المساعد الشخصي الرقمي

مشاهدة النسخة كاملة : خلـونـآ نستحي شوي ع دمنـآ ,,

ايــاد
03-16-2009, 07:56 PM
السلام عليكم ,,


يمكن العنوآن غريب شوي صـح ,,



ميـن بقدر يحكيلي كيف وضع أهل غزهـ هلأيـآم ,,



ولا لأ ,, شو صـآر بالمسلسل التركي ع ام بي سي اليوم ؟؟



يعني معقول نحنـآ هيـك ,,

بننسـآ بسرعه ,,



بننسـآ محمد ودعـآء وسحر وعـآدل ,,




مين هدول ,,



هدول أطفـآل وآحد بلا أيد ووآحد بلا رجـل ووحدهـ رجليهـآ التنيتين رآحـو ,,



اعرفتوهم هسـآ ؟؟




انتهت الحرب وانتهينـآ معهـآ ,,


بطلنـآ انشوف عضو عم بدعو لأهل غزهـ ع الاهدآء ,,


بطلنـآ انشوف موآضيع ,,









انـآ جدآ هـ الشي مزعجني ,,

نحنـآ فلسطينيه ,, في منـآ بغرهـ ومنـآ بالضفه ومنـآ برآ فلسطين ,,



هلمنتدى مش معروف انو فلسطين إلا لانو اسمو شباب فلسطين ,,



وين التقـآرير عن فلسطين عن أطفـآل فلسطين عن أوضـآع فلسطين ,,


معظم موآضيعنـآ بصرآحه حكي فـآضـي ,,





يـآ أخوآن ,, فلسطين بدهـآ أهتمـآم أكتر وبدهـآ حب أكتر ,,

هلمنتدى فلسطيني ونحنـآ فلسطينيه ,,


لازم نهتم أكتر بقضيتنـآ ,, وبرموز قضيتـنـآ ,,




أكيد في منكم فهم شو عم بقصـد ,,



خلونـآ ما ننسنـآ أنو في نـآس بغزه بتنـآم ع الرصيف وتحت الخيمه ,,

ونحنـآ بنـآم وتحتـآ حرآم كهربـآ ,,



خلونـآ أنضل موقفين معهم نشعرهم انو مأسـآتهم هيـآ مأسـآتنـآ ,,




ويعطيكم العـآفيه ,,
السيف عدي
03-16-2009, 07:59 PM
بس هاد مو معناتو انو اللي عم يعملو الاعضاء غلط .. وأولهم انا ..

مين قال انو نسينا غزة واهلها .. ازا مزحنا او ضحكنا أو أو أو أو ....

الحياة لازم تفرض إيقاعها علينا ..
.. ليآل ~
03-16-2009, 08:03 PM
لا اخي اياد

ما تقسى علينا لهادرجه

مين قال انو نحنا نسينا اهل غزة

لا والله مانسيناهم

وكل يوم بنسأل عن اخبارهم واوضاعهم

مش شرط انو نحط مواضيع حتى نكون معهم

نحنا بأرواحنا وبقلوبنا دايما بندعيلهم

بس بالنهايه الحياه بدها تكمل

والله يكون بعونهم ويصبرهم

ونحنا والله ما بنملك الهم اي شي سوى الدعاء

موضوعك حلو ومميز

شكرا الك كتير
أنين الحزن
03-16-2009, 08:11 PM
انا معك اياد كلامك صح بس لما نحكي بمواضيع تانية أو مزحنا أو ضحكنامتل ما حكى السيف عدي هاد ما بيعني انو احنا ناسينين فلسطين أو اللي صار بغزة.............
السيف عدي
03-16-2009, 08:14 PM
لا اخي اياد

ما تقسى علينا لهادرجه

مين قال انو نحنا نسينا اهل غزة

لا والله مانسيناهم

وكل يوم بنسأل عن اخبارهم واوضاعهم

مش شرط انو نحط مواضيع حتى نكون معهم

نحنا بأرواحنا وبقلوبنا دايما بندعيلهم

بس بالنهايه الحياه بدها تكمل

والله يكون بعونهم ويصبرهم

ونحنا والله ما بنملك الهم اي شي سوى الدعاء

موضوعك حلو ومميز

شكرا الك كتير

يسلم تمك .. :showoff::showoff:
ايــاد
03-16-2009, 08:15 PM
منوريـن ,,

بـس نحنـآ عم ننـسـآ ,,

ومـآ في أولويـه لبلدنـآ وأهلنـآ ..


وكلنـآ مقصرين وأولهم أنـآ ,,


:)
.. ليآل ~
03-16-2009, 08:17 PM
لو على التقصير

كلنا بدنا تنتيف وضرب

بس برجع بئول

ماباليد حيله
a7la sereen
03-16-2009, 08:18 PM
غزة دايما في قلبنا شو ما صآآآآر

......

مشكور ايآآد ع التذكير الي احنا متذكرينو
السيف عدي
03-16-2009, 08:20 PM
لو على التقصير

كلنا بدنا تنتيف وضرب

بس برجع بئول

ماباليد حيله

بتعجبني واقعيتك .. :icon31::s (43)::s (43):
waleed1986
03-16-2009, 08:24 PM
خليها لربك يا حج انت مش عارف الوضع الي عايشينه وخاصه في الضفه يعني قبل ما نفكر نعمل شي لاهلنا في غزه كل السجون بتفتح قدامنا وبنصير بدنا مين يسال فينا
الله يهونها علينا واكيد اهل غزه في قلوبنا وما بننساهم ولا بنتخلى عنهم لو بدنا نموت او انقضيها في السجون
روان فلسطين
03-16-2009, 08:52 PM
والله فعلا يا ايد كلامك بيجي ع الواقع
فعلا حتى انا هديك اليوم كنت احكي بهالموضوع وغزه كل يوم بيروح فيها ناس ولهلا ما صار اعمار ولا حتى فكو الحصار
والدم يلي راح شربتو الارض
وحتى اسرائيل بتجهز لهجمه تانيه
والله كتير
طيب انا عندي اقتراح
شو رايك تعطينا خطوات نعملها غير الدعاء لانو ربنا عالم بالقلوب
شو رايك متلا نفتح موضوع صيام يوم الاتنين القادم لدعاء الله عز وجل بالتفريج عن اهل غزه
او عمل يوم بالمنتدى نتفق فيو الكل نوحد التواقيع والاهداءات لاهل غزه بس للتذكير
فعلا بعد ما قريت الموضوع حسيت قديش نحنا مقصرين مع اهلنا هناك
يعطيك العاافيه
أنين
03-16-2009, 09:16 PM
معك حق أيـاد .,

وانا بسأل حالي هاد السؤال دايماً ., !

أكتفينا من الحكي عنجد .,

احنا مقصرين ., ماحدا بنكر هـ الشي

:

عنجد ., لازم يسير تغير

:s (43):
blue-girl
03-16-2009, 09:29 PM
اياد ..

ليك حج ..

الدحك ما بعني النسيان ..

الدحك هوي هروب من الجو يلي غرقنا فيو فتره ..

كانت ايام صعبه ..

لو دحكنا هلاء .. هون مع بعض ..

مو كرمال نحنا ناسين اهلنا في غزه ..

بس لانو مافي مكان ندحك فيو ..

اليوم .. و كل يوم .. بصحى الصبح .. بحضر الاخبار .. بنقل من شنل لشنل .. لاسمع اخبار غزه و فلسطين ..

كلنا بندور ع الخبر كرمال نطمن ..

كلنا مع غزه ..

بس ما بدنا نحكي .. خليا بلالب تجرح ولا تطلع لبرا .. نو مو تفضح .. بس ممكن تجرح ناس اتر و اكتر ..

هون يا اياد انا بحكيلك .. السكوت او محاولة تغير محور الموضوع ما بيعني نسيانو ..

نو نحنا بنهرب من الواقع يلي نحنا بنعيشو بلاخبار و التلفونات و القصص .. و من هون لهون ..

كرمال نيجي نتجمع مع ناس من مفترق العالم ..

تنحكي بموضوع .. تافه و ندحك عليه ..

تنعمل توقيع غبي .. و ندحك عليه ..

مو لانو نحنا ما بندنا نحكي عن غزه .. بس لانو كان في صدمه كبيره .. بنحتاج .. انو نطلع منها

و نساعد اهلها ليبلشو بناء طريق جديده

..

البكاء على الاطلال ما بفيد ..

لزم نساعدهم انو ينسو يلي صار و يخلو ذكره تيبنو يلي هدمو الاعداء .. و يكونو اقوى بليون مره ..

نحنا هيك الشعب الفلسطيني يوم عزا و يوم فرح ..

لزم نتعود ..

=)

و اعذؤني ع الاطالة ..

لا تضلك متخبي بضلام .. لانو كاس انكسر .. لانو كل ما تيجي تتطلع للنور رح ينكسر كاس تاني و رح تبقى بظلام ..

=)

الحجه زركا واز هير و تم التزنيخ بجريده
جاآرة الوادي’’
03-16-2009, 09:36 PM
ويسلمو اياد على التذكير
بس اكيد اولا واخيرا الحزن اكيد بقلوبنا واللي بنعملو بالمنتدى اكيد بنعملو وبنكتب وبنرد وبنضحك وبنفرفش ونمزح بس اكيد الحزن على غزة باقي في قلوبنا والا شو بوسعنا نعمل اكتر من الدعاء انشالله ربنا يستجيب دعائنا ويهونها على الجميع

وبالنسبة لروانووو
يسلم تمك روانووووو
يا ام الافكار انتي
والله انك روووعه
فكرة بتجنن
انا موافقة
جاهزة


سلااااام
limar
03-16-2009, 09:38 PM
الله يفرجها
الحان الحرية
03-16-2009, 10:05 PM
والله ماني عارفة شو أحكي ..

بس فعلا ً اياد معك حق بس مش الكل هيكـ ؟!

يعني في من الأعضاء ما شا الله لسا قايمين بدورهم ..

و دورنا مش انه نقعد نبكي ,, معلش خلينا نضحك و نغير جو بس برضو ما ننساهم و نظل ندعيلهم و نذكر الناس انه لسا في ناس بيعانوا ..

الأشي يلي كان قاهرني اكتر هو النقاش بالمواضيع السخيفة خلال الحرب !

والله كنت افوت احكي هدول كيف الهم خاطر يحكو بهيك مواضيع و يسمعو لهيك سخافات ,, و الهم اخوة مش سامعين غير ازيز الطائرات و انفجارات القنابل !!!

مع احترامي للجميع !

بس بشكل عام كلنا مقصرين !

يسلمو أياد ع التنبيه

أرق التحايا
بنت فلسطين المجروحة
03-17-2009, 09:38 AM
بتعرف شو المشكلة

اللي ماعنده دم كيف بدك تخليه يستحي

يعني الناس قاطعتلها يومين

وبس خلصت الحرب رجعت

انا كنت الاحق صحباتي واقلهم لأ

بس باخرتها يعني لمتى هضل وراهم


اذا الواحد نفسه و رغباته اهم من نفوس البشر

كيف ممكن هيك انسان بهيك انانية يتغير

انا للحين عاجزة عن اني الاقي جواب

:(
الحلوة
03-17-2009, 11:38 AM
احنا مستحيل نسى فلسطين لانها بقلبنا
ولا ل لحظه انسيناها.. بس كمان الحياه بدها تستمر
والي بايدينا بنعملو.. يمكن خفت مواضيعنا عن فلسطين
بس اكيد ما وقف دعئنا الهم.. لانو ما بايدينا حيله متل ما بيقولو
تسلم اياد على الموضوع
روان فلسطين
03-17-2009, 01:15 PM
يا بيي يا عجينه اجيتي ع الجرح
نحنا المقاطعه بصراحه اول مره نمشي فيها
ولهلا الحمد لله
بس مشكلتي مع اخوي واختي الضغار بس بيغافلوني وبيروحو بيشترو بيبسي مع انو لقينا البديل عنو وصناعه سعودديه
فعلا لازم نعمل شي نفعل فيو المقاطعه ونحييها
والله خسائر ستار بوكس كبرت وصار دورنا نعمل شي
فعلا اهل غزه عم بيعانو لهلا وتعبانين من سكوتنا وتخاذلنا ومعاونتنا الهم بسكوتنا
وهاد الشي راح يعطيهم تشجيع انهم يكملو ويعيدو هاد الشي
يعطيكم العافيه

اياد يلا
صار عنا افكار كتير
توحيد يوم صيام ويوم التواقيع وتفعيل المقاطعه وبنقدر ندخل منتديات تانيه معنا بالمقاطعه

بانتظارك
Yαś
03-17-2009, 04:04 PM
معكـ حق أخوي في أنو نكون مع أهل غزة ..

و أنا معاكـ أنو في مواضيع ما إلها فايدة ..

و حتى أذا في مواضيع مفيدة و ( وطنية ) راح تلاقي عليها أقبال ضعيفـ .. و هذا أشي لاحظتو بالمنتدى ..

و أكبر دليل المواضيع اللي في الأقسام الفلسطينية ..


اللهـ بعين ..

اللهـ يهدي شبابـ الأمة ..


آخر كلماتي } ..

غزة مو بمواضيعنا و بس .. غزة مكانها أكبر من هيكـ ..

مكانها في القلبـ .. و أكثر

غزة هاي قلبي ..


تسلم أخوي إياد ..

شكرا على التذكير ..

اللهـ يحفظكـ


أرقى تحياتي
ايهاب البيساني
03-17-2009, 04:11 PM
استاذ اياد

انا معك بكل كلمة

اعذروني يا أخواني واخواتي الاعزاء

بس بصراحة يعني المواضيع اللي بنزلها هون

بعد خمس دقايق عطول بلقى فيها 10 ردود

والمواضيع اللي بنزلها بقسم فلسطين

بضلها يومين بدون رد

اعذروني للتدخل

السلام عليكم
Yαś
03-17-2009, 04:17 PM
والمواضيع اللي بنزلها بقسم فلسطين

بضلها يومين بدون رد





معكـ كل الحق أخوي إيهابـ ..

أحنا مقصرين كثييير في الأقسام الفلسطينية ..

أنا مجربـ زيكـ ..


اللهـ يعين ..
نور الهدى
03-17-2009, 04:18 PM
اياد .. معك بكل كلمة

//

لكن الحل مش بس الدعاء و انزال مواضيع عن غزة .. هاد جزء من الحل .. لكن جزء بسيط جدا

ايام الحرب نزلت موضوع .. قلت فيه انه هاي الحرب صفعة قوية لازم تصحينا

و انه نصرة غزة مش بس بالمقاطعة و نشر القضية .. لكن انه حياتنا اصلا تكون مشروع نصرة

//

عن نفسي انا لسة عند عهدي .. و هاد واجب .. ان ما عملته رح اتحاسب قدام رب العالمين .. و رح نتحاسب كلنا

حياتنا كلها بدها تكون مشروع نصرة .. نصرة للدين اولا .. و نصرة لاخواننا .. المشروع بده عزيمة و اصرار و ثبات .. و اهم شي اخلاص لله تعالى

و اول خطوة هي اصلاح انفسنا و علاقتنا بالله تعالى .. عشان نوصل لرضاه و عونه

//

بس يا اخي .. زي ما قال رسول الله صلى الله عليه و سلم - ساعة و ساعة -

احنا مش حنمنع الغير يضحكوا و يفرفشوا شوي .. لكن برضو في طريقة لايصال المعلومة و التذكرة

ما بدنا حدا ينفر منا و من قضيتنا ..

القصة بدها توازن ..

//

موضوعك مميز .. ربنا يزيدك همة و ثبات

:)