صبايا بدي معلوماات بسيطه إزا بتريدو

[Emo Girl]

مرحبا صبايا كيفكم والله شتأتلكم كلكم لانو مافتت من زمان المهم بدي أسألكم
عن حبه للروجيم
انا عمري 15 سنه إزا مابتعرفو ورح فووت ع16 بشهر 5
وبدي أعرف إزا حبوب الروجيم هادي منيحه إسمها حبوب الشيتوكال
شريت منها بس لهلئ ما جربها متردده
انا مو تخينه كتير عاديه بس بدي جسم حلو يعني وزني تقريبا 58 وطولي 160
بليييز صبايا قولوليي أخدم ولا كيف وإزا في أضراار لهادي الحبه ولا لاء

تحياتي
Emo Girl

[limar]

لا حبيبتي ما بنصحك

لو كانت الحبوب منيحة

عمرك ما بيسمحلك تستخدمي اي مواد سواء عشبية او كيميائية

انتي بمرحلة نمو هلاء

والهرمونات عندك مو مستقرة

فيكي تعملي رجيم او تلعبي رياضة وبكفيكي بهالعمر

لساتك بسن المراهقة

ما راح تكون هرموناتك ثابتة ومستقرة

هالحكي ما حكيتو من عندي

انا دارسة بيولوجي يعني علوم حياتية

وهاي نصيحتي الك

موفئة حبيبتي

[آية بنت فلسطين]

لأ بالعشرة
لا تشربي منهم
بعدك صغيرة
اسمعي يا بنتي
انتي بتقولي انك مو تخينة
طيب ازا هيك بزبط شوية رياضة
على اكل خفيف
بتوصلي للي بدك ياه
واكتر كمان


اسمعي شوفي جوا الحبوب هاي
طبعا اغلبها
بكون في الطور الاول للدودة الشريطية
لما ينشرب هالدوا
ويوصل للامعاء
بتضل الدودة بالامعاء هيي بتاكل كل الاكل ييلي بوصللها
طبعا وجعها فظيييييييييع
وعلاجها افظع
هادا ازا الله بحب المصاب وخلاها وحدة
وما كانت مستعمرة
طول الدودة الوحدة اكتر من 12 متر


سوري ازا خوفتك
بس هاي الحقيقة
وانا عم بحكي من شي صار قدامي


اوعك تتهوري وتشربيهم
كبيهم هلأ
او احرئيهم بكون اشرفلهم

[Emo Girl]

لا حبيبتي ما بنصحك

لو كانت الحبوب منيحة

عمرك ما بيسمحلك تستخدمي اي مواد سواء عشبية او كيميائية

انتي بمرحلة نمو هلاء

والهرمونات عندك مو مستقرة

فيكي تعملي رجيم او تلعبي رياضة وبكفيكي بهالعمر

لساتك بسن المراهقة

ما راح تكون هرموناتك ثابتة ومستقرة

هالحكي ما حكيتو من عندي

انا دارسة بيولوجي يعني علوم حياتية

وهاي نصيحتي الك

موفئة حبيبتي






يسلمووو خيتو خلص مارح اخدها بس انا بتعب كتير من الرياضه هي هادي المشكله

[Emo Girl]

لأ بالعشرة
لا تشربي منهم
بعدك صغيرة
اسمعي يا بنتي
انتي بتقولي انك مو تخينة
طيب ازا هيك بزبط شوية رياضة
على اكل خفيف
بتوصلي للي بدك ياه
واكتر كمان


اسمعي شوفي جوا الحبوب هاي
طبعا اغلبها
بكون في الطور الاول للدودة الشريطية
لما ينشرب هالدوا
ويوصل للامعاء
بتضل الدودة بالامعاء هيي بتاكل كل الاكل ييلي بوصللها
طبعا وجعها فظيييييييييع
وعلاجها افظع
هادا ازا الله بحب المصاب وخلاها وحدة
وما كانت مستعمرة
طول الدودة الوحدة اكتر من 12 متر


سوري ازا خوفتك
بس هاي الحقيقة
وانا عم بحكي من شي صار قدامي


اوعك تتهوري وتشربيهم
كبيهم هلأ
او احرئيهم بكون اشرفلهم


يسلموو خيتو والله انا سمعت هالحكي من رفيقتي بس فكرتها عم تمزح معي بخصوص الدوده والله بشكركم كتييير لانكم فدتونييي

[Pink Rose]

ما عندي فكرة عنهم والله

وما عمري سمعت فيهم

بس متل ما قالو البنات انتي بمرحله نمو ,,

ما لازم تاخدي شي ينحفك

رياضة بتكفي ^^

اهلا وسهلا فيكي بينا حبيبتي :)

[جورية القسام]

حبيبتي
اول شي اهلا وسهلا فيكي من جديد
تاني شي
انتي حكيتي انك مو كتيير سميينة
فلييش بتستخدميها
اما من ناحية هيه مضرة ولا لأ
هيه اه مضرة
لاني مرة شفت برنامج
بيحكي عن وحدة كانت تستخدم حبوب الرجيم
والمشكلة كانت نحيييييييفة

وفي ليلة من الليالي
نامت وصحية لاقت انو في شغلة طالعة من انفها
ولما راحت للدكتور
اكتشفت انها دودة شريطية
طلعت في بطنها من حبوب الرجيم
وتخيلي الرحلة من المعدة للانف

هاد نصيحتي بتمنا تاخديها

وسلااااااموووو

[DaNdOoN]

ايمو انا بعرف هي الشتوكال

واختي جربتها

يعني هي بتخليكي تخسري يلي بتاكليه ويلي بتشربيه

يعني هي تقريبا بتنضف المعده اول بأول

انا من رأيي بما انك بنت صغيرة عمرك 16 الا شوي

يعني لسا صغيره وبتقدري تنزلي وزنك بكللللل سهووووولة من غير لا حبوب ولا صيدلة بحالها

انا نصيحتي الك كأخت وصحتك اهم شييييي انو ماتاخديه

حبيبتي العبي شوية رياضة وامتنعي عن الشغلات اللي بتسمن لفتره معينه وكتري من شرب المي بمعدل من 6 الى 8 كاسات باليوم وبتنحفي وبتلاقي الفرق خلال شهر ان شاء الله

يعني انتي حطي ببالك انك صغيره وعندك مقدره تنحفي لانو بهالعمر الجسم بيقدر يخسر وزن ويكسبو بكل سهوله

بس انتي خففي اكل والعبي شوية رياضة وصدقيني رح تنحفي الوزن يلي بدك ياه
ولا تاخدي حبووووووب ابدا


وبعتزر عالاطالة

وبتمنى اكون قدرت فيدك

[شمعة الاحزان]

ما عمري سمعت فيهم

[محمد طالب]

لأ حبيبتي ما بنصحك

[CoOl GiRl..~]

مممممم.......
إذا زي ما عم بتؤولي إني إنتي مش ناصحة كتير
وإنو جسمك عادي.....
أنصحك بلالك هالسفلة
خليكي على الرياضة والمشي كل يوم وإذا ما مشي الحال ....
ساعتها بتفكري تاخديهم ...... وطبعا هدا الكلام إنآل أبلي ^^
مع تحياتي...

[أنثـــى]

كل هالحبوب كزب بكزب ..

أنا جربتها شيتوكال وزينيكال بس ما منهم فائدة

أنصحك نصيحة لإني متلك على طول عايشة على الريجيم

بما إنك لسا 15 سنة وسمنتك متوسطة

معناها انت محتاجة لنظام متوسط

أول شي ابتعدي عن المأكولات الخفيفة شيبس شوكولا واسمحي لنفسك مرة بالأسبوع إزا ما بتقدري تمتنعي عنهم نهائيا

كمان المأكولات السريعة .. برجر شاورما كودو بروستد .... الخ نفس الوضع اعلاه

المشروبات الغازية منعا باتا لأن أضرارها تتعدى أضرار السمنة أيضا

ابدأي بنظام التخفيف يعني حاولي تقللي كمية الأكل العادي يعني طبخ الماما البيتي

ازا بتاكلي 10 ملاعق أرز خليهم 7 وهكذا لبقية الأكل

خففي بنسبة 30% وكلي بنسبة 70%

أيضا دخلي بالأكل كميات كبيرة من الخضار والفاكهة واللحوم ومشتقات الألبان وقللي من النشويات

لأن جسمك الان بيحتاج إلى كل عناصر الغذاء لأنك بمرحلة نمو

كمان أوقات الأكل .. حاولي ما تاكلي من بعد الساعة 9 مساءا

وانت اكيد طالبة مدرسة .. هالشيء رح يساعد أكثر

فطورك أهم شيء ..

وتخيلي لو أكلت بيضة مسلوقة كأول شي في الصباح حتستطيعي تزودي نسبة الحرق للسعرات بمقدار 45%

كمان الرياضة ازا بتتعبي منها .. عندك الرقص

ارقصي لمدة نصف ساعة إلى ساعة يوميا .. ( لا ترقصي على أغاني ارقصي على طبلة أو على أناشيد الأفراح الاسلامية ما بدنا ناخد ذنب من وراك )

آخر شيء احلمي بجسم معين حابة يكون جسمك متله
وعيشي هالحلم كإنه واقع
بتقدري بإذن الله تتوصلي اله .. لأن قانون الجذب بيساعد حتى في تخفيف الوزن :)


أتمنى أكون ساعدتك ..

[جاآرة الوادي’’]

انشالله استفدتي من النصائح؟؟
عنجد ما بتقصرن

[Emo Girl]

يسلمووو صبايا كبيتهم ^.^ رح بلش رياضه بس لازمني أضعف شوي ^.^