المساعد الشخصي الرقمي

مشاهدة النسخة كاملة : طأ حنك ( بالعامية)


هادي
09-15-2008, 11:38 AM
مرحبا .. إخترت العنوان طأ حنك والموضوع كلوه بالعاميه حتى ناخد راحتنا أكتر بالحكي ويكون ( البساط أحمدي) ...

عنوان الموضوع : واقع الشباب في فلسطين
غريب شوي واقعنا .. الشباب ميالين للحزن أكتر من الفرح .. حتى الأغنية الحزينة بتفوت قلبنا بسرعه .. - طب ليه- معؤول تعودنا على الأحزان لهادي الدرجة؟؟؟!!!! ولا لأنو ساعات الفرح قليليه .. صرنا نخاف منها !!!!!!!!
كمان شي ... لو جينا سألنا بعض - بشكل عام طبعاً- شو الأنشطة إللي بيقدمها عنصر الشاب للمجتمع ؟؟؟! رح نلاقي الجواب : ليه إحنا نقدم؟؟؟!!! ما إحنا أصلاً مقهورين في هاد المجتمع .. حتى لو ما حكينا هيك بصراحه .. راح نوصل الفكره ضمناً .. وفي النهاية بنحمل - الإحتلال- سبب بلادتنا أو تقوقعنا على أنفسنا، طبعاً الإحتلال بيستهدف عنصر الشباب - بس مش معنى إنو نستسلم للواقع المفروض بسهولة ..
أنا بكل صراحه بكون مبسوط كتير لما أشوف شب مثقف .. بناقش وبيدافع عن آراؤه .. وكمان بكون مبسوط لما أشوف صبيه بتتكلم بكل ثقه وبتفرض على الآخرين إحترامهم إلها .. وبنفس الوقت بنزعج كتير من شب ( فارغ من الداخل) أو صبيه أكبرإهتماماتها .. ( الميك آب .. أو التسريحة) .. هلأ المظهر الخارجي أكيد مهم .. بس الأهم الجوهر .. المصيبة كيف لما يكون من غير مظهر أو جوهر ..!!!
حلو كتير كلام أمل دنقل: تُرى حين أفقأُ عينيك ثم أُثبتُ مكانهما جوهريتين هل ترى؟؟!!! هي أشياءٌ لا تُشترى...
هلأ في شي قاهرني كتير .. أغلي المؤسسات أو الجمعيات إللي بتهتم بالشباب مؤسسات أجنبية .. ودايماً بيكون إلها أهدافها واجنداتها الخاصة إللي بتخدم شبابنا مره وبستهدفهم مرات ... وباب الطأ والنأ مفتوح ..

Arabian girl
09-15-2008, 08:31 PM
اسفة ما قراتو كامل
مشكور كتير

● чάzεεđ ●
09-15-2008, 08:38 PM
شكرآ

sweet soul
09-15-2008, 09:20 PM
مممممممممم معك حئ انا اكتر مابسمع الا الحزين وبسرعه بتدخل ئلبي اي غنيه حزينه:icon5::icon5::icon5:
يمكن ع حسب النفسيه ....
واكيد الشباب هيك كمان خصوصي العايشيين بفلسطين وبغزه تحديدا انا بعرف صبايا وشباب بتمنو يموتو ولا هيك يضلو جوا سجن كبير فكل هاد بيأسر اكيد عل النفسيه بتخلي الواحد مكتئب وحزين ومش طايئ حالوو من هيك زروف

واحيانا شباب وصبايا بيخلصوا جامعه ومافي وزيفه ولا حدا معبر <<اكنو العرس عند جيرانا لانو ازا مافي واسطه بدو يوئف عل الدور وابصر ايمتى يحنو عليه.......:icon28::icon28:

وكتييييير كمان اسباب بتخلي كل الشباب هيك وانا منهم :icon5:

بس احلى شي الشب المسئف والصبيه انا كتير بنبسط بس اشوف هيك ناس بيفهموو

مممممممم طولت عليكم بس حبيت ابين الي عم اشوفو
ويسلمووووووووو موضوع روووووووووووووووووووووووعة:s (43)::s (43):

هادي
09-16-2008, 12:56 PM
شكراً للجميع ع المرور ..
Sweet Soul:s (43):

هلأ صحيح احنا عايشين بسجن كبير ـ حتى صغير مش كبيرـ وصحيح بيأثر على نفسياتنا .. بس لدرجة إنو نتمنى الموت !!!!!!!!!!
إزا كانت حياتنا صعبه أو أوضاعنا تعيسه .. لازم إحنا نغير شي حتى أولادنا ما يعانوا زينا ..
يعنى والله مرات لما بشوف طفل صغير بحزن عليه .. ما بيعرف شو مستنيه بس يكبر .. وإزا جيلنا تعايش مع الحزن وأدمن عليه .. شو ذنب الجيل الجاي!!!!!!!!!!!!
يسلمو سويت سول ..

فراشة
09-16-2008, 01:08 PM
اخي امجد ,,,

صحيح انو الشاب الفلسطيني حقوقه ضايعة بالنسبة لشباب العرب واحيانا طموحاته مو محققه لذلك بتلاقيه انو دائما مهموم وحزين ,,

ولكن رغم كل الصعاب اللي بمر بها الشباب بتلاقي بينهم ناس بتفتخر فيهم ,, قدروا يقهروا الصعاب ويحققوا احلامهم وطموحاتهم ,, مو بالطشات ولا بركوب احدث سيارة ,,بل بعملهم وبجهدهم ,,,

مثلا انا عندي نموذجين بحياتي دايما بقارن بينهم ,,, التنين بدرسوا نفس التخصص والتنين نفس العمر ,, لكن بتجد واحد ماهمو الدراسة واكبر همو الموضه والطلعات والخ ... اما التاني مثقف وواعي يعتمد عليه وايضا بحاول يحقق احلامه وطموحاتة ...

فيا امجد الوضع اللي احنا فيه سبب من اسباب قلة دافعية الشباب ,,, لكن بمقدور اللي بدو يتجاوز كل الصعوبات ليصير فرد يشار اليه بالبنان

تحياتي الك عالمناقشه الظريفه ..

فراشة

seedra
09-17-2008, 03:27 PM
كلامك درر يا أمجد عنجد مرات الواحد بتتعب نفسيتو
من هالقصص الي منشوفها عن الاطفال بفلسطين وموبس اطفال والكبار كمان
يعني ازا حضرتو اغنية الضمير العربي عنجد الصور الي فيها بتقطع القلب
يمكن بوقتها بكيت وتألمت عاللي بصير
عالشباب والاطفال
والله الشباب الي بفلسطين بحسهم ابطال يعني زي ما حكت فراشة في نمازج كتيرة من الشباب الي منفتخر فيهم
ودايما بتلاقيهم بقدرو الزروف مو انو همهم الطشات والسيارات وهالقصص هاي بس الاهم دايما انا بقول
انو الانسان وين ما كان يضل عندو امل ببكرة يكون أحسن والله يفرج هم كل المسلمين وين ما كانو
:s (43):شكرا أمجد عالموضوع والعنوان عجبني كتير:s (43):

بنت فلسطين المجروحة
09-17-2008, 09:25 PM
برايي مو بس الشباب الفلسطيني ميال للحزن اكتر من الفرح

كل شباب هالامة

لانه ارواحهم ازهقتها الحياة الفارغة او العجز عن الانجاز والاهم لوجود الفراغ الروحي وقلة الايمان


اما عراية المؤسسات الاجنبية

فلانها بدها اي مميز تاخده الها

وتستثمره لمصالحها

اما المسلمين

فيكفيهم البترول والشعوب النائمة

الناس الل بتفهم ضد مصلحتها

:)

موضوع رائع

كل الاحترام

هادي
10-23-2008, 02:07 PM
اخي امجد ,,,



ولكن رغم كل الصعاب اللي بمر بها الشباب بتلاقي بينهم ناس بتفتخر فيهم ,, قدروا يقهروا الصعاب ويحققوا احلامهم وطموحاتهم ,, مو بالطشات ولا بركوب احدث سيارة ,,بل بعملهم وبجهدهم ,,,

مثلا انا عندي نموذجين بحياتي دايما بقارن بينهم ,,, التنين بدرسوا نفس التخصص والتنين نفس العمر ,, لكن بتجد واحد ماهمو الدراسة واكبر همو الموضه والطلعات والخ ... اما التاني مثقف وواعي يعتمد عليه وايضا بحاول يحقق احلامه وطموحاتة ...

فيا امجد الوضع اللي احنا فيه سبب من اسباب قلة دافعية الشباب ,,, لكن بمقدور اللي بدو يتجاوز كل الصعوبات ليصير فرد يشار اليه بالبنان

تحياتي الك عالمناقشه الظريفه ..

فراشة

تسلمي فراشة ...
قلة الدافعية .. يعني مش مستعد يكافح ويثابر ليوصل..

هادي
10-23-2008, 02:19 PM
كلامك درر يا أمجد عنجد مرات الواحد بتتعب نفسيتو
من هالقصص الي منشوفها عن الاطفال بفلسطين وموبس اطفال والكبار كمان
يعني ازا حضرتو اغنية الضمير العربي عنجد الصور الي فيها بتقطع القلب
يمكن بوقتها بكيت وتألمت عاللي بصير
عالشباب والاطفال
والله الشباب الي بفلسطين بحسهم ابطال يعني زي ما حكت فراشة في نمازج كتيرة من الشباب الي منفتخر فيهم
ودايما بتلاقيهم بقدرو الزروف مو انو همهم الطشات والسيارات وهالقصص هاي بس الاهم دايما انا بقول
انو الانسان وين ما كان يضل عندو امل ببكرة يكون أحسن والله يفرج هم كل المسلمين وين ما كانو
:s (43):شكرا أمجد عالموضوع والعنوان عجبني كتير:s (43):


تسلمي سيدرا .. كلك زوء:s (43):
عنجد كليب الضمير العربي مؤثر .. عجبتني البنت إللي بتحكي فيه ( من مخيم جنين) أنا بفتخر إنها فلسطينية ..

aldama
10-23-2008, 02:20 PM
يعطيك العافية على الموضوع
والله وين ما تروح في حزن وكأابة
تقبل مروري

هادي
10-23-2008, 02:45 PM
برايي مو بس الشباب الفلسطيني ميال للحزن اكتر من الفرح

كل شباب هالامة

لانه ارواحهم ازهقتها الحياة الفارغة او العجز عن الانجاز والاهم لوجود الفراغ الروحي وقلة الايمان


اما عراية المؤسسات الاجنبية

فلانها بدها اي مميز تاخده الها

وتستثمره لمصالحها

اما المسلمين

فيكفيهم البترول والشعوب النائمة

الناس الل بتفهم ضد مصلحتها

:)

موضوع رائع

كل الاحترام
تسلمي بنت فلسطين ( مشاركة مميزه)
الفراغ الروحي وقلة الإيمان .. سبب مباشر .. وكمان الدول العربية ما بتهتم بالعقول والمبدعين .. أكيد صحيح

هادي
10-23-2008, 02:51 PM
يعطيك العافية على الموضوع
والله وين ما تروح في حزن وكأابة
تقبل مروري

طول بالك شوي!!! ما تشوف الجزء الفارغ من كاسة المي ... الدنيا لسه فيها خير
تسلم حبيبيaldama:s (43):

haya-jor
10-23-2008, 03:09 PM
اممممممم
يعني انا الي فهمتو انو انت قصدك من الموضوع عن المستوى الي شبابنا وصولوا
انا بشوف انو كتير اسباب ودوافع خلتنا هيك
بس هلأ احنا ما بدنا الاسباب لازم يكون في حلول عشان يبطل في سخافه وجهل وفراغ عند شبابنا
يعني خلينا على مستوى المنتدى بلقليله
لازم يكون في حوار جدي مو ولازم كل واحد يفوت ويكتب رد مالو معنى ولا طعم بموضوع مهم وتروح اهميتو وهاد كلو بسبب الجهل
انا برأي انو هاد الموضوع مهم ولازم يكون في حكي وناقش في

تسلم خي على هالطرح

بقـ..ــايـ..ـا إنسـ..ـانـ
10-23-2008, 03:14 PM
شكرا اليك حبيبي امجد

موضوع رائع ما بعرف شو بدي اعلق

تحياااتي

محمد ^_^

هادي
10-23-2008, 03:44 PM
اممممممم
يعني انا الي فهمتو انو انت قصدك من الموضوع عن المستوى الي شبابنا وصولوا
انا بشوف انو كتير اسباب ودوافع خلتنا هيك
بس هلأ احنا ما بدنا الاسباب لازم يكون في حلول عشان يبطل في سخافه وجهل وفراغ عند شبابنا
يعني خلينا على مستوى المنتدى بلقليله
لازم يكون في حوار جدي مو ولازم كل واحد يفوت ويكتب رد مالو معنى ولا طعم بموضوع مهم وتروح اهميتو وهاد كلو بسبب الجهل
انا برأي انو هاد الموضوع مهم ولازم يكون في حكي وناقش في

تسلم خي على هالطرح

إنتي إللي تسلمي... كلامك صحيح .. يعني نحكي في الحلول .. برأيي أول خطوه الرجعة للدين وقتل الفراغ السلبي .. بعمل إيجابي ويا ريت لو يكون عمل جماعي .. وأزا كان ما في حد مهتم بالشباب همه يهتمو بأنفسهم .. الثقافه بكل مكان في النت، التلفزيون، كتاب، في التحاور .. بس المهم إرادة الشخص . يعني مش غلط إني أحط خطه لمستقبلي ولو من الصفر .. على الأقل بيصير عندي دافع وطموح ...
ودمتم :s (43):

هادي
09-30-2009, 10:24 AM
شكرا اليك حبيبي امجد

موضوع رائع ما بعرف شو بدي اعلق

تحياااتي

محمد ^_^
نورت محمد

:ShababSmile235:

أم الوليد
09-30-2009, 10:43 AM
بتفق معك انو الواقع مشاكلو كتيييييييييييير وانو الشباب بتنكسر امالو واحلامو بسبب الظروف بس هاد مش بس بفلسطين بالعالم العربي عموما لانو متل ماتفضلت مافي مؤسسة بتغلب حالها لتحل مشاكلهم ومافي حد فاضي غير للكرة وستار اكاديمي وهيك نوعيات هدفها تدمير الشباب وغسل مخهم...بس مش معنى هيك يبطل الواحد يحلم ويعيش حزين ومكتأب !!!!وين الأمل والتفاؤل!!!!! المفروض احنا كشباب نزرع بغيرنا الأمل

موضوعك حلو كتير والي رجعة

هادي
09-30-2009, 11:30 AM
بتفق معك انو الواقع مشاكلو كتيييييييييييير وانو الشباب بتنكسر امالو واحلامو بسبب الظروف بس هاد مش بس بفلسطين بالعالم العربي عموما لانو متل ماتفضلت مافي مؤسسة بتغلب حالها لتحل مشاكلهم ومافي حد فاضي غير للكرة وستار اكاديمي وهيك نوعيات هدفها تدمير الشباب وغسل مخهم...بس مش معنى هيك يبطل الواحد يحلم ويعيش حزين ومكتأب !!!!وين الأمل والتفاؤل!!!!! المفروض احنا كشباب نزرع بغيرنا الأمل

موضوعك حلو كتير والي رجعة
تسلمي أم الوليد: (المفروض إحنا كشباب نزرع بغير الأمل) ومش نبئى طول حياتنا عايشين بإنتظار غيرنا ليساعدنا، كلام سليم

:ShababSmile240:

اسد 22
09-30-2009, 12:20 PM
اخي امجد اشكرك على الموضوع المميز لي عودة للتعليق

كلوديا
09-30-2009, 01:04 PM
مو بس الشباب اللي بفلسطين هيك يمكن الضغوط هناك اكتر...
بس في اي محل بالعالم العربي بتحس الشباب عندهم نفس المشاكل...
نادر ماتلائي شباب عم بئدموا شي لحالهم.لوطنهم.لدينهم...
ومتل ماحكيت امجد اهم شي الرجعه للدين
لانو كل واحد بيعرف شو الو وشو عليه...
هدا اكيد غير الراحه النفسيه اللي رح بيلؤوها
وبيتركوا الحزن ...
انا كتير بحب البرامج اللي بتحاول تغير واقعنا ونفسي يصير معها تفاعل ملموس
زي برنامج خواطر...
كتير حلو ومهم الموضوع يسلمو امجد...

أم الوليد
09-30-2009, 01:40 PM
نرجع لموضوعنا بعدين شباب فلسطين فيهم الأمل وعليهم العين في تحرير الأرض من مغتصبينها والأنجاس الي بسهلولهم المهمة ، اذا كل حد اعد ببيتو زعلان ودايئ خلئو لان مافي شغل ومافي عروس ومافي دراسة وعليه ديون والوضع سيئ بالله من ضل، الختايرة؟؟؟؟؟والنسوان والأطفال؟؟؟؟

لا بعرف الواحد بتمر لحظات ضعف كتير بتوقف عندو الحياة بنظرو وبشوف انو مش بايدو شي بس امجد احنا لازم نشيل هالفكرة من بال الي حولينا ودوم نزرع فيهم أمل مهما طال الليل الا مايطلع الفجر مابظن في مرة ماطلعت الشمس وضل ليل عطول بتمنى يكون اصدي واااااااااااااااضح ونبدأ بحالنا أول نشيل النضارة السودا الي شايفين فيها الدنيا ورح يكون بكره وبعدو اكيد احلى من اليوم ومبارح

فتاة طموحة
09-30-2009, 03:34 PM
أولا أحب أن أهنيك أخي (أمجد ) علي نزيف قلمكم المبدع
وللأمانة حبيت (أطأ حنك) معاكم بالعامية (الجزائرية) ولن أكيد ولا واحد يفهمني
وربما أخي (أمجد) هذه مشكلة الشباب وأنا لاأخص بالذكر الشاب الفلسطيني فقط
ولكن نحن كشباب أعتقد أول عائق أننا لم نجد لغاية الان من يفهم هذه الشريحة التي تمثل الاغلبية
صحيح أنا معك أن الشاب الفلسطيني يعاني مايعانيه في ظل الاحتلال وظروف العيش القاسية
ليجد نفسه في المقابل مطالب أن يفعل شئ وهو يعلم مسبقا أن ليس في مقدوره فعل شئ
ولكن تأكد أخي كل شباب الامة كل واحد يعتقد أنه يملك اكبر مشكلة او مشاكل الدنيا يحملها هو ولا أحد يعاني مثله وهذا ما يجعله ينقاد مجبرا لا مخيرا علي ا دمان الحزن لأنه يراه المتنفس او الشئ الوحيد الممكن ان يعبر عن حالتها
ففي القاع ذالك الشئ الذي يقع تحتي مسمي الواقع يجعل من طموحات واحلام الشباب تضيع منه لان له قانون قاسي يطبق عليبنا هو العيش تحت الظروف التي يفرضها لا بالاحلام والطموحات التي تحلم بها...قد يكون كلامي فيه تشائم ولكن هذا الواقع الذي تتحسر له القلوب وتعتصر له العقول
ويبقي علي الشاب دائما ان يقول ولكن لايوجد من يسمعه في هذه الظروف
كل الشكر أخي علي الطرح وأنا أسفة علي اطالتي
طأ حنكي

هادي
09-30-2009, 03:54 PM
مو بس الشباب اللي بفلسطين هيك يمكن الضغوط هناك اكتر...
بس في اي محل بالعالم العربي بتحس الشباب عندهم نفس المشاكل...
نادر ماتلائي شباب عم بئدموا شي لحالهم.لوطنهم.لدينهم...
ومتل ماحكيت امجد اهم شي الرجعه للدين
لانو كل واحد بيعرف شو الو وشو عليه...
هدا اكيد غير الراحه النفسيه اللي رح بيلؤوها
وبيتركوا الحزن ...
انا كتير بحب البرامج اللي بتحاول تغير واقعنا ونفسي يصير معها تفاعل ملموس
زي برنامج خواطر...
كتير حلو ومهم الموضوع يسلمو امجد...
أكيد كلامك بكل العالم مشاكل الشباب (بس فلسطين حاله استثنائيه)، والإحتلال بيستهدف الشباب بالدرجة الأولى..
كلوديا تسلمي عالمرور المميز

هادي
09-30-2009, 04:18 PM
نرجع لموضوعنا بعدين شباب فلسطين فيهم الأمل وعليهم العين في تحرير الأرض من مغتصبينها والأنجاس الي بسهلولهم المهمة ، اذا كل حد اعد ببيتو زعلان ودايئ خلئو لان مافي شغل ومافي عروس ومافي دراسة وعليه ديون والوضع سيئ بالله من ضل، الختايرة؟؟؟؟؟والنسوان والأطفال؟؟؟؟

لا بعرف الواحد بتمر لحظات ضعف كتير بتوقف عندو الحياة بنظرو وبشوف انو مش بايدو شي بس امجد احنا لازم نشيل هالفكرة من بال الي حولينا ودوم نزرع فيهم أمل مهما طال الليل الا مايطلع الفجر مابظن في مرة ماطلعت الشمس وضل ليل عطول بتمنى يكون اصدي واااااااااااااااضح ونبدأ بحالنا أول نشيل النضارة السودا الي شايفين فيها الدنيا ورح يكون بكره وبعدو اكيد احلى من اليوم ومبارح
أم الوليد أول حاجه ما شاء الله عليكِ دايماً مرورك مميز..
هموم الشباب في فلسطين هي هموم كل الشباب العربي + الإحتلال، وبعدين العين على كل شباب المسلمين في تحرير الأرض!!! ورأيي إنو ضغوط الإحتلال، والإختلاف الفلسطيني (سياسياً)، والوضع الإقتصادي السيء كلها عوامل خلت الشباب الفلسطيني عموماً يبعد عن إشي أسمو سياسيه، حتى صرنا تربه خصبه لأي تغيير جديد (بغض النظر عن الإيجابيات والسلبيات)، وكلامك أكيد ملك تجاوز هاد الوضع لازم يكون من نفس الشباب ..


:ShababSmile240:

هادي
09-30-2009, 04:32 PM
أولا أحب أن أهنيك أخي (أمجد ) علي نزيف قلمكم المبدع
وللأمانة حبيت (أطأ حنك) معاكم بالعامية (الجزائرية) ولن أكيد ولا واحد يفهمني
وربما أخي (أمجد) هذه مشكلة الشباب وأنا لاأخص بالذكر الشاب الفلسطيني فقط
ولكن نحن كشباب أعتقد أول عائق أننا لم نجد لغاية الان من يفهم هذه الشريحة التي تمثل الاغلبية
صحيح أنا معك أن الشاب الفلسطيني يعاني مايعانيه في ظل الاحتلال وظروف العيش القاسية
ليجد نفسه في المقابل مطالب أن يفعل شئ وهو يعلم مسبقا أن ليس في مقدوره فعل شئ
ولكن تأكد أخي كل شباب الامة كل واحد يعتقد أنه يملك اكبر مشكلة او مشاكل الدنيا يحملها هو ولا أحد يعاني مثله وهذا ما يجعله ينقاد مجبرا لا مخيرا علي ا دمان الحزن لأنه يراه المتنفس او الشئ الوحيد الممكن ان يعبر عن حالتها
ففي القاع ذالك الشئ الذي يقع تحتي مسمي الواقع يجعل من طموحات واحلام الشباب تضيع منه لان له قانون قاسي يطبق عليبنا هو العيش تحت الظروف التي يفرضها لا بالاحلام والطموحات التي تحلم بها...قد يكون كلامي فيه تشائم ولكن هذا الواقع الذي تتحسر له القلوب وتعتصر له العقول
ويبقي علي الشاب دائما ان يقول ولكن لايوجد من يسمعه في هذه الظروف
كل الشكر أخي علي الطرح وأنا أسفة علي اطالتي
طأ حنكي
يا ريت كل الطأ زي طأك

:ShababSmile240:
عجبتي جملة ( ليجد نفسه مطالباً أن يفعل شيئاً وهو يعلم مسبقاً أن ليس في مقدوره فعل شيء) بس مش معنى هيك الإستكانه للواقع .. على الأقل فكرياً!!
طموحة عنجد مرورك روعه

فتاة طموحة
10-01-2009, 08:10 PM
بس مش معنى هيك الإستكانه للواقع .. على الأقل فكرياً!!

علي مايبدو أخي (أمجد) أن عادة (طأ الحنك) من عاداتي السيئة
للأمانة هذه الجملة استفزتني أطأ حنك من جديد
فعلا وهذا الحقيقة الاستكانة فنحن وللأسف أدمناها فأصبحنا دائما نحمل الاخر المسؤولية وكأننا دائم الضحية او المجني عليها في القضية وأقصد بالاخر كل تلك الطقوس الملونة المحيطة بهذا الشاب الاقتصادية الاجتماعية والسياسية وحتي الفكرية
صحيح أن هناك من هو مسؤل ولا أنكر ان الشاب وضع في موضع مجبر لامخير ولكنه وفي نقطة من النقاط يتحمل المسؤلية صحيح انه مشكلة الشباب تتفاوات من بلد لأخر حسب الظروف ولكن اكبر مشكلة برأي الي جانب ما ذكرة هي المشكلة الفكرية
وقد تعني هذا المستوي والتي يمكن ان تعكس تلك الصورة التي يجب عليها الشاب كما تعني أيضا الوعي وهذا برأي يأتي في الدرجة الاولي أي يجب أن يعي انه لاينتظر بل لابد ان يكون المبادر بمعني لابد أن يكون الفاعل لا أن يستكين ويكون دائما المفعول به ....
أسفة والله فعلا أكتشفت أنني طأأت حنك
تقبل طأ حنكي

اسد 22
10-01-2009, 08:18 PM
اخي امجد هذا الزمن زمن الوحوش زمن اجبرنا عليه وسيتغير بأذن الله والله يورجينا بالظالمين الويل بقدوم المهدي

والخلافة الاسلامية التي سيرضى عليها جميع العباد مؤمناً وكافراً

فالقوانين الوضعية التي اجبرنا عليها حتى اصبح العالم العربي والاسلامي لعبة شطرنج بيد الدول التي سميت بالعظمى

اما في فلسطين إلي عشت فيه ما عجبني وضع الشباب برغم من وجود شباب مبدعين حتى الدول ما بتهم فيه

وبتروح موهبتهم لعدم وجود من يهتم بها وتأثرهم بالاغاني والكبار القدوة هم المسؤلين ما شاء الله عليهم

مسوين حلقات تعليمية في البيوت وان غيرت مسرى الموضوع نبهني اخي

الاحتلال مشيئة الله والله سبحانه خلق لنا العقل فلا نتحجج بالاحتلال بل لا بد من التفكر والتدبر

هادي
10-03-2009, 02:47 PM
علي مايبدو أخي (أمجد) أن عادة (طأ الحنك) من عاداتي السيئة
للأمانة هذه الجملة استفزتني أطأ حنك من جديد
فعلا وهذا الحقيقة الاستكانة فنحن وللأسف أدمناها فأصبحنا دائما نحمل الاخر المسؤولية وكأننا دائم الضحية او المجني عليها في القضية وأقصد بالاخر كل تلك الطقوس الملونة المحيطة بهذا الشاب الاقتصادية الاجتماعية والسياسية وحتي الفكرية
صحيح أن هناك من هو مسؤل ولا أنكر ان الشاب وضع في موضع مجبر لامخير ولكنه وفي نقطة من النقاط يتحمل المسؤلية صحيح انه مشكلة الشباب تتفاوات من بلد لأخر حسب الظروف ولكن اكبر مشكلة برأي الي جانب ما ذكرة هي المشكلة الفكرية
وقد تعني هذا المستوي والتي يمكن ان تعكس تلك الصورة التي يجب عليها الشاب كما تعني أيضا الوعي وهذا برأي يأتي في الدرجة الاولي أي يجب أن يعي انه لاينتظر بل لابد ان يكون المبادر بمعني لابد أن يكون الفاعل لا أن يستكين ويكون دائما المفعول به ....
أسفة والله فعلا أكتشفت أنني طأأت حنك
تقبل طأ حنكي
لما يكون طأ الحنك .. بموضوع مفيد بيكون عاده مش سيئة، ما شا الله عليكي .. كفيتي ووفيتي ..


:ShababSmile240:

عين فلسطين
10-03-2009, 03:08 PM
اولا اخوي امجد متل العادية
موضيعك كتير مهمة وخقيقة نشوف بواقعنا اليوم

الشباب هالقيت بغزة خصوصا ما عندهم امل نهائي وانت حكيت انو اسرئيل بتستهدف شريحة الشباب انا بدي ازيد انو مش بس اليهود اللي بيستهدفو الشباب كمان الاحزاب السياسية ممكن تغير مبادئ الشباب بالاضافة متل ما حكيت انو كل المؤسسات اللي بتهتم بالشباب اجنبية ...نحنا ليش نسمح للغرب بانو يجلي من الجانب المساند والمناصر ويغزو فكر شبابنا انا مش مع اللي بحكي انو الشعوب متخاذلة بالعكس الشعوب العربية الها وقفاتها مع الشباب وفيها مبدعين بس الحكومات اللي ما بتعطي لشعوبها الحرية في المساندة والتعبير عن رأيهم
بس بضل داخل شبابنا امل حتى لو ما بين عليهم الامل مستحيل ينتهي من اي شخص

تقبل رايي اخ امجد

Anonymous Gril
10-03-2009, 03:22 PM
كل منـأ حزين ..

لأنهـ بنعيش في عالمـ كل احباط وضبط للحريات والأفكار والإبداع ..
ممكن تكون هناك ضغوط نفسية وأهوهام إن كل اللي حولي بكرهوني..
لأنهـ الألم والأحزان .. بتدخل وبتنزف معها جروح و دموع ..

بدك الحق ..

لأنهـ السعادة عمري ما عشتها ولا سمعت فيها ..

لأني مسلوب حرية وأمان .. وعايش بسجن كبير ..

هالسجن . غربة .. حرمان عودة للوطن.. حصار.. إلغاء حرية الرأي..

لأنك انت فلسطيني ممنوع تشارك بكل شي..

لانك فلسطيني .. كن ذليل .. واشرب مية غسيل..

الحزن .. تغلل فينا لأنهـ احنا ممنوعين من كل شي..

مكبوتين.. والله بحس انك ان حكيت انا فلسطيني .. الكل بكرهك
و الكل بعتبرك ارهابي و أسوأ مخلوق في الأرض..

ا***
مثلا انا اغلب حياتي احزان..

لانه ممنوعة احكي رايي و ممنوع اني ارجع ع وطني..

و كل شي مرغوب عند غيري المفروض مرغوب عندي .. فهو ممنوع..

***

معظم الأحزان بتجي من الحياة اللي عايشينها ..

حرمان / كتم / منع حريات..
احتلال/.. تشريد/ قتل..

قصف/ تفريق عنصري/ ذل و قهر ..
بيعجبني كل شي حزين .. لانهـ بحس انه بعبر عني لاني تعودت عليه..

ع فكرة اوقات بكون بقمة حزني بس ببتسم عشان .. ما يشفقوا علي لاني فلسطيني..

نفسي بمرة نقول كلمة حق.. بدون منخاف من حدا

***
ما بعرف برجع بحكي بالموضوع حاسة حالي خبصت ..هههـ ^_^

هادي
10-03-2009, 03:30 PM
اخي امجد هذا الزمن زمن الوحوش زمن اجبرنا عليه وسيتغير بأذن الله والله يورجينا بالظالمين الويل بقدوم المهدي

والخلافة الاسلامية التي سيرضى عليها جميع العباد مؤمناً وكافراً

فالقوانين الوضعية التي اجبرنا عليها حتى اصبح العالم العربي والاسلامي لعبة شطرنج بيد الدول التي سميت بالعظمى

اما في فلسطين إلي عشت فيه ما عجبني وضع الشباب برغم من وجود شباب مبدعين حتى الدول ما بتهم فيه

وبتروح موهبتهم لعدم وجود من يهتم بها وتأثرهم بالاغاني والكبار القدوة هم المسؤلين ما شاء الله عليهم

مسوين حلقات تعليمية في البيوت وان غيرت مسرى الموضوع نبهني اخي

الاحتلال مشيئة الله والله سبحانه خلق لنا العقل فلا نتحجج بالاحتلال بل لا بد من التفكر والتدبر
تسلم أسد ..
أنا معك بمسألة الحلقات، وعدم إهتمام دولنا بالمبدعين..
بس بمسألة المهدي والخلافة ( إللي تعقيب بسيط):
أكيد المهدي أو الخلافة (هو عوده لما صلُح به أول هذه الدنيا، وبالتالي سيصلُح به آخرها)، لكن مش معنى هيك إنو نعيش على أمل الخلافة بدون عمل فعّال لإقامتها!!
( وقل اعملوا ..)



:ShababSmile240:

هادي
10-03-2009, 04:27 PM
كل منـأ حزين ..

لأنهـ بنعيش في عالمـ كل احباط وضبط للحريات والأفكار والإبداع ..
ممكن تكون هناك ضغوط نفسية وأهوهام إن كل اللي حولي بكرهوني..
لأنهـ الألم والأحزان .. بتدخل وبتنزف معها جروح و دموع ..

بدك الحق ..

لأنهـ السعادة عمري ما عشتها ولا سمعت فيها ..

لأني مسلوب حرية وأمان .. وعايش بسجن كبير ..

هالسجن . غربة .. حرمان عودة للوطن.. حصار.. إلغاء حرية الرأي..

لأنك انت فلسطيني ممنوع تشارك بكل شي..

لانك فلسطيني .. كن ذليل .. واشرب مية غسيل..

الحزن .. تغلل فينا لأنهـ احنا ممنوعين من كل شي..

مكبوتين.. والله بحس انك ان حكيت انا فلسطيني .. الكل بكرهك
و الكل بعتبرك ارهابي و أسوأ مخلوق في الأرض..

ا***
مثلا انا اغلب حياتي احزان..

لانه ممنوعة احكي رايي و ممنوع اني ارجع ع وطني..

و كل شي مرغوب عند غيري المفروض مرغوب عندي .. فهو ممنوع..

***

معظم الأحزان بتجي من الحياة اللي عايشينها ..

حرمان / كتم / منع حريات..
احتلال/.. تشريد/ قتل..

قصف/ تفريق عنصري/ ذل و قهر ..
بيعجبني كل شي حزين .. لانهـ بحس انه بعبر عني لاني تعودت عليه..

ع فكرة اوقات بكون بقمة حزني بس ببتسم عشان .. ما يشفقوا علي لاني فلسطيني..

نفسي بمرة نقول كلمة حق.. بدون منخاف من حدا

***
ما بعرف برجع بحكي بالموضوع حاسة حالي خبصت ..هههـ ^_^
تسلمي Anonymous Gorl!!!
لو كنتي ممنوعه تحكي رأيك إحكيه هون!! ولا لشو المنتديات .. هون بتحكي رأيك وفي حد يسمعك .. وما تيأسي واقعنا إحنا جزء منو وتغييرو للأفضل واجب علينا، وكونك فلسطينيه هاد بحد ذاتو شرف كبير إلك (لازم تفتخري فيه وترفعي راسك)، الفلسطينيه بيدافعوا عن فلسطين نيابةً عن كل المسلمين في العالم، والنصر موعدنا (بوعد رب العالمين)..
(وتلك الأيام نداولها بين الناس)
(إن مع العسر يسرا)

عين فلسطين
10-03-2009, 05:26 PM
شكلو رايي ما عجبك اخ امجد؟؟؟

raw7anifalsteen
04-11-2010, 12:37 AM
صدقوني يا اخوان لوقلتلكم ان قرية عمواس وقرية يالو وقرية دير ايوب وجزء من بيت نوبا عاملين اليهود عليهم شيك وفالتين فيهم بقر ,حره ترعى وتتجول زي ما بدها يعني شبه محميه طبيعيه ,حد بتوقع اني مستعد احلف ان المسافه الممنوحه للعجل يتحرك فيها بدون محسوم اكتر مني,وهذا كفايه عشان الواحد يظل حامل ماكنة فحص الضغط معاه.بس بعد قرائة تعليقاتكم بالئدسي صار لازم حبه تحت اللسان.

اسد 22
04-11-2010, 09:08 AM
100% اخي امجد

ما شاء الله عليك المهم طمني عنك

اكيد انا ما بقدر اغير عالم انا يقدر اغير نفسي واولادي في المستقبل إن شاء الله

هادي
04-11-2010, 09:46 AM
اولا اخوي امجد متل العادية
موضيعك كتير مهمة وخقيقة نشوف بواقعنا اليوم

الشباب هالقيت بغزة خصوصا ما عندهم امل نهائي وانت حكيت انو اسرئيل بتستهدف شريحة الشباب انا بدي ازيد انو مش بس اليهود اللي بيستهدفو الشباب كمان الاحزاب السياسية ممكن تغير مبادئ الشباب بالاضافة متل ما حكيت انو كل المؤسسات اللي بتهتم بالشباب اجنبية ...نحنا ليش نسمح للغرب بانو يجلي من الجانب المساند والمناصر ويغزو فكر شبابنا انا مش مع اللي بحكي انو الشعوب متخاذلة بالعكس الشعوب العربية الها وقفاتها مع الشباب وفيها مبدعين بس الحكومات اللي ما بتعطي لشعوبها الحرية في المساندة والتعبير عن رأيهم
بس بضل داخل شبابنا امل حتى لو ما بين عليهم الامل مستحيل ينتهي من اي شخص

تقبل رايي اخ امجد
آسف عين فلسطين .. تأخرت بالرد
وكلامك صحيح ورأيك عجبني ..
هلأ ليش بنسمح للغرب يغزونا فكرياً؟
ممكن هاد الموضوع متل ما إلو سلبيات إلو إيجابيات .. هلأ الستالايت كافي للغزو الفكري!! المهم إنو إحنا كيف ناخد المفيد ونترك السيء، المسألة مسألة مبدأ..
ويسلمو عين فلسطين


:ShababSmile240:

هادي
04-11-2010, 09:51 AM
100% اخي امجد

ما شاء الله عليك المهم طمني عنك

اكيد انا ما بقدر اغير عالم انا يقدر اغير نفسي واولادي في المستقبل إن شاء الله


تسلم أسد والله بحس حالي بين أهلي وأصحابي هون .. أنا بخير .. إنو مريت بوئت صعب شوي .. يا رب دايماً تكون بألف خير أسد

:ShababSmile116:

هادي
04-11-2010, 10:03 AM
صدقوني يا اخوان لوقلتلكم ان قرية عمواس وقرية يالو وقرية دير ايوب وجزء من بيت نوبا عاملين اليهود عليهم شيك وفالتين فيهم بقر ,حره ترعى وتتجول زي ما بدها يعني شبه محميه طبيعيه ,حد بتوقع اني مستعد احلف ان المسافه الممنوحه للعجل يتحرك فيها بدون محسوم اكتر مني,وهذا كفايه عشان الواحد يظل حامل ماكنة فحص الضغط معاه.بس بعد قرائة تعليقاتكم بالئدسي صار لازم حبه تحت اللسان.
وأنا والله متلك .. ليش تعال شوف عنا الحرم الإبراهيمي .. بكل مكان بفلسطين في أرض مسلوبه وتاريخ مزور ومقدسات مدنسه .. وكمان في شعب صامد مزروع بهالأرض وأجيال ما رح تنسى ترابها ووطنها ..
ـ للي ما بيعرف (محسوم): كلمه بالعبرية معناها حاجز، والمقصود حاجز عسكري صهيوني..



:ShababSmile240:

نسمة جزائرية
04-11-2010, 06:11 PM
برايي مو بس الشباب الفلسطيني ميال للحزن اكتر من الفرح

كل شباب هالامة

لانه ارواحهم ازهقتها الحياة الفارغة او العجز عن الانجاز والاهم لوجود الفراغ الروحي وقلة الايمان


اما عراية المؤسسات الاجنبية

فلانها بدها اي مميز تاخده الها

وتستثمره لمصالحها

اما المسلمين

فيكفيهم البترول والشعوب النائمة

الناس الل بتفهم ضد مصلحتها

:)

موضوع رائع

كل الاحترام

هذا كلام جواهر مش رح نزيد عليه

موضوع مميز امجد بارك الله فيك

عبير الورد
04-12-2010, 03:27 AM
حالة الإحباط واليأس التي تسود الوضع الفلسطيني وتلقي بظلالها على الطفل والشاب والفتاة وحتى من تقدمت أعمارهم بالسن جراء الانقسام وتفكك شطري الوطن وتدهور الأوضاع الداخلية إضافة إلى الممارسات والاعتداءات المتكررة لسلطات الاحتلال الإسرائيلي وانتهاكاتها المتواصلة لا يزال ثقل الهم يسيطر على الشباب الفلسطيني الذي بدأ يفكر بالهجرة كنوع من التمرد على الظروف وذلك لانعدام فرص العمل وتدهور الأوضاع الاقتصادية والمعيشية .

يسلمو كتير اخي امجد على الموضوع الرائع

هادي
04-13-2010, 11:18 AM
حالة الإحباط واليأس التي تسود الوضع الفلسطيني وتلقي بظلالها على الطفل والشاب والفتاة وحتى من تقدمت أعمارهم بالسن جراء الانقسام وتفكك شطري الوطن وتدهور الأوضاع الداخلية إضافة إلى الممارسات والاعتداءات المتكررة لسلطات الاحتلال الإسرائيلي وانتهاكاتها المتواصلة لا يزال ثقل الهم يسيطر على الشباب الفلسطيني الذي بدأ يفكر بالهجرة كنوع من التمرد على الظروف وذلك لانعدام فرص العمل وتدهور الأوضاع الاقتصادية والمعيشية .

يسلمو كتير اخي امجد على الموضوع الرائع
معك حأ عبير .. بالنهاية احنا لسه عايشين تحت احتلال .. بينهب مواردنا وبيحاصرنا ببيوتنا وبحاربنا حتى بلئمة عيشنا .. والانقسام كمل علينا .. والشباب همه الأكتر استهدافاً لضرب معنوياتهم ..
الخلاصة احنا هون صامدين .. ورح يزول الاحتلال والانقسام ونضل احنا هون ..