لا زالت المشكلة قائمة ، أرجو ابداء رأيكم للاهمية

[اجمل احساس]

مرحبا ...


اليوم بعرض عليكم قصة واقعية حقيقية حصلت مع عائلة بعرفها بغزة ..
راح اختصر قدر المستطاع عشان ما تملو ..



البداية كانت بابن العم ( ايمن ) لما تقدم لبنت عمه .. وكلو تمام ووافق الطرفين

وقريو الفاتحة وتمام التمام .. بعد فترة صغيرة ايمن تصاوب باطلاق صاروخ من طائرة
استطلاع اسرائيلية .

واصبح شب بلا اطراف ( فقد رجليه التنين ) وطلع برا يتعالج وركب رجلين صناعيات ..
ولما رجع على غزة لقى بنت عمه كاتبه كتابها على شب غريب غيره .. وعرسها كمان اكم من يوم .

الامر مشى طبيعى .. والشب جدا خلوق وتفهم الامر .. ولا كانه صار شى .
وحضر عرس بنت عمه ووقف مع عمه وكانه العرس لاخته واكتر
ومشيت الايام ..

هلا ...

اخوها لبنت عمه الى كتبت كتاب على الغريب وتزوجت غيره ..
تقدم بده يخطب اخت هالشب الى فاقد رجليه .(يعنى بده يخطب بنت عمه , اخت ايمن )

كل البيت وافق .. الا ام أيمن ( يعنى ام البنت )
والكل يقنع بيها وهى رافضة رفض تام ..
والسبب انه انتو ما إحترمتو ولا قدرتو اخوها للبنت لما ربنا ابتلاه وبطلتو تقبلو فيه كزوج لبنتكمم
هلا بدكم بنتنا ؟؟
وبتحكى انه بنتها حلوة والف دكتور بتمناها .. وابن عمها لسه يا دوب شب باول عمره
وراتبه مش هالراتب الكبير .
ولو على طلاقى ما بقبل ..

وصارت مشاكل كبيرة بالبيت ..

والام طلعت من البيت وهلا طالبة الطلاق

وحكت لبنتها يا انا يا ابن عمك .. وراح اضل غاضبة عليكى ليوم الدين

والاب مصمم انه يزوج بنته لابن عمها الى رايدها ..

وايمن بيحكى موافق بشرط توافق امى وابوى سوا .

والبنت حايرة .. مش عارفة شو تعمل

ترضى امها ولا ابوها ..




المشكلة الها عدة ابعاد ..



اول شى انه كيف العم يقبل على حاله يجرح ابن اخوه ايمن بهالطريقة
ويزوج بنته لشب غريب بعد ما نقريت الفاتحة عليها من ابن عمها بمجرد انه اصبح انسان معاق .؟
على الرغم انه اعاقته كانت بسبب دفاعه عن وطنه ووطنا كلنا فلسطين ..

تصرف عم ايمن صح ؟؟

ولو انتو يا شباب مكان هالعم شو بتعملو ؟.

لو انتى تقدم الك شب خلوق محترم ومبسوط

وبعد فترة من الخطوبة ربنا ابتلاه بمتل ما ابتلا ايمن

راح تستمرى معاه ؟ ولا راح تطلبى الطلاق ؟

والجزء التانى من المشكلة ( مع اخت ايمن الجريح )

شيفين الى عملته الام صح ؟ ولا غلط ؟ وليش ؟

لو كنت انت اخ لهالبنت شو ردة فعلك ؟ ولو كنت انت العريس ابن العم ؟

او لو كنت ابوها للبنت او ابوه للشب ؟

لو كنتى انتى العروس مكان هالبنت ؟

لو كنتى مكان ام العروس شو تصرفك ؟



لو لو لو لو .....


اسئلة بعرف كتيرة ..

ياريت تقرو القصة ككل .. واحكو الى انتو شيفينه صح ..

المشكلة لسه ما نحلت .. والامور واقفة حاليا ً

مع مين انتو ؟.



مع أمها ؟ ولا أبوها ؟

[دموع الغربة واشواق العودة]

شوفي ..انا لو لو مثلا كنت مكانهم ولايمكن اتخلى عن واحد متل هيك مش اكفاية انو خلوق ومؤدب
علشان شو ...اصابة وانا بعرف انو سبب هالأصابة الدفاع عن وطن ..انا عايشة فيه ..بالعكس انا بفخر اني زوجة
لأنسان عمل عمل مشرف كان سبب اعاقتة الدفاع عن وطنه ..هاد كل الي عندي وشكرااا الك انتي على هالموضوع المحير مممم ماتسمعينا رأيك اذا بتحبي

[إيمـان]

اجمل احساس الوحد مو ضامنه انو يتصاوب زوجهااااا قبل الزواج او بعدوو الي كاتبوووو الله بصير ماهيك بس بنات هل الايام

بدهم واحد كامل مكمل والكامل الله مابعرف بس رائي من رائي دموع الغربه العسل وشكر اجمل احساس موضعيك عسل

[نور الهدى]

القصة أثرت فيني بشكل كبير والله .. الله يعين اخونا ايمن على ما ابتلاه .. و يرزقه زوجة صالحة احسن من اللي خسرها و يعوضه خير :)

و لعل هذا البلاء كشف طبيعة البنت اللي كان خاطبها .. و الامر هاد اكيد فيه خير .. الله يعوضه بأحسن منها يا رب

قولوا آمين

الشق الثاني من القصة

موقف الام ردة فعل طبيعية .. لأنه بجد صعب تقبل هيك شي

لكن بما انه البنت موافقة .. و ابن عمها انسان مؤدب متدين خلوق .. فليش الرفض ؟؟

مش هو اللي جبر اخته على التخلي عن ايمن .. هو ما دخله !!

القرار كان بايد البنت .. و هي اللي وافقت على شب غيره .. ولا يمكن كمان انه نعتب عليها .. لأنه حقها .. حتى و ان كنا متعاطفين مع ايمن

و كل بنت و طبيعتها .. لو كنت مكانها ما كان عملت زيها .. لكن هي اختارت .. و عارفة انها ما رح تتقبل زوج فقد رجلين .. كل انسان و طبيعته

كمان في شباب بتخلوا عن خطيباتهم لنفس الاسباب يمكن .. او لاسباب في نظرنا بتكون اتفه

لكن بيضل حقهم .. طالما ربنا منحهم حق الاختيار ..

عموما .. بالنسبة الي طالما في قبول من الطرفين ما بصير نمنعهم ايا كانت الاسباب

و رد السيئة بالحسنة اله جزاء عند الله :)

الله يصلح الحال

[ترانيم الشوق]

أجمل احساس انا رح جاوبك ئد ما فيني
تصرف عم ايمن صح ؟؟

لا أكيد

ولو انتو يا شباب مكان هالعم شو بتعملو ؟.

اتوقع انو لازم خلا القرار بأيد بنتو لانو هاي حياتها وهيه الي هتعيشها

لو انتى تقدم الك شب خلوق محترم ومبسوط

وبعد فترة من الخطوبة ربنا ابتلاه بمتل ما ابتلا ايمن

راح تستمرى معاه ؟ ولا راح تطلبى الطلاق ؟

ازا كنت بحبو رح كمل معاه حتى لو شو ما صار فيه

بس لو كنت ما بحبه بحكي الحمد لله الله ريحني منه ههههههههه

والجزء التانى من المشكلة ( مع اخت ايمن الجريح )

شيفين الى عملته الام صح ؟ ولا غلط ؟ وليش ؟

بصراحه انا شايف انو الام بتحب ابنها
كتير وما هان عليها الي صار
وأكيد ما رفضت الا لانو عارفه انو ابنها انجرح


لو كنتى انتى العروس مكان هالبنت ؟

رضى ماما اولا .... بس ازا كنت بدي العريس

بترجاها بتوسل لالها

مشكووووووره كالعاده مواضيع مميزه لنقاش

دمتي لنا

[دموع غزة]

تصرف عم ايمن صح ؟؟ لاء هاي اهانة وشتم لأيمن وجرحه لأنه فقد رجله


لو انتى تقدم الك شب خلوق محترم ومبسوط

وبعد فترة من الخطوبة ربنا ابتلاه بمتل ما ابتلا ايمن

راح تستمرى معاه ؟ ولا راح تطلبى الطلاق ؟

اكيد بستمر معاه لأنه هو من الأول اختارني واختار الجهاد لو حصل انه فقد

رجله قبل خطوبتي واجى يخطبني وهو فاقد رجليه اكيد بوفق لأنه فقدهم في أفضل شئ بالعالم وهو الجهاد وبحترم كل

مجاهد ليش اصلا ارفضه هيك راح اكره بالجاهد واكره كل مجاهد يخاف لما يتصاوب ما راح يتزوج

شيفين الى عملته الام صح ؟ ولا غلط ؟ وليش ؟

اكيد صح لأنه عملت اعتبار لأبنها

لو كنتى انتى العروس مكان هالبنت ؟

اكيد برفض لأنهم ما احترمو أخويا يعني ما احترموني

لو كنتى مكان ام العروس شو تصرفك ؟

اكيد برفض


مع مين انتو ؟.

مع أمها ؟ ولا أبوها ؟

انا مع أمها