هل تخاف الموت

[روان فلسطين]

السلام عليكم ورحمة الله



احباي


كثيره هي الاشياء المخيفه من الحياه


ولكن الاكثر خوفا هو الموت



وهو حق على كل انسان في هذي الدنيا


وفي الغرب هناك شركات متخصصه في تجميد الموتى في كبسولات بقصد ارجاعهم للحياه في المستقبل


وهذا شي مستحيل طبعا لان الميت لايحييه الا رب العالمين


وليس هناك خلود الا في الجنه


المهم ياخوان



سؤالي هو



هل تخاف من الموت ؟ ولماذا


ومارائيك في فكرتهم عن تجميد الموتى وهل يعقل ان يكون صحيح مايقومون فيه ؟



المعذره على هذا الموضوع المتشائم ولكن هو سؤال يدور في بالي منذ فتره وشكرا لكم ياخوان



تحيتي لكم

[وردة فلسطينية]

لا إلاه إلا الله محمد رسول الله

أختي روان الموت علينا حق

بالنسبة للخوف من الموت انو نموت وربنا مش راضي عنا

وموضوعك مافي أي نوع من التشاؤم ياقلبي

وبالنسبة لتجميد الأموات في كبسولات طبعا مافي حد قادر على اعادة الانسان للحياة غير سبحانه وتعالى

وهاي خرافات غربية والله القادر على كل شيء

ومتل ماقلتي الميت لايحييه الا رب العالمين

وليس هناك خلود الا في الجنة

اسأل الله أن يرزقنا وإياكم سكناها

تقبلي مروري على صفحتك الرائعة اختي العزيزة

تحــــــــــ وردة فلسطينية ـــــــياتي

["الزعيم"]

بدك الصراحة ما في حدا ما بخاف من الموت

وانا بخاف من الموت

لكن ما بهرب منه، وأؤمن فيه

بل بحاول اني اعمل بجد حتى القى ربي بصدق


وبنحاول نموت شهداء حتى تكون الموتة حلوة

مشكورة حجه روان

[فارس الوطن]

عااادي ..

انا ما بخافو .. يمكن لاني تعرضت لمواقف وكان الموت بعيد عني شعرة

بعدين مش موضوع متشائم ولا شي بالعكس ... الموت علينا حق

وبالنسبة لهدول الغرب اللي بجمدو الجثة جهلة .. عدم الالتزام بالضوابط والسلوك يعتبر جهل

بزكروني بالملوك ايام الحضارة الفرعونية وبعض حضارات مابين النهرين لما كان الملك قبل ما يموت يوصي انهم

يحنطوه ويحطوه بمكان اشبه بهرم بسموه زيجوريت حتى يستعد للحياة بعد ذلك ..

قال تعالى: (وهو الذي أحياكم ثم يميتكم ثم يحييكم ...)


تحياتي ..

[نداء الوطن]

مشكورة على السؤال يا روان
انا ما بخاف من الموت ولا برتعب منه مثل ما كثير ناس بشوفهم لما بنذكر سيرة الموت
واللي بشوف قدامه ناس ميته وهم اعز الناس على حياته اكيد ربنا بحط الصبر بقلبه
وينتى ما ربنا بكتب النا الموت احنا جاهزين لانه لما هو بده يحدد ما في قوة بالعالم كله بتمنع هالشي

[نور الهدى]

ممم

انا ما بخاف من الموت في حد ذاته بقدر خوفي لما بعد الموت .. الواحد مش عارف اذا ربنا راضي عنه او لا ..

نسأل الله السلامة

بالنسبة للتجارب الموجودة في الغرب .. ما اعتقد انه هالشي صحيح

ما عمري سمعت عنها

لأنه المعروف انه جميع اعضاء الجسم ميتة .. حتى انه في جراحات زرع القلب مستحيل يتم زراعة القلب بعد ساعتين من استئصاله لأنه بكون ميت تماما

فبستبعد تكون هاي التجارب موجودة

اعتقد انه الموت هو الشيء الوحيد المُـسلّم به من الجميع .. مؤمنين كانوا او ملحدين

//

اشكرك على الموضوع ^^

[ابن الخليل]

الخوف من الموت شعور فطري عند كل انسان بشكل عام اه الواحد بخاف من الموت , بس سبحان اللله الواحد كمان بتمنى الموت يعني كل واحد فينا بتمنى الموت في سبيل الله لانو ما في احلى و لا اجمل و لا الذ من الشهادة في سبيل الله الله يطعمنا اياها جميعا