هل الانسان الفاشل بالدراسه فاشل بالحياه ؟؟

[اجمل احساس]

بسم الله الرحمن الرحيم

السلام عليكم ورحمة الله وبركاته

الموضوع ومافيه
انه في فكره سائده بمجتمعاتنا الي هي
انه الانسان الفاشل بالدراسه يعني انه فاشل بالحياه

راح احكيلكم
قصتين صغنونات
والنعسان يقوم يغسل وجهو و يصحصح معي منيح

القصه الاولى :
زمان لما كان والدي
توجيهي يعني سنة ال1900 وخشبه
كان معه شب شاطر كتيييييير
و معدلاتو دائما بال 90
الصيف هادا لما سافرنا
ركبت انا ووالدي بتاكسي
المفاجئه انه كان شوفير التاكسي
هو نفسو الشب الي كان بصف والدي
زمان بالثانوي
لما شافو بابا تفاجئ
وحكالو شو الي خلاك
تصير شوفير تاكسي بعلمي
انك كنت تدرس هندسه
حكالو الشوفير :
والله ما بعرف شو الي صارلي
كل ما ادخل كليه
بتعجبنيش وبحول هيييك
لحد ما تركت الدراسه وجبت سياره
وشتغلت عليها وهيني بدرس بولادي

نمتو ولا لسا معي
هادي الاولى
نيجي للتانيه :
عنا واحد بالعيلة
ما كان شغل دراسه بالمره
معه اعدادي
بس ابوه الله يرحمو فتحلو محل صغير لتصليح الغسالات والزي منه وقعدو فيه
وهلأ ما شالله حالتو الماديه
كتير منيحه
وعندو بدل المحل اربعه

هدول قصتين
لواحد كان متفوق بس فاشل بالحياه
ولواحد فاشل بالدراسه
بس ناجح بحياتو وقدر
يكون حالو ويوقف ع رجليه

هلأ
انتو مع اي الحالتين ؟
للبنات :
لو شبين تقدمولكم
واحد مش مكمل تعليم
بس عارف هو شو بدو
وبقدر يدبر حالو
واحد تاني
معه شهاده بس بعرفش يعمل اشي مين بتختارو ؟

وياترى مين الشاطر بنظركم
الي بعرف حالو مش تاع دراسه
وبدور ع شي يبدع فيه ، ولا
الي بضل يدرس وبالاخير
بعملش اشي
والزمن بتقدم وهولسا مكانو ؟
وهل درجة التعليم الها تأثير ع تعاملك مع الشخص ؟
وهل النجاح بالدراسه هو مقياس للنجاح بالحياه ؟


خلص بكفيكم هيك

سوري ع الاطاله

[السيف عدي]

اكيد لا .. كتير ناس فاشلين في الدراسة وناجحين في الحياة العملية .. هادي ارزاق ..

يسلمو اديكي

[SWEET*GIRL]

brb

["بنت الأمارات"]

موضووع قيم

وبالعكس انا احس اللي فاشلين في الدراسة هم اللي ينجحون في دراسة أكثرر

هذي وجهة نظري

وكل شي يستوي في الحياة

تحياتي

بنت الأمارات

[الاردنية]

أنا بختار الشب الثاني لأنو عارف حالو من الأؤل انو مش فالح بالدراسة فلازم أنو بيدور على شئ بيبدع فيه
أما مش كل واحد بيتعلم ناجح لانو ممكن أنو ينجح بدراستو و بمعدلات عالية كتير بس ما بيلاقي شغل مناسب للشئ اللئ درسو و مش سهل إنو يلاقي شغل بسرعة

[Twin]

وبالعكس انا احس اللي فاشلين في الدراسة هم اللي ينجحون في دراسة أكثرر


فسريلي ياها بالله !!


...


سؤالك اجمل احساس محير شوي .. يعني صحيح الشهاده اهم شي بالحياة ..


ربنا قال في كتابه :


( وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا )



يعني الشغل ما بيدوم مع الانسان طول العمر .. بلكي لاقدر الله كان منيح بعمله وكل شي


ومتل ما بيحكووو مرت عليه الايام وراح عملووو .. اكيد رح يكون عندو شهاده تساعدووو ..


صح ولا لا ؟؟


يعني بفضل المتعلم اكتر انا .. بس طبعا بترجع لقدرات الفرد .. متعلم و ع قولتك ,, بعرف يدبر حالووو ..


ومتعلم وفاشل مهنياً ..


فسبحان من أعطى! وسبحان من هدى! وسبحان من خلق!


موضوع مميز


دمت بود // ..

[&نسيم الروح&]

اكيد لا هلا يمكن المتعلم احسن لانه كنت اشوف بابا كان يتعب ويشقى علشان راتب ما بكفي لاخر الشهر

وبنفس الوئت اشوف خالي المتعلم والي وهو ئاعد بالبيت بجي راتب لانه تقاعد

فهون اكيد بدي افكر بالمتعلم

طبعا هادي حاله خاصه وما بتتعمم لانه جدي ما كان دارس الا للصف الرابع وكان اكبر مقاول بالبلد والدنيا كلها بتعرفه

اما عن نفسي كان نفسي اخد واحد متعلم ومعه دبلوما اخدت واحد متعلم بس ما معه ياها لانه مو دارس الا كليه

لا وما بشتغل بالشهاده يعني

مو كل متعلم ناجح لانه يمكن يكون متعلم بس طموحه انه ياخد راتب يكفي لاخر الشهر وبس

وهاد الي بجلطني انا بحب الي عنده طموح يعمل ويساوي ويحكي انه هو بئدر حتى لو كان صعب عليه

لحد ما يوصل

[.. ليآل ~]

مش نظريه ،،، الدراسه شي

والشطاره والفهم بالحياه شي تاني

ياما شفنا ناس متعلمين ومعاهم شهادات بطولهم

لكنهم مابيملكوا اي خبره واي درايه

وكتير بنشوف ناس شهاداتها الدراسيه متواضعه جدا

لكن فاهمه الحياه وضعها كتير منيح

مش معنى كلامي انو الشهاده الجامعيه مش مهمه

بالعكس مهمه ومهمه كتير

لكن الارزاق بيد ربنا ،،، وكل انسان ربنا اعطاه شي

في ناس بتحب الدراسه وبتبدع فيها لكنها بتفشل في التطبيق ،،، وفيه العكس


موضوع مميز


شكرا حبيبتي

[*ريحانة القلب*]

طبعا الشهادة مش مقياس

واكيد في ناس نجحت دراسيا وفشلت عمليا

وبالنسبة لقصة شوفير التكسي فهاد لا يعتبر ناجح دراسيا اصلا

لأنو ما بعرف شو هدفو .. ولا شو بدو

بدليل انو كل ما دخل فرع تركو وراح للتاني ... وهيك ضيّع عمرو ع الفاضي !!






بس بشكل عام

هاتيلي هلأ شركة بتقتنع بالقدرة والموهبة والخبرة بدون شهادة

ما بظن فيه

لهيك بنظري الأضمن للمستقبل انو يكون دارس ..


وهذا لا يعني اني ممكن ارفض انسان متكامل من النواحي الفكرية والدينية والثقافية

بس لأنو مو دارس ..... مستحيل !


أهم شي يكون الانسان حاطط هدف قدام عينيه

وبسعى لهالهدف ..

وباعتبر الانسان الناجح فعلا هو الي عارف شو بدو بالحياة

وفاهم مواهبو وقدراتو منيح .... بغض النظر عن معو شهادة والا لأ








نقاش حلو

يعطيك الف عافية


(:

[haboosh]

لااااااااااااااااااااااااااء طبعا لانو في ناس ما دخلو جامعات و لا مدارس و عقلهم بيوزن بلد......
وما حد بيضحك عليهم.. و العكس صحيح...

[ابن مخيم طولكرم]

بسم الله الرحمن الرحيم

السلام عليكم ورحمة الله وبركاته

الموضوع ومافيه
انه في فكره سائده بمجتمعاتنا الي هي
انه الانسان الفاشل بالدراسه يعني انه فاشل بالحياه

راح احكيلكم
قصتين صغنونات
والنعسان يقوم يغسل وجهو و يصحصح معي منيح

القصه الاولى :
زمان لما كان والدي
توجيهي يعني سنة ال1900 وخشبه
كان معه شب شاطر كتيييييير
و معدلاتو دائما بال 90
الصيف هادا لما سافرنا
ركبت انا ووالدي بتاكسي
المفاجئه انه كان شوفير التاكسي
هو نفسو الشب الي كان بصف والدي
زمان بالثانوي
لما شافو بابا تفاجئ
وحكالو شو الي خلاك
تصير شوفير تاكسي بعلمي
انك كنت تدرس هندسه
حكالو الشوفير :
والله ما بعرف شو الي صارلي
كل ما ادخل كليه
بتعجبنيش وبحول هيييك
لحد ما تركت الدراسه وجبت سياره
وشتغلت عليها وهيني بدرس بولادي

نمتو ولا لسا معي
هادي الاولى
نيجي للتانيه :
عنا واحد بالعيلة
ما كان شغل دراسه بالمره
معه اعدادي
بس ابوه الله يرحمو فتحلو محل صغير لتصليح الغسالات والزي منه وقعدو فيه
وهلأ ما شالله حالتو الماديه
كتير منيحه
وعندو بدل المحل اربعه

هدول قصتين
لواحد كان متفوق بس فاشل بالحياه
ولواحد فاشل بالدراسه
بس ناجح بحياتو وقدر
يكون حالو ويوقف ع رجليه

هلأ
انتو مع اي الحالتين ؟
للبنات :
لو شبين تقدمولكم
واحد مش مكمل تعليم
بس عارف هو شو بدو
وبقدر يدبر حالو
واحد تاني
معه شهاده بس بعرفش يعمل اشي مين بتختارو ؟

وياترى مين الشاطر بنظركم
الي بعرف حالو مش تاع دراسه
وبدور ع شي يبدع فيه ، ولا
الي بضل يدرس وبالاخير
بعملش اشي
والزمن بتقدم وهولسا مكانو ؟
وهل درجة التعليم الها تأثير ع تعاملك مع الشخص ؟
وهل النجاح بالدراسه هو مقياس للنجاح بالحياه ؟


خلص بكفيكم هيك

سوري ع الاطاله
نعم معاك الحق