مآهينآز
01-25-2009, 03:41 PM
السلام عليكــم ورحمـة الله وبركاتــة ،،
:
:
في مواضيع كتير عن المذاكرة
بس بجد الموضوع ده حلو ومميز ومفيد جدااااا
يلا نبدأ بأفضل الطرق للمذاكرة
الصلاة :
بجد كل ما الانسان كان قريب من ربنا
ربنا بيبارك له فى اليوم ومش هتحس ان الوقت بيضيع منك وخلاص ومش هلحق وكدا يعنى
الدعاء:
ادعى ربنا انه يوفقك ويحببك فى المذاكرة
علشان على الاقل تقدر تذاكر لان فى ناس اصلا ملهاش علاقة بالمذاكرة
الأكل:
لازم تهتم بالأكلات اللي ممكن تحسن أداء الذاكرة.. مثل:
التمر- اللوز- الحليب- التفاح– العنب الغامق- وكل مشروبات الصويا..
وكمان العسل وشاي الجنزبيل وعصير الجزر محفزات رائعة للذاكرة...
النوم:
فيه بعض الأبحاث بتقول إن النوم هو مرحلة بيقوم فيها العقل بتثبيت المعلومات اللي خدناها طول اليوم.. يعني يفضل سيادتك تنام بعد المذاكرة شوية بدل ما تفضل سهران الليل بطوله وإنت مش مركز وقاعد تذاكر برضه!
الراحة مهمة ولازم تذاكر وإنت مركز, وتنال قسطا مناسبا من النوم.. بس إياك يبقى النوم هي وسيلتك المفضلة للهرب من المذاكرة... أنا باقول نام لك شوية بعد ما تذاكر مذاكرة كتيرة..
الألحان :
لو فيه معلومة معصلجة مع سيادتك ومش عارف تحفظها, غنيها!
أيوه.. لو حاولت تفتكر كلمات أغنية.. مش هتعرف تفتكرها إلا لو افتكرت اللحن, ساعتها هيبقى سهل تفتكر الكلام..
الألحان بتخلي الحفظ أسهل.. مش ملاحظ إن بتوع الإعلانات بيحطوا اسم المنتج في أغنية؟
عرفت ليه؟
عشان الناس تحفظها!!
مثال: إعلانات أرقام الإنترنت.. أكمل الأغنية: 0777(وبعدين؟)
الإيمان بالنفس:
سبب رئيسي بيخلينا مش عارفين نحفظ, وهو اعتقادنا الداخلي إن ذاكرتنا ضعيفة!
لو آمنت إن ذاكرتك قوية وقلت كده لنفسك, هتترسخ جواك الفكرة دي.
بلاش لخبطة:
أي عمل غير منتهٍ في حياتك, ممكن يخلي بالك مشغول..
فضي نفسك للمذاكرة وبلاش تخلي بالك مشغول في 5638 حاجة!
الضحك:
الحاجات المضحكة عمرها ما بتتنسي..
لو فيه معلومة معصلجة معاك حطها في نكتة أو بص لها كأن دمها خفيف..
اخترع النكت واسخر من المنهج اللي بتحفظة هتلاقي نفسك بتحبه وعارف تذاكره..
انتبه:
حط دماغك في الموضوع.. قرر إنك هتحفظ المنهج بنسبة 100% مهما كلفك الأمر, وذاكر بهذه العقلية وأنت مصمم إن: يا أنا يا الامتحان بقى!
خليك إيجابي:
حط خطوط تحت الكلام المهم, لخص النقاط المهمة, سمع لنفسك,..... اعمل حاجات ملموسة تحس منها إنك ماشي في الطريق الصحيح ومش سلبي.
ركز في التفاصيل:
اعتبر كل معلومة صغيرة مهمة.. واعتبر إنك هتحكي كل التفاصيل دي لواحد صاحبك بكرة وإنتم خارجين مع بعض.. اعتبر إن فيه ناس أصحابك عايزين يعرفوا التفاصيل دي وانك هتحكيها ليهم بكرة..
وخلي بالك..
ادي نفسك فرصة إنك تنسى شوية.. كل ما تذاكر كتير, هتنسى حاجات مش مؤثرة قوي..
لكن لو مذاكر قليل, لو نسيت معلومة واحدة هتروح في أبو نكلة!
اتكلم بصوت عالي:
بكده حواس كتير هتشتغل على المعلومة دي.. اشرح المعلومة دي لحد, أو اكتبها واقرأها تاني.. ماتبقاش بس مستقبل سلبي للمعلومة, طلعها من جواك برضه عشان ترسخ المعلومة أكتر.
المراجعة:
بعد كل ده.. راجع يا باشا!
وابقى قابلني لو سؤال وقف قدام سيادتك.
إن شاء الله
:
:
في مواضيع كتير عن المذاكرة
بس بجد الموضوع ده حلو ومميز ومفيد جدااااا
يلا نبدأ بأفضل الطرق للمذاكرة
الصلاة :
بجد كل ما الانسان كان قريب من ربنا
ربنا بيبارك له فى اليوم ومش هتحس ان الوقت بيضيع منك وخلاص ومش هلحق وكدا يعنى
الدعاء:
ادعى ربنا انه يوفقك ويحببك فى المذاكرة
علشان على الاقل تقدر تذاكر لان فى ناس اصلا ملهاش علاقة بالمذاكرة
الأكل:
لازم تهتم بالأكلات اللي ممكن تحسن أداء الذاكرة.. مثل:
التمر- اللوز- الحليب- التفاح– العنب الغامق- وكل مشروبات الصويا..
وكمان العسل وشاي الجنزبيل وعصير الجزر محفزات رائعة للذاكرة...
النوم:
فيه بعض الأبحاث بتقول إن النوم هو مرحلة بيقوم فيها العقل بتثبيت المعلومات اللي خدناها طول اليوم.. يعني يفضل سيادتك تنام بعد المذاكرة شوية بدل ما تفضل سهران الليل بطوله وإنت مش مركز وقاعد تذاكر برضه!
الراحة مهمة ولازم تذاكر وإنت مركز, وتنال قسطا مناسبا من النوم.. بس إياك يبقى النوم هي وسيلتك المفضلة للهرب من المذاكرة... أنا باقول نام لك شوية بعد ما تذاكر مذاكرة كتيرة..
الألحان :
لو فيه معلومة معصلجة مع سيادتك ومش عارف تحفظها, غنيها!
أيوه.. لو حاولت تفتكر كلمات أغنية.. مش هتعرف تفتكرها إلا لو افتكرت اللحن, ساعتها هيبقى سهل تفتكر الكلام..
الألحان بتخلي الحفظ أسهل.. مش ملاحظ إن بتوع الإعلانات بيحطوا اسم المنتج في أغنية؟
عرفت ليه؟
عشان الناس تحفظها!!
مثال: إعلانات أرقام الإنترنت.. أكمل الأغنية: 0777(وبعدين؟)
الإيمان بالنفس:
سبب رئيسي بيخلينا مش عارفين نحفظ, وهو اعتقادنا الداخلي إن ذاكرتنا ضعيفة!
لو آمنت إن ذاكرتك قوية وقلت كده لنفسك, هتترسخ جواك الفكرة دي.
بلاش لخبطة:
أي عمل غير منتهٍ في حياتك, ممكن يخلي بالك مشغول..
فضي نفسك للمذاكرة وبلاش تخلي بالك مشغول في 5638 حاجة!
الضحك:
الحاجات المضحكة عمرها ما بتتنسي..
لو فيه معلومة معصلجة معاك حطها في نكتة أو بص لها كأن دمها خفيف..
اخترع النكت واسخر من المنهج اللي بتحفظة هتلاقي نفسك بتحبه وعارف تذاكره..
انتبه:
حط دماغك في الموضوع.. قرر إنك هتحفظ المنهج بنسبة 100% مهما كلفك الأمر, وذاكر بهذه العقلية وأنت مصمم إن: يا أنا يا الامتحان بقى!
خليك إيجابي:
حط خطوط تحت الكلام المهم, لخص النقاط المهمة, سمع لنفسك,..... اعمل حاجات ملموسة تحس منها إنك ماشي في الطريق الصحيح ومش سلبي.
ركز في التفاصيل:
اعتبر كل معلومة صغيرة مهمة.. واعتبر إنك هتحكي كل التفاصيل دي لواحد صاحبك بكرة وإنتم خارجين مع بعض.. اعتبر إن فيه ناس أصحابك عايزين يعرفوا التفاصيل دي وانك هتحكيها ليهم بكرة..
وخلي بالك..
ادي نفسك فرصة إنك تنسى شوية.. كل ما تذاكر كتير, هتنسى حاجات مش مؤثرة قوي..
لكن لو مذاكر قليل, لو نسيت معلومة واحدة هتروح في أبو نكلة!
اتكلم بصوت عالي:
بكده حواس كتير هتشتغل على المعلومة دي.. اشرح المعلومة دي لحد, أو اكتبها واقرأها تاني.. ماتبقاش بس مستقبل سلبي للمعلومة, طلعها من جواك برضه عشان ترسخ المعلومة أكتر.
المراجعة:
بعد كل ده.. راجع يا باشا!
وابقى قابلني لو سؤال وقف قدام سيادتك.
إن شاء الله