لماذ يفضل الرجل المرأه القاعده في البيت؟؟؟؟؟؟؟؟؟؟

[إيمـان]

سلام082 4169e1"]
كيفكو يا حلوين

يعني موضوع بحسو مهم, لأنو بهاد الموقف بحس انو الرجل ما بعطي الأمرأه حقوقها

المرأه متل الرجل, يعني الله طلب من جميع الناس العلم..
وكي بس الواحد يتعلم شو بدو يساوي, يقعد بالبيت لاشغلي ولاعملي, بس بنتبه على الاولاد و يشتغل في البيت

يعني هاد الشي اسمو ظلم للامرأه
المرأه متل الرجل, يعني خلقت لتشتغل ولتعيش ولتطلع برا و تعيش في المجتمع
لما الواحد بترك المرأه تكون بالبيت..الرجل بصير يشوفها كوحده جاهله وما بتعرف شي غير شغل البيت و تربيت الأولاد

الواحد على شان تكون اسره نافعه, لازم المرأه والرجل يشتغو ويتعاونو مع بعض بكل شي
بتربيت الأولاد
بشغل البيت
بالأكل
بالمصاري

يعني بكل شي
هيك احسن للكل
يعني ازا الأولاد بس بكونو اكتر الوقت مع امهم, على الأكيد رح يصيرو اكتر يحبو امهم, ابوهم بصير ازا بدو حب الادو بصير يستعمل المصاري لتكون الشي الي بخلي ولادو يحبو
يعني بس يرجع من الشغل باليل بقول لولدو خد روح اشتري الي بدك ياتو, يعني على الأكيد الطفل رح ينبسط من ابو, بس هاد ما بكون حب.. حبو بكون حب على شان مصاري

اما الأم لأنها بتتعب كتير مع اولادها و بضل طول الوقت معهم فبكون في الهم محبه خاصه لامهم


سوأل للجميع, لماذا تظنو الرجل ما بخلي زوجتو تشتغل و يفضل انو تقعد في البيت وتختير وهيه في البيت؟؟[/size]

[اجمل احساس]

حبيبتي زيتونة شوفي وركزي معي

المرأة بفطرتها بتميل لانها تقعد بالبيت يعني هيا بتحب انها تشتغل ويكون إلها كيان بالمجتمع بس صدقيني فترة بسيطة وبعدين رح تزهق لانها بتحب انها تقعد لولادها وجوزها وكمان الرجال بيحب لما يرجع على بيتو من شغلو انو يلاقي مرتو بأحسن صورة وانها بتستناه غير لما يرجع على البيت من شغلو ويلاقيها برا وفش اكل إلو يعني هو اتجوز ليرتاح كمان هو إلو حقوقو يعني يازيتونة لو المرأة بتقدر انها توفق بين بيتها ومتطلبات بيتها من زوج وولاد وانها تروح وتطلع وتشتغل تتوكل على الله بس لو ما بتقدر انها تعادل وتوفق لا والله تقعد في بيتها بدل الشنططة والبهدلة إلها وبعدين الله عززها وكرمها فليش تتعب حالها وتجيب وجع الراس إلها اي هي ناقصة هههه وبعدين انا متأكدة انو مش ملاحقة شغل جوا بيتها فكيف بدها تلاحق شغل برا بيتها

هادا رأي وما بعرف وصلتك فكرتي وفهمتي عليا ولا لأ،اسفة على الإطالة بس موضوعك حلو كتير وبدو نقاش،إلى الأمام حبيبتي ربنا يوفقك

[إيمـان]

ماشاء الله عليكي اجمل احساس عقلق بوزن بلد ماشاء الله ولوو رائيك على راسيي ماشاء الله

طبعااااااا كلامك صحيح الرجال بحب المرأه الي بكون تعبان يلاقيه مسويه كل اشي

يسلمووووووووووووووووووووووووو

[مؤيد]

المرأة مش متل الرجل ، ولا الرجل متل المرأة .... والا ليش ، لكنا انخلقنا جنس واحد لو نحنا متل بعض ...

بعدين أنا بحترم كتير المرأة اللي بتقعد بالبيت ... وهي اللي بتعجبني ...

لإنو بصراحة البنات والنساء الأيام هاي ، واللي بشتغلوا وبخالطو الرجال ، أو حتى اللي بدرسو بالجامعات ، للأسف كلنا شايفين عمايلهم ، ما بدي أعمم ، بس الأغلبية للأسف بتعمل شغلات مش منيحة تحت مسميات " زملاء العمل أو زميل الجامعة " ...

شي طبيعي انو الرجال ما بحب المرأة اللي روتين حياتها كلو برا البيت وكلو مخالطة رجال وحكي معهم ... متل ما المرأة كمان ما بتحب الرجال النسونجي ...

وبذكر هون جميعات تحرير المرآة المدعومة من جهات غربية نصرانية بتهدف لهدم الأخلاق والثقافة الإسلامية ونشر أفكار وأنماط نصرانية بدون ما نشعر فيها بشكل مباشر ، واللي هي بتعلب على وتر انو المرأة زي الرجال ولازم تطلع من البيت وتعمل اللي بدها ياه ...

هاي وجهة نظر شخصية طبعاً ...

يسلمو على الموضوع زيتونة فلسطين ...

[أبو يقين]

المرأة مش متل الرجل ، ولا الرجل متل المرأة .... والا ليش ، لكنا انخلقنا جنس واحد لو نحنا متل بعض ...

بعدين أنا بحترم كتير المرأة اللي بتقعد بالبيت ... وهي اللي بتعجبني ...

لإنو بصراحة البنات والنساء الأيام هاي ، واللي بشتغلوا وبخالطو الرجال ، أو حتى اللي بدرسو بالجامعات ، للأسف كلنا شايفين عمايلهم ، ما بدي أعمم ، بس الأغلبية للأسف بتعمل شغلات مش منيحة تحت مسميات " زملاء العمل أو زميل الجامعة " ...

شي طبيعي انو الرجال ما بحب المرأة اللي روتين حياتها كلو برا البيت وكلو مخالطة رجال وحكي معهم ... متل ما المرأة كمان ما بتحب الرجال النسونجي ...

وبذكر هون جميعات تحرير المرآة المدعومة من جهات غربية نصرانية بتهدف لهدم الأخلاق والثقافة الإسلامية ونشر أفكار وأنماط نصرانية بدون ما نشعر فيها بشكل مباشر ، واللي هي بتعلب على وتر انو المرأة زي الرجال ولازم تطلع من البيت وتعمل اللي بدها ياه ...

هاي وجهة نظر شخصية طبعاً ...

يسلمو على الموضوع زيتونة فلسطين ...


رأيي من رأيك أخوي مؤيد

[دموع الغربة واشواق العودة]

طيب ياعيوني انتي يا زيزي ..رح احكيلك وجه نظري ..انا مابلاقي مانع ابدا انو البنت تشتغل اول ماتتجوز ..
بس بعدين بدها تخلف وتجيب ولاد ..لازم تقعد ..في البيت تنتبهلهم ..وتعلمهم وتربيهم ..يعني لو هي اشتغلت والاب اشتغل ..لمين بدهم يسيبوا الاولاد ..لشغالة ..حرااام ..اما في حال كبروا الاولاد وبطلوا بحاجة لرعاية امهم وابوهم
فمافي اي مانع انو البنت ترجع تشتغل ..بس رح يصير تعب عليها ..الام بطبعها حنونة حتى لو اشتغلت
بدها ترجع ...على البيت تشوف الاولاد اكلو ما اكلو ..درسوا مادرسوا ..يعني رح يصير عليها تعب الشغل وتعب الاولاد
بس الرجال بيكون غبي اذا اعتبر البنت الي قاعدة في البيت جاهلة هاي بتكون فهمانة اكتر منو ..لأنو جربي
حطي الرجال يوم واحد بالبيت من غير مرتو ..زي الاهبل ولا رح يعرف يساوي اشي ..بالعكس انا ماما قاعدة
بالبيت بس بابا مابيعتبرها جاهلة ..بالعكس هو عارف انو مش رح يكون افهم منها بالترباية وامور البيت
هي الي ربتنا هي الي علمتنا صحيح انو بابا ربانا بس مش قدها ..الفضل كلو يعود لماما ..يعني بابا باجي احكيلوا
فهمني هاي المسئلة ..بشرحها اول مرة ..بحكيلو طيب كيف ..هون ..بيحكيلي روحي عند امك ..بروح عند ماما
بتعيد مليون مرة علسان افهم ..يعني بتقدر تتحمل اكتر منو المهم هاي وجه نظري وشكرااا الك حبيبة قلبي العسولة زيزي
على هاد الموضوع الجدي

[إيمـان]

صحيح شكرا مؤيد وابو يقين ودموع

[Yαś]

ما شاء الله

ما بدي أطول حكي

اللي قبلي قالولك .. الله يبارك فيهم


شكرا على الموضوع يا زيتونة

ما ننحرم

تقبلي أرقى تحياتي

[إيمـان]

اهلين اميننننننننننن تقبلت تحياتك ولووووو

يسلموووو خيو