كيف تعبر عن غضبك؟؟

[الحلوة]

بسم الله الرحمن الرحيم....


الإنسان كتلة من المشاعر والأحاسيس يتقلب في ليله ونهاره بين
الفرح والحزن والغضب...
ولكل إنسان الكيفية التي يعبر بها عن هذه المشاعر التي تختلج في حنايا قلبه....

هذه الكيفية التي يعبر بها عن مشاعره في كثير من الأحيان تكون عفوية لا إرادية لا يستطيع تغييرها إلا في النادر ....كما قيل (الطبع يغلب التطبع)

والغضب من الصفات التي لا ينكر أحد حصولها له ولكن طرق التعبير عن هذا الغضب تختلف من شخص لآخر...
وقد أوصانا ديننا الحنيف بوصايا جميلة نفعلها إذا داهمنا الغضب كالطوفان الجارف وهذه الوصايا لا تخفى عليكم ....

ولكن يبقى لكل شخص ما يعبر به عن هذا الغضب
فأنا قرأت يوماً كمثال:
شخص يقول عن نفسه أنه إذا غضب يوصي المطعم على صحن كبسه ويأكل بشراهة ويقضي على ما أمامه من طعام.....
وآخر يعبر عن غضبه بيده تطال من تسبب في اغضابه...
وآخر بالسب والشتم وقول أبشع الألفاظ ....

ومنهم من يقعد يشوت بكل شي قدامه
ومنهم من يصك راسه بالجدار<<

أما أنا فإنني أعبر بالبكاء في كل حالاتي حتى في حال الفرح(وجه فقر)

والآن أضع قلمي جانباً واسمح له بالتنحي ....
وأترك الميدان لكم لتكتبوا عن
7
7
7
7
00000كيف تعبر عن غضبك00000

[دموع الحنين]

اول شي شكرا الحلوة ع الموضوع

بالنسبة اللي غالبا ببكي لمـــا اغضب غضب شديد

يسلمووووووو يا عسل

[جاآرة الوادي’’]

اول شي بحشر وبحشر وبحشر وبعدين اذا تفاقم الوضع بصوت وبعيط

يسلمو الحلوة على الموضوع النايس
ماننحرم
سلاااام

[Twin]

بكسر شي كبايه او صحن ..


وبعمل كأنو وقعت مني من غير قصد (-:


بجد بتفش الخلق .. جربوها ..


شكرا الك يا حلوه ..

[القلب الطيب]

بكسر شي كبايه او صحن ..


وبعمل كأنو وقعت مني من غير قصد (-:


بجد بتفش الخلق .. جربوها ..
..

هههههههه

مش دايما بتنفع

على حسب الموقف

يعني في مواقف لو كسرت كل المطبخ ما بتفش خلقي :showoff::showoff::showoff:

بس على قد صحن او كباية بسييييطة

[القلب الطيب]

انا بالنسبة الي

طبعا على حسب الموقف

في مواقف بأنفعل فيها وبأصير اصرخ

وفي مواقف أصمت فيها وبأنسحب بدون اي ازعاج لأي حد

وبحاول ابعد عن كل الناس

يسلمو اختي على المجهود الحلو

ربنا يحفظك

[&نسيم الروح&]

هههههههههههههههههههه

فتحتي جروحي ههههههههههههههه

شوفي في حالات كتير هلا الاولى ممكن اصرخ واسب وازا كان صعب

بخبط وبضرب الباب او الحيطه او اي شي برجلي او اي اشي بخبطه لانه بعتبرها فشه غل

اما ازا ما ئدرت اعمل شي بئعد ابكي ابكي ابكي ابكي لحد ما اتعب وانام وفي جميع الحالات ما حدا بئدر يهديني

لانه مستحيل يعني ازا كنت اصرخ بسير الصراخ على الشخص الي ئدامي وازا ما رد علي وتركني اصرخ بزيد وازا حكى معي كمان بزيد "ما عندها حل وسط"

وازا كنت ابكي وحدا حاول يسكتني ممكن انخنئ من البكى ههههههههههههههه لانه نفسي بروح

وووووووووووووووووووووووووووووووو

ميرسي على الموضوع بس على فكره ما تفكروا انه انا عصبيه لا انا مشعوطه بس ومخي ضارب في فيوزات الا واحد

ههههههههههههههههههههههههههههههههه

[الحلوة]

اهلا وسهله فيكي دموع الحنين نورتي مرورك

[الحلوة]

اهلا وسهله فيكي angel وtwin و القلب الطيب ونسيم الروح
نورتو تواجدكو.. يلا طلعو المتخبي:icon15: هههههههه
يسلمو ايديكو

[الحلوة]

يلا وين الباقي ..

[ameera]

أنـا بصيـر أعلي صوتي .. واذا عصبـت أي حفـايهـ أي شبشب بعيـد عن السامعيـن ..

اذا مانفعش بصيـر أعيط ..

[الحلوة]

ههههههههههههه الله يسعدك
نورتي تواجدك اميره

[ابتسامة الحياة]

ما تفكروا انه انا عصبيه لا انا مشعوطه بس ومخي ضارب في فيوزات الا واحد
ههههههههههههههههههههههههههههههههه

اه صدقت انه بس مشعوطه هههههههههههههههههههههههههه
مفحمه كمان مش بس مشعوطه


انا كل مره شكل مرات بصرخ مرات بضل ساكته بس بكون
من جوه بدي افقع
ومرات بخبط اي اش قدامي
ههههههههههههههههه وبس
يسلمووووووو

[اخناتون]

انا احيانا لما اغضب خارج البيت اذكر ربي
اما اذا غضبت داخل البيت فايطيح الضرب في اخواني

[فيدو1]

انا بحاول اققعد لحالي لانه لو حدا حكي معي وانا معصب اكيد رح اخسره فعشان هيك بحب اققعد لحالي

[الحلوة]

هههههههههههههههه حلوة كلمة مشعوطه
سلامتك من الشعط هههههههههه
نورتي ابتسامه تواجدك

[الحلوة]

اهلا وسهله فيكو اخناتون وفيديو
نورتو تواجدكو

[الطالب المجتهد]

مشكورة اختي العزيزة الحلوة

[Pink Rose]

ههههههههههههه

والله حسب الموقف ..

مرات بعصب ع اللي قدامي

ومرات بسكت وما بتطلع مني ولا كلمة

ومرات ببكي ..

هههههههههههههه

بس عجبتني فكرة اكسر شي :icon11:

بدي اجربها ^^ ههههههه

يعطيكي العافية يا عسل :)

:s (43):

[الحلوة]

اهلا وسهله فيكي بينك
نورتي تواجدك

[نبض فلسطين بالغربة]

العصبية مو من صفاااتي بشكل عام
بس مرات على حسب الموقف ممكن اعلي صوتي
بس مو اكتر
يسلمو خيتي حلوة على موضوعك
تحياتي

[الحلوة]

اهلا وسهله فيكي نبض
نورتي تواجدك.. سلمت يداك