السعودية تنفي اتهاماً بعدم منح تأشيرات لحجاج غزة وتؤكد رفع حصتها [الأرشيف]

عالجوني يحسبوني مريضه

11-30-2008, 09:38 PM

مراعاة لظروفهم الإنسانية
السعودية تنفي اتهاماً بعدم منح تأشيرات لحجاج غزة وتؤكد رفع حصتها

http://files.shabab.ps/vb/images_cash/up10/090918132507XO23.jpg

معبر رفح

الرياض - وكالات

استهجنت السعودية الأحد 30-11-2008 أن تكون رفضت منح تأشيرات دخول لفسلطينيين من قطاع غزة يرغبون بأداء فريضة الحج, واكدت انها سلمت جميع التأشيرات الى السلطة الوطنية الفلسطينية, وذلك ردا على اتهامات لحركة حماس.

ونقلت وكالة الانباء السعودية عن مصدر مسؤول في وزارة الخارجية السعودية قوله ان المملكة "تنظر اإلى جميع الفلسطينيين بعين المساواة ومنحت الآلاف منهم من جميع الأراضي المحتلة بما فيها قطاع غزة تأشيرات دخول للمملكة لأداء فريضة الحج".

وذكر المصدر الذي فضل الكشف عن اسمه ان التأشيرات "سلمت للسلطة الفلسطينية".

وقال إن السعودية "قامت بزيادة الحصة المقررة لهم (الفلسطينيون) مراعاة لظروفهم الإنسانية, كما أن جميع منافذ المملكة مستعدة لاستقبالهم وتسهيل أدائهم للشعيرة".

واضاف المصدر "انه امام ذلك لا تستطيع المملكة الا ان تستنكر الغرض من هذه التصريحات المغلوطة اذ ان قلب الحقائق لا يمكن الا ان يكون لاغراض ليست في صالح الشعب الفلسطيني ولا لتسهيل اداء شعائرهم الدينية".

وكان عضو في المجلس التشريعي الفلسطيني عن حركة المقاومة الأسلامية (حماس) انتقد السبت ما قال انه رفض المملكة العربية السعودية منح تأشيرات دخول إلى فلسطينيين في غزة يرغبون بأداء فريضة الحج.

وحذر عاطف عدوان في أقوال نقلها موقع حماس على الانترنت من "تداعيات سلبية" لذلك.

وقال النائب ان التأشيرات لم تمنح لحوالى 2200 طالب للحج مسجلين في غزة لدى أجهزة حركة حماس.

وافاد شهود ان شرطة حماس منعت السبت عشرات الحجاج الغزاويين ممن يحملون تأشيرات سفر سعودية من مغادرة القطاع باتجاه مكة.

وسيطرت حماس على السلطة في قطاع غزة بالقوة في يونيو/حزيران 2007 بعد مواجهات مع قوات السلطة الفلسطينية التي يرأسها محمود عباس.

*

*

*

حسبي الله على من أراد أشعال الفتنه بين السعوديه و غزه

*
*
*

.:.!دموع الرحيل!.:.

11-30-2008, 11:23 PM

حسبيا الله بالنظام الحاكم بالسعوديه يا حبيبتي ..

حسبنـا الله فيهم ونعم الوكيل

يعني بدهم يعملو عملتهم

وبالاخير يشيلو إيدهم ..

ويحطوها بحكومة غزه !

الله أكبر عليهم بس ..

بس يالا .. مش جديد عليهم الهرع ورا رضى أعداء الله ..

وحمـاس .. حجاج غزه إلهم الله ..

وحمـاس مش رح تمنع حدا ..

رح تمرقهم ان شاء الله ..

بس حاليا في شوية ضغوطات لأنه عندها أمل

مسؤولين مصر والسعوديه يحسوا على دمهم شوي ,,

حسبي الله على من أراد أشعال الفتنه بين السعوديه و غزه

السعوديه ما دخلها ..

الي دخلو هو النظام الحاكم ..

الي اوقات ما بيتعاملو بمخافة من الله مع شعبنا الغلبان ..

وحكومتنا الي الكل حط إيدو بإيد الأعداء ضدها ..

بس بكفي انه الله معهـا ..

ربك كبير ..

اما الشعب والبلد ما حدا قرب عليه ..

عالجوني يحسبوني مريضه

12-01-2008, 09:19 AM

أبومجاهد

12-01-2008, 09:45 AM

اكيد السعودية ارسلت التأشيرات وعملت يلي عليها ..

لكن ..

الفضايحي المنغولي محمود عباس سرقهم لحجاجو التجار ..

حسبي الله ونعم الوكيل عليك يا عباس وين مكان فاضحنا ..

ما في حدا يريحنا منو جلطني ..

الله يبلاه بدودة البلهارسيا ..

أبومجاهد

12-01-2008, 09:49 AM

دموع الرحيل حبيبتي
أنتي هيك بتقصدي بالنظام الحاكم بالسعوديه
يعني قصدك الملك عبدالله

أول شي بدك تحطي السيره الذاتيه لكل من ملك الأنسانيه ( الملك عبدالله )
ورئيسكو الفلسطيني محمود عباس
وبتقرأي السيره الذتيه لكل واحد منهم بدقه وتركيز
وراح تعرفي منه وراء هالجريمه البشعه
وراح تعرفي منه وراء هالفتنه

وبقول لكل الغزاويين ( فتشو جيوب محمود عباس وراح تلاقو تأشيراتكم )

شو اللي راح يستفيد منو الملك عبدالله أذا فرق بين الفلسطنيين بالمعامله
هو شعبه مافرق بينهم ومساوي بينهم
وبدكو تسألو الفلسطنيين اللي عندنا كيف عم يعاملهم الملك عبدالله
عم يدرسو ببلاش ويتعالجو ببلاش مثلهم مثل أي سعودي
يعني شو راح يستفيد من هالتفرقه بيناتكو

بدكو تحللوها زين هالقضيه وراح تعرفو من وراها

يا عمي محمود مش رئيسنا ..

ال سيرة ذاتية ال

( فتشو جيوب محمود عباس وراح تلاقو تأشيراتكم ) هههههههههه آخر النهفات ..

مش بقلكم هادا الراجل راح يجلطني ... :wacko::wacko::wacko:

يعني تنظيمومشهور بالسرقة والنصب وتهريب الجوالات شو هيكون رئيس هذا التنظيم على نفس الدرب ...

حسبي الله ونعم الوكيل عليك يا منغولي

.:.!دموع الرحيل!.:.

12-01-2008, 11:41 AM

مين قال اني بدافع عن هذا الي يتسمى محمود عباس ..

ما بنعترف فيه .. ولا بشرفنا ..

وقد ما كان ملك السعوديه بضلو أحسن من عباس الي ربنـا ياخدو بأقرب وقت ..

بس ليش ملك السعوديه ما يبعت التأشيرات للي سجلوا بحكومة غزه ؟؟

هاي هي كل النقطه ..

لو اجتهم التأشيرات لأهل غزه ..

ما كان صار الي صار .,

والحق على مصر كمـان

مش بس السعوديه ..

الملك اله وقفات جميله مع الشعب الفلسطيني ..

لكن لهثو في بعض الأوقات ورا رضى الأعداء ..

ومنهم هالمره ..

بودينا بداهيه !!

كلهم متآمرين على حمـاس ...

من عباس .. للملك .. لمبارك ..

كلهم بدوروا حولين خطط لتشويه صورة حماس

والإطاحه فيها ..

حسبنـا الله ونعم الوكيل

بس ربنا كبير ..

الملك كاين اله بعض الوقفات الحسنه مع شعبنـا

وبتمنى هالمره كمان يحس على دمه .. ويكون بقدر المسؤوليه ..

هو ورئيس مصر ..

مشان تنتهي هالأزمه

مؤيد

12-01-2008, 05:30 PM

السلام عليكم ورحمة الله ...

اختي عالجوني يحسبوني مريضة ...

أول شيء أقول لأهلنا واخوتنا في السعودية ، قوله تعالى : (( يا أيها الذين آمنو اذا جائكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين )) ...

إن الفاسقين من الفلسطينين المتمثلين بقادة حركة فتح لم يكتفوا بتمويل الفتنة بين الفلسطينين ، بل أيضاً يريدون فتنة عربية عربية واسلامية اسلامية ان استطاعو لذلك سبيلا ...

لم لا وهم الأداة التنفيذية للمخططات الصهيوأمريكية في المنطقة ، ففي كل دولة مسلمة تقوم أمريكا والاحتلال بزرع منافقين لتنفيذ مخططاتها مقابل المال ...

أن حركة المقاومة الإسلامية حماس لم ولن تتفوه بكلمة سوء تجاه المملكة العربية السعودية الشقيقة بأي شكل كان ... لكن المنافقين يكبرون ويهللون بالكذب والإفك المبين ضد حماس ليشعلوا فتنة مع السعودية ومع مصر ومع الجميع ...

أما بالنسبة لحكام العرب ، فكلهم أبناء أمريكا واسرائيل ، وعلى رأسهم رئيس السلطة الفلسطيني محمود ميزرا عباس ...

روان فلسطين

12-02-2008, 02:55 PM

دموع عالجوني ابو مجاهد مؤيد
اول شي السلام عليكم ورحمه الله وبركاته
تاني شي بدي احكيلكم انو لا تحكو هيك عن حكومه السعوديه لانكم مو عافين شو بيسوو معنا كفلسطينين والله العظيم انهم بعاملونا كتير منيح ويوم غزه رحت وعلقت الشعارت بكل المدرسه ولبست شله بنات باجات فيها دعاء لاهل غزه والله ما حد فتح تمو بكلمه بالعكس الكل كان يجي ويحكي امين
وعملت مهرجان بالمصلى لنصره اهل غزه بتلات اياام وان طابله المدرسه فيهم ولا حد حكى معي هاد وانا بمدرسه حكوميه

سو السعوديه حكومه وشعبا جدا جدا مناح معنا واحسن بكتير من غيرهم يلي كل ما الواحد تنفس ببلدهم بيقلولو ***** وفلسطيني واكيد عرفتو عن مين بحكي

هلأ بالنسبه للتأشيرات تبعون الحج
السعوديه اعطت لفلسطين 8 الاف تأشيره حج مع انو المفروض يكونو 5 الاف فقط
الي صار انو السعوديه اعطتها للرئيس الرسمي للدوله (دوله فلسطين ) ويلي هو الملعون المنغولي عباس الله يريحنا منو
اللي صار انو عباس حرم كل واحد بيستاهل من تاشيرتو بس لانو حمساوي وكل يلي اخدو التأشيرات ما كانو من حماس
حماس ما بتقدر تعمل شي لذلك قالت انو مدام توزعت هاي التاشيرات بظلم وبهتان ودون وجه حق والي اخدوها ما بيستاهلو نحنا ما رح نفتح المعبر الا لما يتوزع بالعدل

يعني السعوديه ما بتقدر تعطي اي شي لحماس لانها مقاله وما بتقدر تتخذ خطوه خطيره متل هاي
وحماس هي المسكره المعبر بس مو زي ما كل العالم بيحكو
هي مسكره لانها بدها العدل ولانو التقسيم صار بلا وجهه حق

وهاد هو رأيي ا
والقصه الكامله
بتمنى تكون وصلت وجهه نظري
مع خالص امنياتي لجميع حجاج فلسطين انهم ينالو هاي الفرصه بالتساوي وبالعدل
اختكم روان

روان فلسطين

12-02-2008, 07:15 PM

صح يا حلوين اخر الاخبار
طازه من الفرن
السبب الحقيقي وراء التقسيم الظالم للتأشيرات

انو حضره جناب الخائن المسمى عباس بدو يحج هاي السنه
وبما انو معتبر حالو مسلم بعرفش كيف وبدو يحج فلازم يقرر مين يروح معو ومين ينطس بفلسطين وممنوع يروح لبيت الله
حتى بهاي بالفريضه اشتغل الخيار والفكوس
تفضلو

مؤيد

12-02-2008, 08:53 PM

روان .. وعليكم السلام ورحمة الله وبركاته ...
هههه أنا ما حكيت كلمة سوء على المملكة العربية السعودية ...
سوء فهم أكيد ، مو مشكلة ... ^.^

السعودية أرسلت حصص الحجاج كاملة ، لكن حكومة عباس فياض سرقت تأشيرات حجاج غزة و أعطت القطاع قليل من التأشيرات لبعض الناس فقط الذين اختارتهم ... وهذا ما يفسر أن أعداد كبيرة من حجاج الضفة طلعلهم تأشيرات على غير العادة ... ^.^

مؤيد

12-02-2008, 09:09 PM

بسم الله الرحمن الرحيم

تصريح صحفي

سلطة رام الله سطّت على حصة حجاج غزة وغررت بالمملكة السعودية بهدف إحراج حماس

صرح المتحدث باسم حركة المقاومة "حماس" الأستاذ/ فوزي برهوم، بما يلي:

http://files.shabab.ps/vb/images_cash/up9/081214211416YU4S.jpg

تؤكد حركة المقاومة الإسلامية "حماس" أن سلطة المقاطعة وحكومة فياض اللاشرعية قد غررت بالمملكة العربية السعودية في موضوع حجاج غزة بعد أن سطوا على حصة غزة من الحجاج وأوهموا المملكة أن كل شيء على ما يرام وأحضروا لهم أرقام ومعلومات زائفة وتحديداً بعد التفاف حكومة رام الله على القرعة الشرعية التي حصلت في غزة وعلى التسجيل بالطرق الرسمية وعلى كل إجراءات الحجاج المعتادة.

والهدف كان واضحـًا هو إحراج حماس وحكومة الوحدة في غزة ودق الأسافين بين أبناء الشعب الفلسطيني من جهة والمملكة العربية السعودية بعد تسييسهم لقضية الحجاج وهذه العبادة المقدسة، كما سعوا في أكثر من مرة لإحداث وقيعة بين أهلنا في غزة ومصر الشقيقة.

وإننا إذ نؤكد للجميع أن حجاج قطاع غزة تم السطو على حصتهم من قبل حكومة فياض اللاشرعية مما ترتب عليه حتى الآن عدم إعطاء تأشيرات لحجاج قطاع غزة الذين سجلوا لدى وزارة لأوقاف وبالطرق الشرعية الرسمية.

كما أن حجاج قطاع غزة الذين سجلوا لدى حكومة فياض اللاشرعية حتى اللحظة لم يتسلموا جوازات سفرهم للسفر بها إلى المملكة لتأدية فريضة الحج، ولذا نحن نستغرب من الطريقة التي أعلنت فيها مصر فتح معبر رفح دون أي اتصال أو تنسيق مع الأطراف المعنية في غزة، وكيف ستسمح بدخول آلاف الأفراد من غزة إلى أرضيها دون جوازات سفر أو حتى كشوفات معلنة. في حين أنه في كل مرة يفتح فيها المعبر يتم التنسيق مسبقـًا مع الداخلية في غزة ويتم التأكد من الأوراق الثبوتية وجوازات السفر من قبل المسئولين المصريين، حتى للمرضى والحالات الطارئة وفي كثير من الأحيان رغم ذلك يعاد كثير من الجرحى والحالات الطارئة؛ ونحن نؤكد أن أي مساعي من أي طرف يهدف فيها إلى إحراج حماس أو إحداث أي وقيعة بينها وبين أهلنا في غزة أو أي طرفٍ أخر فاشلة ولن يكتب لها النجاح.

المتحدث باسم حركة المقاومة "حماس"

الأستاذ/ فوزي برهوم

الاثنين: ‏01‏ كانون الأول‏، 2008

الموافق: ‏03‏ ذو الحجة‏، 1429هـ

.:.!دموع الرحيل!.:.

12-02-2008, 09:58 PM

ان شاء الله خير

دايما حماس صاحبة اخلاق :)

روان نحن ما حكينا شي ..

وحكينا انه الهم وقفات منيحه مع شعبنـا

لكن في تقصيـــــــــــــر .. تقصيــــــــــر تقصيــــــــر

ووقفاتهم المنيحه .. ابدا ما بتعفيهم من مسؤويلتهم الي مقصرين فيها !

بقصة الحجاج هاي .. كان بيقدر يلعب دوور ..

لكن حسبنا الله ونعم الوكيل

والله شي بطقق

بيســان

12-02-2008, 11:48 PM

السعودية ليست المسؤولة الأولى في قضية الحجاج . .

لكن ربما كانت تستطيع حل هذا الأمر بحكم علاقاتها الدبلوماسية

نقول لعله خير . .

بيســان

12-02-2008, 11:50 PM

دموع الرحيل حبيبتي
أنتي هيك بتقصدي بالنظام الحاكم بالسعوديه
يعني قصدك الملك عبدالله

أول شي بدك تحطي السيره الذاتيه لكل من ملك الأنسانيه ( الملك عبدالله )
ورئيسكو الفلسطيني محمود عباس
وبتقرأي السيره الذتيه لكل واحد منهم بدقه وتركيز
وراح تعرفي منه وراء هالجريمه البشعه
وراح تعرفي منه وراء هالفتنه

وبقول لكل الغزاويين ( فتشو جيوب محمود عباس وراح تلاقو تأشيراتكم )

شو اللي راح يستفيد منو الملك عبدالله أذا فرق بين الفلسطنيين بالمعامله
هو شعبه مافرق بينهم ومساوي بينهم
وبدكو تسألو الفلسطنيين اللي عندنا كيف عم يعاملهم الملك عبدالله
عم يدرسو ببلاش ويتعالجو ببلاش مثلهم مثل أي سعودي
يعني شو راح يستفيد من هالتفرقه بيناتكو

بدكو تحللوها زين هالقضيه وراح تعرفو من وراها

على راسي السعودية وأهلها يا عزيزني

بس معلوماتك عير دقيقة ابداً . . مافي لا دراسة ببلاش ولا علاج ببلاش

مع ذلك أحب السعودية . . ومهما جارت تبقى عزيزة ولا ننسى مواقفها معنا ابداً :s (43):

عالجوني يحسبوني مريضه

12-03-2008, 12:18 AM

أبو مجاهد شكرا لتواجدك أخي
في صفحتي
وفعلا محمود عباس مايمثل أي فلسطيني
وأسأل الله أن يريحنا منه

عالجوني يحسبوني مريضه

12-03-2008, 12:26 AM

مؤيد
شكرا لتواجدك في صفحتي
وأسأل الله أن تفرج على غزه وأهلها

عالجوني يحسبوني مريضه

12-03-2008, 12:30 AM

رواااان
شكرا لتواجدك في صفحتي
ولأضافتك الطيبه
وأسأل الله أن تفرج عاجلا غير آجل

عالجوني يحسبوني مريضه

12-03-2008, 12:40 AM

بيساااان
هلا أختي
شكرا لتواجدك في صفحتي
وشكرا لأضافتك
بس بخصوص الدراسه والعلاج عنا بالسعوديه ببلاش
يعني مابتدفعي مال من أجل دراستك أو كتبك بيوزعوها بالمجان
وبخصوص العلاج كمان بالمجان
أختي بيسان يبدو أنك تدرسي بمدارس خاصه تبع رجال الأعمال مثل مدارس المملكه تبع الوليد بن طلال هذي مدارس بمال
وكذلك المستشفيات الظاهر بتروحي عالخاص

شكرا أختي لتواجدك

بنت الشام ..

12-03-2008, 12:43 AM

مممممممم

والله انا اول ما سمعت الخبـر فـورا رحت قلت ابـصر شو مسـوي الملك عبد الله :icon11:

سبـحانك ياربي .. ما قدرت حبـو لهالبني ادم ... يـاخي مو بايدنا المحبـة ... من بعد ما اجا المنيـل بوش على السـعودية ... وهالملك كل ما بشــوفو بغـص << نـاوية بـوكرا تتسـفر :icon6:

بس الحمد لله عـرفت انــو الي صـار من ورا راس هـالمـجرم الي يامن تراه ئاعد على بواب اليهـود بيشحد ..

نفسي ياه يـموت ونخلص منـو :: بس بخاف يـجي واحد انيــل منـو ...

بيـعين الله ...

من وين ولا من وين بدهون هالمساكين اهل غـزة يتـحمـلو ..!!

من اليـهود ولا من المنغولي ولا من العـرب الخونة ...؟؟

الله ينتقـم منـون بس ..

يسـلمو اختي على التــوضيح ...

الف تحـية ..

:: غربة الروح ::

12-03-2008, 01:05 AM

ئال ملك الانسانية ئال

ههههههه اي انسانية !!

حتى شعبو فية (مجوعين) ماعملهم شي !!

بس عارفة !

هوا ختيار ويا حراام مابينوخد علية ..

البلا جاي من اللي معو وتحتو وجنبو :d عارفة مين بئصد :)

يعني السعودية دولة كبييرة

لو كان بجد بدها تعمل شي كان قدرت تحل كل شي وبسرع وقت

بس ياحيف !

شاغلتهم الازمة المالية ومش سائلين ع حدا ..

يعني اقل شي بتحكي مع مصر منشان المعابر ! والصلح!.... وغيروو .....!

بس لا حياة لمن ينادي

أنثـــى

12-03-2008, 01:18 AM

قال تعالى (ومن أظلم ممن منع مساجد الله أن يذكر فيها اسمه وسعى في خرابها).

وقال أيضا ( إِنَّ الَّذِينَ كَفَرُوا وَيَصُدُّونَ عَن سَبِيلِ اللَّهِ وَالْمَسْجِدِ الْحَرَامِ الَّذِي جَعَلْنَاهُ لِلنَّاسِ

سَوَاء الْعَاكِفُ فِيهِ وَالْبَادِ وَمَن يُرِدْ فِيهِ بِإِلْحَادٍ بظُلْمٍ نُذِقْهُ مِنْ عَذَابٍ أَلِيمٍ )

حسبنا الله ونعم الوكيل على كل من كان له يد في حرمان حجاج قطاع غزة من الحج

كائنا من كان

اللهم أرنا فيه عجائب قدرتك يا عزيز يا جبار

وانتقم لأهل غزة من كل من ظلمهم يارب العالمين..

روان فلسطين

12-03-2008, 09:18 AM

ابن الخليل

12-03-2008, 02:30 PM

تحـ البشر ـدوهـ

12-03-2008, 02:41 PM

ولللللللللللللللللعت

يا عيني يا عيني

:

ردكوا الله يا جماعة

كله ح ياكل كله ح ياكل

:

طيب خلاص هلا جد

:

يا جماعة الخير ... السعودية اعطتنا عمرة

شو يلي ح يصدها ت تعطينا حجة ؟؟

هلا يا غوالي متل ما حكت خيتو دموع

انه النضام الحاكم في السعودية .. بده يسوي اشي .. لكن مش قادر

:

ممكن نقول خايف

:

وبالنسبة لمحمود عباس

ف هو رئيس دولة فلسطين .. وعلى ما اعتقد صارت انتخابات وهوا نجح

وما توقولوا غش ومش غش

:

لو بدنا نفتح قصة غش

:

ف ع هيك حماس مش حاكمة غزة هلا

:

اااااااااااخ يا امي ووجع الراس

يا عالم .. فتحوا عيونكوا وبلاش عنصرية

:

تخلوش اللي حولينا يضحكوا علينا

:

ال شو حماس وعباس وعبد الله والسعودية صارت قضية هالموضوع

ونسيوا انه القضية الاساسية هيا

في ركن اسمه حج وبدنا نقضية باي طريقة .. سيبونا من التفاصيل هلا

مشاااان الله الحجاج بستنوا

:

في امان الله

روان فلسطين

12-03-2008, 02:57 PM

والله العظيم رايك بجنن يا تحدوه
ايوه هيك
ما تخلو العنصريه تحكم والماضي ما بيمثل الحاضر
فكبف انتو بتحكمو على الملك عبد الله انا برأيي الشخصي انو انسان راااااااااائع وهو احسن الموجودين هاد رايي وهاد الي انا مقتنعه فيو
وعادي يعني ازا انتو ما بتحبوه فالمحبه من الله وكيفكم
الله يسهل لكل الحجاج عمل فرضهم واسقاطو
والله يرضى عليكم احترمو وجهه نظر الي قدامكو
تحياتي

:: غربة الروح ::

12-03-2008, 03:21 PM

حبيبتي روان انتي لو بتقارني الملك عبدالله بلامراء والحكام العرب التانية
هون يمكن هوي يطلع احسن منهم !

لكن انا ليش حكيت عنو هيك ؟
بعيد عن سياستو مع شعبو !

السعودية دولة كبيييرة والها مكانة ودولة عندها (بترول)غنية!
يعني السعودية في هاي لاوضاع حصار وما حصار
مش اولا انها تحاول بجد فك الحصار وارسال معونات لغزة
بدل مايروح الله يعزو ويعمل (حوار لتسامح الاديان) بمتل هيك اوضاع !!!
ويضرب كاسو بكاس بوش !!

ولما امريكا الدولة الغنية جاها اعصار طلعت شهامتو وعطوووول ارسل شحنات من
البترول لامريكا (غير الشحنات البترول ياللي كل يوم طالعة لامريكا)

وعزة لانور ولا كهربا ولا اكل ولا شي ... وهوي ماتحرك !!
ليش ؟! وين الشهامه هلأ ؟!

كل هادا خووووف !!

منظمة الانروا شو بتقول !!
اقل المتبرعين العرب !!

واخر اجتماع للعرب شو طلعو فية !!
ليبيا ارسلت سفينة
البحرين حترسل سفينة

طيب والبائي !! وين !! وشو عملو !!

فأقل شي انو السعودية تسهل ع الحجاج ليحجو
اقل شي تعملو !!

haya-jor

12-03-2008, 03:25 PM

في ردود قهرتني كثير

لو السعوديه بنيتها الخير لكان سلمت التأشيرات لحكومة غزه ... ( مش لعباس ) .. ( يعني فخار يكسر بعضو ) هاد مش تصرف ولا مبدئ حكومه ناويه سلم
وبعدين للي بقولوا انو الحكومه السعوديع بتحب الفلسطينيه ... عنجد صدمتوني !!!
مو حابه ازايد بالكلام هوون لأنو الموضوع بثير الشفقه والردود بتخليني انهار

سلااااااااااااااااااااام

haya-jor

12-03-2008, 03:33 PM

ابن الخليل

12-03-2008, 03:34 PM

الدولة السعودية أكبر عميل لأمريكا في المنطقة زيها زي عباس الحقير عميل الأمريكان اللي عاجبوا عاجبوا و اللي ما ما يعجبو ما يعجبوا وشكرا

بنت الشام ..

12-03-2008, 04:36 PM

لولو
غربه
ليه هيك عم تحكو عنو والله انو احسن ملك شفتو بحياتي
ومن وين لوين بتقولو شعبو مجوعهم
تعالو شوفو شو بيعمل مشانهم
والله العظيم انو ملك الانسانيه وانو احسن ملك بالعالم
روحو شوفو مواقفو معنا ومع شعبو ولا مواقف شعبو معنا
لا اله الا الله العلي العظيم
والله العظيم شي بيفقع انتو عندكم الصالح والطالح واحد يعني بس لانو ملك بتسبوه
لا والله اني بحبو من كل البي هالملك هاد الله يخليه لشعبو ولبلدو
حرام عليكم يا امورات والله بجد روحو اقرو عنو

عيـوني انتـي ...

ولك شو هي ملك الانســانيــة ؟؟

هوي هاد ضل فيـه عرق حيـا حتى يصيـر ملك انسـانية ...

هالـشـغلات الي بسـويها شـغلات بسـيطة حتى يسـكتـكون ويقـلكون نحـن معـاكـون ...

كيـف بالله ملـلك الانسـانية وبـيـروح بيـعمل حـوار اديـان مع اليهـود الي من اول ما طلع الاسلام وهنن اعدائـنا ولي عددة مرات حاولو يقـتلو الرسـول ..؟

كيـف ملك الانسـانية وقت بيـسـتضيـف بـوش عنـدو ... انـا بابا كان بالرياض وقت اجا بـوش على السعـودية

وقت رجع وحكـالنا كيـف كان الاستــقبال عيـني دمعت ....

وين هاد ملـك الانسـانية ؟؟

ولك هـاد لـو بجد ملك انسـانية كان حس بالي عم بيصيـر باهل غـزة ..!!!

كـان عـطـاهون شوي من النـفط والاموال الي مكـدسة عنـدو ...

بس وقــت بتـجي الشغلة على حسـاب علاقتـو مع اميـركا ... بصيـر بالنـاقص بكـل الشعب الفلـسـطيني

الي بـحط ايـدو بـإيد شـخص هوي سبب بـكل البـلاوي الي عنـا ... ما بسـتحق يـطلقـو عليه اسـم انسـان لحتى يصيـر اسمو ملك الانسـانية ...

زكـرتيـني وقت صـار شـارون رجــل ســلام ...

يـمكن الو كـم شغلة مسـويا حتى ما يصيـر عميـل بشـكل رسمي ...

بس ما بيستـاهل ملك الانسـانية .. ولا شو كمان بقولولو ... اي صقـر العروبة :icon11:

والله ولا بيسوى جنح عصـفور

بنت الشام ..

12-03-2008, 04:49 PM

وبـعدين على شغـلة الشعب السـعودي .. اي في كتـير سعـوديين مو ملاقين اللقمة ..

يمـكن انتـي حبيبتي روان عايشة بالرياض وقليل عنـدكون هيك شي بس تعي لعنـا هون بتـبوك ..

والله بتلاقي كتيـر ناس سعوديين بينتـظرو اخر الشـهر بفارغ الصـبر ,.. وفي عوائل بـشـغلو بناتـون مشـان الراتب ..

الكـلام هاد صـحيح ..

هـوي صحيح معـطي شعـبو والله مو مقصـر معـون ... بس شوفي حال العـمالة الغير سعـودية ...

والله في مستشفى الي بتشتغل فيه ماما ... في عاملات بشـتغلو 12 ساعة باليوم وباخر الشهر بياخدو 400 ريال

وهي مستشفى حكومي ...

وبنفس الوقت ممرضات سـعوديات بيئعدو وبحطو رجل على رجل واخر الشهر 6000 ريال . على فكرة هي لسا موظفة جديد ...

دي وين الانسانية ...

قال انسـانية قال ...

لا بأ تعيـديا هي ولي

:: غربة الروح ::

12-03-2008, 05:07 PM

وبـعدين على شغـلة الشعب السـعودي .. اي في كتـير سعـوديين مو ملاقين اللقمة ..

يمـكن انتـي حبيبتي روان عايشة بالرياض وقليل عنـدكون هيك شي بس تعي لعنـا هون بتـبوك ..

انا ماكان بدي يتغير الموضوع :d

بس حتى في الرياض في ناس (سعوديين) على حد الفقر !!

وفي ناس بتشحد وبتاخد صدقات !!

بنت الشام

:s (43):

ابن الخليل

12-03-2008, 05:30 PM

و الله ذكرتيني هاي لحاله قصة مؤتمر حوار الاديان كافية أنا نتبرى منه من عملاء عفوا أقصد علماء السوء اللي معاه المسألة مسألة دين و عقيدة وو لاء وبراء و لله العزة و لرسوله و للمؤمنين ولكن النافقين لا يعلمون

مؤيد

12-03-2008, 08:35 PM

يا مسلمين ...

حكامكم هو مجرمين ما بفرقو بشي عن أعدائنا من الديانات الأخرى ...

ما تكونو عاطفيين وينضحك عليكو بأكمن من كرتونة ببعتوها لفلسطين أو للعراق أو لأفغانستان ...

لو زعيم عربي تبرع بكرتونة حليب ، ما بتكون من جيبتو ، مهو ناهب خيرات الشعب اللي بحكمه ...

ولعلمكم حكام العرب هم من يمنعون شعوبهم من التحرك لنصرة فلسطين وتحريرها وهم يأمرون الجيوش العربية بأن لا يشاركون في نصرة المسلمين في كل مكان ...

حكاام العرب جعلوا من أراضي المسلمين قواعد عسكرية لضرب العراق وافغانستان وفلسطين ودار فور وغيرها ...

هؤلاء مجرمين يجب التخلص منهم ، ودمهم مهدور ...

كونوا واعيين يا مسلمين ، ليش بينضحك علينا بشوية فلوس بتبرع فيها مجرم وبنصير نحكي عنو بطل ؟؟؟ ...

فلسطين بدها مين يحرك الجيوش لتحريرها ، ما بدنا ناس يضحكو علينا بكرتونة حليب ودواء ...

لمتى بدنا نضل مخدوعين بحب حكامنا المجرمين السفاحيين خدام النصارى الأمريكان وخدم اليهود ...

.:.!دموع الرحيل!.:.

12-03-2008, 08:41 PM

الملك متلو متل غيره من هالحكام

نسيوا قضيتنا .. وتحركهم تجاهها بطيء وفيو تقصير جدا بل تقاعس ..

وذل وهوان .. وخيانه للدين وللأمه

وكل الي بدافعو عنه .. صدقوني .. لو انه بقوم بدوره على أكمل وجه

كان حالنا غير هالحال :)

لأنه دوره كبير كتير ..

وهو مقصر كتييير ..

وبيقدر بحركه صغيره .. اقلها يقطع النفط

عن العدو ..

يكسر ضهر أميركا ..

لكن حسبنـا الله ونعم الوكيل

بيعطو النفط للأعداء ..

وغزه اهلها بموتوا واحد ورا التاني .. :)

ما تقولولي ما بيقدر ..

لأنه لو حاكم مزبوط لهالأمه كان قدر ..

لكن في جبن ووهن ..

ما تصوروه بصورة الملاك ..

وهو قادر انه يعمل معنـا خطوه يحيي قضيتنا كلها ..

لكن حسبنا الله ونعم الوكيل !

أعمالهم الحسنه معنـا .. ما بتعفيهم ابدا .. من تقصيرهم الي بيندى له الجبين

والي ربنا رح يحاسبهم عليه ..

من الملك .. لأصغر حاكم ..

فكيف بالملك .. اللي قادر يعمل خطوه تهز هالأمه هز !!

لكن اااااخ ..

إذا خادم الحرمين هيك .. ما عتب على البقيه !!

يا جماعه اذا بدنا نحكي الحكي بطووول ..

اقصروا هالحديث ..

بلا ما بعض الأعضاء يزعلو منـا ..

وما تخلوا حدود .. إبداء وجهة النظر تصير أكبر من هيك ...

الله يكون بالعون

مؤيد

12-03-2008, 09:02 PM

نحنا ما قاصدين نزعل حدا أكيد ...

بس الأولى انو نلتفت للي زعلانين منا من المسلمين اللي شايفين الموت بعيونهم ونحنا لساتنا بنتغزل في حكامنا المجرمين وبنصفق الهم على علبة دواء وعلى كيس رز بيبعتوها ليمتصوا غضب الشعوب وليظهروا بمظهر حسن قدام شعوبنهم ، بضحكو على شعبوهم ...

بس هاي هي الحقيقة وبكفي هبل ...

شو ضل يعني بعد كل المصايب في الأمة ، ولسه بدنا نتغزل في حكامنا ؟؟؟ ... شهادة زور يعني بدنا نكون شاهدي زور ، أي واحد بيمتدح حاكم من حكام المسلمين ارتكب اثم كبير ؟؟؟

لما يكونوا حكامنا متل صلاح الدين أو عمر بن الخطاب رضي الله عنه ساعتها اتغزلوا فيهم قد مابدكم ... أما هدول اللي بحكمونا هلأ حسبي الله عليهم مجرمين مصيرهم سيء في الآخرة ...

محمود

12-03-2008, 09:48 PM

http://files.shabab.ps/vb/images_cash/up9/081214211906bolR.jpg

قال وزير الأوقاف والشؤون الدينية في حكومة هنية د. طالب أبو شعر إن الحكومة الفلسطينية فعلت كل ما بوسعها لإنجاح موسم الحج لهذا العام، وأرادت أن يكون في موسم الحج منبر يجمع الشعب الفلسطيني، "ويكون فرصة تتوافق مع مقاصد الحج وإبعاد الخلافات السياسية بين غزة ورام الله عن الحج لكن حكومة رام الله رفضت".
وطمأن أبو شعر خلال جلسة استجواب في المجلس التشريعي اليوم الأربعاء 3-12-2008 بأن الوزارة لن تخصم شيء من رسوم الحج، وأنه سيتم تعويض شركات الحج والعمرة التي تضررت من ذلك.
وأكد أبو شعر أنه لم يتقدم أي حاج بطلب السفر عن معبر رفح، "وكل ما قيل أن هناك سفر للحجاج هو غير صحيح، فكيف يسافروا ولا توجد لديهم تأشيرات ولا جوازات سفر؟! ولا حتى لدى وزارة الداخلية والأوقاف قائمة بأسماء من يريد أن يسافر".
وأشار إلى أن وزارة الأوقاف اتفقت مع شركات الحج والعمرة وقد سجل أكثر من 19 ألف لموسم الحج هذا العام، "وهي أول مرة يتقدم للتسجيل هذا العدد الكبير، فكان لابد من إجراء القرعة وتم إجرائها وبصورة مباشرة في صالة الجزيرة وتم قبول 2200 حاج يقابلهم 240 شخص إداري يقدموا الخدمات للحجاج، ومكرمة ملكية 1100 حاج فكان لابد لنا من إجراء القرعة"
وأضاف "أنه تم اعتماد هذه النتائج وأعطينا نسخة للشركات ونسخة في الوزارة منذ حوالي 5 شهور، وأتمننا كافة الاستعدادات وما يلزم من إجراءات استئجار السكن، حيث تم استئجار ثلاثة مباني ودفعنا مبلغ 3 مليون ريال ودفعنا كافة الإجراءات وكل الشيكات المطلوبة وبلغت 2 مليون 400 ألف وتم الاتفاق مع شركات الطيران وتم تقدير تكلفة الحج 1500 دينار أردني وتم استلام الرسوم وتم تطعيم الحجاج ولم يبقي سوى الحصول على التأشيرات".
وقال أبو شعر "أنه وحسب البرتوكول المعمول به في كل موسم مع وزارة الحج السعودية بأن حصة غزة هي 40% والباقي للضفة، وهذا ما كان في العام الماضي، ومنذ بداية السلطة وحتى الاحتلال غزة هي من تقوم بتجهيز كافة أمور الحج".
وبين أن حكومة رام الله قامت بالتسجيل بطريقة غير رسمية ولم يذكروا اسم شركة واحدة وكانت تسجل بشكل عشوائي وانتقائي لأغراض معروفة وعن طريق الاتصالات التليفونية، "وأعلنوا عن عدد من الأسماء فيما سموها بالقرعة والتي لم يتوفر أي اسم، وأعلن القرعة الساعة 11 ليلا يوم الجمعة

تحـ البشر ـدوهـ

12-03-2008, 10:04 PM

وأكد أبو شعر أنه لم يتقدم أي حاج بطلب السفر عن معبر رفح، "وكل ما قيل أن هناك سفر للحجاج هو غير صحيح، فكيف يسافروا ولا توجد لديهم تأشيرات ولا جوازات سفر؟! ولا حتى لدى وزارة الداخلية والأوقاف قائمة بأسماء من يريد أن يسافر".

محمود يا مان

بطلب منك تعطيني الرابط تاع الخبر

بدي اقراه من الموقع لو سمحت

:)

او بالاصح بدي اعرف مين يلي كتب النشرة هاي

مين هاد الصحفي يلي بيعرفش قواعد المقال ؟؟

وبيحطلي وراء ( كيف ) ( يسافروا ) ووراء ( يسافروا ) ( ولا توجد )

واحلى شي كلمة ( هو غير صحيح )

وبيضملي كلمة ( ولا ) مرتين في جملة صحيحة ... ( ولا توجد ولا جوازات )

:

يعني لو ما بتعبك انك تحطلي الرابط

محمود

12-03-2008, 10:11 PM

سامحوني يا جماعه :)

في البداية كان عندي شوية تحفظات اني ارد ،،

لأني بقول مهل ،، لسا موسم الحج ما خلص وفيه وقت ،،

وبما انو احنا في الوقت الميت ..

بطلع هالتقرير الصحفي !!

بأسلوب كلو كزب ..

للأسف وقتها من حقي اني اشارك ..

لأنو فوق التقصير في موضوع الحجاج ومعني بكلمة تقصير مش أكثر ،،

يجي يحكيلو حرفين مثل هيك ، يعني بالعربي انو فيش سفر للحجاج الي فيزوا من بره ..

النقطة الثانية الحجاج مش محتاجين تعويض ،، أي فلوس في الدنيا ما بتوزن ذرة فضل مثل فضل الحج

المسألة يا أبو شعر ،، مش مسألة فلوس ،، الناس عم تدفع فلوس لتطلع ع الحج ،،

المسألة مسألة عبادة ودين ،،

ياخسارة عليك ويا حيف ع هيك كلام بطلع فيه كذب :)

رح اعلق ع الكلام الي لونته بالأحمر ،،

الي هوي مكان الكذب الي صار وانحكى !!

كل الحجاج الي ما فيزوا عن طريق رام الله بغض النظر عن الآلية ..

معهم جوازاتهم و تأشيراتهم وكل أمورهم جاهزة للحج ،،

بتعرف يا أبو شعر انو العقبة الوحيدة هيي شو بالنسبة الهم ,,

فتح المعبر من الجانب الفلسطيني الي ماسكيته حكومة غزة ،،

مصر كمان فاتحة المعبر لبكرة للحجاج ..

مش مسألة ما معهم تأشيرات و جوازات

بعدين كثير من الحجاج اتوجهو للمعبر وفيه حاج اتعرض للضرب من يومين واتوفى امبارح :)

عموما ً ،، ربنا ما يرحم كل ظالم ،، ويورينا فيهم يوم أسود كلياتهم ..

موضوع الحجاج مش موضوع شاليط ولا موضوع مساومة ،، هاد موضوع دين يا أهل الدين ..

والي عامل حالو ابن تنظيم وبدو يستغل كلامي انو ضد حماس ،،

لأ يريح مخه أنا انتقادي لموقف شنيع للأسف ومش لغرض تنظيمي ،، وياريت ما حدا يزاود ع حدا

لأنو شفناكم وشفنا الكل وفتح داخلة شريك بقصة الحجاج ومنعهم ..

فما حدا يحكي بالله :) ،،

.:.!دموع الرحيل!.:.

12-03-2008, 11:20 PM

مع اني مش ضد ولا كلمه حكيتها يا محمود ..

لو كان فعلا كلام ابو شعر مش صحيح ..

بس بحب أقول يا ريت دايما بتحب تحكي كلمة الحق ..

وتدافع عن الي بيصير من الظلم ..

الدفاع عن الحق .. بكون بكل شي ..

مش بشي وشي .. *_^ ..

وبس ..

مع تكراري لعدم إنكاري لكلامك .. إذا فعلا حماس منعتهم ..

يطلعوا ..

لأنه الحمدلله اتعودنا نحكي كلمة الحق بكل الأوقات حتى لو ضد حمـاس ..

مش نسكت وقت الي بدنا ونحكي وقت الي بدنا ..

عشان نطلع بصوره ملائكيه !! وأنه نحن أفهم من الكل ..

وربنا شهيد علينا بكل لحظه وبكل دقيقه ..

مش أوقات وأوقات *_^

بس هيك ..

حبيت أمررها .. نصيحه لوجه الله تعالى :)

والله يلهم حماس الي فيه الخير ورضاه عنهم ..

وينتقم من كل الي قاعدين يتأمرو عليها .. هي والمقاومه كلها

محمود

12-03-2008, 11:38 PM

دموع الرحيل ،،

مش من حق أي حدا يسيس ردي :)

وبما انو الموضوع اله علاقة في أمر ديني اسمو الحجاج ،،

انا وقتها بتدخل فيهـ ،، أنا ما بشارك في أي موضوع سياسي الا نادرا ً ، لأنو السياسة مش من مرادي

وازا شاركت بكون شاركت بمعلوماتي في موضوع معين ومش بغرض مناكفات سياسية مثل البعض ..

إمي اني أطلع ناس ملائكة ،، على حساب ملائكة ،، بقولك خلي الطرفين يطبقو شرع ربنا ويفتحو الطريق للحجاج

ومشانهم ملائكة ، في النهاية هيك قصص بتكون مثل القشة الي تقسم ظهر البعير ( وبلا تشبيه ) ..

وبنصحك كمان نصيحة لوجه الله تعالى ، لو أنا تركت هالموضوع بلا تعقيب وتوضيح مني ..

بكون استغفال كبير لأنو هالموضوع أنا على دراية فيهـ :) ،،

مش مثل أي موضوع ما بفوته أو ما بعقب عليه لأنو ما بكون معي معلومات فيه ..

ومش لازم يعجبك كلامي ، مشان أشوف رد شكر ،، هذه أمانة وما بغيرها ،،

انا يا دموع الرحيل ما بحكي أو برد بخاطر ثقتي في الناس ،، بحكي الواقع والي بشوفه بعيني ،،

لأنه بهيك تصريح صحفي ،، ما بكون للثقة مجال في حياتي (: بهيك ناس ، وعشنا وشفنا هالمهاترات ..

عموما ً ازا قصة أفهم من الكل ومش أفهم من الكل ،، انا بحكي بإسم محمود الي دايما ً بحكي بإسمه .

ما بحكي بإسم تنظيم ،، مشان أطلع أفهم وما أفهم ،،

( ومش شايف شي بدل ع كلامك من هالجملة الي تكررت منك أكثر من مرة )

لأنو هيك مووضوع ما بشرفني فيه كلمة شكر ،، لأتعالى على سيادة وزير الأوقاف

وسبق وقلتلك كلامي مش لازم يجي دايما ً بمزاجك ، أو بمزاج أي انسان ^^..

مشان ألاقيلي كلمتين شكر ..

ويبدو إني ما كزبت في كلامي ولا زودت حرف :) ولا افتريت ع الناس مثل اخونا بالله ابو شعر ..

لو بجد بعنيه أمر الحجاج لو حكا الواقع ،، وازا بعجبك اني ما احكي هيك رد ،، احذفي ردي لأنو

فيه نوع من الإساءة بغض النظر ان كان كلامي صح او غلط ..

عبير الفلسطينية

12-03-2008, 11:48 PM

والله انا بصراحة قرأت كتييير عن هالموضوع مرة بقولوا السبب حماس و مرة السعودية و مره مصر ما بدها و نازلين يتخانقوا والله اعلم مين الصح ومين الغلط و المتأثرين بالموضوع كله هم الحجاج المساكين يعني مستكتيرين الحج عليهم والله شي بقهر و بصراحة انا رأيي السعودية ما الها دخل في هيك موضوع لانه عمرها ما اتدخلت في هيك اشي او منعت و اكيد السبب من اللي في غزة و ما بنقول غير حسبي الله و نعم الوكيل فيهم

عبير الفلسطينية

12-04-2008, 12:09 AM

و انا عم اقرأ الردود لفت انتباهي الهجوم على السعودية و ملكها و اذا احنا بدنا نلوم ما بسير نلوم السعودية و بس اكيد الملك رح يكون منيح مع شعبه و غيرة بس التقصير من جميع الدول العربية اللي عاملة حالها اسلامية و ما عملت اي اشي للقضية الفلسطينية او حتى على مستوى حصار غزة و حتى فتح و حماس عمرهم ما رح يحلو اشي بس يحلوا المشكلة اللي بينهم اول بفرجها الله وبكفي اللي عاملينو بتخانقوا عل كراسي وبس خلي الواحد ساكت احسن.

.:.!دموع الرحيل!.:.

12-04-2008, 12:29 AM

كفاية لنصيحتي السابقه

النبي عليه الصلاة والسلام لما حكى على الساكت عن الحق شيطان أخرس

عمم وما خصص ..

واطلقها على كل أمورنا الحياتيه بكل تفاصيلها .. شئنا أم أبينا ..

مش ع هوانا القصه

*_^

وبس

:s (43):

تحـ البشر ـدوهـ

12-04-2008, 01:44 AM

بس بس بس

انا عرفت شو القصة

وصلت لشي انا من اللي صار هون

انه في بعض الفئات بدها تشحت ع حساب الشعب

يعني بتدبح الناس من الجوع

وبتحط الاشي براس فئات تانية .. تتوري للناس انه هي مضلومة

وتلفت انتباه العالم الها

وبالتالي تشحت

وقصدي بكلمة تشحت .. انه هي ورطت حالها بموقف ومو قادرة تطلع منه

ف بدها تلفت انتباه العالم الها .. وتخلي العالم يتحرك باي طريقة

جتى لو كانت منع بعض الناس من تادية فريضة اسلامية

وقول انه مو هي اللي مانعاهم وانه هي مسكينة ومو قادرة تسوي شي

وبالتالي طلب شفقة الشعوب الاخرى للتحرك

لكن للاسف فشلت .. في جلب الانتباه .. لانه كل العالم عارفه مين هي هاي الفئة

وشو نيلت بالشعب .. واكبر دليل فش كهرب ولا مي الها اكم من يوم

صاروا في غزة يمشوا مشي .. يعني بيستخدموا بص 11

وشعوطت نص ايدين النسوان

من الطبخ ع النار

لدرجة انه مرت عمي شعرها هب ههههههههه

وبالتالي لجأ بعض افراد هاي الفئة المحترمة جدا .. الى شتم رؤساء العالم لانه حالقلهم ومش راضي يطلع عليهم

وبس

مفسر خطير انا صح

هههههههههههاااي

.:.!دموع الرحيل!.:.

12-04-2008, 01:51 AM

لا فالح والله هههههههههه

لو إنك قرأت

*=== (( ما يلفظ من قول إلا لديه رقيب عتيد )) ===*

قبل ما تكتب هالرد ..

الله يهدينا .. !! هههههههه

تحـ البشر ـدوهـ

12-04-2008, 01:57 AM

هههههههه اي والله الله يهديكوا

انتي الفالحة يا خيتي

ردي وفسريلي وين الخطأ في كلامي

:

او كلام محمود

وما تطلعي عن الموضوع لو كلامك صح

:

وبعدين مين قالك اني ما قرات ؟؟

لا قرات واكبر دليل اني ما جبت اسامي

لكن يلي في بطنوا عضام بحسس عليها

وبس

.:.!دموع الرحيل!.:.

12-04-2008, 02:05 AM

كلام محمود منطقي .. وما حدا عارضو فيه

بس كلامك بصراحه .. وآسفه يعني ..

بضحك :s !

ومش مستاهله اني حتى اناقشك فيه ..

الله يخلي أهل الخير لأهل الخير .. :)

الحمدلله رب العالمين ..

تحـ البشر ـدوهـ

12-04-2008, 02:08 AM

بضحك ومش مستاهلة تنافشي فيه

:

قصدك بمغص ومش عارفة تناقشي

:

حسبي الله ع كل ضالم وابن حرام

شوفي خلاص ترديش

انا اصلا مش ح ارد بعد هاد الرد لو وقفتي صنم ..لانه اسلوب حوارك رائع جدا

.:.!دموع الرحيل!.:.

12-04-2008, 02:20 AM

:: غربة الروح ::

12-04-2008, 02:20 AM

.. الجبل مايهزو ريح :d

والله يخليلنا الشرفاء ويحميهم يااارب ..

وحسبنا الله ع كل ظالم وخاين ..

تحـ البشر ـدوهـ

12-04-2008, 02:30 AM

ليش يمغص ؟

بيمغص الي مش عارفين الحق متلك !

اما الي ربنا عرفهم الحق من الباطل .. ما بتأثروا برمي الكلام ..

الرد على كلامك .. هو الي قاعد يصير على أرض الواقع ..

إن كنت أصلا شايف شو بيصير على أرض الواقع ..

ومش مغشى على قلبك *_^ ..

نقطه ما بتضر البحر الكبير .. مثل ما الغلطه هاي لو استمرت حماس فيها

ما بتسيء للحركة العظيمه ..

الي حضرتك قاعد تتطاول عليها .. وهي من كبيرها لصغيرها نذرت أرواحها للباري ..

وقدمت الغالي قبل الرخيص ,, وما زالت ..

بس أمثالك الي ما بعرفوا للحق أهل ..

طبيعي يطلع منه هيك كلام ..

ويا ريت تحترم حالك بألفاظك

اقتباس:
شوفي خلاص ترديش

ههههههههههه !!

الله يعيننا

بردة فسرت

انا في اللي بتناقض حالها هاي

:

بعدين ماك انفلتي هيك ؟؟

وامثالك ومش امثالك ؟؟

عيب يا عالم

في شي اسمه اسلوب حوار

مو تهجم

:

هي مشكلتكم .. بتعتقدوا انه الكل بيهاجمكم .. وبالتالي بتتهجموا عليه

:

لانكم غلطانين اساسا

:

شوفي يا بنت الناس

:

ما بسمحلك تغلطي علي

:

الي اكم من شهر في هالموقع في حياتي ما غلطت ع شخص هون

:

تيجي تغلطي علي انتي يا دموع الرحيل ؟؟

شو يلي ما بعرف من الحق شي

وجاهل ومش عارف شو ؟؟

كيف حكمتي علي هيك ؟؟

انا بينت وجهة نضري ( وباحترام .. ما حكيت اسامي ) .. واتبعتها بسؤال

لو بدك تثبتي عكس هيك .. جاوبي السؤال بعدين ورينا وجهة نضرك في الجواب

:

شو بزعل لمن الاقي شخص كنت احترموا .. بوجهين

:

ع شانك مديرة عامة بتستغلي امتيازاتك .. لكن لا تخافي .. امتيازاتك هاي مو علي

:

ع العموم الله يسامحك

:

وشكرا ع الاسلوب يا ام حماس

.:.!دموع الرحيل!.:.

12-04-2008, 02:55 AM

هههههههه قال يعني ..

وباحترام .. ما حكيت اسامي ) ..

وين الاحترام قاعد وانت بتتطاول على حركه هي أم الحركات

حاج تقول ما قلت اسامي ..

يعني مش تغابي القصه *_^

ما بهمني تطاول عليي ولا ما تطاول ..

المهم انه كل واحد يلزم حدوده

لما بدو يحكي عن حركة هي مدرسه للجهاد ..

ومخرجه للرجال المسلمين

هنا يكمن الاحترام أو عدمه .. !

اما طريقتك بالحكي معي .. ما بهمني

متلي متلك ..

سواء اتطاولت ولا ما اتطاولت .. مش فارقه ..

ولو انه التطاول على الحركه العظيمه لا يضرها بشيء ..

إلا أنه عيب التطاول عليها .. :) ..

وبكفي تلبسوا توب الملائكيه ..

ما حدا قرب عليكم ..

ولا على شخصكم ..

اما بالنسبه لوجهات النظر ..

انا حكيت وجهة نظري .. متل ما انت مسمي حالك حكيت وجهة نظرك ;)

لكن الحمدلله الذي عرفنا الحق وأهله

HaSHeM,

12-04-2008, 07:49 AM

لا تعليق

Princess of Sense

12-04-2008, 11:03 AM

فعـلاً لا تعليــق ^^

مؤيد

12-04-2008, 11:42 AM

أها ...

اذن الحق على حماس ...

غلطت بشغلة ووقعت في غلطة ما بعرف ازا هي مجنونة لتكون قاصدة هيك تعمل ...

مسكتوها على حماس هالغلطة ، ونسيتو كل الـ 20 سنة من التضحيات راحو فيها قياداتها وعشان مين ؟ عشان هالعشب ...

نسيتوا بيع فلسطين اللي عملتو فتح ، نسيتو الخيانة والسرقات والقصص اللاأخلاقية كلها بزمن فتح ، نسيتو لما سلطة فتح حاصرت الشيخ أحمد ياسين في بيته لمدة من الزمن تنفيذ لأوامر صهيونية في عهد عرفات، نسيتو كل هادا واتزكرتوا حماس على غلطة ...

الحق على حماس صار ، مش الحق على الدول العربية ، الدول العربية وحكامها أبطال لإنهم مشاركين الحصار على اهل غزة ، معبر رفح مين اللي مسكره اكتر من سنة ونص ؟ ... حماس والا مصر ؟؟ ...

العرب والمسلمين خذلوا حماس وتخلوا عنها ، بس برضو لسا بينقال الحق على حماس ، وكإنو هي هوايتها تخرب بيتها بإيديها ، مهي مش لاقيه شغلة الا تخرب سمعتها وبس ...

حسبي الله على اللي وقع حماس بكل هالأمور ، ألا لعنة الله على الظالمين ...

والشكر موصول للي ما بيدلي بشهاداته الا بس لما تكون ضد حماس ،ولما تكون ضد فتح يكون السكوت علامة رضاه على ما تفعل ...

والنتيجة طيب ...

ما بدكو حماس ، بلاش انتو حرين ، لإنها حماس محاصرة غزة بدباباتها ومسكرة كل المعابر ، مش هيك ^.^ ...

خليكو اركضو ورا عباس وجماعته ، تنشوف لوين رح يوصولكم ...

أبداً الاحتلال بريء من جرائمه صار ، ما اله دخل ...

وبالمناسبة ، في دعوة من جيش الدفاع الصهيوني للي بحب ، تم نشره في غزة ، كلام ينطقه كتير بالمنتدى هون وشفنا متلو كتير ^.^ :

http://rooosana.ps/Down.php?d=ZREh

أنثـــى

12-04-2008, 01:47 PM

أخي محمود:

بداية ماكل ما يعلم يقال ..!

و اتهامك للسيد وزير الأوقاف أبدا ليس في محله

ولايصح أن تتهمه بالكذب بهذه الطريقة لأنك هنا قدوة للكثيرين ..!

أخي الكريم ليست الأمور أبدا كما تظن .. فلا تصريح لأي حاج من غزه ..

ولا جوازات عليها تأشيرات .. ولا معبر مفتوح .. وما تسمعه في الإعلام المتصهين ..

ما هو إلا ذريعة لإحراج حماس وقادتها ..

وإظهارها وكأنها هي سبب كل المصائب التي تحل على أهلنا في غزه!

خروج هؤلاء مرفوض تماما .. لأنهم تعدوا على الشرعية أولا وعلى حقوق غيرهم ثانيا ..!

أليس هناك حكومة شرعية منتخبة تدير أمور غزة وكما هي العادة إدارة غزة مسؤولة عن حجيج غزة..!

إن التسجيل لدى رام الله حصل بدون علم الحكومة الشرعية

والآن تريدون منها أن تسمح لأولئك بالخروج !!!

الان أصبح الجميع يلقي الاتهامات جزافا ويحمل حماس المسؤولية !!

وكأن مصر في العام الماضي سهلت على الحجاج خروجهم ودخولهم وهاهي الآن تفتح معبرها!

وكأن حكومة دايتون بريئة من كل ما يحدث !!

وكأن السعودية لاتستطيع في ثانية من الزمن أن تصدر قرارا بالسماح لدخول كل الحجاج

فتحل كل هذه المشاكل!

نسينا كل هذا الان !

والله إن حكومة دايتون في رام الله .. لا يهمها الحج ولا الحجيج ولا حتى شعبنا كله القاطن في غزه ..

وما هذه الأفعال وهذه المؤامرات إلا ليثور الشعب على حماس فيعودوا إلى سابق عهدهم

من الفساد والإفساد .. ولكن هيهات !!

ختاما:
أتمنى منك أخي الكريم أن توزن الأمور .. ثم تكتب ما يمليه عليك ضميرك أكان هنا أو كان في أي مكان..

أنثـــى

12-04-2008, 01:54 PM

أخي الفاضل مؤيد :

حماس لم تخطئ بتاتا في منع هؤلاء من الخروج

مؤامرات تلو المؤامرات تحاك ضد حركتنا الربانية

ومنع الحجاج الشرعيين ماهو إلا جزء منها

لكي تخمد ويُطفأ نورها

لم يدركوا أن الله متم نوره ولو كره الكافرون ..!

أنثـــى

12-04-2008, 02:10 PM

رام الله – فلسطين الآن – غادر الرئيس محمود عباس مدينة رام الله مساء أمس

متجها للأردن ومنها للسعودية لأداء مناسك الحج،

تاركاً خلفه آلاف الحجاج في قطاع غزة على المعابر

بانتظار منحهم التأشيرة لدخول أراضي الحجاز.

فحسبنا الله ونعم الوكيل

مؤيد

12-04-2008, 02:50 PM

المشكلة انو غلطة الشاطر بألف غلطة ... وهيك حماس...

أخطئ بعض أفرادها بالتصرف على قضية الحجاج ، ونحنا مش مع الغلطة هاي ، بس هم ما قصدوا المنع أكثر من انو قصدهم انو يا إما بطلعوا كل حجاج قطاع غزة مع بعض " حمساويين وفتحاويين والكل " ، يا إما فرح نمنع البعض للضغط على الجهات المعنية يسمحوا لكل الحجاج بالمرور ...

شو ذنب الحجاج في غزة اللي طلعت أسمائهم عن طريق وزارة الأوقاف بغزة واللي طلعت أسماؤهم عن طريق قرعة علنية ؟؟؟

شو ذنب الحجاج اللي صارلهم بستنوا الدور تبعهم 5 سنوات و 4 سنوات ما يطلعوا ، بينما اللي سجلوا قبل أسابيع صحلهم يطلعوا من قبل وزير أوقاف العميل فياض ؟؟؟ ...

يعني اللي سجلوا قبل أسابيع بهمش يحجوا ؟ اما اللي الهم سنوات مسجلين وطلعت اسماء بالقرعة ممنوعين ؟؟ ...

والا الحج صار في واسطات وصار فيه فتح وحماس كمان يا حكومة عباس بالضفة ؟؟ ...

ليش بنلوم حماس على شغلة انفرضت عليها ، مين اللي حط حماس بهيك موقف ؟؟؟ .. مش المتآمرين مع اليهود متل السلطة وحكومة مصر ؟؟؟ يعني اوقعوا حماس بالفخ وصرنا نحكي لحماس ليش وقعتي ...

كإنو حماس غبية بس لهدرجة تخرب سمعتها عشان تمنع شوية حجاج !!! لهدرجة أغبياء يعني ؟؟؟ أكيد الشغلة فيها إن وفيها مؤامرة كبيرة لتشويه الحركة وتبرئة مصر من جريمة حصار غزة عن طريق اغلاق معبر رفح ...

غلطة الشاطر بألف غلطة ، الإنسان النظيف لما يغلط غلطة كل الناس بتصير تحكي عليه وتتطلعي عليه ، هاي هي حماس ... 20 سنة قدمت تضحياتها للإسلام ولفلسطين ، من غلطة بدنا نشطب عليها ونتخلى عنها ؟؟؟؟
أما الوسخ لو شو ما عمل ولو شو ما غلط الناس ما بتحكي عنو ، لإنها متعودة تشوف الوساخة منو ... وهيك عباس وفياض وجماعته دحلان وحسني مبارك " فرعون مصر الحديث " ...

ameerelarab

12-04-2008, 06:36 PM

ع شانك مديرة عامة بتستغلي امتيازاتك .. لكن لا تخافي .. امتيازاتك هاي مو علي
>>>>>>>>>
فعلا اخي الكريم فارس المنتدى كلامك صحيح

بدهم يغطوا الشمس بغربال

مؤيد

12-04-2008, 08:05 PM

التحية كلها للمديرة دموع الرحيل ...

مع فائق الاحترام والتقدير ...

.:.!دموع الرحيل!.:.

12-04-2008, 09:30 PM

جددت دعوتها المملكة السعودية إصدار مرسوم بمنح التأشيرات
حكومة هنية تحمل "سلطة المقاطعة" المسؤولية الكاملة عن تعطيل سفر حجاج غزة
[ 04/12/2008 - 08:43 م ]

http://files.shabab.ps/vb/images_cash/up9/081214212653VYnQ.jpg

طاهر النونو المتحدث باسم الحكومة خلال المؤتمر الصحفي في غزة الخميس

غزة - المركز الفلسطيني للإعلام

حملت الحكومة الفلسطينية برئاسة إسماعيل هنية "سلطة المقاطعة" في رام الله، المسئولية الكاملة عن تعطيل خروج حجاج قطاع غزة حتى هذه اللحظة لأداء فريضة الحج، ودعتها للتوقف عن "مسلسل الأكاذيب"، مجددة دعوتها للملكة العربية السعودية لإصدار قرار استثنائي لسفر حجاج غزة للحاق بإخوانهم المسلمين.

وقال طاهر النونو المتحدث باسم الحكومة خلال مؤتمر صحفي عقده في مدينة غزة مساء الخميس (4/12): "أدعو "سلطة المقاطعة" إلى أن يعترفوا بالحقيقة كاملة، وأن يتوقفوا عن مسلسل الأكاذيب فهذه الفريضة لا تحتمل التلاعب والمناكفات".

وأضاف "حرصنا على موسم حج للجميع تنتفي فيه الانتماءات السياسية، ويشارك فيه كل أبناء الوطن الواحد، ولكن البعض أراد إلى هذه الفريضة والغاية السامية أن تتحول إلى جزء من مناكفة سياسية، ويسجل ما يظن أنها انتصارات وهي في الحقيقة انكسارات".

وأكد النونو أن حجاج القطاع ما زال يحدوهم الأمل وقلوبهم معلقة هناك في البيت العتيق، وأعينهم تفيض من الدمع ويأملون أن تنسكب دموعهم هناك في مكة، وبين أن العديد من الأشخاص الذين تم تسجيلهم لدى "وزارة الأوقاف رام الله" دون علمهم، وأن آخرين لا يعرفون أنهم سجلوا للحج، وذلك في محاولة منها لإجهاض هذا الموسم، معتبراً أن الهدف لإفشال موسم الحج هو سياسي إعلامي، وأن يقال: "إن حكومة غزة منعت الحجاج".

وأوضح أن ذلك تم من خلال "سحب جوازات السفر من هؤلاء المسجلين لديهم، حتى لا يتمكنوا من مغادرة قطاع غزة"، متحدياً في الوقت نفسه أن يكون عدد المسجلين في رام الله بالآلاف، والهدف ليس أن يذهبوا للديار الحجازية، وإنما تعطيل موسم الحج حتى إذا سمح لهم مغادرة المعبر، لا يستطيعوا لعدم تمكنهم من الحصول على جوازات السفر، ولا نعلم كيف سيغادروا القطاع بدون جوازات سفر أو تأشيرات".

وأكد النونو أنه لا توجد قائمة بأسماء الحجاج المسجلين لدى "رام الله"، مشدداً على أن سفر الحجاج يتم عبر قوائم, لتوزيع سفرهم على الأيام بشكل منتظم، وتساءل "بأي منطق وأي قانون يمكن أن تسافر هذه المجموعة، وكيف سيستقبلون في الدول التي سيذهبون إليها بدون جوازات سفر أو تأشيرات، وبدون قوائم؟؟", مضيفاً "بدأت ماكينة الكذب بالقول بأن الحكومة في غزة ضربت الحجاج ومنعتهم، وأن حكومة غزة قتلت الحجاج، ونتحدى أمام وسائل الإعلام وأمتنا العربية أن يأتوا بشخص واحد قتل أو منع".

وأوضح أن الحكومة اتصلت مع شخصيات سياسية في الضفة الغربية من أجل النأي بموسم الحج عن المناكفات الحزبية، لكنهم رفضوا ذلك, مما دفع وزارة الأوقاف للبدء فوراً في إجراءات تسجيل الحجاج كما كان في السابق منذ عشرات السنين.

وتابع "بدأت شركات الحج بالتسجيل وهو الأمر المتبع منذ عام 1969، وجرت القرعة العلنية وتحديد أسماء الحجاج المنوي سفرهم، وسار كل شيء بإجراءات كاملة والجميع يشير إلى أنها إجراءات حيادية".

كما توجه وفد من وزارة الأوقاف والحكومة إلى المملكة العربية السعودية، وقام بإجراءات الحجز للحجاج وترتيب كل الإجراءات حسب ما هو معمول في السنوات السابقة، مشيداً بدور المملكة في تذليل هذه المهام مع وفد الحكومة والأوقاف هناك.
بيع حصص الحجاج
وأشار الناطق باسم الحكومة إلى أنه وصلت لديهم معلومات بأن أشخاص في "رام الله" يقومون يبيعون حصة الحاج الواحد ب3000 دولار أو دينار أردني إلى أشخاص في غزة يرسلون جوازات سفرهم بطريقة غير شرعية، مشدداً على أنه تمت سرقة حصة القطاع الكاملة وهي 2200 حاج.
وقال النونو : إن "التباكي والرقص على معاناة حجاج بيت الله ليس من قيم المسلمين، وليس من قيم شعبنا وليس من أخلاق الشعب الفلسطيني", معتبراً محاولة "دق الأسافين بين الشعب الفلسطيني والحكومة ودول مجاورة"، مجدداً تأكيده أن العلاقة مع مصر والمملكة العربية السعودية هي قوية ومتينة.
وأضاف "ليس نحن من عبث بدول عربية سابقاً"، وذلك في إشارة منه إلى المؤتمر الصحفي الذي عقده "وزير" الشئون الاجتماعية في حكومة "رام الله" محمود الهباش، والذي اتهم الحكومة بغزة بمنع الحجاج من السفر عبر معبر رفح".
وأضاف "أقول لمن خرج اليوم على وسائل الإعلام يتباكى ودموع التماسيح في عينيه، لماذا طرد من مسجد القسام في النصيرات، ولماذا رفض المصلون أن يؤمهم، ونحن لا نريد أن نشخصن هذه القضية".

//

.:.!دموع الرحيل!.:.

12-04-2008, 09:35 PM

والله أعلم !

على جميع الأحوال نحن بنشد على إيدين حماس انه تتعالى على الجراح

وتسمح لباقي الحجاج بالمرور .. عشان تسكت كل المزاودين ..

//

ولما ما يقدروا يدخلوا بباقي البلدان .. ساعتها بكونوا هني عملوا الي عليهم

الله يلهمك الصواب يا حماس .. وتساوي الي فيه رضى رب العالمين عليكي وعلى هالأمه كلها ..

وخسئ المتطاولون على هذه الحركه العظيمه

كم يشرفنا أن نكون من محبيه هذه الحركه التي يحاربها أعداء الله ..

وكم هو مخزي أن يكون موقف بعض أبناء شعبنا .. ومنهم من مر من هنـا

كموقف إسرائيل من حماس .. :) ..

سبحان الله ..

اللهم لا تحرمنا من حب أحبابك ..

//

أخ مؤيد تسلم والله ..

الله يسعدك

..

مؤيد

12-04-2008, 09:56 PM

لربما تقع بعض الأخطاء هنا وهناك من قبل أفراد من حماس ، بقصد أو بغير قصد ...

لكن نحن بشر والبشر مخطئون ...

ونعترف بخطأ بعض أفراد حماس بتصرفهم مع بعض الحجاج ، ولا نرضاه نحن كأنصار لحركة حماس ، لا نرضى أن نتعصب لها ونتكتم على أخطائها ... ولسنا كغيرنا ممن يرون أخطاء حركاتهم ليل نهار ولا ينكرون ويرضون ما تقوم به حركاتهم ...

بل نسعى لنصحها ومعاقبة من يخطئ ، وقد سبق وأن عاقبت حماس بعض أفرادها ، وسبق أن طردت عدد منهم ، وعلى رأسهم المدعو الهباش ، الذي تم طرده من حماس لإنعدام أخلاقه وسوء ما يتلفظ به ...

بعض السلاطين المسلمين الذين مروا على حكم الدولة الإسلامية أخطئوا ، لكن هل هذا معناه أن نتخلى عنهم ونقف في صف الأعداء ونتمى زوال حكم المسلمين عنا ؟؟؟ ...

وتأكدوا يا أعضاء المنتدى الكرام ، أن حماس فعلت هذا مكرهة وليس لأنها تريد ذلك ، بعد أن خذلها العرب والمسلمون وخذلوا قطاع غزة وتركوه يموت جوعاً بسبب الحصار الصهيوني إلى جانب حكومة مصر ...

يعني حماس حركة إسلامية ، معقول أنها بدها تخرب سمعتها بإيدها وتمنع الحجاج ؟؟؟ ... مش لهدرجة يعني الحركة غبية ، بس هادا واقع انفرض عليها نتيجة مؤامرة تحاك وراء الكواليس ...

ameerelarab

12-04-2008, 10:14 PM

على قولة الحلحولي كله بللم في بللم

على مين بتضحكوا

بتعترف انه خطاء والله كتير هيك

ولك هااد اجرام

ameerelarab

12-04-2008, 10:15 PM

على قولة الحلحولي كله بللم في بللم

على مين بتضحكوا

بتعترف انه خطاء والله كتير هيك

ولك هااد اجرام

أنثـــى

12-04-2008, 11:17 PM

حتى يعلم الجميع الحكومة لم تخطئ أبدا في منع هؤلاء

وقد كان في ما تحدث به السيد طاهر النونو في المؤتمر

الجواب الشافي أو بالأحرى الرد الشافي على جميـــــع من حاول بطريقة أو بأخرى

لبس الأمور بعضها فوق بعض !!

خرج السيد النونو وبكل ثقة وأخبر الجميع أن هؤلاء

بلا جوازات وبلا تأشيرات وبدون قوائم على الأقل تحمل أسماءهم

وهناك من لا يعرف أن مسجل أصلا!!!

وكذلك تحدى الجميع وكل من اتهم حماس بأنها ضربت رجلا وقتلته

بأن يثبت ذلك ويقدم أي دليل على ذلك ..!

من هنـــــــــا

حماس ليس عليها غبار في أي أمر ..!

ثم على من يقول أن منع هؤلاء من الحج إجرام

ماذا يقول عما تفعله حكومة دايتون ..!!

زمن الصمت

12-05-2008, 01:45 AM

نقول حسبيا الله ونعم الوكيل في اللي كان السبب

وبسسسسسسسس

وربنا مع المظلومين

زمن الصمت

12-05-2008, 02:17 AM

دموع الرحيل , تحدوه البشر لايقين لبعض كتير

تحدوه بحييك علي اسلوبك الحواري الرائع

دموع الرحيل برضو بحييكي علي اسلوبك اللاحواري!!!

اعقلو يا جماعه بلا ما العالم يضحك علينا ويشوف شو بصير بينا

والله منا عارف شو جنيتي من هالحكي سواء انتي ولا تحدوه ولا انثي غير الخلاف بينكو
بالعربي يعني لو اقبال بعض كان هجمتو علي بعض

فيا عالم عقلو حالكو وافهمو انو انتو مابتقدروا تعملو شي ولابطلع بايدكو تعملو شي لا لحجاح ولا لغيروا

بس بتقدروا تشتمو بعض وتزعلو من بعض والتفرقه والخلافات بين بعضكم
وهدا مايريده عدونا

فلماذا لا تصلحو حالكم من حالكم وتتاسفون لبعضكم البعض وتبدؤا صفحه جديدة بعنوا جديد تحت عنوان معين

وليبدا السـلام والوحده من منبر فلسطين منتدي شباب فلسطين وان شاء الله حنتوفقه

وانا بنفسي سأبدا بكتابه كلمات تدعونا للوحده وسانشرها وسابدا بنشرها من هذا المنتدي

والشكر لمن سيساعدني

والسلام عليكم ورحمه الله وبركاته

محبكم

تحـ البشر ـدوهـ

12-05-2008, 03:13 AM

ههههههههههههه

يا عيني يا عيني

ع الكلام الفصحة والاسلوب الخداع يا عيني

عارفه يا دموع .. عارف يا مؤيد .. عارفة يا انثى

انتوا .. باسلوبكم .. وحركاتكم .. وتغطيتكم ع الشي الصاير

بتفطسوا ضحك

:

الكل عارف انه حماس اخطأت

ومنهم مؤيد

ونعترف بخطأ بعض أفراد حماس بتصرفهم مع بعض الحجاج ، ولا نرضاه نحن كأنصار لحركة حماس ، لا نرضى أن نتعصب لها ونتكتم على أخطائها ... ولسنا كغيرنا ممن يرون أخطاء حركاتهم ليل نهار ولا ينكرون ويرضون ما تقوم به حركاتهم ...

ودموع الرحيل لمن ما عارضت كلام محمود يلي بيثبت تماما انه حماس اخطأت

:

يا عالم يا بشر .. هاي حكومة .. وجاي يا اهل البلد جاي

لو اخطأت .. ح تبهدل ابو الشعب فوق ما هو مبهدل

وبعدين ما سالتوا حالكم .. ليش اخطأت في مسألة الحجاج وزودتها هون ؟؟

:

انا ح اقولكم ليش

:

الحج : مسالة دينية

وبالتالي الكل ما بيقدر يعارضها

ولا حتى اسرائيل

:

ف لو حد عارضها .. العالم كله بيوقف

:

من هاد المنطلق حكومتنا الرشيدة .. استغلت الموقف

ت تلفت الانتباه

:

هاد يعني : الحكي برجع وبلف وبدور .. ع نفس النقطة

:

في بعض الحركات بتشحت ع حساب الشعب

:

ووضحت في ردودي السابقة ع هالموضوع يلي قارب يصير درس لغة عربية

شو يعني كلمة يشحت

:

وهلا عاد بستنى رد .. حلو منكم هيك .. وبلغة عربية فصحى

:

واكم من خبر مع صورة رجال

وشوية تهديدات

ت احاول اضحك ع حالي واصدق

:

حسبي الله ع كل ضالم وابن حرام بس