ادعموا أهل غزة .. بإتصـال تلفوني || شاركوا [الأرشيف]

.:.!دموع الرحيل!.:.

01-03-2009, 12:44 AM

السلام عليكم ورحمة الله

كلنـا نبحث عن أي وسيله ندعم فيها أهلنا بغزة ولو معنويا ً ..

الفكرة بسيطة وباختصـار

( هي الحقيقة وصلتني أنها فكرة الشيخ العريفي )

وقد لاقت تفاعل ..

ان نقوم بالاتصال على أهلنا بغـزه ..

والتكلم معهم ,, ونؤكد لهم أننا معهم

بكليتنا .. دعائنا مشاعرنا .. عملنا وكل شي

طبعا الكلام عفوي ..

والطريقه كالتالي ..

الكود :: 00970828 وأضف إليها خمسة أرقام عشوائية ..

غزة
*****00970828
ثم اختر أي خمسة أرقام عشوائية

رفح
*****00970821
ثم اختر أي خمسة أرقام عشوائية

خان يونس
*****00970820
ثم اختر أي خمسة أرقام عشوائية

المنطقة الوسطى
*****00970825
ثم اختر أي خمسة أرقام عشوائية

وستكون قد اتصلت على منازل أهل غزة وليس الموبايل

وادعمهم بما تملك من مشاعر .. تقوي من عزيمتهم

الحمله قد بدأت وقد لاقت صداها ..

والكثير من اهل غزة تلقوا اتصالات من الكثير من بلدان العالم

وقد شعروا بمسانده قوية ..

فلـنقوم بهـا

لو كل واحد اخد عيله وحده منيح .. http://files.shabab.ps/vb/images_cash/up9/090103000606NVyl.gif

واقترح أن نجمع العائله كلها بجانبنا ونقوم بمكالمتهم جماعيا

انشرو الفكره

،،عـيـون الوجـد،،

01-03-2009, 12:50 AM

ياسلام روعة الفكره

اعتقد ماعندي جرئه يعني لو اتكلم احس خايغه وراح تتوقف دقات قلبي

بس نحاول ان شاء الله

جزاك الله خيرا أختي دموع الرحيل

.:.!دموع الرحيل!.:.

01-03-2009, 12:53 AM

لا قوي حالك .. هني حاليا بأشد الحاجه للدعم النفسي والمعنوي ..

كلنا بنخجل من هيك مواقف ..

بس بهالوقت ما في مجال للخجل ..

الله يسعدك يا رب ..

تسلميلي والله

ترانيم الشوق

01-03-2009, 12:55 AM

بجد حلوه كتير هالفكره

واكيد رح اعملها يعني ما ئدرنا ننصرهم بشكل عملي

ننصرهم معنويا مشكوره كتير دموع الرحيل

والله يعطيكي العافيه

نور الهدى

01-03-2009, 01:07 AM

الفكرة جميلة والله

و احدى الاخوات هنا جربتها و اتصلوا بعائلة في غزة ..

//

والله هذا شعب اسطوري .. بثباته و شجاعته و عزته .. بصبره و عزمه و ارادته

اتوقع انهم هما اللي حيصبرونا ع البلاء اللي احنا عايشينه .. احنا تحت حكام ظلمة .. و عايشين الهوان و العجز

ولا حول ولا قوة الا بالله

عموما

سيتم نشر الفكرة بإذن الله

//

جزاكِ الله كل خير دموع :)

أمل

01-03-2009, 01:28 AM

تسلم افكارك اخيتي
هدا حل من بين الحلول التي يجب علينا دعمهما و المسارعة في تطبيقها.

القلب الطيب

01-03-2009, 01:39 AM

ابنة الشتات

01-03-2009, 01:43 AM

بكرا العصر إن شاء الله ،،

ما فيني أحكي ولا كلمة ،،

يارب تقدرنا ع مكافاتهم يااااااااارب ،،

.:.!دموع الرحيل!.:.

01-03-2009, 01:52 AM

بارك الله فيكم .. والله يجزيكم الخير

وأخي القلب الطيب تسلم كتير عالتنبيه

معلومه مهمه والله ..

ما كنا عارفين هيك ..

الله يبارك فيك ..

بادروا يا جماعه كلكم .. وديروا بالكم للي حكاه القلب الطيب ..

ربنا يتقبل منا عملنا الخجول

نور الهدى

01-03-2009, 01:53 AM

السلام عليكم ورحمة الله

بارك الله فيكي اختي دموع

ولكن اردت التنويه

آخر رقم في هذا الكود 00970828 وهو الرقم 8 خاص بمدينة غزة فقط وهناك ارقام اخرى تخص باقي المحافظات

مثل 0 يخص مدينة خانيونس فيكون الكود 00970820

4 يخص محافظة الشمال " جباليا بيت لاهيا بيت حانون " ويكون الكود 00970824

بقي رقمين لا اذكرهما وهما لرفح والمحافظة الوسطى

اردت التنويه لأن جميع المحافظات تقع تحت الهجمات الصهيونية والكل يتعرض للقصف

جزاكم الله خيرا لما تقدموه لشعبنا ولكم الأجر ان شاء الله

اهااا

شكرا على التوضيح

//

بعدين ليش قاعد تشكر ع اللي عم نقدمه

هو احنا قدمنا شيء !!

بعدين حتى لو قدمنا فهاد واجب .. حبينا او كرهنا

و اي واحد قدم اي شيء فهاد واجبه مش اكتر

ما حدا فيو يحمل الفلسطينيين جميلة .. قال والله احنا عملنا كذا و كذا عشانكم ..

لا والله .. هاد اضعف الايمان

//

سامحونا يا اهل غزة و اغفروا لنا تقاعسنا لعل الله يصلحنا و يغفر لنا !!

و ادعولنا بالهدى و الصلاح .. فدعاؤكم مستجاب ..

.:.!دموع الرحيل!.:.

01-03-2009, 02:15 AM

السلام عليكم ورحمة الله وبركاته

لا شيء أجمل من حديث الرسول عليه الصلاة والسلام:
( المؤمن للمؤمن كالبنيان يشد بعضه بعضاً ) ..

ولا شيء أجمل من أن يشعر اخوك المسلم بقوة الرابطة بينك وبينه
في الزمن الذي خانت فيه الأمة
أهل غزة أدرى بشعابها .. وهم على الأرض صامدون
مرابطون
صابرون

لا يريدون منك سوى كلماتٍ تساندهم فيها
وتخبرهم فيها بأنك معهم تدعوا لهم
أخبرهم بأنك تبكي لهم وتدعو في منتصف الليل..
أخبرهم بأنهم سينصرون لا مراء !
أخبرهم بأننا بتنا نعرف الآن معنى الأخوة ، والدم الواحد وأخوة الدين

http://files.shabab.ps/vb/images_cash/up9/090103001534LCKS.jpg

الآن.. شارك معنا في حملة الاتصالات العشوائية
على أهلنا في قطاع غزة وذلك بالاتصال على:

غزة
*****00970828
ثم اختر أي خمسة أرقام عشوائية

رفح
*****00970821
ثم اختر أي خمسة أرقام عشوائية

خان يونس
*****00970820
ثم اختر أي خمسة أرقام عشوائية

المنطقة الوسطى
*****00970825
ثم اختر أي خمسة أرقام عشوائية

آن لنا أن نجرب لوناً جديداً من الاتصالات الهاتفية!
غير اتصالات الغيبة والضحك ..
جرب اتصال العزة بأهلنا في غزة ..

ملاحظة: - بإمكانكم الاستماع لنموذج بالضغط هنا (http://www.yahyahawwa.com/images/Ghazza_Call.amr)

- الرجاء وضع مشاركتك هنا وكتابة تجربتك بعد الاتصال
حتى نزيد العداد الموجود في الصفحة الرئيسية

أمل

01-03-2009, 03:04 AM

جعل الله مجهوداتك في ميزان حسناتك ان شاء الله.
والله ادخلت الفرح على قلبي رغم حزني والمي الشديدين على اخوتي في غزة والان مابعرف شو راح اعمل احنا الان في المغرب الساعة 1h00 وجوالي فارغ وماني قادرة انتظر حتى الصبح.
الله يحيينا ويوفقنا ونسمع اصواتكم الحبيبة بكرة بادن الله.

ღ حورية فلسطين ღ

01-03-2009, 07:35 AM

فعلا فكرة رائعة واقل شي ممكن نعملو لندعم أهلنا في غزة

ان شاء الله اليوم رح أجرب بإذن الله

الله ينصرهم ويصبرهم يارب

يسلمو دموع يعطيكي العافية حبيبتي

بقـ..ــايـ..ـا إنسـ..ـانـ

01-03-2009, 10:45 AM

جزاكي اللهـ الجنة اختي ..

رايح يتم النشر ..

أنين

01-03-2009, 10:53 AM

الحمدالله ..

فكره جابت نتيجه وصلت أخبار أنو أهل غزة كتير تلقوا اتصلات من برا ..

والحمدالله المعنويات عاليه والله يحميهم وينصرهم

عالم من إختياري

01-03-2009, 01:39 PM

والله فكرة كتيير حلوة

يسلموو وإن شاء الله بجربها

ايــاد

01-03-2009, 03:05 PM

فكره روعه ,,

بس بتواجهني مشكله غريبه كتير ..

انا مشـآرك بأكثر من خمس منتديات ,,

كل موضوع نزلتو عن غزه ,, تم أغلاقه أو حذفه ,,

شئ غريب والله ,,

كأنو الكل متعـآون وراضخ للاراده الامريكيه والاسرائيليه ,,

الله أكبر عليهم ,,

:(

ابنة الشتات

01-03-2009, 03:15 PM

هــــــــــــــــــلأ سكرت الخط مع غـــــزة ،،

شي في قمة الروعة ،،

بكيييييييت والله ،،

بحكيلوو وصيناا ،،
بيحكلييي ادعولنااا

ادعولنا احنا عايشييين بدعائكم ،،

هو واساني بدل ما أواسييه ،،

بيحكي القصف شغال 24/24 ساعة الله يفرجهاا ،،

وبيحكي المقاومة ما بتقصر كماان شغالييين ،،

اللهم ينصركم ويحمييييكم يااااااارب

ياااااااااااااااااااااااااااارب
بعدني عم برجف والله ياااارب تحميهم ياالله

أنين

01-03-2009, 03:22 PM

يا جماعه

على قناة ااقصى طلع تحذير

أنو هـ الاتصالات بكون منها اتصالات من المخابرات الاسرائيليه

عشان يعرفوا حال المقاومة

:b: يعني يا أهل غزة ما تخادوا وتعطوا كتير بالحكي

والي بدهم يتصلوا

ياريت يقتصر الحكي بس عن احوالهم

لانو الخطوط مراقبه

:b:

Dont Ask Why

01-03-2009, 04:07 PM

والله فكره بتتوزن بلذهب

ثانكس دموع

الفكره قيد التنفيذ

الله يشد من عزمهون وينصرهون على الخونه والظالمين

بنت الشام ..

01-03-2009, 05:16 PM

اه والله فكــرة حلوووة بجد ..

بس بدها قلب قووي ...

الله يقـوينا .. راح بجـرب بـوكرا باذن الله ...

يسـلمو كتيـر حبيبتي ..

بجد فـكرة روعة ...

الله يحفـظك ..

.:.!دموع الرحيل!.:.

01-03-2009, 07:48 PM

الله يبارك فيكم يا رب

من شوي حكينا على مدينة غزة

وحكيت مع الحجه .. وصرت أدعيلهم

وهي تقولي انه هني بخير .. وكان صوتها أحسن واقوى من صوتي والله

كأنه انا الي تحت القصف .. وهي الي سالمة وبأمان :icon5:

وصرت اقولها سامحونـا .. سامحونا على التقصير بحقكم

حكتلي ما تحكوا هييك ووصتني اوصل سلامها لكل الي واقفين معهم

الله يقويهم يا رب

ويخليلنا ياهم :icon5:

وبكرا ان شاء الله رح ارجع اتصل ..

الي اتصل يخبرنا عن الي صار معه

نوال23

01-03-2009, 07:59 PM

سلام الله عليكم

فكرة مميزة على الاقل يشعرو بمؤازرتنا لهم

مؤكد ساقوم بها عن قريب
جزيتم كل خير

.. ليآل ~

01-03-2009, 08:10 PM

امبارح سمعت الشيخ محمد بيحكيها

وشفته لما جربها وكتير حبيت الفكره

واليوم اتصلت على احد الارقام

وردت علي وحده وحسيت حالي كتير متلبكه ومو عارفه شو احكيلها

والله يادموع صرت انا ابكي وهي تصبرني وتطمني عليهم

وكانت سعادتها لاتوصف وضلت طول الوقت تدعيلي

بصراحه حسيت حالي قد النمله امام ناس بتملك هيك صمود وعزيمه وقوة

مستحيل حدا يهزمهم:icon5:

وكل يوم راح اتصل بس لازم احاول ما ابكي :b:

وهالشي صعب:b:

منوره يانور عيني

،،عـيـون الوجـد،،

01-03-2009, 09:40 PM

والله انا ماكلمت بس خليت اختي تكلم وانا كنت بجانبها

كلمنا دارين ماشاء الله عنهم كأنهم ماعندهم شئ

بس الله يثبتهم وينصرهم وان شاء الله راح ارجع واكلم بنفسي مره ثانيه

Khattab Elmasry

01-03-2009, 09:57 PM

الفكرة أكثر من جميلة بل رائعة وسأقوم بإذن الله بالإتصال وأتمنى من الله أن يقلل بها من وزر التخاذل الذى حملناه
مشكور جدا أختى دموع الرحيل

.:.!دموع الرحيل!.:.

01-04-2009, 12:54 AM

الله يبــــــارك فيكم يااارب ويسعدكم ...

ويبارك بكل الي اتصلوا .. يا رب

صدقوني .. ههاي الحمله طلعت دعم إلنا وإلهم

استمروا بالحمله ..

الله يسعدكم

بنت الشام ..

01-04-2009, 03:12 PM

نــانــا ....

انا اتصــلت بس بيقلي ان الرقم غيـر مستـخدم او هيك شي ...

جربت كل الارقام تبع النـداء ..

ومو معقــول نحن تليفـونا ما بيتصل خارجي ... لان امي دايما بتحاكي ستي بسوريا من التليفون ...

فمـا بعرف شو القصــة ...!!!

لكن راح ضلني جـرب وبازن الله بيشبك الخـط ^^

ايــاد

01-04-2009, 03:16 PM

الله يقويكم ,,

مميز الي بتعملوه ,,

الله يصبر أهل غزه ويصبر المقـآومه ,,

نور الهدى

01-04-2009, 03:55 PM

ننوش احنا من يومين بنحاول .. بيرن و ما حدا يرد :s

شو القصة !!

ايــاد

01-04-2009, 05:28 PM

من نـآحيتي قمت بالنقل لعدت منتديـآت ,,

ربي مع أهل غزه ,,

كل الشكر

.:.!دموع الرحيل!.:.

01-04-2009, 06:26 PM

بـارك الله بكم أخي إيـاد ..

الله يسعدك

،،

نور ولولو ..

انا كود الشمال ما زبط معي ..

كود المدينه نفسها زبط ..

ضلو حاولو ارقام عشوائيه ان شاء الله بيمشي الحال

الله يبـارك فيكم جميعا

ملكة الإحساس

01-04-2009, 06:34 PM

يعطيكم العافية ..

بس مبارح يا دموع حكو ع تلفزيون الاقصى بالمقابلة انو هاي الطريقة اتوقفو عنها
لانهم صارو يتصلو ويعرفو مواقع المجاهدين .. وان العدو استغل هاي الفرصة من خلال المكالمات

ملكة الإحساس

01-04-2009, 06:37 PM

أنا بالاول اتشجعت وكنت اتصل .. بس بعد ما شفت المقابلة مبارح وقفت عن الاتصال ..

وأنا بس حبيت انبهكم ..

ويعطيكم العافية

شبل فلسطين

01-04-2009, 06:40 PM

عذرا عذرا عذرا
يجب ان لا نتصل
صحيح ان باتصالنا ندعهم ونطمئن عليهم
لكن قد نتصل عليهم نسالهم عن الشباب وكيف همه وكيف همتهم وكيف وكيف..
فيكسبها الصهاينة ونقدمها هم مجانا...

ولا سيما ان الصهاينة اتخذو طريقة للاتصال على اهل غزة وهي بان يتصلو عليهم من ارقام دوليه خارجية
لذا ارجو ان لا يتم الاتصال ولا تنشرو هذه المواضيع
وبوركتم...

شبل فلسطين

01-04-2009, 06:42 PM

بس مبارح يا دموع حكو ع تلفزيون الاقصى بالمقابلة انو هاي الطريقة اتوقفو عنها
لانهم صارو يتصلو ويعرفو مواقع المجاهدين .. وان العدو استغل هاي الفرصة من خلال المكالمات

..............................

أمل

01-04-2009, 08:39 PM

اختي انا اليوم اتصلت على غزة وزبط معي الخط الصراحة كان شعور اكبر من انو يوصف.
الاخوة الحمد لله صابرين وعزيمتهم قوية الله يزيد ايمانهم و قوتهم.
الاخ اللي حكيت معو شكرني كثير على الاتصال و طلب مني انو نحنا ندعيلهم و انا اكدت لو انحنا كلنا معهم وبندعيلهم في السر والعلن في صيامنا و قيامنا.
لكن انا بدي اعلق على الكلام الي قالوه الاخوة ان هذه الاتصالات تخدم العدو.
بس في نقطة مهمة.وهي امتى هالاتصالات رح تخدم العدو؟؟ لما نكون نحنا بدنا نتصل فيهم من شان نعرف أمكنة المقاومين ..أما الاغلبية بيتصلو في أهلنا بغزة من شان نتضامن معهم ونرفع معنوياتهم ومالنا أي دخل بأمكنة المقاومين..يكفي اننا ندعيلهم بظهر الغيب انو ربنا يشد أزرهم ويفك كربهم..مع احترامي للجميع

.:.!دموع الرحيل!.:.

01-05-2009, 11:44 AM

مممممم ..

اليهود مش حيستنونا نتصل ولا ما نتصل ..

المهم انتوا إتصالكم ما يكون إلا اطمئنان ..

حتى هاي بدنا نمتنع عنها مشان العدو !

العدو لما بدو يساوي شغله رح يساويها ..

وهون الشغل صار على أهل غزة نفسهم .. إنهم ما يعطوا أي معلومات لحدا ..

وحماس ما قالت انه انوقف هاي الطريقه .. سمعت بالمقابله الصحفيه

بنبهوا أهل غزة بس .. انه ما يعطو اي معلومـات ..

على كل .. كل شغله إلهـا نفعها وضررها ..

وأكيد نحن عارفين حالنا ليش بنتصل ..

وهاي أقل شغله ممكن نساويها معهم ..

//

صمود غزة نورتـي .. الله يبـارك فيكي

وهني قصدهم انه اليهود عميتبعوا نفس الطريقه مع أهل غزة مشان يسحبوا معلومـات

عن المجاهدين ..

ربنا يكون بالعون

فلسطين الحزينة

01-05-2009, 12:51 PM

حاولت اتصل بس طلعلي الرقم غلط فيك تحكيلي الطريقة انا من القدس و شكرا

فلسطينيه والراس مرفوع

01-05-2009, 03:57 PM

فكـــررة روووووووعــــة يــآ ننوشتـــي :icon26:

مـن أول ما قرأتهــآ وأنا اجرب أرقــآم وما زبــط معــي غيــر 12 رقـــم :b:

من الوسطــى ورفـــح أمــآ جبــآليا وخـآنيونـس ما زبـطت ولا محـاولة معــي :icon5:

حكيــت مع أربعـــة فيهـــم ...

مــآشالله عليهم معنــويات عاليــة كتيــر كتيـــر ..

وهمـــة قويــة وايمــآن وثبــآت بعجــب وبطمــن كتيــــر :b:

اعتزرت على تقصيــرنا خصوصــآً إحنا أهــل الضفــة :showoff:

الكــل حكالي انو ما اتضــرر الا وحــدة من رفـــح بيتهــآ مدمــر والبيــآرة اللي عنــدو :icon5:

حسيتهــآ محبطـــة :icon5::icon5:

وانشــآالله بكمّـــل :icon31:

بــس الطـريف بالموضوع انو امبارح وانا احـآول اتصــل

ما زبط معي شي

فلجــأت لمقدمات بإسرائيــل

واتصلت بمستوطنيـــن :wacko:

ما اعرفــت احكيلهم شي :showoff:

مع اني كنت بتمنـى اخوفهم وارعبهــم من صواريخ القسـآم ضمن اطار الحرب النفسية :icon11:

أمل

01-05-2009, 04:35 PM

اختي "دموع الرحيل" هذا هو اقل مايمكن ان نقدمو لاهلنا بغزة.
وانا لن اتردد في تكرار المحاولة للاتصال بهم.
وانا بطلب منكن تدعو معي ان شالله يعلق معنا الخط وننجح في الاتصال بصديقة اختي حاولنا كثير بس بدون فايدة.
وبفول للاخت "فلسطينية والراس مرفوع" ان فكرتها والله ممتازة.
ليش لا احنا الحمدالله الكل بيتقن لغة .والله لو فعلناه في اؤلئك الجبناء لوجدناهم مرمين في مصحات نفسية من الخوف والهلع.

نونو الحلوة

01-05-2009, 05:13 PM

فكرة روعة

ندعمهم معنويا على الاقل

الله يقدرنا يارب

يعطيكي ألف عافية نانا

محبه فلسطين

01-05-2009, 06:53 PM

جزاك الله خير صاحب الموضوع
انا اتصلت وردت عليا ست
وقالت ليه ادعوا ادعوا
يارب ينصركوا اهل فلسطين الشقيقه

أمل

01-19-2009, 08:39 PM

إلى الاخت "دموع الرحيل" جلى الله عنك الدموع و جعل أيامك أفراحا.

إن الفكرة التي طرحتها مع بداية العدوان الغاشم على أهلنا في غزة لاقت إقبالا من العديدمن الاعضاء جزاهم الله خيرا و الكل عمل على قدر استطاعته من اجل تحقيق هذه الفكرة.

و سؤالي هو :هل إنتهى دورنا هنا مع إعلان انتهاء هذه العمليات الصهيونية؟

أنا في رأيي أنه على العكس و إنما العمل يجب أن ينطلق من هذه اللحظة...

أرجو منك أختي الكريمة محاولة إعادة إحياء هذه الفكرة و سأكون بإذن الله أول المشاركين.

و تقبلي فائق احترامي و تقديري.

آية بنت فلسطين

01-19-2009, 09:12 PM

عما يعميني وين كنت لما نزلتي الموضوع حبيبتي
هلا لشفتو
انا اخدت ارقام الكودات كلهم
وبدي احكي معهم انشالله
احب ما عقلبي والله
شكــــــــــــــرا
يا قمر

فراشة

01-19-2009, 09:15 PM

الله يجازيكو الف خير يارب ...

عفكرة كتير ناس عملوها فكرتكو

واجتنا مكالمات كتير خصوصا من بلاد المغرب كتير حسيناهم معنا

وبالرغم من هيك كانت تيجي برضو مكالمات غريبة ,, متل حد يسأل : في مقاومين حوليكو ؟؟

سعتها دججج بسكر الخط بوشوا :)

تحيتي الكو جميعا وما ننحرم من صواتكو^^