ماهو شعور هذه الفتاة

[مبروك ما اجاكم]

بسم الله الرحمن الرحيم


إن من حكمة الله جل في علاه أن شرع النظرة الشرعية بين الرجل والمرأة
عند الخطبة وتكون برؤية الشب للفتاة
)

المهم : ما شعور الفتاة التي يتقدم عريس لخطبتها
ثم يراها ، وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وكل شيء قسمة ونصيب..!!

مع انو بكون رفض الشب للبنت
من مصلحة البنت احيانا ما بتعرفو
لاكن الا ما ينتابها شعور معين

وهل من الصحيح انو البنت لما يجي يطلبها شخص معين انها تظهرلو شعرها مثلا او تلبس لباس ملفت سامحوني على هالكلمة
او انو الشب من حقو انو يشوف عروستو المستقبلية باجمل هيئة



أريد آراء صريحة ومواقف واقعية .....

[نداء الوطن]

اول شي شكرا على الموضوع
ثانيا اكيد شعور بشع كثير وبجرح كمان
لما بتكون البنت مهيأه حالها وبتكون مبسوطة انه رح يتقدم الها حدا وبالاخر يرفض
انا ما بحب هيك زواج
لانه البنت مش سلعه معروضة بالسوق اللي بده ييجي يتفرج وبعدين خلص ما بتعجبه
شو ما كان السبب اللي رح يرفض الشاب على شانه البنت بتضل هناك ولو ذرة من الضيق بقلب البنت

[مبروك ما اجاكم]

[color="blue"]

لانه البنت مش سلعه معروضة بالسوق اللي بده ييجي يتفرج وبعدين خلص ما بتعجبه
color]

كلام سليم

بس للاسف معظم الزيجات الي بتكون عن طريق الزواج التقليدي بتكون هيك

بس انا كنت حابب اجاوبي كمان عالسؤال التاني

شكرا نداء نورتي

[نداء الوطن]

اسفة جدا نسيت اجاوب
برايي لازم تضل البنت على طبيعتها
لسبب انه اذا شافها بيوم من الايام بدون مكياج وزينه وما اعجبته
ما يحكي انخدعت فيها
كمان الاسلام حرم ظهور المراة مزينه الا لزوجها مش للانسان اللي رح يصير زوجها
طيب واذا ما صار نصيب شو تعمل؟؟؟
انا اللي بعرفه انه اذا الرجل طلب يشوف شعر المراة لازم ترد عليه
بس كمان برايي انه مش اي واحد لازم نرد عليه
ولازم يكون الاهل متاكدين انه مش بتلاعب هالرجل
يعني انا كانثى
مستحيل اوافق اكون سلعه يتاجر فيها
ومستحيل اعمل شي لوجهي او جسمي لحتى اكون غير شكل
انا بحب اكون على طبيعتي وبحب اضل هيك على طول

[مبروك ما اجاكم]

بعرف اني اكتير غلبة سامحيني
لاهتمامي بالموضوع فقط حبيت اشوف ردك عالسؤال

شكرا نداء فكرتك وصلت وانشالله بتكوني هيك عطول
تحيتي لكي

[مبروك ما اجاكم]

وينكم يا جماعة

[صدى الحب]

بالنسبة لسؤالك الاول

اكيد بتكون ردة الفعل مجرحة خاصة لما تكون البنت موافقة

اما بالنسبة لسؤالك التاني

الاسلام حلل للرجل انو يشوف البنت كنظرة شرعية بس بشرط انو ازاما اعجبتوا ما يطلع يحكي عنها

بالنسبة الي انا مستحيل اطلع قدام شب غريب وانا مزينو ومكيجة حتى لو كان بدو يصير زوجي لانو بيقدر يبعث امو وخواتوا يشوفن وكمان طبيعة المجتمع الي انا عايشة في ما بصير عنا هيك يعني ازا الشب بدو يشوف البنت بشوفها وهي محجبة بس ....


هيك انا بعرف وهيك رأي

وللناس اراء طبعا


يسلمو خيووو والا خيتو

الصراحة مش ميزة


ما ننحرم

[مبروك ما اجاكم]

شكرا يا صدى رأيك مقتع
اخوكي محمد

[seedra]

الموضوع حلو
انا من وجهة نظري القصة كلها من الاول ما بتعجبني انو البنت اتضل تطلع وتفرجي حالها للرايح والي جاي يعني قصة انو تيجي ام العريس وتقول بدنا نشوف بنتكم ما بحبها مع انها الطريقة التقليدية بمجتمعنا للزواج بس ما بقتنع فيها لانه فعلا ازا صار موقف انو الشب او حتى ام العريس ما عجبتو البنت اكيد البنت رح تحس انو هية سلعة مو بني ادم من لحم ودم الطريقة الي بتقنعني انو الشب هوة الي يجيب امو ويقلها اخطبيلي هالبنت مو الام الي تجيب الابن وتقلو تعا شوف هالبنت وبالنسبة للسؤال التاني لازم تطلع بحجابها قدامو عطبيعتها ممكن شوية ميك اب خفيف وعجبو عجبو ما عجبو بالناقص بالنسبة إلي هههههههههههه

[مبروك ما اجاكم]

بالناقص بالناقص بس مش عطول ههه

على كل شكرا الك سيدرا كلام حلو
بس اكتير منسمع انو لما يروح واحد تيشوف وحدة معينة
بتقعد من الظهر وهي تتمكيج وتلبس الخضر والاحمر يعني مش كل البنات بيحكو انو بس فلباسي الشرعي وقت الجد بيتنازلو شوي وهاد هو الغلط لازم زي ما حكيتي وما حكت صدى لازم اتكون عالطبيعة وشوية ميك اب ما بضرو

شكرا الك كمان مرة ومشاركتك احلى
منورة

[مبروك ما اجاكم]

88

[sweet soul]

مرحبا ..

اول شي انا بشوف ئصه انو البنت تلبس وتطلع مابتدخل مخي ومستحيل اعملها بعمري شو يعني اني البس وهوا ئاعد يطلع فيني واضلني استنى رئيو فيني !!


وهل من الصحيح انو البنت لما يجي يطلبها شخص معين انها تظهرلو شعرها مثلا او تلبس لباس ملفت سامحوني على هالكلمة
او انو الشب من حقو انو يشوف عروستو المستقبلية باجمل هيئة

بالدين بصير البنت تطلع بشعرها بس بدون ميكـ اب

صح حئو يشوفها احلى شي بس يعني تزبط حالها ئدامو وبعدين يتفاجأ انها عل الطبيعه غير ! بتتزبطلو بعدين

بس المهم يقتنع فيها متل ماالله خلئها بدون تحسينات عشان مايغشو بعض

وكل شي اسمه ونصيب

يسلمووووو

[مبروك ما اجاكم]

اهلين

قصة انو يقعد ويطلع فيكي هاي ما منها مهرب لانو لازم يقعد ويطلع فيكي
حتى لو طول عمرو بشوفك وبتشوفيه
لازم يطلع هههه
بس انا برايي ما يزيد الوضع عن حدو يعني زي ما احكت اخت هون انو من المتعارف عليه انو الام والخوات بفلوها للبنت وما بيخلو منها اشي صح ولا لا
شغل نسوان هاد

شكرا كتير sweet soul ردك حلو كتير

ما ننحرم

[مبروك ما اجاكم]

88