بكره العيد وبنعيد

[روان فلسطين]

السلام عليكم ورحمه الله وبركاته يا احلى اعضاء
بدون طول سيره الموضوع مبين من عنوانه انو عن العيد :-Rosi-::-Rosi-::encouragi:encouragiوبدي كل واحد ووحده فيكم يحكيلنا شو اول شي بيعملو لما يثبتو انو بكره العيد:feest::feest: وشو ناوي يعمل اول ايام العيد وان شاء الله يا رب ينعاد كل سنه عليكم وانتو بصحه وسلامه وراحه بال
بانتظار تفاعلكم

[السيف عدي]

موضوع اكتر من رائع ..

اكيد اول يوم العيد فيه صلاة العيد .. وبعيد ع الاهل والاقرايب .. وهيك ..

يعني بكون كله طلعات وانبساط ..

تسلمي خيتو .. وكل عام وانتي بخير ..

[بنت فلسطين المجروحة]

صلاة العيد

وبنطلع سواء العيلة

مالنا قرايب هان

ففش معايدة ولا عيدية :(

كل عام وانتي بخير

[روان فلسطين]

منورين بمروركم وكل عام وانتو بخير

[جورية القسام]

مالنا قرايب هان

ففش معايدة ولا عيدية :(

ههههههههههه

زينا ما النا قرايب

يادوب الناس الي بنطلع عليهم

كل عيد بنمضيه بنكون في البيت

بالنسبة لما اصحى

بصحى على صوت ابويه وهو بينادي علنا
وعلى امي وهي بتقلي فسيخ ( مين بيحبو )

[بقـ..ــايـ..ـا إنسـ..ـانـ]

راااايح اااااااااعيد لووووحدي يعني اول يوووم اصلي صلاة العيد
تاااني يوووووم اشوووووف وين اطلع انااااااااا والشباب
ثالث يوووووووم احاااااااول ااااكون بالبيت مشان احكي مع اهلي بالنت وبس
http://files.shabab.ps/vb/images_cash/up7/080924184826ETij.gif

[haya-jor]

طيعاً كل عيد لازم نصحى الصبح وزيارات اهل والهبل هاد وخدلك على مجاملات ما الها طعم
واهم شي بعد المسا يعني افراج ساعتها بطلع مع صاحباتي يعني بنفيع

عنجد الموضوع كتير حلووو وغريبه انو ما في تفاعل مع انو لو كل واحد حكا كيف بقضي العيد والله بنتسلى

يسلمووو يا عسل

[a7la sereen]

العيد ممممممممممم ما احلاه بجنن

اول شي يا اما بصحى من النوم ع صوت اخوتي الصغار او بابا بصحيني

بقوم وبسلم ع اهلي وبعيد عليهم كنت وانا صغيرة اروح مع بابا الف معو ع الولايه بس هلأ كبرت ال يعني

بضلني في البيت انا و ماما واختي بنستنى خوالي وسيدي تيجو علينا

العصر بننزل ع بيت جدو بنتغدا هناك ع الاغلب وبعدين بتقعد مع اعمامي بنتهبل وبنبسط

والغرب بنعمل فتله ع اخوالي وخلاتي واصحابنا مممممممممممممممممم

والزي منو يني

واليوم التاني بتكون الحركة اقل

ثانكس ع الموضوع

[أنين]

أنا كمان ما ئلي قرايب هون

يعني العيد .. أسم بس ..

بس الواحد مكيف حالو على وضعوا

أحنا أول يوم .. بنصحا الضهر هههههههههههه

عشان ليلتهاا بنكون سهران ..

ممكن يعني حدا يعمل زياره

أو أحنا نروح لحدا .. وبنطلع انلفلف

وبس ..

مابنحس بالعيد والله ..

غير اللهم الهنود الي بنتشروا بالبلد

هههههههههههههههههه

[صدى الحب]

انا بالنسبة الي هلا العيد ما الو طعم زمان كان احلى يوم كنت صغيرة كنت افرح اكتر بس هلا اكبرت وبمضي يوم العيد كلو في البيت بس المغرب ببطلع مع اهلي ع بيت جدي وهاد هو عيدي ............
شكرا الك روان فلسطين ع الموضوع الحلو
تحياتي الك
:::::::: صـ الحب ـــــــــدى ::::::::ـ

[روان فلسطين]

ميرسي لكم كتير كتير كتير
ع المرور الطيب
منورين ايفري بدي

[روان فلسطين]

وانا كمان هون ما الي قرايب ولا عيديه
اول يوم العيد بصحي ع الفجر مشان صلاه العيد وكلهم لازم يخلصو الا انا اتاخر وما اخلص نص اغراضي وبعد هيك بنروح ع بيت حد من صحابنا وبنجمع الشله كلها وبنفطر فلافل (وطبعا الفلافل عنا مهرجان لانو نادر ما يكون طيب هون )وبعدين بنروح ع الدار وبنااااااااااااااااااام وبنصحا بالليل وبنقضيها طلعات مع اصحابنا بس هاي السنه غير شكل بعد صلاه العيد فورا طالعين ع الاستراحه تلت ايام سباحه (يعني ما حد راخ يشوف طقمي الاصفر اول مره اشتري هاد اللون )

[خليلي احط]

السلام عليكم

بكر العيد ومنعيد ندبح بئرة هلسيد و السيد ملو بئرة ندبح بنتو سعدية وسعدية ملها لسية ندبح بنتو حمدية

[روان فلسطين]

هههههههههههههههههههههههه
منور خليلي بالمرور الروعه

بكر العيد ومنعيد ندبح بئرة هلسيد و السيد ملو بئرة ندبح بنتو بنت العم وبنت العم ما فيها دم ندبح بنتو بنت الخال وبنت الخال نصابه تصلح قايد عصابه

[فراشة]

انا مو متخيلة شو ممكن يصير ,,,

لأنو هادا اول عيد اقضيه مع اهلي وحوليهم ... يالله فرحتي لاتوصف

بس بتصور انو بعد الصلاة والفطور بيجو الاهل عبعض وسهرات وهيك ...

الله يفرحكو كلكو بالعيد وتضلو دايما مبسوطين ...

يسلمو يا عسولة عالموضوع الحلوو

[بنت الشام ..]

نحن هون ما لنا اقارب بس النا اصحاب ...

اول الشي طبعا منصحى منعيد بعض بروح بابا بصلي العيد بالمسجد ...

بس يرجع منكون نحن جاهزين لابسين يعني ومتزبطين ..

منروح على حديقة مع الشلة السورية اصحابنا يعني ...

هي اليوم الاول ..

اليوم التاني منخترع طلعة تانية ..

وبعدين يا منضل بالبيت يا منضل بالبيت ههههههههه

يسلمو كتير الك ياحجة ...

تحياتي

[روان فلسطين]

انا مو متخيلة شو ممكن يصير ,,,

لأنو هادا اول عيد اقضيه مع اهلي وحوليهم ... يالله فرحتي لاتوصف

بس بتصور انو بعد الصلاة والفطور بيجو الاهل عبعض وسهرات وهيك ...

الله يفرحكو كلكو بالعيد وتضلو دايما مبسوطين ...

يسلمو يا عسولة عالموضوع الحلوو

الله يديم البسط يا رب
منوره يا قمر

[روان فلسطين]

نحن هون ما لنا اقارب بس النا اصحاب ...

اول الشي طبعا منصحى منعيد بعض بروح بابا بصلي العيد بالمسجد ...

بس يرجع منكون نحن جاهزين لابسين يعني ومتزبطين ..

منروح على حديقة مع الشلة السورية اصحابنا يعني ...

هي اليوم الاول ..

اليوم التاني منخترع طلعة تانية ..

وبعدين يا منضل بالبيت يا منضل بالبيت ههههههههه

يسلمو كتير الك ياحجة ...

تحياتي

اعتثقد انو كلنا بالسعوديه النا نفس النظام وخاصه بالرياض دايما ع الحديقه تبعت السفاره كانو ما في غيرها
منوره يا قمر وكل عام وانتي بخير

[Hinata]

العيــد احلا شي ... ^^


بنكيف اول يوم بالعيد دايما بنلبس انا واخواااني وبنطلع بعد ما بنتعيد من الماما والبابا بنطلع بروووح على المنتزة بكووون كل العالم فيه بنشوووووف الصحاب وهيك يعني ... وبرووح عالملاهي واااااااو بنكيف أحلا شي ... بنقعد نقهر ببعض انا وصحباتي هههههه انا شريت وأنت مشرتيش يا حرام ههههههههههههه .. صبابا أحلا شي ..

موضوع بشوووووق .. يسلموووو روووااااااانووو

[ورد الساهر]

ههههههههههه

موضوع حلو كتير .. لمن يثبت بكرة العيد طبعا بنظف البيت على اكمل وجه رغم أنو بكون نظيف لكن الحوسة إلا ماتخربطنا فوق وتحت

ما ننسى كعك العيد إلي مشهورين فيه اهل فلسطين بس بنظل نشتغل فيه وطبعا غير المباركات والإتصالات والتهنئة بالعيد

أول يوم من الصبح للصلاة كلنا صغار وكبار وبعدين عاد الزيارات وياليل ما أطول

أهم شي الرحلة يا أما ع البر ونقضي فيه يوم كامل أو نسافر لمنطقة الشرقية >>>>>>>>>> عند البحر هههههههههه