ايهما امتن صداقة الشباب ام البنات بصراحه ؟؟؟

[دانية الشام]

حبيت اطرح عليكم هل الموضوع لاعرف منكم ايش رايكم بصدق
رح اقولكم السؤال بس بدي بعد ما تجاوبوا اعرف السبب الي عشانه قلته كذا او كذا
ايهما اقوى وامتن برايكم صداقة الشباب مع بعضهم او صداقة البنات
انا راح اقول بصراحه راي وبتمنى من البنات ما يزعلوا انا بشوف انو صداقة الشباب اقوى وامتن لان البنات حساسين جدا وبيزعلو من بعض فورا وبعدين بالفطره فيهم طبع الغيره عشان هيك بيغاروا من بعض ونادرا ما تشوفوا بنت بتستمر صداقتها مع اعز صديقه الها بعد الزواج لانها بتخاف اذا كانت حلوة او زوجها جميل ومتحدث يصير اعجاب بالنظرات فاالبنت بتبقى حاطه براسها هل الشي وباغلب الاحيان بتنتهي صداقتها مع ايام الخطبه او بعد الزواج بيفتره
بتمنى اسمع رايكم بكل صدق
احبكم في الله اختكم دانية الشام قصيره ام الرجل فابحكم حريته وقدرته على الخروج في الوقت الي بيريد بتتمتن علقته بااصحابه اكتر وبتلاقيه حريص على صداقتهم طول العمر واول ما يخطب او يتزوج بيعرف مرته على اعز صديق وهوه فخور فالذالك انا براي المتواضع بقول انو الشباب صداقتهم طويلت المدى اكتر

[.. ليآل ~]

وانا رأيي من رأيك تماما

الشاب صداقته امتن واقوى من صداقه الفتاه

الفتاه بمجرد زواجها بتنهي كل علاقاتها السابقه ولا كأنها في يوم عرفت حدا

لكن الشاب بالعكس ممكن يخسر اسرته كرمال اصحابه


اضافه انو نحنا البنات للاسف عقلنا زغير وا شي ممكن يزعلنا ويجرحنا

شكرا كتير دندون

[همسة وفاء]

انابقارن صحباتي وبقارن اخوياواصحابة فرء شااااااااااااااااسع جدا بين الشباب مع بعض كاصدقاءوالبنات مع بعص كاصدقاء

طبعا علائة الشباب مع بعضهم وصدقتهم امتن وائوي من علائة البنات مع بعض لانه متل ماحكت ليال بس تتزوج البنت بتنسا انه كان الهاصحبات ومن ائل شي البنات بزعلوا لانهاعنجدعئولهم صغيرة اماالشباب بتفهموامع بعض مابزعلوا مع بعض وببئوامع بعض اصدقاءحتي لوالشب تزوج

تسلمي علي السؤال
سؤال حلو

[دانية الشام]

شكرا ليال الحلوة وهمسة وفاء على رايكم ومروركم على موضوعي انا بتعليقاتكم الحلوة بستمر
احبكم في الله دانيه الشام

[روان فلسطين]

وانا كمان معكم بنفس الرأي الشباب امتن واقوى بالصداقات
لانو قراراتهم بايدهم وعندهم حريه القبول والرفض
بس نحنا صحبتنا احسن لانو بتكون مليانه شعور واحاسيس وبنقف مع بعض دايما

[.!. الراحل الى المجهول.!.]

صداقه الرجال اقوي بكتير من صداقه البنات

البنت زي ما تكرمت الاخت اعلاه تنتهي بعد زواجها

كذالك الشاب ربما تكون الصداقه مجرد مصلحه فقط لا غير

لكن يمكننا القول بان صداقه الرجال اقوي من صداقه الفتيات


مشكور خيتو علي الطرح


دمتي

[هادي]

تسلمي دانيه:s (43): قرأة الموضوع وكل الردود .. ما شا الله عليكو .. سائلين ومجاوبين لحالكو .. بضم صوتي إلكو:s (43):

[دموع الحنين]

يمكن الشباب اقوى

["الزعيم"]

اكيد صداقة الشباب

لان البنات زي ما قلتو
البنت راح تتزوج وتهتم بأمور بيتها وراح تنسى صديقاتها ليس لانه ما بتحبهم بل لانها حتنشغل كتير بأمور بيتها
هذا اذا كانت الصداقة ليست قوية الى حد الاخوة

لانه اذا كانت قوية على الاقل راح يكون بينهم تواصل بين كل فترة وفترة حتى لو كان مجرد اتصالات دون زيارة حقيقية

وتبقى وجهة نظر

[دانية الشام]

شكرا روان وامجاد والرحيل للمجهول وبشكر الزعيم ودموع الحنين على رايكم الصريح بتمنى تكونوا دائما من الناس الي بتترك بصمه حلوه على مواضيعي
احبكم في الله اختكم دانية الشام

[بنت فلسطين المجروحة]

بيزعلو من بعض فورا وبعدين بالفطره فيهم طبع الغيره عشان هيك بيغاروا من بعض ونادرا ما تشوفوا بنت

برايي لو همي صحاب بجد مابقعدوا يتحسسوا من كل كلمة ويتزاعلوا

غير انو الغيرة مرض،، مش اشي طبيعي

يعني ليش اغار عصاحبيتي

هي حرة تعمل شو مابدها

المهم انه العلاقة بينا قوية

يعني انا وصاحباتي خوات عادي نتزاعل ،، عادي نتقاتل عبكيت شبس:icon11:

لكن مستحيل انو الله عكل اشي ازعل وامد بوزي واخليها تعتذرلي

برايي انو الشخص سواء كان بنت ولا شب

هو قادر على انه يخلي الصداقة قوية او ركيكة

مشكورة عالموضوع ينقل لقسم الحوار

[دموع الغربة واشواق العودة]

شوفو ياجماعه انا رح احكي عن الصداقة المتينه هي صداقه الشباب بس بالنااااادر ..انا بحكي عن مجتمعنا
بس انا وصحبتي ..ولا يمكن انو اغارمنها ورح تستمر صداقتي معها الى بعد ما أموت ان شاء الله
بس البنات حساسات زيادة بس الي بتحب صحبتها جد ممكن تتخانق معها بس بيرجعوا بيتصالحوا
وشكرااااا حبيبتي دانية

[همس المشاعر]

السلام عليكم
اكيد صداقة الشاب أمتن
لأغراض كتيرة
منها كتر مشاغل البنات في البيت خاصة لو كانت متزوجة
ثانيا ما أظن إلها الحرية المطلقة انها تروح تزور صديقاتها متى شاءت
بل الامور هذي مش عاداتنا على ما أظن
المشاوير الكتيرة عادتا خارج البيت للشاب مش للبنت
هذا والله اعلم
وأخيرا مشكورة أختي دانية الشام على هذا الطرح المثالي

[بقـ..ــايـ..ـا إنسـ..ـانـ]

اكيد صداقة الشباب

لان البنات زي ما قلتو
البنت راح تتزوج وتهتم بأمور بيتها وراح تنسى صديقاتها ليس لانه ما بتحبهم بل لانها حتنشغل كتير بأمور بيتها
هذا اذا كانت الصداقة ليست قوية الى حد الاخوة

لانه اذا كانت قوية على الاقل راح يكون بينهم تواصل بين كل فترة وفترة حتى لو كان مجرد اتصالات دون زيارة حقيقية

وتبقى وجهة نظر

يسلم تمك :s (43):

[إيمـان]

:b: انا بخالفكم الرائي اشوي لانو مو كل البنات هيك
ولا كل الشباب

طبعا موكل البنات بنسو صحبتهم وليش انساه علشان تزوجت

لا والله هي اسماه خيانه ميه بالميه

:matrix: في ناس هيك وهيك

وشكر خيتي:icon26:

[.:(خالد):.]

كلام صحيح

الشباب علاقتهم امتن من علاقة البنات

تدوم صداقة الشباب من الطفولة حتى الممات او دون ان يبقوا اصدقاء لكن يبقوا يتذكروا بعضهم وانهم يوما كانوا اصدقاء
اما البنات فمجرد ان تلتقي بزوج او بصديقة جديدة بتنسى انها كانت تعرف بنات قبل هيك
واكتر شي بينهم منشر الحسد و الغيرة عفواً أخت دانية الشام :$ :$ :$ :$

المهم في الاول والاخر الصداقة لا تحسب على رجل او امراة
انما تحسب على قوة الايمان والمحبة في القلب

[&نسيم الروح&]

اعتقد انه صداقه الشباب

مع انه انا عندي صحبات ما بستغني عنهم مع اني تزوجت

بس ليه بحكي معاهم وببعتلهم ايميلات

بس ما بعرف ليش الشباب صحبتهم اقوى يمكن لانهم ما ما بعرف هههههههههههههههه

والله ما بعرف بس هيك بحس لانه ازا بنت تجوزت التانيه بتبعد لانه بتسير صحبتها الها حياتها الي ما الها فيها الا شوي

[Pink Rose]

ههههههههههههه

البنات فاضحينا دايما

هههههههههههههههه

بمزح اكيد .. :P

بس جد صداقة الشباب اقوى

وهاد اللي انا بشوفه ..!

مثلا اخوي واصحابه من صف اول بيعرفوا بعض

ولهلأ صار عمرهم 19 سنة ولسه اصحاب

الله يخليهم لبعض يا رب ^^

يسلمو حبيبتي عالموضوع :)

http://www.shabab.ps/vb/images/smilies/s%20%2843%29.gif

[Desert Rose]

أكيد صداقة الشباب أطول من البنات

كما ذكرتو في الردود السابقة أوافقكم الرأي في كلا الحالتين ,,,,,,

صراحة ذكرتوني ღأعز الناسღ على قلبي,,,توأم روحــ m.f ـــي,,,

تدرون أنا و ياه كم لنا مع بعض

من أيام الروضة ما تفارقنا إلى يومنا هذا بس كل شيء حيل مع بعض

أتمنى من ربي يعطيه اللي في بالو آمين

[صدى الحب]

انا رأي من رأي بنت فاسطين المجروحة
الصداقة المستمرة بتعتمد ع الاشخاص نفسهم سواء كانو شباب او بنات
سلام

[Hinata]

http://files.shabab.ps/vb/images_cash/up8/081122033849Uh1F.gif


مـــرور صـــامتـــ ..

[نداء الوطن]

وانا بحكي انه علاقه الصداقه بين الشباب اقوى
وانا بكون مرتاحه اكثر مع الصديق اكثر من البنت
لانه كثير مواقف بدك حد جدي معك بالموضوع والبنت بطبعها ما بتكون جديه مثل الشاب
تحياتي الك ولسؤالك الرائع

[ابتسامة الحياة]

انا برأيي ما في اشي في الدنيا ممكن ينسيني صديق
شو يعني ازا اتزوج مش معنى والله اني اتزوجت يعني بدي انسى الدنيا باللي فيها
ولا معنى اني اتزوجت معناته صاحبتي رح تغار مني فخليني ابعد عنها
هاد برأيي قلة عقل واللي بفكر بهاي الطريقه بكون فعلا لسه ما بعرف شو يعني صحبة وصداقه
صح ممكن الحياة تشغلنا شوي عن بعض بس مش تنسينا بعض
والصحبة انا بنظري هي اكتر من الاخوه يعني اللي بحب صديقه فعلا مارح يغار منه ولا ينساه ولا يجرحه

[اجمل احساس]

رأيي بصراحة بيختلف عن أراؤكم احكيلكم ليش لأنو الصداقة ما دخل شباب مع بعضهم او بنات مع بعضهم هيا بتكون على حسب الشخص نفسو سواء بنت او شاب يعني كمان الشاب بينشغل بحياتو بعد الارتباط وينسى صديق معين او بيضل معو مصلحة الايام هادي الصداقة قليلة سواء للبنات او للشباب ونادر ما نلاقي صديقين بمعنى الكلمة بغض النظر بنات ولا شباب

[تراب الأرض]

بصراحة أنا بشوف صداقة الأولاد أمتن من صداقة البنات وشو السبب ما بعرف ليش بس يمكن مثل ما حكت :icon9::icon9::icon9:البنات حساسات والصراحة راحة

[همسات حزينة79]

اكيد الصداقة بين الشباب اقوى وبتدوم اكثر من صحبة البنات وهاد الشي مش لسبب انو البنات بيزعلو من بعض بسرعة وعلى اقل شي بس السبب الرئيسي هو العادات والتقاليد اللي دارجة بالبلد عنا وهو انو البنت اول ما بتتزوج بتبقى ببيتها وبتهتم فيه وعلاقتها بتخف تدريجيا مع صحباتها وبالنهاية بتنتهي لانو الاتصال بيناتهم بيخف اما الشباب ياعيني عليهم بيطلعو وبينزلو على كيفهم لا حسيب ولا رقيب فالاتصال بينهم بيتم متواصل وبالتالي صحبتهم بتستمر بس البنات الاتصال بينهم بيخف وفي النهاية بينقطع

[فلســـــطينــــي]

والله انا ما بعرف انو الاكيد

بس الاكيد انو بالنسبة للبنت البنت والولد الولاد ليش ؟

لانو ممكن يتفهمو اكتر ع بعص

وانا يالنسبة الي مومهم المهم يكون الصدق الصدق وبحط تحتها مليون شرطو

هو الي غامر هادي الصداقة

مشكورين عالطرح
تحياتي

[فادي غزة]

الشباب اقوى بكل المعاني

والموضوع نفسه موضح هيك شي

[الأمل بالله]

انا ما إلي ولا صديقه بنت
بحب اصاحب الشباب اكتر
لانهم كتومين للأسرار اكتر البنات بطبعهن ثرثارات كتييييييييييير

["بنت الأمارات"]

امممممممممممم

على حسب الأشخاااص صح انا بعد أشووف صداقة شباب امتن عن البناااااااااات

بس البنات يقولون الأسرار لبعض اكثرررر عن الشباب

صح يمكن يتغيروون بعد الزواج لكن سوف تتغير شهر ثم ترجع لصديقتها

وانا اقوووول جي من مواقف في الحيااااة

وانا اقووول على حسب الأشخااص يعني

تحياتي

بنت الأمارات