:: عروض أزياء للمحجبـآت معقــول؟ || خلينا نتنآقش يا بنـآت ::

[إسراء الفلسطينية]

السلام عليكم ورحمة الله وبركـاته ~

آخر مدة صرت أشوف مواضيع غريبة عجيبة !

الحجـاب صاير موضة وصار شي تاني .. غير انو يكون فريضة دينية

معقوووول وصلنــا لهل حد ؟

حبيت أتناقش معكن بالنسبة لهل موضوع

ابتدائيا حفرجيكم صور من (( عرض أزياء للمحجبات ))

عشان تعرفوا تحكموا ع المزبوط ..

http://rooosana.ps/Down.php?d=UQUH

،،

http://rooosana.ps/Down.php?d=BBOm

،،

http://rooosana.ps/Down.php?d=4eBz

//

يا ريتهم حلـــوين :wacko:

~||~

برأيكـــمـ

شو يلي خلانا نوصل لهل حال .. انو الحجاب يصير موضة .. ويصير ينعملو عروض أزياء ؟

وشو مدى تأثيرو ع الناس ؟


يا ريت تشاركوني رأيكــم بالموضوع ..

وخلينا نتناقش إحنـا البنات بس :showoff:


:s (43):

[أمل]

محجوز:showoff:

و الله موضوع في غاية الاهمية و الخطورة أيضا

لي رجعة أكيد ان شالله

هلأ شلت دماغي من الكتب يعني مخي ملطوش ع الاخر:icon5:

بس حجزت مكاني :showoff:

تسلميلي يا أحلى سوسو :icon26:

الله يبارك فيكي و يجزيكي الخير ع حرصك :icon31:

[CoOl GiRl..~]

سوسو حبيبتي ..

موضوعك مهم كتير بس ياريت بالأول إنتي تقوليلي رأيك عشان أجاوب ...


مع تحياتي ..

[إسراء الفلسطينية]

أموولة

انا بإنتظار رجعتك أكيد

كل الأراء مهمة بهل موضوع :showoff:

الحوار مفتوح لكل الصبايا << صرنا ببرنامج حوار مفتوح ونحنا ما معنا خبر :icon11:

//

coo0ool girl

اوكي حبيبتي ..

حرد ولا يهمك :)

بس ارجعي وجاوبي .. ماشي ؟

:s (43):

[εïз ملآكـ εïз]

الحجــآبـ صــآير موضهـ و البنــآتـ عم يتفننوا بلبسو لسبب و هوآ مشــآن يجــآري التغيرآتــ و يحسوهـ شي حلو مو بس فريضة

اما ازا بتتكلمي عن العروض الي بمنصــآتـ الازيــآء العالمية السبب بظن برجع لكون العــآلم بدا يتعرف اكتر على الدين الاسلامي و احنــآ امة كبيرة

ليستفيدوا حبوا يجذبوا هالجمــآعة من النــآس بتصماميهم

طبعا يلي عم يصمموا و يعملوا و يتفلسفوا اغلبهم هاد ازا ما كانوا كلهم اجانب و من الغرب و لا بيعرفوا شي عن كيفية الحجاب ..

كلو مسخرة و الجيل هــآد خلى حجابنا مسخرة صاير يلببس لبس اديق ما يكون و ما بغطي شي و بحط الشيلة و بغطي كل الشعر

طيب شو استفدنا يا عالم ؟!

هاد بدو نقــآش و حكي مطولـ

الي رجعة ع الموضوع

ثــآنكس حبيبتي ع الطرح

[إسراء الفلسطينية]

واااء

كتبت رد طوييل عريييض

و طااار :(((

//

راجعــة !

[limar]

هاي صرعة مو موضة

غريبين

والله في اشيا انيقة بتستر جسم البنت وبنفس الوئت بتعطيها اناقة

ليش الصرعات هاي

وعرض ازياء كمان

يلا خليهم يسرحو ويمرحو بهالدنيا

[أمل]

حجاب الموضة فعلا أصبح كارثة..

أصبح منتشرا في الشارع ..في الجامعة ..في النادي ..وفي كل مكان

تجدين الفتاة أو حتى المرأة المتزوجة

..لابسة جيب ضيق ..وبلوزة ضيقة ..وطرحة إسبانش..بنطلون استرتشت..وبودي ضيق..

يعني أصبح إرتداء الحجاب رمزا لا فرضا ..

و لعل من بين أهم الاسباب التي تدفع بهن الى هدا الزي هو مجموعة تساؤلات أو تخوفات تراود هذه الفتاة

مثلا :بتقول أنا عايزة أكون بنت مودرن ..إستايل..أريد أن أتزوج..يعني لازم أكون أنيقة و جميلة..

جوابا على ذلك:

يقول سيد قطب: الزينة حلال للمرأة تلبية لفطرتها فكل أنثى مولعة بأن تكون جميلة وأن تبدو جميلة..والزينة تختلف من عصر إلى عصر ..ولكن أساسها في الفطرة واحد وهو الرغبة في تحصيل الجمال أو إستكمالة وتجليته للرجل.

والإسلام لا يقاوم هذه الرغبة الفطرية ولكنه ينظمها ويجعلها تتبلور في الإتجاه بها إلى الرجل الواحد وهو شريك الحياه .."

[أمل]

و لعل السبب الرئيس في هذه الكارثة هو الوازع الديني

فالكل أصبح يصم آذانه عما جاء به الحبيب..إلا من رحم ربي

يقول العزيز القدير:"يا أيها النبي قل لأزواجك و بناتك و نساء المؤمنين يدنين عليهن من جلابيبهن ذلك أدنى أن يعرفن فيؤذين"


إن الاسلام بفرضه علينا الحجاب..حجابا شرعيا لا حجاب كاسي عاري أراد صوننا من الاعين النهمة و النفوس الدنيئة التي ترى فينا جمالا نظرت إليه نظرة عبث و افتراس لا نظرة إجلال و إكبار...

أرادنا الاسلام ان نكون جميللات بستر جمالنا و مفاتننا إلا عن راغب شريف..

لا جميلات جمالا معروضا في كل طريق و شارع و في كل ناد و سوق..

يقول الاديب الفرنسي victor hugo:

"إن أجمل فتاة هي التي لا تدري بجمالها"..وهو يعرض فيما معناه أن أقبح فتاة هي الفتاة المغرروة بجمالها المخدوعة بمفاتنها...

هذا كلام غربي لا يمث للاسلام بصلة...فلماذا نصم آذاننا عن ما ينادي به ديننا..

[Pink Rose]

عنجد موضة غريبة عجيبة . . !

يا ريتها حلوة بس . . كتير بنات هلأ بكونوا مو محجبين

بيلبسو الحجاب ع اساس انه موضة بس وفي منهم فنانات عملوا هيك كمان . . !

بيلبسوه فترة وبعد هيك بيرجعوا من غير حجاب . .

اكيد هالشي غلط ومو صح ومو منطقي اساسا . .

ومتل ما قالت ليمار في كتير لبس شرعي . . مرتب وانيق وبيرضي الله . .

بس مين يسمع . . ؟ ! الله يهدي ويصلح امتنا . .

يسلمو حبيبتي اسراء عالموضوع . . يعطيكي العافية :)

[الاماني الفلسطنية]

الله يئرفهم بهل موضه بس ,,


صار اللباس الاسلام يخترق عالم الموضة


واغلبيتهم صاروا يحرموا ويحللوا على كيفهم !! ال شو هداك اليوم كنا انا وامي بنحضر tv ,,


شفنا واحد من مشايخ الازهر مطلع فتوى ال انو ..


حلال المرأة تبين شعرها وانها بس تغطي رأبتها ,, هاد اللي الله بس حرموا !!


تبعا للآية الكريمة " وليضربن بخمارهن على جيوبهن " انو حدد بس منطئة الصدر من فوء والرئبة ,,

عن جد ما شالله على هيك اجتهاد ..


وهلأ كمان طلعت ستايلات جديده متل الايمو والشماغ اللي لونو احمر وملون وانتشرت بين البنات ..


طبعا الشماغ يعتبر تشبه واضح ومباشر بالرجال !!


بجد ما في احلى من البساطة والنعومة باللبس ,,


الله يهديهم بس ,,


تسلميلي اسئوستي الجميلة مموا

[طوق اليمامة]

والله موضوع كتير مهم

هلأ يمكن طلع الحجاب موضة بس اهم شي اختي انو تكون النية لله اولا واخرا

وهاي الازياء الي بطلعوها وكلهم بشعين مو منظر على الاغلب بحس انو تريقة على الشرعي و اهانة النا

او كانهم بركهونا في البس الشرع

فلازم احنا نوخد حذرنا جدا من الاشياء الي بطلعوها

شكرااااااااااا موضوع كتير مهم وحلووووووو




يسلمووو سوسو

[طوق اليمامة]

الله يئرفهم بهل موضه بس ,,


صار اللباس الاسلام يخترق عالم الموضة


واغلبيتهم صاروا يحرموا ويحللوا على كيفهم !! ال شو هداك اليوم كنا انا وامي بنحضر tv ,,


شفنا واحد من مشايخ الازهر مطلع فتوى ال انو ..


حلال المرأة تبين شعرها وانها بس تغطي رأبتها ,, هاد اللي الله بس حرموا !!


تبعا للآية الكريمة " وليضربن بخمارهن على جيوبهن " انو حدد بس منطئة الصدر من فوء والرئبة ,,

عن جد ما شالله على هيك اجتهاد ..


وهلأ كمان طلعت ستايلات جديده متل الايمو والشماغ اللي لونو احمر وملون وانتشرت بين البنات ..


طبعا الشماغ يعتبر تشبه واضح ومباشر بالرجال !!


بجد ما في احلى من البساطة والنعومة باللبس ,,


الله يهديهم بس ,,


تسلميلي اسئوستي الجميلة مموا



هلأ اختي امون لا توخدي في الفتاوي المصرية ابدا لانو زي ما قلتي بحللو وبحرمو على كيفهم .....


انا قبل فترة اسمعت انو برضو شيخ من الازهر اصدر فتوى حلال انو الرجل والمرأة يسلمو على بعض باليد


ويقبلها على خدها


شوفي لوين وصلو

الله يهديهم

بس انتي روئي واهدي وعملي الي امرنا في الله :icon26::s (43)::icon26: