البنت مالها غير || بيتها || ,, || جوزها || ,, || وولادها || .. ([ معقول ]) ؟؟

[فلسطينيه والراس مرفوع]

السلام عليكم ..

حابة احكي عن شغلة كتير في ناس لهلأ بفكروا فيها ..
الا وهي :

انو البنت مش ضروري تكمل تعليم .. مهو بالنهاية رح تتجوز وجوزها رح يصرف عليها .. والتعليم ما رح يفيدها بشي ..

طيب ليش ؟؟

هو التعليم يعني بس مشان الوحدة تشتغل وتجيب مصاري ؟؟

مهو بالنهاية التعليم بفيدها هيي .. انها تكون فاهمة منيح المجتمع اللي حواليها .. ولما تتجوز ما تكون هبلة وتفهم على جوزها .. وتعرف تربي ولادها وتحل اي مشاكل توقع فيها الاسرة ..

طيب هلأ ..كمان في شغلة تانية ..

انتوا يعني ضامنين انو حياة هالبنت لما تكبر تكون مية المية وما يكون فيها نكد ؟؟
مش يمكن اللي رح تتجوزو ما يطلع منيح ويطلقها ؟؟

عالاقل يعني لو ما بدكم اياها تشتغل يكون معها شهادة تنفعها وقت الزنقات ..

ولا كلامي غلط انا ؟؟ ..

مش عارفة .. بس انا بدي اعرف رأيكم بهادا الموضوع ..

واللي بيحكي انو البنت المفروض ما تكمل تعليم يقول ليش وشو وجهة نزرو ..

واللي بيحكي انو البنت لازم تكمل تعليم برضو يحكي وجهة نزرو بلكي بقنع الطرف التاني ..

فقط ..

يللا سلام ..

بدي تفاعل حيوفيزكيميائي ..

>>>>>>صــح الموضوع ملطـــوش :icon11::icon11:

[بقـ..ــايـ..ـا إنسـ..ـانـ]

بدي تفاعل حيوفيزكيميائي ..<<<<< حلوة هاااي

ولا يهمك الي رجعة ^_^

[فلسطينيه والراس مرفوع]

بدي تفاعل حيوفيزكيميائي ..<<<<< حلوة هاااي

ولا يهمك الي رجعة ^_^

:icon11::icon11::icon11::icon11:

لنشـــوف هالتفـــآعل الحيوفيز كيميائي :icon11:

منور خـــيو :icon31::s (43):

[إيمـان]

انا برأيي انه البنت بتتعلم مو بس لتشتغل لكن عشان تاخد خبره وتسير واعيه وفاهمه

وعشان تخدم وطنها ودينها

مشكوره خيتوووو عالموضوع الرائع

تحيتي

زيتونة فلسطين

[.. ليآل ~]

كيفك حبيبتي فلسطينيه

موضوع حلو ومميز


عزيزتي في البدايه

ماعاد موجود اي شاب بيحب يرتبط ببنت اميه جاهله لا بتعرف تقرأ ولا تكتب ولا تستخدم الكمبيوتر

لان الحياه اتغيرت والبنت لازم تكون متعلمه وواعيه ومافي شي بيوسع مدارك الانسان اكتر من الدراسه والعلم

ومو شرط ان العلم والدراسه يكون حتى البنت تشتغل ,,, يكفي انها تكون واعيه وفاهمه وتعرف تفيد نفسها

وتربي ولادها كويس اما الشاب يلي بيحب يرتبط ببنت جاهله يتفضل يروح الباديه ويجيب اي وحده مهنتها فقط حلب الابقار

انا شخصيا ضد فكره انو البنت تقعد بالبيت وتنتظر نصيبها

لازم تدرس وعلى قد ماتقدر تحاول تكون عضو فعال في المجتمع

والنساء على زمن الرسول كانوا يتعلموا ويطلعوا الحروب مع الصحابه ليساعدوهم ويكونوا جنبهم

والرسول ماكن يمنع وجودهم ,,, وهذا بيدل على انه المراه صاحبه دور فعال في المجتمع

وحتى في زمنا الحالي,,, المراه اثبتت وجودها في اكتر من مجال سياسي واجتماعي وتربوي

ومتل ماحكيتي حبيبتي في زمانا مافي شي مضمون ابدا,,, وبتضل الشهاده سلاح بينفع

خصوصا في ازمه الغلاء المعيشي يلي بنعاني منها


شكرا كتير حبيبتي

تقبلي مداخلتي

لكي كل الود

[صدى الحب]

اول اشي شكرا الك فلسطينية ع الموضوع المهم
تانيا انا بالنسبة الي انو لازم البنت تكمل تعليمها ويكون معها شهادة
لانو في وقتناهاد الناس صاروا يهتمو بالبنت المتعلمة والمتوظفة بس
والبنت الي ما كملت تعليمها عليها السلام
وكمان لازم البنت تكون واعية في حياتها وخاصة وقتنا هاد يعني صرنا بعصر كل اعتمادو ع النت والتكنولوجيا
وكمان لازم تكون متعلمة عشان تخدم وطنها

هاد هو رأي

[همسة وفاء]

الذين يشاهدون محتوى الموضوع الآن : 2 ( الأعضاء 2 والزوار 0)
‏همسة وفاء, ‏haya-jor+

منووووووورة هيا

مـوضوع حلو اللي رجعة لارد ان شاءالله

[SWEET*GIRL]

انا تفكيررري نفس اللي كتبتيييه بالظبط ^^

يسلموو خيتوو

بس على فكررره قلوو يللي بايدوو هدا الاشي

كانوا قبل اكتررر

هلا معطم البنات بكملوو تعليمهم

يعيطيكيي العافيه

[مو أي شي]

اولا بشكرك على الموضوع القيم

اما ردي ع الموضوع كالتالي

اولا وضع الجامعات اليوم معروف بالصياعه والهماله وضع بطمنش

والبنت يكفيها تخلص ثانويه بدرجات عاليه ومش شرط تكون حامله شهاده جامعيه (في كتير متعلمين بس مش مثقفين)

من جهه ثانيه حلو البنت تكون متعلمه وبتساعد زوجها بمصروف البيت

لو نفرض مثلا طلقها ورماها من البيت او مااات ساعتها معها شهاده وظيفه الي تخليها تكمل مشوارها بسهوله وتكنش

عله على

اهلها واخوتها .........

[دموع الغربة واشواق العودة]

خيتي حبيبتي كلامك كلو صح وانا معك بكل حرف حكتي ...بس الاهل بالأيام رجعو للماضي صايرين يجوزو بناتهم على البدري ..وبتلاقي الام بتحكي يلا المره مالها غير بيت جوزها طيب انا معها بهاد الكلام بس برضو شو دخل الجوازة بتعليم ..خلص اذا ماجوزتيها هلأرح يطير العريس من بين اديك ..يطير في غيره مليونوالبنت بتكون طايرانه بجوزه مفكره
الجوازه سهلة ..بتصير المسكينه تتذكر نعمه بيت اهلها ..ومشكووووووورة خيتو بهاد الموضوع الي بدوماقشة

[ايــاد]

انو البنت مش ضروري تكمل تعليم .. مهو بالنهاية رح تتجوز وجوزها رح يصرف عليها .. والتعليم ما رح يفيدها بشي ..


مـش كل البنـآت وآحد ,, حسـب البنت ,, في بنـآآت حرام يطلعو من بيوتهـمـ ,,

الجامعه بتعمل من البنت انســآآنه متوحشـهـ ,, بتفتح عندهـآ آفـآآق فلسفيـه مش لازم تتبناها البنت ’’



لنفرض البنت خلصت جـآآمعه ,, شو بدهـا تعمل بعدهـآآ ؟؟ بتصير تحكيلك بدي أشتغل ,, شغله شريفه ,,

موضفة بنكـ ولا مدرسه ولا مش عـآآرف شو ,,



البنـآآت لازم يدرسـو أشــيـآآء بسيطهـ تتعلق بحياتهم,, مش بحيات غيرهـمـ ,,

يعني مش ضروري تدرسه طب ولا تمريض ولا سكرتاريه ولا جغرافيا ولا تجاره ولا تسويق ,,

أصلا لشو بدهـا هل تخصصات ,,



يعني انــا مع ومـش مع دراسة البنت وخصوصي في زمنـآآ هـآآد ,,




ميغسي سنيوريتـآ ع الموضوع :!

[نور الهدى]

الجامعه بتعمل من البنت انســآآنه متوحشـهـ ,, بتفتح عندهـآ آفـآآق فلسفيـه مش لازم تتبناها البنت ’’

لنفرض البنت خلصت جـآآمعه ,, شو بدهـا تعمل بعدهـآآ ؟؟ بتصير تحكيلك بدي أشتغل ,, شغله شريفه ,,

موضفة بنكـ ولا مدرسه ولا مش عـآآرف شو ,,

البنـآآت لازم يدرسـو أشــيـآآء بسيطهـ تتعلق بحياتهم,, مش بحيات غيرهـمـ ,,

يعني مش ضروري تدرسه طب ولا تمريض ولا سكرتاريه ولا جغرافيا ولا تجاره ولا تسويق ,,

أصلا لشو بدهـا هل تخصصات ,,

يعني انــا مع ومـش مع دراسة البنت وخصوصي في زمنـآآ هـآآد ,,

ميغسي سنيوريتـآ ع الموضوع :!

:icon9:

من جهة انا متفهمة ليش تبنيت هالرأي ..

لكن ما بوافقك عليه

ليش

أولاالتربية هي اللي بتعمل من البنت انسانة متوحشة او لا !!

القصة مش قصة جامعة ^^

هاد من جهة

من جهة ثانية .. البنت كمان لازم تكون طموحة و ذات تطلعات عالية

ليش ما تدرس الطب و التمريض و الادارة و التسويق ؟؟

في زمن الحبيب صلى الله عليه و سلم كانن الصحابيات طبيبات و ممرضات حتى انهم كانوا يشاركوا في الغزوات بالتمريض

ثاني شي يا اياد انت لما تمرض وحدة من قريباتك - بعيد الشر عنهن - أكيد بتفضل توديهم لعند طبيبة مش طبيب

^^

صح ولا انا غلطانة

،،

اذا البنت ما تعلمت يا اخي و حصل في يوم و مات عنها زوجها او تخلى عنها رح تدطر تكون شغالة عند الناس

ليش ؟

لأنه ما معها شهادة توفرلها وظيفة محترمة :(

و انا شفت هيك مواقف كتير ..

ما رح نقدر بعدها نفتح مدارس للبنات .. لأنه ما في مدرسات - من النساء - و بالتالي بناتنا رح يدرسوا بمدارس مختلطة

و بما انه الاختلاط مرفوض ما رح نعلم البنات !!

كلام مش منطقي صح ؟؟

لكن اتبعنا كلامك يا اياد رح نوصل لهاي النتيجة :b:

//

شخصيا انا عندي طموح اكمل دراستي في مجال المحاسبة و الادارة (management ) و بعدها تأسيس شركة تكون منافسة للشركات العالمية

و بدي اوظف البنات المحجبات اللي كل يوم بنطردوا من المدارس و من وظائفهم هون في فرنسا

و بإذن ربنا رح يتحقق مشروعي :)

شدوا الهمة يا صبايا اللي بدها تشتغل معي تكمل تعليمها :icon11:

والله بحكي جد ^^

انتوا بس ادعولي و رح تشوفوا خخخ


//

يسلموا على الموضوع الجميل ^^

[]![ زيــنــة ]![]

[ ..

موضوع كويس كتـــــييير

ومعكم كل الحــق

..

ويسلموووو =)

[Arabian girl]

هههههههههههههههه ولك فلفولتي يا لطاشة هههههههه
مجرد مرور واطلاع عالاراء
يسلمو ع اللطش هههههه

[قمر البدور]

وحده تتعلم عشان تكون تفهم شو عم يحصل حوليها وعشان تفيد اولادها ودرسهن

[تراب الأرض]

والله مشكوره أختي فلسطينية على هذا الموضوع المهم والضروري
وهذي المشكلة كتير بعانو منها والحجة إنو في جامعات مختلطه بنات وأولاد والأهل مش راضيين
طيب في كمان جامعات منفصله بنات احال و أولاد لحال وبصراحة البنت يلي بتحترم حالها وبتحافظ على نفسها مابسير معها شي وأنا رأي إنو البنت لازم إتكمل تعليمعا علشان ماتكون جاهلة وكمان علشان إتفيد أولادها في المستقبل ..
كلامي صح ولا خطأ ؟؟؟

["الزعيم"]

انا قريت الموضوع والردود ولما خلصت قراية لقيت حالي زهقت ومش عارف شو أرد الموضوع معقد وبدو فلاسفة

انا ما ليش دخل ههههههههه

ربنا يوفقو وتتزوجو كلكم وتنسو الدراسة

وخلاص زهقتوني

[هادي]

يسلمو فلسطينيه:s (43):
إنت بموضوعك حاطه نص الجواب.. وأنا معك .. أول شي طلب العلم فرض على كل مسلم ومسلمه، بدون تحديد للجنس، بعدين إحنا كمجتمع بحاجة للمرأة المتعلمة ، حتى تكون عنصر بناء سليم .. بتربية أولادها ..، مدرسه، طبيبه ... بأي مكان ممكن تكون فيه بالمستقبل .. العلم بيفتح آفاق المعرفة والثقافه .. ووبيصقل الشخصية .. هلأ إزا بدنا نحكي عن وضع الجامعات (والإختلاط) هاد إشي تاني، وعمرو ما كان مبرر لعدم إكمال التعليم الجامعي.. يعني شو المانع إنو تكون البنت (ملتزمه ومتعلمه)!!!؟؟؟؟
التعليم مهم جداً للفتاة (لشخصها)، ولمن حولها .. وتسلمي.

[وردة الخريف]

مرحبا عنجد يسلمو ايديكي موضوع روعة

وفعلا موجود عنا
ولفت نزري رد الاخ اياد


كتيييييييييييييييييييييير انا بعارض هاد الراي


لانو ليه ابنت ما الها حق بس الشب اه اله حق مع انو البنت متلها متل الشب والها كامل الحق بالتعليم

وازا رجعنا للاسلام رح نلقى انو كمان بحث على تعليم البنت بالنهاية ابنت ما بتدرس حتى انو تشتغل عند بيت زوجها ومشان الناس بالعكس هي بتدرس حتى ترضي حالها


واكيييييييييييييد لانو شهادتها بتفيدها يمكن زوجها يحتاج لمصاري بتساعدو يمكن يتركها بدل ما ترجع عند اهلها بتشتغل


وكمان ما في شي بيحكم التخصص ياللي بدها تدرسو

وانو في بنات متوحشات والله هاد حسب ترباية اهلها بالنهاية


يسلمووووووووووووووو يا ئمر عالموضوع

[بنت غزه]

مرحبا

انا شايفه الحمد لله في مجتمعنا الاهل ماعادو يفكرو هالتفكير بالعكس صارو يفتخرو ببناتهم المتعلمات صاحبات الشهادات

والتعليم لابد منه ومهم مش بس للفلوس لكن بوسع الافق والمعلومات لديها وبتصير متمشيه مع متطلبات العصر وهالعالم

اللي كل دقيقه بتطور