المساعد الشخصي الرقمي

مشاهدة النسخة كاملة : ليش بضلو متكاتلين


مبروك ما اجاكم
04-03-2009, 11:10 PM
السلام عليكم
انا بعرف اني ثقلت دمي شوي بتنزيل اكتر من موضوع
بس معلش اتحملوني

انا بصراحة محتار من شغلة وحدة
ايش سبب العداوة التاريخية بين الحماة والكنة برايكم
يمكن تحكو عنو موضوع تافه وما بستاهل المشاركة عليه
بس مش هل اكتر او اغلب المشاكل الي بتصير في الحياة الزوجة
بكون سببها يا اما الحماة يا اما الكنة صح ولا لا
ليش بضلو مطاوشين وبستنو بعض عنكرة والله مني عارف
انتو شو رايكم
ارجو التفاعل

سُكون !
04-03-2009, 11:17 PM
ههههه ..

سنَة الحيآة . ؟!

مبروك ما اجاكم
04-03-2009, 11:33 PM
ههههه
هاد الي طلع منك
هه
مشكورة سكون منورة

،،عـيـون الوجـد،،
04-03-2009, 11:38 PM
بين الحماة والكنة برايكم

عفوا ايش يعني كنة :icon9:

مبروك ما اجاكم
04-03-2009, 11:53 PM
هههههههه
يعني الحماة اعرفتيها والكنة ما اعرفتيها
زوجة الابن يختي
ههه

،،عـيـون الوجـد،،
04-04-2009, 12:32 AM
اها كذا يعني اعذرني لم ابدي رايي في الاول حتى اتأكد من معناها

السبب اتوقع راجع للغيره يااخي

هذا اللي بشوف عندنا

الله يعافينا منها يارب

مبروك ما اجاكم
04-04-2009, 01:02 AM
شكرا عيوووون نورتي

شمعة الاحزان
04-04-2009, 08:48 AM
والله انا ما بعرف لاني ما جربت او ما صار هادي المواقف عنا بالبيت

sweet soul
04-04-2009, 05:32 PM
اها انا بحكيلك ليش ..

اول شي احنا من اول ماوعينا على هل الدنيا وبحكو عل الحماه والكنه والي بصير بينهم وبطلعو نكت عنهم حتى بالمسلسلات كلها عن المشاكل الي بينهم ف صار اشي جواتنا يعني تربينا عليه من كتير الحكي صارت البنت تكره حماتها ئبل ماتعرفها :icon8: وبكون مخ البنت مليان انو حماتي بتكرهني وبهل الافكار يعني اي كلمه او حركه بتاخدها بسوء نيه :icon11: وبتجهز حالها للحرب طبعا بعد ماامها تكون معطيتها دروس بهل الشي ..

تاني شي يمكن لانو ام الشب بتكون هيا الي ربتو وكبرتو ومتعوده انو يكون طول عمرو الها لحالها مابتتحمل فكرا انو يهتم بغيرها

ولما تيجي وحده تانيه تشاركها هل الشي بتصير الغيره وانو بدها تسترجع حئها والي تعبت طول عمرها مشانو

بحس انو هدول اكتر سببين بأسرو الا ازا كان وحده مشرانيه وهيك بتحب تتخانئ من الله وتعمل مشاكل او بتكون الحماه بتحب السيطره على كل شي والبنت راسها يابس (متنحة) ههههه ..جارتنا دايما بتحكي لو الكنه والحماه اتفئو بدخل ابليس الجنه ههههههه

يعني لازم تداريها وتحسبها بمكانه امها وتصفي نيتها والحماه كمان نفس الشي ..

ولازم الوحده تكبر عئلها وتعرف ترضي جوزها وامو بنفس الوئت

وبسسسسسس
يسلموووو:s (43):

cat eyes
04-04-2009, 06:01 PM
هههههههههه......الموضوع حلو كتير....

وانا رأي نفس رأي..sweet soul.....

صدى الحب
04-04-2009, 06:10 PM
مجرد مرور

بس متل ما حكت سكون سنة الحياة


سلامووو

مبروك ما اجاكم
04-04-2009, 06:10 PM
شكرا شمعة
sweet كلامك بعبي الراس
ومنورة cateyes

فلسطينيه!17
04-04-2009, 06:34 PM
بس اتجوز بقلك :showoff:

نسمة دفا
04-04-2009, 07:20 PM
هههههههههههههههههه يسلمو على الموضوع التحفة هاد
يسلمو اديك

مبروك ما اجاكم
04-04-2009, 10:32 PM
صدى منورة بمرورك

فلسطينية عخير انشالله ومبروك من هلا
نسمة اننبسطي يختي هههه
شكرا الك

روان فلسطين
04-05-2009, 07:07 PM
بصراحه سويت حكت كل الكلام يلي بدي احكيه

الاول انو الام بتحب يضل ابنها الها وبتشعر انها تعبت وانو هيي يلي من زمان بتشقى وبتتعب وكمان انو كنتها عم بتشاركها فيو
والزوجه مكان بتعتقد انو زوجها من حقها وبتحب يكون الها لحالها
ربتصير كل وحده تدافع عن حقها وما بدجها يتاكل عليها ومعتقده انها صاحبه الحق الوحيد في المعذب بالوسط


والسبب التاني متل موضوع اللون الزهر يلي عند البنات
انو تربينا ونأنا ع هاد شي من التلفزيون والعيله والقصص والشغلات هاي
يلي خلت عند كل وحده قابليه عاليه للانفجار والتضارب ووتالصراخ الجكار والنمشاكل وهيك اشيا

وبنفس الوقت بتكون ما عندها اي استعداد لاي هدنه من الطرف الاخ9ر حتى لو غلط وابدى بوادر السلام بيعتقدو انها خدعه حرب او بدايه انهزام فبيقومو بيتقلو العيار


كترت حكي انا بس بصراحه صرت اتزكر بالتمثيليات والشغلات يلي متل هيك

انا عن نفسي من هلا بشرط ع اي خطيب انو يكون لا ام ولا خوات هههههههههه

يعطيك الف الف عافيه اخي

تقبل مروري

مبروك ما اجاكم
04-05-2009, 11:23 PM
شكرا روان
هاذ الي بدكم اياه واحد مقطوع من شجرة لا حماة ولا حمه بال
منورة

روان فلسطين
04-06-2009, 02:43 PM
اه والله ومالو اليتيم احسن واحسن حتى لو فيش لا خالات ولا عمات بالمره

انا بصراححه هيك بدي لا ام ولا خوات

لشو وجع الراس

يعطيك الف عافيه

مبروك ما اجاكم
04-07-2009, 10:51 PM
طلبك صعب المنال
وين بدك اتلاقي هيك مواصفات

*ريحانة القلب*
04-08-2009, 08:05 AM
اه والله ومالو اليتيم احسن واحسن حتى لو فيش لا خالات ولا عمات بالمره

انا بصراححه هيك بدي لا ام ولا خوات

لشو وجع الراس

يعطيك الف عافيه


:icon11: :icon11:
:icon11: :icon11:

نهفة ياروان

لا مو حلو بالمرة ..

نكهة الحياة يا بننتي !!



كان العداء زمان بين الحماة والكنة اكبر من هلأ

لأنهم كانوا يعيشو بنفس البيت .. هالاشي بحسس الام انو ابنها

بطل يهتم فيها ... وبحسس الزوجة انو في ام ورا زوجها بدها تخطفو

مع احترامي بس السبب الرئيسي هو الزوج نفسو

هو الي بعرف امو منيح اكتر من زوجته .. وبنفس الوقت بعرف زوجته اكثر من امو

والتنتين جداد ع بعض وما بعرفو بعض

بامكانو بكلمة حلوة لهاي عن هاي والعكس يزبط الامور


عنا بالعيلة كسرو القاعدة :b:

امي بتحب زوجات خواني كتير

كانهم بناتها عنجد .. وهم بقدرو هالاشي كتير

يعني فيك تقول بتفقو على اخواني احيانا :icon11:


يعطيك العافية الموضوع حلو

بس ارجو انك تهتم بالتنسيق
لحتى يكون واضح للجميع

شكرا الك

مبروك ما اجاكم
04-08-2009, 03:12 PM
مع احترامي بس السبب الرئيسي هو الزوج نفسو

هو الي بعرف امو منيح اكتر من زوجته .. وبنفس الوقت بعرف زوجته اكثر من امو

والتنتين جداد ع بعض وما بعرفو بعض

بامكانو بكلمة حلوة لهاي عن هاي والعكس يزبط الامور





كلامك جميل واعجبني شكرا الك
بس بالنسبة للتنسيق ما فهمت
يا ريت لو اتوضحي

فادي نجاجرة
04-08-2009, 03:15 PM
في القران الكريم المرأة خلقت من ضلع اعوج وان اردت ان تعدل هذا الضلع كسرته والباقي عندك اخي ( مبروك ما اجاكم )

تقبل مروري ...

روان فلسطين
04-08-2009, 04:09 PM
مبروك ما اجاكم بلاقي ونص ومالو

موجودين وع ايد مين يشيل كمان

هههههههههههههههههههه


ريحانه لا والله طعم بس طعم مرررررررررررررر

يختي انا بعرفش للشر والمشاكل انا لو حد يقلي بلوزتك مو حلوه بعيط

مليش خلق مقاهرات وزعل وطوش بجد ما بعرف ابدا ابدا

ع العموم الله يجيب الي فيو الخير يا رب


خيي مبروك

يمكن قصدها انك لما تكتب برد تحط تكبير الخط وتعمل الو تلوين وحركات يعني مشان يصير واضح وما نلزق عيونا بالشاشه لحتى نشوف الرد يمكن هيك ما بعرف

مبروك ما اجاكم
04-14-2009, 10:19 PM
شكرا فادي يعني عالفاضي
وحاضر يا روان

&نسيم الروح&
04-15-2009, 06:23 AM
هلا انا مجربه وبحكوا اسال مجرب وما تسال حكيم انا ما رح ادافع عن حالي ولا عنها

كل وحده الها فصولها النائصه وهلا احنا صحيح متفاهمين وما بنتزاعل وما بنحكي شي

احكيلك شي متلا انا نايطه ومزاجيه بالشغل والمساعده احيانا ما بحب اساعد انا حره حدا اخو مرائي شي هههههههههه والله انا بنجلط من حالي بس انا هيك للاسف

اما هيه متلا ازا انا رحت على المول وصرفت كتير وكان زوجي معصب بتيجي بتحكي والله معه حئ وعلى شو هاد كله وليش هههههههههههه

انا بعصب بس ما بفتح تمي بشي هاد سبب انه ما في خنائات وامي وحماتها كانوا هيك وحده تحكي التانيه تسكت وبالاخر برجع للاصل اصل الحمايه واصل الكنه

اما سبب الخناء هو الزوج لانه امه بتحس انه وحده اجت اخدته من حضنها لو كان 50 سنه وبلش ينشغل بمرته وبعدين ولاده وبتسير تحاول ترجعه الها متلا بتعمله اكله بتحاول تغلط مرته متلا ابني ما بحب الطبخه هيك بحبها هيك او تعال ماما شو بدك انتا تتغدا بتحب شي معين على الفطور متلا بده الرجال ياكل بيض مئلي وبطلب من مرته بتروح امه بتنط بتحكي انا بعمله خلص مو مشكله شوي شوي

ببطل يطلب من مرته شي وبتسر المره تحاول ترجع جوزها لعندها بتدلعه وبتعمله وتحطله والحياه هيك مستمره اسفه طولت شوي بس والله هاد الي بسير بينهم

زي ما بسير معي هلا بس انا ما بحكي شي عادي اصلا بتريحني لانه متل ما حكيت انا نايطه ومزاجيه كتير
وخلي بده امه يروح بالاخر بلف بلف وبرجع لبيته مرته وولاده

اسمعوا مني يا بنات ما تغلبوا حالكم بس انتوا ما تعطوا فرصه الها تعمله شي

&نسيم الروح&
04-15-2009, 06:29 AM
انا عن نفسي من هلا بشرط ع اي خطيب انو يكون لا ام ولا خوات


روان انا كنت اشرط هيك ههههههههه بس والله ما طلعلي هيك اما حماتي منيحه كتير هلا ما في مانع انها ئويه والها نهفات بس كله كوم واخته الصغيره كوم الواحد بحس حاله بده يدبحها هههههههه ديري بالك تتجوزي واحد عنده اخت صغيره يعني ولا اخ صغير اقل من 20 هههههههههه بتنجلطي

حمساوي الحرية
04-15-2009, 07:51 AM
السبب العام للخلافات :هو المرأة ككل وغريزة الجمال لديها والقوة بمعنى انها دوما تريد ان تكون هي الاجمل والافضل في كل شيء .

السبب الاكثر تفصيلا :الام التي ربت ابنها وحملته في رحمها واهتمت بشؤونه كلها لا تتقبل بسهولة فكرة ان تأخذ الزوجة ابنها منها .
اما الزوجة فتريد من زوجها ان يهتم بها هي وحدهاولا تتقبل فكرة اهتمامه بغيرها ابدا حتى لو كانت امه .

فهي علاقة موجودة منذ القدم وهناك عدة مسميات والقاب لها علاقة بالموضوع منها كيف تكون حماتي كل حياتي، العلاقة بين الحماة والكنة جنة ام نار ؟

الزوج له دور كبير في التقريب بينهما والاتفاق من خلال الكلمة الحلوة والبسيطة .

لاتهدد زوجتك دائما بأمك .

لا تقل كثيرا طبخ امي افضل وتنظيف امي ارتب امي امي امي لاتقل كثيرا هذه الكلمة للزوجة لانها تشعر بالملل والغيرة والانزعاج وهنالك فرق كبير بينهما .

حافظ على خصوصية علاقتك بأمك وزوجتك .

حين تكون مع امك لوحدكما قل لها كلام جميل وكلمات تدل انها الافضل وانه لا مثيل لها ابدا .

وعندما تكون مع زوجتك وحدها قل لها نفس الكلام الذي قلته لامك .

والسلام عليكم ورحمة الله وبركاته ( تقبلوا مروري )............

ابتسامة الحياة
04-15-2009, 11:33 AM
السبب العام للخلافات :هو المرأة ككل وغريزة الجمال لديها والقوة بمعنى انها دوما تريد ان تكون هي الاجمل والافضل في كل شيء .

السبب الاكثر تفصيلا :الام التي ربت ابنها وحملته في رحمها واهتمت بشؤونه كلها لا تتقبل بسهولة فكرة ان تأخذ الزوجة ابنها منها .
اما الزوجة فتريد من زوجها ان يهتم بها هي وحدهاولا تتقبل فكرة اهتمامه بغيرها ابدا حتى لو كانت امه .

فهي علاقة موجودة منذ القدم وهناك عدة مسميات والقاب لها علاقة بالموضوع منها كيف تكون حماتي كل حياتي، العلاقة بين الحماة والكنة جنة ام نار ؟

الزوج له دور كبير في التقريب بينهما والاتفاق من خلال الكلمة الحلوة والبسيطة .

لاتهدد زوجتك دائما بأمك .

لا تقل كثيرا طبخ امي افضل وتنظيف امي ارتب امي امي امي لاتقل كثيرا هذه الكلمة للزوجة لانها تشعر بالملل والغيرة والانزعاج وهنالك فرق كبير بينهما .

حافظ على خصوصية علاقتك بأمك وزوجتك .

حين تكون مع امك لوحدكما قل لها كلام جميل وكلمات تدل انها الافضل وانه لا مثيل لها ابدا .

وعندما تكون مع زوجتك وحدها قل لها نفس الكلام الذي قلته لامك .

والسلام عليكم ورحمة الله وبركاته ( تقبلوا مروري )............

:icon30: عين العقل

مبروك ما اجاكم
04-15-2009, 12:01 PM
هلا انا مجربه وبحكوا اسال مجرب وما تسال حكيم انا ما رح ادافع عن حالي ولا عنها

كل وحده الها فصولها النائصه وهلا احنا صحيح متفاهمين وما بنتزاعل وما بنحكي شي

احكيلك شي متلا انا نايطه ومزاجيه بالشغل والمساعده احيانا ما بحب اساعد انا حره حدا اخو مرائي شي هههههههههه والله انا بنجلط من حالي بس انا هيك للاسف

اما هيه متلا ازا انا رحت على المول وصرفت كتير وكان زوجي معصب بتيجي بتحكي والله معه حئ وعلى شو هاد كله وليش هههههههههههه

انا بعصب بس ما بفتح تمي بشي هاد سبب انه ما في خنائات وامي وحماتها كانوا هيك وحده تحكي التانيه تسكت وبالاخر برجع للاصل اصل الحمايه واصل الكنه

اما سبب الخناء هو الزوج لانه امه بتحس انه وحده اجت اخدته من حضنها لو كان 50 سنه وبلش ينشغل بمرته وبعدين ولاده وبتسير تحاول ترجعه الها متلا بتعمله اكله بتحاول تغلط مرته متلا ابني ما بحب الطبخه هيك بحبها هيك او تعال ماما شو بدك انتا تتغدا بتحب شي معين على الفطور متلا بده الرجال ياكل بيض مئلي وبطلب من مرته بتروح امه بتنط بتحكي انا بعمله خلص مو مشكله شوي شوي

ببطل يطلب من مرته شي وبتسر المره تحاول ترجع جوزها لعندها بتدلعه وبتعمله وتحطله والحياه هيك مستمره اسفه طولت شوي بس والله هاد الي بسير بينهم

زي ما بسير معي هلا بس انا ما بحكي شي عادي اصلا بتريحني لانه متل ما حكيت انا نايطه ومزاجيه كتير
وخلي بده امه يروح بالاخر بلف بلف وبرجع لبيته مرته وولاده

اسمعوا مني يا بنات ما تغلبوا حالكم بس انتوا ما تعطوا فرصه الها تعمله شي

لا ولو ما طولتي ولا اشي بلعكس متونسين
ههههههههه
واذا النتيجة من هالمشاكل تزايد دلال الزوج من الطرفين
ايش منا احسن

شكرا نسيم الروح
بالتوفيق

حمساوي الحرية
04-15-2009, 12:01 PM
:icon30: عين العقل

مشكورة جدا اخت ابتسامة الحياة على مرورك.

Thanks

مبروك ما اجاكم
04-15-2009, 12:05 PM
السبب العام للخلافات :هو المرأة ككل وغريزة الجمال لديها والقوة بمعنى انها دوما تريد ان تكون هي الاجمل والافضل في كل شيء .

السبب الاكثر تفصيلا :الام التي ربت ابنها وحملته في رحمها واهتمت بشؤونه كلها لا تتقبل بسهولة فكرة ان تأخذ الزوجة ابنها منها .
اما الزوجة فتريد من زوجها ان يهتم بها هي وحدهاولا تتقبل فكرة اهتمامه بغيرها ابدا حتى لو كانت امه .

فهي علاقة موجودة منذ القدم وهناك عدة مسميات والقاب لها علاقة بالموضوع منها كيف تكون حماتي كل حياتي، العلاقة بين الحماة والكنة جنة ام نار ؟

الزوج له دور كبير في التقريب بينهما والاتفاق من خلال الكلمة الحلوة والبسيطة .

لاتهدد زوجتك دائما بأمك .

لا تقل كثيرا طبخ امي افضل وتنظيف امي ارتب امي امي امي لاتقل كثيرا هذه الكلمة للزوجة لانها تشعر بالملل والغيرة والانزعاج وهنالك فرق كبير بينهما .

حافظ على خصوصية علاقتك بأمك وزوجتك .

حين تكون مع امك لوحدكما قل لها كلام جميل وكلمات تدل انها الافضل وانه لا مثيل لها ابدا .

وعندما تكون مع زوجتك وحدها قل لها نفس الكلام الذي قلته لامك .

والسلام عليكم ورحمة الله وبركاته ( تقبلوا مروري )............


كلامك سليم شيخ
بس لو كل ام اتذكرت انها كانت كنة فيوم من الايام كان ما بصير اشي وزي ما اجت واخذت ابنها منها
هي كمان اخذت ابن حماتها مش هيك

مشكور كمان مرة
منور

حمساوي الحرية
04-15-2009, 12:27 PM
All due respect to you my brother

همسة وفاء
05-25-2010, 12:09 PM
السلام عليكم ورحمة الله وبركاته
موضوع متشعب وهي المشكلة التى نتوارثها جيلا بعد جيل
الكنة .....والحماة
للأسف تكبر الفتاة في مجتمعنا الشرقي على قصص وحكايات أمها مع جدتها
أو قريبة لها مع حماتها
فلا تكاد جلسة تخلو من ذكر هذه القضايا ومشاكلها المتعلقة بها
فتنشأ الفتاة وهي تحمل كماً لا بأس به من هذه الثقافة إلا من رحم ربي
وتنشأ بجو عائلي يسوده التفاهمات بين أفراد العائلة الممتدة
أقصد العائلة التى تجمع الآباء والأجداد
أعود إلى الفتاة التي تتزوج ومعها هذا التراث من حكايا الحموات الشريرات
نجدها تتسلح بجميع أنواع الأسلحة وتهيء نفسها لمعارك
حتى قبل أن تحدث بينها وبين حماتها
وتجد أن كل عمل تقوم به الحماة هو بالضرورة ضدها
فتذهب إلى أقرب مرجع لها طالبة
النصيحة وكيف ترد وتكيد وتتمرد دون أدنى تفكير بحسن الظن في حماتها
وتتوالى المشاكل والقصص والحكايات وتصبح الحياة عبارة عن فعل ورد فعل أعنف
وهكذا دواليك
نأتى هنا للحماة
الحماة بدورها ومن منطلق وضعها كأم وهي المتحكمة في البيت سنين طويلة
يصعب عليها أن تتقاسم دور ست البيت مع هذه القادمة الجديدة مع أنها هي في الأغلب من اختارتها لابنها
ومن فرط حبها لابنها تجد صعوبة كبيرة أن تلاقي ابنها وهي التى كانت محور اهتمامه ومصدر سعادته
تجده قد تحول إلى زوجته وعروسه فأغدق عليها الحب والاهتمام وربما نسي أمه بعض الوقت
بعض الأمهات- وهذه أنانية منهن- لا تتحمل أن يتحول اهتمام ابنها إلى زوجته
فتشتكى وتتشاكى وتتباكى على ابنها العاق من وجهة نظرها والسبب طبعا زوجته
فتتحول نقمتها عليها ولا تطيق لها وجود
اخي
المشكلة أبسط من تحمل كل هذا الكم من المعاناة


الحل بكل بساطة هو :
أن تتخذوا من الاحتواء سبيلا في معاملاتكم مع زوجات أبنائكم
وهنا أؤكد لو أن الجميع جرب طريقة الاحتواء لما كانت هناك أي من المشاكل التى نسمع فيها
ولعاشت الكنة والحماة بسعادة دائمة
الاحتواء يعنى بكل بساطة هو التغاضي عن الهفوات الصغيرة
وتمرير المواقف البسيطة وعدم الوقوف عندها والعمل (من الحبة قبة)
وإذا كان هناك أمرا خطيرا فـــ بالحب والهدوء يُناقش الموقف لنتبينه ونستوضحه
قبل أن نحكم على الكنة بحكمنا القاسي
لنحسن الظن لكي لا يكون هناك ظلم
نأتي الآن للقاعدة الذهبية
لو أن كل كنة عاملت أم زوجها كما تعامل أمها
ولو أن كل حماة عاملت كنتها كما تعامل ابنتها
صدقوني لن تكون هناك أي مشكله
وستختفي هذه القصص من قاموس حياتنا
وستصبح من العهد القديم
ولكن ...................من سيبادر أولا
اخي الكريم
أعتذر عن الإطالة ولكن الموضوع يستحق الوقوف عنده
بارك الله فيك على طرحك الموضوع
والحمد لله والدتي تتعامل مع نسوان اخوتي بكل حب

الأم التى تحب أبناءها.......تهيئ لهم أسباب السعادة
تقبل مرورى
دمت بود
همسه وفاء