاب المجازر والتشريد وطرد الفلسطينيين بالقوة من أراضيهم فيما عرف بالنكبة الكبرى، ثم أعلنا الحرب في 1967 وكان النتيجة خسارة سيناء وغزة والضفة والجولان في طرفة عين. يقول الشاعر مطر ساخراً من سرعة خسارتنا للمعارك ( تم ترم تم ترم الله أكبر فوق كيد المعتدي .. تنتهي الحرب لدينا إذ تبتدي ) ويقول نزار ( كلامنا أطول من سيوفنا ) !

لماذا تفشل ثورات الشعب الفلسطيني والعربي ويتمنى في نهاية كل مرحلة لو أنه يتمكن من العودة إلى ما قبلها دون جدوى ؟ بالنظر إلى مجموع ثورات وانتفاضات الشعب الفلسطيني وهي: ثورة 1929، انتفاضة 1936، حرب 1948، حرب 1967، أحداث أيلول 1970، لبنان 1976، حرب لبنان 1982، انتفاضة الحجر 1987، انتفاضة الأقصى 2000، سنجد أن ثمة مجازر قد ارتكبت وأن رقعة الأرض التي نتحرك عليها في تناقص مستمر. يمكن لقائل أن يدعي أن ذلك يعطي الشعب الفلسطيني صفات البطولة والثبات برغم انكسار موازين القوى في غير صالحه، وهذا صحيح إلى حد كبير، ولكن ما يهمنا، هو فشل هذه الثورات وعدم قدرتها على تحقيق أي من أهدافها، إلى أن وصلنا إلى مفترق طرق غاية في الخطورة، فإما أن تستمر المقاومة تحت الحصار دون أهداف واضحة، وإما أن نقع تحت سيف الابتزاز الإسرائيلي فنقبل بدولة هي في الواقع خلف الجدار وضمن حدود العزل العنصري المقيت، الأمر الذي يستوجب البحث في خيارات هذه المرحلة، وهذا هو المحور الرئيس لهذه المقالة.

روان فلسطين

07-20-2009, 02:15 PM

شاهد عيان انت مستفز بشكل مو طبيعي

ليش المقاومه ما كانت فاشله يوم ما حررت الجزائر من الاستعمار الفرنسي

والاردن من الاستعمار البريطاني

وسوريا من الفرنسي

ليش ما كانت فاشله بقناه السويس بال73

ليش ما كانت فاشله لما حررت الزنوج من العذاب يلي عاشوه والتفرقه العنصريه والاستعباد

ليه ما كانت فاشله يوم ما حررت الصين وخلتها من اعظم الدول

الناس يلي ارتمو بالنووي بهيروشيما وناغازاكي بتعتقد انهم كانو يفكرو بالخسائر

ولا بالجيل يلي هلا عم بيعيشو ملوك العالم بالحضار والتطور

وبجد انت تعتقد انو نحنا يلي بنبدا الحرب دايما

بغزه مين يلي نام محاصر صحا لقا الصواريخ ع بيتو بتهل هل

مو نحنا يلي بنفـتعل همه يلي جهزو وبلشو يحشدو النا القوات البريه ع الحدود
صح ولا لا

وحتى شريعه الغاب وشريعه الحوانات

(( ونحنا اكرم طبعا )) بتسمح للمعتدى عليه الدفاع عن نفسه باي ثمن مهما كان

صح ولا لا

يعني اجي ع بيتك واخلي ابوي يغصبك اعيش ببيتك ولما ترفض وتدافع عن بيتك نضربك وناخد اول غرفه بالغصب
وكل ما تحاول تدافع ناخد كمان غرفه لحد ما ناخد كل الدار ويبقالك غرفه ولا مكان صغير

وكل مره اجيب حد من عيلتي ومن صحابي من مختلف اسقاع الارض

بترضى انك تطلع منو او تسكن معنا باحترام وتبطل تدافع عن بيتك وتحلم ترجع افراد اسرتك يلي تشردو بالشوارع هاي هيي

انت اعطينا اساس عم تحكي عنو

شو بتقترح شخصيا للمقاومه انها تغير ومن اي منطلق بتحكي

وبرايك ليش احنا الغلطانين المعتديين ؟؟؟؟

ربنا يهديك ويفتح ع قلبك

روان فلسطين

07-20-2009, 02:23 PM

الذين يشاهدون محتوى الموضوع الآن : 2 ( الأعضاء 2 والزوار 0) ‏روان فلسطين (http://shabab.ps/vb/member.php?u=16371), ‏شاهد عيان مجهول (http://shabab.ps/vb/member.php?u=23257)

الله لا كان جاب الغلا

جايي تكمل ابداعاتك

خليني اطلع قبل لا اعدي

بس احكيلي انت شو جنسيتك ؟؟

انتهينا

07-20-2009, 03:02 PM

ليش انت قالب على المقاومه

يعنى بس فاكر الخساير والغريب انك ما بتتذكر اسباب الخساير

الخساير تمت ليش ؟

لانه فيه كتير مثلك

بس بتتذكر الخساير والاطفال اليهود اللى عم بيموتوا

يكون الله فى عونك

صعبان عليه انت

طبعا وليش لا

انا مابمزح عن جد انت صعبان عليه كتير

ما فاهم شىء بتردد كلام بتسمعه ما فاهمان شىء

بدك تحكى تحكى وخلاص

بدك تعمل شىء مفيد

روح شيل سلاح على يد وروحك على اليد الاخرى

بس لو قدرت تعملها

حينها فقط تعال احكى مثل مابدك

لكن على فكره

ماراح تقدر تعملها يعنى مش معئول هتشيل سلاح وتدافع عن اعدائك

من الاخر لايمكن انت تكون عربى اصلا يبقى كيف بتصير فلسطينى

لك فكرك ولنا فكرنا

روح لحالك

وما تفتكر انك راح تغير فكرنا
ابدا

نبض التراب

07-20-2009, 04:09 PM

كلامك لا يخلوا من بعض المنطق ..
ولكن اريد ان أجيبك ... ما هو الخيار البديل ؟!!

إذا كانت المقاومة لم تحقق لنا شيىء -حسب ادعائك- فماذا حققت لنا الخيارات الأخرى ؟
صفر على الشمال ..
عليك ان تعرف يا اخى ان المقاومة ليست مطالبة بالمعجزات وبتدمير الكيان ..
ما هو مطلوب من المقاومة هو استمرار حالة الإشتباك مع العدوا ورفض كافى الطروحات الهزيلة والمخزية سؤاء فى ما يسمى "بالحل المرحلى " الذى تتبناه فتح .. أو فى "هدنة طويلة المدة " وهذا هو الطرح الحمساوى ..

ابو سليمان

07-20-2009, 06:45 PM

روان فلسطين

07-20-2009, 06:49 PM

لو سمحتو الموضوع بعيد عن فتح وحماس

نحنا بندافع عن المقاومه بكل العالم وخصوصا العالم العربي

وفلسطين كمثال

مش كل شي تقلبو فتح وحماس

بيكفينا

شبعنا من هالشغلات

Yαś

07-20-2009, 08:04 PM

لا فـائدة .. !

كـلام يعـاد ..

عـدم الإلتـزام بأدب الحـوار ..

أخـواني / أخـواتي

يعنـي أنـا مـو عـارف .. إذا أنتـو مـو مقتنعيـن بكـلام صـاحب المـوضوع

ليـش الغلط .. !

يعنـي فينـا نـبين رأينـا مـن غيـر مـا نغلط .. هـو مـا غلط عـلينـا و لا أجـا فـي حدا مـن الأعـضاء ..

بتصـرفنـا هـذا أحنـا بنظهـر أنـو حجتنـا ضعيفة .. !

الرسـول - صلى الله عليه و سلم - ( و هـو قدوتنـا ) لمـا واحد غلط عليه .. مـا سـوى اللي أنـتو عملتوه

أحنـا مـسلمين .. فـلازم أنكـون عـلى أخـلاق عـالية ..

أحنـا بنمثل الإسـلام و شريعتنـا .. و هـاي أمـانة !

أرجو مـن كـل شـخص .. يـراجع نـفسو ..

الله يهـدي الجميـع لمـا يحبه و يـرضـاه .. آميـن

:: المـوضوع مـغلق ::