.:. أنا معجبة بأبي .:.

[فراشة]

السلام عليكم


http://rooosana.ps/Down.php?d=feNX





كل فتاة بأبيها معجبة

جملة دائما ما نسمعها


وتتردد في مجتمعاتنا


فغالبا ما بنقول البنت حبيبة أبيها


والأب غالبا ما يميل ويحن للفتاة باعتباره


سندها ورجلها وأمانة يحملها على عاتقه حتى يجد لها الزوج الصالح والجيد الذي يسلمه إياها ليرعاها


وأحيانا نجد الفتاة تحلم بزوج يكون نسخة مصغرة لوالدها الحنون


وبناءً على تلك الخطوط العريضة ترسم تفاصيل قد تخالف الأب في بعضها


سؤال للصبايا هل فعلا كل فتاة بأبيها معجبة؟.


--------------


http://rooosana.ps/Down.php?d=O04r


.:. والدي .:.


يامن احببتك حب لم يعتليه احد


ويامن عشقتك عشق لن يرتقيه احد


يامن تمنيت في هيئتك فارس احلامي


ويامن وجدت في طلتك رفيق دربي


اذا استمعت الى اقوالي وجدت نفسك قدوة


واذا نظرت الى افعالي وجدت نفسك محورا



----------




تحياتي لكم http://rooosana.ps/Down.php?d=AHbx فراشة

[.:.!دموع الرحيل!.:.]

سؤال للصبايا هل فعلا كل فتاة بأبيها معجبة؟

من جهتي .. أكيد وبشدة

بابا حبيب قلبي .. وكل الأوصاف الحلوة والمشاعر الطيبة بكنله ياها

ومتعلقه فيه بشكل مش معقول .. يعني لدرجة اني بشتقله وهو معنـا .. الله لا يحرمنـا منه

وكتير معجبة بتفكيره ورزانته وكل شي .. بس كمان بوافقك الرأيي بـ

وبناءً على تلك الخطوط العريضة ترسم تفاصيل قد تخالف الأب في بعضها

يعني بمقدار 15 % مش أكتر

بس بشكل عـام .. مقتنعه بالمثل الي بيحكي

كل فتـاة بأبيها معجبه .. لأني فعلا بعيشه .. !

يعيشوا فراشتي الغاليه ...

ما ننحرم يا رب http://rooosana.ps/Down.php?d=AHbx

[بقـ..ــايـ..ـا إنسـ..ـانـ]

فقط للصبايااااااا طيب
يلا يا صباااااااايا تعالووووووو جاوبوووووووو على السوووال
تقبلي مروري ^^

[.:.!دموع الرحيل!.:.]

فراشة بدي ياكي انتي تجاوبي عالسؤال كمان .. ^^

[Arabian girl]

برايي اه دائما
وكمان معظم الفتيات بتحب يكون زوجها شبيه بابيها بالصفات
والخلق وكل شيء ^^
مشكوة

[السيف عدي]

موضوع حلو ^_^ ..

[بنت فلسطين المجروحة]

اذا ابوها مو مقصر معها اكيد هتكون معجبة فيه

ولكن لو كان مقصر معها فاكيد مافي لا اعجاب ولا اشي


اما انا فمعجبة جدا بيه

الله يخليه الي

موضوع رائع فراشة

سلمتي

..

[فلسطينيه والراس مرفوع]

هل فعلا كل فتاة بأبيها معجبة؟.



اكــــــــيد بدون شــــــكـ يا فــــراشة

انا من جهتــــي بشووووف بابا احسن رجال في العالم كلـــــو :p

وما بتوقع في حدا احسن او اطيب منو

يؤبر البي :$ فديتو

طبعا لانو بابا اكيد رح اشوفو هيك

مش كل فتاة بابيها معجبة

تسلمي حبيتبي فرفر :p

[مؤيد]

مع اني شب يعني والموضوع مش موجه إلي ...

لكن فعلآً الأب اللي بيعرف يربي بنته صح ، وبيمدها بالحنان والحب واللطف من أول يوم ولآخر يوم في حياة بنته ، واللي بحاول دائماً يضل مع بنته وعلى تواصل معها ليسمعها ويسمع شو بيواجها في الحياة ، هادا اكيد بنته رح تحبه حب كبير وأكبر من حب البنت لزوجها ، مش بس رح تكون معجبة فيه ، رح تكون اكتر بكتير من هيك ...

لكن على النقيض من ذلك ، الأب اللي ما بيعرف بنته ولا أولاده ، وما بدخل البيت الا للنوم بس وطول ليلو ونهارو برا البيت أو بالشغل ، واللي دائماً ما عندو غير الصراخ على بناته وعلى زوجته وغير المشاكل في البيت ، هادا أب ما نتوقع انو رح بنته تحبه ... ضعف التواصل بين الأب وبنته مصيبة بتترك فراغ كبير وعطش عاطفي ممكن البنت تبحث عنه خارج البيت ازا ما لقيته جوا البيت ...

موضوعك جميل جداً فراشة ...

بارك الله فيكِ ...

[.:.!دموع الرحيل!.:.]

يالا فتح القسم ..

جاوي عالسؤال يا فراشة :p

[فراشة]

طبعا لازم اشاركم رأيي لاني ما حطيت الموضوع من فراغ ....



للأسف كتير بسمع بين زميلاتي انهم على خلافات مع والدهم وانهم ما بيعتبروه غير معيل لهم وفقط ,,, ولما بسألهم ليش بيحكولي هوه احنا بنشوفه !!!!


وبشوف كتير من قرايبي بس يسمعوا والدهم دخل البيت كل واحد عغرفتو ولا بعمرهم قعدوا حدو يحكو معو ولا بعمرهم قالولو اشتقنالك يا بابا ,,,,, يعني بينهم وبينو حواااجز كبيرة ..... بتوقع الوالد اللي خلقها ... يعني لو هوه متقرب منهم ومعودهم انو ابوهم يعني الحنان والشدة وقت الشدة وسندهم يلجأولو بكل شي ...




وانا رح اجاوب عن التساؤلات .......

بتمنى عنجد انو الله يرزقني بأنسان نص شخصية والدي .....

كتير قريب مني وبيقعد يسمعلي وما بتردد ابدا اني اناقشوا بأي مشكلة بواجهها ,, واحيانا بيلعب معنا وبنمزح سوا ولا كأنو ابونا ^^


الله يطوللنا بعمره يارب .....


عنجد بتمنى انو كل البنات تكون علاقتهم مع والدهم منيحة لانو كتير بريحها وبساعدها في شغلات بتكون هم عليها ....


تحيتي الكم جميعا ....

[فراشة]

من جهتي .. أكيد وبشدة

بابا حبيب قلبي .. وكل الأوصاف الحلوة والمشاعر الطيبة بكنله ياها

ومتعلقه فيه بشكل مش معقول .. يعني لدرجة اني بشتقله وهو معنـا .. الله لا يحرمنـا منه

وكتير معجبة بتفكيره ورزانته وكل شي .. بس كمان بوافقك الرأيي بـ


يعني بمقدار 15 % مش أكتر

بس بشكل عـام .. مقتنعه بالمثل الي بيحكي

كل فتـاة بأبيها معجبه .. لأني فعلا بعيشه .. !

يعيشوا فراشتي الغاليه ...

ما ننحرم يا رب http://rooosana.ps/Down.php?d=AHbx

الله يخليلك والدك وما تنحرمي منو ....


كتير حلوة علاقتك معو وياريت كل الصبايا متلك


نورتيني يا عسل :icon26:

[فراشة]

فقط للصبايااااااا طيب
يلا يا صباااااااايا تعالووووووو جاوبوووووووو على السوووال
تقبلي مروري ^^



فيك تشاركنا دموع ^^

بكرة بتصير أب لازم تعرف كيف تتعامل مع بناتك


نورت صفحتي

[فراشة]

برايي اه دائما
وكمان معظم الفتيات بتحب يكون زوجها شبيه بابيها بالصفات
والخلق وكل شيء ^^
مشكوة



عفوا الك


وشكرا عمشاركتك الي


تحيتي

[فراشة]

موضوع حلو ^_^ ..



مرورك أحلى ^_^

[فراشة]

اذا ابوها مو مقصر معها اكيد هتكون معجبة فيه

ولكن لو كان مقصر معها فاكيد مافي لا اعجاب ولا اشي


اما انا فمعجبة جدا بيه

الله يخليه الي

موضوع رائع فراشة

سلمتي

..


كلامك مزبوط اختي

الله يخليلك والدك وما يحرمكو من بعض

تحيتي الك وشكرا ع مشاركتك

[فراشة]

اكــــــــيد بدون شــــــكـ يا فــــراشة

انا من جهتــــي بشووووف بابا احسن رجال في العالم كلـــــو :p

وما بتوقع في حدا احسن او اطيب منو

يؤبر البي :$ فديتو

طبعا لانو بابا اكيد رح اشوفو هيك

مش كل فتاة بابيها معجبة

تسلمي حبيتبي فرفر :p



كتير انبسطت انو كتير من بنات المنتدى متفقين مع اباءهم ... الحمد لله والله يديم المحبة بينكو ...


تسلميلي يا سكر عالمشاركة الحلوة

ما ننحرم

[فراشة]

مع اني شب يعني والموضوع مش موجه إلي ...

لكن فعلآً الأب اللي بيعرف يربي بنته صح ، وبيمدها بالحنان والحب واللطف من أول يوم ولآخر يوم في حياة بنته ، واللي بحاول دائماً يضل مع بنته وعلى تواصل معها ليسمعها ويسمع شو بيواجها في الحياة ، هادا اكيد بنته رح تحبه حب كبير وأكبر من حب البنت لزوجها ، مش بس رح تكون معجبة فيه ، رح تكون اكتر بكتير من هيك ...

لكن على النقيض من ذلك ، الأب اللي ما بيعرف بنته ولا أولاده ، وما بدخل البيت الا للنوم بس وطول ليلو ونهارو برا البيت أو بالشغل ، واللي دائماً ما عندو غير الصراخ على بناته وعلى زوجته وغير المشاكل في البيت ، هادا أب ما نتوقع انو رح بنته تحبه ... ضعف التواصل بين الأب وبنته مصيبة بتترك فراغ كبير وعطش عاطفي ممكن البنت تبحث عنه خارج البيت ازا ما لقيته جوا البيت ...

موضوعك جميل جداً فراشة ...

بارك الله فيكِ ...



لا والله مؤيد بالعكس رأيك بهمنا جميعا ....


هاد اللي بحاول أوصله خلال موضوعي وفعلا المشكلة قد تكون من الوالد اللي بيقضي معظم وقتة خارج المنزل وبعيد كل البعد عن مشاكل وهموم اولاده ....


بزكر موقف حكالي يا والدي انو اجا ولي امر طالب تم استدعاءه ... فيحكيلو بابا انو ابنك اسمو محمد كتير مستواه ضعيف وكزا ,,,,, حكا والد محمد منو محمد بدي اشوف شكله لأعرفه ... دخلوه عالصف راح بابا سأل مين يا طلاب هاد أبوه !!!!!!


وقف طالب وحكى انا يا استاز ,,,, راح أبوه حكالو ,,, ابن أي وحدة من حريمي انتا ؟؟؟؟


تخيلو انو مو عارف أبنو ..... بعد هاد كلو متوقعين الابن يصلح ,,, رح تكون جميع العبر فيه .... ومش بعيد ينحرف ,,, لأنو مو لاقي اللي يوجهه لا دراسيا ولا اجتماعيا .....



سامحوني عالاطاله لانو فعلا قهرني هالموضوع ...


تحياتي الك مؤيد ,,,, بتسعدني ردودك .....

[فراشة]

يالا فتح القسم ..

جاوي عالسؤال يا فراشة :p



تسلمي يا غالية:icon26:

[إسراء الفلسطينية]

سؤال للصبايا هل فعلا كل فتاة بأبيها معجبة؟

بالنسبة الي فالجواب نعم !!

عمري ما بتخيل حياتي من غير أبوي

متعلقة فيه كتير كتير

و بحسو أكتر من أب والله

بابا بحسو أحسن أب ،، و بشوف انو مش ممكن الاقي متلو أبدا :icon26:

بلعبنا و منضحك سوا و وقت الجد منتناقش سوا ،، و بحس عقلاتنا راكبين ع بعض ،، يعني بالنوادر لحتى نكون مختلفين ع شي :icon11:

ع فكرة ،، من بين رفقآتي كلهم انا الوحيدة يلي عندي هل علاقة مع ابوي

هني بيستغربوا مني ،، و انا بستغرب منهم والله !

بتوصل معي مرات لدرجة اني أخبر ابوي عن اشيا صارت معي و ما اخبر امي !

بحمد الله والله على هل نعمة :icon26:

الله يخليلنا ياه يا رب ،، ما بتخيل حياتي من غيرو والله :icon26:

فيني أكتب عنو لبكرااا و ما بخلص !


،،

فرآآشتي موضوعك حلو كتير

تسلميلي يا رب

ما ننحرم منك :icon26:

و الله يخليلك الوالد :s (43):

[*ريحانة القلب*]

سؤال للصبايا هل فعلا كل فتاة بأبيها معجبة؟



شوفي من ناحية اعجاب .. اه اكيد انا معجبة فيه وبحبو كتييييير

بس ما في انسان كامل .. انا بتمنى منو ع مصغر ومع بعض التعديلات :icon11:


بصراحة بابا بحب شغلو كتير .. يعني بغيب عنا بالاشهر .. سفر وشغل

برجع اسبوع اسبوعين شهر .. حرام بحاول يعوضنا .. وبحكي معنا وبناقشنا وبسفرنا كمان

ع دول قريبة .. سورية سعودية .. بحاول يعوض تقصيرو بكل هالاشهر .. !


بس بالاوقات الي بكون فيها بعيد بحس انو ما بعرف عنا اشي .. فبكره الشغل وساعتو

بحسو غريب عنا .. !

يعني بتمنى متلو .. بس ما يكون عاشق شغلو لهاي الدرجة !




يسلمو فراشة

موضوع حلو


يعطيك العافية




’ ’ ’

[فراشة]

:icon26:بالنسبة الي فالجواب نعم !!

عمري ما بتخيل حياتي من غير أبوي

متعلقة فيه كتير كتير

و بحسو أكتر من أب والله

بابا بحسو أحسن أب ،، و بشوف انو مش ممكن الاقي متلو أبدا :icon26:

بلعبنا و منضحك سوا و وقت الجد منتناقش سوا ،، و بحس عقلاتنا راكبين ع بعض ،، يعني بالنوادر لحتى نكون مختلفين ع شي :icon11:

ع فكرة ،، من بين رفقآتي كلهم انا الوحيدة يلي عندي هل علاقة مع ابوي

هني بيستغربوا مني ،، و انا بستغرب منهم والله !

بتوصل معي مرات لدرجة اني أخبر ابوي عن اشيا صارت معي و ما اخبر امي !

بحمد الله والله على هل نعمة :icon26:

الله يخليلنا ياه يا رب ،، ما بتخيل حياتي من غيرو والله :icon26:

فيني أكتب عنو لبكرااا و ما بخلص !


،،

فرآآشتي موضوعك حلو كتير

تسلميلي يا رب

ما ننحرم منك :icon26:

و الله يخليلك الوالد :s (43):




ماشاء الله عنكو الله يحميكو من العين ...


والله كتير سعيدة انو علاقتك مع والدك بهالجمال ياريت كل البنات متلنا :icon31:


تسلميلي زغنونتي عالمشاركة الحلوة

ما ننحرم من هالطلة

[فراشة]

شوفي من ناحية اعجاب .. اه اكيد انا معجبة فيه وبحبو كتييييير

بس ما في انسان كامل .. انا بتمنى منو ع مصغر ومع بعض التعديلات :icon11:


بصراحة بابا بحب شغلو كتير .. يعني بغيب عنا بالاشهر .. سفر وشغل

برجع اسبوع اسبوعين شهر .. حرام بحاول يعوضنا .. وبحكي معنا وبناقشنا وبسفرنا كمان

ع دول قريبة .. سورية سعودية .. بحاول يعوض تقصيرو بكل هالاشهر .. !


بس بالاوقات الي بكون فيها بعيد بحس انو ما بعرف عنا اشي .. فبكره الشغل وساعتو

بحسو غريب عنا .. !

يعني بتمنى متلو .. بس ما يكون عاشق شغلو لهاي الدرجة !




يسلمو فراشة

موضوع حلو


يعطيك العافية




’ ’ ’



بحس أكتر شي بيبعد الوالد عن ابناءه هو شغلو الطويل ,,,

لازم نلتمسلهم العزر كمان وما نكون انانيين ,,

لمين بيتعب هوه ؟؟؟ اكيد لألنا

بس برضة خليكي قريبة منو ودايما بسفروا اسئلي عنو ,, مشان بس يجي ما تحسيه غريب :)



تحيتي الك ريحانة هلا شفت توقيعك (((( كل سنة وانتي طيوبة ))))

[شمس العروبة]

كل فتاة بأبيها معجبة

مقوله بمحلها انا بابا بالنسبة لية مثلى الاعلى

افكارنا وارؤنا واحدة

من شدة اعجابى بية دايما باقعد قصادة واتامله وهو بيحكى

دة انا حتى باتمنى اللى ارتبط بية يكون نسخة منه

ومتهيالى فعلا دة شعور اى بنت ناحية ابوها

تسلمى فراشة على الموضوع

مميز فعلا

كل الاحترام

[haya-jor]

انا من جهتي بحب ابوي لكن مو معجبه في بنختلف كتير عن بعض يعني ما في مجال للأعجاب لا برأيو ولا بأفكارو


شكرا على الموضوع

[العيون الحزينه]

بالنسبه الي خيتوو بابا كل حياتنا بنمووت علي معوضنا عن كل شي اللهلا يحرمن منو ولايحرم حدا من ابو يارب

يسلمووو موضوع كتييييير رووووعه

الله يعطيكي العافيه

[فراشة]

مرة شفت بالنت واحد كاتب ( الاب بعد سن الاربعين حلال طخة)

الله لا يوجهله الخير كأنه ضربني سكينة بقلبي ,, هاد آخر تعبه معاه وتربيتة اله

حسبي الله ونعم الوكيل فيه بس

[مآهينآز]

سؤال للصبايا هل فعلا كل فتاة بأبيها معجبة؟.

بعتقد ان هالأيام ما فى صبايا كتير ممكن يقولوا انهم معجبين بأبيهم

لانو الزمن اتغير .. وصدق اللى قال رحم الله زمان


لكن بالنسبالى ..

انا كتير معجبة بوالدى

بابا حبيبى الله يخليلى اياه..

كتير بحبه

مش بس لانو والدى

ولكن بحب كمان كتير شخصيته

بيعجبنى كتير فيه انه مواصفات صعبة إنى اشوفها كتير

طيووب كتير اوى وعمره ما بيزعل من حد ولا حد بيزعل منه

وكل الناس اللى بيعرفوه بيحبوه

كتير بيجبر اللى حواليه انهم يحترموه .. ولما بيتكلم بحس انو كل الموجدين بيسمعوه

حتى لو كان فى قاعد مع العيلة وهو اصغر واحد

بيعجبنى فيه كل حاجة

وكتير علاقتى بيه الحمد لله حلوة

بنتفاهم ونتناقش فى كل حاجة

الله يخليلى اياه يارب

تسلمى حبيبتى فراشـــــة على الموضوع

ما ننحرم مواضيعك المميزة يارب

دمتى فى حفظ الله

[مآهينآز]

مرة شفت بالنت واحد كاتب ( الاب بعد سن الاربعين حلال طخة)

الله لا يوجهله الخير كأنه ضربني سكينة بقلبي ,, هاد آخر تعبه معاه وتربيتة اله

حسبي الله ونعم الوكيل فيه بس

لا إله الا الله

الله يحفظنا ويجيرنا من عقوق الوالدين

الله يــرحــم زمــــان

[ღ حورية فلسطين ღ]

أأأأأأأأخ بابا :s (43):

ولا يمكن أقدر أوصف مدى إعجابي في بابا :s (43):

دعوة كل يوم بدعيها

الله يخليلي بابا ويبعتلي واحد يكون متلو

بطيبتو وحنيتو ودلالو إلي

((دلوعة باباها )):showoff:

دايما بحكيه هاد المثل وبعتز كتير فيه

كل فتاة بأبيها معجبة

وبالذات اذا كان أب زي بابتي :icon26::s (43):

فديتو :icon26:

[ღ حورية فلسطين ღ]

فراشة فوتي على هاد الموضوع حبيبتي ^_^

http://shabab.ps/vb/showthread.php?t=80508