]![انثـ ـر إحسـاسـ ـك هنـ ــا ،، واكتـ ـبــ مذكـ ـراتـ ـكـــ ،،، ]![

[لوليتا*]

تعبااااااااانه
ونعسااااانه
ورئبتى بتوجعنى ع الاخرررررررررررررررر :(

[limar]

تعبانة كتير

ومخنوئة كتير كمان

ما بعرف شو صرلي فجأة

[،،عـيـون الوجـد،،]

خايفه

[ღ حورية فلسطين ღ]

:s (43)::showoff:

اليوم عملنا حفل لممرضة عنا بالمستوصف بدها تسافر على مصر

واحلى شي كان في الموضع الأكل :showoff:

كيفنا كتييييييييييييييير اليوم

مع اني تعبت كتير لأنه ابتسام البنت اللي معي بالرسبشن كانت مريضة ونايمة في الطوارئ

وانا ضليت لحالي استقبل مرضى الله وكيلكم هلكت هلاك مو طبيعي :icon5:

بس ما حسيت بشي كنت مبسوطة كتير غير شكل اليوم :s (43):


وآخر شي حكالي ابو حمدي اللي هوا نائب المدير

انه دكتور هشام راح اشتكاني انا والبنت اللي معي :icon11:


فرطت ضحك والله انه هالدكتور زي الزغار اللي عقلهم زغير :icon11:

وكيفت عالآخر :showoff:


وجيت عالبيت وقعدت على لاب توبي العزيز الزغنطوط يؤبس ئلبي :icon26:

[بنيمارو]

^^
اليوم كان حلو نوعا ما
رحت عالجامعه بعد اجازة اسبوعين !
طلعت الباقي من علاماتي وكان في مادة خايف منها كتير بس الحمد لله طلعت منيحة ^^
وسجلت للفصل الجديد وطلعنا عمحل صاحبي بتاع الورد زينا سيارات افراح . . كتير انبسطنا
وبعدين لعبننا باسكيت وانغلبت تلات لعب ورورحت ^^

[إسراء الفلسطينية]

رايحــة ع إمتحــآن الكيميـا هلأ ..

إدعــولي :)

[limar]

زوري بجعني هئ

راح افلوز خلص

شو بكره الفلوزة

اليوم ما عندي شي جديد

روتين

["الزعيم"]

اليوم رحت على المدرسة :icon5:

وأجى المشرف وعاد أنا مش محضر شي ولا بعرف شي:icon11:

بس هالمشرف طلع ابن حلال حضر عند كل الشباب ، ولما وصل لعندي حكالي انت خليك للاسبوع الجاي ، وفلتت بأعجوبة :icon11::icon11:

والاستاذ اللي معي خلاني اعطي خمس حصص ورى بعض"نيلة تنيله"

المهم خلصت على خير وروحت وكان عندي جامعة وما رحت :icon11::wacko:كنت تعبان ::::::::::::::::

وهلأ قاعد على النت والظهر أذن وهيني قايم أصلي بالمسجد وراجع أنااااااااااام لاني نعسان

صارلي شي شهر أو يومين مش نايم هههه

المهم بيكفي حكي عدهم أقامو الصلاة وأنا قاعد والله عيب

:wacko::wacko::wacko::wacko:

[الحلوة]

اليوم من الصبح كنت كتير امعصبه ومتنرفزة مش عارفه مالي..
بس الحمدلله قبل شوي رؤت.. سمعت خبر حلو ومش حلو نص نص
ما بعرف شو اعمل محتاره كتير وقلقانه ومتوتره كتير..
الله يستر من بكره .. بكره يوم كتير صعب بالنسبه الي مرعوبه كتير
.....

[بقـ..ــايـ..ـا إنسـ..ـانـ]

الكل معصب وحزين ومريض ،،

بطلت اكتب !!

[[ Islam ]]

اليوم كان بالمدرسة عااااادي
بس الحصة الاخيرة معلمة العلوووم نرفزتني .. الاخت محملانة 100 جميلة انها بتدرسنا
بدها تشرح واحنا نفهم من اول مرة .. والمشكلة بتشرح فيزيااااااا يعني مصايب لو ما فهمناها
واحب ما عليها تقول بكرة عليكم كويزززززز
انقهرت موووووت منها :@
بكرهااااااااااااااااااااااااااااااا ااااااااااااااااااااااااا
:@

[Maram .. ~]

إحســـآآســـي ,, عــآآدي ,

بس شوي متدايئـــة ,,

اليـــوم أبلــــة الكيــــميـــآ حكت مع ماما :s

آل أنا بركـــزش بالحصص و بضـــل سرحــآآنة طول الوئت ,

طيب إنتي شو دخلك أنا سرحانة ولا مركزة معك , المهم إني فاهمة

طبعـآ أخدت بهدلـة من ماما , كالعادة ,

:S

الحمـــد للهـ بكـــرة ما عـــلي أي إمتحــآآن , معجزة هههههههه

يلا ان شا الله يمر بائي اليوم ع خير , =)

[cat eyes]

يووووووووووووووووووووو اليوم كان ماشي حالو بالمدرسة يعني حلو....

بس الواحد لازم يصير معا شي يسم بدنو ويعكر مزاجو....متل لما أرجع عالبيت وما ألائي حد غير الحيط أحكي معاه...

أف شي ممل.....................والله ما في غير هالمنتدى بفوت عليه وبفش خلئي شوي.....

نفسي أعمل شي خارج عن الروتين بس مو عارف شو!!!!!!!
فيدوني طلعوني من هالملل أمانة...والله رح طء......

[شَتآتْ ~]

الحَمدُ لله عَلى كُل حآل
مروقه عَ الآخـر

[أمل]

تعبانة كثيــــــــــــــــــــــــــــــــ ـــــــــــر :b:

بس الحمد لله مبسوطة :showoff:

[،،عـيـون الوجـد،،]

ارسلت رساله عن طريق الايميل لحبيبة قلبي امل يارب توصلها



احس الكل زعلان مني لكن الله يعين


جالسه ع النت هالوقت وانا مو مرتاحه لازمني اطلع

[إسراء الفلسطينية]

بدي الصيفية تيجي ..

مشان أسآفر ع لبنــآن :icon26:

مشتــآآآقة و نفسي كون بين قرايبي و حبايبي هناك :(

[بقـ..ــايـ..ـا إنسـ..ـانـ]

بدي الصيفية تيجي نفس الشعور اهئ ..

مشان أسآفر ع سوريآ وانتي الصادقة اسراء :)

من شوي خلصت دوام وتعبآن ونعسآن !!

[شمس العروبة]

كل شىء قسمة ونصيب

واللى من عند ربنا ما احلاه

الحمد لله مرتاااحه

[.!. وردة الأقصى .!.]

طالعـة عالشغـل هلأ

وبـس تيجـي سوستـي أحكولهـا إنـي مشتئالهــا مـــوووت :(

[الفتاة المشرقة]

السلام عليكم ورحمه الله وبكراته

اليوم جاي على بالي احكي ,,:icon11:

احساسي رائع ,, لانو رح نطلع عن جو الدراسه شوي ,,^^

بكره رحلتنا على قلقيليه ,, ورام الله (على مخماس لاند) ان شاء الله

وكمان على قبر الرئيس الراحل ياسر عرفات:)

ورح تكوون ان شاء الله رحله حلوه ونلتقي باخواتي في الله

امممم شو كمان :icon9:

اه اليوم بدي اعمل اشياء لرحله ^^



نفسي اليوم ما ادرس شي لانو بعد الرحله مباشره تكمله للامتحانات التجريبيه

اممممممم

ومشتاقتلكم كثيييييييير ونفسي ارجع للمنتدى :icon26:

والسلام ختام^^:icon31:

دعواتكم:s (43):

[limar]

http://rooosana.ps/Down.php?d=Hm3h


http://rooosana.ps/Down.php?d=0hTRf

[Maram .. ~]

مممممم

مش حاسة بإشي

هففففففف

[شَتآتْ ~]

أَخَتِنآقْ ,
.
..
.

[بقـ..ــايـ..ـا إنسـ..ـانـ]

:icon5:

ما باعرف اليوم من الصبح حاسس حالي دآيخ :b:

اللهـ بعين :(

[الحلوة]

اليوم كتير خايفه ومرعوبه
اليوم تحديد مصير بالنسبه الي او حياه جديده ما بعرف بالضبط..
الله يستر عملت الي علي ومتوكله على الله ..
من كتر مني خايفه بطلت احس بايشي ..

اموله الله يرجعك بالسلامه فتره وبتمرا على خير
ليمار خير طولي بالك الله يجعلو خير
محمد سلامتك اشرب عصير فريش بتروء ..

[فارس الوطن]

لـيـسـ كـل منـ يـضحـكـ سعيـد

["الزعيم"]

اليوم رحنا على الجامعة مشي أنا والقلب الطيب

وصلنا الجامعة كانت المحاضرة الاولى مخلصة

وكان في شي ساعتين بين المحاضرة الاولى والمحاضرة التانية

رحنا طشينا على البحر ، واستمتعنا هناك ، وكان الجو حلو على البحر ، وكان البحر عامل متل البركة ما في موج

قعدنا هناك شوي وحكينا ونمينا على العالم

وانبسطنا وارجعنا على الجامعة ، أنا رحت على محاضرتي وهو كمان راح على محاضرته ، وأنا خلصت قبله ههه

وهلأ قاعد وتعبان كتير ، بس ما راح انام لانو في عندي تمرين كورة

آآآآآآآآآآآآخ من النعس

[ايــاد]

كول

[رَم ــآد !]

إِحْتِضآر !

[مآهينآز]

نثرته قبل شوى بدفتر مذكراتى

تقريبا سيئ للغاية

[فارس الوطن]

اليـوم اسـبانيا رح يلعبو ...:icon26:

[إسراء الفلسطينية]

مع اني هلا تعبـآنة كتير ..

ما بعرف شو صايرلي ،، ما الي نفس ع شي ..

حتى بدي قوم أدرس رياضيات و كل شوي بقول هلا بدي بلش .. بس ما عم بقدر ..

بس ارجع فكر باللي عملتو اليوم مع رفيقتي كتير بنبسط و برتاح نفسيا ..

كتير كانت تقولي انها بدها تبلش تصلي ..

بس ما بتعرف كيف !

هيي أصلها تركيه .. لا امها ولا ابوها بصلوا بالبيت ..

اليوم جبتها عندي ع البيت و حكيتلها عن الصلاة .. وهديتها تياب صلاة ..

و علمتها كيف تتوضى و تصلي ..

كتير انبسطت و صارت تبكي .. و وعدتني انها خلص حتبلش تصلي

بدعيلها من كل قلبي انو ربنا يهديهــا .. و يفتح عليها :icon26:

["الزعيم"]

ان شاء الله ربنا بيهديها على ايديكي

ياااااااااااه ما أحلاها

نيالك

[limar]

عادي

لا شيئ جديد

[.. ليآل ~]

شو هاد

ليش هيك

مالكم ياجماعه

استهدوا بالله

وحياه الله صرت اكره هالموضوع

كلو تعبان وزهئان ومتدايئ

انا اطالب وبشده بإغلاق هالموضوع

[أنين]

امل حبيبتي ., الله يهدي بالك وينور طريقك ..

//

احساسي

مدايئه كتير :b: ..

الواقع دايماً بكون صعب .,

يالله متى ينزااح هـ الهم عن ئلبي ., وأخلص

اليوم كان أخر امتحان ., المفروض انو انبسط ..

بس نكد بشكل مش طبيعي .,

اعز رفيئه على ئلبي ., اجاهم ابعاد من البلد ., يوم الاحد لازم يكنوا برا قطر :icon5: :icon5:

مش عارفه شو راح يسير :icon5: :icon5:

:icon5:

[Twin]

وانا ايضا اطالب متلك ليال (-:


شو هاد !!


---------


كتير حلو كان نهاري .. رحت الصبح ع الجامعه .. وشفت كل صاحباتي الي بحبهم ..


وئعدت استنى الست فراشه للساعه تنتين الضهر ,,


بس كنت مستانسه مع البنات ,, عبل ما تطلع من المحاضره ,, مشان نروح نزور بيت خالووو ..


وحاسه براحه نفسيه سرعان ما ستزول لما احضر اسمر )-:

[إسراء الفلسطينية]

نفسيتي هلا مرتــآحة نوعا مــاه :)

خلصت دروسي << متل الهم ع الواحد والله :wacko:

الحمــد لله على كل حـــــآل ~

[فارس الوطن]

مبسووط لأبعد الحدود .. :icon31:

يومي بصورة عامة كان حلو .. الحمد لله ^^

قبل شوي اسبانيا:icon26: فازو ..

[CoOl GiRl..~]

مشكورة كتير يا أختي ما ننحرم إن شاء الله....

[بقـ..ــايـ..ـا إنسـ..ـانـ]

يا نآس يكفيكم تعب اللهـ <<< احكي لحالك هاد الحكي محمد ،،

نعسان ،،

بعين الله ،،

[haya-jor]

feel so bad from someone

[إسراء الفلسطينية]

قاعدة عم باكل بسكوت مع الشاي

:showoff:

و كمان شوي طالعة ع المدرسة :)

الله يعيني ،، للساعة 4 لأخّلص اليوم ..

[أمل]

له له يا جماعة

خلاص أنا حذفت مشاركاتي مافيني تعب حدا معي

و ليش ليتسكر الموضوع

على راسنا انتو

و آسفين و الله

لاتزعلو من هلأ ماراح اكتب شي هون لحتى ربنا يفرجها

كل ما في الامر اني كنت مدايقة و ماحكيت مع امي و تعبت من المكان

ولايهمكم و حقكم علينا

على راسنا انتو

:s (43):

[limar]

احساسي متل احساس اي مواطن مرشح ومفلوز

[بقـ..ــايـ..ـا إنسـ..ـانـ]

مصحصح ،^،^

[Maram .. ~]

نعســـآآآنه :S

:(

اليـــــوم رح يكـوون كـــلو نكد × نكد

:S

بعد شوي بــدي أطلع علي درس قرآن ,

و بــس أرجـــع , رح أعـــد أضب بالبيـــت عشــآآن عــم ننئل ع بيت تــآني :s

يعــني ما في أي فرصـــة أعد ع النت :(

حتى يـــوم الخميـــس !! هففففففففففف

[Zaid]

I get D feeling for laughing for ayear
also from someone
how thought that >>>>he know me
loooooooooooooooooooooooooooool

[الاماني الفلسطنية]

رايحه اعمل شاي مشان اعدل هـ المخ ^_^

حدا بدو ؟

[limar]

اي دونت نو

معلية الستيريو على العالي صارعة الدنيا كانو عنا حفلة

طفشانة بس

[بقـ..ــايـ..ـا إنسـ..ـانـ]

مليت من الدنيا والي فيها :(

[شَتآتْ ~]

نَعسَآنهـ ..

[Maram .. ~]

هلا أنا مبسوووطة :showoff:

البيت كلوو نايم ,,

ولحالي آعدة ع الكومبيووتر

آآخر رواقـآآآآن =)

بس مصدعة :s

هههههههههه

يلا الصداع ما رح يأثر ع إنشكاحي :showoff:

بس الله بستر ماما ما تصحالي هلا :s

و الله بروح فيها هههههههههههه

["الزعيم"]

كاكا

اخ من الكاكا

[القلب الطيب]

آآخ

اليوم روحت من الشغل تعبااااان:b:

على طول ع الفرشة:wacko:

وصحيت قبل شوي:showoff:

بدي اروح اسهر عن اخواني :icon31:

اتصلوا علي ... محضرين سهرة سبيشل:matrix:

واكيد لازم اكون حاضر ^ـ^:icon31:

ما بيقدروا يستغنوا عني:showoff::showoff:

[haya-jor]

i keep feeling bad from someone

[limar]

مو جاييني نوم

والمسن فاضي اختفو العالم

شو اعمل :(

[HaSHeM,]

اليوم انا مبسوط كتير

انا والقلب الطيب سهرانين عند اخوانا

بس شو سهرة حريقة هههه


يعني انبساط عالاخر

قلقيشن

سلاموز اجى دوري باللعبة
هههههههه

[.. ليآل ~]

ok

(:

:showoff:

[ღ حورية فلسطين ღ]

حاسة حالي بعدت عن البنات كتير

بنات المنتدى بالنسبة إلي مو معرفة نت وبس

بعتبرهم متل اخواتي والله

نفسي علاقتي ترجع معهم زي اول واضل طول الوقت احكي معهم عالنت

كله بسبب شغلي :b:


الدكتورة نهى رح تترك الشغل وانا رح اطئ:icon5:

انا بروح عشانها عالشغل هلأ كيف رح اروح

مش متخيلة المستوصف من غيرها كتير مدايئة عليها:icon5:

حسبي الله ونعم الوكيل عاللي كان السبب :b:

[Anonymous Gril]

السلام عليكم ورحمة الله وبركاتهـ،،

أنا فرحانة لسببين:icon15: و زعلانة لسبب :icon5:و زعلانة ع حدا بسبب هالسبب:icon5: ..

المهم اشتقتلكم كثير .. و ابشركم عشوؤؤقة اللي هي أنا يعني ..

رح ترجع متل أول و أحسن بس بدها شي بسيط إنكم تحكموش ع الناس قبل لا تتأكدوا هاد أول بند..

تاني بند .. إزا مشغلين مكيف طفوا >>>> قصدي إزا فهمت حدن غلط لا تبينله انك فهمته غلط ..
ولاتسايره حاول تفهمه بطريقة تانية..

وسلملم:s (43)::icon26::s (43):

[رَم ــآد !]

عَليَّ شُغل بالبيت لـَ فوق رآإسي ..
وَ تعبآإنة أَقوم أَشتغل ..
وَ إِمي عم بتعمل في خُبز طَآبون ..,
وَ هسآ بتطلع بتلآقي البيت متل ما هو >> وَ أَنآ بوكل هوا ..
وَ لآزم أَروعَ عَ هالمكآإن .. وَ أَنآ مَآ بدي أَروح !
وَ بجد آآخ ..
مَللْ


***

[Arabian girl]

. حاسة حالي بدي ابكي
ما بعرف ليش
جاي ع بالي ابكي كتييييييير بدون ما حدا يشو فني
لانو احيانا ما بتلاقي بالدنيا حدا يفهمك
للاسف .

[بنت فلسطين المجروحة]

انا عندي حكي كتير:icon11:

يوم الاربعاء كان اول مرةاحكي مع سناء :icon11: فديتها كتير كانت مستحية

وصوتها عقولة توتي زي صوت الفرافير :icon11:

هههههههههههههههههههه

مشتاقة للمنتدى وهيني بلفلف فيه


يسعد صباحكم


:)

[Maram .. ~]

إحســآآســـي رايئــهـ ,,

مممم ما إلي نفس أدرس , بس المفروض أدرس ,,

علي يوم الإتنين إمتحان كيميا ,, قرب ال 150 صفحة :s

ولازم أردسو اليوم لإنو بكرة علي رحلة , و الأحد لحالو ما بكفي

بس ما إلي نفس =(

//

مبسووطة ,, مش عارفة ليش هههههههههههه

=)

[فلسطينيه والراس مرفوع]

:showoff:

حاسة حالي مكسرة وتعبااانة من رحلة امبااارح :showoff:

كانت رحلة حلوة اكتييير بس ناقصها كم اشي ..

ودايما مناظر المستوطنات والحواجز والجيش بتفتح جروحاتي بكل رحلــــة :b:

كان نفسي التقي بالفتااة المشرقة هناااك برام الله ..

خاصة انو مدرستهم كانت بنفس مكان مدرستنـــآ :icon5:

بس راحت عليي شوفتهــــآ :b:

***

سنووش نفس شعوورك والله بالنسبة لبنات المنتدى :showoff:

افتقدناكي ولــي :icon5:

حتى انا علاقتي فيهـم صايرة بالمــــرة :wacko:

***
ما بـدي الأسبــوع الجاي ييجي على قد ما فيه صدمــــآت :showoff:

**

مــــ ح ـــــتـــــآآآآرة شـــــوي :showoff:


.!~!.

[limar]

حاسة احساس روحاني

ما بعرف كيف

[الرمشـ الحساسـ]

ممممممممم بصراحة لا تعليــق على كلام بعض البنات هووون :(

كلنــا صحباااااات يا سوسو ورح نضل مع بعض للأبــد,,تسلميلي:icon26:

و دودو ما بتحكيلي عليكي رحلة:b:ولا شو عملتو:@ كوووووول المهم تكونو انبسطو..:icon26:

ليمـــــ:icon26:ـــــار احساس غامـــــض:matrix:

,,

انا كمان ملخبطة هالأيــــآم ومش عارفة موقعــــي بهالدنيا,,

الله بعيــــــــن

:b::b:

[الصمـــ رفيق الصحراء ــت]

حــآسـس ومــو حــآسـس ...

[إسراء الفلسطينية]

مبســـوطة كتير

و أخيرا طلعت الشمــــس :showoff:

إشتقتلهــا :P

حاكم هون قليل لنشووف الشمس .. طول الوقت بتكون مغيمة ..

الحمد لله رب العالمين :)

اه و كمان اليوم آخر يوم كان بالمدرسة

هلا عطلة الربيع اسبـــوع ^ــ^

[Maram .. ~]

مم إحساسي هلا ,,

في قمة الإنشكاح =)

[أنين]

احساسي ., زي دايماً .. مخربط :wacko:

راسي بوجعني كتير .,

أكتشفت انو ما بحب اطلع برا البيت هههههههههههه

والجو بجنن :showoff:

من الساعه 6 الصبح وهي وبتمطر .,

بحب هـ الاجواء

شو كمان ., مو مسدئه انو خلص هـ الاسبوع

واخيرا خلصت امتحانات ..:showoff:

الحمدالله كانت منيحه هـ الامتحانات .,

والاسبوع الجاي عنا كمان امتحانات ., بس مو داخله بالمعدل :icon31:

حاسه هـ السنه مرت بسرعه ., يعني ضل شهرين بس وبنخلص .!!

:icon31:

[.. ليآل ~]

رائيه شوي

وئبل شوي شفت شغله بالمنتدى خلتني افرط ضحك ههههههههههههههههههههههه


هههههههههههه

[بقـ..ــايـ..ـا إنسـ..ـانـ]

دوم الضحكة ليال :)

خلاص مدام الي فوق مبسوط ما بدي اعكر مزاج حدا وانا مرووق كمان :)

[HaSHeM,]

اليوم انا فرحان كتير * كتير


لاني كان عندي الصبح مقابلة في دار الكتاب والسنة


وبحمد من الله نجحت في الاختبار وقبلوني للتسجيل

في مخيم حفظة كتاب الله

وان شاء الله راح كون منهم

وسلامووو
بكرة عندي امتحان بالمدرسة افففففف

[ايــاد]

نشـكر الله ,,

حلوهـ هلأيـآم كتيـر ,,

يـآ رب الكل متلي فرحـآن ومكيف كمـآن

^^

[Arabian girl]

الله يديم الفرحة عليكم
انا بالنسبة الي شعوري
نعسااااااااااااااااااااااانه
بس كإني رايئة والله العليم هههههههههه

[Pink Rose]

اختي الزغيرة اليوم مدللتني غير شكل :icon11:

حضرتلي فطور قبل شوي هههههههههههه

فطور الساعة 2 ومن اختي الزغيرة :showoff:

عنجد غير شكل ههههههههههههه

بس كان زاكي .. الها مستقبل بالاكل :P

وهلأ رايحة تشتريلي من السوبر ماركت

كل هاد عشان اخدها عالصالون تقص شعرها :icon11:

ههههههههههههههه

[limar]

الحمدلله مبسوطة اليوم

ولو انو في شي بيخنئ

بس مو مأسر بدي انبسط وبس

انشالله بكمل اليوم كلو هيك

[[ Islam ]]

الحمد لله اليوم كان لزيز وحلوو كتير ..

كانت الحصص ماشي حالها ^^

اخدنا محاضرة " صناع الحياة " كانت كتير حلووة وانبسطت فيها ^^

سمعت خبر اليوم .. انبسطت بس قلقانة شوي ,, الله يجيب الي فيه الخير ,,

[الصمـــ رفيق الصحراء ــت]

الذين يشاهدون محتوى الموضوع الآن : 3 ( الأعضاء 2 والزوار 1)
‏الصمـــ رفيق الصحراء ــت, ‏بنت فلسطين المجروحة+


برضو حآسس ومو حآسس ...

مآ بعرف ...

[الصمـــ رفيق الصحراء ــت]

تــقـريـبــآ مـكـيـف ...

:d

[بنت فلسطين المجروحة]

:icon6::icon6::icon6:

اووووووووه ماشاء الله في ناس راجعة

عدت والعود احمد ياسالم:s (43):

خلص راح الاحساس بالزنب :showoff:

بالنسبة الي


علي دراسة كتير


بس قررت ارتاح هاليوم


:showoff:

[فارس الوطن]

اليوم نمت ع الـ 6 الصبح واصحيت ع الـ 12 زبطت حالي و رحت ع الجامعة ..الشباب بحكولي مالك متنح ولا

كلمة حكيت:wacko: .. ما بعرف :wacko:

طول الليل دراسة ... نحييييت أنا ..هههه :matrix:

ومبارح كمان ع ال 3 بأخر الليل قدمت كويز سريع ع النت للجامعة الحمد لله اخدت 3 من 3

بصورة عامة .. feeling high

[Maram .. ~]

مممممممم

إحساسي ,,

رايئة × مبسوطة + منشكحة = أحلى إحساس :showoff:

ممم

سمعت خبر صدمني !! ,,

آل امتحانات النهائية بعد شهر ! ,,

طبعا هاد معناه إنو رح تخلص المدرسة بعد شهر ,,

بس ما خلصنا المناهج = رح يضغطو علينـآآ

:s

الله يعيننا ع آخر شهر

^_^

[ايــاد]

حـلـو الوآحد يكون مبـسـوط

^^

[آية بنت فلسطين]

لا تعليــــق

[بنت فلسطين المجروحة]

اشتقت لندوش

قد البحر وسمكاته :icon11:

[.!. وردة الأقصى .!.]

الذين يشاهدون محتوى الموضوع الآن : 3 ( الأعضاء 2 والزوار 1)

‏.!. وردة الأقصى .!. (http://shabab.ps/vb/member.php?u=14079), ‏بنت فلسطين المجروحة (http://shabab.ps/vb/member.php?u=9285)+

اشتئـت لامونتـي :(

[.!. وردة الأقصى .!.]

ههههههههههههههههههه

سبحــان اللـــه الئلــوب عنــد بعضهـــا :p

[بقـ..ــايـ..ـا إنسـ..ـانـ]

مرتاح :)

[أنين]

:

Who can you really trust
Who do you really know
Is there anybody out there
Who can make you feel less alone
Some times you just can't
make it on your own

:

[سُكون !]

هسآ آنآ بكرة عليَّ إمتحآن ..

وقآعد هون ..

شز بعمل . ؟

مش دآري .. !

المهم ..


هسآ بجد لآزم آروح آدرس ..

دعوآتكم يآ شبآب .. !

[.. ليآل ~]

موفئه سكون

(:

رايئه والحمد لله

يارب اضل هيك

شو حلو الروئان

[الحلوة]

مدايئه كتير فوق ما تتخيلو
مخنوقه وقرفانه حالي
كان فيه شغله نفسي اتصير وما صارت
مع اني اتعبت عليها كتير وعملتلها كتير عشان تنجح..
بس هيك الله بدو.. بس كمان صعب علي الموضوع محبطه كتير..
فوق كل هاد امفلوزة وعلى الاخر
الي يومين ما دخلت المنتدى ..
الله يفرجها على عبادو..

[HaSHeM,]

انا الوضع عندي رايق

ومبسوط من الصبح

وفي المدرسة انبسطت اكتر

لاني اول مرة ما اتأخر هههههه

رحت بدري بالغلط والله هههه

وحمد لله على سلامتك اختي الحلوة

[limar]

الواحد لازم يكون حقير عشان يعيش يعني !!!

وبعدين مع العالم

[القلب الطيب]

التعامل مع الاخرين فن لا يجيده الكثيرون ^ـ^

[.!. وردة الأقصى .!.]

شو في :|

ليش معصبين روئو الله يخليكم :|

[.!. وردة الأقصى .!.]

نعسـانة

صارلـي يوميـن مش نايمـة غيـر 4 ساعـات

اليـوم حطيـت راسـي عالمكتـب ونمـت ساعــه تقريبـاُ :P

خلصـت وأخيـرا الشغـل اللـي صارلـي اسبـوع مشغولـة فيــه :D

وكـلأ شـي تمـااام متـل مابــدي

مشتــائة لسوستـي ولمورتــي ورمـوش وأمـون ومنـوش وماهينــــاز ونيـنو وتـوتي وكـل البنـات :(

ونفسـي افتـح الإيميــل وأحكـي معهـم بـس نعســـــــــــــــانة :(

so good night & sweet dreems every budy :)

[بنيمارو]

آآآآخر روقان ^^

[القلب الطيب]

اليوم شفت آخر موضوع كتبته " نحو قلوب اصفى من العسل " في منتدى تاني

طبعا العضو اللي ناقله مش كاتب لا منقول ولا حاجة

رحت على جوجل بحثت عن الموضوع

لقيته في كمان منتدى

يعني الاثنين مش كاتبين المصدر ولا حتى كلمة منقول

يلا .. حصل خير ^ـ^

****

الماسنجر مش راضي يفتح عندي اله اكثر من 3 اسابيع

عندي طقيت


****

اليوم كان طبيخنا ملوخية

راحت عليك يا عزيز النفس

كنت شايل الك صحن

بس من كتر مهي زاكية اكلت حصتك ^ـ^

[haya-jor]

احساسي والله لا يوصف

كأبه , حزن , وحده , ... الساعه اربعه ونص تقريبا وانا مش عارفه انام ...

جاي على بالي اكتب شي بس مش راضي يطلع معي كلام

just that

[بنت فلسطين المجروحة]

بعترف اني دورت عموضوع القلب الطيب بالمنتديات التانية

وبهدلتهم :P

بحب المشاكل :icon11:

[الحلوة]

بحاول اوفق على رجلي وارجع على طبيعتي
بس اكيد بدي وقت لحتى ارجع
يا الله ما اقسى الدنيا.. عندي امل بالله سبحانو
محبطه كتير نفسي ارجع متل اول اكون متفائله
بس عنجد اتعبت كتير
ادعولي ...

[[ Islam ]]

اشتقت للدبة اللي فوق اللي فوقي :(

من يوم ما عرفتها وهي مشغولة (-*

[دموع الحنين]

مرتاااااااااااااااااحة

الحمدلله خلصنا امتحانات


باركولي

[limar]

على ئولة فيروز

دخيلك يا امي مدري شو بني http://rooosana.ps/Down.php?d=Iz0r

تركيني بهمي زهئانة الدني http://rooosana.ps/Down.php?d=Iz0r


http://rooosana.ps/Down.php?d=VEjU

[Maram .. ~]

ممم ,,

اليوم , رايئة ,

بس هالروئان ما رح يدوم ,

علي امتحان كيميـآ =(

لازم أئوم ادرس هلا =(

بس ما إلي نفس !

و الله صعب :'(

حراام 150 صفحة !!

ادعولي الله يخليكو =(

[بقـ..ــايـ..ـا إنسـ..ـانـ]

بكرهـ الكمياء بجد الله يعينك ماتريكس ،،

ليمار عيشي حياتك مع سفن آب :)

دموع الحنين مبارك خيتوو وعقبال الماجستير ،،

شبه مروق انا :(

[الحلوة]

دموع الحنين الف مبروك حبيبتي بتستاهلي كل خير ..
مرام انتي قدها وقدود سمي بالرحمن وبتخلصي

نعسانه كتير
مشتاقه لهل حدا ..

[شَتآتْ ~]

أَنفِجآرُ الصَبْرَ ..

[ايــاد]

لأ

ليـش هيـك ,,

ليـش لمن ينجح الوآحد ويصير ويتصور الكل بوقف بوجهـو ,,

أنـآ تعبت بصرآحه تعبـت كتيـر :(

مـآ بدي أنكد ع حـد


بـس الاشيـآ مـآ عم تمشي بالطريق الصحيح ,,

وأنـآ بسرعـه بنهـآر بهيـك موآقف ومـآ بعرف أدآفع عن نفسـي ,,

[القلب الطيب]

الحمد لله

اليوم حلو

يوم جامعي خفيف نظيف

شفت صديق الي من زمان ما شفته

التقينا بمكتبة الجزيرة ^ـ^

[ايــاد]

:showoff:

بحكي مع بنت أختي ههههههههه

عمرهـآ 8 سنين وبتعرف ع النت و ع المسنجر :icon6:

غريب هـ الجيـل بجد :icon11:

الله يستر منو :wacko:

هههههههههههههههههههه

[Yαś]

مشغوول !!

( السببـ .. الأسبوع الجآاي بتعرفو )

.
.

اللهم أني أسألكـ الإخلآص في العمل .. اللهم آمين ~


أحساسي .. رآايق مع شوية هموم .. اللهـ يفرجها

["الزعيم"]

الحمد لله على كل حال

تعبان

[Maram .. ~]

ممم ,

إحساسي ,,

متوترة ,,

ضايلي شي 20 صفحة بالإمتحان

بس و الله زهئت

خلص ما بدي أدرس

بكرة الصبح براجعهم

=(

[السيف عدي]

طب .. بس بس ..

[HaSHeM,]

انا يومي كان تمام

لاني اليوم ما انغلبت بالكورة ولا لعبة

ظليت انا وفريقي ماسكين الملعب وما طلعنا منه

والقوان كتار هههههههه

بس بالليل حاسس حالي زهقان

[HaSHeM,]

انا يومي كان تمام

لاني اليوم ما انغلبت بالكورة ولا لعبة :showoff:

ظليت انا وفريقي ماسكين الملعب وما طلعنا منه :showoff::showoff::showoff:

والقوان كتار هههههههه:icon11::icon15::icon11:

بس بالليل حاسس حالي زهقان :b::b:

[بقـ..ــايـ..ـا إنسـ..ـانـ]

نعسان !!

[أمل]

الحمد لله

بكرة ان شالله راح تفرج

مبسوطة بس مأجلة كل شي لبكرة

لحتى أشوف بعيني:wacko:

[إسراء الفلسطينية]

مــا جآيينـي نوم بالمرة !

مع انو الساعة صارت 1 بالليل

ما بعرف شو صايرلي اليوم ..

Energy × Energy

مــا أحلى العطـلة :showoff:

المنتدى ما حلو بالليل .. الأغلبية بكونوا نايمين ..

بدي أقوم اقرأ قرآن ..

خلي ربنا يوفقنا و يرضى عنـا :)

[سُكون !]

ممم ..
آنآ عليَ إمتحآن بكرة ومش قآدر آركز من مرة ..
يعني ضآمنة الرسوب .. !
صآرت السآعة هسآ 2:15 ..
وكمآن مش عآرفة آنآم ..
وصآيبني شبه هلوسة بدور في الدآر زي المضروبة على رآسي ..
دعوآتكم يآ شبآب حآلتي هسآ بجد يُرثى عليهآ .. !

[ღ حورية فلسطين ღ]

بعترف

قرأت رد القلب الطيب عن الملوخية واشتهيتها اكتر ما انا مشتهييتها:icon28:

عن جد رح اعمل شر بكرا بالبيت ازا بابا ما جبلي ملوخية وماما ما طبختلي اياها :icon7:

اليوم ما رحت عالمعهد :showoff: يسعدلي اياني شو شطورة :icon11:


يوم الأربعاء عنا رحلة في المعهد عالراشد مول مالي نفس اروح بس يمكن صحباتي يقنعوني الله اعلم :wacko:

فتت عالمسنجر ما لقيت حدا من البنات مع اني كنت رح اطئ على ما احكي معهم :icon5:


صايرة احكي سوري كتير :showoff:


الله يكتبلي اللي فيه الخير يارب :showoff:

نونتي اشتئتلك كتير :icon26:

تصبحو على خير :icon31:

["الزعيم"]

اليوم صحيت من الساعة 2بالليل

أخذنا اخوي محمد على المستشفى لأنه كان مريض كتير ، وهلأ هو نايم بالمستشفى الله يعينه

والمشكلة انه على جامعة من الصبح لمغرب ومش عارف كيف بدي أزوره اليوم وأطمن عليه

اليوم شكله غريب كتير ، الله يجيب اللي فيه الخير

[ايــاد]

آآخ ــر روقــآآآن ..

^^

[أمل]

الحمد لله مبسوطة و رايقة و فرحانة

و ماادري شو كمان

الي بيعرف شي كلمة ثانية يحطها

الحمد لله أخيرا في طريق العودة

[مآهينآز]

مشتآآقة لكتير نآآس :(



ليـــــــال وحورية وأمل وشمس العروبة

مشتقالهم موت :(

إلى كتير ما كلمتهم :(

[الحلوة]

اليوم لسه باولو بس امبين متل الي قبلو او الي بعدو
عم بحاول ارجع على طبيعتي بعد الي صار.. مابعرف اذا راح اقدر اعمل هيك
عم بحاول اوقف على رجلي مره تانيه.. بس كمان صعب كتير
اكتشفت انو الناس او الي حوليك ما بيحبوك وانت زعلان او بتمر بازمه ما بيكونو معاك بيكونو معاك بس باوقات الفرح
لانو بيزهئو منك وانت بحاله نفسيه سيئه.. ما حدا بيقدر ابدا احساسك ..
على الرغم لازم يكونو معك بوقت محنتك اكتر.. باختصار الناس ما بيعدو معاك بوقت انت محتاجهم فيه ..
مابعرف اذا قدرت اوصل الفكره بس الحمدلله على كل حال ..

[ღ حورية فلسطين ღ]

نمت الساعة 6 وصحيت الساعة 8

يعني من امبارح ل اليوم ما نمت الا ساعتين

رحت عالمعهد وحضرت محاضراتي زي الشاطرة :showoff:

واقنعوني صحباتي اروح معهم عالرحلة تبعت المول يوم الأربعاء الصبح

يلا خلينا نروح بنغير جو :showoff:

المسنجر جنني مش راضي يفتح :icon28:

والمنتدى بالعافية فتح ما بعرف ازا رح يرضى يعتمد هالرد ولا رح يعلق كالعادة :icon28:

بدي انزل صور الاب توب تبعي وخايفة يعلق الأفندي ساعتها بعصب وببطل انزل شي:icon11:

[القلب الطيب]

:icon5::icon5::icon5::icon5::icon5: :icon5:

[limar]

عندي صاحبتي امول

مبسوطة جاي تئضي نهار عندي

عم نارجل من هلاء

[ღ حورية فلسطين ღ]

نمت الساعة 6 وصحيت الساعة 8

يعني من امبارح ل اليوم ما نمت الا ساعتين

رحت عالمعهد وحضرت محاضراتي زي الشاطرة :showoff:

واقنعوني صحباتي اروح معهم عالرحلة تبعت المول يوم الأربعاء الصبح

يلا خلينا نروح بنغير جو :showoff:

المسنجر جنني مش راضي يفتح :icon28:

والمنتدى بالعافية فتح ما بعرف ازا رح يرضى يعتمد هالرد ولا رح يعلق كالعادة :icon28:

بدي انزل صور الاب توب تبعي وخايفة يعلق الأفندي ساعتها بعصب وببطل انزل شي:icon11:



واشتقت لماهيناز حبيبة قلبي :icon26:

وعم برن على ندوش تلفونها مشغول وجع :icon7:

[[ Islam ]]

والله مسخرة

مش عارفة ايمتى رح يوصلوا لدرجة البني آدمين

الله يلعنها من هيك عيشة

:(

:(

:(

[limar]

http://rooosana.ps/Down.php?d=0kwj شو حلو الروئان http://rooosana.ps/Down.php?d=0kwj





http://rooosana.ps/Down.php?d=0kwj ولا بتعب ولا بزهئ دا مبدء http://rooosana.ps/Down.php?d=0kwj

http://rooosana.ps/Down.php?d=0kwj واحلف لو مش مسدء http://rooosana.ps/Down.php?d=0kwj

http://rooosana.ps/Down.php?d=0kwj كبيرك يومين http://rooosana.ps/Down.php?d=0kwj

http://rooosana.ps/Down.php?d=0kwj مهي كبرت في دماغي http://rooosana.ps/Down.php?d=0kwj

http://rooosana.ps/Down.php?d=0kwj براحتك http://rooosana.ps/Down.php?d=0kwj

http://rooosana.ps/Down.php?d=0kwj عداني العيب نصحكتك http://rooosana.ps/Down.php?d=0kwj

http://rooosana.ps/Down.php?d=0kwj بتتحدا مين http://rooosana.ps/Down.php?d=0kwj

[شهيدة الاقصى]

أحاسيس كتيرة بحس فيها ,,,

ما بعرف ليش حاسه حالي ملخبطة شوي ,,,

يمكن من كتر الشغلاآآتــ اللي صارت معي هالأيـآآم,,,

بالمختصر,,, إحسـ,آآس غريـب

............

[دموع الحنين]

الحمدلله مبسوووطة

بكراااا رحلتيييي


بحبكم

[أمل]

الحمد لله مبسوطة برجعتي

تعبانة كثير بس رايقة كثير

ما في أحلى من البيت و جو البيت

الله لا يحرمناو لا يحرم حدا

هلأ عم آكل بسكوت و شكولا :showoff:

مين بدو ولا بلاش أصلي بخيلة:icon11:

[بقـ..ــايـ..ـا إنسـ..ـانـ]

رآيق من شوي صحيت من النوم :)

[الحلوة]

اموله حبيبه قلبي حمدلله على سلامتك يا قمر:s (43):
بقول المنتدى نور فجاه:icon31:
الف الف حمدلله على سلامتك...:s (43)::s (43):

[الحلوة]

انسيت احكي عن حالي شوي:wacko:
مبسوووووووووووووووطه كتيييييييير كتير كتيييييييير:showoff:
مابعرف ليش ههههههه والله فجاه هيك قلبت من دون سبب:wacko:
بحبكم كتير :icon26:

[Maram .. ~]

ممم

احساسي

قرفانة ههههههههه

مش عارفة

كنت آعدة بدرس :s

حاسة بخنئة من الدراسة

بس ,, بدي أبسط حالي بأي طريقة =)

[أمل]

كثير مبسوطة اليوم رغم كلي لي صار الحمد الله اناهلأ منيحة :showoff:
عنجد مو عارفة شو احكي غير الله يخليلي ياكم اخوان/تي

روان مو عارفة كيف بدي اشكرك بس أكيد راح يوصلك الحلوان:icon11:

هلأ بدي أطلع لازم روح احكي مع ماهيناز و الله راح تقتلني قتل:wacko:

بدي قول شغلة بس

و الله لو جمعت كل كلمات الكون ماراح توفي شكري و تقدري و احترامي و محبتي الكم:icon31:

:s (43)::s (43)::s (43):

[فارس الوطن]

:(

بس

[HaSHeM,]

مش موايق ^_^

هههههههه:icon11:

يعني تعبان :wacko:

وزهقان :b:


وقرفان :icon5:

ونعسان:wacko:

[ايــاد]

تعبـ/ـت أفـ،ـكـ/ـر

نفـ/ــسـ،ـي أرتـ،ـآح

[الحان الحرية]

بتمنى أعيش بهدوء و سلام ..

[الحلوة]

اممم ما عرفت انام ليليه امبارح ابدا
تعبانه كتير نفسي انام بس
عم بحاول اكون طبيعيه وارجع متل قبل

[بقـ..ــايـ..ـا إنسـ..ـانـ]

تعبآن ،،

[Maram .. ~]

ممم

رايئة =)

بسمع اناشيد ,,

بس زوري بحرقني

خايفة أزكم =(

ما بدي ='(

[limar]

كاني جوعانة

ما بعرف

المهم رحت ادمت طلب لمستشفى التخصصي

ادعولي

بركي اشتغلت بشهادتي بئى

هئ هئ

والله اكتئبت انا

[سُكون !]

نعسآنة ..

[الاماني الفلسطنية]

راسي مصدعه ..


عبود طلعلي قرون :icon7:


مش راضي يحل عني الدب :@


بس اليوم حلو وفيه احداث ..


كنا عاملين عزومة لدار عمي وناويين يئضو طول النهار عنا ^^


اشتئت للكمبيوتر والنت كتير .. صارلي فترة والله :(


جيت يئسانة كالعاده وعم بحاول اني اشغلو ..


الا هي توين الضرسانة مسكت البوكس وطلعت احشائو واعدت تفكك وتخبص .. والصدمة انو اشتغل بعدها


بطلع منها والله .. :showoff:

[HaSHeM,]

انا مبسوط مبسوط مبسوط ع الاخر

معلي السماعات اعلى حاجة وانا بغسل بالموتسكل هه

وفاتح افراح هههههه

[شَتآتْ ~]

رَآسيْ رَح يَنفَجرْ ..
بـوـوجـع .. هُوـولَ ..
> امممم
هولَ معنآهآ كَثير لَلي مآ بَعرف ..

[أمل]

الحمد لله مبسوطة و آخر روقان

و كمان اليوم بالليل حفلة و هيصة بالبيت فرحانين فيني :icon11:

يعني مو عارفة اوصف سعادتي :b:

الحمد لله

اللهم لك الحمد حتى ترضى و لك الحمد ادا رضيت و لك الحمد بعد الرضى

[limar]

هدد

[الحان الحرية]

حاسة اني مشتاقة لفلسطين ..
كتير كتييير أكتر من ما اي حدا بتوقع =(

[إسراء الفلسطينية]

مــلآآآآنـــــــــــة ..

و مشتــآقة لكتير ناس و لكتير إشيا و لكتير أمآآآكن :s

إحســآس مؤلم !

حــآنّة لأيـآم زمــآآن و للذكريات الحلوة

بدي ارجع ع لبنــــــآآن :(

[HaSHeM,]

هلحين روحت من محلاتنا

وتعبان تعبان

ونعسان

بس مبسوط

وكل ما اتذكر انه بكرة عليا امتحان بتنكد ^_^

[القلب الطيب]

هلحين روحت من محلاتنا



بس بلاش محلاتنا ^ـ^

هو النا كم محل :icon9:

المرة الجاي بتقول روحنا من محلنا :showoff:

مش عارف شو اللي مسهرني لدلوقتي

من النعس صرت احكي مصري :showoff:

علية جامعة ومحل وما في وقت كتير انام

يا اما اروح الجامعة وانام بعدها واطنش المحل

او اطنش الجامعة الاول

:wacko::wacko::wacko:

ان شاء الله نكسب الاثنين :icon31:

[ايــاد]

:icon5:

من كم يـوم هوونـآ

بحـآول أظـهر أني مبسـوط وكل شـي تمـآم :icon5:

لكن الحقيـقه أني بعيـش أيـآآم أحبـآط شديـد جدآ من الوآقع الي عم بعيـش فيـه :icon5:

طريـق النجـآح بترآجـع ,, والاسبـآب كثيرهـ

والاسبـآب مــش معقولـه :icon5:


بصرآحه ,, بهيق أوقـآت بكون أنسـآن تـآني كليـآ ,,

بكون مجرد أنسـآن وبـس ,, لا بنفع ولا بـضر :icon5:



يـآ رب

[بقـ..ــايـ..ـا إنسـ..ـانـ]

قلق

[limar]

عندي اكمن مشوار

بدي اروح اجدد هويتي خالصة من الشهر الماضي

وبعدين بدي اطلع على مستشفى التخصصي ائدم مزاولة المهنة & بقيت الوراق الشهادة والخ ...

على الله يطلع بفايدة

ادعولي

بعدين رح تجي صاحبتي تتغدا عندي

وبس هادا برنامجي لليوم

ما بعرف ازا راح يطلعلي شي المسا كمان

المهم ائدم الوراق هلاء

[أمل]

مكسرة

امبارح سهرنا حتى صلاة الفجر

كانت الليلة كثير حلوة و انبسطت كثير

هلا مش قادرة افتح عيني :wacko:

بدي نام كمان شي ساعتين

[Maram .. ~]

:icon5:

:icon5:

:icon5:

[إسراء الفلسطينية]

لحآآلي بالبيت بسرح و بمرح :)

^ــ^

نفسي أطلع شي مشوار ..

[آية بنت فلسطين]

زهئــــــــــــــــــانة
ما بدي ادرس
ولا بدي اعمل اي شي
بس جاي عبالي ابكي

[الحلوة]

مخنوقه كتير..
ومدايقه كتير..
غصب عني..
عم بحاول ارجع متل قبل مش عارفه.. عم بكابر شكلي..
كل ما تنسى الناس بيذكروك..
اكتشفت انو الناس مصلحجيين كتير..
اهم شي عندهم نفسهم وبس.. حتى لو كنتو اصحاب كتير..
المهم هوه بس انت تتحرق.. اتولع المهم هوه
يا الله ما اقساهم...
الله يفرجها على الجميع

[[ Islam ]]

اليوم كان كووول بلمدرسة

تخانقت بنتين بصفي والمشكلة كانت كبيرة

بس كانت اكشن

بموووت في المشاكل هع هع ..

الله يخلف عليها الناظرة هي اللي صالحتهم !

عليّ أشياء كتير اساويها ..

ووووو بس :d

[Maram .. ~]

ممم ,,

إحساسي ,, كتير تعبانة !

من شوي سمعت خبر نكد علي :icon5:

الله ينكد عليه إلي نكد عليا :icon5:

مم خايفة إنو بابا يعمل إلي براسو :b:


يا الله !!

شو هاآآآااد

:icon5: :icon5:

["الزعيم"]

ملل

ملل

والحمد لله

[Yαś]

ملل × ملل

الحمد اللهـ على كل شيء

[الحلوة]

زهئانه

[Maram .. ~]

الكل ملان

و أنا ملاانة :(

و زهئــآآنة !!

[أمل]

ييييييييييي

الكل ملان اليوم

الله بعين

الله يبعد عنكم الملل

هلأ بدي أطلع مشوار يعني تغيير جو زمان عنيماشفت المدينة:showoff:

[بقـ..ــايـ..ـا إنسـ..ـانـ]

اكلت هووا انا !!

[لوليتا*]

كنت بستنا هاليوم من زماااااااااااااااااان
بس انفئست :(
نكدو علي الله ينكد عليهم :(
رحت اليوم لحفله عنا كانت بحضور يحيى حوى ووروحت من غير مااشوفو
كانو البنات متوحشين راح يموتونى والله :(
وبس

[.. ليآل ~]

يــــــــوم عادي

[ღ حورية فلسطين ღ]

عم بسمع اناشيد عن جنين :b:

رح اموت على ما اروح على جنين :icon5:

بس يوم واحد ما بدي اكتر:icon5::icon5:

[limar]

وبعدين مع الدنيا والناس

وبعدين

ما حدا بيحس

[فلسطينيه والراس مرفوع]

عم بسمع اناشيد عن جنين :b:

رح اموت على ما اروح على جنين :icon5:

بس يوم واحد ما بدي اكتر:icon5::icon5:

×*×
:b:

حبيبتي واللهـ ..

:icon26:

يـــوم مش عادي عندي ..

صحيت متأخرة ورحت ع المدرســة والحصة الأولى بدها تخلـــص ..

والمديرة ما خلتني أدخــل ورجعتني :wacko::wacko:

:icon11:

وهيني قاعدة ما في عليي شغل ولا واجبات ولا امتحانات ولا مدرسة ولحااالي بالبيت :showoff:

وإجريي بوجعوني من مسافة الطـــريق اللي مشيتهـــآ :icon11:

×*×

مش مبسوووطة :icon5:

متنكدة شــــوي من شغلـــة :b::showoff:

×*×

[الاماني الفلسطنية]

ممم ماشي حالو


بس ممل و الوئت كان يمر ببطيئ بالمدرسة ...


المميز فيه انو الخميس .. يعني نوم × لعب × تضييع وئت ^^

[limar]

صحيت من شوي بس

مبارح نمت عى الخمسة ونص الصبح

راسي مصدع

في شوية نكد بس ماشي الحال ما بأسرو

عم بسمع اغنية حلوة كتير

كرمشتلي مشاعري اهئ

لو حبنا غلطة

روئان

[Twin]

ئبل شوي روحت من الجامعه .. كان يوم حلو خصوصا انو الدكتور اعتزر عن المحاضره ^^


وكانت تشتي الدنيا .. ئعدنا انا والصبايا تحت المطرة .. شعور كتير حلوو


بس اخر النهار كتير تدايئت .. بنت حكتلي ئصتها بالحياة ..


انا منتفه حالي دموع وهيي صاحبه الئصه ماسكه حالها ..


وتركتها وانا لسه لهلا بدمع عليها


)-:

[القلب الطيب]

صحيت اليوم بدري:showoff:

و فتحت المحل:icon31:

وقبل شوي روحت:wacko:

شفت ناس كتير في المحل

من الوزير للغفير

ومن الطفل للختيار

عقلي تخربط الكل بده يوزن ويدفع مرة وحدة :wacko::wacko:

بس شو .. نظمتهم ولا شرطي المرور ههههه:icon11:

****

الاسبوع الجاي امتحان تخصص:b:

بدي احضره وادرس شوي مش كتير ^ـ^:matrix:

[a7la sereen]

اليوم كان نآآيس بكل ما تعنيه نآيس من معنى

كان عنا Open Day كان روعه

الدبكة والكورال بجننو واخر شي كلنا " بنات المدرسة " نزلنا ع الساحة ودبكنا

والي كان احلى واحلى مطرت واحنا بندبك

Just It..

[إسراء الفلسطينية]

لسا العطلة ما خلصت ^ــ^

الليلة ضليت سهرانة للساعة 5 و نص

صليت الفجر و نمت :)

انا و اختي كنا قاعدين سهرانين و منتحدث ..

و ولا كانت تيجيني النعوسة ^ــ^

[الحلوة]

اليوم كان متعب كتير
روحت من صباحيه الله اقدم على شغل...
وخلوني ناطره كتير يمكن اعدت 3 ساعات بس بستنا حضره المدير
اخر شي اعدت مع جنابو.. ما بعرف حسسني انو بكره حيخليني اداوم.. كتير بيحكي
بس كتير بنات كانو موجودين.. الله يوفقني ويكمل معايا على خير
بس اكلت هوا بالرجعه ما لقيت تاكسي اكل هوا تحت الشمس..
تعب بتعب...

[صدى الحب]

اليوم بالنسبة الي حلووو كتير

طبعا لاني اليوم لسا خلصت امتحاناتي الفيرست


عنجد كان اسبوع متعب بالنسبة الي

كلو دراسة وسهر

انشالله بعد هالتعب اطلع بنتيجة منيحة

[haya-jor]

يالله اليووم شوو زنخ عنجد من اول ما صحيت اول شي انكسرت الكاسه تاعت المي ..
ثاني شي قعدت نص ساعه وانا بدور بستنا باص يمو وانو يمو ولا باص مر !!!
ثالث شي حرررررررر
ورابع شي اجيت بدي اعمل شاي وانا بصب في المي انكبت كلها فا انقهرت وبطلت بدي اشرب شي


وبس هي اليووم ما مازال مستمر والله يستر من نهايتو

[شَتآتْ ~]

..؟..؟.. خِآيفهْ ..؟..؟..

[آية بنت فلسطين]

وبعديــــــــــــــــــــــــــــــ ـــــــــــــــــــــــــــــــــــ ــــــــــــــــن

[أمل]

مبسوطة و رايقة كثير كثير

الحمد لله اللهم أدمها نعمة و لا تحرم أحدا منها

احلى شي انو ما فيه دراسة يعني مريحة دماغي لحتى يوم الاثنين ان شالله:showoff:

و هالايام الي مرت كانت كثيرحلوة

كل يوم شي جديد

و هلأ كمان رايحة على اكبر مول عنا بالمدينة

يعني كل المصاري يلي عتدي راح اترحم عليهم:icon11:

بس المهم انبسط:icon31:

[سُكون !]

شعور غير قآبِل لِـ الوصف .. !

[ايــاد]

6 _6

هـفـت

[أنين]

[ :b: ]

[بنيمارو]

اممم
اليوم كان اسرع يوم الي بالجامعه !!
طلعت 7 ونص وروحت 8 ونص
كان علي محاضرة وحدة . . ما أجت الغبية !
وبعدين طلعت عند صاحبي جبت من عندو بستين كتير حلوين وحدة منهم بتشبه صورتي الرمزية p-:
وهياتني بدي اطلع احضر متش الاهلي
^^

[بقـ..ــايـ..ـا إنسـ..ـانـ]

!

[نور الهدى]

متوترة ..

بعين الله

[الحلوة]

نعسانه كتير

["الزعيم"]

ماشي الحال

شعور غريب شوي

لكن الحمد لله على كل حال

[HaSHeM,]

انا راسي صارلها يومين بتوجعني

بس الحمد لله

لما اقعد عالنت بيطير الوجع

هههههههه

[limar]

شو مشتائة

كتير كتير والله

الله يصبرنا

والله الناس ما بتئدر

مو نائصنا نكد وسمة بدن بنكدو علينا

انا الي فيني كافيني

مو نائصني افهموووووووو

["الزعيم"]

الوقت بين كل إهداء : 60 دقيقة/دقائق


شي حلو كتير

والله هالمنتدى مهمو ملاقي شغلة

متت من الضحك على هالرسالة

هههههههههههههه

[شَتآتْ ~]

, جِهآز خَربآن ..
لآ أستقبآل . وَلآ أَرسآل .. ]
خَلصت شَحن ..

[عزيز النفس]

مبسووط :)

[بقـ..ــايـ..ـا إنسـ..ـانـ]

مخنووق لابعد الحدود :(

[أمل]

ربنا يفرجها عليك خيو...

حاسة انو في شــــــــــــــــــي غريــــــــــــــــــــــب:wacko:

[أنين]

تعبانه .,

زهئت ., اني اسمع الكل

زهئت امسح الدموع

زهئت اشفي الجروح

:b:



مش عارفه متى اليوم الي بيجي وحدا يسمعني

[HaSHeM,]

طبعا اليوم
اهل البيت طالعين:icon5:

وما فيه حد بالبيت الا انا وحبيبي القلب الطيب

بس المشكلة انا جعنا :icon9:

ورحت عملت غدا ههه:showoff::showoff:

بس ما بدي اقلكم :icon11:

كيف طلع الاكل

ههههه :icon11::icon11:

طلع طعم تاني ما ذقناه قبل هيك :wacko::wacko:

هههههه


والقلب الطيب شبع عطووول ههههه :wacko::icon11:

من وقتها وانا مبسوط هه :icon11::icon11::icon11:

["الزعيم"]

الذين يشاهدون محتوى الموضوع الآن : 3 ( الأعضاء 2 والزوار 1) ‏"الزعيم" (http://www.shabab.ps/vb/member.php?u=19580), ‏رعد فلسطين (http://www.shabab.ps/vb/member.php?u=15075)+

حسبي الله ونعم الوكيل

خلص على هيك راح أعتبر القلب الطيب في عداد الموتى ههههه

لأني جربتك الله يعين القلب الطيب

موووووووووووووت بطيئ ههههههه

آآآآخ مش قادر

تعبت من كتر ما اكلت أنا اليوم

والبيت كله ضيوف وناس وعالم وزوار

محجوز بالغرفة وما قادر اطلع

الحمد لله

[آية بنت فلسطين]

مشتــــــــــــــائة
للاسف


وضعي كتير احسن من مبارح

[فراشة]

كتير مبسوطة ...


قبل شوي روحنا من البحر وكنا كل العيلة متجمعين


أشك أنو بطل في وسع عشط غزة ^^...


واللي فرحني اكتر انو هاي اول طلعة مع العيلة ويكونوا ماما وبابا وامونة معي ..


شعور غير من لما اكون لحالي ... (شوكتي قوية ) ^^


.... واشتقت لمنتدايا كمان كتير وللاعضاء اللي فيه ....

[limar]

رحنا رحلة اليوم مع اهلي

نزلت على الملعب ولعبت كرة قدم وطائرة وركدت وما خليت اليوم

فرغت الطاقات

بجد كت محتاجة

بس انهلكت اد ما ركدت

شو حلو بس نرجع اولاد صغار

الحمدلله غيرت جو كنت مخنوئة

[محمود]

اليوم اطلعنا رحلة برية كثير حلوة ^^ ..

بجد غيرت جو بين المزارع وبين هالمشاوي ،،

وشفت جو جديد غير جو الشغل والجامعه كان كثير ممتع وحلو ..

الله يريح بالكو تعبتكو ههههه

[بنت الشام ..]

اليــوم متلو متــل غيـرو ...


طفشــت وزهقــت من الدراسة .. ومن كل شي ..


نفسي اغير جـو .. بس ماني عارفة كيف و وين .. !!


بعين الله ..

[haya-jor]

.. متضايقه ..

:icon5:

[ايــاد]

مـآ أحلا هـ الصبـآح ,,

اليوم من غير العـآدهـ أصحيت كتيـر بدري ,,

وكيف صحيـت ؟

ع صوت عصفور بأبجور غرفتي عم بصوصـو ههههههههه

مـآ أحلاهـآ الكومه بدري ,,

الجو روعـه ,,

ولمن شغلت التلفزيون ,,

كـآنت غنيــه { الدنيـآ ربيـع الدنيـآ ربيع }

^^

[فراشة]

أنا كمان مبسوطة كتير ...


اليوم حنروح عغزة ,,, حفلة كتب ابن عمي ^^


عقبالكو كلكوو


عالبحر ورح أتفسح بغزة واغير جو الدراسة شوي


ممم ناسية حالي بدي اروح افطر :)

[الحلوة]

من زمان ما اضحكت نفسي اضحك متل زمان من قلبي..
تعبااانه كتير و نعسانه كتير
زعلانه من الدنيا

[إسراء الفلسطينية]

انا كمان جاي ع بالي أطلع مشوار

لانو الطقس كتير حلو ..

المشكلة انو ما في مكان الواحد يروح عليه هون :(

امي الها ساعة بتترجى فيني اني اقوم أطلع معها ع السوق ..

بدها تسليني :icon11:

يمكن أروح بس مشان أشتري بوظة ع الطريق :P

لسا بفكر ههههههههههه

[Arabian girl]

انا اليوم حاسة بشعور بشع
سمعت قصة صايرة مبارح بالمكان اللي عايشة فيه
عن جد بتقشعر البدن :(

[الصمـــ رفيق الصحراء ــت]

حآسس إنتي حقتل عدد من الأشخــآص والله العظيم ..,

لانو مــآ بصييييييير هيك شي ..,

المشكلة وقعيين مع سالم ..,

الله يلعنو ويلعن تفكيرو الغبي ..,

:@:@:@

مش دآآآآآآآآخــل مخي الحكي :@

[الفتاة المشرقة]

السلام عليكم

اممم مزاجي يعني

امتحنات وكل ما افكر انو 3 اشهر دراسه بزهق بزياده

وما بدي غير تخلص هالسنه على خير

ويمكن اطلع ههههه

توجيهي وبدي اطلع الله بعين

سلامي للجميع

[بنت فلسطين المجروحة]

هالايام مش عارفة كيف بتمر

عم بطلع عهدف وبدي اوصلوا و خايفة اتلفت يمين او يسار اقع

:(

كتير متنكدة


يارب فرجك

44 يوم واخلصصصصصصصصصصصصص

هفت :'(

[[ Islam ]]

اليوم كان خفيف ولزلز ^^

مبسوطة الحمد لله ..

بس هلأ لازم اقوم لسبين ..

الأول .. النت بطيء كتيييييييير

التاني .. عليّ دراسة وواجبات كتيييييييير .. مش زعلانة كتير لاني رح ادرس رياضيات :p

امتحاناتي في 15/5 يعني قربت وصار لازم ابدا اراجع المنهج :s

الله يجيب اللي فيه الخير :)

[limar]

حاسة البي مكسور كتير

[القلب الطيب]

صباح الخير:wacko:

تو روحت من المحل:b:

تعبان و نعسان:wacko:

من الصبح لقبل شوي .. والله كتير:icon5:

يلا يعطيني العافية:showoff:

تصبحون على خير:icon31:

[أمل]

رايقة ع الاخر الحمد لله

هلأ رفيقتي اتصلت فيني و بدها يعني اروح اشوفها :wacko:

بس انا ما راح أعبرها :icon11:هالبنت ما بيجي من و راها غير المصايب:icon7:

خلينا بالبيت مرتاحين أحسن:icon31:

[بنت فلسطين المجروحة]

هالصورة بتزكرني بنسرينا الفلسطينية

http://www.dubaieyes.net/gallery/data/media/66/th-%20(1).jpg

:(


اشتقنالك نسرينا

معقول هيك تبعدوا !

ونصير نروح اماكان تانية لنعرف اخباركم :(

ابو نور

صاحبة القلم الحزين

ميمي

وبسكوتة

ولولو


معقول شو الزمن بغير احوال واوضاع !!


:/

[Arabian girl]

متوجعه كتير
ابصر شو مالي
شكلي مريضة بشي
الله يستر
:(

["الزعيم"]

يوم مقرف

وزي الزفت ومنيل بستين نيلة

[حنين العودة]

يوم نكد متله متل كل سبت


بضل اتامل يصير شئ لكن لا تتعب ياقلبي لا جديد

الحمد لله بكرا في دوام الحركه احسن بكتير

[أمل]

:icon7::icon7::icon7:

:icon28::icon28::icon28:

طئيت أنا:icon5:

[بقـ..ــايـ..ـا إنسـ..ـانـ]

دخلت مشان احكي اني مبسوط ،،

بعد كل الي شوفته فوق بطلت ،،

كرهان نفسي انا !!

[عزيز النفس]

مش على بعضي

لان بكرة في جامعه وعلي تسليم مشرووع ولسه ماخلصته :(

[عزيز النفس]

مش على بعضي

لان بكرة في جامعه وعلي تسليم مشرووع ولسه ماخلصته :(

[فلسطينيه والراس مرفوع]

تعبانة .. نعسااانة ... زهقااانة ..

نفسيتي زفت ..

وكل يوم بيجي اسوا من اللي قبلوو ..

مهيأة حالي لاسبوع الصدماااات =)

علي مية واجب دراسة ومش مفكرة احضر حتى الكتب =)

محتااااااااااااارة .. يأسانة ..

[Twin]

احساس حلو وبضحك شوي .. هههه اليوم حصل موقف بدي اضل


ماسكاه زله ع الاماني الفلسطينيه طول عمرها ..


ال شو مبارح غابت عن المدرسه من غير ما بابا يعرف لانو لو عرف حيكسرها ... واليوم عجبتها الشغله ..


اجا يصحيها الصبح ال ئامت ولبست واستنتوو يطلع ورجعت نامت تاني ... شوي فقسها وروح ع التسعه من الشغل ...


ضلتها متخبيه تحت السرير لهلا ... ههههه الارض متل التلج ...



ضريبه الكسلانين الي متلها ... ههههههه


------------

[الحلوة]

هههههههههه ضحكتيني توين
فعلا هاي ضريبه الكسل هههههههههه زكرتني بايام المدرسه والمعاناه ههههههه
خليها اتقوم بعدين بتاخد برد ..

اليوم الحمدلله رايقه كتيييييير ومبسوطه كتييييييييييير
بدون سبب؟؟؟

[ღ حورية فلسطين ღ]

فرطت ضحك على الأماني الفلسطينية :icon11:

توين فتحتلي باب للشماتة :icon11:

اكتشفت اليوم اكتشاف خطير :b:

هالإكتشاف انه القلب الطيب ما هناني في عيد ميلادي :icon7:

ما رح انساله اياها :icon28:

كأنه ما حدا عمل عيد ميلاد غيري:icon11:


حكيت مع نونتي واطمنت عليها حبيبة قلبي وكتير انبسطت لما حكيت معها

الله يخليلي اياها يارب

[limar]

صحيت من شوي

ريتو صباح الفل والياسمين والعنبر وكل شي حلو الي تشيس

صباحي سكر انشاالله

عبالي ادلل حالي

صباح معطر مئطر مسطر بالياسمين

يسعدلي صباحي يا رب

وعندي جلي بدي ائوم اجليه

راح اجليه وراجعة كمل صباحي تشيس

[Arabian girl]

لا اله الا الله
محمد رسول الله
:)

[إسراء الفلسطينية]

ههههههههههههههههههه

ضحكتيني والله يا توين :icon11::icon11:

مسكينة أمووون .. هههههههههههههه

قلبي معها ..

اليوم انا كأي يوم تاني ..

بهل بيت .. ما عم بعمل شي ..

فقت ضبيت البيت ،

لما طلعت نشرت الغسيلات ع البرنده عجبتني القعدة

قعدت شي نص ساعة ع كرسي الهزاز و انا عم بطّلع ع الولاد الصغار وهني عم بلعبوا :icon11:

زماان ما قعدت برا .. تذكرت ايام زمان لما كنت أضلني تحت ألعب :icon11:

[بقـ..ــايـ..ـا إنسـ..ـانـ]

المنتدى نايم هههههههههه

[الاماني الفلسطنية]

توووييييين


والله لأساوي سلسبيل احمر من دمك http://files.shabab.ps/vb/images_cash/up10/090918201533P2kr.png


يئطعهم الكفرا ما بتنبل بتمك فولة ...


ضحكتي الناس علينا


طيب طيب والله غير اصير افتن عنك كل شي ..


لانك انتي مش وش الواحد يعمل معك معروف :icon7:


...


بس والله اول مرة احس حالي مرعوبة من شغلة .. تلات ساعات وانا تحت السرير متخبية ..:icon5:


بالآخر فاض فيه جبت مخدة وحطيتها تحت راسي .. وأول ما راح ينام طلعت متل الشاطرة ..


بس توبة اعيدها :matrix: