مهم جدا :: كــــن صريحا :: الرسائل الخاصة !!

[محمود]

بسم الله الرحمــــــــــــن الرحيم

السلام عليكم ورحمة الله وبركاته

الرسائل الخاصة

انا حابب الكل يشاركنا في الموضوع ، بتوقع انو الكل يدخل الموضوع وما يكتب رد ..

سـؤال بطـــرح نفســـــه ،، ماذا تستفيد من الرسائل الخــــــاصة ؟

وكم رســـــالة خاصة لديـــــــــك ،، ما مضمون تلك الرسائل الخاصة ...؟

ما هي الأليــــه لاستخدام الرسائل الخاصــــة ،، وفيما تستخــدمــها ...؟

قـــــف مع نفســــــك للحظــــة ،، فكر ،، تريث ،، تأمل ،، ثم أكتب ردك !!

بما أن الرسائل الخاصة ..خارجــة عن سيطرة ادارة المنتـــــــدى ..

اني وبهذا الصدد أقــــــــــول ..

..::اللهم اني برئ من كل ما يستخدم الرسائل الخاصة فيما لا يرضي اللــه ::..

وأريد أن أطرح عدة أسألة ...


هل الرسائل الخاصة وجدت لتداول الايميلات بين الشباب والبنات ؟

هل الرسائل الخاصة أصبحت غرف محادثة غير مباشـــــــــــــرة؟

هل الرسائل الخاصـة أصبحــت مكانا لتعصــــــــي اللــــه بــه ؟

هل الرسائل الخاصة أصبحـــــت تجمعــــــا للشياطيــــــــــــن ؟

---

قف .. اسأل نفســـــــك .. قبل أن تقع في كارثــة وتندم .. ما ذا تفعل .. هل انت راضٍ عما تفعل ..

هل اللــــــه راضٍ عما تفعــــــــــل .. هل عائلتك تعلم ما في رسائلك الخــاصة ... فكر !!!!!!


اني والى هنــــــــا أنتهـــــــــــــــــي ،، وســـــؤالي الأخيــــــــــــر ...

هل ترغبــــــــون بإبقاء الرسائل الخاصــــــة ؟؟ ،، واذا نعــم ما هي الطرق للحد من حماقات بعض الأعضاء في

استخدماها فيما يغضب اللــــــــــه ،،

وفي النهايــــــة (( لا تجعل الله أهون الناظرين اليـــــــــــــــــك ،، إن كنت خائفا من أن يكشف سرك أمام العبد ،، فأعلم أن هناك رب للعبــد لا يخبوا عليــــــــــــه سر ،، فخاف الله .. ))


..::اللهم اني برئ من كل من يستخدم الرسائل الخاصة فيما لا يرضي اللــه ::..
..::اللهم اني برئ من كل من يستخدم الرسائل الخاصة فيما لا يرضي اللــه ::..
..::اللهم اني برئ من كل من يستخدم الرسائل الخاصة فيما لا يرضي اللــه ::..
..::اللهم اني برئ من كل من يستخدم الرسائل الخاصة فيما لا يرضي اللــه ::..


شاركونا آرائكم ..ولا تبخلو علينا ...

والسلام ختام واسأل الله لكم الهداية والغفران



أخوكم :: محمود

[رولينا]

تسلم كتييييييييير خيي محمود على الموضوع
ويارب يهدي كل اللي بستخدموا الرسائل الخاصة لأغراض سيئة وبتعارض دينا
الله يهديهم

[القناص]

أخ محمود هي الرسائل الخاصة ما إلها داعي

فلذلك غذا معاك القدرة على إلغائها

فأنا أول الموافقين

[صقر جباليا]

محمود الرسائل الخاصة ما ممكن تشيلها بس الفكر الاسود والاخلاق الزفت بين بعض الاعضاء ممكن تنتهي اذا كل واحد فيهم اتذكر ربنا واتذكر انو عندو شرف وعندو خوات
انا بصراحة ربما اكون غلطت في ارسال بعض الرسائل الخاصة او في استقبال بعضها
وربما الى حد الان اخطئ ولكن قسما بالله هذا الموضوع يا اخ محمود فتح الكثير من الاسئلة امامي
ارجوا من الاعضاء الا يفهموني خطأ ان رسائلي كانت خاطئة او ما شابه ذلك ولكن ارى انها ليست في نفس موقعها
واذا كانت احدى الاخوات تلقت رسالة فيها اي خطأ من طرفي فارجوا ان تقولها على الملأ
سلامي للجميع احترامي الك اخ محمود احترامي لكل اخواتي في المنتدى وان شاء الله ما رح ابعت ولا رساله خاصة بعد هيك
سلام عليكم ..
اخوكم صقر جباليا ..

[هلــون]

شكرا يا محمود على هذا الموضوع ... انا مش ضد فكرة انا نلغيها .. بس حبيت احكي الي عندي ..
وبصراحة ..
انا بستخدم الرسائل الخاصة كتير .. وانا اول وحدة حكيت انو نفتح منتدى للصراحة او اذا كان شي مدايئك يحكيه .. فرد علي المشاغب وحكالي انو الرسائل الخاصة موجودة .. عشان مانسبب الاحراج للاعضاء البائية .. يمكن انا بستخدمها لاشياء كتير .. بس هيي المنفس الوحيد في المنتدى ..

صح ايام بتكون الرسائل الخاصة مصدر ازعاج .. وفي كتير اعضاء بستغلوها لشي مو منيح ..

بس اذا كنا بدنا شي ضروري .. او شي مدايئنا من عضو وين بدنا انروح ؟؟؟؟ نكتبوا بالاهداءات !!!!!

اسفة على صراحتي .. وآسفة اذا بعتت لحدا رساله دايئتوا فيها .. بس انا من جهتي ما نلغيها !!!

[محمود]

شكرا الكم على المشاركة لكن

فكــروا فيما قلـــــــــــــت

و نريد مشاركة هادفــة ،، لنسمو بالآراء و نمنع الأخطـــــــاء ثم نسعى للارتقاء ..

[رولينا]

طيب هلأ لو سكرت الرسائل الخاصة
وطلع عندي مشكلة مثلا وين نروح؟؟؟وكيف اتواصل

[فلسطينيه]

الرسائل الخاصة ممكن انها تستخدم في امور بتفيدنا
بس الله يسامح الي بسئ استخدامها
يسلمووو اخ محمود على الموضوع

[~ | Mazaj]

سـؤال بطـــرح نفســـــه ،، ماذا تستفيد من الرسائل الخــــــاصة ؟
احيــانــا ببعت منهم لصحباتي يلي ما بيدخلو الايميــل .. يعني للاطمئنان

وكم رســـــالة خاصة لديـــــــــك ،، ما مضمون تلك الرسائل الخاصة ...؟
يعني في اليــوم معدل رسالة .. بس بحدفهم اول بأول

هل الرسائل الخاصة وجدت لتداول الايميلات بين الشباب والبنات ؟
نعــمـ .. انا يمكن الكلام هاد الو اسبوع تقريبا .. واحد بعتلي رسالة لمجرد اني رديت بمواضيعو ولا معطيني ايميلين اضيفهم عندي !! وانا ما نزلت لمستوى ورديت علي .. وحدفت الرسالة كاني ما شفتها

هل الرسائل الخاصة أصبحت غرف محادثة غير مباشـــــــــــــرة؟
نعم .. ايام بشعر بهادا الشعور .. ولما اعمل هيك شي بحس نفسي دنيئة لاني عملت هيــك ..

هل الرسائل الخاصـة أصبحــت مكانا لتعصــــــــي اللــــه بــه ؟
بالنسبــة الي .. لا

هل الرسائل الخاصة أصبحـــــت تجمعــــــا للشياطيــــــــــــن ؟
ما بعــرف

هل ترغبــــــــون بإبقاء الرسائل الخاصــــــة ؟؟ ،، واذا نعــم ما هي الطرق للحد من حماقات بعض الأعضاء في

استخدماها فيما يغضب اللــــــــــه ،،

مش فــارقة معـي بدكم تخلوهــا خلــوها .. بدكم تشيلوها كمان شيلوهــا .. الأمر بيرجع للادارة

[محمود]

شكرا الك أختي فجر الحياة على المشاركة الكاملة وانتي صاحبة قرار كمان بصفتك مديرة المنتدى وبصفتك عضوة فيه ..

أختي رولينا فيه منتدى الدعم الفني أي موضوع موجود فيه برد عليه بدون تدخل الأعضاء

ببعض وبدون ما يطلعوا على مشاكل بعض ..

لكن هذا الكــلام ما بمنع ابقاء الرسائل الخاصة لانها الها فوائد كثيــرة ..
الموضوع هدفه عرض اقتراحات لتفادى مشاكل الرسائل الخاصة ..

وشكرا للجميـــــــــــــع

[القناص]

مشكور أخي محمود ولكن أنت لا ترد على المواضيع

يعني مش علطول

وانا حاسس في تفريق بهذا المنتدى

[al7elo]

شكرا كتير اخي محمود على الموضوع الرائع
انا بالنسبها الي بشوف انو الرسائل الخاصه هي لوقت الضروره يعني الشخص لو بدو يعرف معلومه او شيء محتاجو من قبل شخص اخر او اي شي بفيدو يرسلو الرساله يعني بلاخير بتكون الرسائل هيي شيء للاستفاده فقط لا اكثر
هاد رائيي بصراحه
وشكرا الك اخي ويعطيك العافيه

اختك الاء

[ابو فوزي]

السلاااام عليكم

ابو فوزي هوووووووون

اه ابدي اقول رأي :showoff:

الرسائل سلاح ذو حدين :showoff:

يمكن انه نستعملهن بالطريق الصحيح وممكن للطريق الخطأ :icon6:

وما دامنا بالطريق الخطأ فهوووووون المشكلة

---في ايجابيات للرسائل مثلا حدا بدو يحكي شي هاااااام جدا او انه في مشاكل او تنبية تحذير الخ.. هاي اكيد مليح

اما--------سلبيات فاانه نستعملهن في الطريق الخطأ وهون ابتبدأ المشكلة :icon6:

لما نودي ايميلات ولا دردشة ولا هيك بالرسائل هون بتبدأ المشكلة :icon6: (والله امش عارف من وين بدأت :icon11: :wacko: )

المهـــــــم

كل واحد يوم القيامة سيئل عن اعماااااااله

فكل عمل كل واحد مسؤول عنه

اتقوووووا الله يا عباااااد الله

اتقووووا الله

وقبل ما تعملوا شي فكرو بحالكم فكرو بخواتكم فركو باخوتكم هل بتقبلو هاد الشي الكم؟!!

وازا حدا اعطاك وجه مليح وبشوش ما تفكر بشي عكسي

حسبناااااا الله ونعم الوكيل

اللهم هل بلغت اللهم فاشهد

يثلـــــــــمو يا ابني على هذا الموضوع الذي لا بد منه هام جداااااا

شكراااا :icon31:

[ramram]

بحب اشكر محمود على هل موضوع القيم ، بس بقول لمحمود انو متل ما قال ابو فوزي الرسائل الخاصة سلاح ذو حديين ممكن تأذي اكتر ما هي تفيد والواحد ما بعرف مقبله يعني الي ببعتله يمكن ما يكون هل الشخص على مستوى من الادب او الاحترام او التقدير الي ممكن تصفي الشغله على رضا من الله وفيما يرضي الله.
وبصراحة انا حاسيس هل شغله مزعجه في بعض الاحيان.
ممكن تكون هنالك رقابه بس مش بالضرورة تنحذف.
هاد رأي وبالاخير بعود الامر لادارة المنتدى الحكيمه.

[محمود]

شكرا جميعا لمروركم البناء

وحياكم الله

[عذراء فلسطين]

سـؤال بطـــرح نفســـــه ،، ماذا تستفيد من الرسائل الخــــــاصة ؟
alrsa2el al5asa hdaf 2no nwsel she l2nsan bmwdo3 5as bene wbeno bdon ma y3rfo alba2e

وكم رســـــالة خاصة لديـــــــــك ،، ما مضمون تلك الرسائل الخاصة ...؟
32mmm 3nde



هل الرسائل الخاصة وجدت لتداول الايميلات بين الشباب والبنات ؟
la mesh shart alrsa2el al5asa heye lmwdo3 sh5se ben tnen aw 7al moshkle mo3yne mesh l7ta ytbadlo alemails ben shab wbnet

هل الرسائل الخاصة أصبحت غرف محادثة غير مباشـــــــــــــرة؟
la mesh baldrora 7sab al2nsan 2le 3m bt3amal m3ha

هل الرسائل الخاصـة أصبحــت مكانا لتعصــــــــي اللــــه بــه ؟
7sab r2ye 2ked la2

هل الرسائل الخاصة أصبحـــــت تجمعــــــا للشياطيــــــــــــن ؟
hhh 7lawe hay 2ked la2

y3tek al3afe m7mod 3la almwdo3

[نهال]

يا خيي محمود انت بتعرف ردي
وبتعرف اني كنت كتبت قبلك موضوع بسبب هيك

[محمود]

شمعة فلسطين - شكرا على مرورك

نهال - اكيد بعرف ردك وهو الانسب و الاصح

[فداء فلسطين]

شكرا (محمود ) على هدا الموضوع وانا بصراحه ما عندي أي مانع ازا بدك تشيلها
او تخليها لاني ما بستفيد منها كتير فاي راي بتستقرو عليه انا موافقه عليه ورح ارد على اسالتك

سـؤال بطـــرح نفســـــه ،، ماذا تستفيد من الرسائل الخــــــاصة ؟
بصراحه انا ما بستخدم الرسائل الخاصه كتير لانو ما الها ضروره
بالسبه لالي بس ممكن اذا بدي ومحتاجتها ضروري ما بستخدمها غير مع بنااااااااااااااااااات


وكم رســـــالة خاصة لديـــــــــك ،، ما مضمون تلك الرسائل الخاصة ...؟
انا ما عندي غير رسالتين وبس مع نهال وهلين


ما هي الأليــــه لاستخدام الرسائل الخاصــــة ،، وفيما تستخــدمــها ...؟
بالنسبه لالي انا بس بستخدمها على شان اخد ايمال بنت او غضوه مو عارضه ايمالها


هل الرسائل الخاصة وجدت لتداول الايميلات بين الشباب والبنات ؟
استغفرالله العظيم ليش في هيك شغلات بتصير وبعدين ليش في الرسائل الخاصه
مدام انو مش خايف من الله ليش بشتغل هيك شغلات بالرسائل الخاصه


هل الرسائل الخاصة أصبحت غرف محادثة غير مباشـــــــــــــرة؟
ما رح اقول غير لا حول ولا قوه الا بالله



الخاصـة أصبحــت مكانا لتعصــــــــي اللــــه بــه ؟
كمان ما رح اقول غير لا حول ولا قوه الا بالله



هل الرسائل الخاصة أصبحـــــت تجمعــــــا للشياطيــــــــــــن ؟
كمان ما رح اقول غير لا حول ولا قوه الا بالله


وشكرا على الموضوع وياريت لكل اللي بستخدمو الرسائل لشغلات ما بترضي الله
انهم يعرفو انو الله براقبهم

[البحر]

شكراااااااااااااااااااااااااااااااا ااا اخي محمود انا عني مابستخدمها ومابفضلها والحمد الله انها مااجاني شي لانوا انا ماكنت بدي اصلا ينعرض ايملي ولا تجيني راسائل خاصه والحمد لله مافي اصلا عني لا أفضلها ومابدي اياها لا بالمنيح ولا بالعاطل وشكرا اللك اخي محمود .
البحر ( زهرة المدائن )

[محمود]

شكرا الكم اخواني الكرام ..

ربنا يحميكم ...

انا طرحت الموضوع .. وبرأت ذمتي من المفسدين امام الله ..

واتمنى من الله ان يعود من طغى لرشده ويثبتكم على الدين ..

ولكم كل التحيه

[فلسطينى مجروح]

انا بردوا بأيد القناص الرسائل الخاصة ما الها داعى

ولك جزيل الشكر اخى محمود

اخوكم : فلسطينى مجروح

تقبلونى عضوا جديدا لديكم

[محمود]

اهلا وسهلا بيك فلسطيني مجروح :)

نورت الموضوع وان شاء الله بنشوف

[جومانا]

انا مع انها تضل الرسائل الخاصة لكن على الاعضاء ان يستخدموها بشكل صحيح
اخي محمود طرحت فكرة كتير حلوة ونقطة كتير مهمة
جزاك الله كل خير

[محمود]

شكرا للكل ..

اوك بنخلي الرسائل الخاصة

والي ما بده اياها يحكي الي بمنعها عنه من الاستبقال والارسال

وكل انسان بكون حامل أمانة وان شاء الله بكون قدها ...