| نَآإقش الْعُضو إِلي بَعدك بــِ سُؤآإل | ~

[الطالب المجتهد]

بحب انشودة

الامارات حلوة كثير

وغيرها حلوات كمان

السؤال هسه هو

مين اكثر واحد بتحبه

[بنيمارو]

أنا *.^
نفسو . .

[الحلوة]

اممممم ماما
شو اليوم غداكو؟؟

[[ Islam ]]

بازيلااااا :s

شو أمنيتك على مستوى السنتين الجايين :d ؟!

[أمير رفح]

لسا ما شفت الغدا


شو الهدية اللي بتحبها ؟

[أمير رفح]

أخلص من الجامعة


نفس سؤالي اللي فوق

[الحلوة]

بحب كتير اتهدي ورد او مثلا عطر
نفسو للي بعدي؟؟

[أســـآمـة]

فزبة و لاب توب

[أســـآمـة]

للي بعدي؟؟


مين أكتر عضو بتحبو في المنتدي؟

[أمير رفح]

انت يا حزين :)

مين العضو الذي لا تطيقه ؟

[[ Islam ]]

مين أكتر عضو بتحبو في المنتدي؟

مممم

بنت فلسطين المجروحة :$

كيف بتنظر/ي للحياة ؟

[الطالب المجتهد]

اخص عليكي يا بير

بنت فلسطين المجرزحة ما بتحبيها الله يسامحك

بعدين انتوا ليش بتسألوا هيك اسألة هيك بتنشروا الكراهية بين الأعضاء

الحياة حلوة بس نفهمها

-هل تحب الله؟

[حمساوي الحرية]

الحمد لله

هل تحب فلسطين؟

[أســـآمـة]

الحمد لله

هل تحب فلسطين؟

شئ مؤكد

[أســـآمـة]

شــو الشي إلــي بخليــك فرح ــآن .. ؟ !

[بقـ..ــايـ..ـا إنسـ..ـانـ]

سؤالك غريب لما اشوف الكل فرحان ^^

الي بعدي ،،

شو تغديت اليوم ؟

[الطالب المجتهد]

والله اتغذيت كوسا و ملوخية وصينية جاج ببصل

الي بعدي

شو هي العادة الي فيك وانت بتكرها؟؟

[[ Islam ]]

اخص عليكي يا بير



عفواَ !

جوابي على سؤال .. مين اكتر عضو بتحبه في المنتدى ... بس انا وأمير رفح جاوبنا مع بعض :)

فهمت !

[*ريحانة القلب*]

انفعالية

وببين ع وجهي بسرعة :b:






عندك امتحان بكرا :) ؟




|

[بقـ..ــايـ..ـا إنسـ..ـانـ]

انا لا ،،

شو رأيك بالعضو الي قبلي ؟؟

[Hinata]

منيــح .. ~



:: كيــف بتشــوف العالم مــن حولكـ .. ؟!

[Twin]

ممم مع انها زميله مهنيه معي بالقسم .. بس ما كتير عرفنا بعض ..


بحسها عائله وفهمانه ..


ما هو شعورك وردك على شخص انتقد فيك شغلات وواجهك بحقيقه فيك مزعجاك ؟؟

[جاآرة الوادي’’]

قال عمر بن الخطاب رضي الله عنه :"احب الناس الي من رفع الي عيوبي" وانا كذلك

[جاآرة الوادي’’]

سؤالي: هل تحب الحياه؟؟

[Arabian girl]

عادي
بحب احقق فيها اشيا وبحب اعمل نشاطات كتير
بس ما بعرف :/

اللي بعدي شو كلمة نفسك تفصح عنها لشخص ؟

[Hinata]

بحب أحكي لبــلوو .. أنــآ بحبكـ .. ~


::


نفســـو

[جاآرة الوادي’’]

بحب احكي

مشتاقتلكم موووووووووووووووووووووت // لاختي بالاردن واخي بالامارات وامي في جنان الخلد//

اللي بعدي نفسو

[آية بنت فلسطين]

بدي احكي لحالي
اسفة
وبدي اقول لبعض جماعة مس يووووووووووووووووووووو

االي بعدي
اممم
شو ناقصك؟؟

[[ Islam ]]

اشياء كتيرة !

هل احدى امانيك تحققت ؟!

[آية بنت فلسطين]

يس
طبعا
وعم بحقق بالباقي الحمدلله

نفسو،،

[Hinata]

أى كتيـر ..


إلـي بعدي ..



أي فصــل من فصول السنة بتحب .. ؟ وليش .. ؟!

[[ Islam ]]

مممممم ..

مش عارفة والله ههههه

كل فصل وإله مساوئه ومحاسنه ههههه

...

نفسه ^^

[جاآرة الوادي’’]

بحب الربيع والصيف والخريف والشتاء //هدول احلى فصول//

والباقي ما بحبهم هههههههههه

اللي بعدي ... بتحب حالك؟؟..

[حمساوي الحرية]

مين فينا ما بحب حاله ...

سؤالي : لو كنت حاكم لدولة اسلامية شو بتعمل اول شيء ؟

[أســـآمـة]

مين فينا ما بحب حاله ...

سؤالي : لو كنت حاكم لدولة اسلامية شو بتعمل اول شيء ؟

أطبق حكم الله...

[أســـآمـة]

للي بعدي...

ثلاث وردات لمين تهديهم من الأعضاء...

و ثلاث كفوف لمين تلطخهم من الأعضاء...

[حمساوي الحرية]

بنت فلسطين المجروحة - شمعة الاحزان ، القمر الحزين ( ورد)

كل عضو مش مؤدب واساء الى المنتدى ( كفوف ).


كم عمرك ؟

[limar]

عمري 23

شو مزاجك هلاء!!

[Hinata]

شو مزاجك هلاء!!



http://shabab.ps/vb/vmoods/images/139.gif




::



كيــف بتقــدر تقــآوم اليــأســ .. ؟!

[الطالب المجتهد]

بأني اطلع اسوق سيارتنا او اغسلها شعوري برتاح يا سبحان الله

الي بعدي كيف حالك؟؟

[شَتآتْ ~]

اممم .. مَن الله بِخير ..
سؤآل لَلي بَعدي ..
شو رأيك/ي في الآنآشيد مَع لَحن ..
وموسيقى .؟

[آية بنت فلسطين]

امم
الصراحة ما بحب الاناشيد
الا ما ندر


امنية لليوم؟؟

[الطالب المجتهد]

امنيتي قاعد بفكر متى بدنا نسافر على الأردن

[الطالب المجتهد]

سؤال للبعدي

فك هاظا المسج

كلمةاللهاكبردائمامرفوعةبأذناللهتعال ى

[حمساوي الحرية]

كلمةاللهاكبردائمامرفوعةبأذناللهتعال ى

كلمة الله اكبر دائما مرفوعة بإذن الله تعالى

حلل الجملة هاي :

انتواحدمحترملانكبتحتب منتدياتشبابفلسطين .والشاطر اللي بيعرف ؟

[صدى الحب]

انت واحد محترم لانك بتحب منتديات شباب فلسطين




بتحب اغاني الراب الفلسطيني ؟؟؟؟

[حمساوي الحرية]

راب فلسطيني شو قصدكم ؟

ممكن حدا يحكيلي يعني دبكة ومجوز والا راب راب ....

[جاآرة الوادي’’]

لا اكيد قصدها راب راب
راب فلسطيني
كيف في راب اجنبي وسعودي وهيك يعني هي قصدها راب فلسطيني
صح صدووش؟؟؟

[الطالب المجتهد]

لا خطأ ههههههههههه

انا مش فاهم السؤال

[[ Islam ]]

كل الراب ما بحبه سواء كان اجنبي فلسطيني مجدلاوي غزاوي ما بحبه ^^

...

لو اعطيتك ورقة وقلم .. شو اول شي رح يخطر ببالك ورح تكتبه ؟!

[الطالب المجتهد]

رح اكتب ان شاء الله راجعين لفلسطين

طيب

لو واحد شمطك كف شو بتساوي فيه عنجد هاي بصراحة؟؟

[حمساوي الحرية]

انا ما بسمحلوا يضربني كف والله بكسروا تكسير قبل ما يمد ايدوا .

اذا واحد حكالك انك ربحت 100000000 شيكل بتصدقه ؟

[أســـآمـة]

انا ما بسمحلوا يضربني كف والله بكسروا تكسير قبل ما يمد ايدوا .

اذا واحد حكالك انك ربحت 100000000 شيكل بتصدقه ؟

حسب الشخص...

اذا كان محترم و صادق و بعرف الله أكيد بصدقه...

أما غير هيك ما بصدق...

[أســـآمـة]

كم عمرك؟

[الحلوة]

سرررررررر

شو بتعمل عشان تنسى جرحك؟؟؟

[الطالب المجتهد]

كم عمرك يا الحلوة؟؟

هاي السؤال ما الي دخل انتي مش احسن من كل الأعضاء ولا على راسك جاجة كبيرة هههههههههههههههه

بمزح معك لا تصدقي جعلك لا تحكي كم عمرك هههههه كمان بمزح

بدرس للأمتحانات ان كان في ولا ان كان ما في وبعد ما اخلص دراسة بطلع برة بطش

الي بعدي

شو احلى شي عندك في الدنيا؟؟

[جاآرة الوادي’’]

احلى شي؟؟؟؟؟؟؟؟
امممممم والله ماني عارفه بس اكيد عندي شغلاات كتير حلوة
بس اكيد شوفه اهلي واقلابائي واخواني وكل الناس بخير وسلامة هاد اهم شي

[جاآرة الوادي’’]

شو اسمك الحقيقي // اللي بعدي//

[صدى الحب]

انتي بتعرفي اسمي منيح


للبعدي

نفس السؤال .......

[جاآرة الوادي’’]

هههههههههههه ا
ونت بتعرفي اسمي منيح

للي بعدي نفس السؤاااال

[الطالب المجتهد]

اسمي الرباعي

محمد احمد عبدالرحيم ابوالرب

ما فيها اشي ليش انتوا ما بتحبوا تكتبوا اساميكوا هسه المدرسات الي بالمدرسة تاعيتكوا م عارفين اساميكوا

الي

بعدي

بتحب الشيطان؟؟

[أســـآمـة]

اسمي الرباعي

محمد احمد عبدالرحيم ابوالرب

ما فيها اشي ليش انتوا ما بتحبوا تكتبوا اساميكوا هسه المدرسات الي بالمدرسة تاعيتكوا م عارفين اساميكوا

الي

بعدي

بتحب الشيطان؟؟

هههههههههههههههه

طبعا لأ

أخي اسأل أسئله زي الناس

[أســـآمـة]

شو تغديت اليوم؟

[صدى الحب]

اتغديت كبسة يم يم


شو اكتر طبخة بتحبها ؟؟؟

[الطالب المجتهد]

اكثر طبخة بحبها هي المنسف باللحمة

شو نوع السيارة الي بتحبها؟؟

[صدى الحب]

مارسيدس


ما هو اللون المفضل لديك ؟؟؟؟

[الطالب المجتهد]

البنفسجي

هل تحب المدرسة؟؟

[آية بنت فلسطين]

يس طبعا
بحبها
كتييييييييييييييييير
لانو القعدة فيها احسن من البيت بكتير

توأم روحك مين؟؟؟

[صدى الحب]

تؤام روحي ( اختي )



ما هي اجمل مراحل عمرك ؟

[آية بنت فلسطين]

السنة هاي
الاول ثانوي يعني

نفسو؟؟

[ابن الخليل]

أجمل مراحل عمري هية الطفولة و بداية المراهقة


شو بتعنيلك الأم؟

[صدى الحب]

الام بالنسبة الي كنز كبير

مستحيل افرط في ...



من هو اقرب الناس اليك ؟؟؟

[بقـ..ــايـ..ـا إنسـ..ـانـ]

ماي فرند ^^

نفسوو ؟؟

[سُكون !]

آقرب النآس لَـ إلي ..
شخص بيعتبرني آقرب النآس لَـ إله ..
^,^

[سُكون !]

شو رآيك بالغموض .. ؟
وهل تكره آو لآ تحب النآس الغآمضَة .. ؟

[شَتآتْ ~]

امممم ..
إَنو هَسآ حَلو آلأنسآن/ه ..
يكون غآمض .. يعني بجد وآااآو
بس أَذآ زآد عَن حَده ..
لآ .. أَبداً أَنآ بكون ضد ..
في هي حآلآت ..
لآنو بصير معقد شوي ..
...
..
.
نَفس السؤآل ..
عَشآ يصير في نقآش وتفآعل .

[وردة الخريف]

امممممممممممممم


سؤال حلو الانسان الغامض بكون شخصيتو مميزة والواحد بيحب يعرفها بس لازم يكون حدود لهاد الغموض يعني ما يكون بشكل مبالغ فيه السؤال نفسو؟؟؟!!

[أســـآمـة]

شو رآيك بالغموض .. ؟
وهل تكره آو لآ تحب النآس الغآمضَة .. ؟

الغموض شي كويس بس إلو حدود

و الانسان الغامض ما اكرهو

[أســـآمـة]

مره كلب وقع ببركه كيف طلع

[الطالب المجتهد]

سبح وبعدين طلع

ما هي عاصمة السويد؟

[أســـآمـة]

سبح وبعدين طلع

ما هي عاصمة السويد؟

غلط اخي

لازم تجاوب

[الطالب المجتهد]

غلط اخي

لازم تجاوب

طيب اخوي والله ما عندي الا هل الجواب يعني اتسلق

طيب اسألني سؤال غيره

[أســـآمـة]

طيب اخوي والله ما عندي الا هل الجواب يعني اتسلق

طيب اسألني سؤال غيره

أقلك كيف طلع

طلع مبلوول

ههههه

[الطالب المجتهد]

ههههههههههههه

طيب

اين تقع مدينة اسبارطة؟؟

[waяm heaяt]

في اليابـــان



بما انو الطالب المجتهد سأل بتحب الشيطان ؟

انا رح اسأل بتحب الملائكة ؟ ههههههه

والله انك رهيب يامحمد ^^ موتني من الضحكـ


مممممم ...
شوووو اسأل ؟

بتشوف/ي مسلسل وتمضي الأيامـ ؟

[أســـآمـة]

في اليابـــان



بما انو الطالب المجتهد سأل بتحب الشيطان ؟

انا رح اسأل بتحب الملائكة ؟ ههههههه

والله انك رهيب يامحمد ^^ موتني من الضحكـ


مممممم ...
شوووو اسأل ؟

بتشوف/ي مسلسل وتمضي الأيامـ ؟

أعوذ بالله

كيف حالك؟

[رَم ــآد !]

حآلي / الحمد لله بخـير ..




بحب أَشكركم جَميعاً إِخوآإني ..
بصرآحة كُنت مبسوطة لمآ شفت في تفآعل كتير ..

بس كُنت بتمنى إِنو يضل الموضوع بس لـَ النقآش ..
مو أَسئلة مَآ إِلهآ معني .. أَو بالأَحرى أَسئلة بآإهتة ..


بتمنى كتير إِنو تتلزموا فقط بـِ النقآش ..

[رَم ــآد !]

سُؤآلـي :.

شَيء إِنتَِ مُدمن/ـة عليه ..

[أســـآمـة]

سُؤآلـي :.

شَيء إِنتَِ مُدمن/ـة عليه ..


الانترنت و قراءة القرآن

[أســـآمـة]

ما هو أحسن ما فعلت في هذه الدنيا

[بقـ..ــايـ..ـا إنسـ..ـانـ]

الى الان ولا شي ،،

بتحب القهوة شي ؟

[Hinata]

ما هو أحسن ما فعلت في هذه الدنيا .. ؟


ما بزكر اني عملت شي منيح للدنيا .. لإنو هيا ما عملتلي اشي منيح ..


إلي بعدي نفســو

[صدى الحب]

بتحب القهوة شي ؟؟؟

اه بحبها ..


سؤالي :

شو اتغديت اليوم ؟؟

[waяm heaяt]

تغديت همبرجر من مطعم اسمو ابل بيز ^_^

الي بعدي نفسوو

[بقـ..ــايـ..ـا إنسـ..ـانـ]

ما اتغذيت !

الي بعدي ،،

نفسو ؟

[أســـآمـة]

كفته و مقلوبه

كيف هي علاقتك بالله؟

[آية بنت فلسطين]

يارب يكون راضي عني


نفسو ،،

[جاآرة الوادي’’]

يا رب يكون راضي عني انا كمان

اللي بعدي

ليش سهران لهسا؟؟؟

[haya-jor]

سرر خخخخخخخ

الي بعدي نفسو

[الطالب المجتهد]

انا لهسه سهران بس نعسان وبدي انام لأني امبارح بالليل لعبين ما أذن الفجر وانا سهران وظليتني سهران بس ما فتت

على المنتدى لأنو كنت بدرس من الساعة 12 بالليل الى الساعة 6 الصبح وانا بدرس يعني انا ادرست 6 ساعات

كاملات بس ما كان عندي امتحان بس كنت بدرس

وبعدين ضليتني على التلفزيون لهسه وبعد هيك فوتت على المنتدى

الي بعدي

ما هو الشيء الذي تحبه؟؟

[زيفا]

ما بعرف شو قصدك الشي بس من المشاعر الوفاء ومن الاكلات الملوخية ومن الالوان الازرق ومن الأسماء محمد وفادي
اللي بعدي قديش عمرك وشو اسمك

[الطالب المجتهد]

عمري 12 سنة واسمي محمد

الي بعدي

قديش عمرك وشو اسمك؟؟

نفس السؤال

[زيفا]

اسمي ختام وعمري 18
اللي بعدي شو لون عينيك وشعرك

[Hinata]

اللي بعدي شو لون عينيك وشعرك ؟



مش ضــروري .. !



::




::


::




::



إلــي بعــدي .. شــو شعوركــ لو حفــظت كتــآب اللــهـ .. ؟!

[الطالب المجتهد]

بكون فرحان كثير

الي بعدي

اللي بعدي شو لون عينيك وشعرك ؟

[سُكون !]

آمممم ..
مش ضروري ..
بعدين يآ ريت لو تسئلوا آسئلة يكون فيهآ نقآش وحوآر ..




عدَم المؤآخذة .. ! ^,^

[سُكون !]

شخص بتشوفه كل يوم بوجهك مزعج كثير .. !!!!!!!!!!!
يعني شوي بِنَقِد على يومك على فوق مآ آنتَ عليك مليون هم وغم ..
شو بتعمل .. ؟

[بقـ..ــايـ..ـا إنسـ..ـانـ]

بادبحه ^^

الي بعدي حاسس المنتدى نايم اليوم صح ولا انا غلطان ؟

[Twin]

حاسة حالي غريبه بالمنتدى كلووو ... مو نايم



ما ردة فعلك اذا رأيت امامك شخصا يحاول الانتحار ؟؟؟

[بقـ..ــايـ..ـا إنسـ..ـانـ]

وينتحر ^^

الي بعدي ،،

نفسوو ؟

[أنين]

يعني شي طبيعي انو اوقفه

/

شو رأيك بوضع غزة بعد الحرب .. تغير شي .. عن قبل الحرب .؟

[الحلوة]

باعتقادي ما اتغير شي بعد الحرب.. ماوصلو لشي.. لسه اعدين بيحكو بيحبو الحكي كتير..

للي بعدي

شو رائيك بالشباب والصبايا هالايام؟؟

[بقـ..ــايـ..ـا إنسـ..ـانـ]

عاديين ^^

نفسو ؟

[أبو يقين]

بصراحة

صياعهـ حبتين

الى بعدي

كمان نفسو

[أســـآمـة]

صنف منيح و صنف رابش

ما رأيك في حادثة إطلاق النار على الشيخ البيتاوي قبل قليل

[بقـ..ــايـ..ـا إنسـ..ـانـ]

امممم

ما شوفت شي!

نفسوو ؟

[*ريحانة القلب*]

"حسبنا الله ونعم الوكيل "

بحاولو يحبطو أي محاولة للحوار !!

طبعا أدين محاولة الاغتيال .. !







الي بعدي نفسهـ

[جاآرة الوادي’’]

امممم

ما شوفت شي!

نفسوو ؟


وانا كماااان :b:

[جاآرة الوادي’’]

شو رأيك بالعضوة

// دموع الحنــــين//

[أســـآمـة]

شو رأيك بالعضوة

// دموع الحنــــين//

ما شاء الله عليها

عضوة ممتازة و مميزة

من برأيك انتصر بحرب غزة الأخيرة؟

[جاآرة الوادي’’]

اكيييد النصر بيكون النا حتى لو ما انتصرنا

عمرك زرت غزة؟؟

[الحلوة]

يا الله ما احلى السؤال... زورتها قبل 10 سنين بس بتزكرها كتير منيح.. بتجنن وقتها
انشاء الله بترجعلنا غزة متل قبل واحسن...

للي بعدي نفسو؟؟

[بنت الشام ..]

لاااااااااا عمــري ما زرتها ....


بس حلم حياتي زورها ..



الله يطعمنا ..



الي بعدي .. نفس السؤال .. عجبني .. ^_^

[أســـآمـة]

كل يوم بزورها لاني عايش فيها

نفسو للبعدي

[شمعة الاحزان]

انا كل يوم بشوف غزة انا وغزة ما بنفارق بعض
نفسو للبعدي

[سُكون !]

لِـ الآسَف لآ .. !
لكِن تبقى آُمنِيَة في البَآل ..

[سُكون !]

شو رآيَك بِ الصَرَآحة .. ؟

[بنيمارو]

بتريح *.^
نفسو . .

[بقـ..ــايـ..ـا إنسـ..ـانـ]

ما في احلى منها ^^

نفثو ؟؟

[فراشة]

الصراحة حلوة بس ما بفضلها تكون زايدة عن اللزوم ...


في صراحة بتجرح وفي صراحة بمجاملة ,, ممكن توصل المعلومة بس بأسلوب حلو ...


ممم

شي بتتجنب تفكر فيه !!!

[رَم ــآد !]

ممم مو دآيماً رَآإحة .,
بس بتضل أَحسن من الْكذب ..
يعني بحدود مُعينة !

[رَم ــآد !]

( :



سبقتيني فرآإشـة ..


ممم .. بجآوب عَ سؤآلكْ .,




شي بتتجنب تفكر فيه !!!






بعض الْذِكْرَيآإت الْمُؤلمة .,
وَ الْمَآإضــي الأَليمْ .,


ممم نفسو ( :

[جاآرة الوادي’’]

وانا كمان الذكريات المؤلمة والماضي الاليم
وشئ حصل معي قبل فترة ما بحب اتذكروا

[جاآرة الوادي’’]

بتحب تزور القمر؟؟

[tamer~]

إزا بنروح مع اللي بنحبهم ليش لء :)

نفس السؤال

[دموع الحنين]

مين ما بيتمنى ايزور القمر ويشوف عالم اخر غير عالمنا الممل


اللي بعدي

ما رأيك بسياسة طنش تعش تنتعش وخصوصا بهالحياة ؟

[جاآرة الوادي’’]

احلى سياسة
هاي سياستي
ازا بدي اضل الاحق كلام الناس ما بخلص

[جاآرة الوادي’’]

انت برشا والا ريال ولا ولا شي

[صقر الاردن]

منشستر يونايتد

:matrix:

نفس السؤال للي بعدي

[أســـآمـة]

بارشا.. و ما في بعد البارسا...

السنة حيحقق 6 أو 7 بطولات

الي بعدي نفسو

[جاآرة الوادي’’]

ريااال ولا احلى من الريااال
وما في غير هيك


اللي بعدي نفسو

[جاآرة الوادي’’]

طيب انا الوحدات يا صقر خخخخخخخخخ
انا ريال والريال ولا يعلمو عليها

[جاآرة الوادي’’]

يالله نفس السؤال للي بعدي

[الطالب المجتهد]

انا برشلونا

الي بعدي نفس السؤال

[لالا-فلسطين 48]

كل اشي ازا بتزكرو بسببلي جرح، بس هاد لا يبرر عدم التفكير او بالاحرى التفكر فيو...

لانو الانسان لازم يفكر بكل اشي عملو، حتى ولو ما فكر بالاشي قبل ما يعملو....


الي بعدي...........

شو الاشي، ممكن حدث، الي بتحب ونفسك انك تمحاه من ذاكرتك؟؟؟؟؟؟؟؟؟؟؟؟؟؟


ومع احلى الاوقات (مع انها الدنيا حم وشوب كتيير اليوم وتعب والحالة حالة........)لالا-فلسطين 48.

[جاآرة الوادي’’]

ما في شي محدد


انا نفس السؤال السابق // انت ريال والا برشال؟؟؟

[صدى الحب]

عفا عليكي يا انجل

هاد سؤال بينسأل ؟؟؟

اكييييييييييييييييييد ريال


ال برشلونة ال


سؤالي :

نفسوووووووووووو

[سُكون !]

آصلَن مآ بعرِف شي في الكرة القدم .. !
هع ..
طيب ..
شو لونك المفضل مع تفسير ..

[عزيز النفس]

الرصاصي مع الاحمر

شوفوا مااحلاهم بالتوقيع هاللونين

مش عارف ليه بس برتاح معاهم ,,



نفس السؤال للبعدي


وبعدين مالها برشلونه :@

[أنين]

الرصاصي مع الاحمر

شوفوا مااحلاهم بالتوقيع هاللونين

مش عارف ليه بس برتاح معاهم ,,



نفس السؤال للبعدي


وبعدين مالها برشلونه :@



رمادي واسود .,

حلوين كتير وبيلبقوا على بعض

نفسو :icon31:

[رَم ــآد !]

رَم ــآإدي .. >> بحسو بفهمني ~
يعني جَآإي عَ مَزآإجــي *
وَ بعنيلي كَمآإن شي .!





طيب ..
صِفة تَكرههآإ كَثيراًإ فِي نَفسكْ ..
وَ تَحآإول كَثيراًإ أَن تُغيرهآإ ..!

[tamer~]

الثقة الزيادة بنفسي :)
بتدايق منها مرات كتير

نفس السؤال

[جاآرة الوادي’’]

هلاااا باحلى رياليه بالكووون
صدووووووووووووش

ولووو اكيد سؤال ما بينسال انت رياليه ابا عن جد
هههههههههه

[جاآرة الوادي’’]

شو عزيز النفس
شو فشتلونة ما فشتلونة
هههههههههه

لا اكيد كلهم خير وبركه
سلاااام

[جاآرة الوادي’’]

ما في شي محدد بكرهو بحااالي

[جاآرة الوادي’’]

سؤالي للبعدي

انت برشا والا ريااال

بدي اجننكم بهاد السؤال حخخخخخخخخخخخ

[رَم ــآد !]

مممم .. لآ هآد وَ لآ هآد ( :



هَل أَنْت مُدمـن تَفكــير ..؟

[جاآرة الوادي’’]

بفكر كتيييييييير بس ما اظن وصلت لدرجه الادمان

[جاآرة الوادي’’]

سؤالي للي بعدي

مين اكتر عضو قريب منك؟؟؟

[رَم ــآد !]

شَتآإت & سكون .!


نفسو ( :

[جاآرة الوادي’’]

كل الاعضااء

[بقـ..ــايـ..ـا إنسـ..ـانـ]

خيالي !!

عمرك سألت ليش عايش انت او انتي ؟؟

[جاآرة الوادي’’]

شو نفسك تصرخ وتحكي للعالم؟؟

[جاآرة الوادي’’]

بصراحه ما عمري سألت بس احيانا يوم ابكي بشدة واكره شي محدد بتمنى الموت وبحكي انو حياتي ما الها فايدة//طبعااا هاد بلحظة غضب//

[جاآرة الوادي’’]

بما انك سبقتني

بعيد سؤالي

شو نفسك تصرخ وتحكي للعالم؟؟

[أســـآمـة]

بما انك سبقتني

بعيد سؤالي

شو نفسك تصرخ وتحكي للعالم؟؟

ما بدي أصرخ و أحكيلهم اشي

سيبهم في حالهم أحسن

[أســـآمـة]

الي بعدي

شو رأيك بماراة الاهلي و الزمالك اليوم؟

مين الفايز؟

[الحلوة]

اممم ما حضرتها والله

للي بعدي

شو يعني الحريه ؟؟

[جاآرة الوادي’’]

يعني انك تكسر كل القيود اللي بتلقي نظراتها الحاقده عليك
وتعيش حياتك بعيد عن هاي القيود
وانك تتمتع بالهوا الطلق بعيدا عن الهواء الملوث بانفاس بشعه

[جاآرة الوادي’’]

بتحب اللاعب
راؤول قونزاليس؟؟؟
اذا بتعرفو

[**(girl of palestine )**]

الصراحه ما احبو

الي بعدي
شو رايكو بالراحل صدام حسين؟؟؟

[صدى الحب]

الله يرحموا يا رب

والله كان حاكم بمعنى الكلمة ومن النادر ما تلاقي واحد متلو بهاي الايام ..
سبحان الله دايما الناس المنيحة والطيبة بنفقدها بسرعة


سؤالي :
ما هو اكثر شيء تخاف منه في الحياة ؟؟؟

[آية بنت فلسطين]

ولا شي

نفسو ،،

[أســـآمـة]

ولا شي

نفسو ،،

برضو ولا شي

شو بتحب في الدنيا؟

[آية بنت فلسطين]

بحب حالي

نفسو،،

[الطالب المجتهد]

بحب امي وابوي واخواني واختي

وبحب السيارات وبحب اسوق سيارة اخوي وسيارة ابوي

الي بعدي نفسو

[صدى الحب]

بحب الوفاء والصدق والاخلاص ...

للبعدي :

مين اكتر شخص بخطر على بالك ؟؟؟؟

[فلسطينيه والراس مرفوع]

=(

حدا ما بحبنـــي :b:

نفسو للي بعدي

[**(girl of palestine )**]

خالي ... المفقوووود

يالي بعدي ...شو رايكو بأحزان هاني شاكر :icon31:

[رَم ــآد !]

مَآإ بسمع أَغــآإنـي .. لآ أَحزآإن وَ لآإ أَفرآإح ( !


لـَ إِلي بَعدي :


شـو رَأَيك بـِ الْمَدآرس الْدَآخلية لـَ الْبَنآت .؟

[الشيماء]

مدارس داخلية للبنات غلط جداً

لازم الاهل يشرفوا على تربية الابناء وبالخص البنات

للى بعدى


شو رائيك بالرياضة

وهل تماس اى نوع من الرياضة

[جاآرة الوادي’’]

الرياضة شئ حلوو كتييييييير
وانا بحبها كتييير
وبالمدرسة كنت مسجلة ب كرة الطائرة واليد والريشة

يعني بمارس شوي منها

[جاآرة الوادي’’]

س: شو بتحب من الحياة؟؟

[أســـآمـة]

س: شو بتحب من الحياة؟؟

كل شي منيح

أنيا سنة صقتط فيها؟:icon6:

[دموع الحنين]

ولا سنة الحمدلله ولا سمح الله اني ارسب او اسقط



للبعدي


هل انت ممن يحبون الطرب ويسمعون الاغاني ؟؟ ولمن تسمع اذا كنت منهم

[waяm heaяt]

لا مابسمع اغاني الحمد للهـ
نادر كتير لحتى اسمع وبتكون اغاني لفلسطين ..

الي بعدي ..
شو اكتر مشروب بتحب تشربو ؟

[الطالب المجتهد]

اكثر مشروب بحب اشربو هو عصير فانتا

[الطالب المجتهد]

اين تقع مدينة اسطنبول؟؟

[فلسطينيه والراس مرفوع]

مش سؤال نقاشي هاده

p=

بتركيــآ وين يعني

سؤالي :-

شو رأيــك بموضة المسلســـلات التركية الفاشلة اللي بتنعرض على Gـــنوآت العرب ؟؟

[الطالب المجتهد]

يعني اختي انتي قصدك المسلسلات الي بتنعرض على ام بي سي 4

اذا هيك والله في منهم حلوة وفي منهم مش حلوة ام الأكثر حلوين

لو كان عندك سيارة وما بتسع الا ل 6 ركاب بس مين بتختار يكون معك؟؟

[جاآرة الوادي’’]

يا بنركب كلنا مع بعض وبنلتز فوء بعض
يا بنروح مشي //هههههههه// هيك احسن

[جاآرة الوادي’’]

شو لون ملابسك المفضل اللي بتحب تلبسهم؟؟؟

[بنيمارو]

اممم
بحب الالوان الترابية
بين البني والأخضر والبيج
نفس السؤال . .

[طوق اليمامة]

بحب اللون الابيض والاسود

السؤال :
شو اخر اكلة اكلتها ؟؟؟؟؟

[إسراء الفلسطينية]

ههههههههههه

كوسا :)

//

شو رأيك بإنو الكوفية صارت موضة عند الغرب؟

[بنيمارو]

سؤالك رائع اسراء . .
انهم الغرب يحولوها لموضة شي مش غريب عليهم ! وما بلومهم . . لأنهم بيحاولو يشوهو بديا . .ما بالك تراثنا وتاريخنا !
المشكلة الاكبر . . انو العرب بيستجيبو مع هاي الموضة !
يعني منتشرة عنا بشكل كبييير وبألوان غريبة . . أحمر وأخضر فاتح حتا بنفسجي وأصفر !!
والكل بيلبسها . . . والتيكت اللي عليها ميد اين تشاينا !!
برأيي انها غزو وتشويه لتراثنا الفلسطيني , وبعدين كلها من صنع الصين وعبارة عن سرقة لتراثنا من دون ما نفهم شو بيصير !
عن نفسي بعمري ما راح البس غير الكوفية الفلسطينية ( مع انها الصينية ستايل و الوانها حلوة *.* ) اللي لبسها احمد ياسين وعز الدين القسام وأبو عمار , وبعتبر تراثنا شي مقدس ما بينفع تلاعب فيه , يعني بنحيي التراث من غير ما نغير مضمونه الاساسي ,

اللي بعدي . .
شو رأيك بجلوس الاطفال عالتلفزيون مدة طويلة وتعلقهم بقنوات الاطفال مثل طيور الجنة وثري و سبيس تون . .. الخ ؟

[إسراء الفلسطينية]

كلام سليم .. و بعبي المخ ^ــ^

//

ممممـ

رأيي انو مشاهدة متل هيك قنوات الها إيجابيات وسلبيات عند الأطفال و طبعا حسب القناة كمان

مثلا قنـآة طيور الجنة .. الصراحة بحسها مفيدة كتير .. خصوصا انها دينية .. و بتعلم أخلاق المسلم للأطفال بطريقة حلوة و جذابة للأطفال .. و برأيي يحضروا هل قناة ويستفيدوا ..

بضل أحسن من غيرها .. حتى لو لوقت طويل ..

بس طبعا كل شي الو حدود .. الأطفال ما لازم يقضوا يومهم كلو على التلفزيون ,, و توصل معهم لإدمان !

الأهل الهم دور كبير بتنبيه الطفل .. في دروس و اشيا تانية لازم تنعمل .. فلازم يكون في إنتباه من الأهل لهل شغلة

و بعدين أهم شي عيونهم .. بتروح عليهم من هني و صغار ^ــ^

//

اللي بعدي ..

شو رأيك بالمدارس المختلطة ؟

[بقـ..ــايـ..ـا إنسـ..ـانـ]

ممممممممم

ما باتنفع جد !

الي بعدي امتى ناوي تنام ؟

[رَم ــآد !]

آمممم .. هسآإ صحيت مِن الْنـوم ..!








افضل قناه من وجهة نظرك تحس ان المقوله هذى تنطبق عليها تماماً ..

( الراى والراى الاخرى )

[أســـآمـة]

بدك الصراحه

ولا قناة بتحمل هادا الشعار

كلو بدافع عن فكرو

الي بعدي نفسو

[رَم ــآد !]

مممم بصرآإحة بشوف قنآإة الجزيرة هيك ..
لإِنهآإ بتجيب حوآإر مع كل الأَطرآإف مو مع طرف وَآإحد ..!


لـَ إِلي بعدي ..!

من اكثر حااكم سؤاء عربي أو غربي لا يعجبك ؟؟

[الحلوة]

محمود عباس...

للي بعدي نفسو؟؟

[صدى الحب]

كل الحكام ازفت من بعض ..



للبعدي :

شو رأيك بالعضوة صدى الحب ؟؟ ( يعني انــــا ).

[الحلوة]

صدى الحب عضوة كتير كتييير بحبها مابعرف دخلتلي قلبي كتير
انسانه كتير حبوبه واحساسها كتير عالي.. ومواضيعها كتير مميزة
انسانه عنجد نفسي اتعرف عليها اكتر.. الله يحميها يارب

[الحلوة]

للي بعدي؟؟

شو رائيك بالاطفال الي بيحملو موبايلات بعمر صغير ؟؟

[بنيمارو]

امممم
كتير صرت اشوف اطفال ما بيتجاوزو ال 15 سنة معهم موبايلات وفوق الجيل التالت كمان
يعني بتدعم الفيديو والتصور والبلوتوث
برأيي اذا تخطت أهمية الموبايل بالنسبة للطفل مفهوم الموبايل كأداه للاتصال أو نطمن عليه من خلالها , بيصير ما الو لزوم معو !
بمعنى انو يكون بأيدو موبايل عادي ما بيشغلو كتير وما بياثر عليه سلبيا . . ممكن يشيلو
اما يكون فيه اغاني وتصوير ويضيع وقتو كلو وهو بيتباهي قدام اصحابو وبيلعب فيه هادا اكبر خطأ


.
.
اللي بعدي
شو رأيك بكرة القدم . . والمشجعين المتعصبين لفرقهم ! ؟

[صدى الحب]

كرة القدم لعبة ممتعة وحلوة .. وكمان ممتع متابعتها وتشجيعها

بس مو لدرجة التزمت .. لانو هاي بتصير تفاهة

صحيح انا بشجع الريال بس مش متزمتة كتييير

يعني عندي روح رياضية احم احم

fotball game remember the name


للبعدي :

نفسووووووووو

[Pretty Maroko]

هاااي ... الفكرة كتير بتسلي :showoff::icon15:

اوكي ..... شو رأيك بكرة القدم . . والمشجعين المتعصبين لفرقهم ! ؟

حسب رايي المتواضع و الشخصي .......... الرياضة كتير حلوة بكافة اشكالها واللي عندو هواية لعب كرة قدم كتيير مفيد و صحي .... اما المشجعين المتعصبين لفريقهم هادول مع احترامي الشديد مدمنين عهالشغلة و عندهم فراغ قاتل بيحاولوا يقضوا عالملل ... احيانا ممكن يؤدي هالاشي الى شجار و مشااكل .... انا لا احبذ التعصب لفريق معين .. فقط التشجيع " السطحي"

سؤال للي بعدي : شو رأيك بمحطات ال MBC وخاصة mbc4 والبرامج و المسلسلات اللي بتجيبها من الغرب و بتعرضها وخاصة مسلسل army wives اللي بيحكي عن حياة الجنود الميركان وزوجاتهم ؟؟

:icon31:

[جاآرة الوادي’’]

بصراحه وبدون كذب
ال mbc وخاصة 4 اكييييييد اكييييييييد انها محطات مو منيحه وبتعلمنا عادات الغرب والحياه اللي هم عايشينها بس ::
بالنسبة الي انا بصرااحه بحضر عليها بس الحمد لله مو كتيييير وبالنسبة لل army wives هاد ما بعرفو ولا بحضرو من مرة

ويسلمووو

[جاآرة الوادي’’]

شو رأيك ب

الحب من اول نظرة ؟؟

[دموع الحنين]

بالنسبة لسؤالك ( ماروكو ) محطة mbc فيها البرامج الممتعة والمفيدة زي ( كلام نواعم ) ( صباح الخير يا عرب ) ( الساكنات في قلوبنا ) ومنها الغير مفيد بالتأكيد متل افلام ومسلسلات كتيرة وانا بغيظ من موضة المسلسلات التركية واللي هي عبارة عن غـــزو ثقافـــي و اخلاقـــي للامم العربية الاسلامية وهدفها الانحلال ... وبالنسبة لمسلسل army wives ما بتابعوا انا بس من اللقطات باين انو بايخ ومش مع الحقيقة ...


للي بعدي :

من اول شخص تلفظ بأسمه مناجيا عند الالم والصعاب ؟؟؟

[جاآرة الوادي’’]

الجواب :: يماااااااااااااااااااااااااااا

س: ما رأيك بالحب من اول نظرة

[فراشة]

ما بعرف .. ما بآمن فيه كتير ...


يمكن يكون اعجاب بس مو حب ... كيف الواحد بيقدر يحكم عاللي قدامو من نظرة وحدة !!


بتعرفوا المثل الئديييييييم ( لاتذم ولا تشكر ,,, الا بعد سنة وست أشهر ) ههه


مم في سؤال عجبني وحابة أكرووا تاني


من اول شخص تلفظ بأسمه مناجيا عند الالم والصعاب ؟؟؟

[شمعة الاحزان]

ضروري احكي

انا بتوجه لربنا وما بلفظ اسم حد

[جاآرة الوادي’’]

اكيييد اول حد ربنا
وبعديه ((الام))

[جاآرة الوادي’’]

نفسو

[[ Islam ]]

ياااااااااااااارب ..

::

::

لما بتكون متضايق ومخنووق ومش شايف شي قدامك

مش عايز تحكي لا مع بشر ولا مع مخلوق الله خلقه

شو بتساوي ؟!

[جاآرة الوادي’’]

ما بعرف واللهـ //اكيد بشكي همي لربي وبقرا قراان وببكي//

[جاآرة الوادي’’]

نفسووو

[جاآرة الوادي’’]

الحمد لله على كل شي

[Pretty Maroko]

لما بتكون متضايق ومخنووق ومش شايف شي قدامك

مش عايز تحكي لا مع بشر ولا مع مخلوق الله خلقه

شو بتساوي ؟!

بتصير معي كتييييييييير .... لانو بهالوقت العالم كلو مصالح و في ناس صعب يتوافق عقلك مع عقلها دايما حتى اذا كانت قريبة منك .. في هاي الحالة بقعد بالغرفة و بحكيش مع حد :icon28: :showoff:

اذا كنت بالجامعة.... شو الموضوع اللي بتتعلميه وشو طموحاتك لقدام في المجال؟؟

[فادي نجاجرة]

اتعلم كيف احب وطني وطموحي انو احرر القدس

كيف مزاجك هسة ؟

[بنيمارو]

مريض وحرارتي استوائية صارت
هههههههه
شايف كل شي 2 !!
اللي بعدي نفسو . .

[صدى الحب]

مزاجي رايقة كتيييير ومبسوطة بنفس الوقت

للبعدي :

ماذا يعني لك المستقبل ؟؟؟

[الحلوة]

المستقبل.. الامل والخوف

الي بعدي..

شو بتعمل لما حدا مهم كتير الك ينطنشك ؟؟

[Pretty Maroko]

بطنشوا و فخار يكسر بعضو ......
نفسو ..

[سُكون !]

شو بتعمل لما حدا مهم كتير الك ينطنشك ؟؟


آحيآناً بعآمله نفس معآملتوا إلِي ..
إذآ مطنشني وكثير الشخص غآلي عَلَي والله بعذبه بخليه مجنون دآيِر بالشآرع يحكي مع حآله ..
هههه ..
ممم ..
نفس السؤآل ..

[**(girl of palestine )**]

بطنشوو...
طنش تعش تنتعش ...

للي بعدي ...

بتأيدو انو البنت تطلع تتعلم برى دولتها لحالها

[دموع الحنين]

بتأيدو انو البنت تطلع تتعلم برى دولتها لحالها


مش مهم رأيي المهم انو رأي الشريعة الاسلامية بهالأمر واضح وخلصصص واكيد ( حرام )



للبعدي


شو اكتر حيوان بتحبو ؟

[waяm heaяt]

مممم
البسهـ ^^


الي بعدي نفسوو

[Twin]

كمان البسه ,,


ما هي نظرتك للفتاه التي تتكلم مع سائقي الحافلات وبتسولف ؟؟!!

[عين فلسطين]

صايعة ومنفتحة بزيادة مفكره حالها باوروبا

[عين فلسطين]

شو رايكم باللي بعاكس قدام ابو وابو ما بحكي شي

[**(girl of palestine )**]

هاد الابو صايع اكتر من ابنو ...بس اذا حدا عاكس بنتو بئيم الدنيا وبئعدها

نفسو للي بعدي

[أميـرة فلسطين]

هههه يعني شو رأيي سفاله وقلة حيا من الاب قبل إبنو ..

إممـ ،، ما بعرف اذا السؤال انطرح قبل هيك ..

ليش برأيك عم تسير كتير حالات طلاق هالايام ؟؟

[صانع القادة]

ما في تفاهم بين الزوج والزوجة وكثر زن المرة وبرمها هههه

شو جاي على بالك تعمل اليوم ؟

[الحلوة]

اممم جاي على بالي اطلع اغير جو ...

نفس السؤال..

[أســـآمـة]

جاي عبالي ؟؟؟؟؟؟؟؟ و لا اشي جاي عبالي

الي بعدي نفسو

[الطالب المجتهد]

جاي عبالي ادرس للامتحانات هسه

الي بعدي نفسو

[Hinata]

ايـش هـالأسئلة البــآيخ ــهـ .. ~ !


:)


الموهيم ..



إلــي بعدي ..



مــآ هو شعوركـ لحظة فــرآقك للوطنكـ وبعدكـ عن ــو .. ؟!

[صدى الحب]

اكيد رح يتحطم شعوري ما فيها نقاش

اصلا ببطل الي شعور لانو ما بتصور اني بيوم من الايام رح اترك فلسطين

واذا انجبرت بختار الموت ولا فراقها

سؤالي :

هل تؤمن بشيء يسمى بحرية البنات ؟؟؟

[فراشة]

طبعا بآمن فيه ...

بس الحرية بحدود الدين والادب ...


يعني مو تطلع وتنزل عكيفها وتلبس عكيفها وأهلها ما دخلهم فيها وتحكي حرية !!


يعني الحرية ضمن ثقة أهلها فيها .. هاي اسمها حرية من الاهل ...


نفس السؤال بكرروا لنسمع آراءكو ...

[**(girl of palestine )**]

[COLOR="DarkOrchid"][SIZE="4"]محدا حر غير رب العالمين
بالنسبه لالي ما في حريه لما في عادات وتقاليد ولما في دين ... يمكن حرية البنت هي انو تتعلم ..ويكون عندها فكر حروقلمحر

سؤالي:
بتفضلو انو ايكون فصيله وحده وحده بتمتل فتح وحماس يعني يتوحدو ولا ايضلو زي اليوم فتح وحماس

[صدى الحب]

ما بعرف انا ما الي بالاحزاب

بس اكيد الاحسن انهم يتوحدوا


سؤالي :

لو طلعتلك سفرة مجانية (فيزا) مين بتاخد معك ( مش شرط يكون الشخص من المنتدى ) بشكل عام ؟؟؟

[Twin]

باخد معايا محرم ^^



ما هو رأيك بالاشخاص الي بيمشوا بالشارع وبياكلووو امام الناس ؟؟

[عين فلسطين]

عادي يعني
يمكن ما فهمت السؤال
بس عادي

انا عجبني سؤال صدى
لو طلعتلك سفرة مجانية (فيزا) مين بتاخد معك ( مش شرط يكون الشخص من المنتدى ) بشكل عام ؟؟؟

[[ Islam ]]

بآخد أخوي !

::

::

صعبة عليك تقول/ي كلمة آسف/ـة لغيرك ؟!

وإذا نعم .. ليش ؟!

[رَم ــآد !]

إِذا كُنت غلطآنة أَبداً مش صعب .!

بس إِذا مش غلطآنة .. مــآ رح أَحكيهآ .., يعني رح يكون صعب .,



نفسو (:

[سيلينا]

مرحبا تقبلو مروري

[شمعة الاحزان]

طبعا اذا كنت غلطانة بحكيها
اما اذا ما كنت غلطانة ما بحكيها

سؤالي:شو هية الاكلة المفضلة؟؟؟