لو سمحتوا يا اعضاء عاوزتكم شوي

[عازفة الاحزان]

مرحبا لكل الاعضاء
كيفكم؟؟؟
ان شاء الله بخير

انا قررت الانسحاب من المنتدى
وهاد قراري النهائي وما في مجال لتراجع
والاسباب انوا انا بطلب المساعده وما حد ساعدني يلا مو مشكله
وثانيا انا مو فاضيه للمنتدي
ولا تفكروا غيلبي عن المنتدى بسبب عدم وجود وقت ابدا السبب
انوا لما افتح المنتدى ما بيجي عندي مكان للرد
انا حكيت يمكن بيصلحوا فيه
ولهلا ما بيجي عندي
مع اني بدخل كتير وما في فائده
وحيكت للمدير وللاسف ما ساعدني
على كلا مواضيعي بالمنتدى وامتا ما بتحبوا اقراوهم وانا رح اضل اجي على المنتدى واقرا ابداعاتكم
والله يوفقكم جميعا
في امان الله
:s (43)::s (43)::s (43)::s (43)::s (43)::s (43)::s (43):

[Hinata]

لـــهـ لهـــ ... خيــر إن شالهـ ..


أنـــت بــــس أؤموري .. بنســـاعدكـ يختي


بكـــفي دلعـ .. ايواآآ ...


بس أحكي شـــو مشكلتكـ .. اممممـ ..


آآآلـ تنسحب آآآل ...

[لوليتا*]

مافى انسحاب ايون
مش ع كيفكم تنسحبو بعد مانتعلق فيكم
مافى يلا :)
حبيبتى انا افهمت مشكلتك
وانا ازا ئدرت اساعدك والله ماراح ائصر
راح اخبر الى عندى :) يلى بامكانهم يفيدوكى
تحياتى لالك
لوليتــــــــا*

[عازفة الاحزان]

بس معلش انا قررت وما بقدر اتراجع
خلص انا اعلنت انسحابي
وانا كمان انبسط معكم
بس خلص هيك قراري بتمنى تقبلوا
والمشكله......مممممممم خلص ما في مشاكل

شكرا لالكم


ما تفكروا رجع الوضع عندي بس مشان هلا نشرت الموضوع
اجا مكان للرد بس اذا رجعت بعد كم يوم ما بلاقي ههههههههه
بس هاد الشي ما رح يغير قراري
بتمناكم التوفيق

[Hinata]

هههههههـ


ما بتلاقي مكـــان للرد "بقســمـ الطرائف والفكاههـ والخواطر والشعر والمواضيع المكررهـ .. لإنهـــاآآ مغلقهـ ..


أمـــاآآ بقيهـ أقســـامـ باستطاعتكـ إضافهـ رد فيهــاآآ ... بتمنى تغيري رأيــكـ ..

[أحــ(veitoOo)ـــلا]

اختي

انتي بعتبار صرتي هون من اهل المنتدى ونا شايف انو عضويتك زمان
والك ردوك كثيرة
يعني هون الكل بحبك
على شان هيك ازا عنجد انتي بتحبي الاعضاء الي هوون
خليكي
وزا انسجحبتي
بفهم من هيك انو الاعضاء ما الهم عند نزرة ولا محبه
ممممممممممممممممممم
على شان هيك خليكي
ونا لسى جديد وما بعرفك
بس هيني رح اتعرف عليكي واكون اخ الك في المنتدلا
اكيد
بحب اسمع رأيك
ياريت تكوني معنى هوون
فيتوووووووووووووووووووو

[عازفة الاحزان]

بكلامك يعني ما بعرف يمكن اغير بقراري
ما بعرف !!!!
بس انا معكم بس ما بتفاعل كتير

[الحلوة]

وانا كمان شجعتيني اني اترك المنتدى
من زمان وانا حاطه ببالي الفكره وانتي حمسيتيني
لانو مافي حدا بيهتم ويقدر المواضيع هون
ههههههههههههههههههه بدل ما اكحلها عميتها
اذا تركتي الكل راح يترك اتحملي عاد
حتخربي بيت المدير...
صدقيني مش حتلاقي احسن من المنتدى هاد
لاتتركي :icon11:

[.. ليآل ~]

ماشاء الله

بتقرري لحالك بدون ما تستشيري حدا؟؟


مافي طلعه من هون حبيبتي الا على جثتي هههههه

عيوني في بعض الاقسام معطله ومتوقفه فيهاا خاصيه الرد

وهالشي طبعا مؤقت وعن قريب راح ينتهي

واي شي بتحتاجيه اكتبي بقسم الشكاوى او الدعم وراح تلاقي الكل بخدمتك

منوره ياعمري

[ღ حورية فلسطين ღ]

بس حبيت ازيد شغلة على كلام الأعضاء الحلوين اللي فوق

بالنسبة للمدير انو ما رد على مشكلتك

بحب احكيلك معلش حبيبتي المدير حاليا ما عم بفوت بسبب الأوضاع بغزة

والكهربا دايما قاطعة عندهم

معلش حبيبتي ياريت يعني ياريت بتمنى ما تخليني ادبحك ^_^

بسبب هالقرار ياريت تتراجعي يعني

وشكليييييييين ما بحكي

ايواااااا كلمة حرحورة ما بتنزل الأرض فاهمة

لسا انتي ما عرفتيني

ضلك معنا عشان تعرفيني ^_^

[عازفة الاحزان]

يعني هيك بدكم اذا هيك ماشي الحال
بجرب كمان مرة
مشانكم بس
وبالنسبه للمدير انا مقدرة الوضع تماما
مشكورين وما هخلي كلامكم ينزل او ينحكى شكلين ولا يهمكم
رح كمل معكم
خلص
دمتــــــــــــــــــــــــــــــــ ــــــم بالف خير

[أبو يقين]

أنا ما شفت طلبك لساعدتك وعلى العموم أختي

القرار الك وانت حرة

أخوكـــي

[آية بنت فلسطين]

اوف اوف ليه هيك عم تحكي
نحنا اسفين واحد واحد
يا ستي وحقك عراسنا
نحنا اكيد ما قصدنا ولا حدا فينا انو نطشك
معلش

[عازفة الاحزان]

مو مشكله ابو يقين
تسلميلي يا آيه
بس منشانكم انا ترجعت
وشكرا لالكم
دمتم بخير