شو رايكم ؟؟

[تراب الأرض]

مرحبا شباب وصبايا
حبيت آخد رايكم في شي
شو رايكم بالناس يلي تتخلى عن جنسيتها علشان تختلط بالمجتمع

يعني عندي أنا في الإمارات المصريين والسوريين والفلسطينيين للأسف

بتكلمو باللهجه الخليجيه و إن سألتهم ليش شو بقولوا علشان مستوانا يعلى اكثر ويصير عنا قيمه في المجتمع

وبصراحه أنا بشوف يلي بتخلى عن أصلوا متخلف وجاهل

و الإنسان بيكون إلو قيمه في المجتمع إذا ساهم في بنائه وتحسينه

ويلي بتخلى عن أصلو ممكن يتخلى عن أشياء كثيره في حياتو

كلامي صح ولا خطأ ؟؟؟

وشكراً

[Anonymous Gril]

حقولك و بصراحة ...

أنا كمان في الإماراتو مو بس في الإمارات و أعاني من نفس القضية اللي في هالموضوع ..

أهلي كلهم بيتكلموا خليجي ،،، لكن أنا مو ممكن اتكلم خليجي لأنه ما عم بيزبط معي ..

ما فيها شي لو تكلمت شي كلمتين بالخليجي بحيث انه يكون معناها عنا بيختلف كلي عندهم ..

لكن إنه الواحد ينسى أصله ولغته كرمال يترفع هاد ما عندوش وطنية نهائي

وبالعكس ... يعني بعض الخليجين بيصروا يتكلموا متلنا فمش حلوووة
..

[تراب الأرض]

تسلمي يا أختي عاشقة الشجاعيه ومشكوره على هذا المرور

["الزعيم"]

بصراحة انا راي

انو شي عادي الواحد يحكي بلهجة المكان اللي بيكون فيه

عشان يعرف يتعامل مع الناس

وما يكون منبوذ من السكان الاصليين

ويقدر يتلائم مع الوضع اللي هو في

وما بعتقد انو اللي بيعمل هيك بيكون تخلي عن وطنيته لا بالعكس

منها بيتعمل شي جديد ولهجة جديدة بستفيد منها بالمستقبل

ومشكورة كتير اختي عالموضوع

[*ريحانة القلب*]

بتهيألي ما في مشكلة باللهجة

ازا حكيت خليجي , لبناني , مغربي

بضل بالاخر عربي .. وجنسيتي ما تخليت عنها !!


أكيد الي بدو يعيش بدول الخليج بدو يجاريهم

لأنو الاختلاف باللهجات فيه اختلاف بمعاني الكلمات احياانا



ما بعرف بس

من وجهة نظري

مافي مشكلة



نورتي

[moon girl]

انا بريئي كمان ماباثر على انه لو حكى بالهجه تانيه

انا هون بالسعوديه الكل بالمدرسه بحكو سعودي وانا طبعا لاقطه منهم كلامات بس لهجتي الاصليه هي فلسطينيه

يعني هي شغلت تكيف لا اكتر ولا اقل

يسلمووو حبيبتي كتير

[sweet soul]

هآآي ياعسل ..مممممممممم موضوعكـ حلو .. لا مش شرط انا هيني بالسعوديه من 18 سنه وماتغير شي بحكيي بحكي فلسطيني وبالعكس صاحباتي السعوديات صارو ياخدو حكي مني .. انو اكيد كم من كلمه بتعلئ بالحكي لانا عايشيين بينهم بس اكيد لهجتي نفسها


يسلمو يائمر

[تراب الأرض]

تسلمو على الردود
وشرفتني خيوو الزعيم

[Yαś]

أنا رأي تقريبا مثل الزعيم ..

ما في مانع أنو الأنسان يتكلم باللهجة المكان اللي عايش فيه ..

بس كل واحد على نية ..


شكرا على الموضوع

تقبلي أرقى تحياتي أختي

[تراب الأرض]

مشكوره خيوو على المرور الطيب

[اجمل احساس]

انا كمان بحكي بلغتي فلسطينية وهما يلي بياخدو مني الحكي اوقات وما بحب احكي بلغتهم لاني بحس بغيرة على لهجتي ولغتي وما بحب اغيرها ولا اتصنع عشان اي حد

تحياتي

[عبد الصمد الراوي]

اذا كان للسبب الذي قلتيه فتعسا ً لهم

مثلا ً انا عراقي احكي في المنتدى بلهجه فلسطينية مش عشان يصير مستواي عالي لكن علشان تفهموني وكمان احب اللهجه الفلسطينية هذا لا ينقص من لهجتي العراقية فأنا معتز بها


وجهة نظر

مشكووووورة تراب الارض على الطرح المميز

[إيمـان]

بييييييييييييييييب بعدو اشوييي

لان انا لاما اتكلم سعودي مو علشان تعلى قيمتي في المجتمع

ولكن0000 علشان اقدر اتعامل معهم لانهم مابفهمو بل اللهجة الفلسطنيه

وانا بعض الأ حيان بتكلم فلسطينييييي وانا طبعا طبعااا مابحب فلسطين بل اموت فيهااااا

تحيتيييييييييييييييييييييييي

[.:(خالد):.]

يرحم اباً

على شوو

مهما صار شكله وغير لهجته راح يظل متل ما بقى

الماي بتصير جليييد واعلى جبال جليدية لكن في الاخر بترجع ماي

وهدول اليوم ولا بكرة راح يرجعوا متل ما كانو

وهدول تخلو اليوم عن اصلهم بكرة راح يتخلوا عن حاجات اكبر

مشكور كتيير

[آية بنت فلسطين]

اممم
موضوع حلو لنقاش

برأيي
الطبع يغلب التطبع
يعني لو غييرو من لهجتهم اصلن شو زاد عليهم
واكتر شي بكرهو التصنع
الله يعئلهم

[تراب الأرض]

بشكركم جميعاً على المرور الطيب
والردود الحلوه

وبتمنى إني أشوف ردودكم في كل مواضيعي

[دموع الغربة واشواق العودة]

كلامك الف بالمية صح ..شوفي انا كتييييييييير بيستغربولي اني انولدت ..في السعودية ومابحكي نفس اللهجة
وانا بحكي لأنو اهلي حافظوا على هاي اللهجة ..وعلموني اياها ..رح اضل احكيها ..لو بينقلب كل العالم ضدي
بس في ناس مابتقدر ..تفهمنا وتصير تعايب وتستهزء بكلامنا مما يدف البعض الى ترك اللهجة علشان ما تتعرض اللهجة للتحريف ..والاستهزاء ..بس شو ما صار ..اصلا انا فرضت وجودي بمجتمع المدسة بلهجتي المختلفة
عنهم ..وكنت مفتخرة ..وشكرررا لموضوعك ..

[waяm heaяt]

انا عايشة بالسعودية كمان طول عمري
صراحة أنا بحكي مع السعوديين سعودي ومع الي مش سعودين لا موسعودي بلهجتي :showoff:
يعني بالفترة الاخيرة صرت احكي يعني ليش احنا نحكي بلهجتهم مافي داعي. بس احيانا بحكي سعودي وأحيانا لأ
برأيي أنه مافيها شي أبدا ازا حكيت مو بلهجتي .
على كل يسلموووو حبيبتي عالموضوع

[تراب الأرض]

شكراً للردود الجميله وتقبلو مني فائق الإحترام