:: مميز :: (( كان يا ما كان ... تعو احكولنا القصص تبعون الماما والبابا قبل النوم ^^))

[Arabian girl]

http://files.shabab.ps/vb/images_cash/up10/0909181922206CGV.gif

ونحنا صغار اكيد كان في قصة الماما او البابا يحكولنا ياها
يا اما قبل النوم
http://files.shabab.ps/vb/images_cash/up10/090918192220Qhl2.gif
يا اما نكون اعدين ويحكولنا ياها
يا اما نتمشى بالليل مع اهلنا ويحكولنا
http://files.shabab.ps/vb/images_cash/up10/090918192221C6UZ.gif http://files.shabab.ps/vb/images_cash/up10/090918192221X4Nj.gif
وحتى ممكن المس بالروضة كانت تحكيها
قصص بسيطة صارت بتمثل جزء من طفولتنا
http://files.shabab.ps/vb/images_cash/up10/090918192221QL0p.gif http://files.shabab.ps/vb/images_cash/up10/090918192222gPVj.gif
فحبيت بهادي الصفحة
كل واحد يحط القصة اللي ضلت بذاكرتو من وهو زغير
واللي بتمثل جزء من طفولتو
ويكون عنوانها كان يا ما كان .......
http://www.alloccasioncards.net/designs/girl/princess/once%20upon%20a%20time.jpg

[limar]

يعطيكي العافية حبيبتي

رااح انئل الموضوع للقصص والروايات

[Arabian girl]

اوك ليمو
نورتي ^^
يلا يا اعضاءحطو قصص
وانا كمان راجعه احط القصة الفضله لالي^^

[روان فلسطين]

كتير حلو الموضوع وان شاء الله ازا عملتيلو اعلان حلو وشفت اقبال راح يتثبت فورا

انا تاحلى قصه بطفولتي
قصه كانت تنيته الله يرحمها دايما تقولها الي
وكنت اموت فيها

كان اسمها بقره اليتامى

يا ريت لو فيني اتزكر تفاصيلها كانت طويله كتير

الله يرحمك يا تيته

[Arabian girl]

اهلا رورتي
شكلها حلوة
اما انا بابا كان يحكيلي قصة الارنب والاسد ^^
برجع احكيها ان شاء الله

[يافا القدسية]

عن جد موضوع حلووووو كتيرررررررررر
رجعتيني لأيام زمان في قصص كتيره مثل الأرنب والسلحفاة والذئب والخراف الصغيرة
هم طوال بس خلص لما اتذكرهم منيح راح ابعتهم:icon9::icon9::icon9:

:s (43)::s (43)::s (43)::s (43):

[روان فلسطين]

بانتظار عوداتكم


وفي كمان قصه الراعي يلي كان طول الوقت يكزب ويحكي الذيب اكل خروفاتي وبس يجو ينقزوه اهل القريه يصير يضحك عليهم

وبعدين لما اجا الديب عنجد صار يصرخ وما حد انقذه لانو كداااااااااب

[Arabian girl]

عن جد موضوع حلووووو كتيرررررررررر
رجعتيني لأيام زمان في قصص كتيره مثل الأرنب والسلحفاة والذئب والخراف الصغيرة
هم طوال بس خلص لما اتذكرهم منيح راح ابعتهم:icon9::icon9::icon9:

:s (43)::s (43)::s (43)::s (43):


منورة يافا
بانتظارك تمري وتحكيلنا قصتك ^^

:s (43):

[Arabian girl]

بانتظار عوداتكم


وفي كمان قصه الراعي يلي كان طول الوقت يكزب ويحكي الذيب اكل خروفاتي وبس يجو ينقزوه اهل القريه يصير يضحك عليهم

وبعدين لما اجا الديب عنجد صار يصرخ وما حد انقذه لانو كداااااااااب

هههه بتزكرها
حلوة هادي القصة
اه صح مشكورة كتير ع التثبيت ^^
:icon26::s (43):

[Arabian girl]

كان يا ما كان في اديم الزمان
كان في غابة وهادي الغابة فيها اسد قوي
كل يوم لما يجوع وبقد يلحق الحيوانات ويصيد واحد منها وياكلها
وكان ع هادي الحال
لحتى اجى يو من الايام واجتمعو الحيوانات عشان يفكرو بحل لهالمشكلة
فطلعو بحل انهم كل يوم يعدو للعشرة واللي بيطلع عليه العد بروح للاسد وبياكلو
وطبعا حكو للاسد والاسد وافئ
وعدو باليوم الاول وطلع ع البئرة والبئرة راحت واكلها الاسد
تاني يوم عدو وطلع ع الغزال والغزال راح واكلو الاسد
وضلو ع هالحال لحتى اجا العد ع الارنب .......
يتبع ^.*..

[Arabian girl]

الارنب غير عن باقي الحيوانات
لانو كان ذكي
وطبعا الارنب ما بدو الاسد ياكلو عشان هيك حط خطة
وهو رايح لعند الاسد صار يمشي شوي شوي
يعني كان يمشي شوي ويقعد شوي يمشي شوي ويقعد شوي
وعشان هيك عصّب الاسد لانو كان جوعان كتير
وصار يزأر ويحكي : وينو هاد الارنب !! ليش اتأخر !!
يتبع .....

[ريموشكا]

كملي القصة شكلها حلوة

[CoOl GiRl..~]

حلوة كتير الفكرة ^^



يسلموا حبيبتي أريبيان ^^








بس أنا مش متزكرة غير قصة ( ليلى والذئب ) :showoff:

[Arabian girl]

اوك راجعه اكملها ان شاء الله ^^

[آية بنت فلسطين]

يي ما الزو الموضوع شو بريء
هيهيهي

امممم
بس ماشالله كلكم عايشين طفولتكم
اممم
انا اهلي ما كانو هيك يعملولي
ما كان بحكولي قصص ولا غيرو
هههههه


حلو الموضوع ارابيان
ضللك اتحفينا يا كمرة =)

[Arabian girl]

ههههههههه اهلا ايوش
تسلمي حبيبتي
يلا هلا نحنا بنحكلك ^^

[Arabian girl]

التكملة ...
المهم عصب الاسد كتير كتير
وبعد شوي اجى الارنب
آم الاسد عصب فيه وزأر بوشو
قلو كيف بتتأخر علي؟! ما بتعرف اني ملك الغابة ؟! كيف هيك بتعمل معي ؟!
اجى الارنب وهو خايف قلو
: انا كنت جاي عندك بس وانا بالطريق ...
يتبع ههههه ....

[نابلسية كححح]

هههههه

انا اللي بحكي قصص

هاتو احكيلكم كم قصه بحكيها لاختي الصغيرة

من تأليفي ههه

كان يا مكان في قديم الزمان

كان في حديقة الحيوانات قفص في قروود وكان في قرد هادا القرد عايش مع امه وابوه واخواتو

وكل يوم صاحب الحديقه بعطي لكل قرد موزة

وباكلها وبنخرس

هههه

يوم من الايام

نسا صاحب الحديقه (الحارس )

الباب مفتوح عند القرود وحط سلة الموز قدام الباب وراح لانو حدا ناداه

قام القرد قال لأمه : ماما ماااماا شوفي الحارس راح وترك سلة الموز قدام الباب المفتوح بدي أروح أجيب موزة

الام : موش أكلنا وخلص .. لإيش الفجعنه يعني ؟؟ هلأ بيجي وبسكر الباب وخلص

القرد: يما ماما انا لسا جوعان بس نوزة وحده بطلع ايدي من الباب وبطولها

الا م : بس بخاف عليك ضيع

القرد : لا لا

وضلو القرد ينق ينق ينق

لما امه قالت له انا مالي خص فيك

قام القرد : راح عند الباب وطلع منه شوي شوي واجا بدوو يطول الموزة

ولا الحارس احاا وصاااح يااقرررد ارجع ع قفصحك

بتع .......

[نابلسية كححح]

راح القرد الحزين انلخم ..

وبطل يعرف شو يسوي

بدل ما يفوت ع القفص راح نط براته

وراح هرب ويركد بالحديقه
ويلحقه الحارس

راح القرد عند قفص الفيل :

قله يا فيل خبيني عندك

الفيل : انا يا قرد دبدووب كتيير وسمين يمكن ما اشوفك وادعس عليك وتموت روح من عندي

راح القرد عند الزرافه : قلها يا زرافه خبيني عندك

الزرافة : انا رجليني طوااال و انا طويلة وانتا لو تخبيت عندي كل الناس بشوفوك

راح القرد عند البطه : قلها يا بطه ..خبيني عنك

قالت له : انا بعرف اسبح فوق الميه وانتا ما بتعرف روح عند الارنب

الارنب : وين اخبيك يا قرد انا بتخبى تحت الارض بس انتا ما بتقدر

بعديييين

ولا الحارس مسكه للقرد

و قاله وين هاارب مني ؟

ورجعه عند امه

وسكر عليه الباب

راح القرد عند امه وقالها انا اااااسف يا ماما

اسف ما سمعت كلامك

قالت له : يلا ع شان تتعلم مرة تانية
ونام جنب امه وارتااح
وتوته توته .. خلصت الحتوته

بكون انا انهرييييت حكي

وهي : احكيلي كمان وحده

[Arabian girl]

حلوة القصة كتير
احكيلي كمان وحدة ههههه ^^

[Arabian girl]

انا كنت جاي عندك وانا بالطريق شفت اسد قوي
صرخ فيي وقلي وين رايح
قلتلو عند ملك الغابة
ام صار يحكي انو هو اقوى اسد وهو ملك الغابة
وكمان كان معاه ارنب متلي بالزبط
لدرجة انو حكى انو اقوي منك
فعصب الاسد وصار يحكي وينو خدني لعندو
لنشوف مين اقوى اسد
يتبع ...