ممكن تبدأ من الصفر في [فلسطين]..!

[a7la sereen]

بسم الله الرحمن الرحيم

السلام عليكم,,,,

بما أنو الوضع الفلسطيني اجبر كثير ناس انهم يهاجر وتم طردهم من ارضهم

وهلأ مافي دولة بالعالم الا وفيها فلسطينين

وبنو حياتهم من جديد و في كتير منهم صار الهم دور كبير بتأسيس مؤسسات وشركات كبيرة وتطويرها

عندي سؤال بتمنى الكل يجاوب عليه ويسأل نفسو هدا السؤال بكل صراحه

انتانتي عايشة حياه كتير كتير منيحة وامورك متيسرة وماشيه عال العال وبتشتغلي بالدولة الي انت فيها

وفجأة صار ممكن انك ترجع ع فلسطين ,,,

رح ترجعي ؟؟؟؟ وتبلش حياتك من الصفر مع انو رح يكون صعب انك تلاقي شغل

وياريت الاعضاء الي مو عايشين بفلسطين وامورهم متيسرة يسألو هدا السؤال لأهليهم...


[تحياتي]....

[اجمل احساس]

انا عن نفسي رح ارجع بدون تردد عشان أبني حالي فبلدي وانفعها حتى لو حبدأ من الصفر اكيد بعلمي او شهادتي واذا عندي خبرة بإشي معين رح افيد فلسطين مش مشكلة لو بدها شوية وقت المهم بالنهاية نوصل لهدفنا ونكون مرتاحين وبعدين الواحد يعيش على قد حالو بين اهلو وناسو احسن ما يعيش ملك وهو بعيد عن ارضو طب شو الفايدة من كل هادا واحنا من جوانا مشتتين ومش مستقرين؟

سؤالك حلو كتير وبدو مناقشة

[نور الهدى]

اه برجع و بكل فرح ^^

[دموع الغربة واشواق العودة]

مممممم اكييييييييد مية بالمية رح ارجع حتى لو اجبرني اشحد في الشوارع ..كتير مانطرح علي نفس السؤال
الله يوفقك يارب مواضيعك رووووعة

[*ريحانة القلب*]

ياااسلاااااااااام


لو يجي هاليوم


طبعا بروح


العيشة بعزة وبكرامة .. ع ارضك وبلدك

بتسوى كنوز العالم كلهاااا والله





يعطيك الف عافية

[haya-jor]

اه اكيد كل الفلسطينيه برجعوا اكيد ودليل لما في حاكم من الحكام قدم الهم مبالغ مقابل التخلي عن حق العوده رفضو رغم حاجتهم

... هدول فلسطينيه

[د.عمر]

سؤال جميل يا سرين


بالنسبة لي انا اسكن في غزة، ولكن غزة ليست موطني الأصلي فانا مهجر من قرية في داخل الارض المحتلة عام 48، و بالرغم من كوني ولدت و ترعرعت في غزة الا اني اشعر بالحنين و الشوق لارى قريتي الاصلية، فما بالكم اذا تحقق الحلم و تمكنا من العودة..............
و لا اخفيكم سرا فاني قد فكرت في الموضوع قبل ان يطرح هنا، و قلت في نفسي اذا تحررت أرضنا فانني سوف ارجع اليها مشيا على الاقدام احياء لذكرى الهجرة عندما خرج اجدادي من القرية الي غزة مشيا على اقدامهم.
..........اتمنى ان اكون حيا عندما يأتي هذا اليوم.......و بالطبع اتمنى ان اكون قادرا على السير.
شكرا...........الموضوع رائع

[.:(خالد):.]

مممممم
الله محيي اصل الفلسطينية

و رغيف خبز في بلدك احسن من مليون دولار في بلد مش بلدك

البلد الاصلية بتعيش فيها بكرامتك وعزتك

واسالوا كتيير

الله يحييكم على ردودكم

انا ساكن بغزة وعمري ما طلعت على دولة تانية غير مصر او بالاحرى العريش

والله لما رحنا هناك بسرعه اشتقنا لغزة وروحنا بنفس اليوم

ولقينا حالنا عايشين احلى عيشة من مصر

كرامتنا بتسوى الدنيا كلها

مشكورة كتيير على طرحك للموضوع

انا الحمد لله ما تهجرت لبرا فلسطين وراح اظل بفلسطين واموت فيها