المساعد الشخصي الرقمي

مشاهدة النسخة كاملة : ..تعالو احكولي.. شو رأيكم؟؟!

الحان الحرية
02-13-2009, 10:42 PM
السسسلام عليكم ...

كيفكم يا شطاطير يا امامير؟

اولا ً بدي احكيلكم هالموقف ,,
و بعدين بدكم تحكولي آراءكم ,,

أحم أحم ..

أول امبارح كنت طالعة اشتري اغراض للمدرسة ..
وصلنا ع هالمركز التجاري الصغير اللي جنب بيتنا ,,
ولا لقيت الدنيا كلهم لونها احمر !
مستغربة كنت
قلت والله لو في ثور هون لينحول ما يعرف مين بدو ينطح :p
بعد شوي اتذكرت انه قرّب يوم الفلنتيان ,,

و اعرفو قرّب هاليوم يعني بلّش الهبل بالشوارع ,,

تلاقي هالعالم كل واحد ماسك وردة و ماشي ! زي المجانين ..

هلأ هاد مش موضوعنا !

يكرا الفالنتيان ,,


شو رأيكم انتو بيوم الفالنتيان هادا ؟؟
بتحتفلو فيه ؟
و لو احتفلتو ليش بتحتفلو "شو الهدف"؟
و لو ما بتحتفلو ليش ما بتحتفلو ؟
و شو رأيكم بالناس اللي بيحتفلو فيه أو ما بيحتفلو فيه ,,.؟

ناقشوني بصراحة =)
ameera
02-13-2009, 10:58 PM
شو رأيكم انتو بيوم الفالنتيان هادا ؟؟ بصراحة زيو زي أيا يوم عادي يعني ,, بس ماما سبقت قبل بيوم جابتلي بوكيه ورد أحمر بدل مأنا أجيببلها هههههههههههههههههههههههههه :icon11:

:icon26:

بتحتفلو فيه ؟ لأ

و لو احتفلتو ليش بتحتفلو "شو الهدف"؟ بكون بس كسر روتين وتغيير جو ^ ^ :showoff:

و لو ما بتحتفلو ليش ما بتحتفلو ؟ مش فارقة كتير أحتفل أو ماأحتفل ,, زيو زي أيا يوم بمرق يعني لو بدي أحتفل بخلي امي تاخدني ع مطعم بس طبعا الوع بغزة لايسمح ^ ^ :showoff:

و شو رأيكم بالناس اللي بيحتفلو فيه أو ما بيحتفلو فيه ,,.؟

كل واحد حـر بحياتو ^ ^ :icon31:

يسلمو ياعسل :icon26:

وخليت مشاركتي بالأحمر هههههههههه ^ ^:icon11:
،،عـيـون الوجـد،،
02-13-2009, 11:10 PM
قلت والله لو في ثور هون لينحول ما يعرف مين بدو ينطح :p
بعد شوي اتذكرت انه قرّب يوم الفلنتيان ,,

يقطه شرك والله ضحكتيني من قلبي

شو رأيكم انتو بيوم الفالنتيان هادا ؟؟

زي اي يوم عادي

بتحتفلو فيه ؟

لا ولله الحمد لانه حرام

و شو رأيكم بالناس اللي بيحتفلو فيه أو ما بيحتفلو فيه ,,.؟


لقد صدق رسولنا صلى الله عليه وسلم عندما قال:
" لتتبعن سنن من كان قبلكم حذو القذة بالقذة، حتى لو دخلو جحر ضب لدخلتموه " .
قالوا : يا رسول الله، اليهود والنصارى ؟!
قال: " فمن ".

تسلمي ع الطرح حبيبتي ألحان
أسيرة الجراح
02-14-2009, 09:55 AM
والله ضحكيتني كتير فعلا هبل

شو رأيكم انتو بيوم الفالنتيان هادا ؟؟ هاد يوم اختلقو الغرب لاستهواء رغبات العرب المسلمين اللي بيركضو ورا التفاهات
بتحتفلو فيه ؟ لا امبوسيبل
و لو احتفلتو ليش بتحتفلو "شو الهدف"؟ ما بحتفل في
و لو ما بتحتفلو ليش ما بتحتفلو ؟ اكيد ما بنؤمن بالهتفاهات لانو هاد حــــــــــــــرام
و شو رأيكم بالناس اللي بيحتفلو فيه أو ما بيحتفلو فيه ,,.؟ ناس تافهة وإلة عئل وهبل والانصياع لتلفيقات الغرب الخادعة
شكرا موضوع بجد راائع
ناقشوني بصراحة =)
Maram .. ~
02-14-2009, 10:51 AM
شو رأيكم انتو بيوم الفالنتيان هادا ؟؟

متــل أي يوم تانيـ :icon11:


بتحتفلو فيه ؟

لا !!


و لو ما بتحتفلو ليش ما بتحتفلو ؟

لإنو حرام !! و بحسو هبـل :icon11:


و شو رأيكم بالناس اللي بيحتفلو فيه أو ما بيحتفلو فيه ,,.؟


هبايل .. و بعملو متل الغرب من غير ما يفكرو ..

اللهـ يعينهم ع حالهـم :wacko:

يعطيكي ألف عافيهـ توتي :icon26:

يسلمو إيديكي ع الطرح ..

و سلميلي ع يوم الفالنتاين :icon11: ,, حيكون الوضع عندكو مزري :wacko:

p:
Arabian girl
02-14-2009, 11:01 AM
والله واحنا كمان الدكاكين صايرة حمرا
بس بالنسبة للاحتفال بالمدرسة منعو عنا اي بنت بهاد اليوم تلبس احمر وازا لبست احمر ع البيت

بس شو بدنا نعمل الناس كل ما عبالهم بسيرو تافهين اكتر واكتر
haya-jor
02-14-2009, 01:23 PM
انتي قلتي بصراحه ..

انا بصراحه بحب اجيب للخلفوووني ورد احمر او شي بسيط يعبرلهم قديش بحبهم ووجودهم بعتبروا اكبر محطة حب بحياتي
ولصاحباتي لأنو برضو هم حب بس من نوع اخر ...
يمكن رأي مختلف عن كل الي بالمنتدى .. لكن انا بقدس اي علاقها اساسها الحب
ابتسامة الحياة
02-14-2009, 03:14 PM
ههههههههههههههههههههه
هيا عجبتني جملة " للخلفوني " ههههههههههه
الله يخليلك اياهم يا رب

انا بالنسبة الي لأ طبعا ما بحتفل لانه
بحس الناس اللي بتحتفل عنجد وبتعتبره عيد ويوم مختلف هدول سخيفين
لانه اللي بحب فعلا بتكون كل ايامه حب للناس اللي بحبهم
مش والله يوم معين بده يزكره في الناس اللي بحبهم

يسلموووووو عالموضوع
haya-jor
02-14-2009, 03:26 PM
ههههههههههههههههههههه
هيا عجبتني جملة " للخلفوني " ههههههههههه
الله يخليلك اياهم يا رب

انا بالنسبة الي لأ طبعا ما بحتفل لانه
بحس الناس اللي بتحتفل عنجد وبتعتبره عيد ويوم مختلف هدول سخيفين
لانه اللي بحب فعلا بتكون كل ايامه حب للناس اللي بحبهم
مش والله يوم معين بده يزكره في الناس اللي بحبهم

يسلموووووو عالموضوع



ههههههههه عجبتك خلص كل ما اشووفك بقلك خلفووني خليكي تنبسطي خخخخخخخخخخ

احم احم قلتلي سخفين .. طيب ماشي انو كل ايامنا حب ومالازم نخلي يوم واحد بس للحب او للأم .. بس هاد ما بنع انو يكون في يوم تقدمي هديه او اي لأمك او لأهلك بمناسبه انك بتحبيهم ...

:s (43): هي ورده لأني بحبك ....
ابتسامة الحياة
02-14-2009, 04:00 PM
كلامك مزبوط هيا ما بمنع انه اقدم هدية او اشي للناس اللي بحبهم
بس انا اعتراضي عاليوم نفسه انه مش لازم يكون يوم للكل وكل الدنيا تتزكر فيه اللي بحبوه
يعني انتي بتقدري كل فترة تقدمي لاهلك اشي
وما حدا عارف ومن غير ما الدنيا تعرف انه هيا جابت لامها هديه
عرفتي علي ؟؟
يعني اللي بقصده يا هيا انه بالاعياد هاي اللي اخترعوها العالم ... خربوا شغلات كتير حلوه بالدنيا
بطلوا الناس زي زمان .. صاروا يستنوا يوم الحب او يوم الام ويقدموا فيه هدايا
هاد على حسب ما بشوف انا

بتمنى تتقبلوا رأيي وكلامي الكتير

وهي الك كمان وردة يا هيا:s (43)::s (43):
شوق الحنين
02-14-2009, 07:52 PM
شو رأيكم انتو بيوم الفالنتيان هادا ؟؟ هبل بهبل
بتحتفلو فيه ؟لاء
و لو احتفلتو ليش بتحتفلو "شو الهدف"؟التلك لاء ما بحتفل فيه
و لو ما بتحتفلو ليش ما بتحتفلو ؟لانوا هبل وبدعة
و شو رأيكم بالناس اللي بيحتفلو فيه هبايل أو ما بيحتفلو فيه ,,.؟شاطرين
الحان الحرية
02-14-2009, 09:42 PM
شو رأيكم انتو بيوم الفالنتيان هادا ؟؟ بصراحة زيو زي أيا يوم عادي يعني ,, بس ماما سبقت قبل بيوم جابتلي بوكيه ورد أحمر بدل مأنا أجيببلها هههههههههههههههههههههههههه :icon11:

:icon26:

بتحتفلو فيه ؟ لأ

و لو احتفلتو ليش بتحتفلو "شو الهدف"؟ بكون بس كسر روتين وتغيير جو ^ ^ :showoff:

و لو ما بتحتفلو ليش ما بتحتفلو ؟ مش فارقة كتير أحتفل أو ماأحتفل ,, زيو زي أيا يوم بمرق يعني لو بدي أحتفل بخلي امي تاخدني ع مطعم بس طبعا الوع بغزة لايسمح ^ ^ :showoff:

و شو رأيكم بالناس اللي بيحتفلو فيه أو ما بيحتفلو فيه ,,.؟

كل واحد حـر بحياتو ^ ^ :icon31:

يسلمو ياعسل :icon26:

وخليت مشاركتي بالأحمر هههههههههه ^ ^:icon11:
ـهههههههههـ

اه اعمليها بالاحمر بركي اجا ثور نطح المشاركة ـهههههـ

روحك رياضية أمورة

منورهـ يا قمرة =)
الحان الحرية
02-14-2009, 09:45 PM
يقطه شرك والله ضحكتيني من قلبي


زي اي يوم عادي



لا ولله الحمد لانه حرام



لقد صدق رسولنا صلى الله عليه وسلم عندما قال:
" لتتبعن سنن من كان قبلكم حذو القذة بالقذة، حتى لو دخلو جحر ضب لدخلتموه " .
قالوا : يا رسول الله، اليهود والنصارى ؟!
قال: " فمن ".

تسلمي ع الطرح حبيبتي ألحان

ـهههههههـ

ان شا الله دوم هالضحكهـ =)

اي واللهـ معك حق ..

اللهـ يجيرنا يا رب ..

منورهـ حبوبتي =)
الحان الحرية
02-14-2009, 09:49 PM
والله ضحكيتني كتير فعلا هبل

شو رأيكم انتو بيوم الفالنتيان هادا ؟؟ هاد يوم اختلقو الغرب لاستهواء رغبات العرب المسلمين اللي بيركضو ورا التفاهات
بتحتفلو فيه ؟ لا امبوسيبل
و لو احتفلتو ليش بتحتفلو "شو الهدف"؟ ما بحتفل في
و لو ما بتحتفلو ليش ما بتحتفلو ؟ اكيد ما بنؤمن بالهتفاهات لانو هاد حــــــــــــــرام
و شو رأيكم بالناس اللي بيحتفلو فيه أو ما بيحتفلو فيه ,,.؟ ناس تافهة وإلة عئل وهبل والانصياع لتلفيقات الغرب الخادعة
شكرا موضوع بجد راائع
ناقشوني بصراحة =)
معكـ حق ,..

رأيي من رأيكـ ,,

منورهـ واللهـ

لا تحرمينا طلتكـ =)
الحان الحرية
02-14-2009, 09:50 PM
شو رأيكم انتو بيوم الفالنتيان هادا ؟؟

متــل أي يوم تانيـ :icon11:


بتحتفلو فيه ؟

لا !!


و لو ما بتحتفلو ليش ما بتحتفلو ؟

لإنو حرام !! و بحسو هبـل :icon11:


و شو رأيكم بالناس اللي بيحتفلو فيه أو ما بيحتفلو فيه ,,.؟


هبايل .. و بعملو متل الغرب من غير ما يفكرو ..

اللهـ يعينهم ع حالهـم :wacko:

يعطيكي ألف عافيهـ توتي :icon26:

يسلمو إيديكي ع الطرح ..

و سلميلي ع يوم الفالنتاين :icon11: ,, حيكون الوضع عندكو مزري :wacko:

P:


ـههههههههههـ

عنجد مزري ..

من يوم الخميس و انا حاسة عندي عما الوان من كتر الأحمر << بعيد الشر عني طبعا ً :p

منورهـ مرمر=)
الحان الحرية
02-14-2009, 09:52 PM
والله واحنا كمان الدكاكين صايرة حمرا
بس بالنسبة للاحتفال بالمدرسة منعو عنا اي بنت بهاد اليوم تلبس احمر وازا لبست احمر ع البيت

بس شو بدنا نعمل الناس كل ما عبالهم بسيرو تافهين اكتر واكتر
منيح واللهـ ,,

اللهـ يرحم ايام مدرستي القديمة كانو يمنعو ...

بس هاي المدرسة لأ ...

اذا ما كانت المديرة نفسها بتحتفل ..

منورهـ ارابيانو =)
الحان الحرية
02-14-2009, 09:53 PM
رايحة انا هلأ ,,

اللي ما رديت عليهم سامحووني خصوصا ً هيوووش

بكرا ان شا الله برجع بكمل =)
الحان الحرية
02-15-2009, 04:19 PM
انتي قلتي بصراحه ..

انا بصراحه بحب اجيب للخلفوووني ورد احمر او شي بسيط يعبرلهم قديش بحبهم ووجودهم بعتبروا اكبر محطة حب بحياتي
ولصاحباتي لأنو برضو هم حب بس من نوع اخر ...
يمكن رأي مختلف عن كل الي بالمنتدى .. لكن انا بقدس اي علاقها اساسها الحب
أهلا ً هيوش ...

أكيد انا معكـ بحترم أي علاقة اساها الحب ..

لأنه الحب مشاعر اسمى بكتير من انها تنحصر بيوم بالسنة ... أو نعبر عنها بس بهاد اليوم ..

و بالنسبة للي خلفونا :p

ليش ما نجيبلهم ورد احمر بأي يوم تاني

ع الأقل عشان نخالف اهل الكتاب بأعيادهم ..



ع فكرة هيوش حلوة صراحتكـ ^.*

منورهـ =)
الحان الحرية
02-15-2009, 04:22 PM
ههههههههههههههههههههه
هيا عجبتني جملة " للخلفوني " ههههههههههه
الله يخليلك اياهم يا رب

انا بالنسبة الي لأ طبعا ما بحتفل لانه
بحس الناس اللي بتحتفل عنجد وبتعتبره عيد ويوم مختلف هدول سخيفين
لانه اللي بحب فعلا بتكون كل ايامه حب للناس اللي بحبهم
مش والله يوم معين بده يزكره في الناس اللي بحبهم

يسلموووووو عالموضوع
ـهههههـ ^.^

فعلا ً كمان رأيي من رأيك ,,

منورهـ =)
الحان الحرية
02-15-2009, 04:26 PM
شو رأيكم انتو بيوم الفالنتيان هادا ؟؟ هبل بهبل
بتحتفلو فيه ؟لاء
و لو احتفلتو ليش بتحتفلو "شو الهدف"؟التلك لاء ما بحتفل فيه
و لو ما بتحتفلو ليش ما بتحتفلو ؟لانوا هبل وبدعة
و شو رأيكم بالناس اللي بيحتفلو فيه هبايل أو ما بيحتفلو فيه ,,.؟شاطرين
طيب روئي شو مالك معصبة ـههههههـ ,,

منورهـ برأيك يا بطهـ =)

و لا تحرمينا هالطلهـ
شيطانة و افتخر
02-15-2009, 04:53 PM
اول اشي اذا احتفلانا فيووو ما اتوقع اصر اي اشي على ايمانا

و تاني اشي مش حرام اذا وحدة احكت لصحبيتها انا بحبك

او لخطيبها او لامها او لمعلمتها او وحدة احكت لجوزها و العكس

ما راح يئسر فينا بس ايش اسمو يوم الحب مش عيد الحب

لانو احنا عنا بس عيدين عيد الفطر و عيد الاضحى

و يسلمو على الموضوع

اختك بنت القدس

تحياتي
الطالب المجتهد
02-15-2009, 05:01 PM
مشكورة اختي العزيزة الله يعطيكي الف عافية

هههههههههههههههههههههه

ضحكتيني وانا مش جاي على بالي اضحك

خخخخخخخخخخخخخخخخخخخخخ
haya-jor
02-15-2009, 06:27 PM
أهلا ً هيوش ...

أكيد انا معكـ بحترم أي علاقة اساها الحب ..

لأنه الحب مشاعر اسمى بكتير من انها تنحصر بيوم بالسنة ... أو نعبر عنها بس بهاد اليوم ..

و بالنسبة للي خلفونا :p

ليش ما نجيبلهم ورد احمر بأي يوم تاني

ع الأقل عشان نخالف اهل الكتاب بأعيادهم ..



ع فكرة هيوش حلوة صراحتكـ ^.*

منورهـ =)




طيب اقلك شغله انا يمكن قلتها من قبل .. ما في حدا بيقدر ينكر انو الحياه بتلهي والحياه بتدخلك بمتاهات وبتقدر تشوه مفهوم الحب عن الانسان عشان هيك من الجميل انو يكون في يوم تقولي لكل الي قدمولك حب ومشاعر انو حبهم مازال بحيطك ومهم بحياتك , يعني انا هلأ بجيب للي خلفووني هدايا بأي مناسبه بأعيدنا او بعيد الام, (( او بيعد المعلم والشجره والطفوله)) .. ههههه لا بمزح

يعني انتي بتتكلمي من مبدأ انو نخالف اهل الكتلب فقط ؟؟؟ وضحيلي يا بطوطه

ممكن اقدملك هادي الورده يلا هيها مش بعيد حب ولا بطيخ :s (43):
آنين القلب
02-15-2009, 06:39 PM
هـهـهـهـهـهـهـهـهــ ...

بـالـمــرة شــدن شـعــور بـعــض ...

هـهـهـهـهـهـهــ ...

كل وآحـد أو وحــدة حــرة بــرأيــهـــآ ...

وبـصـرآحـة يـعـنــي مــآ أعـتـقــد حــد بـنـكــر إنــوا بـحـتـفــل بـهـالـيـوم ... !!


سلام ...
haya-jor
02-15-2009, 06:48 PM
هـهـهـهـهـهـهـهـهــ ...

بـالـمــرة شــدن شـعــور بـعــض ...

هـهـهـهـهـهـهــ ...

كل وآحـد أو وحــدة حــرة بــرأيــهـــآ ...

وبـصـرآحـة يـعـنــي مــآ أعـتـقــد حــد بـنـكــر إنــوا بـحـتـفــل بـهـالـيـوم ... !!


سلام ...


له يا طيب ليش شايف في شعر منتف بأرض المنتدى ... ؟؟؟ يعني يا عرب خلوونا نحكي والله الحكي بجيب وبودي خلينا نستفيد نشووف ليش الناس بتقول هيك وليش انا بنقوول هيك
.. ليآل ~
02-15-2009, 07:13 PM
انا اجيت

كيفك الحان بصراحه موضوع مميز ونحنا بحاجه لمناقشته

انا مش راح احكي من ناحيه دينيه

راح نفسر هالشيء بالعقل

( عيد الحب )

العيد هو اليوم يلي بيصير فيو شي مميز بيختلف عن باقي الايام

متل عيد الفطر هو اليوم يلي بيفصل بين اخر يوم بشهر رمضان وباقي السنه

وعيد الحج هو اليوم يلي بتنتهي فيه تقريبا مراسم الحج

لهيك هي ايام مميزة

لكن يلي اسمه عيد الحب

شو التميز فيه

ازا كان قبله ايام بنحب فيها بعض وحتيجي بعدو ايام نحب فيها بعض

بعدين الحب بكل انواعه اسمى مشاعر ممكن تنوجد بين الناس

وصعب جدا انتظر هاليوم حتى اعبر فيها عن حبي للي حواليني

مع الناس الي بنحبهم ووجودهم مهم بحياتنا لازم يكون كل يوم يوم حب

كل يوم لازم نحتفل بحبنا لأمهاتنا ونهديهم الورد ونبوسهم ونطيعهم

انا لو عندي حبيب كل يوم بدي احبه واحتفل فيه،،، وكل يوم بهدي لروح بابا احلى الحكي والدعوات ،، وكل يوم بدي اهتم بأخواني وافرفشهم ،،، واطيب خاطر امي ،،،واطيعها واحكيلها قديش بحبها وهي مهمه بحياتي

وبعدين العيد هو الشي يلي بيحتفلوا فيه كل الناس

لو تخيلنا انو في شخص بالعالم ماعندو حدا يحبه ,,,, مقطوع من شجرة ووحيد

اكيد مش راح يحس بالعيد وهيك راح يخسر العيد ميزته

يعني انا بشوف انو معئول الواحد يحتفل بيوم ميلاده مع انه برضو حرام لكن ممكن نقول انو هاليوم هو الي كان بدايه وجودك في الحياه وهو اليوم يلي من بعده بتصير اكبر بسنه ،،


يخرب عئلي حكيت كتير

خلص بيكفي



شكرا الحان يائمرنا
Mira
02-15-2009, 07:28 PM
شو رأيكم انتو بيوم الفالنتيان هادا ؟؟
بتحتفلو فيه ؟
و لو احتفلتو ليش بتحتفلو "شو الهدف"؟
و لو ما بتحتفلو ليش ما بتحتفلو ؟
و شو رأيكم بالناس اللي بيحتفلو فيه أو ما بيحتفلو فيه ,,.؟


يوم عادي
وبالنسبه للاحتفال وين ياحسره نحتفل بمكه هههه عشا الهيئه تموتنا والله هههه
انا مابحتفل لسبب واحدلانو ما المفروض بين ايا تنين يحبو بعض يخلو هاليوم عيد حب لازم كل يوم يكون بالنسبه الهم عيد حب فما حلوه يحددو يوم يحبو بعض فه وباقي الايام عادي
بحسو هبل
*ريحانة القلب*
02-16-2009, 09:29 AM
حلووو الموضوع

الي رجعة

بس مضطرة اروح هلأ

يسلمو لحونتي


مس يو انا



(:
الحان الحرية
02-17-2009, 06:23 PM
اول اشي اذا احتفلانا فيووو ما اتوقع اصر اي اشي على ايمانا

و تاني اشي مش حرام اذا وحدة احكت لصحبيتها انا بحبك

او لخطيبها او لامها او لمعلمتها او وحدة احكت لجوزها و العكس

ما راح يئسر فينا بس ايش اسمو يوم الحب مش عيد الحب

لانو احنا عنا بس عيدين عيد الفطر و عيد الاضحى

و يسلمو على الموضوع

اختك بنت القدس

تحياتي
..أهلا و سهلا فيكي يا بطهـ ,,

اول شي انا ما قلت حرام نحي بحبك للناس اللي بنحبهم ,,

بس انا معارضة اليوم نفسو !

لأنه احتفال للمسيحين بـ قسيسهم فالنتيان =)

و احنا شو دخلنا ليش نحتفل معهم !

مافي ايام بالسنة بنقدر نجيب فيبها ورد احمر و نحكي بحبك لأهلنا و اصدقائنا غير بهاليوم !

ما بعرف

بتظل وجهات نظر

و اختلاف الرأي لا يفسد للود قضية =)

منورهـ واللهـ =)
الحان الحرية
02-17-2009, 06:23 PM
مشكورة اختي العزيزة الله يعطيكي الف عافية

هههههههههههههههههههههه

ضحكتيني وانا مش جاي على بالي اضحك

خخخخخخخخخخخخخخخخخخخخخ
اهلا ً و سهلا فيك خيو

ان شا الله دايما ً تكون مبسوط =)
الحان الحرية
02-17-2009, 06:32 PM
طيب اقلك شغله انا يمكن قلتها من قبل .. ما في حدا بيقدر ينكر انو الحياه بتلهي والحياه بتدخلك بمتاهات وبتقدر تشوه مفهوم الحب عن الانسان عشان هيك من الجميل انو يكون في يوم تقولي لكل الي قدمولك حب ومشاعر انو حبهم مازال بحيطك ومهم بحياتك , يعني انا هلأ بجيب للي خلفووني هدايا بأي مناسبه بأعيدنا او بعيد الام, (( او بيعد المعلم والشجره والطفوله)) .. ههههه لا بمزح

يعني انتي بتتكلمي من مبدأ انو نخالف اهل الكتلب فقط ؟؟؟ وضحيلي يا بطوطه

ممكن اقدملك هادي الورده يلا هيها مش بعيد حب ولا بطيخ :s (43):
هلا هيوش منورهـ يمّا ..

انا بحكي من هالمبدأ أولا ً و بعدين من المبادئ التانية ,,,

يعني اولا ً انا شايفة انه هما بيحتفلو مشان قسيسهم فالنتاين ..
و احنا بنقلدهم تقليد أعمى ,,

يعني عمرك شفتي واحد مسيحي بيحتفل بعيد الفطر أو العام الهجري مثلا ً,,؟

و تاني جهة من وجهة نظري انه مش منطقي نحصر الحب كلو بيوم !

و برضو اختلاف الرأي لا يفسد للود قضية =)

منورهـ هيوووش ,,

و هي وردة ألك لأني بحبك كمان =) http://www.shabab.ps/vb/images/smilies/s%20(43).gif
الحان الحرية
02-17-2009, 06:34 PM
هـهـهـهـهـهـهـهـهــ ...

بـالـمــرة شــدن شـعــور بـعــض ...

هـهـهـهـهـهـهــ ...

كل وآحـد أو وحــدة حــرة بــرأيــهـــآ ...

وبـصـرآحـة يـعـنــي مــآ أعـتـقــد حــد بـنـكــر إنــوا بـحـتـفــل بـهـالـيـوم ... !!


سلام ...
لأ خيتو مافي حدا شادد شعر حدا ـهههههـ

و هاد قسم النقاش يعني شي طبيعي يكون في اختلافات بالرأي ...

و انا ما بحتفل بعيد الحب متل كتير من الناس

منورهـ =)
الحان الحرية
02-17-2009, 06:37 PM
انا اجيت

كيفك الحان بصراحه موضوع مميز ونحنا بحاجه لمناقشته

انا مش راح احكي من ناحيه دينيه

راح نفسر هالشيء بالعقل

( عيد الحب )

العيد هو اليوم يلي بيصير فيو شي مميز بيختلف عن باقي الايام

متل عيد الفطر هو اليوم يلي بيفصل بين اخر يوم بشهر رمضان وباقي السنه

وعيد الحج هو اليوم يلي بتنتهي فيه تقريبا مراسم الحج

لهيك هي ايام مميزة

لكن يلي اسمه عيد الحب

شو التميز فيه

ازا كان قبله ايام بنحب فيها بعض وحتيجي بعدو ايام نحب فيها بعض

بعدين الحب بكل انواعه اسمى مشاعر ممكن تنوجد بين الناس

وصعب جدا انتظر هاليوم حتى اعبر فيها عن حبي للي حواليني

مع الناس الي بنحبهم ووجودهم مهم بحياتنا لازم يكون كل يوم يوم حب

كل يوم لازم نحتفل بحبنا لأمهاتنا ونهديهم الورد ونبوسهم ونطيعهم

انا لو عندي حبيب كل يوم بدي احبه واحتفل فيه،،، وكل يوم بهدي لروح بابا احلى الحكي والدعوات ،، وكل يوم بدي اهتم بأخواني وافرفشهم ،،، واطيب خاطر امي ،،،واطيعها واحكيلها قديش بحبها وهي مهمه بحياتي

وبعدين العيد هو الشي يلي بيحتفلوا فيه كل الناس

لو تخيلنا انو في شخص بالعالم ماعندو حدا يحبه ,,,, مقطوع من شجرة ووحيد

اكيد مش راح يحس بالعيد وهيك راح يخسر العيد ميزته

يعني انا بشوف انو معئول الواحد يحتفل بيوم ميلاده مع انه برضو حرام لكن ممكن نقول انو هاليوم هو الي كان بدايه وجودك في الحياه وهو اليوم يلي من بعده بتصير اكبر بسنه ،،


يخرب عئلي حكيت كتير

خلص بيكفي



شكرا الحان يائمرنا
بالزبط يا ليال

وضحتي كتير اشياء =)

و بالعكس حكيك كتير حلو ..

و لا طولتي ولا شي ..

منورهـ والله =)
الحان الحرية
02-17-2009, 06:38 PM
يوم عادي
وبالنسبه للاحتفال وين ياحسره نحتفل بمكه هههه عشا الهيئه تموتنا والله هههه
انا مابحتفل لسبب واحدلانو ما المفروض بين ايا تنين يحبو بعض يخلو هاليوم عيد حب لازم كل يوم يكون بالنسبه الهم عيد حب فما حلوه يحددو يوم يحبو بعض فه وباقي الايام عادي
بحسو هبل

ـههههههـ =)

منورهـ ميروو =)

لا تحرمينا هالطلهـ
الحان الحرية
02-17-2009, 06:39 PM
حلووو الموضوع

الي رجعة

بس مضطرة اروح هلأ

يسلمو لحونتي


مس يو انا



(:
مس يو تو ريحونتي =)

يحلّي ايامكـ يا رب ..

منورهـ واللهـ =)
&نسيم الروح&
02-18-2009, 12:45 AM
هههههههههههههههههههه


حبك برص انشالله ولك هاد عيد اهبل متخلف هههههههههههههههههه

ال شو البس احمر واجيب ورد وهدايا حمره اصلا احنا العيد هاد عنا مو هيك يعني صحيح الورد بغلى

والناس بنهبوا عليه ختياريه وصغار والكبار ئبل الصغار هههههههههههههه

وهدايا بس عادي هون

هلا انا لازم اتخانئ انا وزوجي كل يوم وطوش وتولع بينا لا والاخر يجيبلي ورده يوم الفلنتاين هههههههههههههه

ولا اكون اكرهه واجيبله هديه شو هاد التخلف والله انه غباء

ولا لما يجي شب على محل ياخد 4-5 هدايا وما يحط الكروت بالكياس الا وهو مو كاتب اسم بنت عليه

يعني عشان ازا خربط ما يتورط

ولا البنت الي بتلبس احمر بلوزه وسكربينه وشعرها كل بكلات حمره

يعني احمر من هيك ما شفت هههههههههههههههه

ميرسي الك ولي على الموضوع الي بده نقاش وانا الي 20 ساعه في ونسيت شو بدي احكي كمان
hpoooosh
02-18-2009, 08:15 AM
أصلا مافي شي اسمه عيد الحب هدا من اختراع الصهيون والاميركان وبصراحة كل واحد وكل وحدة بيحتفلوا بهالعيد اغبياء وماعندهم كرامة لانه نحنا المسلمين بنعرف منيح انه عندنا عيدين بس
hpoooosh
02-18-2009, 08:24 AM
:showoff:عن جد مجانين بشهادة قال فالنتاين قال
ههههههههههههههههههههههههههههههههههه هههههههههه
والله مسخرة
الامريكان واليهود والكفار بشكل عام جرونا وراهن يعني كل شي تعلمناه منهن ماباقي الا نقول انه علاقات الشباب والبنات حلال
هههههههههههههههههههههههههه

واي حدا بيحتفل بالحب بيكون غبي وماعنده كرامة لانه نحنا بنعرف منيح انه عنا عيدين بس
شكرا كتيرررررررررررررررررررررررررررررررر ررررررررررررررررررررررررررررررررر عالموضوع الحلو
الطالب المجتهد
02-18-2009, 08:32 AM
ههههههههههههههههههههههههههههههههههه ههههههههههههههههههههههههههههههههههه ههههه

مشكورة اختي العزيزة على هل السؤال الرائع ههههههههههههههههههههههههههههههههههه هههه
الحان الحرية
02-21-2009, 04:04 PM
منورين جميعا ً

خصوصا ً ام عصوم فديتك انتي و ابنكـ

و شكرا ً ع مروركم ..