أيهما أفضل أصدقاء الانترنت أم أصدقاء الواقع

[الحلوة]

أيهما أفضل أصدقاء الانترنت أم أصدقاء الواقع


كلنا يعرف مدى أهمية الصداقة
ومدى أهمية إحسان إختيار الصديق
هناك أصدقاء الدراسة
أصدقاء من العائلة
أصدقاء الطفولة
وأصدقاء الإنترنت
والنوع الأخير هو الذي أرغب في التحدث عنه قليلا " أصدقاء الإنترنت " في كل يوم نقابل أصدقاء جدد في كل مكان
حتى في الإنترنت

لنتذكر
كم من صديق تعرفنا عليه من خلال الإنترنت وقف الى جانبنا وساعدنا كثيرا بل قد نحبهم أحيانا لدرجة كبيرة ربما تفوق حبنا لأصدقاء الطفولة او الدراسة بل ونحن لم نرهم أصلاً
.. سؤالي هنا ..
هل من الممكن أن يكون أصدقاء الإنترنت أفضل وأكثر وفاء من أصدقاء الواقع ؟؟

[الحلوة]

انتظر ردود جميع الاعضاء ..

[أسيرة الجراح]

يـــــــــــــــاي انا اول وحدة
تيب بالنسبة لصديق الانترنت في الو انواع ..
يعني متلا الصديق ممكن يكون وفي ومخلص ولطيف فعلا وممكن نحبهم اكتر من الأصدقاء البائيين مع انو ما شفناهم متل ماحكيتي ..
وفي اصدقاء ممكن نتعرف عليهم ( بالشات ) وطبعا انا بشوف هدول مو اصدقاء هدول بلعبو وبطحكو ع العالم..
وبٍٍٍــــــــــــــ هادا رأيي ــــس
شكرا موضوع حلو

[*ريحانة القلب*]

طبعا ممكن

بس انتي وحظك .. النت عالم واااااسع

والكزب فيه سهللل جداا

فيه اشكال والوان

لهيك لازم تكوني حذرة كتير أكتر من اختيارك لصديقة ع ارض الواقع

لأنو في ناس عينك بعينهم وبكزبو وبخدعوك .. فما بالك من وراء الشاشات

وهذا لا يعني انو مافي صادقين ع النت .. بالعكس في كتير





بالنسبة الي

عن تجربة شخصية .. صداقة النت ممكن تكون اقوى من صداقة الواقع

في بنت تعرفت عليها من سنين

بلشت علاقتي فيها من ورا الشاشة بس بعدين صارت فيبس تو فيس

ووفية وصادقة اكتر من كتيييير بنات قابلتهم بالواقع



موضوع حلو ... حيرني كتير بالزمنات

يعطيك العافية يا قمر

(:

[الحلوة]

اهلا وسهله فيكي اسيره نورتي وجودك
واهلا وسهله فيكي ريحانه نورتي وجودك

[الحلوة]

يلا وين الباقي لتكونو نايمين لسه
بستنا اراءكو يلا

[الاردنية]

اكيد اصحاب الواقع لانك بتكون بتعرفهم و سبق و تعاملت معهم وبعرف كيف بيفكروا و بيكون من السهل انو اكشف الكزاب من الصادق بس الانترنت واسع و ما الو امان وانو سهل انك تنخدع وبعدين هذول الاصدقاء وهميين

[الحلوة]

اها نورتي اردنيه
يسلمو ايديك

[الطالب المجتهد]

الأفضل هم رفقاء الواقع مشكورة اختي الحلوة على هل السؤال الرائع

[الحلوة]

اهلا وسهله فيك الطالب نورت مرورك

[المـلاكـ]

كلوو كويس


يعني ممكن تتعرفي عالنت بنات يخلصو الك طول حياتك وممكن تكون عادي مجرد صداقة عابرة انها تكون علاقة قصيرة المدى

وممكن تعرف بنات عن الواقع يكونو مش ولا بد او انهم يكونو مخلصين

عاد انتي وحظك الواقع عالم واسع والنت أوسع منو

مشكورة الحلوة

تحياتي

[الحلوة]

اهلا وسهله فيكي الملاك
نورتي وجودك

[Twin]

اصدقاء الواقع طبعا ..


يعطيكِ العافيه ..

[دموع الغربة واشواق العودة]

والله يا اختي الي رجعة.. الموضوع بجنن بس راجعالك ...^.^....

[دموع الغربة واشواق العودة]

شوفي انا صديقتي الواقعية لو لفيتي الدنيا ما بتلاقي متلها الله يخليلي اياها ..وبصراحة اتعبت كتير لحتى لقيتها ..اما عن اصدقاء النت ..انت وحظك عاد ..يمكن يكون منيح ويمكن يكون عكس ذالك ..بس انا شخصيا في اصدقاء وصديقات في النت دخلوا قلبي ..حبوبين وطيبين ..ولمن دخلت المنتدى ماتوقعت انو في ناس لهدرجة طيوبين ..وكويسين الله يوفق الكل ..شكرا

[الحلوة]

اهلا وسهله فيكوtwin و دموع نورتو تواجدكو

[اخناتون]

طبعا ايوا لاني انا حصلت اصدقاء ف النت في حياتي ما حصلتهم في الدراسه او اي مكان وووقفوا معي وقفه رجال
واحنا عندنا مثل يقال ( صهر ولا ود عم ) اي اتحصل المساعده من الغريب وليس من القريب

[بيكاسو]

لا يا عمري اصدقاء النت افضل
انا بعيده وبصاحب من المدرسة ؟
بكون اهبل

[فيدو1]

اصدقاء الواقع اضل بالنسبة الي بس هاد ما بيمنع انه ما في اصدقاء بالانترنت بس بتاخد وقت طويل شوي

[الحلوة]

اهلا وسهه فيكو اخناتون وبيكاسو وفيديو
نورتو تواجدكو

[فلسطينيه والراس مرفوع]

ممممممممممم

رأيي كتييييير بشبــه رأي ريحـــآنة القلــب :)

فعلا انتي وحظـــك

يعني في هيك وهيـــك :)

بصراحة انا بالوآقــع وبالنــت في كتييير عندي صحـــآب ..

ما بعرف كلهم كويسييـــن ..

بس أكيـــد اللي بالواقع أحسن

وبردو في بعالــم النت مخلصيــن وحبوبيــن اكتيـــر أكتر من صحــآب الواقـع..

يسلمو

موضوع حلــو =)

[الحلوة]

اهلا وسهله فيكي فلسطينيه
نورتي وجودك

[روان فلسطين]

اكيد المفروض يكونو اصحاب الواقع افضل لانهم بيقدرو يكونو معك لكن بجد لما تتعاملي مع البنات يلي انا تعاملت معهم ع النت بجد بعضهم بتحبيه اكتر من روحك مو بس اصحابك ع الواقع
ميرسي كتير

[عين فلسطين]

ممكن لانو الصراحة ليها دور كبير
بس شو انتو بتقولو بصديق من النت توثقي بيه وتحكي له كل شي في الاخير ما يطلع الشخص اللي انت بتفكر انو هو
متلا تحكي معو على اساس انو وحدة ويطلع واحد
هوممكن بس بدو ناس عندها قلب قوي عشان تجازف

[الحلوة]

اهلا وسهله فيكو روان وعين
نورتو مروركو

[الأنيق2020]

في عالم الواقع تجد الشخص أمامك وربما من عينيه أو حركته أو تصرفه ستعرف مآربه ومقاصده

في عالم الإنترنت الشخص متواري خلف ستار وحجاب

قد تجد الصادق المخلص في صداقته في الإنترنت ولكنه نادر جدا جدا جدا بطبيعة الحال

في رأيي أن ذلك يعود لنوايا الشخص السليمة فقد تجد على الإنترنت من هو أوفى لك من صديق الواقع


الحلوة .. دائما حلوة في اختياراتك

عذبة في مواضيعك

لك الود

[الحلوة]

اهلا وسهله فيك.. اسعدني وجودك
يسلمو ايديك

[ابتسامة الحياة]

هل من الممكن أن يكون أصدقاء الإنترنت أفضل وأكثر وفاء من أصدقاء الواقع ؟؟

ما بننكر انه ممكن يكون في اشخاص بنتعرف عليهم بالنت ممكن يكون كويسين
وممكن انهم ينحبوا .. بس شو ما كان بضلوا ناس لا شفناهم ولا عرفناهم يعني بس بنحكي معهم من ورا هالشاشه
اما انا بنظري .. الافضل والاكتر وفاء ... اصدقاء الواقع لانه شفناهم
اتعاملنا معهم .. شفنا المنيح والعاطل منهم احتجناهم في مواقف معينه
ان كانت مواقف منيحه او عاطله .. بين معنا مين الوفي فعلا واللي بنلاقيه بوقت حاجتنا
وبين مين اللي بصاحب للمصالح وللتسلايه
الصديق الحقيقي والوفي هو اللي بصير جزء منا ومن حياتنا
يغض النظر لو كالن صديق النت معطيني من وقته وبحكي معي وبحاول يساعدني
بس انا ماشفته .. ومجرد اني ما شفته بضل في اشي ناقص
يعني ما بقدر اعتبره الافضل والاوفى

هاد رأيي وبتمنى تتقبلي

يسلموووو عالموضوع