كتاب ؟ يييي بعدوه عني ! .... (تعو شوي يا جماعه )

[Arabian girl]

الكتب
http://files.shabab.ps/vb/images_cash/up9/090131090905wZfa.jpg

كلمة الناس بتسمعها من جهه بتروح الجهه التانية
كتير ناس من مجتمعنا ما بحبو يقراو الكتب
الكتاب عندهم يعني ملل وحكي فاضي

بس
http://files.shabab.ps/vb/images_cash/up9/090131090905wZfa.jpg

عمرك فكرت تالف كتاب ؟؟
عمرك فكرت توصل رسالتك للعالم من خلال هالكتب؟؟
عمرك فكرت تكتب رواية عنك او قصص صارت معك بكتاب لحتى الناس تاخد العبرة؟؟
شخص من اهل غزة ممكن يكتب كتاب يوصل فيه رسالتو وحكايتو للعالم ؟؟
شخص متلنا ممكن يكتب كتاب يحط فيه رايو بموضوع معين او يحكي فيه عن مجتمعنا ويفيدنا باللي عندو ؟؟
ليش ما نعمل هيك ؟؟
ليش ما يكون هادا الموضوع نقطة تحول ونبلش نكتب كتبنا الخاصة ليقرأوها ولادنا ؟

انا بالنسبة الي انشاء الله حطيت ببالي اني اكتب كتاب ورح بلش بالموضوع واجمع افكار
وانتو ؟؟
http://files.shabab.ps/vb/images_cash/up9/090131090905wZfa.jpg

بتمنى تجاوبو ع الاسئلة

[Arabian girl]

وينكم
يعني عشان العنوان في كلمة كتاب هربتو :(

[Yαś]

كلمة الناس بتسمعها من جهه بتروح الجهه التانية
كتير ناس من مجتمعنا ما بحبو يقراو الكتب
الكتاب عندهم يعني ملل و حكي فاضي

للأسفـ هذا هو حالنا .. و خاصة الشبابـ اللي زينا ,,


عمرك فكرت تالف كتاب ؟؟
عمرك فكرت توصل رسالتك للعالم من خلال هالكتب ؟؟

لا ,,


عمرك فكرت تكتب رواية عنك او قصص صارت معك بكتاب لحتى الناس تاخد العبرة؟؟

قصص صارتـ معي , لا ما كتبت

بألفـ قصص .. بس مو لدرجة كتابـ


شخص من اهل غزة ممكن يكتب كتاب يوصل فيه رسالتو و حكايتو للعالم ؟؟

أنا من أيام العدوانـ على غزة و أنا صرتـ أكتبـ عن غزة .. يمكن تقولي خواطر و رسائل .. حتى في موضوع أنو منزلو في المنتدى .. مشان غزة .. و أن شاء اللهـ ما راح أقطع ,,


شخص متلنا ممكن يكتب كتاب يحط فيه رايو بموضوع معين او يحكي فيه عن مجتمعنا ويفيدنا باللي عندو ؟؟

في رأيي .. أيوا بقدر أي شخص منا أنو يألفـ كتابـ

بس

مو أي حدا راح يكون موهوبـ ,,


ليش ما نعمل هيك ؟؟

كل واحد و ظروفوا و معنوياتو ..


ليش ما يكون هادا الموضوع نقطة تحول ونبلش نكتب كتبنا الخاصة ليقرأوها ولادنا ؟


ليش لأ ..

فربما الأقلام هي وسيلة للنعبر و نفرغ ما في صدورنا


انا بالنسبة الي انشاء الله حطيت ببالي اني اكتب كتاب ورح بلش بالموضوع واجمع افكار
و انتو ؟؟


يلا اللهـ يوفقكـ ..

لا تنسي تعطينا نسخة .. ( بس أكيد ما راح أقرأ الكتابـ ) .. هههههه
لا تصدقي بمزح معكـ

ليش أنا ما بألفـ كتابـ .. بألفـ .. أن شاء اللهـ

و اللهـ يا ريتـ أختي أربيانوو ,, لو كل واحد فينا صار يقرأ و يألفـ و يبدع .. و ما نقتل المواهبنا ,,

اللهـ يهدي أمتنا ..


شكرا على الموضوع أختي أربيانوو

يعطيكي ألفـ عافية

أرقى تحياتي لكي

[Arabian girl]

منور ابو خالد
بس شو رايك تحطلنا بالمنتدى شي من كتاباتك ^^
يسلمو ع المرور الحلو

[Yαś]

منور ابو خالد
بس شو رايك تحطلنا بالمنتدى شي من كتاباتك ^^
يسلمو ع المرور الحلو


النور نوركـ أختي

أن شاء اللهـ .. ^ ـ ^

http://shabab.ps/vb/showthread.php?t=85573

و هذا رابط موضوع كتبته ، و نزلته في المنتدى

اللهـ يسلمكـ أختي

تحياتي

[Arabian girl]

يسلمو
هيني رايحة شوفو
منور ابو خالد

[بنت فلسطين المجروحة]

فاهىعمرك فكرت تالف كتاب ؟؟

لأ

عمرك فكرت توصل رسالتك للعالم من خلال هالكتب؟؟

لا

عمرك فكرت تكتب رواية عنك او قصص صارت معك بكتاب لحتى الناس تاخد العبرة؟؟

لا

شخص من اهل غزة ممكن يكتب كتاب يوصل فيه رسالتو وحكايتو للعالم ؟؟

مش فاهمة السؤال :S

شخص متلنا ممكن يكتب كتاب يحط فيه رايو بموضوع معين او يحكي فيه عن مجتمعنا ويفيدنا باللي عندو ؟؟

اكيد ممكن

ليش ما نعمل هيك ؟؟
ليش ما يكون هادا الموضوع نقطة تحول ونبلش نكتب كتبنا الخاصة ليقرأوها ولادنا ؟

مم مابعرف انا برايي انو الواحد حتى يكتب كتاب قيم يفيد البشر لازم يكون عنده اشي من هالاشياء :

1) انجز اشي بدو يحكي عنه او كيف تعب لحتى حقق هالاشي

2) مر بتجربة مريرة مابتمر عاي حدا وحابب يحكي عن معاناته

3) عنده اسلوب كتابة ابداعي ماله مثيل وحابب يغذي ارواح البشر بجمال اللغة

4) شخصية مهمة وبدو يكتب سيرة حياته

5) صاحب علم وفير وحابب يفيد الناس بعلمه

وانا والحمدلله ولا واحد منهم فيي:icon11:

مشكورة عربية


موضوع حلو

[Arabian girl]

هههههههههه يخرب عئلك عجينتي ههههههه
بس موشرط
اي حدا ممكن يكتب كتاب يعني متلي هههههه
ومو شرط الشخص اللي بيكتب سيرتو يكون مهم
كتير ناس عاملين روايات ومو مشهورين
منورة عجينتي

[Arabian girl]

يلا وين الباقي ^^

[Yαś]

الكل شرد يا أربيان ..

ههههه


معلش .. آسفـ على المداخلة ..


يلا يا شبابـ بدنا ردود ..

بسرعة

[Arabian girl]

ههههههه لا ولا يهمك
منور ابو خالد ^^

[مآهينآز]

بصراحة يمكن لأنو انا معظم اوقاتى بتواجد فى المكتبة
فأكيد بشوف غالب الموجودين على العكس تماماًً
يعنى أكيد الموجودين بالمكتبة من محبى القراءة بصفة عامة
والكتب بصفة خاصة

/
ولكن ايضاًً لا أنكر انو مرحلة اقتناء الكتاب
تدهورت بعض الشئ

عمرك فكرت تالف كتاب ؟؟
اها اكيد فكرت
الفكرة بحد ذاتها اكيد راودت ناس كتير من محبى القراءة

عمرك فكرت توصل رسالتك للعالم من خلال هالكتب؟؟
برأى الشخصى
رسالتى للعالم او لأى شخصاًً اياًً كان
مش بس هتوصل من خلال كتاب
بأختصار مفكرتش بالمقام الاول انى لو كتبت كتاب يكون الغرض منه انى اوصل رسالة للعالم

عمرك فكرت تكتب رواية عنك او قصص صارت معك بكتاب لحتى الناس تاخد العبرة؟؟
لا للأسف حياتى ودنيتى صغيرة
مفيهاش عبر ولا قصص وروايات
فيها بس شوية معلومات على شوية خربشات وحسب

شخص من اهل غزة ممكن يكتب كتاب يوصل فيه رسالتو وحكايتو للعالم ؟؟
غزة .. جيتى على الوجع
بأختصار أهل غزة الان ومن يشعر بهم هم اقدر الناس على الكتابة
فالجراح والاحزان والقوة والايمان كلها مشاعر تحيي الاقلام

شخص متلنا ممكن يكتب كتاب يحط فيه رايو بموضوع معين او يحكي فيه عن مجتمعنا ويفيدنا باللي عندو ؟
اذا بتقصدى بمتلنا
اى شخص بنفس اعمارنا
فطبعا المعيار فى كتابة الكتب عمره ما كان بالسن
ويستطيع شخص متلنا يكتب كتاب ..

ليش ما نعمل هيك ؟؟
مسألة كتابة الكتاب مش مسألة سهلة
دى مسألة فى غاية الصعوبة
الكتاب علشان يوصل لأيد القراء بيمر بمراحل
ولا كأنه دخل بيت جحا ههههـ
من تأليف لطبع ونشر وتسجيل وحقوق الملكية الفكرية
و
و
موال يعنى

ليش ما يكون هادا الموضوع نقطة تحول ونبلش نكتب كتبنا الخاصة ليقرأوها ولادنا ؟
كتبنا الخاصة
أممممممم
تقصدى مذكراتنا يعنى
أكيد فى ناس كتير بتكتب مذكراتها

انا بالنسبة الي انشاء الله حطيت ببالي اني اكتب كتاب ورح بلش بالموضوع واجمع افكار
وانتو ؟؟
يارب يوفقك ،،
بس قوليلى عن ايه بالظبط هيكون الكتاب
وهتطرحيه فى المنتدى ؟
بتمنى اشوفه عن قريب
وبالتوفيق يارب
/
بالنسبالى
الفكرة تراودنى بس مش كتاب بالمعنى
مجرد خربشات
/

بعرف طولت بالحكى
معلش والله عارفة تقلت عليكى
بس بحب اوصل وجهة نظرى كاملة وبالتفصيل

/
ويسلموا ايديكى حبيبتى نيـنـو :icon26:
على الموضوع الرائع
أرق تحية

[Arabian girl]

اهلا حبيبتي ما هيناز
الكتاب بحكي عن مواضيع اجتماعيه ورايي فيها
يعني متل حوار بيني وبين القارئ
وع فكرة انا ابدا مو من محبي القراءة هههههههه
بس انشاء الله بس اخلص كتابتو رح اعرضو بالمنتدى
هو انا بلشت فيه بس بدو وئت
نورتينا ماهيناز