سؤاااال يحيرني

[رولينا]

مرحبا
في سؤال امحيرني كتييييييييييييييييييييييييييييييييي يييييييييييييييييييييييييييير
واللي هوه

هل الصداقة اللي بتكون في النت افضل من الصداقة اللي في الواقع

وشو نهايتها.......

[ريما الفلسطينيه]

انا بالنسبه الي بفضل صداقه الواقع

بس بنفس الوقت ما عندي مانع من صداقه النت

اما نهايه صداقه النت فالشخص نفسو بحددها....
والسؤال هاد جوابو بختلف من شخص للتاني ..يعني رح تحتاري اكتر...

طيب..انتي شو رايك؟؟؟

[محمود]

اختي رولينا هاد بنطبق على نوع العلاقة

والي بحددها الانسان الي عم تحكــي معاه وخصوصا اذا كان خلاف جنسك

يعني الصداقة عن طريق الانترنت شي واقعي جدا وموجود

وانا اتعرفت على كثير شباب من الانترنت وصاروا صحابي

والنهاية صداقة ..

لكن ،، تقولي الي شب يصير صديق بنت سواء في الواقع او الحقيقة

فهذا مستحيل جدا وحرام ..وعمرها ما تكون النهاية سعيدة لانو اساسها كان غلط .

وحتى لو حصل الاشي هاد .. انا متأكد انو المواضيع الي بينهم مليون في المية كلام فاضي وتضيع وقت ..

وفي الاخر واكثر المتضررين سمعة وشرف هي البنت .. كما يقال الشب بضلو شب ..ولازم الانسان يحط مخافة ربه
قدام عينيه .

نرجع للصداقة من نفس الجنــــــس ..انا من تجربتي موجودة وحقيقة لكـــن اهم شي انك تحول الصداقة من انترنت

لحقيقية بحكمـــــة وعقلانية ،، وقبل كل هاد لازم تعرفي مين صديقتك وتتحري عنها قبل ما تتعرفي عليــها ..


لانو كتير في الانترنت بنتحلو شخصيات ..والكل بحاول يظهر حاله ملك زمانه في هاد العالم ..

بعدين يا اختي ما تنسي انو نص عالم الانترنت من وحي الخيال ...

ومش لازم ننكر هاد الاشي .. دائما الي بعجبك في الانترنت خيالك برسمله صورة حلوة شكلا وقدرا ..

والعكس صحيح .. يعني اذا بدك اياها تكون صداقة بنهاية محموده حاولي تخليها أقرب الي الواقعية


ويا خوفي انو تكون بنت من بنات المنتدى شب (ههههههههههه)..

وشكرا الك رولينا

عندي كلام اكتير بس قعدتي على النت مش طوالي :)

[رولينا]

بالنسبة لرأيي

انا بشوف انوالعلاقات على النت ما فيها اي ذرة صدق مش كل العلاقات اللاغلبية

انا الصراحة ممكن تجيني ايميلات اتضيفني على المسن وييجو يحكوا معي على اساس انهم بنات بس انا ابدا ما بعطيهن فرصة فبعمللهم بلوك لأنو انا ما واثقة يكون اللي بحكي معها بنت وتكون شب في الواقع ممكن يكونوا نصهم كذابين وهاي حقيقة
شي بخوف ......

وكمان ناااااااااااااااااااااادر تلاقوا علاقات ناجحة عالنت نصها مشاكل ومصايب

فالواحد احسلوا يبعد عن الشر ويغنيلوا

وعلاقات في الواقع مش شرط اتكون ناجحة وفيها مشاكل بس على القليلة بتكون عارف مع مين عم تحكي وشو جنسو بالضبط

وفي كلام كتيير والله بس بدي اشوف اراءكم في هالموضوع بالأول

[رولينا]

يلا مش شايفة انا ردوود وآراء
بدي آراءكم

ومشكورين ريما ومحمود على مشاركاتكم

[ابن الانتفاضة]

والله يا رولينا كلامك صح ... سؤالك ما كنت اامن فيه .. وكنت دايما اعتبره انه شي سخيف .. وانه اكيد عالنت الاغلب منيح وصادق .. بس طلع العكس .. كتير منهم كزابين ودجالين واللي بتقولي عنه عون وبطلع فرعون .. واللي بتعملي معه منيح بيلاقيكي بالقبيج كتيير كمان ... بس اكيد بتكون في طفرات هون وهون ناس محترمه ووالاد ناس هاد شي اكيد .. مش الكل زي هالعينه يعني

[رولينا]

صح مش الكل بس الاغلبية
وكويس انك صرت اتآمن بهالشي

[ramram]

والله يا رولينا الصداقة على النت بتختلف كتير عن الواقع والسبب انه الي عم بتحكي معاه او معاها ما بتعرفي شو نفسيته او شو عقليته يعني مفيش اشي الي تقدري تعرفي مين هو او بهل سهولة ممكن تتعرفي عليه او عليها، وهي مترتبه على كلا الطرفين واصابيع ايديكي مش زاي بعض، وهنالك علاقات ناجحة بس ضئيلة جدا جدا والواحد ما بقدر يأمن للي بحكي معاه.

بس السؤال يا رولينا : كيف الواحد ممكن ينقل صدقه للي بكون يحكي معاه؟او يعني صدق اقواله بأنه ممكن يكون كصديق مخلص؟

وشكرا رولينا على هل موضوع.

[ابن الانتفاضة]

لا رولينا مش قضية انه اقتنعت .. بس قضية انه شفت كتير ناس هيك يعني كزابين ومن هالانواع هاي كلها
بس برضه برجع بقول مش الكل واحد .. واللي بينطبق على شخص ما بينطبق على الكل .. فحرام يروحه المحترمين
بذنب الغير مؤهلين لانهم يكونو اصدقاء مخلصين ( مع اني بعرف انك ما بتامني بشي اسمه اصدقاء بس انا بامن فيه وكتير كمان )

[هلــون]

رولينا احكيلك كلمة وحدة ... عمرك ما اتئامني بالصداقة على النت .. لانها فااااااااااشله .. وتضييع وقت ...

بس مش كل المرات .. في ناس بتستاهل تحكي معها ... بس حتى فاشلة ..

[ابن الانتفاضة]

فاشلة لانها الاشخاص فاشلين

[هلــون]

ممكن .. بس مش الكل بيكونوا فاشلين .. في ناس مش فاشلين .. بس بتصير بالاخر قصة فاشلة .. لازم نختار صح .. ومش كل واحد لازم اتئامني فيه .. لانو ممكن تتحول الصداقة لشي تاني ...

[ابن الانتفاضة]

في ناس يا رولينا بس هيك بدهم يتسلو ويقضو وقت .. ومش قصة بتصير ولا اشي .. بس بتكوني انت صادقه مع حالك
وهم بيكزبو عليكي قبل لا يكزبو على حالك .. طبعا شي اكيد بدها تفشل مش الصداقه الاخوة وكل شي بيفشل لانه اساسها كان نفاق

[هلــون]

يا رولينا .. في ناس بتتسلى وبتقضى وقتها .. بس انتي لازم اتميزي .. بس الشاب مش خسران بس البنت دايما هيي الخسرانه .. بتعرفي ليش .. لانو النفاق والكذب مش عنا .. البنت ما بتكذب ولا بتنافق ..بلعكس على نياتها .. الله يهدي الجميع .. بس ما اتحاولي اتجربي .. لانو حكيتلك .. فاااشله

[ابن الانتفاضة]

" ان كيدهن عظيم " هدا ربنا اللي حكا هيك مش البشر
وفش حد بيحكي عن زيته عكر كمان يعني الامور واضحه .. الي بتقولي عنه منيح بيطلع قبيح
وفي غيرك جرب اساليه

[رولينا]

صحيح هيلين
انا سؤالي شو نهاية هاي الصداقة
يعني كيف انت متلا بتعرف واحد ومش شايفوا
مش داخلة براسي والله

[محمد اسامة قاسم]

انا بكول انو الصداقه في الواقع افضل بكثير من الصداقه في النت لانو في الواقع رح تعرف الصديق أكثر وتكون بجانبو أكثر وتساعدوا ويساعدك بالواقع أكثر لذلك افضل الصديق في الواقع أكثر من صديق في النت