محتجتلكووو ..فوتو بسرعه

[**(girl of palestine )**]

بدي رايكو بهالموضوع ضروووووري كتيييييير


وبكل صراحه...لاني محتاجه لرايكم وصراحتكم كتتييير



اذا كان عندكو صاحبه او صاحب

مش بس صحاب اخوه واكتر من اخوه


لدرجة انو كل اسرارك معو

وانو كل دقيقه معاك

وفيوم خانك وذلك بين البشر
وحكى عن شرفك وخلى كل عيلتك اتجيب سيرتك بالعاطل

واجى بعد مده وتأسفلك

هل بتسامحو

وان ما سمحتو بقلبك بس ظاهريا سامحتو

وطلب منك بعد مده انك اتشاركو فرحو

وتكون شبينو بعرسو


بتقبل


ارجوكم ...ردو بسرعه ...لانو كتيير اشي بيعنيني

[لالا-فلسطين 48]

بصراحة في كتيييير اشياء متعلقة باهالموضوع، متلا حجم الالم الي سببوا ونوعيتو وازا عمل جرح جواني وهالجرح اثارو ظلت وما راحت مع الزمن، يمكن بوقتها رح اتردد كتييييير واشوف انو ما بستاهل اكون اشبينتو....... وخصوصا ازا نقاني لانو فش حدا غيري يعني مضطر يختارني اكون ومش بارادتو الشخصية اختارني......

بس ازا كان في امكانية يختار غيري ومع كل هاد اختارني معناتو لساتني عم بعنيلو اشي.......

وكمان ازا موافقتي اني اكون اشبينة رح تفرحو رح اوافق لاني رح اظهر بمظهر القوية الي مع كل الي انعمل فيها بس داست عليه عشان تفرح غيرها.....

يمكن الاخيرة (اني اوافق ازا الاشي ببسطو) رح تكون اقوى اشي بالنسبة لالي، لاني رح احس بحالي اني زدت ثقتي بحالي اضعاف واني حبيت حالي اكتر وقديش انا نبيلة بمشاعري......

بتمنى اكون ساعدتك يا جيرل اوف فلسطين...

وتحياتي لالك..
لالا-فلسطين 48.

[إيمـان]

:icon9::icon9::icon9::icon9:


اذا كان عندكو صاحبه او صاحب

مش بس صحاب اخوه واكتر من اخوه


لدرجة انو كل اسرارك معو

وانو كل دقيقه معاك

وفيوم خانك وذلك بين البشر
وحكى عن شرفك وخلى كل عيلتك اتجيب سيرتك بالعاطل

واجى بعد مده وتأسفلك

هل بتسامحو ؟؟؟ انا بصراحه بسامحووو يعني اذاا سلمحتو شو حيصير بدنياا واذ ماسمحتوو غير اخذ ذنب من الله كبييير وهو غلط بحقيي الله يسامحوو ويغفروووو :b::b:

وان ما سمحتو بقلبك بس ظاهريا سامحتو ؟؟؟ بصراحه هاد رياء
وطلب منك بعد مده انك اتشاركو فرحو ؟؟ غير اشاركووو وننبسط معووو بس ماعتبوو الي فات الي فات مات

والله يسامح الجميع:s (43)::s (43)::s (43):

[Twin]

بترجع لنفس الشخص ..


انا عني .. نفسي بتشيل منها هل صديقه .. اظن بعد ما افشت سري


فهيي مش مني ولا بتلزمني ,, هذا لا يمنع اني اكون بجانبها واغفر لها واسامحها .. وبشاركها افراحها ..


كل التحيه // ..

[DaNdOoN]

بصراحه؟؟

انا رح اعمل حالي مسامحه ظاهريا ..بس انا ولايمكن اسامح حدا جرحني وحكي عليا وعلى شرفي وحكي عاطل وخلى العيلة والغريب يحكي عليا... وبعد كل هادا بدو سماح؟؟؟ خير ان شاء الله

وازا بدو ياني اشاركو فرحو ممكن اعتزر وما اشاركو لانشغالي عن شي او اي عزر واهم

هادا رايي الشخصي وبتمنى تلاقي الحل المناسب والاحسن من هيك

[الحلوة]

بسامح اكيد لانو اذا الله بيسامح العباد وبيغفرلهم احنا البشر شو..
اكيد سامحي وانسي الماضي الدنيا ما بتستاهل.. وصدقيني الله ما بينسى عبادو ابدا
عشان هيك سامحي ومش راح تندمي.. وشاركيها افراحها.. صدقيني الدنيا ما بتستاهل..
وبتلاقيه عند الله... الله يوفقك ويختارلك الاحسن...

[**(girl of palestine )**]

يسلمو اخوتي على مروركو الحلو

عنجد فشتولي خلقي
ونيالي عليكو :s (46):

[عزيز النفس]

قال رسول الله عليه وسلم { من أُعتذر إليه فلم يقبل لم يرد علي الحوض } ....

[ابتسامة الحياة]

ربنا بسامح يا بنت الحلال
واحنا شو قدام ربنا ولا اشي
يعني صدقيني ازا سامحتي رح ترتاحي ورح تحسي بشعور كتير حلو
ورح تزيد ثقتك بنفسك وربنا برضى عنك
والله يوفقك يا رب ولا يجيب زعل بين الناس

[قسامي غزة]

راح احكيلي رايي يا اختي بصراحة
يعني الشخص لما ينصدم من صاحبوا الي يعز عليه يعني اقرب واحد ببكون اله بتكون الصدمة اقوي من شخص عادي مش هالصحبة قوية كتير
ولكن انا برايي لو هالشي صار معي طبعا هاتقبل الموضوع عادي
كتير في ناس انغشينا منهم وحكوا عنا
ولكن الواحد دائما يخلي قلبوا وعقلوا كبير
يعني مش مشان هالغلطة الي كانت مقصودة او علي غير قصد
اني انسي كل الايام الحلوة الي قضيتها مع هالصاحب
وانسي كل شي حلو مشان هالغلطة
يمكن هوا اله اسبابه الخاصه الي خلته يحكي هيك
وطبعا ما في سبب يخلي الصاحب يغدر بصاحبه
بس في النهاية احنا بشر وكل ولحد فينا بغلط
ويمكن هوا رجع عن غلطوا وندم عليه
فيعني انتي ما تقسي قلبك كتير عليه وسامحي والمسامح كريم
وطبعا روحي علي افراحه وجامليه بكل شي
بس انتي تاكدي انوا صادق في ندمه علي الي صار
والمسامح كريم
ما اكتر برمي خلاص بكفي اتحملينا
سلام

[خيـرَ أُمـة]

قال رسول الله عليه وسلم { من أُعتذر إليه فلم يقبل لم يرد علي الحوض } ....

حديث ضعيف لا يؤخذ به ...


أختي الكريمة صاحبة الموضوع..

العفو من شيم الكرام ... وربنا قال ((ولمن صبر وغفر إن ذلك لمن عزم الأمور)).. صدق الله العظيم ..

عزم الامور يعني الأمور الي بتحتاج عزيمة .. وان شاء الله انك من أهل العزيمة ...

لكن نتعلم من الي صار انا نكون حذرين من هذا الشخص وانا ما نسلمة رقبتنا :b:

[دموع الغربة واشواق العودة]

اول شي يا حياتي ..ما بتساويها صحبتي ابدا ..بس لو ساوتها ..والله مش عارفة ..اصلا ما بتكون صحبيتي ..كيييف نسيت كل الي بينا ..على طوووول هيك بتروح وبتفضح ..لا اكيد اكيييد في سبب ولازم نعرفوه بروح وبسألها ..وعلى حسب السبب بحكي ..بس سدقيني مش رح احكي معها ابداااااااااااااااا .. الجرح يلي ساوتوه كبييييير ..بس مش رح تفرق معي اسامحها ما اسامحها ..كلو واحد ..بس لو لساتني بحبها ..ومش نسيانة الي بيني وبينها ..وهي ما فضحتني الا لسبب وجييييه جدا ..رح احكي معها واروح فرحها ..بس بعد ما اخد وعد شرف منها انو ما تعيدها ...منوووورة والله يحل مشكلتك

[**(girl of palestine )**]

الله ايخليكو يارب
انا بسامح بس الي حولي اذا شفوني سامحت رح ايزيد الحكي
على كل حال الوقت والايام بتنسي كل اشي

شكرا للجميـــــــــــــــــــــــــــع وانشاء الله مردوده بالافراح

[اجمل احساس]

شوفي حبيبتي انا عن نفسي لو صارت معي رح أسامحها لانها بتعز عليا اكيد بس ما رح أأمنلها مرة تانية إلا لو هيا رجعتلي الثقة فيها لأنو شغلة الشرف قصة مش سهلة وانو الكل يحكي عليا كمان شغلة مش سهلة لكن رح أسامحها بس اكيد رح تضل في رواسب بداخلي من ناحيتها لانو انكسر جواتي شغلة منها واحنا مش ملايكة والكل بيغلط لكن غلط عن غلط بيفرق لكن بالنهاية ربنا بيسامح ويغفرلنا واحنا لازم نسامح ونقابل الإساءة بالإحسان ،،،

بتمنى اكون فدتك ولو شوي حبيبتي وفكرتي وصلت إلك وسامحيني لأني طولت عليكي وربنا يهدي بالك يارب دعواتي إلك :icon31:

[**(girl of palestine )**]

الله ايخليلي اياكي يا رب اختي اجمل احساس
صراحه هي الناس ما حكت علي زي ما حكت عليها لانو البنت المربيه شو ما نقال عنها محداش بصدقو بس الحمدلله الحقيقه ظهرة والحلو انو محداش من العيله عاد حكى معاها
الله يهدينا انشالله