سؤال لكل فتاة لو شجاعة ردي

[دلوعة أبوها]

موضوع للنقاش بكل صراااحه



يقول الله عزوجل(المال و البنون زينةُ الحياة الدنيا)


فجميعنا نتمنى أن نـُـرزق بأبناء


لكن ماذا لو وَجَدت الفتاة شاباً في غاية الجمال وذو دين ٍ وأخلاق ٍعالية


ولكن عيبهُ الوحيد أنه لايـُـنجب ...


فهل تقبلين الزواج منه؟؟


أو ....


إذا تزوجتِ وأكدت الفحوصات الطبية بأن زوجك لا يـُـنجب فما هي ردة الفعل ؟؟؟


هل تهون عليك عِشرة السنين التي قضيتموها مع بعض وبالتالي تفترقان ؟؟


أنتِ أيتها المرأة ماذاستكون ردة فعلكِ ؟؟

هل ستطلبين الطلاق والإنفصال ؟؟

أو ستبقين صابرةًمُحبه ومتعاونة وتحاولين أن تـُـنسيه همومه ؟؟


أنتظر التفاعل من جميع الفتيات

[ترانيم الشوق]

رح جاوبك بصدق صدقيني غاليتي

الاطفال زينة الحياة وليس هنالك ما يعادلهم

لاكنني ان اردت يوما الارتباط ان كنت حقا احبه ويحبني

صدقيني لا يهمني الا ان اكون معه وان اعيش من اجله

كما سيعيش من أجلي

أشتري لحظة حب وسعادة أفضل من شخص قد ينجب

الاطفال لاكنه لن يقدم لي ساعة راحة ودفء

الف شكر اليك

[limar]

رح جاوبك بصدق صدقيني غاليتي

الاطفال زينة الحياة وليس هنالك ما يعادلهم

لاكنني ان اردت يوما الارتباط ان كنت حقا احبه ويحبني

صدقيني لا يهمني الا ان اكون معه وان اعيش من اجله

كما سيعيش من أجلي

أشتري لحظة حب وسعادة أفضل من شخص قد ينجب

الاطفال لاكنه لن يقدم لي ساعة راحة ودفء

الف شكر اليك



100%

[&نسيم الروح&]

هلا بجد وبدون لف ولا دوران

انا لو واحد تئدملي وما بجيب اطفال لا ما برضى بالمره

خصوصا ازا ما بعرفه وما بكنله له معزه يعني ما بحبه اما ازا بحبه هون لا بتزوجه والحياه معه بتكون احسن

اما ازا زوجي واكدت الفحوصات انه ما بنجب هاد شي تاني وكل واحد بعمل باصله وانا بكون ميقنه انه الله اختارلي هاد الشي

وانه هاد نصيبي وانه انا يمكن لو جبت ولاد يكونوا مو مناح او عندهم اعاقه او اي شي تاني

وما تسالي شو الفرء وليش التناقد لانه الفرء انه هاد شخص وجاي يخطبني اما هاد زوجي الي انا اخترته

الا ما شاء الله طبعا

[Twin]

بحس انو 99 % من الصبايا رح يكون ردهم نفس الشي ..

الفتاه بطبيعتها لاتبحث عن الابناء بقدر ما تبحث عن الانسان الي بيحترمها وبحبها وبقدرها ..


اما لو سألتووو هل سؤال للشباب .. طبعا مش بالمنتدى .. يعني استفتاء مثلا ع ارض الواقع ..


رح نجد انو نادر الي بيعرفوا انو زوجتهم لا تنجب وبيضلووو مقتنعين بما قسم لهم ..


بل اول خيار بيفكروو فيه انهم يتزوجوو وحده تانيه مشان تجيبلهم بيبي ..


دايما تفكيرهم اناني p:


يعطيكي العافيه دلوعه ابوها ..

[SWEET*GIRL]

زيبي ما قالو كلهـــمـ

[haya-jor]

لو كتب الله وكان هذا ما اراده القدر فلا اعتراض .. فبالرغم من عشقي للأطفال ولكن لا اجد ان الانفصال هو حلا لأنني بهذا الحل اعاقب انسان على شيئ لم يفعله وليس بيده هو ... واعتقد ان الصبر هو الحل بهذه الحاله وفكم من القصص سمعنا وكانت نهايتها جميله لأن الصبر كان اساسها ...

[سجينة الأحزان]

بكل صراحة إزا كان ما في بيني وبيني

علاقة يمكن أرفض ما بعرف

أما إزا كان في علاقة طبعا مستحيل لأن بكون أهم من الأولاد ما بستغني عنو

[جاآرة الوادي’’]

اذا اتقدملي وكان بالمواصفات اللي حكيتيها....... ما بعرف والله بس احتمال اوافق
اما اذا اتزوجنا وفيما بعد عرفت انو ما بينجب اكيييييد ما بنفصل عنو
اذا هو ما بيجيب ولاد فهذا مو غلطو هاي حكمة ربنا وهيك ربنا بدو

ولا اعتراض على ما اراد الله

يسلمو كتير موضوع حلو وغريب

ماننحرم


سلااام

[السيف عدي]

والله قوي السؤال ..

[*ريحانة القلب*]

بحس انو 99 % من الصبايا رح يكون ردهم نفس الشي ..

الفتاه بطبيعتها لاتبحث عن الابناء بقدر ما تبحث عن الانسان الي بيحترمها وبحبها وبقدرها ..


اما لو سألتووو هل سؤال للشباب .. طبعا مش بالمنتدى .. يعني استفتاء مثلا ع ارض الواقع ..


رح نجد انو نادر الي بيعرفوا انو زوجتهم لا تنجب وبيضلووو مقتنعين بما قسم لهم ..


بل اول خيار بيفكروو فيه انهم يتزوجوو وحده تانيه مشان تجيبلهم بيبي ..


دايما تفكيرهم اناني p:


يعطيكي العافيه دلوعه ابوها ..



100%

^_*

[.. ليآل ~]

مممممممم

الصراحه السؤال صعب كتير

اكتر من مره افوت هون واطلع

بس خلص هالمره راح اجاوب

انا شخصيا كتير بحب الاطفال وما بتخيل اني اتجوز وما اجيب نونو

يعني ازا اتقدملي واحد مابعرفه ولا بيعرفي ومابيجيب زغار بيجوز ارفض

اما ازا اتجوزت وصار النصيب واكتشفت هالشي بعدين راح اتمسك فيه وما اخليه يحس بالنقص ابدا

وخصوصا لو كان منيح وطيب ومتل مابدي

وللي بيحكوا انو الحب بيكفي وانو بتضحي بأمومتها من شانه

بحكيلها انو هالشي كتير صعب

والحب لحالو مابيكفي

ازا هالحب ما اتغزى واندعم بالاطفال يلي بيولدوا الاستقرار صعب يستمر

انا هيك بشوف



حاسه حالي حكيت كتير وكلامي ملخبط

بكفي

شكرا كتير

[دموع الغربة واشواق العودة]

انا وبصراحة الي فش احلى منها ..بديش اتجوز ..شو رايك ..ولا احكيليك بصبر واشوف اخرتها ..بس طبعا بعد عشرة سنين طويلة بيهونش علي اتركو لحالو ..مشكوووووووووووووووووورة جدا جدا

[الاردنية]

لو زي المواصفات اللي حكيتي عنها اكيد اه
لانو الحب ما بيوقف ادامو شى