تعالووووو نتنااقش بموضوع جــــــــــــاد جــــــــــداً .......

[ام فوزي]

السلاااااااااااااااام عليكم

مـــــا رأيكم في القضيه الفلسطينيه ؟ وإلى أي أبعاد تنظرون إليها ؟

مـــــاذا تتوقعون أن يحصل بأوضاع القضية الفلسطينيه ؟

ويبقى السؤال يدور في ذهننا ...

فلســــــطين , القضية المأسوره ,, إلـــــــى أيـــــــــــن ؟


:s (43):

[أبو فادي]

إلى مالا نهاية

لكن السؤال الاكبر

هل سنبقى صامدون

والهجمات تتوالى بشتى المسائل

هل سنصمد في شتى المجالات

علامات استفهام قاتلة .......... والى متى ؟؟؟؟؟؟؟

[المشاكس]

انا من رأئي انو وضعنا صعب والعالم كله بتربص فينا
ما حدا بدو النا الخير أما القضية الفلسطينية في معشعشة في قلوبنا
لن نترك قضيتنا الفلسطينية حتى لو جمعنا آخر ذرة تراب من الوطن
فقضيتنا خالدة الـى الأبـد .
قضيتنا اسلامية عربية
قضيتنا قضية أرض وشعب
قضيتنا قضية تاريخ
قضيتنا شهداء وجرحى وثكلى وأرامل
قضيتنا بتذكر كل قطرة دم أستنزفت من الموارد البشرية والحجرية
فهذه هي أبعاد قضيتنا الأزليــة .
آمــــــــــــــا الى أين فهي الا ما لا نهـــــــــــــايــة ..
لا تاريخ يحكمها ولا مكان ولا زمان
فلسطين فلسطين كما هي لن تتغير نظال شعب جهاد

وشكرا الك على الموضوع ا لمهم

[صقر جباليا]

هههههههههههههههههههه
من الاخر قضيتنا عمرها ما تنحل ما توجعوا روسكوا بالموضوع هادا
لانو الدنيا كلها ضدنا ورح تضلها ضدنا وعمرنا ما نحرز اي تقدم في القضية الفلسطينية

[فلسطين لنا ولنا]

القضية الفلسطينية عبارة ولدنا ونحن نسمع بها
فهمناها بحثنا عنها
عرفنا ما هي القضية
مبدأ شعب اراد الحرية
عنوان اسير اراد كسر القيد
باب شهيد فتحه لملاقاة ربه
اسر ويتامى شهداء واسرى نضال وكفاح
صمود وقوة
عزيمة وارادة
هذه هي قضيتنا

بكل معاني الاسى التي تحملها القضية
نحن صامدون نجن شعب الجباريين
ويا جبل ما يهزك رييييييييح

للاسف الشديد نرى ان كثيا من ابناء شعبنا لا يعرفون ماهي القضية وما تعني لنا وما نحن بالنسة لها

نحن حروف منها
واذا ما محيت هذه الحروف تمزق الكتاب واصبحنا بالكتب المسنية

يجب ان يبقى حبرنا ممتلئ نكتب ونسطر كل ما نشاهده نرفع اسم وعلم فلسطين بالاعلى ولا نبتعد عن القضية

فأرجو قبل المناقشة بالقضية المناقشة بكيفية توعية شبابنا على القضية

فالكل له اصدقاء واقرباء ومن لا تعي له القضية شئ يعمل على تهيئة له الظروف بشتى الوسائل ليصبح مهتم بها اكثر

نبدا بكلمة وننتهي بالحرية


هذه هي قضيتنا ثقافة وسياسة ومقاومة كلها مع بعض

[ام فوزي]

صدقتم , القضية الفلسطينيه ....

راح نضل نحكي ونقـــــــول , إلى أين ؟!!

إلى درب السلام , وإسترجاع أراضينا .؟؟؟

أم إلى درب الذُل والقهر وإحتلال بيتونا ووطنا ؟؟؟!!!!

أيـــــــن هــــــــي فلســـــــطين ..

صحيح انها في قلوبنا ,, ومطبوعه على جبينا .....

بــــــس وين موقعها ؟؟؟ ويـــــــن ؟؟؟؟

ويــــــــن يــــــــــــا عرب ؟؟؟؟؟؟؟؟؟

يــــــــا مسلمين ...... ويــــــــــن ؟؟؟؟؟ !!!

[ابن الانتفاضة]

القضية الفلسطينية بنظري تبلورت بهذا الزمن لتصبح قضية الشعب الفلسطيني بالداخل _ يعني داخل حدود فلسطين _ ولو انه في طفرات عديدة هون وهون ... من الفلسطينيين بالخارج ومن بعض العرب في بعض الدول العربية ، وطبعا اتضح الوجه الحقيقي الها انها قضية وجود فاما ان تكون او لا تكون .. اما الى اين اختي ام فوزي فبنظري لكل شيء نهاية وكل شي يفنى ويبقى وجه الله بالتاكيد رح تنتهي بيوم من الايام وتنحل القضية .. واللي بعرفه والي متاكد منه واللي ايمانه فيه كبير انه بتنتهي لما بينتهي شي اسمه يهودي على وجه الكرة الارضية .. هيك ربنا وعدنا .. طبعا هاد مش من باب انه اقعد واستنى لايتجمعه اليهود بعدين بنرميهم بالبحر لا هاد من باب االايمان بحكم ربنا ومن باب الايمان بعدالة قضيتنا .. بعدين رد على صقر جباليا هاي النبرة ليائسة انا ما بحبها لانه مش هيك اتعودنا ... حتى لو بتنزف ورجليك مكسورة وقف على رموشك وقاوم يا اخي .. وبيكفيك فخر انك فلسطيني .... تحياتي الك اخت ام فوزي علاموضوع الرائع والقيم جدا

[رولينا]

والله القضية الفلسطينية كرمالها في النازل ومش مفهومه النهاية بالضبط

[ابن الانتفاضة]

والله القضية الفلسطينية كرمالها في النازل ومش مفهومه النهاية بالضبط

القضية يا رولينا مش بالنازل ولا اشي .. بس هاي هي ضرورات المرحلة وهاي هي الثورة والحرب ... مد وجزر ...

[رولينا]

بس تعرف يا جيفارا الواحد مل من الموضوع وتعبت نفسيتو الله يعنا الفلسطينية

[ابن الانتفاضة]

مزبوط الوحد مل وتعب وزهق .. لانه شي روتيني صار بحياتنا .. اللي بنسمع اليوم بنسمع بكرة وبعده وبعد سنة ..... الخ بس بيضل في شي اغلى من هيك وشي اكتر من انه ينزهق شي اسمه الوطن ليش انا اصير زي ما كان اليهودي مشرد وما حد معترف فيه ؟؟ ليش انا اكون بوطن وبهوية اصفي بلا وطن ؟؟ اللي عايش برة بيحس فيها قديش انه بيكون محتقر وهوي مش ابن البلد ولو عاش 50 سنة بيضلو يحكو عنه غريب ، عشان هيك انا ما بقبل انه الزهق والملل ينهي قضية شعب كامل

[رولينا]

انا ما حكيت انو ملل وزهق الفلسطينيي رح يحل القضية
وبوافقك الرأآي انو الواحد بحس حالو غريب لو عاش بره بلده
لأنه انا عايشة بره فلسطين والناس بنظرولنا انو نحنا غربا
وبحس حالي ضايعة من دون هويه
حتى لما ادخل فلسطين بحس حالي غريبة كمان
شو نعمل الفلسطينيي اتعودوا يكونو غربا على اي مكان يروحوا
بس تعرف بضل الواحد مفتخربأصله فوق كل الظروف اللي منعيشها
والله معنا

[ام فوزي]

صدقتكم ..

آآآآملين من الله عز وجــــل ,, أن يفتح دروب الآمان والإنتصار لوطننا الحبيب ,, أرضنا العظيمه ..

فلسطـــــــــــــين حبيبة القلــــــــــوب ..

[ابن الانتفاضة]

صحيح يا رولينا ... الفلسطيني اتعود عالغربة ما بحكي لا .. لانه هاد واقع ، واكيد طبعا الانسان بيفتخر باصله ، بعدين يعني انا ما بستوعب انه ما يكونلي وطن او بلد بنتمي الها ، يعني ما بتدخل يا عمي براسي ... يمكن يصير معي جنسية اردنية او امريكية او او او .... بس ما بحس فيهم وطن الي .. وهيك الكل مش بس انا طبعا

[رولينا]

اكيييييييييييييييييد معك انا مية بالمية
والله لواعطوني كل الجنسيات اللي بالدنيا بضل بحكي على حالي فلسطينية
بس تعرفوا شغلة في ناس كتيييييييييير بكون عندهم جنسية مثلا اردنية او امريكية او او ....
وبنسوا انو هني فلسطينية وهاد اللي بقهرني في الموضوع
انو في كتيير فلسطينييين بنكروا اصلهم وهاد هو سبب من اسباب تدهور القضية

[ابن الانتفاضة]

والله معاك حق ... فعلا الناس صار فيهم منهم جزء بيطبع بغيرهم وخلص ... بدهم يتجنسو وبدهم يطلعو من توبهم .. بس للاسف حتى لو هيك بيضلو عند غيرهم غرباء وما حد بيعترف فيهم ، واصلا بينهم وبين حالهم بيحسو انهم سقطو مش بس بنظر الوطن واهله كمان بنظر الناس اللي اعطوهم جنسية تانية ، وهالشي بشوفو في كتير محلات وفي الاردن كمان في كتير من الفلسطينيه صاروا هيك

[ام فوزي]

يا سلام شو هالنقااااااش هاااااااظ

حاد جداً

[ابن الانتفاضة]

ههههههههههههههه ام فوزي مهوي موضوعك يعني حلو كتير وبيستاهل

[ام فوزي]

تسلم يا ابني يا أصييييييل انت الله يرضا عليك

يلا ثابرو بالنقاش , اتناقشو وفضفضو عن حالكم

ومشكوررررررررررين على المرور العطر والطيب وكل اشي

[ramram]

بس بحب اقول انه وضعنا ميؤوس منه والله ميؤوس منه وان شاء الله انضل صامدين
وبحب اقول انه الي ايديه بالمي مش زاي الي ايده بالنار
يعني الي برة خارج فلسطينين الي بصحلهم يرجعو ومعهم هويات يرجعوا وما يضلو بره مع انه الغربة صعبه بس عيشتهم احسن من عيشتنا، ولو بضل كل يوم اوقف على حاجز اسرائيلي 5 ساعات على الاقل كل يوم عشان اروح على كليتي وعلى شغلي اهون الي ما اتغرب واضل طول عمري برا وعشان يعرف اليهود انا عايشيين لسا وما متنا وهربنا زاي ما هربنا من ارضنا الحقيقية.

[ابراهيم نصر]

الى الابد لا قال الله فى كتابة ان القدس ستحتل ولا تتحرر هذا ما كلامى انا اسف

[ديما الحب]

مالكم كلكم يأسنين ما في اشي بعيد عن ربنا وربنا كبير

[ابن الانتفاضة]

لا مش ياسانين بالعكس ... بس تقريبا الشباب يمكن بيسمعوا هالكلام بينحكى كتير . معهم حق بس طبعا ما لازم نرمي الحمل عن ضهرنا ونقول ما دخلنا وزهقنا وما لازم نياس ... هيك الثورة وهيك الانتفاضة وهيك كمان اللي بدو دولة

[ام فوزي]

صح مزبوط

بس راح نضل نحلم بالتحرير لحتى يصبح حقيقه

ولازم نضل نثابر من اجل الحفاظ على فلسطين ..

[Freedom^lover]

يعني اقسم بالله اشي محبط لما تسمع كلام من الداخل بهذا القدر من المأساوية... سامحوني عالتهجم بس كمان الواحد بينهز لما بيسمع انو الاشي الوحيد اللي بنراهن عليه وهو الامل والصمود في اصوات بتحكي انو زهقناه
...
وكمان مرة بستأذن اوجه نقد للسؤال والاجوب.
والسماح منكم.
يا اخوان السؤال متاهة والاجوبة في اغلبها سطحية... ايش القضية في القلب و تمتد الى ما لا نهاية...؟! قضيتنا هاي ما بينفع انو احنا اصحابها يكون تعبيرنا عنها بهالسطحية و سؤالهنا عنها بهالعمومية. يعني المفروض السؤال موجه لاصحاب الاحتراف فيكون على مستوى جيد من الخصوصية في قضية شغلت العالم لاكثر من خمسين عالما من المنعطفات الملتهبة... وكمان المفروض الاجوبة تكون معبرة اكثر عن واقع القضية... وبصورة بعيدة عن العاطفة والقصائد العصماء... اذا احنا اصحاب الرغيفمش عارفين نسوقه مين بدو يسوقلنا اياه...
بعتذر في الخاتمة عالانتقاد ولو انو والله من حرقة قلبي...
سامحونا.

[ديما الحب]

احنا اترجينا كتير الدول العربية بس الان ما راح نترجى حد راح نقوم بالدعاء والجهاد حتى التحرير

[ام فوزي]

إن شــــــاء الله نصــــــر الله لقريـــب جــــــداً

بوركتم على المرور الوردي

تحياتي خالتكم أم فوزي ..