كم صـــــديق لك ?

[محمود]

(كم صـــــديق لك ؟؟؟؟)



الصديق ... الذي يشاركك مســــراتــك وأحــــزانك ...

الصديق ... الذي يبادلك المشاعر في أفراحك وأتراحك ...

الصديق ... الذي يقف معك في حــلــو وقــتــك ومره ...

الصديق ... الذي يصـــــدقك الـــــحب والــــوفاء ...





(كم صـــــديق لك ؟؟؟؟)




الصديق ... الصدوق ...

الصديق ... الأخ ...

الصديق ... الإنسان ...

الصديق ... الوفي ...




(كم صـــــديق لك ؟؟؟؟)



في زمن طغى فيــــه الغـــدر والخيــــانه ...

في زمن انعدم فيــه الصـــــدق والوفـــاء ...

في زمن أظــلم بالكــذب والمـــجــامـــلات ...

في زمن سادت فيه الأنانية والمصالح الشخصية ...

في هذا الزمن ....

لديك مــال ... إذن لديك أصدقاء ...

لديك جــاه ... إذن لديك أصدقاء ...

لديك منـصب ... إذن لديك أصدقاء ...

فجــــــــأة !!!

ذهب المـــال ... فرّ الأصدقاء ...

زال الجـــاه ... رحل الأصدقاء ...

انعدم المنصب ... طار الأصدقاء ...

في هذا الزمن ...

لك عندي مصلحة ... فــأنت صــديقـــي ...

لك عندي حـاجة ... فــأنت أخـــــــي ...

لك عندي غــرض ... فأنت المخلص الوفي ...

انتهت المصلحة ....

مــن أنت ؟؟؟ ... لا أعرفك ؟؟؟ ...

لا أتذكرك ؟؟؟ ... لـم أرك ؟؟؟ ...


انتهت المصلحة ....

انتهى ... معها الكــــــلام ...

انتهى ... معها الســــــلام ...

انتهى ... معها حتى الإبتسام ...




(كم صـــــديق لك ؟؟؟؟)




امـــعن النظر بمن حولك ...

دقق النظر بمن يحيطون بك ...

أعـــــد حســـاباتــــك ...

ثم قلي بـــربــك ...




(كم صـــــديق لك ؟؟؟؟)

[هلــون]

مستحيل يكون كل هاي الصفات بواحد _ بوحدة .. في هذا الزمن الي بتطغى فيه المصالح ..

شكرا محمود موضوع روعة ..

[محمد اسامة قاسم]

من الصعب ايجاد صديق بكل هذه الصفات

[فداء فلسطين]

انا بصراحه عندي اصدقاء بحبوني وبحبهم وطبعا مو لمصلحه
بس اكيد هدا الصديق اللي لمصلحه ما بدوم .
وبعدين ما بكون مرغوب .
واكيد ما بكون سعيد في حياته مهما كان سعيد
بهاي المصلحه لان اخرتها رح تنتهي
شكرا اخي على هدا الموضوع الرائع

[~ | Mazaj]

انا عنــدي صديقتين .. والحمد لله بيتصفن بهادي الصفات ..

الاخلاص .. الوفاء .. وقت الضيق بلاقيهن بجانبي ..
والله العظيم بحمد ربنا ع النعمة هادي ..
ولو عشت بدون صديق ما بتخيل الحياة كيف ..!!
وربنا يخليهن اللي ويخليني الهن :)

يسلمــو اخــي محمــود ^____*
والصداقة كنز ما بتفرط في ابــدا

[- أبوالوليد]

قالت ست سيدي (الله يرحمها) قبل حرب التنك :
ليس الإنجاز بأن يكون لك 1000 صديق بالسنة
ولكن الإنجاز أن يكون لك صديق لـ 1000 سنة

[محمود]

مشكورين جدا جدا على المرور ...

انا من ناحيتي الدنيا لسا بخير

وزي ما في العاطل في المنيح

وراح نلاقي الصديق الصح .. والزمن هو الي ببين هاد ..

ومن ناحيتي وجدت هذه الصفات جميعا في اخوي وحبيبي (فارس فلسطين )

والكم كل التحية والشكر على مروركم الكريم

[ثوره]

كل الاصدقاء الجيدين حولي وتتوفر بهم الصفات الجيده والحمد لله وطبعا اخي محمود انت واحد منهم.

[محمود]

تسلم اخي ثورة .. والله بكون شرف الي ..

حياك الله .. كلامك وسام بفتخر فيه ..

وشكرا الك على الثقة اخوي .. مع انو انا مقصر :(

[ran_g_t]

من اصعب الاشياء في هذه ان تجد صديقا وفيا في هذه الايام

مشكور اخي محمود

[محمود]

شكرا اختي رنا على المرور .. ومشاركتنا برأيك

[white_rose]

شكرا محمود على الموضوع الجميل بصراحه انا عندي صديقتين بتتوفر فيهن الشروط هاي وعن جد هن صديقات جميلات طيوبات وبحبهن وهن كمان بحبني وفي كتير الي صديقات بس مش كل صديق هو صديق وشكرا على الموضوع

[محمود]

مشكورة اختي white_rose

على مرورك وكلامك صحيح مش كل صديق هو صديق

وربنا يحماك يا ربي :)

[ابراهيم نصر]

من الصعب ايجاد اصحاب مثلهم ممكن يكون فى منهم بس مش اوى

[al7elo]

شكرا الك اخي كتير على الموضوع كتير حلو
وفعلا صحيح الي بيحكي انو صعب نلاقي صديق في هاد الزمن كتير صعب
وبصراحه انا عندي صديقات فعلا صديقات بمعنى الكلمه كتير بحبهم وبحبوني
وانا كتير تعرفت على ناس بعدهم وقبلهم بس مهما لفت الدنيا ودارت ما رح الاقي زيهم
ويعطيك العافيه
اختكم الاء

[محمود]

شكرا ابراهيم نصر لاعطاء رأيك ..

واختي ألاء شكرا الك للمرور اختي

[sanae]

اخي محمود انت لديك هده الصفات
على الاقل لدي واحد
هدا ادا قبلت صداقتي

[محمود]

بكون النا الشرف نتعرف من خلال هذا الصرح على اخت متلك ..

ربنا يحفظك

[sanae]

الشرف لي اخي

[سيدرا الاموره]

ادا اجت علا معنا الصحب والزماله بتلاقي كتير بس الي بوجع جد وبدايقك بس تكون معطي لانسان اكبر من حجمه وبس تكون معطيه سرك ومامنو علا حالك بموقف بسط بتتعرضلو بتخلا عنك وومكن يتبرا منك
ممكن بغلط مش مقصوده منك ممكن يتنكر لمعرفتك ويتحسف علا صحبتك مع انو متاكد وعارف انو هالغلطه مو بقصدك ولا كنت تقصدها بس كانو مستنيك علا غلط
في اغنيه لنجوا كتير بتعجبيني
حط صحابك بالغربال صحابك لو بتغربلهم لو دولابك مره مال ما بتلاقا ولا واحد منهم
في الاحزان والمواقف ممكن احد صاحبي من عدوي او من رفيق المصلحه
وما بزعل ادا خاب ضني في بزعل لاني عطيتو شي اكبر واكتر من الي بستحقوا

[محمود]

اختي سيدرا .. بصراحة ردك كتير اعجبني

وكلامك منطقي جدا .. الله يحميك

شكرا الك

[سيدرا الاموره]

تسلم محمود بس جد ياما بتنخدع بالبشر وانا مابختار صديق الابس احطو بموقف وموقفين وتلات لانو المومن لايلدغ مرتين

[محمود]

كلامك صح .


:sh148: لن اجعل مشاعرى ارضا تداس عليها :sh148: ولكن سماء يتمنى الأخرون الوصول اليها:sh148:

[نهال]

صراحة انا من رايي الصديق لسة موجود في الزمن والناس بخير
يعني انا بصراحة عندي صيقات كتار كلهم بيكملولي صديقة واحدة
يعني صحيح نادر ما تلاقي صديق موجود فيه كل ها الصفات لكن
ممكن يكون لك اكتر من صديق يكونولك صديق واحد
وشكرا على الموضوع

[محمود]

شكرا اختي نهال ..للمشاركة ..

وربنا يحفظك ويصونك من كل شر ..

[وجه القمر]

يمكن تلاقي الله اعلم

[محمود]

ان شاء الله ..

شكرا الك اخي وجه القمر

[ديما الحب]

يا جماعة في صديق صدقوني كل واحد عنو صديق
نسيتوا انفسكم اقرب صديق الكم وموجود فيه كل هاي الصفات
يسلموووووووووووووووووووو محمود موضوعك كتير حلو

[صقر جباليا]

الحمد لله الخير بعدو موجود
والحمد لله عندي اصدقاء يقفوا معي باشد محنتي
الخير لسه ما خلص
شكرا محمود على الموضوع

[محمود]

كلامك صح والله يا ديما .. وتسلم اخي صقر جباليا معاك حق لسا الدنيا بخير

[بنت فلسطـين]

موضوع حلو كتير واجا بوقتو ..
بالنسبة الي مافي صداقة هل ايام .. للأسف ناس كتيرة اوليتها صحبة
وبالنهاية كلو بح ولا كأنو كان في اشي اسمو صداقة ..
ناس مابتحب ومابتمشي غير بالمصلحة .. هاي انا معبى الي صحبة وبعرف كتير
بس وين بصفي على صديقة وحدة بس والحمد لله على كل شي ..
ولو كلن عندك الف صاحب وصاحبة بالنهاية حتصفي على واحد او تنين ..

تحية الفلسطينية للجميع ..

[المشاغب]

انا صديقي محمود وكل اصدقاء محمود أصدقائ وكمان هيلين

[ابراهيم نصر]

ستحيل يكون كل هاي الصفات بواحد _ بوحدة .. في هذا الزمن الي بتطغى فيه المصالح ..

موضوعك جميل اوى اخ محمود بارك الله فيك اخى

[gold_quest]

السلام عليكم ورحمة الله


كما تعودنا كلمات رائع من انسان اروع

اما الصديق

لا معنى لصداقة اذا لم تكن صادق

ما اكثر الاصدقاء اذا تعدهم وما اقلهم في النوائب .......وللاسف

ولكن في نفس الوقت قالة العرب : رب اخ لم تلده امك

فهناك اصدقاء كثر ولكن ضاعوا بين كثر الخون ومدعي الصداقه

واشكر اخي محمود على موضوع مهم

واتمنى من اخواني ان يعرفوا معنى الصداقة والاخوة

واقول لاصحاب الصور الكاذبة

الطبع غلب التطبع

واي شخص مهمى استطاع ان يخفي شخصيته ستظهر ولو بعد حين



عودة اخوكم gold_quest

[احمد الفلسطيني]

ان تجد لك صديق فيه كل هذه الصفات فهو شيئ عظيم جدا لك
الحمد لله ان املك صديقا مثله فأنا اعتبره اخي الذي لم تلده امي
فأني عندما افكر في هذا الصديق احس بأن الله قد انعم على بشئ عظيم
الدنيا بخير ويوجد اصدقاء فيهم كل الصفات التي ذكرها محمود لكنهم قليلون جدا
شكرا جزيلا لك اخي محمود على هذا الموضوع

[جنتل فلسطين]

انا برأيي صعب تلاقي بهالزمن اصدقاء يتصفو يهادي الصفات

[ديما الحب]

كم من عدوا لاجل المال صاحبني ......................... وكم من صديق لاجل المال عاداني

هيك الدنيا