التعارف بين البنت والشب

[عطر الندىIR]

الصراحة انا حابة اعرف راي الجميع في التعارف بين البنت والشب ع النت والشات او باي طريقة كانت ؟؟؟؟؟؟ لاني الصراحة حابة انا نتناقش بموضوع يكون منو الفائدة للجميع

[ميسرة]

لايكون هناك تعارف بين البنت والشاب من خلال النت او الشات
وان المجتمع والعادات لاتسمح فى هدا
تسسسسسسسسسسلمى على الموضوع الحلو
يعطيكى العافية
جزاكى الله كل خير

[ŠaĐĐamêaħ]

مـآآآآ بعرف :s ..

بس برأيي انو مسألة التعآرف برمتهآآ مش زآبطة .. ومـآ الهآآ لزمـة .!!

لو كـآنتـ صـدآقة بريـئة ممكـن ^_^ ..

شكـراً الك ع الطـرح http://smiles.wedi2.com/17/up/b2c0592ca02307a12e942353ed6c014e.gi f ..

بآرككِ المـولىـآ :) ..

[أبتسامه حزن]

أنا رأي نفس أختي ميسرة
أنو العادات و التقاليد ما بتسمح بهشي
و حتي كمان الدين الإسلامي ما بسمح
يسلمو على الموضوع

[أبومجاهد]

أكيد هذا أمر مرفوض كليا ً عنا ..

وغير عاداتنا وتقاليدنا ..

في الأساس دينا ما بيسمح بهذه الأمور ..

وبارك الله فيكـ على الموضوع الهام ....

[روان من زمان]

صحيح كلاممكم كلكم انو ما بيجوز تعارف ع النت
بس انا شايفه انو اشي بيجوز وما بيجوز بيجوز لانو انتي نفسك بتقدري تتحكمي بالعلاقه هاي لوين توصل وكيف تكون حدودها شي تاني والله في ناس وشباب كمان بنتعرف عليهم لنستفيد منهم واحيانا بنتعلم منهم اشياء كتيرة الاهل نفسم ما وصلوها النا تقبلو رائيي

[آيات الشرفاء]

انا من رأيي ما يكون في علاقات افضل لانو الدين ما بسمح بهيك شي

والافضل ابعد عن الشر وغنيله

يعطيك الف عافيه

[الجوريه]

ممكن تكون صداقه بس بحدود الله
يعني للفائده بس

هاد رأيي

شكرا عالطرح

إحترامي

[Shehadeh]

روان من زمان... برأيي رأيك صائب.... الفتاة هي التي تستطيع التحكم في مدى العلاقة....

[theboss]

أنا أقلك طريقتي مجربة أكثر من25 مرة 12 وحده ما زبطة

توقف جنبها وتقول أوللا

[روان فلسطين]

طبعا طبعا طبعا
لا
مستحيييييييييييييييييييييييل بكل الاشكال والطرق والاعمار والاماكن والاساليب

اكيد نو واي

حلو البنت تكون فايعه وحبابه م الكل
وتكون كول وتستهبل

اما انها توصل تعارف لا طبعا

يعني الله بيكرمنا بثقه اهلنا يلي بيحطو النت بين ايدينا
والعيون مشان نشوف
وحركه الاعضاء وما نكون مشلولين مشان نكتب

نروووح نستخدمها بمعصيه ربنا

نو واي
وبعدين اي شخص بيتعرف ع بنت او بنت بتتعرف ع شب ع النت ولا غيرو ما بترضى انو اي حد يعرف او يشوف
وكأنو الله ما بيشوف او بيحلل النت والشات بحجه انو لا بشوفو ولا بشوفني ولا بنسمع اصوات بعض ولا اي شي ابدا
واي وقت بدنا نترك بنترك

وهاد كلام ابدا مو صح
يعني الفكره مرفوضه شرعا وعرفا واجتماعيا واخلاقيا

يعطيكي الف عافيه

موضوع حلووو كتير

[عطر الندىIR]

شكرا ع مروركم وردودكم

[بنت الشام ..]

الشباب بنسة 99.99 % مالون امان ..


ابعدي عنون


ارق تحية

[أبومجاهد]

أي انتو بدكو اتلفو على الدين من اي طريقة ...

قال ايش انو بتعلمو من الشباب شغلات اهليهم ما بعلموهن اياهم ... هههههههههــ

بدك شغلة هي صديقاتك ما شاء الله كتار ..

حبكت تتعلمي وتشاوري الشب .. ؟؟

وشو كمان ..

قال نتحكم في مدى الصداقة والتعارف ... ؟؟؟!!!

ما اتقولي الكلام هذا انتي ابتضحي على حالك ..

والكل بعرف قصة عابد بني اسرائيل وشو يلي صار معاه ...

انتو ما ابتضحكو على الدين انتو اببتضحكو على حالكو ...

سامحونا اذا عصبنا اشوية ..

بس والله كل يوم بنشوف قصص شكل ..

وبنحل مشاكل لشباب ولناس ..

بقعوا في نفس الغلطة ..

وفي الآخر بقلك صداقة ...

ولمن يقع الفاس في الراس زي ما بقولو بيجوا ايعيطو لصحابهم واهليهم علشان يحلولهم مشاكلهم ..

طب من الاول اتعلم من القصص القبل... لا من صفات العربي لازم يجرب بنفسو ... ^^

ويقع في المشكلة ...

سلامات :)

[Shehadeh]

الحمد لله لم يحصل معي مشاكل أبدا ولم أبكي لأهلي وأصدقائي.... التعميم لا ينفع دائما يا أخي.....ثم إن السذج والتافهين فقط هم من يخفون عن أهلهم.....

[Maram .. ~]

مممـ

المفرووض إنو هاد الإشي مرفوض بالدين و كمان بالعادآت ..

بس الله بعين :)

يسلمو حبيبتي ع الطرح .. :)