ليش بيمسك ايدها [الأرشيف] - منتديات شباب فلسطين

مبروك ما اجاكم

03-20-2009, 11:51 PM

السلام عليكم
واسعد الله اوقاتكم
حبيت يكون اول موضوع لي في هذا المنتدى عبارة عن تساؤل وانا حابب انو نتناقش فيه

خـلال طلعاتي للسـوق لاحـظت أكـثر من شغلة ملفــته للإنــتــبــاه و حبيت اطرحـها لكـم هـنا

عـشــان نتبادل الآراء في جـو من النقـاش الهـادف

أول ملاحـظة لاحـظتهــا ان في هذه الايام كـثرة المنــاظر اللي نشوفها من ناحيــة

ان رجال يمشي و ماسك يد زوجته او خطيبته بطريقة ملفته للإنتباه سوا كان ماسك كفها او ذراعها بذراعه

حبيت آخذ رايكـم في هذه النقـطة

من وجهة نظركم

ليش الرجال يمسك يد زوجته او خطيبته و هو في الشارع او في السوق أو في أي مكان عـام؟!

هل هو خايف عليها تضيع ؟؟؟؟؟؟؟

او دلالة من دلالات الحـب
وهل انت مع هذه الحركة او لا وليش

تحيتي لكم و مبروك ما جاكم

&نسيم الروح&

03-21-2009, 07:03 AM

هلا الي بعرفه انه يمسك كتفها لا عيب بجد

اما ايدها ازا كانت خطيبته بكون مبسوط فيها وازا مرته بكون يحبها

مو لانه ممكن اضيع بس شي حلو

والله انا ما بعارضه بحب هيك لانه الزوجه هيك بتحس بامان

وبتعرف انه مستحيل حدا يرمي كلمه الها او اي شي تاني

على العموم ميرسي الك على الموضوع ولو انتي متاكده انه مو الكل بحب هاد الشي

فلسطينيه!17

03-21-2009, 02:35 PM

هههه

انا مره شفت تنين بالسوق هيك

وحسيت انو البنت بس بدها الكل يشوفها

يعني زي كانها بدها الكل يشوفهم يعني انو شوفوناااااااا هي احنا ماسكين بأيدين بعض

يعني كانها شغلة مجاكره او يعني غارو منيي هههه

ما بعرف بس هيك حسيت

وفي كتير هيك عفكره

بس يمكن انو الاغلب زيادة حب

او مش مسدقين حالهم بمشو مع بعض هههههه

يسلمو مبروك عالموضوع

فراشة

03-21-2009, 02:41 PM

سبيه يمسكها يا فوزية مش يمكن تطرى بأيدو ....هههه

انتو ليش غيرانين ....

بجد هلا ... يمسكها مسكة ملفته هاد عيب ... لكن لو زحمة أو رح يقطعوا طريق عادي شو فيها ...

حتى لو بيتمشوا شو فيها لو مسكوا ايد بعض ..( مسكة عادية ) نوع من الترابط ...

هادا رأيي وشكرا يا حج مبروك ما جاكم

limar

03-21-2009, 02:48 PM

سيبو الناس بحالها

لسا منتطلع على العالم وهداك شو بيعمل وهديك شو بتعمل

خطيبتو او زوجتو شو الغلط

انا مو شافية فيها شي غلط

سيبو العالم بحالها وبكفي نحكي على الناس هادا رايي

السيف عدي

03-21-2009, 02:51 PM

عادي يعني

][ BLACK CAT ][

03-21-2009, 03:44 PM

كرمال الرومانسيه عندن زايده حبتين

][ BLACK CAT ][

03-21-2009, 03:52 PM

يسلمو عالطرح

تقبل مروري

haboosh

03-21-2009, 04:07 PM

يعني ياااااااااااااا نااااااااااااااااس نحنا مبسوطين و ما حد قدنا

مبروك ما اجاكم

03-21-2009, 05:33 PM

شكرا الكم جميعا نورتوني والله
وانا هون بطرح تساؤل مو اكتر ما بجيب فسيرة الناس
شكرا الكم كمان مرة

bEnOoO

03-21-2009, 05:36 PM

ازا مرتو او خطيبتو,,
الله يهنيهم,,

اجمل احساس

03-21-2009, 07:49 PM

يمكن مبسوطين مع بعض ويمكن فشخرة قدام الناس همم على حسب النوايا بداخلهم وبعدين انا رأيي من رأي ليمار خلي الناس بحالهم وما دخلنا بحدا احسن

الحان الحرية

03-21-2009, 08:19 PM

برأيي عادي و بالعكس شي كتير حلو ازا ماسكين ايدين بعض بشكل عادي

يعني مش لازم يزودوها ..

بالعكس اشي منيح لألهم التنين و دليل ترابطهم و حبهم =)

و متل ما قالت بينو اذا متزوجين أو خاطبين اللهـ يهنيهم =)
شو دخلنا احنا p=

هاد رايي

شكرا ً ع الطرح =)

haya-jor

03-21-2009, 08:30 PM

لا ابدا مافيها شي يعني ثنين بحبو بعض ووين المشكله لو مسكو بعض عادي .
يعني بكونوا طايرين ببعض لشوو بالله نعمل كاني وماني
الله يوووفقهم ويهنيهم ببعض

الحلوة

03-21-2009, 09:54 PM

انا برائي انو مسكت الايد مافيها شيء
نوع من المحبه والود والالفه وبعدين هما متزوجين او خاطبين
يسلمو ايديك مبروك ويعطيك الف عافيه على الموضوع

أمير رفح

03-21-2009, 10:02 PM

انت من وين اولا ؟

ثانيا .. بيمسك ايدها لو كانت خطيبته او متزوجها جديد ..

بس لو كان اله فترة متزوجها .. ما بيطلع معها اصلا

قصصهم هذه عارفها كلها

مبروك ما اجاكم

03-21-2009, 10:43 PM

شكرا الكم
بس كمان مرة بحكي انا ما ادخلت فحدا تتحكو سيب الناس فحالهم
انا طرحت قضية لفتت انتباهي وبس
هل هاذا تدخل في شؤون الاخرين شكرا على اي حال
وانا من رام الله يا امير
تحيتي للجميع

&نسيم الروح&

03-22-2009, 07:28 AM

شكرا الكم جميعا نورتوني والله
وانا هون بطرح تساؤل مو اكتر ما بجيب فسيرة الناس
شكرا الكم كمان مرة

ما تزعل م حدا هون لانه كلنا هيك هههههههههه

احنا ما بنصدء يكون في شي

في لقب واحد بضل يحكي على اي واحد بعلئ زي ليمار ما علئت وبحكي عنه "صفيه المشتهيه" ههههههههه لانه بدها جنازه وتشبع فيها لطم مو اكتر

بس ممكن سؤال شو سبب الاسم هاد انا هلا شفت الاسم بس هههههههه بس لفتني كتير

مبروك ما اجاكم الله يبارك فيك يا رب

&نسيم الروح&

03-22-2009, 07:31 AM

انتا استنى بس انين تيجي ولا دموع الرحيل هدول رح يحكولك شو هاد

وعندهم بيت يمسك ايدها فيه ومن هاد الحكي

هلا في طريئه غلط وتانيه عادي انا لو حدا مسك كتفي الا بابا وكم واحد من اعز الناس بالشارع ما بعجبني اما ايدي

باجرها بــ 100$ على الدئيئه ههههههههههههههه الا لواحد ببلاش

بس زي ما حكيت فوء بالاول المراه بتحس بالامان ازا كان ماسك ايدها وكمان ما تنسى انه بتحكيله انا هون ما تتطلع لبره احسن ما رح تعرف شو بسيرلك

هادي المرأه وهادي افعالها

وبدي اعرف سبب الاسم انا

مبروك ما اجاكم

03-22-2009, 11:35 PM

شكرا الك خيتي
والقصة مش قصة زعل القصة انو اول موضوع الي بنزلو هون
ولا اعتقد اني ادخلت فحدا او اني تطرقت لموضوع يجرح شريحة معينة
حتى يحكولي اترك الناس بحالهم مستهجن القصة مو اكتر
وسبب التسمية يبنت عمي مش عارف شو احكيلك هههه بس قد ما اسمعتها من هالنسوين علقت فراسي
والكلمة خفيفة لطيفة
بتشكرك كمان مرة
دمتي بود

haboosh

03-23-2009, 09:16 AM

العفو..........................

دانة الامارات

03-23-2009, 11:10 AM

يمكن يبون يعيشون بجو ررومانسي ^ ^

تسلم على الموضوع وهذي وجهة نظري ..

رأفت

03-23-2009, 12:22 PM

على العموم هيه مسكة الايد فترة سنة او سنة ونص .....

و بعدين انسى الموضوع .... ايد الرجل ما بتفضى خيو ....

لا اما شايل الاكياس... لا اما الاولاد ......

اللي معي يرفع ايدو ....

ههههههههههههههه

تحياتي ...

مبروك ما اجاكم

03-23-2009, 05:43 PM

شكرا الكم دانة رأفت
ويا سيدي كل واحد وشخصيتو
منورين

.. ليآل ~

03-23-2009, 06:17 PM

ليش بيمسك ايدها

وليش مايمسك ايدها ؟؟

شغله عاديه كتير مافيها شي ابدا

بس طبعا في حدود الزوء والادب

شكرا كتير مبروك ما اجانا ^,^

مبروك ما اجاكم

03-24-2009, 12:41 AM

الله يبارك فيكي
تشرفنا بمشاركتك

sweet soul

03-24-2009, 01:03 AM

ههههههههههه وشو فيها مش خطيبتو او مرتو شو الغلط!!

يعني هيك انو بحبها لاشعوريا بمسكها

ع فكرا اكتر من مرا شفت رجال ماسك ايد مرتو وعم يبحلئ بغيرها!! ابصر عشان يطمنها ومايروح تفكيرها لبعيد وهواي عمل الي براسو !! ^^

مرسي كتير

limar

03-24-2009, 11:30 AM

في لقب واحد بضل يحكي على اي واحد بعلئ زي ليمار ما علئت وبحكي عنه "صفيه المشتهيه" ههههههههه لانه بدها جنازه وتشبع فيها لطم مو اكتر

حنين بدك تنتيف حبيبتي

بس الئطك انشالله

واخي انا ما علئت عليك انتا

اننا طرحت الموضوع واكيد شفتو في مكان معين ونئلت الفكرة

بس الي كتب الموضوع الشخص الاصي حدا ئاعد يرائب الناس او غيران

عيب انو نتطلع على العالم منحلل النا ومنحرم لغيرنا

شو يعني ازا خطيبي مسك ايدي اصرخ والم عليه العالم وبالاخر ليش احكي ال ايه بيعديني هههههههههه

يعني الي حكيته ما كنت انتا المقصود فيه

غير هيك حتى الكلام موجه للاعضاء

لانو المفروض انو الموضوع طبيعي بين اي تنين متزوجين ليش لنتدخل احنا

هادا رايي

وسوري ازا فهمت غلط لاني انا ما وضحت منيح

ومرة تانية حنين بدك تنتيف وانا بفرجيكي

بلسم الحياة

03-24-2009, 01:11 PM

من فترة وأنا أتصفح المنتدى الفلسطيني الطيب هذا
ولكن ما استفزني اليوم ودعاني للتسجيل ,,هو بعض ردود الاعضاء على صاحب
الموضوع ,,

أخونا طرح موضوع وكان حابب ياخذ رايكم فيه ,,
فاذا ببعض الاعضاء ,,يتكلموا وكانه الشاب ماسك في ايده منظار
وكل عمله النظر للناس ومتابعة امورهم ,,,للاسف هذه الطريقة خاطئة في النقاش,,:icon9:

بالنسبة لرأيي أنا في الموضوع ,,

أنا ضد انه الزوج يمسك ايد زوجته او حتى خطيبته في الشارع ,,
يعني اذا كان بحبها :icon26: لا ياتي التعبير عن مدى حبها الا فقط بمسك يدها في الشارع
سبحان الله ,,كم امركم غريب,,!!

انا ضد لانه الموقف يلفت النظر ...ويعني ,,اللى مش شايفنا شوفنا كيف ماشيين
وشوفنا كيف بنتدلع في الشارع ,,

ولماذا خلقت البيوت والمنازل ,,
ولماذا سمي البيت ,,ببيت الزوجية؟؟

شكرررررررا لكم جميعا ,,

انا ما دخلت هنا لكي اتهجم على احد بعينه ,,
سامحوني بجد انا مستفز فقط ,,
وان شاء الله سأكون معكم هنااااا

سامحوني على المشاركة الاولى لي ,,بهذه الطريقة

نداء الوطن

03-24-2009, 03:57 PM

مشكور على الموضوع
انا برايي انه ما بصير يعمل هيك
لانه اللي بده يحب مرته ويدلعها مش قدام البشر
بكفي انه يحترمها ويخاف عليها بدون ما يمسك ايدها
لانها مش صغيرة وما بتضيع
وانا من الناس اللي بتتعقد لما بتشوف هيك منظر بالشارع

مبروك ما اجاكم

03-24-2009, 11:31 PM

شكرا الكم
sweet soul حكيك حلو نورتي
اختي ليمار انا بشوف انه كبرنا المسألة اكتر من اللزوم الموضوع انا لاحظته في الشارع ونقلته اليكم لكي يكون عندي خلفية عن تفكير الاعضاء بهذه المسالة ولم اكن استطيع النقاش حول هذه المسألة لان كل المشاركات السابقة كانت مؤيدة للظاهرة اما الان فقد وجدت بعض المشاركات المعارضة للموضوع وهنا تصبح الفرصة متاحة للنقاش وهو هدفي الاساسي
انا بحترمك وبحترم رايك وارجو ان تقبلي ردي كما قبلت تعليقك وشكرا

بلسم الحياة شكراً الك وقفتك معي لا تنسى

اختي نداء شكرا لمشاركتك لاكن انا براي انه هذه الحركة يمكن ان تدخل شعور نوعا ما بالطمأنينة والاستقرار
صح كلامك انو مش لازم قدام البشر بس لا اظن ان هذه الحركة ضد الدين والشريعة
شكرا الك كمان مرة نورتي
تحيتي للجميع

أحلى فش

03-25-2009, 07:13 PM

ليش الرجال يمسك يد زوجته او خطيبته و هو في الشارع او في السوق أو في أي مكان عـام؟!

هل هو خايف عليها تضيع ؟؟؟؟؟؟؟

او دلالة من دلالات الحـب

هوا بس يكون خايف انها تبعد عنو عشانو ما يقدر يعيش بدونها لحظه :icon11:
انا مااشوف انو فيها شي غلط
بعدين صح انها حركه بسيطه بس تحسس البنت قديش هوا مهتم فيها ..

limar

03-25-2009, 07:25 PM

اختي ليمار انا بشوف انه كبرنا المسألة اكتر من اللزوم الموضوع انا لاحظته في الشارع ونقلته اليكم لكي يكون عندي خلفية عن تفكير الاعضاء بهذه المسالة ولم اكن استطيع النقاش حول هذه المسألة لان كل المشاركات السابقة كانت مؤيدة للظاهرة اما الان فقد وجدت بعض المشاركات المعارضة للموضوع وهنا تصبح الفرصة متاحة للنقاش وهو

فعلا كبرنا الموضوع

بس على فكرة انا مو غلطانة

لانو لمجرد ملاحظتك للموضوع بالشارع وونقلتو للمناقشة فاحنا يعني عم نراقب العالم

وهالشي مو من حئنا

وازا كان غلط

لا انا ولا انتا ولا الف زينا بيطلعلنا نحاسب العالم

لانو في الله لحاسب العالم

بعدين عنوان الموضوع طريقة صياغتو مستفزة

يعني ببين انو في استسخاف لعقول النس بهالحركة

بدنا اناقش موضوع من الاساس كان فيك تحط الفكرة انو هالشي صح او غلط

مو اشارة استفهام وليش تمسك ايدها

والموضوع لو كان للنقاش ما كان زعلك ردي

اساسا ما بعرف ليش اخدت انو كلامي كان عليك

بس الي بعرفو انو كلامي مزبوط

مبروك ما اجاكم

03-25-2009, 09:51 PM

احلى فش شكرااا كتييير الك كلامك جميل نورتي

يا اختي ليمار انا ما بحكي انك غلطانة لا سمح الله انا بس استهجنت كلمة انو نراقب العالم
اختي الكريمة هل ان حكيت انو ليش بيمسك ايدها داخل بيتهم عشان اكون براقب فيهم
انا حكيت فالشارع والشارع للعامة وما بقدر امشي وانا مسكر عيوني

وممكن انو عنوان موضوعي مستفز ما بعرف ومنكم نستفيد
وبالنهاية ان بدر مني اي كلام يزعجك تقبلي اعتذاري